رش مانع الصدأ؟؟استفسار عاجل

[قطر95]

السلام عليكم

أخواني من يعرف وين محل زيبارت اللي يرش السيارات الجديدة وخاصة الكروزرات برش مانع للصدأ في الدوحه يدلني عليه أو أي محل يرش السيارات الجديدة ويعطي على شغله ضمان وجزاكم الله خير

[الدوحي7]

اذا تريد في قطر، روح عند ناصر بن خالد طريق سلوىبلعربي جنبهم تابع لهم،،وسعرهم زين يرشون لك الموتر من تحت ضد الصدا ،،واذا تبقي بعد طبقه شمعيه ضد شموخ الغسيل بعد يسون لك على ماعتقد،،واذا تريد ارخص عندك البحرين وزياده يحطون لك عازل ضد الرمال المتحركه(السافي) اذا كنت راعي سفر طبعا كل شي بسعره،،،،

[بو غنيم]

طريق سلوى اتصل على 180 واطلب رقمهم

[قطر95]

مشكورين الدوحي7 وبوغنيم بتصل فيهم ان شاء الله
جزاكم الله خير

[المبرمج]

قطر 95 حياك الله اخوي .

بالنسبة لمحل زيبارت راح اتحصله على طريق سلوى .. قبل دوار الخميس والجمعة وانت جاي من دوار

المرسيدس .. بجانب شركة الميستوبيشي .

شوف شغلهم وعندك كرجات في الصناعية يرشون لك أذا سعر زيبارت ماعجبك !!!
دمت بخير ،،

[مزيون الدوحه]

بخصوص محل زيبارت
اخوي انا سألت المحل عن سعر رش مانع الصدا
عطوني سعر تقريبي لاكن ماذكر كم ويختلف اذا كان الموتر قديم ولا جديد
وبصراحه انا جربتهم في شغله ( البولش ) وكان شغلهم تعبان والله
تخيل بعد ماسوو البولش حصلت بقع عاديه لونها اسود قلت لهم ليش
ماراحت هالبقع قالو لي مستحيل تروح لان هذا زلق في السياره ومش
بقع علشان تروح وتوكلت على الله ودفعت لهم ورحت وبعد كم يوم رحت
احد المغاسل الي في الغرافه قلت في نفسي خلني اجرب اسألهم عنها
والله اشتغلو على السياره وفي اقل من خمس دقايق راحت هالبقع
طبعا اشتغلو عليها يدوي اما في زيبارت شغلهم بالمكينه .
ولك الخيار اخوي.
وبخصوص مانع الصدا رحت محطة ( التيسير ) ورشو الموتر vx-r ب 800 ريال
وعلى فكره عندهم نوعين نوع ( ناعم ) ب 1300 وهذا اذا انك ماكنت راعي بر وبحر
والنوع الثاني ( خشن ) ب 800 ريال وهذا يصلح لك اذا كنت راعي بر وبحر
وميزه الخشن اذا ضرب الحصا السياره من تحت مايتقشر ويستحمل
لاكن يبيله فتره علشان يجف من اسبوعين لين ثلاثه .

واتمنى اني افدتك بهذا الخصوص :victory:

وتحياتي لك

[قطر95]

يعطيكم العافيه المبرمج ومزيون الدوحه أنا بكره بمر صوب شارع سلوى والتيسير وان شاء الله برش الموتر

[تايد]

شباب ..

هل مانع الصدأ هذا ينفع للسيارات الصالون ؟

علمآ ان سيارتي Lumina ss

أتمنى التوضيح وشكرآ لكم

وعذرآ لـ صاحب الموضوع

[RJ83]

زين اخواني .. ممكن حد يقول لنا شنهي فوائد مانع الصدأ هذا ؟؟

شكرا

[cartier]

يالربع انا موتري الجمس محلي من تحت اشوي

[msk]

يالربع انا موتري الجمس محلي من تحت اشوي

الجمس والأمريكي عموماً عادي انه يصدي من تحت خصوصاً إذا كنت راعي بحر.... يعني الأمريكي يبغيله عنايه ... اول ماترجع البيت ترش الموتر بالماي من تحت على طول .

