رايكم ياشباب الارض ولا الاسهم ؟ ؟ ؟ ؟

[حمد]

شباب اشرايكم ... الواحد ايخلي الاسهم الي عنده ولا يشتري اراضي ويخليها ... لان الصراحه الاسهم

كل مالها ترتفع وتغري ان الواحد ايخليها ... والاراضي كل مالها ترتفع وتخوف الي ماعنده اراضي ...

مادري ايش رايكم ....

يعني ابيع ولا انطر .... بس اخاف اذا نطرت زياده عقب ماحصل شي رخيص ...

فأجو منكم ابداء الراي .... ومشكورين مقدما ...

---

اي صح نسيت اقول

عندي حدود 500 الف هذيل لين اليوم ... مواشي - وقود - مخازن - فحص فني -

اما صناعات مافكر ابيعها الحين ... مع ان الاسهم الي عندي كثيره :rolleyes: ... شرايكم ؟

الزبده ابيع الصغار واخذ لي ارض ....

ولا ابيع كل الاسهم واخذ لي عدة اراضي :confused:


حمد

[مغروور قطر]

اخوي حمد انا في الرأيي الانتظار الى شهر 4 وبعدين انصحك بشراء الارض الضمن لك واذا كانت عندك اسهم فيها زايدة راس المال انتظر زياده ولكم الرأيي

[ابوعلي اليافعي]

اعتقد بان العقار لازال مستقر خلال هذه الفتره وسيستمر الى نهاية شهر سته والسبب في ذالك ان معظم توجه المستثمرين الان ينصب في الاسهم لما لها من مردود ممتاز خلال هذه الفتره وبعد ان تهداء الامور في سوق الاسهم ستكون هناك جوله جديده واعتقد بانها ستكون قويه مع سوق العقار..والله اعلم

[The Edge]

أضم صوتي ألى صوت بو علي, ونعم الرأي

[Banana]

:) :)
مرررررحبا
اخوي الحين وقت الاسهم ولما يدخلون الاجانب ويصبح السوق عادي في تداوله نرجع للعقارات هذا رأئي الان الاسهم اسرع في الربح الان وفي هذا الوقت .وصحيح التنويع افضل ولاتضع البيض في سله واحده حتى لاينكسر .وهذا شىء راجع لك حكم عقلك . اما عن السوق انا بعتقادي الامور راح تكون على مايرام وكل يوم الناس اتطلع اشاعات الا سوق الدوحة بيصير مثل سوق المناخ (شركاتنا حقيقية تبشر بالخير وكل خير انشاء الله وبإذنه مثال انتم تذكرون سعر كيوتل لما وزعت 8,5 اظن 265 ريع السهم 2,06 الاسبوع اللي فات - كم سعرها اليوم 357,60 والاجانب داخلين فيها بنسبة25%) واكمل الا بيكون هناك هبوط حاد والناس تخاف وتبيع والاالسوق مرتفع والكلام اختلف مش 180 درجة كل يوم 360 درجة ياجماعة الخير والله مراح يصير الا كل خير واقتصاد قطر الخير يبشر بما هو خير واخير .واهتمام سمو الامير الله يحفظه ويعطية الصحة والعافية آمين يارب العالمين وكذالك اهتمام سعادة النائب الثاني وسعادة الوزير وكل المسئولين في السوق الدوحة مقترن بسمو الامير الله يحفظه . من حيث الحفاظ على صغار المستثمريين و ل25% هي اللي راح تحمينا والسياسة الحكيمة والرشيدة من بعد الله وجا يكم الخير يا أهل قطر وصبروا شوي لحد مايدخلون الاجانب وتابعوالعرض والطلب انتم ربحانين ربحانين وحتى لونزل السعر شوي تصحيح وحتى ايام التصحيح تقلصت.ولاتغفلون عن سعر الناقلات ارفعوه فوق فوق ياصغار المستثمريين . ياالله يارب يوصل فوق 200 قولوا آمين يارب العالمين عشان نبيع شوي ونسدد ديونا وشوي حق المضاربة والباقي نستثمرة مثل السهم الذهبي سهم الخير وخلكم معاه ولاتخلون عنه نصصصصصصصصصصصصصصصيحة .والله يوفق الجميع وطمنوا اقلوبكم راح يكون التداول عادي مثل ماكان واحسن وبترجع الامور عاديه. :) ويسلم لنا بومشعل راعي المكرماتي :)

[ابوسعود]

