الكل يدخل ويشاركني الراي .. [الأرشيف] - منتديات شبكة الأسهم القطرية

مشاهدة النسخة كاملة : الكل يدخل ويشاركني الراي ..

Um Sultan

27-02-2008, 04:07 PM

السلام عليكم ورحمة الله وبركاته

ابي مشورتكم يا اعضاء قطر شير

انا توني جديده في عالم السواقه ووابي اخذ سياره تكون مريحه وكشخه والسيرفس عقب مريح

مابي شي اخذه وعقب اقعد كل شوي اغير قطع وادفع دبل على سعرهااا

محتاره بين كم سياره فورويل وابي نصيحتكم .. (طبعا السياره بتكون فل ابشن) موديل 2008

BMW X5

بورش .. كايين اس

رنج سبورت

مرسيدس ml350

طوارق

انفنتي fx45

اودي q7

بالنسبه للسعر .. مستعده ادفع بس شي يريحني عقب ..

بانتظار ارائكم ..

فارس قطر333

27-02-2008, 04:18 PM

اذا انتي تبينه سياره ما تحاتين شي اسمه فلوس صيانه ولا قطع غيار ولا شي

بس ما عليج الا انج تصبيت بترول وبس

وكل شي عليهم

واذا سيارتج في الوكاله بعطونج سياره تستعملينهم مؤقت

مالج الا Bmw

والx5 حلوه ومافيها اي شي

وبالمبارك مقدما

طيوب

27-02-2008, 04:18 PM

مواتر الفردان أحسن من كل النواحي وخصوصا خدمة ما بعد البيع:victory:

محسن العجي

27-02-2008, 04:32 PM

بخصووص مواتر الفردان صحيح مالها كلام

بس عقب فتره بتعرفين قيمتها

ومن المواتر الي حاطها كونك امره مالك الا انفنتي fx45

والله يوفقك

Um Sultan

27-02-2008, 05:00 PM

تسلمون جميعا على رااايكم وبانتظار البااقي ..

بس عقب فتره بتعرفين قيمتها

مافهمت قصدك ؟؟

محسن العجي

27-02-2008, 05:06 PM

القصد يعني اذا خلص الضمان بتعرفين عيب الـ Bmw

يعني قطع الغيار واذا دعمه بسيطه لا سمح الله

والله يحفظك ان شاء الله

Um Sultan

27-02-2008, 05:07 PM

انا سمعت ان الضمان اتوقع 5 سنوات ولين باب المنزل واي مكان بالدوحه

واني اقدر اجدد الضمان اذا انتهى للسياره

عزووز قطر

27-02-2008, 05:28 PM

اخذي الكروزر الجديد
قطع غيار متوفرة وبأرخص الأسعار
وموتر يعيش عندج وينفع لكل الاستخدامات

والله يوفقج

قطري33

27-02-2008, 05:53 PM

انا بنصحج بالمرسيدس مادام انج تبين تكشخين بسياره فورويل Ml63 ... عشان اسبوع الا كل البنات مقلدينج وحجوزات على هالموتر سنه جدام :)

راعي ال2008 الاسود

27-02-2008, 06:41 PM

اختي تبغين احلى موتر هو ال s350 او cls 500 اي نوع في المرسدس بس
وخري عن الرنج او ال BWM طقي من هذولا النصابين في مرتبة الدرجة الاولى في النصب
ورارد المناعي عليج بالمرسدس او وارد عبدالغني من جيات او اللكزس الجديد الفرويل وبالتوفيق لج
ان شاء الله

بو غنيم

27-02-2008, 10:43 PM

انصحج بx5
ضمان خمس سنين وسواقة ولا اروع
والرنج ابتعدي عنة وعن خرباتة والبورش والطوارق بعد حلوين