[سيف قطر]

ما شاء الله .. الشباب فيهم خير

:nice:

[هاجن داز]

مافيه اخبار عن احسن مكان لرش الموتر ؟؟؟

مع العلم ان عندي vx-r 2006

ننتظر تجاربكم !!

[هداف]

طبعا التيسير ولا غيره زيبارت شغله متواضع وجربناه وتقشر لكن عليك با لطبقه الخشنه اللي يرشها التيسير
عن تجربه ماعليها كلااااااااااااااااااام وتفي با لغرض وسعره تقريبا للجمس او الكروزر 1500 العازل الخشن والناعم 1300 ريال او 1200

[فلفل حار]

انا ماعندي خلفيه كبيره بالموضوع بس استغربت من تجارب الاعضاء لانه اعرف شباب يمدحون ززيبارت وايد

بس مثل ماقلت ماقد سويت عندهم عشان جي ماقدر افتي

[رأس بروق]

عندك كراج الروضه عند عباسوه شارع 13 بالصناعيه يرشلك الموتر من تحت ,,, بس شفت بعيوني Gx-r في محطة تيسير يرشونه من تحت البرش اسود العادي ؟؟؟؟؟ :eek5:

[حمد]

زين اخواني .. ممكن حد يقول لنا شنهي فوائد مانع الصدأ هذا ؟؟

شكرا

سؤالك غريب صراحه !!!!!

يقولون زين حق الامساك هههههه

[فلفل حار]

سؤالك غريب صراحه !!!!!

يقولون زين حق الامساك هههههه

مب كل الناس تعرف يالغالي :)

وفايدته عشان مايتقشر الصبغ الاسود من تحت الموتر يعني يحافظ عليه بنفس اللون الاسود الغامق فتره طويله

ومثل هالرش ماينفع الا الي طلعاتهم بر وبحر :)

[الكاسر007]

يا جماع ةالخير فيدونا باماكن غير وتقبلو مروري

[الـخـور]

شباب اي فرع الي بالتيسير يسوي هالشغلات وعند من

لاني رحت التيسير الي في طريق سلوى ماعرفت اسال من ..

[هام السحاب]

شباب اي فرع الي بالتيسير يسوي هالشغلات وعند من

لاني رحت التيسير الي في طريق سلوى ماعرفت اسال من ..

اخوي اذا تقصد ترش قار لان موترك محلي روح صوب محطه التيسير الي في طريق سلوى دش داخل صوب الكاشير الي عند تغيير الايل ويفضل انك تاخذ موعد قبل لاتحط موترك وبيتم معاهم اقل شي 12 ساعه

[super jet]

شباب اي فرع الي بالتيسير يسوي هالشغلات وعند من

لاني رحت التيسير الي في طريق سلوى ماعرفت اسال من ..

التيسير شارع سلوى اللي عند دوار قطر للديكور روح المكتب مال الكاشير عند مكان تبديل الايل واسأل عندهم ,,, تاخذ موعد وتسلم موترك الصبح بدري ولا المسا نهاية الدوام ويخلص المسا ,,, يعني يوم بس يكفيهم

[A.L.I]

التيسير


:nice::nice::nice::nice:

[فلفل حار]

اخوي سألت لك وقالو لي التيسير

ومب لازم تسوي الرش بو 1200 ، الله لايهينك في رش اسود اعتقد انه قار ، اخوي مسويه وعلي كثر روحات البحر طار لونه عقب سنه وشوي ، وبـ 100 ريال ومن التيسير نفسه :)

[HEART_LION]

مركز الحمايه اللي في السد اتوقع عندهم رحت لهم من كم شهر شفته حاط اعلان

اتمنى اني فدتكم

[الحـــوت]

انا مجرب كراج دكار الصراحه ماعليه كلام

[الـخـور]

مشكورين شباب على المعلومات

بس في سؤال الحين وشو النوعية الي احسن شي حق البحر ؟

[الـخـور]

اخوي سألت لك وقالو لي التيسير

ومب لازم تسوي الرش بو 1200 ، الله لايهينك في رش اسود اعتقد انه قار ، اخوي مسويه وعلي كثر روحات البحر طار لونه عقب سنه وشوي ، وبـ 100 ريال ومن التيسير نفسه :)