السلام عليكم
اخوي اتمنى لو وضحت اكثر هل تريد العقار للاستثمار او لغير الاستثمار

اذا كان للاستثمار :
اتوقع انك تنتظر شوي في البورصه لان الارباح اللي بتحققها من خلال البورصه اكثر بكثير
من الارباح الارباح اللي بتحققها في العقار ولاتنسى ان البورصه سهله يمكنك البيع اليوم
والشراء غدا يعني المبلغ اللي معاك حر تقريبا ولكن في العقار احتمال ينباع واحمتال ماينباع
...................فيه ملاحظه مهمه
الدنيا فرص واذا وجدت عقار رخيص اكثر يعني فرصه استثماريه تتوقع ارتفاعه بعد شهرين او3
الى الضعف فاقول استخر وتوكل على الله لانها فرصه

واذا كانت لغير الاستثمار
فاتوقع يجب عليك ان تنتظر حتى يعود السوق الى حالته الطبيعه يعني بعد انتها العصر الذهبي
للبورصه
واتمنى لك التوفيق
تقبل تحياتي
ابوسعود

[رحال]

الى الا خت / موزه السويدي المحترمه

بعد التحية ،،،

أنا من المتابعين لكتاباتك من خلال منتدى بشير الكحلوت
وهذا المنتدى مع العلم في ردك على مقالة الارض ولا الا سهم هي
نفسها الموجوده في موقع الكحلوت وجننتي الرجال وخليتيه يسكر
الموقع لحين اشعار آ خر ويذكرني بحفيز بن عاقول الله يستر الظاهر الدور
علينه لكن طلتك حلوه وخفيفه على القلب بس خفي على الرجال
وسلا متك !!!

[Banana]

:) :)



مرررررررحبا

غلطان اخي بوعبد الرحمن الظاهر انك غير متابع جيدا لمواضيع منتدانا اقراء من البداية واعرف السبب. . اما انا واعوذ بالله من كلمة انا ارد عليك واقول (فلولا الموج ماتكونت بحور ولولا اشتعال النار فيما جاورت ماكان يعرف طيب عرف العود فحترام الموقع من احترام صاحبه واستاذ بشير اكن له كل احترام... والله يوفقنا جميعا.
:) ويسلم لنا بومشعل راعي المكرماتي :)

[جمال النعيمي]

السلام عليكم

الارض والاسهم كلاً يكمل بعضة

يعني بعد الاسهم لا طريق غير الارض والعمار

وهناك مقولة ان العقار يمرض ولكن ابداً لايموت

واعتقد لايوجد استثمار احسن من العقار

العقار شيخ ولكن الاسهم لابد ان يجي يوم توصل سقف تقف عنده ولكن ابداً مارينا ذلك في العقار

الدولة اعطة الكثير الكثير تعويضاً بدل نزع الملكية منذاكثر من عامين الكثير من الملايين للناس في الريان في البدع في رميلة في وادي السيل

اما عن تسمية السهم الذهبي و بكرة عن الناقلات وشى بيكون السهم الماسي

[ابو ابراهيم]

انصدمت لما شفت موقع الاستاذ بشير مغلق
الله يعينا على الوقوف بجلنب هذا الرجل
بالنسبة للاراضي اذا كنت بتشتري وتبني وتبيع
فانا اقولك بلا اسهم بلا خرابيط
مع احترامي لعشاق الاسهم

[ابوعلي اليافعي]

الاخ ابو عبد الرحمن الموضوع عن الاسهم او العقار والاخت موزه السويدي ابدت رايها وحتى وان كان الراي يخصها و مكرر في موقع اخر فلايوجد مشكلها في تكراره ان كان يئدي القرض...اخوي بو ابراهيم اعتقد بان تشبيه الاسهم بالخرابيط مثل تشبيه الماء بالنار او الليل بالنهار..الاسهم اقتصاد دول وافراد ..وان كانت هذه مشاركتك الاولى فاتمنى منك اختيار اسلوب اخر فالرد والحوار..وشكرا

[رحال]

الى الا خت / موزه السويدي المحترمه

بعد التحية ،،،

من يركب البحر عليه أن لا يخشى الرياح !!!

[هداف]

انصحك با لعقار سوقه ثابت وما يخوف ... على النقيض البورصات معرضه للسقوط

المشكله الجماعه كل مواضيعهم تحفيز وتشجيع طيب ما قلنا شي لكن اكتبوا مشاكل البورصات العالميه وما قد حل فيها من افلاس وضياع مليارات ..... وحنا وش حنا من ها لدول !!!!!!!!!!! الاقتصاد هو الاقتصاد

يعني بمثال بسيط لو ايران تضرب سفينه امريكيه في بحر الخليج اسهم نا قلات بريال محد يشتريها

يا جماعه حنا في منطقه ساخنه منطقه كلها احداث غير مستقره ولا حنا بمستقرين الى ان يرحمنا الله



زبدة الكلام عليك با لعقار .. والاسهم مثل البحر الموج معاك اسبح ولكن حذراي لا يدور عليك الهوى !!