أســنــــــانــــي تــلمـــع .. كـالـلــؤلــؤ تــســطــع !!

[OTOsan]

لم يسبق لي وان كنت مترددا دائما على عيادات الاسنان ، وزيارتي لهذا النوع من تخصص

الدكاترة استطيع ان اعده بالاصابع ، ليس لان اسناني تتمتع بصحة جيدة وبالتالي لاداعي

للذهاب ، ولكن لانني اعاني من (فوبيا) هذا النوع من الدكاتره !! ولا ابالغ ان قلت ان اي نوع

اخر من الامراض يمكن ان يهون عندي من مرض الاسنان .. وبالتالي زيارة الدكتور !!



اتذكر ان اول زيارة لي كانت في الثانوية .. او ربما بعدها فقد بدأت الذاكرة تضعف ! كنت اعاني

من خلل في احد الاسنان .. فاصبح عالة على فمي .. واصبح ضرره اكبر من فائدته !

حينها .. لم يقنعني بالذهاب الا ذلك الالم والانتفاخ الذي وضعني في موقف محرج .. فاحد خدودي

اصبح قريبا لخدود (علاء ولي الدين ) رحمه الله .. والاخر لاينتمي للاول باي شكل من

الاشكال !


كانت تلك العملية الاولى .. رهيبة بمعنى الكلمة .. فمنظر تلك الابرة تقترب من فمي .. وتخترق

لثتي لازال يجعل القشعريرة تسري في اوصالي !! وكان انتقام الدكتور من ضرسي تلك المرة

شنيعا .. فقد اقتلعه بكل قسوة .. ثم ارانيه .. وكأني بضرسي يقول لي بكل حزن ( انا رايح وخل

الدكتور ينفعك ) !!



كان ذلك منذ مدة ليست بالقصيرة .. .. واضطررت لتكرار هذه العملية مرة اخرى ، ولكن

اتضح لي انها ليست كسابقتها !!

نظر الدكتور الى فمي متفحصا .. وايقنت من نظراته وراء نظارته ان .. هناك مشكله !!

( لازم نشيل العصب ) !!

تمتمت .. وماالضير .. فلتفعل بضرسي ماتشاء ، المهم ان ارتاح ، واوضح لي ان حشو العصب

الطف من قلع الضرس باكمله .. وهو ماوافقت عليه حفاظا على شكل الاسنان .. والذي بكل

صدق لايحتاج الى تخريب اكثر مما هو عليه !!



بدأت العملية .. بتلك الابرة الحديدية المخيفة .. لتخترق اللثة شيئا فشيئا .. ويسري (البنج) في

ارجاء فكي .. حتى احسست ان بعضا من اسناني .. اصبحت كحجارة مغروسة في فمي لاتنتمي

الي باي شكل من الاشكال !! بأن ان شفتي بعد ذلك اضحت متدلية كشفة بعير سفلى .. لا اقوى

على رفعها .. ولا اشعر بها حتى !!

مر الموعد الاول بسلام .. الا من الم الابرة .. وخمول الشفة ، الا انه امرني بالحضور لوضع

حشوة العصب بدلا من الحشوة المؤقتة التي وضعها !!


في الموعد الثاني .. تجاوزت مرحلة الابرة ..ولكن .. بعدها اصبح الدكتور ينادي على

الممرضة بالفاظ طبية لم اعي معناها ! لا اتذكر منها الا (سكشن ) او شئ مشابه .. وكانت

بعدها تدخل انبوب شفط في فمي .. ومن ثم تخرجه ، وكلما نادى عليها بكلمة .. اتت بآلة

مختلفة ، وكانت تلك الالات تختلف بطريقة استخدامها وتختلف باشكالها واحجامها ، واحداها

كانت كالمنشار الصغير .. اشتم رائحة احتكاكه بضرسي المسكين !!

وكان الدكتور قد ابلغني ان تنظيف العصب يجب ان يتم دون تخدير كلي كي اخبره اين يصل

الالم !!

لا ادري ماجميع تلك الالات وما استخدامها .. ولكنني كنت اشعر وبكل صدق ومن شدة المي ..

وخوفي من الالم كذلك .. بأنه يناديها :

اعطيني مطرقة !!

منشار !!


دباسة !!


خرامة ورق !!


وكل الادوات التي تشعر انك ان تعرضت لها ستتالم !


خرجت من غرفة التعذيب تلك .. وانا احمد الله انني لازلت حيا !!

وليعذرني دكاترة الاسنان ولكنها الحقيقة .. انا اكره ان ازوركم !!

المهم ان الضرس الان محشو .. ويبدو ان زميله المجارو اعجبته الحلة الجديدة له .. وكأني به

سيشتكي قريبا .. كي ينال مثلها !! وليكن الله في عوني ،،



هل لك عزيزي العضو اي ذكرى مشابهة لعمليات الاسنان التقليدية تلك ؟ وكيف كانت تجربتك الاولى ؟؟

وهل تخاف من مراجعة دكتور الاسنان مثلي .. ام انني الجبان الوحيد من هذه الناحية؟؟


ولكم كل تقديري اخوكم .. اوتــو :)





فــ،ـــ،ـــاصــ،ــلــ،ــة
==========


اعتبرني ذكرى حلوه .. مرة بدنياك وعـــــدت
واعتبرني نسمه طيبه في ليالي الصيف هبت

اعتبرني شي وعــدا
لاترجـــــى مني رده

وهذا حظك ياحسافه وهذا حظي
وانا آسف واعتذر لك .. ولا عاش اللي يذلك

يا ترى مقبول .. مني الإعتذار؟

[PoBox]

ههههههههههههه

عجيب موضوعك يااوتو


قصتي كقصتك في صغرك وهي في صغري
,هي قصة ( خلع ) بفتح الخاء ولو ان ضم الخاء ايضا ممكن يكون صحيح
لان النهاية الطلاق يؤدي للفراق وهذا ماحصل مع السن الحبيب :(



دخلت على الدكتور
في مستشفى الرميلة القديم - او كراج الرميلة القديم بمعنى أصح -
Specefication
* ضخم الجسم
* عريض المنكبين
* ملتحي ولحيته طويلة
* مصري

ولازال اسمه معي يبدا بحرف هادي او عبدالهادي :secret: يعطيه العافية

قبل البدأ قال بسم الله
= <<<< مادري ليش بسم الله في هالموقف حسستني اني خروف العيد :secret:خصوصا ان منطقة العمليات قريبة من الرقبة:eek5:

ماتخفش يابني ، تكة صغيرة وحتبأاا فل الفل :) <<< هذا كان شكل ابتسامته وقصده حسن ،، لكن هذا كان شكل ابتسامتي :) << ولكنها صفراء المخبر


قلتله في صمت - ام - بحكم انه يتكلم والعدة شغالة داخل :omen2:
فلا مجال للكلام ، ولكني اقصد I Agree man go ahead :omen2:

البنج رقم 1 + 2 في مكانين

وقالي معلش شوية خليك في الانتظار 5 دئايئ وارجع تاني عشان البنج ياخد مفعولوه يابني

طلعت والنية السودة كانت في راسي اني ما ارجع له كانطباع اولي عنه
لكن اين لك هذا وابوك اللي موديك ومنتظرك بعد :weeping:


دخلت مرة اخرى ،، قالي بتحس باسنانك
قلتله اي احس

قال طيب ،، ويحط البنج للمرة 3 احتياط :secret:
- الظاهر فهمت سؤاله غلط مما ادى للبنج الثالث :weeping:


بدا العمل
والبوكسينغ مايعرف انجليزي حزتها خصوصا مصطلحات الدكاترة


بدا ادخال الورور وحفر السن من اليمين والشمال
- لان السن اصلا رايح فيها ، فما يقدر يسحبه دايركت -
= >>> الاخ عاشق للحلويات مب مقصر يعني :shy:

وقالي الدكتور
لما تحس بألم ارفع ايدك يابني
قلت له آه
= >>> وانا في نفسي ودي طول الوقت تكون يدي مرفوعة ، لكن الحرج وعمايله يخلي يدي تحت الا في الشديد الأوي :shy: :weeping:


اختصر الباقي لاني لو كملت راح اتم الى الغد
فالقصة مدوية

ولازلت الى اليوم اكره طبيب الاسنان مثل كرهك له بالضبط :nice:

[الريان]

انا لا اثق في العيادات الموجوده عندنا وخصوصا عيادات الاسنان

اذكر اني قمت بزياره لاحد هذه العيادات وذلك بعد مشاهده اعلان يحتوي على كلمات منمقه وصوره جميله

لشخصيات اجمل

طبعا اثر الاعلان فيني جدا ورحت اركض اليهم

و لللعلم الاطباء كلهم كانوا من جنسيات عربيه

وكان هدف الزياره عمل تقويم تجميلي للاسنان

ولكني تفاجئت بعد الزياره بعلل كثيره لاحصر لها

حتى اني شكيت اني ماراح اطلع من العياده حي

يعني بدال ما ارتاح خوفني جدا

وكان اهم عله عندي حسب ما اخبروني دم فاسد في اللثه بسبب ضربه قويه

ويجب اجراء جراحه عاجله

طبعا الجراحه راح تكون عندهم والحسابه تحسب

وافقت على الجراحه وانا متردد

لان هذا دكتور ويجب الرضوخ لكلامه بدون اي سؤال قد يضايقه

لانه سيقول لك انت الدكتور ولا انا

عموما اجريت الجراحه وياليتني ما اجريتها

لانهم العبوا في لثتي صح وتغير لوني اسناني الى اللون الداكن

وذلك لانهم قاموا بتقطيع جدور اللثه

وصدوقوني انه حتى كلمت اسف ما سمعتها منهم

عموما بعد الجراحه باسبوع قاموا بتركيب التقويم واكيد الحسابه تحسب

وبعد تسعة شهور لم يمشي التقويم بالشكل المطلوب ولكنهم لم يخبروني بذلك

وكان هناك دكتور امريكي زار العياده لفتره اسبوع

وعندما راى التقويم تفاجىء واخبرني انه تم تركيب التقويم بطريقه خاطئه

وعندما واجة مدير العياده والذي هو من جنسية عربيه قال لي بان الدكتور هذا لا يفهم

اذا لا يفهم لماذا تحضورنه من بلده كخبير وهو لايفهم

وكمل كلامه بان التقويم صحيح والاسبوع الجاي سننزعه منك

يعني بالعربي فارقنا والي عندك سوه

طبعا هم قد حصلوا على اموالهم كامله

وانا لم استفت شيئا الا ضياع اموالي ووقتي وصحتي لثتي هباء

هذه قصتي مع عيادات الاسنان

والذي لا اثق فيها ابداء وخصوصا اذا كان الطبيب عربي

واسموحولي على الاطاله

[متسبب]