تسلم اخوي

بس اي نوع الي تقصده مناسب حق البحر ؟ شاقولهم

[فلفل حار]

تسلم اخوي

بس اي نوع الي تقصده مناسب حق البحر ؟ شاقولهم

هو مب نوع معين اخوووي ، هو نوع عادي ، اعتقد (قار) عادي بس خله يحاسب وهو يرشه لك عشان مايصيد الراديتير ولا بتم ترتفع عليك الحراره

وسعره مع الرش 150 ريال وأقل بعد

لايغسلون مخك وتروح ترشه 1200 ، حرام تقط هالمبلغ في قار عادي ، الموتر ماردك سنه ولا سنتين وبـ تصرفه وكل سنه وتقعد ترشه بـ 150 ولا ترشه مره وحده بـ 1200

ولاتصبغ مكانه لاني سألت من قبل كراج نورماندي ، وبـ نفسه حسام قالي انه الصبغ ماراح يعمر وبـ يطير بسرعه يعني أحسن شي القار

بس معلوميه عامه اخووي انه اي موتر تدخله رملة بحرلازم تغسله جيك ، عشان حتي الربلات تحت ماتتيبس عليك وتخترب من ملحة البحر

وموووووووفق ان شاء الله:nice:

[الـخـور]

هو مب نوع معين اخوووي ، هو نوع عادي ، اعتقد (قار) عادي بس خله يحاسب وهو يرشه لك عشان مايصيد الراديتير ولا بتم ترتفع عليك الحراره

وسعره مع الرش 150 ريال وأقل بعد

لايغسلون مخك وتروح ترشه 1200 ، حرام تقط هالمبلغ في قار عادي ، الموتر ماردك سنه ولا سنتين وبـ تصرفه وكل سنه وتقعد ترشه بـ 150 ولا ترشه مره وحده بـ 1200

ولاتصبغ مكانه لاني سألت من قبل كراج نورماندي ، وبـ نفسه حسام قالي انه الصبغ ماراح يعمر وبـ يطير بسرعه يعني أحسن شي القار

بس معلوميه عامه اخووي انه اي موتر تدخله رملة بحرلازم تغسله جيك ، عشان حتي الربلات تحت ماتتيبس عليك وتخترب من ملحة البحر

وموووووووفق ان شاء الله:nice:



جزاك الله خير اخوي ...
ومنكم نستفيد .. وصراحة زين نبهتني حق شغلة الراديتر

يومك سعيد

[مزيون الدوحه]

شباب اي فرع الي بالتيسير يسوي هالشغلات وعند من

لاني رحت التيسير الي في طريق سلوى ماعرفت اسال من ..

مرحبا اخوي

اذا انت راعي بحر وبر
قول لهم يرشون لك مانع صدى ( خشن )
علشان مايتقشر من ضربات الحصى والرمل
وقيمته من كم شهر 900 ريال
ونصيحه يبيله اسبوعين لين ينشف 100%
يعني لاتدخل الموتر رمل علشان مايلزق
وراسلت لك رقم الرجال الي يرش لك مانع الصدى
في التيسير على الخاص وتقدر تاخذ موعد من عنده

والله يوفقك

[الـخـور]

مرحبا اخوي

اذا انت راعي بحر وبر
قول لهم يرشون لك مانع صدى ( خشن )
علشان مايتقشر من ضربات الحصى والرمل
وقيمته من كم شهر 900 ريال
ونصيحه يبيله اسبوعين لين ينشف 100%
يعني لاتدخل الموتر رمل علشان مايلزق
وراسلت لك رقم الرجال الي يرش لك مانع الصدى
في التيسير على الخاص وتقدر تاخذ موعد من عنده

والله يوفقك


مشكور اخوي مزيوون ..

جزاك الله خير... كفيت ووفيت ..

[فلفل حار]

جزاك الله خير اخوي ...
ومنكم نستفيد .. وصراحة زين نبهتني حق شغلة الراديتر

يومك سعيد

بس ترى عادي لاتحاتي ، اخوي مسويها لي علي موتري القديم كان كروزر موديل 2001 وعمري ماشتكيت من الحراره لانه الي رشها لي فنان :victory:

يومك اسعد يالغالي :nice: