فيزا الوطني .. ؟؟

[م. عبدالعزيز]

السلام عليكم
شحالكم ياجماعه،،؟؟ ؟ياشباب شرايكم في فيزا بنك قطر الوطني؟ انا عندي حساب وينزل عليه الراتب وخدماتهم حلوه، ابغي اسأل عن بطاقة الفيزا مالتهم شلون زينه ولا لا ؟ وهل ياخذون فوايد ولا لا لاني سمعت انه فيه ربا وبغيت اعرف شلون يكون فيه ربا مع اني احس انه ماله علاقه
وفكرت اطلع فيزا من المصرف الاسلامي واحد يقولي اضمن لك مريت عليهم بس يقولون مايصير لازم تحول الراتب علينا وسالفه
انا حبيت اسأل لانه ممكن هالشي مب واضح لي وما ابي ادش بالحرام وانا ما ادري واتمنى مساعدتكم لي ومشكووورين :victory:


اخوكم م.عبدالعزيز

[keep calm]

السلام عليكم
شحالكم ياجماعه،،؟؟ ؟ياشباب شرايكم في فيزا بنك قطر الوطني؟ انا عندي حساب وينزل عليه الراتب وخدماتهم حلوه، ابغي اسأل عن بطاقة الفيزا مالتهم شلون زينه ولا لا ؟ وهل ياخذون فوايد ولا لا لاني سمعت انه فيه ربا وبغيت اعرف شلون يكون فيه ربا مع اني احس انه ماله علاقه
وفكرت اطلع فيزا من المصرف الاسلامي واحد يقولي اضمن لك مريت عليهم بس يقولون مايصير لازم تحول الراتب علينا وسالفه
انا حبيت اسأل لانه ممكن هالشي مب واضح لي وما ابي ادش بالحرام وانا ما ادري واتمنى مساعدتكم لي ومشكووورين :victory:


اخوكم م.عبدالعزيز

الله يجزاك خير ....اذا راتبك ينزل عندهم وتستفسر عن الفيزا حلال ولا حرام انت في قلب الحرام
اطلع من البنك بكبره ربوي وحرام في حرام هذا شي مايحتاج توضيح وانتقل الى بنك اسلامي بأختصار شديد

[م. عبدالعزيز]

الله يجزاك خير ....اذا راتبك ينزل عندهم وتستفسر عن الفيزا حلال ولا حرام انت في قلب الحرام
اطلع من البنك بكبره ربوي وحرام في حرام هذا شي مايحتاج توضيح وانتقل الى بنك اسلامي بأختصار شديد
كح كح... اما في قلب الحرام !! والله خرعتني ياخوي
امممم حسابي جاري ومتابع كل الحساب اول باول ماعندي أي اضافات غير الراتب واشوف الامور عاديه !!
عموما خلنا نشوف الباقي!

وأي بنك ترشح لي غيره؟؟ وابي قريب لطريق سلوى لاني ساكن هالصوب

[ضوى]

الفيزا عليها فوايد للاسف الشديد وكل ما تاخرت تزيد الفوايد اقصد الربا بلا ما نجمل الكلام

احسن بنك تعاملت معاه هو مصرف قطر الاسلامي ، وعندهم فيزا بس يسحبون اول باول مب على كيفك تحدد النسبة اللي ياخذونها من راتبك يعني اللمت عندك 7000 تسحبهم اول الشهر اخر الشهر ومع نزول الراتب تنسحب كلها وما عليها اي فوايد او ربا بس رسوم الفيزا كل سنة

اتمنى اكون افدتك

[alwahesh]

الدولي الاسلامي .............احسن بنك


وبالنسبه لتحويل الراتب ما اعتقد لان انا حسابي في الوطني وعندي فيزا وداينرز وماستركارد من البنك التجاري وبدون تحويل الراتب

وعنك بنك ستاندرد شارتدد بنك بعد انا عندي فيزا وماستر ولا طلبو مني تحويل راتب ولا حتى شيكات ولا رقم حسابي في الوطني وكل اخر الشهر اروح ادفع عن طريق جهاز الصراف الالي

بالتوفيق

ومثل ما قالو الشباب ابتعد عن البنوك الربويه لانها هي السبب في دمار الشباب

[م. عبدالعزيز]

شكرا جزيلا ضوى... ننتظر الباقي لو اي حد عنده اقتراحات شي بيفيدني بيكون شي طيب:)

[م. عبدالعزيز]

الدولي الاسلامي .............احسن بنك


وبالنسبه لتحويل الراتب ما اعتقد لان انا حسابي في الوطني وعندي فيزا وداينرز وماستركارد من البنك التجاري وبدون تحويل الراتب