راعى Sl

27-02-2008, 11:56 PM

بوووووووووووووووووووووووووووووووووووووووووووووورش وبس

انا كان عندى البورش موديله 2004 طبعا كان منتهى الضمان

السيرفس ماله كل 16000 مبلغ 750 ريال

ومن كثر مالوكاله كانت رخيصه كنت كل يومين مطيح عندهم

لدرجه واحد من الربع ما صدق هالكلام الا عقب ما شاف الفواتير اللى ما زالت عندى الين الحين
تصدقين انه قام طلع له واحد من الوكاله من عقب ما شاف الفواتير

واذا ما تصدقين كلامى ممكن تشوفين الفواتير اللى عنى

شكرا

مستثمر111

28-02-2008, 12:00 AM

والله نصيحة اخذي الكزس الفورويل منزين شوارعنا والله موتر عجيب بناتي ومريح وسعره فية وكشخة ولا يخترب ولا يوقف عليك في الشارع مثل البي ام والبورش والبي ام لعبتها توقف عليك في عز الصيف

غرفاوي

28-02-2008, 12:33 AM

مالج الا انفنتي fx45
والله يوفقج

ناسداك

28-02-2008, 12:47 AM

=عزووز قطر;2431520]اخذي الكروزر الجديد
قطع غيار متوفرة وبأرخص الأسعار
وموتر يعيش عندج وينفع لكل الاستخدامات

والله يوفقج[/QUOTE]
صح لسانك

almalki2

28-02-2008, 01:04 AM

انا انصحك في الكروزر الجديد او fx45

yousef545

28-02-2008, 01:38 AM

انا من رأيي الشخصي ماعترف بالمواتر الي قطع غيارها ناااااااااااااااااااار

شخصيا كان عندي طوارق حق واحد من الاهل من نفسه سلندر واحد وقف يعني كان شغال بـ5 سلندر

و كلفني تصليحه فوق الـ5000 ريال

مالنا الا التيوتا و انصحج بالفكسار الجديد الصراحه مسكت بس مشكلة السرفس تعبانه عندهم و بالذات ايام الاعياد و رمضان ولا الكزس الجديد حلو بس بعد قطع غياره غاليه و حتى البلكات ماتقدرين اتغيرينها برع لازم كل شي في الوكاله و نفس الشي حق المواتر الالمانيه

يعني بالمختصر المفيد فكري في الـgxr ولا الـvxr و اشوف كل الحريم كاشخين بالفكسارات ههههههههه

شمسة

28-02-2008, 01:42 AM

مرسيدس ml350

إنتعاش

28-02-2008, 01:52 AM

اودي Q7

الجوكر90

28-02-2008, 05:57 AM

اختي اذا تبين موتر كشخه مالج الا البورش والx5 احسن شي وانتي بنيه يعني مب تكيم ع الخطوط
واذا تبين موتر مايخسرج التويوتا واللكزس وكل قطع الغيار متوفر
والسموحه

ANONYMOUS

28-02-2008, 02:00 PM

الصراحه

مالج الا Slr

فارس قحطان

28-02-2008, 03:02 PM

وعليكم السلام ورحمة الله وبركاته

يا أم سلطان انصحك بالجيب الكزس Lx570 وبس

Um Sultan

28-02-2008, 03:19 PM

الصراحه

مالج الا Slr

وحمره بعد مثل ذي .. ياسلاااااااااااام :victory:

اشهد ان الترقيم على اصوله بيكون :tease:

ههههههههههههههههههههههههههه :nice:

http://www.jeddahboys.com/hosam/slr1.JPG

Um Sultan

28-02-2008, 03:23 PM

حيرتووني ماعرف الحين شااخذ .. انا فخاطري الأكس فايف و البورش وال ml

بس كل واحد يقولي شي وهذي تصويتاتكم ..

لاند كروزر 5

بورش 3

انفنتي 3

اكس فايف 3

لكزس 2

ml = 2

اودي 1

slr 1

s 350 = 1

حقيقه

28-02-2008, 03:44 PM

مرسيدس ml350انفنتي fx45اودي q7
.

مرسيدس ml350 < كم سعره
انفنتي fx45 < كم سعره
اودي q7 < كم سعره
:shy:

سعيد2020

28-02-2008, 05:26 PM

والله انا انصحج بالمرسيدس

بو غنيم

28-02-2008, 06:28 PM

الاكس فايف

محسن العجي

28-02-2008, 06:37 PM

انتي ماذكرتي التويوتا

وانا نصحتج بالانفنتي

واذا خاطرج بالفيكسار احسن من كل المواتر الي حطيتيها وبعدها الانفنتي

السهم الجارح

28-02-2008, 10:02 PM

هلا اختي ام سلطان

أخذي الكروزر ولا غيره ( 8 سلندر ) سعره فيه وقوي وموتر لجميع الاستخدامات ومبروك مقدما

BURBERRY

28-02-2008, 10:32 PM

اختي انا انصحج بالكروزر الجديد 2008

و ابتعدي عن الانفينتي ..سعرها وقت البيع ..نااااااااازل .. مع انها جيده و سواقتها حلوووه و ثااابته على الطريق.. و ثابته في التجاوزات .. لكنها ضيقه ... كنج قاعده في قوووووووطي ... و بعد وعره

و غير هذا ... موديل 2009 بيتغير شكلها .. و هذا الكلام من مدير في الشركه
:)

cartier

28-02-2008, 10:36 PM

انا اقول لو تاخذين لامبر جيني

صج كشخه

بو،،،ــعود

29-02-2008, 01:09 AM

لكزس Lx570 2008

Um Sultan

29-02-2008, 01:52 AM

انا اقول لو تاخذين لامبر جيني

صج كشخه

هههههههههههههه :tease:

ترى اللي جدامك انثى مب ذكر :omen2:

ومابي صالون ابي فور ويل ..

.
.
.
.

تدرون يا جماعه الرنج طلع من خاطري .. اليوم جربته ماعجبني كلش مارتحت فيه

شكلي باخذ اكس فايف او ml350

ANONYMOUS

29-02-2008, 01:59 AM

وحمره بعد مثل ذي .. ياسلاااااااااااام :victory:

اشهد ان الترقيم على اصوله بيكون :tease:

ههههههههههههههههههههههههههه :nice:

http://www.jeddahboys.com/hosam/slr1.JPG

اصلا لو عندج هالموتر.. ماحد كفو يشوف صوبج ..

عموما.. لكزز فورويل 2008 ..

واديعيلي..

BURBERRY

29-02-2008, 10:28 AM

هههههههههههههه :tease:

ترى اللي جدامك انثى مب ذكر :omen2:

ومابي صالون ابي فور ويل ..

.
.
.
.

تدرون يا جماعه الرنج طلع من خاطري .. اليوم جربته ماعجبني كلش مارتحت فيه

شكلي باخذ اكس فايف او ml350

:nice: صدقتي اختي الرنج مب شي سواقته .. جربته و ماعجبني

اعلامي

29-02-2008, 07:11 PM

اختي ام سلطان
بصراحه المواتر الي حطيتيهم كل واحد احلى من الثاني لكن
الجماعه قالولج تويوتا لان سعره فيه وقطع غياره معقوله .. هذا اذا انتي تفكرين في بيعة الموتر بعد كم سنه
تويوتا تحافظ على اسعارها مقارنة بالمواتر الي ذكرتيها

يعني مثلا انا شريت مرسيدس s350 اول دفعه بـ 380 الف .. اليوم بعته بـ 260 الف شوفي الفرق فالخساره

عموما احنا ناس زبايين يعني تويوتا ماتجيب راسنا والا شرايج انتي :)

طوارق وانفينيني اتركيهم عنج .. مواتر مقارنه بالي معاها عاديه ومب ملفته ..

بورش
اكس فايف
ام الـ

كل واحد يقول الزود عندي .. بصراحه حاولت اختار شي بينهم ماقدرت كلن وله مواصفاته يعني صدقيني الموتر الي بتاخذينه من بين هالثلاثه ماراح تخسرين شي خصوصا اذا كنتي مقتنعه وراغبه فيه
وبما انج بنت انا اشوف ml63 روعه وكلاس

نصيحه اخيره :
الـ BMW الجديده انا سمعت ان شهر 9 اعتقد بتنزل .. وبما انها شكل جديد اتوقع بتكسر الدنيا فما بالج لو ام سلطان الي تسوقها :)

الله يعينج على الاختيار .. تدرين استخيري ههههههههههه
والله يباركلج فالموتر مقدما .. ويعطيج خيرها ويكفيج شرها يام سلطان

شفاف

29-02-2008, 08:39 PM

ام سلطان تبين فورويل كشخه وسعره فيه

لكزس 570 مو 2008

مريح واريف و كشخه وغير هذا لا تحاتين السيرفس

المشكله في المواتر الالمانيه تعيش لمدة اقصاها 4 سنوات بس

وبعدها تبتدي خرابات وعيوب ماتخلص جنه كوري مب الماني

وطبعا التصليح يبيله ميزانية و حساب خاص اتخصصينه للوكاله

الصراحة اللكزس بإختصار " راحة بال على موتر يسوى "

26256

26257

26258

26260

الـقـائـد

01-03-2008, 07:06 AM

الكزس الجديد عجيب وما عليه كلام

بس اذا انتي تبين موتر من اللسته اللي حطيتيها

مالج غير ال Ml او البورش كيان اس

بس ال X5 ما انصحج فيه

سيرفس الوكاله فاااااااااااااااااااااشل ويتهربون من اي خراب في الموتر

والله يوفقج باي موتر تاخذينه

الـخـور

01-03-2008, 11:02 AM

اللكزز الفورويل الجديد طبعا

وبعدها
البورش

نصيحة اخ .. ابتعدي عن الاكس فايف .. والرنج .. والاودي

اما المرسدس عادي

fffqe

01-03-2008, 03:00 PM

انفنتي fx45 افضلها عن اللي حطيتيهم

Um Sultan

01-03-2008, 07:45 PM

البورش كيان اس

>> شكلي باخذ هااي <<

او ام الـ

تسلمون جميعا على التواصل والمشااركه

وحداني قطر

01-03-2008, 08:04 PM

سهم طايش

25-03-2008, 04:23 PM

لكزس الجديده

..الاميرة..

25-03-2008, 04:37 PM

اخذي لكــــــــــــــــــــــــــــــــــــزس وانتي مغمضـــــه صدقيني أنا عندي وحده

وبصراحه مرتااااااااااااااااااحة فيها عمري ما شكيت من شي (تبارك الرحمن)

ودام انج بتشيكينها كل 5 الاف و10 الاف في الوكاله يعني عبي بترول وامشي

مافي أحلا ولا اكشخ منها وغير قطع الغيار وغير سعرهـــا يتم فيهـــــــــــا ..

والله الله بالون الذهبي (المت لك) رهيييييييييييب بصراحه .. :victory::victory:

الكاسر007

25-03-2008, 05:39 PM

الx5 ولابلاش ضمان 4 سنوات ما عليج الا تصبين بترول

وموتر مريح اريح من البورش مع انه عملي والرنج الاسبورت

وعلى العموم توكلي على الله اذا خاطرج بسيارة فخمة

ezgert

25-03-2008, 06:17 PM

انصحك قبل لا تشترين جربي هالسيارات اللي عاجبينك , يعني مري عليهم الوكاله واطلبي منهم test drive

لان في سيارات صج كشخه بس مب مريحه في السواقه , وعره او وايد حساسه

وعقب ما ترتاحين على السياره او اعجبتك كم سياره منهم , سوي مقارنه من بينهم من حيث الصيانه والخدمه ما بعد البيع او السعر اذا حبيتي اتبيعين

كيذيه افضل لك
وبالتوفيق انشالله