وعنك بنك ستاندرد شارتدد بنك بعد انا عندي فيزا وماستر ولا طلبو مني تحويل راتب ولا حتى شيكات ولا رقم حسابي في الوطني وكل اخر الشهر اروح ادفع عن طريق جهاز الصراف الالي

بالتوفيق

ومثل ما قالو الشباب ابتعد عن البنوك الربويه لانها هي السبب في دمار الشباب
هلا اخوي
البنك التجاري.. يتعامل مع الربا ولا لا؟؟
يعني ياخذون فوايد ولا ؟

[مضاربه]

انا اتعامل مع بنك قطر الوطني فرع الجامعه وعندي الفيزا البلاتينيوم رسومها 1000 في السنه بس متلعوزه معاها ومتلعوزه مع البنك نفسه كل ماجيت ابي اسحب منهم رصيدي قصو علي بكم كلمه وبس هونت بخصوص الفيزا كمثال اشتري شي من محلات المفتاح بمبلغ 1000 القاهم زايدين 50 ريال يوم سالت اثاري المحل المفروض هو الي يدفع رسوم المبلغ الي سحبته صار معاي هذا الموقف في كذا محل الحين تعقدت منها
رحت للبنك قلت مابيها رجعولي الفيزا الذهبيه قالت لا بنلغي عنج الرسوم سنه وحده بشوف اخرتهم شنهي بصراحه مانصح اي حد ان يتعامل مع بنك قطر الوطني

[م. عبدالعزيز]

اممممممم الله المستعان
مشكوره اختي عالاضافه المهمه وانتظر الباقي لو اي حد عنده تعليق
لانه الموضوع تقريبا يهمني

[100$]

الفيزا عليها فوايد للاسف الشديد وكل ما تاخرت تزيد الفوايد اقصد الربا بلا ما نجمل الكلام

احسن بنك تعاملت معاه هو مصرف قطر الاسلامي ، وعندهم فيزا بس يسحبون اول باول مب على كيفك تحدد النسبة اللي ياخذونها من راتبك يعني اللمت عندك 7000 تسحبهم اول الشهر اخر الشهر ومع نزول الراتب تنسحب كلها وما عليها اي فوايد او ربا بس رسوم الفيزا كل سنة

اتمنى اكون افدتك


اختي بس لتوضيح انا عندي فيزا من مصرف قطر الاسلامي

ولمت فيها 20

ولا يسحبون المبلغ بالكامل .. يتجزء لين مايخلص المبلغ

[م. عبدالعزيز]

هلا اخوي .... انزين انت عندك احساب ولا لا؟ لاني انا رحت لهم قالوا لي لازم تفتح حساب عندنا وتحول الراتب عقب نطلع لك بطاقة

[بولينجر]

أخوي ابتعد عن الحرام....حول الراتب على بنك اسلامي وخذ من عندهم الفيزا مب تاخذ الفيزا من بنك ربوي وتظن انه حلال....الحلال بين والحرام بين...الله يوفقك للحلال

[ولد الغانم]

الوطني عنده فرع اسلامي ( الوطني الأسلامي )

عند تقاطع رمادا

انقل عندهم

[م. عبدالعزيز]

يعطيكم العافيه:) بالنسبه للوطني الاسلامي فكرت فيها بس بسأل عنه وبشوف

[Bluetooth]

اخوي انا بصراحه من اول ما شتغلت وانا عندهم في مصرف قطر الاسلامي

من تقريبا 9 سنوات .. لان بصراحه اخاف من البنوك الربويه وتختلط فلوسي الحلال بالحرام

والربا .. عاد الراتب كل شي اصرف على نفسي وعلى اهلي

ومارضى ااكلهم شي فيه حتى لو فيه شك انه رباا

[م. عبدالعزيز]

يعطيك العافيه الشيخ

[وطن]

اخوي اكيد الكرت عليه فوايد

حول على الوطني الاسلامي دامك في الوطني
وخذ البطاقة من عندهم

وسددها أول بأول لا تترك شي عليها

[PoBox]

دامك في الوطني حول راتبك على الوطني الاسلامي
وطلع الفيزا من عندهم


او ممكن تحول حسابك لو بغيت لمصرف قطر الاسلامي (( انا معاهم ))
رسوم الفيزا 200 بالسنة
واللمت 80% من الراتب
والتسديد كل تاريخ 21 من الشهر 100% من المستخدم
ولا فوائد ولا بطيخ لا بالصح ولا بالغلط
- بس بشرط ماتسحب كاش من الفيزا -


اما قصة الحساب الجاري انه عادي
بس اوضح نقطة

لما تفتح حساب توفير متفقين ان الموضوع فيه ربا

سؤالك شالفرق بالحساب الجاري انت ماخذت شي صح ؟

صحيح

انت ما اخذت لكنك اعطيت ،، والآخذ والمعطي نفس الشي في حديث الربا
شلون عطيت ؟؟

لما فلوسك تكون مودعة بالبنك هي مش مودعة في صندوق خاص فيك
هي مخلوطة مع اموال البنك مثل ماتسوي كل البنوك

فالبنك يستخدم فلوسك
ويتاجر فيها ويسلف فيها ناس سلفة ربوية او استثمار ربوي والفايده له هو
فتكون انت اعنته على هالفعل
وكبرت رصيده
ودخلت معاه
فهنا وجه الحرمة انك اعطيت وليس اخذت
ومثل ماقلنا الحديث يقول
(( الآخذ والمعطي سواء ))

رايي
1) تحول راتبك للمصرف
2) تحوله للوطني الاسلامي

وطلع الفيزا من هذا او ذاك
بس اعتقد الوطني ماعنده فيزا اظن ماستر كارد بس

والله يسهل عليك وييسر دربك
دامك تدور الحلال :)

[م. عبدالعزيز]

وطن يعطيج العاافيه انا بستفسر واذا شغلهم حلو وحلال بحول عليهم

PoBoxing الله يجزيك الخير.. بس بصراحه الله يستر شكلي من بكره بفتح حساب في بنك إسلامي لاني كنت مفكر بهاي كله

بس شدخل فلوسي يستخدمونها؟ ماهو رصيدي ثابت .. ولو ادري انه كل هاي ممكن يصير ماكنت بالاساس فتحت حساب بالوطني... عموما ماقصرت الشيخ ورحم الله والديك

^_^

[المخفي]

يا اخوي ايش لك بالفيزا وعوار الراس ابتعد عنها احسن

[ضوى]

اختي بس لتوضيح انا عندي فيزا من مصرف قطر الاسلامي

ولمت فيها 20

ولا يسحبون المبلغ بالكامل .. يتجزء لين مايخلص المبلغ



هلا اخوي

انا اللمت عندي س وراتبي س ص ويوم اسحبها كلها يرون يسحبون العشرين اول ما ينزل راتبي ، ويوم اسحب الراتب قبل لا يسحبون الفيزا يتمون لين الشهر اللي بعده هذا للتوضيح فقط

[PoBox]

للتوضيح المصرف عنده نوعين من الفيزا

S1000
فيزتك اسمها فيزا اليسر
ومشكوك في سلامتها شرعيا
كتب فيها مقال موجود في المنتدى للشيخ السالوس على الرابط التالي

http://www.qatarshares.com/vb/showthread.php?t=89721&highlight=%C8%D8%C7%DE%C9+%C7%E1%ED%D3%D1


اما ضوى اعتقد فيزتج هي العادية مثل فيزتي

[جرس الإغلاق]

فيزة المصرف اللمت مالها يعتمد كم راتبك

وترى المصرف ياخذ 3% فايده اذا سحبت كاش

اما لو تشتري اغراض ماياخذون فايده

ال 3% يسمونها رسوم اداريه على ماعتقد ولا هي اساسا حرام بس محللينا ربعنا

[بوخالد911]

عندي الوطني الاسلامي

ولدي الماستر كارد
وخل السداد 100 %%

وبدوون فائد

ولك حق الاختيااار

[ســـهم]

فيزا بنك قطر الوطني

عندي صار لها سنين وكل شهر يخصمون وللحين ماخلصت الخصميات


الله يعينك .

[ولد شرق]

اخوي
اولا اشكر جميع اللي افتوا بالحلال والحرام

الفيزا اصلا كلها نوع واحد فقط ومصدرها واحد فقط وهي شركة يهودية والتعامل مع الشركة اليهودية جائز لأن الرسول صلى الله عليه وسلم اقترض درعا من يهودي...

لكن الاختلاف اخوي بالاستقطاع... هل يُستقطع منك الملبغ 100% ولا على اقساط

اذا كان الاستقطاع 100% فهو جائز بغظ النظر عن البنك...
اما تقسيط الملبغ بفائده... فهو الحرام

اما بالنسبه لأحسن البنوك... فأنا تجربتي مع البنك التجاري ممتازه... بامكانك تتعامل معاهم باستقطاع 100% والحين عندج جميع البنوك فيها فروع اسلاميه...

الله يوفقك...

[م. عبدالعزيز]

يعطيكم الف عافيه كلكم .. صراحه انا قررت انقل احسابي للوطني الاسلامي..
على الاقل اكون مطمن انه معاشي ينزل في مكان آمن وماتروح فلوسي بالحرام
والوطني الاسلامي خدماته ممتازه...شكراا لكم جميعا

[بوخالد911]

يعطيكم الف عافيه كلكم .. صراحه انا قررت انقل احسابي للوطني الاسلامي..
على الاقل اكون مطمن انه معاشي ينزل في مكان آمن وماتروح فلوسي بالحرام
والوطني الاسلامي خدماته ممتازه...شكراا لكم جميعا

هلا بك

عندهم خدمة ممتازة للغاية
وهي الاكتتاب الالكتروني
يعني تقدر تكتتب بالنت و الجوال ومكينة الصراف الآلي !!!

المطلوب : تروح فرع الوطني الاسلامي عند اشارات رامادا وتملي الطلب
وبيجييك مسج لتاكيد توفر الخدمة عندك

ها اشراااايك ؟؟؟
:nice::eek5::nice:

[م. عبدالعزيز]

ايواااا .... انا الاحد عندي اجتماعات وايد.. ووقتي زحمه، فبروح الاثنين الوطني بطلب اخلاءطرف لاحسابي وعلطول بروح الوطني الإسلامي وباخذ منهم شهاده تحويل الراتب وبرجع للدوام
الله كريم

عموما ماقصرتوا كلكم عالاقل زين نبهتوني بشغلات ماكنت ادري بها

[relaax]

تحسب الفائدة على الفيزا سواء من اسلامي او تجاري في حالة السحب الكاش فقط

اما في المشتريات ما عليها فوايد

[mohad808]

السلام عليكم...

بالنسبه للفيزا..انا اشوفها فقط للضرووره وحطوا تحتها الف خط...يعني فقط للسفرات لان اغلب الفنادق تطلب الفيزا او الماستر...وبعد يحتاجها الواحد اذا اضطر لها يعني في حالات نادره ..بالعربي تكون معاه احتيااط..ويحفظها في مكان آمن..بعضهم يخليها في الجيب او البوك وتضيع او تنسرق وعقب يتوهق...

اما اذا الواحد محتاج يشتري اون لاين فيه بطاقات خاصه للانترنت وتقدر تحدد المبلغ اللي يكون في البطاقه...اظن اسمها بطاقة انتر نت ...

بخصوص البنوك..انا حسابي على الوطني الاسلامي...وسبب اختياري له بكل بساطه خدامته حلوه وخاصة الالكترونيه....وبما ان المصرف الاسلامي راح يفتح الخدمه الالكترونيه راح احول حسابي فيه باذن الله ..وللعم الوطني الاسلامي ارباحه عاليه شوي بالنسبه لقرض السياره..


تحيااااتي للجميع

[بوالنوف]

وشلك بالفيزا

يعني لازم تحطون على نفسكم ديون
وعقب تقعد وتقول ياريتني ماخذتها
افرض ماقدرت تسدد بغض النظر حلال والا حرام
انا اللي اعرفه ان بطاقة بنك قطر تشتغل في جميع دول العالم
وماياخذ عليك عموله غير فرق العمل بس
يعني يوم رحت البحرين اسحب 100 دينار بحريني = 1000 ريال قطري
لكن لما وصلني المسج طلع لي 918 على ماعتقد
يعني مايخذون عليك شي بس فرق العمله

[alwahesh]

انا اتعامل مع بنك قطر الوطني فرع الجامعه وعندي الفيزا البلاتينيوم رسومها 1000 في السنه بس متلعوزه معاها ومتلعوزه مع البنك نفسه كل ماجيت ابي اسحب منهم رصيدي قصو علي بكم كلمه وبس هونت بخصوص الفيزا كمثال اشتري شي من محلات المفتاح بمبلغ 1000 القاهم زايدين 50 ريال يوم سالت اثاري المحل المفروض هو الي يدفع رسوم المبلغ الي سحبته صار معاي هذا الموقف في كذا محل الحين تعقدت منها
رحت للبنك قلت مابيها رجعولي الفيزا الذهبيه قالت لا بنلغي عنج الرسوم سنه وحده بشوف اخرتهم شنهي بصراحه مانصح اي حد ان يتعامل مع بنك قطر الوطني

:app::app::app::app::app::app::app::app::ok::ok:


مشكله اعاني منها من عشرين سنه

ولكن محتاج ................؟؟؟؟؟؟؟؟