عندي وعندك خير يا استاذ اوتوسان
انا اعاني من نفس المشكله وتعقدت منهم من بعد مامريت على دكتور اقل مايقال عنه انه مكانيكي
ومن يومها وانا متعقد منهم
وبعد غياب 15 سنه خدمه في ثانوي اضطريت اني امر على دكتور الاسنان لان الضرس في الليل كان يعذبني وفي النهار كانه واحد من الربع وكنت اشوفه الصبح طيوب فأنسى موضوعه واقول خلاص مايحتاي
وفي الليل يلتهني وقلت اتحمل هذا كله ولا اني اروح للدكتور
لين وصل لمرحله انه قام يعورني الصبح والليل
فسألت عن اعظم الاطباء في البلاد واشهرهم فمدحوا لي دكتور في مكان ما مابي اذكر اسمه عشان ماتقولون اسوي له دعايه
المهم رحت له وقلت له
انا اخر مره دخلت لدكتور الاسنان كنت في صف سادس
والحين هاذي ثاني مره
ومش لاني اهتم بنظافه اسناني
لا لاني متعقد منكم وياليت تغير هالفكره من مخي
وطبعا يمين يسار خلع الضرس وبصراحه كانت يده خفيفه وابرك من ذاك الميكانيكي
يمكن لاني كنت صغير ذيك الفتره مادري الله اعلم
لكن قبل لا اطلع شكرته وقلت له بصراحه ماقصرت ويدك خفيفه بس تبي الصراحه للحين الفكره ماتغيرت:shy:
ومشكور اوتو سان على هالموضوع الحلو واسمحوا لي على سوء التعبير :shy:

[ريم قطر]

السلام عليكم
انا مش بس اخاف من دكتور الاسنان انا دكتور الاسنان بالنسبه لي فلم مرعب:eek5: حتى الافلام المرعبه اهون لي واكره ريحة العياده واقول حق الدكتور اذا شافني اني اكره دكاترة الاسنان وجدامهم بعد علشان جذيه انا محافظه عليهم علشان ماروح للدكاتره
الله يعينه عليهم
تسلم اخوي

[100$]

يوم كنت في صف 6 الى ثالث عدادي

كنت ادرس في احد القرى النائيه .. المهم كان كل يوم ثلاثاء في باص يتوجه الى اقرب مدينه تكون بها عيادة اسنان

وطبعا اخوكم على شان يتهرب من الدراسه كان دايم يسجل اسمه مع الطلاب الي محتاجين يروحون الى

عيادة الاسنان .. لان البتص يطلع من بعد الحصه الولى ولا يرد الا اخر الدوام

والله ماكنت اشتكي من اي شي ... والدكاتره هناك مايقصروون يحفرون ويرقعون برصاص.. ليش مادري


وانا ماعندى اي مشكله حاليا مع طبيب الاسنان لاني متعود

بس الصراحه فرق كبير بين عيادات الاسنان لول والحين ... لول ابرة التخدير شكلها يروع تسبب بنج لنص الوجه تخدره تخدير وينمل

الحين البنج صار قطنه فيها محلول تدهن فيه الثه بعدين ابره صغيره ولا تحس بشي

[ناصر العمادي]

موضوع شيق ذكرني بالماضي الأليم ...

أذكر عقدتي النفسيه مع دكاترة الأسنان بدأت عندما كنت في المرحله الأبتدائيه

أيام الصحه المدرسيه القديمه اللي مشاهده مدرسة صلاح الدين ....

كنت مانام الليل من الألم ولا أعرف طعم الأكل من أسناني ....

أخذني أبوي للعياده وبدأت الجريمه ...

جلع أول ضرس وجلع قلبي معاه ...

وجلع الثاني ... وأخذ روحي وياه ...

وجلع الثالث والألم ماأنساه ..

وجلع الرابع وقلت ياحسرتاه ...

شفت الموت وأذكرمن الطريقه العجيبه اللي جلع فيها أسناني

طحت مريض أسبوع وماروح المدرسه ويمكن كان هذا أجمل مافي الموضوع ...

لكن ماأحزنني أن أثنين منهم الى اليوم خافوا وماطلعوا مره ثانيه ....

ومن بعدها لو أموت ماروح لدكتور الأسنان لأني صرت أحلم فيه في المنام ....

أربط ضرسي بحبل وأربط الحبل في سياره ويعطيه الأول ولا طقم أسناني كله جدامي ...

بس أرحم من دكتور الأسنان

كل الشكر أخوي العزيز على الذكريات الأليمه

الله يوفقك ويسعدك وينور دربك يارب

تحياتي وتقديري لك

[ROSE]

هههههههههههههههههههههههههههه


والله سوالفكم عجيبه :secret::tease:

كلكم تاخفون من دخاترة الاسنااااان :eek5:

انا احبهم حق التنظيف والتلميع بس

اما شي ثاني نوووووووووووووووووووووووو :weeping:


اذكر اول مره رحت لطبيب اسنان في عيادة خاصة

والكل يمدحه وهو المسكين اوكي يعني يده خفيفه


بس الخوف ومايسوي

والله انه شاطر كان حتى الابرة ماحسيت فيها

هو اول شي خدر موضع الابرة اللي بيضربها كمدخر

وبعدين ضرب الابرة يعني كلش ماحسيت

بس قال لي غمضي الحين وفتحي حلجج

وانا مسكرة الحلج واشوفه كاني مب مستوعبه ايش يقول

يقول لي مالك يابنتي فيه ايه افتحي بوءك

وانا مبلمه واشوفه :eek5: شوي وبصيح

قال لي ماتخفيش يلا لو حسيتي باي الم بشيل ايدي

قلت له اوكي وقلبي من كثر ماكان يرقع حسيته بيطلع من اذني

ههههههههههههه


فتحت حلجي اول ماشفت البكره في ايديه ودخل ايده في حلجي

جان اسمك ايده بالقوه واقول له اااااااااااه اااااااااه ااااااااه

تخرع يقول لي ايه فيه ايه مالك هوا انا عملت حاجه

قعدت اصيح اقول له مابي يعوووور

يقول تحسين فيه قلت له لا بس اخاف يعورني

المسكين قعد يقنعني اسكر عيني وماعلي من شي

وانا اااااااااه ااااااااااه قال لي افتحي عينج

فتحت عيني الا مخلص شلغه :shy: والضرس في ايده

:secret:

[umm yousef]

مهمة شخصية الطبيب أيا كان وخاصة في هذا التخصص لان العلاج فيه ألم ووقت وجهد ...
,انا طالبة في الابتدائي أذكر أن لما ينادون من يدش أول كنت أنط و أقول ((أنا)) وبكل قوة ما ادري اشلون ...
ومع أني عندي مراجعات دورية لحشوات وتنظيف
بس أكثر شي تعبني شيلت ضرس العقل والمشكلة على يد أكبر الاطباء عندنا ...لو قلت اني حست أن مخي بيطلع ما أبالغ...
بعد الابرة جاب الكماشة وقد يشد ويشد ويشد بكل قوته خفت الضرس ولا الفك ينكسر وما قدر يشيله - الجذور قوية- ودم كثيييييييييييير...والله حسيت انه مما بيطلع خلاص...
وبعد عناء شديد وحتى الدكتور تعب وبدأ يعرق جبينه...عطاني اجازة لنفس اليوم...
طبعا قعدت بعدها اسبوع مريضة وانتكست صحتي!!!
طار الضرس والعقل :)
الحمدلله..

[بدور]

ول ول كل الناس يشتكون من الاسنان ودكاترة الاسنان:eek5:

متابعه لكم .... الله المستعان :(

[ضوى]

سبحان الله يا بو عبدالله والله هالموضوع ببالي من يومين :eek5:


المهم شخصيا اكرهههههه طبيب الاسنان جداااااااااااااااااااااااااااااااااا ومرة واحدة رحت لطبيب الانسان وعطاني اربع ابر بنج عشان يشل اربع ضروس من ضروس العقل :shy:وكانت اول واخر مرة والحمد لله محافظة عليهم جدا جدا ولا ابي اعرف اي شئ عنهم وحتى لما احس بالم بسيط اتمضمض بقرفة باردة ويروح الالم الحمد لله

اللي خلاني اتكلم عن موضوع الاسنان اني اول امس وديت عيالي الثلاثة لطبيبة الاسنان للتشييك الدوري عليهم فصعقتني وقالت بنتي يبي لها تقويم عاجل جدا وعطتني تحويل لها وقالت لي اسنانها زي الفل واخوانها ماشاء الله عليهم قالت لي اسنانهم روووووعة وقالت لي باين من اسنانهم انهم ما ياكلون حلويات وايد ولا يشربون غازات وايد قلت لها لا والله بس بشكل بسيط جداا وبعدين عطتهم ستيكر هدية لهم وحطت لهم ستكرات في ملفاتهم وعطتني هدية صغيرة عبارة عن دبدوب صغير كهدية لي على حفاظي على اسنانهم وللعلم هذا كله بمركز الدفنة الصحي :shy:

ما احب طبيب الانسان اخاف منهم وااااااااااااااااايد ولا ممكن اروح لو شنو يسووووووون :secret:

حافظوا على اسنان

[الخيميائي]

من سوالفكم قمت احس بالم في ضرسي وصادني صداع حاد :(

بحاول اعالجه وبرجع

[ANONYMOUS]

موضوعك ذو شجون يا اتوسان

انا دكتور الاسنان بالنسبه لي يشبه الجني الحرامي قطاع طرق بودرياه.. الخ

بدت معاناتي من يمكن 25 سنه.. اول ماشفته في الابتدائيه..

طبعا ماكنت اعرف شسالفه.. بس خمّس في حلجي لين قال بس.. وانا بكيت لين قلت بس.. المهم جلع ضرس طاحون ولين الحين ماطلع.. :(

المهم.. كبرت وانا ناقم وحاقد على اطباء الاسنان.. وكبر الحقد والكره معاي لين الحين..

مالك في الطويله..


اخبر يوم كنت برا.. جاني الم فضيع في ضرس.. بعد طاحون مادري طواحين.. المهم.. اتحدى اي حد تحمل زيي.. وفي الاخير وبعد حنه من ام العيال وافقت اروح الدكتور.. فاستشرت الدكاتره ف الجامعه عن احسن واحد ييتعامل مع لضروس و 3 منهم مدحوا واحد.. اتصلت وخذت موعد نفس اليوم.. ورحت بخطوه ثقيله جدا..


لايفوتكم وش سوى هالدكتور.. انا اعتقد انه لاعب قوى ( يحمل اثقال) وياهوا حمل الاثقال اللي في حلجي ياجماعه..

المشكله ضرسي عنّد انه ينجلع.. فاستخدم هالمصارع اقوى الالات واحدثها ويهو يسحب هالضرس.. والله اعلم ان ضرسي مافيها شي.. قعد حول الربع ساعه يحاول يجلع فيها..


كسرها لـ 3 قطع يمكن..

لدرجة انه حط رجل على يابهتي ورجل على فكي السفلي.. وهوماسك هالضرس الفقير ويجر فيه

لين طلع اخيرا ( ابي احط صورة واحد يبكي)

والله لايرويكم..

الام المسيح

ودمااااان

ودموع وعواصف ..شدخل..

وشكثر ادويه..

عموما.. مرحله وعدت الله لايعودها من ايام..



المره الاخيره..

مدحو لي دكتور هنا بالدوحه

وانا رحت لعنده عنطزه.. يازعم كبير وماخاف

الله يغربل بليسه.. دخل سكروب طوله متر في ضرسي.. وهو يحفر العصب..

وقال لي عقب مادري يوم تعال اسوي حشو دائم.. ( وانا اقول في نفسي .. اي ماعليه.. قابلني ياحبيبي ان شفتني مره 2 )

وليومكم مطنش له ( هالكلام من 4 سنوات )


والله خاطري احبهم.. بس ماينحبون مره



ملاحظه.. سالفة الريل اتغشمر فيها.. بس صراحه لو مسوي ابرك.. على الاقل بيشيلها ب 10 دقايق

[fashions]

أكثر شي إذا تذكرته صابتني قشعريره
دكتور الأسنان :(

[المطرقة]

انا من كثر ما كنت اراجع عيادة الاسنان في رميلة هالكلام ايام الإعدادية والثانوية .. خلاص تعودت على الموضوع .. وصرت ماخذ على دكاترة الاسنان .. واحبهم .. واعرف شغلهم اشلون ماشي او شنهي الاجراءات اذا قدر الله ورحت لهم او حتى في عيادة خاصة ..

الخطوات :

1- شعندك تشتكي ..

2- انسدح على الكرسي ..

3- يحط الكمامة على حلجة ويقرب الكشاف ويضبط لك الكرسي مال العلاج ويميله على ما يبي ..

4- يمد في يده مرايه صغيره عشان يتفحص السن التعبان .. وبالمره يتفحص باقي الاسنان ويعطيك تشخيص سريع .. لباقي الاسنان ..

5- يطلب من الممرضة العدة ..

6- الممرضة تطلع العدة من المايكروويف ههههه يابلفيت تعقيم ..

7- الدكتور يشغل الحفار مادري لدريل .. والممرضة تمسك بالشفاط اللي يشفط ريقك والدم وتدعسه داخل حلجك لين تحس انك تبي تشرق ههههههه

8- اذا الموضوع يبي له حشو فالعملية سهله .. يخلط لك الحشوة ويرتبها لك

9- عقب يفرك الضرس بقطنه صغيره ويقولك توكل على الله ..

10- اذا الموضوع فيه عصب او خلع .. الله يعينك لازم ابره ويضربها لك في اللثه من الصوبين من برا ومن داخل .. وعقب يقولك ارتاح برا 5 دقايق عشان البنج ياخذ مفعوله .. وطبعا اتحس ان حلجك على صوب والبرطم منتفخ ولسانك متشنج ههههههه

11- اذا عصب يضطر يستخدم ابر اصغيره كلش يضربها في اللثه من داخل السن ويتم يلفها بيده كنه يبرم ... ويجرها لتحت عشان يقتل العصب ويستخلصه من اللثه .. وطبعا عقب يسوي لك حشوة مؤقته ويقولك راجعني عقب كم يوم .. لان العصب يبيله شغل يمكن 3 جلسات لين يخلص منه ..

12- اذا خلع الموضوع عادي دام فيه بنج يعني ما تحس باي الم كلشششششششش اللهم انك تستشعر الضرس وهو يطلع من اللثة وينجلع من مكانه .. بس كألم مافيه ..

14- يحط في حلجك مكان الخلع قطنه ويقولك عض عليها هههههههه

15- يكتب لك روشته فيها مضاد حيوي ومسكن للالم ويقولك لا تاكل شي الا عقب ساعة ويفضل بعض المشروبات مثل الشوربه

16- يشخط لك الفاتورة ويقولك ادفع عندي ههههههه



بس خلاص :rolleyes2:

[miss-qatr]

اخوي اوتو حاولت اطوف فقرات من موضوعك لان طريقه شرحك لخلع السن اتخرررررع:weeping:

بس للأسف قريتها :rolleyes2:


انا بعد اضم نفسي معاكم لاني اخاف من شي اسمه دكتور اسنان :eek5:

بعد انا عندي لو كان رجال ابرك من المره :court:

واستنتاجي ذيه بنيته على خبرتي بالدكاتره الحريم من وحده عقدتني ربي يعقدها

الرجال على الاقل لين صرخت ولا قلت له شوي شوي يراعيك ولا يعطيك مجال اتنفس

المره بهدلتني من ابي ابطل حلجي صرخت جني اشتغل عن ابوها :court::court:


ايه الدلع ده .... ايه الدلع ده -------------> وتصرخ في اذنك اتصمخك حسبي الله عليها

وتشتغل واهي معصبه ولسوء حظي كنت مضطره اشوفها اكثر من مره crazy

هذي تجربتي كانت من فتره طويله اما تجربتي الجديده مع دكتور بعياده خاصه يعني مب وااايد سيىء بس اهون من الفلم المرعب اللي عشته :looking:


تحياااااااااتي لك اوتو على الموضوع :)

[المتأمل خيرا]

اقتصرت على قراءة ما كتبته بداية.. أخي "OTOsan".. - ولي زيارة للآخرين في العيادة هنا :) لقراءة المداخلات -، لكن الطريف أنـّي قبل أيام قليلة كنت أفكّر في طرح موضوع بعنوان له صلة بالدكاترة.. بعد "زيارتي" لدكتور أسنان في "مركز المنتزه الصحي".. وحيث أنني احتاج ان أتذكّر ما كان في بالي قوله.. سأعود من جديد "حتماً:)"..

- وحتى ذلك الحين.. اترككم مع هذه الوصلة.. "الغير موسيقيـّة".. - :

http://www.asnanaka.com

[+abc]

السلام عليكم جميعا .. وصباح الخير

طريقة التعامل مع دكتور الاسنان :

1 يكون معاك ابوك ولازم يكون شكله مايتفاهم .
2 تعض يد الدكتور وتصرخ باقوى قوتك .
وطبعا بهالطريقه تضمن انه يده راح تكون خفيفه لانه عامل حساب حق الي معاك


واحسن طريقه للمحافظه على الاسنان تنظف اسنانك قدام التلفزيون عشان ماتملل وتنظف عدل
والله يبعدكم عن دكاترة الاسنان قولوا امين

[OTOsan]

ههههههههههههه

عجيب موضوعك يااوتو


قصتي كقصتك في صغرك وهي في صغري
,هي قصة ( خلع ) بفتح الخاء ولو ان ضم الخاء ايضا ممكن يكون صحيح
لان النهاية الطلاق يؤدي للفراق وهذا ماحصل مع السن الحبيب :(



دخلت على الدكتور
في مستشفى الرميلة القديم - او كراج الرميلة القديم بمعنى أصح -
Specefication
* ضخم الجسم
* عريض المنكبين
* ملتحي ولحيته طويلة
* مصري

ولازال اسمه معي يبدا بحرف هادي او عبدالهادي :secret: يعطيه العافية

قبل البدأ قال بسم الله
= <<<< مادري ليش بسم الله في هالموقف حسستني اني خروف العيد :secret:خصوصا ان منطقة العمليات قريبة من الرقبة:eek5:

ماتخفش يابني ، تكة صغيرة وحتبأاا فل الفل :) <<< هذا كان شكل ابتسامته وقصده حسن ،، لكن هذا كان شكل ابتسامتي :) << ولكنها صفراء المخبر


قلتله في صمت - ام - بحكم انه يتكلم والعدة شغالة داخل :omen2:
فلا مجال للكلام ، ولكني اقصد I Agree man go ahead :omen2:

البنج رقم 1 + 2 في مكانين

وقالي معلش شوية خليك في الانتظار 5 دئايئ وارجع تاني عشان البنج ياخد مفعولوه يابني

طلعت والنية السودة كانت في راسي اني ما ارجع له كانطباع اولي عنه
لكن اين لك هذا وابوك اللي موديك ومنتظرك بعد :weeping:


دخلت مرة اخرى ،، قالي بتحس باسنانك
قلتله اي احس

قال طيب ،، ويحط البنج للمرة 3 احتياط :secret:
- الظاهر فهمت سؤاله غلط مما ادى للبنج الثالث :weeping:


بدا العمل
والبوكسينغ مايعرف انجليزي حزتها خصوصا مصطلحات الدكاترة


بدا ادخال الورور وحفر السن من اليمين والشمال
- لان السن اصلا رايح فيها ، فما يقدر يسحبه دايركت -
= >>> الاخ عاشق للحلويات مب مقصر يعني :shy:

وقالي الدكتور
لما تحس بألم ارفع ايدك يابني
قلت له آه
= >>> وانا في نفسي ودي طول الوقت تكون يدي مرفوعة ، لكن الحرج وعمايله يخلي يدي تحت الا في الشديد الأوي :shy: :weeping:


اختصر الباقي لاني لو كملت راح اتم الى الغد
فالقصة مدوية

ولازلت الى اليوم اكره طبيب الاسنان مثل كرهك له بالضبط :nice:


ههههههههه بارك الله فيك اخي بوكس .. والله ضحكت ضحك من هالتفاصيل ، زين ماقال لك .. بسم الله .. اللللله اكبر !! كانت علومك علوم !!

المضطر يركب الصعب :( ومافي حد يتمنى يزور اي نوع من الدكاتره .. خصوصا دكاترة الاسنان .. بروحه كرسيهم تقول كرسي الاعدام اللي نشوف في الافلام !!

شاكر لك مرورك اخوي بوكس وامتاعنا بهذه التفاصيل الرائعة .. وتمنياتي لك باسنان بيضاء لامعة كاللؤلؤ !!

[OTOsan]

انا لا اثق في العيادات الموجوده عندنا وخصوصا عيادات الاسنان

اذكر اني قمت بزياره لاحد هذه العيادات وذلك بعد مشاهده اعلان يحتوي على كلمات منمقه وصوره جميله

لشخصيات اجمل

طبعا اثر الاعلان فيني جدا ورحت اركض اليهم

و لللعلم الاطباء كلهم كانوا من جنسيات عربيه

وكان هدف الزياره عمل تقويم تجميلي للاسنان

ولكني تفاجئت بعد الزياره بعلل كثيره لاحصر لها

حتى اني شكيت اني ماراح اطلع من العياده حي

يعني بدال ما ارتاح خوفني جدا

وكان اهم عله عندي حسب ما اخبروني دم فاسد في اللثه بسبب ضربه قويه

ويجب اجراء جراحه عاجله

طبعا الجراحه راح تكون عندهم والحسابه تحسب

وافقت على الجراحه وانا متردد

لان هذا دكتور ويجب الرضوخ لكلامه بدون اي سؤال قد يضايقه

لانه سيقول لك انت الدكتور ولا انا

عموما اجريت الجراحه وياليتني ما اجريتها

لانهم العبوا في لثتي صح وتغير لوني اسناني الى اللون الداكن

وذلك لانهم قاموا بتقطيع جدور اللثه

وصدوقوني انه حتى كلمت اسف ما سمعتها منهم

عموما بعد الجراحه باسبوع قاموا بتركيب التقويم واكيد الحسابه تحسب

وبعد تسعة شهور لم يمشي التقويم بالشكل المطلوب ولكنهم لم يخبروني بذلك

وكان هناك دكتور امريكي زار العياده لفتره اسبوع

وعندما راى التقويم تفاجىء واخبرني انه تم تركيب التقويم بطريقه خاطئه

وعندما واجة مدير العياده والذي هو من جنسية عربيه قال لي بان الدكتور هذا لا يفهم

اذا لا يفهم لماذا تحضورنه من بلده كخبير وهو لايفهم

وكمل كلامه بان التقويم صحيح والاسبوع الجاي سننزعه منك

يعني بالعربي فارقنا والي عندك سوه

طبعا هم قد حصلوا على اموالهم كامله

وانا لم استفت شيئا الا ضياع اموالي ووقتي وصحتي لثتي هباء

هذه قصتي مع عيادات الاسنان

والذي لا اثق فيها ابداء وخصوصا اذا كان الطبيب عربي

واسموحولي على الاطاله


بالعكس اخوي الريان ما اطلت ،، ونتمنى من الله الشفاء العاجل لك . والله يعوضك خير.

ذكرتني بالتقويم !! من صغري ونا ابي اسوي تقويم .. وكل مره أأجل .. الين يومك ماسويت وشكلي ماراح اسوي !

بالنسبة للعيادات الخاصة .. اعتقد ان كثرتها الان تجعلك في حيرة من امرك الى ايا منها تذهب ،
وكما قلت انت .. ان اصبحت في شك من امرك في ما يفعله الدكتور تكون اجابته مشابهه لما افدت به .. ( انا الدكتور ولا انت ) !!

اضافة الى الغلاء الفاحش في رسوم عيادات الاسنان .. والتي اظن انها مبالغ فيها جدا مقارنة بكثير من البلدان المجاورة ..

لك كل الشكر على مرورك اخوي الريان

[OTOsan]

عندي وعندك خير يا استاذ اوتوسان
انا اعاني من نفس المشكله وتعقدت منهم من بعد مامريت على دكتور اقل مايقال عنه انه مكانيكي
ومن يومها وانا متعقد منهم
وبعد غياب 15 سنه خدمه في ثانوي اضطريت اني امر على دكتور الاسنان لان الضرس في الليل كان يعذبني وفي النهار كانه واحد من الربع وكنت اشوفه الصبح طيوب فأنسى موضوعه واقول خلاص مايحتاي
وفي الليل يلتهني وقلت اتحمل هذا كله ولا اني اروح للدكتور
لين وصل لمرحله انه قام يعورني الصبح والليل
فسألت عن اعظم الاطباء في البلاد واشهرهم فمدحوا لي دكتور في مكان ما مابي اذكر اسمه عشان ماتقولون اسوي له دعايه
المهم رحت له وقلت له
انا اخر مره دخلت لدكتور الاسنان كنت في صف سادس
والحين هاذي ثاني مره
ومش لاني اهتم بنظافه اسناني
لا لاني متعقد منكم وياليت تغير هالفكره من مخي
وطبعا يمين يسار خلع الضرس وبصراحه كانت يده خفيفه وابرك من ذاك الميكانيكي
يمكن لاني كنت صغير ذيك الفتره مادري الله اعلم
لكن قبل لا اطلع شكرته وقلت له بصراحه ماقصرت ويدك خفيفه بس تبي الصراحه للحين الفكره ماتغيرت:shy:
ومشكور اوتو سان على هالموضوع الحلو واسمحوا لي على سوء التعبير :shy:


شاكر لك اخوي متسبب مرورك ومشاركتنا معاناتك مع بعض الدكاتره ( الميكانيكيين ) هههههههههه

عجبني تعبير الميكانيكي وايد :) .. والمشكله ان الخوف لايزال .. حتى لوكان الدكتور ممتاز !!

شي فيه ضروس .. تحس ان فيه الم :)

شاكر مرورك اخوي متسبب ،،

[OTOsan]

السلام عليكم
انا مش بس اخاف من دكتور الاسنان انا دكتور الاسنان بالنسبه لي فلم مرعب:eek5: حتى الافلام المرعبه اهون لي واكره ريحة العياده واقول حق الدكتور اذا شافني اني اكره دكاترة الاسنان وجدامهم بعد علشان جذيه انا محافظه عليهم علشان ماروح للدكاتره
الله يعينه عليهم
تسلم اخوي

الوقاية خير من العلاج :)

لو الواحد بيعرف انه يعاني هالمعاناه كان اهتم من البداية .. لكن خلاص :(

يعطيج العافيه اخت ريم على المرور ،،

[OTOsan]

يوم كنت في صف 6 الى ثالث عدادي

كنت ادرس في احد القرى النائيه .. المهم كان كل يوم ثلاثاء في باص يتوجه الى اقرب مدينه تكون بها عيادة اسنان

وطبعا اخوكم على شان يتهرب من الدراسه كان دايم يسجل اسمه مع الطلاب الي محتاجين يروحون الى

عيادة الاسنان .. لان البتص يطلع من بعد الحصه الولى ولا يرد الا اخر الدوام

والله ماكنت اشتكي من اي شي ... والدكاتره هناك مايقصروون يحفرون ويرقعون برصاص.. ليش مادري


وانا ماعندى اي مشكله حاليا مع طبيب الاسنان لاني متعود

بس الصراحه فرق كبير بين عيادات الاسنان لول والحين ... لول ابرة التخدير شكلها يروع تسبب بنج لنص الوجه تخدره تخدير وينمل

الحين البنج صار قطنه فيها محلول تدهن فيه الثه بعدين ابره صغيره ولا تحس بشي

يمكن لان البعض ماجرب الابره القديمة .. فيحس انها مشكله بالنسبة له .. بس لو جربها بيقول الحمد لله على هالابره الناعمة :)

شكلهم رقعو لك ضروس وايد مع انك ماتشتكي من شي :)

مشكور اخوي مية دولار على مرورك ،،

[OTOsan]

موضوع شيق ذكرني بالماضي الأليم ...

أذكر عقدتي النفسيه مع دكاترة الأسنان بدأت عندما كنت في المرحله الأبتدائيه

أيام الصحه المدرسيه القديمه اللي مشاهده مدرسة صلاح الدين ....

كنت مانام الليل من الألم ولا أعرف طعم الأكل من أسناني ....

أخذني أبوي للعياده وبدأت الجريمه ...

جلع أول ضرس وجلع قلبي معاه ...

وجلع الثاني ... وأخذ روحي وياه ...

وجلع الثالث والألم ماأنساه ..

وجلع الرابع وقلت ياحسرتاه ...

شفت الموت وأذكرمن الطريقه العجيبه اللي جلع فيها أسناني

طحت مريض أسبوع وماروح المدرسه ويمكن كان هذا أجمل مافي الموضوع ...

لكن ماأحزنني أن أثنين منهم الى اليوم خافوا وماطلعوا مره ثانيه ....

ومن بعدها لو أموت ماروح لدكتور الأسنان لأني صرت أحلم فيه في المنام ....

أربط ضرسي بحبل وأربط الحبل في سياره ويعطيه الأول ولا طقم أسناني كله جدامي ...

بس أرحم من دكتور الأسنان

كل الشكر أخوي العزيز على الذكريات الأليمه

الله يوفقك ويسعدك وينور دربك يارب

تحياتي وتقديري لك


هههههههههههههههههههههههه ماشاء الله عليك اخوي ناصر .. اربعة بيوم واحد ،

شكلي صج قلبت عليك المواجع .. لهالدرجة حتى في منامك تشوفه هههههههههه

يعطيك العافيه اخوي ناصر ومشكور على مرورك .. وذكرياتك المؤلمة :)

[OTOsan]

هههههههههههههههههههههههههههه


والله سوالفكم عجيبه :secret::tease:

كلكم تاخفون من دخاترة الاسنااااان :eek5:

انا احبهم حق التنظيف والتلميع بس

اما شي ثاني نوووووووووووووووووووووووو :weeping:


اذكر اول مره رحت لطبيب اسنان في عيادة خاصة

والكل يمدحه وهو المسكين اوكي يعني يده خفيفه


بس الخوف ومايسوي

والله انه شاطر كان حتى الابرة ماحسيت فيها

هو اول شي خدر موضع الابرة اللي بيضربها كمدخر

وبعدين ضرب الابرة يعني كلش ماحسيت

بس قال لي غمضي الحين وفتحي حلجج

وانا مسكرة الحلج واشوفه كاني مب مستوعبه ايش يقول

يقول لي مالك يابنتي فيه ايه افتحي بوءك

وانا مبلمه واشوفه :eek5: شوي وبصيح

قال لي ماتخفيش يلا لو حسيتي باي الم بشيل ايدي

قلت له اوكي وقلبي من كثر ماكان يرقع حسيته بيطلع من اذني

ههههههههههههه


فتحت حلجي اول ماشفت البكره في ايديه ودخل ايده في حلجي

جان اسمك ايده بالقوه واقول له اااااااااااه اااااااااه ااااااااه

تخرع يقول لي ايه فيه ايه مالك هوا انا عملت حاجه

قعدت اصيح اقول له مابي يعوووور

يقول تحسين فيه قلت له لا بس اخاف يعورني

المسكين قعد يقنعني اسكر عيني وماعلي من شي

وانا اااااااااه ااااااااااه قال لي افتحي عينج

فتحت عيني الا مخلص شلغه :shy: والضرس في ايده

:secret:

هههههههههههههههههههههه مايسوى عليه هالدكتور .. توه ماسوى شي كنتي بتاكلينه هههههه

مشكوره على مرورج اخت روز .. وتمنياتي لك باسنان قوية ونظيفة :)

[OTOsan]

مهمة شخصية الطبيب أيا كان وخاصة في هذا التخصص لان العلاج فيه ألم ووقت وجهد ...
,انا طالبة في الابتدائي أذكر أن لما ينادون من يدش أول كنت أنط و أقول ((أنا)) وبكل قوة ما ادري اشلون ...
ومع أني عندي مراجعات دورية لحشوات وتنظيف
بس أكثر شي تعبني شيلت ضرس العقل والمشكلة على يد أكبر الاطباء عندنا ...لو قلت اني حست أن مخي بيطلع ما أبالغ...
بعد الابرة جاب الكماشة وقد يشد ويشد ويشد بكل قوته خفت الضرس ولا الفك ينكسر وما قدر يشيله - الجذور قوية- ودم كثيييييييييييير...والله حسيت انه مما بيطلع خلاص...
وبعد عناء شديد وحتى الدكتور تعب وبدأ يعرق جبينه...عطاني اجازة لنفس اليوم...
طبعا قعدت بعدها اسبوع مريضة وانتكست صحتي!!!
طار الضرس والعقل :)
الحمدلله..

ضرسي عورني من طاري الكماشة :(

اللي يشوف ذكريات غيره المؤلمة .. يهون عليه الم ضرسه


شكله في ناس ضروسها تعورها .. بس بعد هالموضوع ماراح يطبون اي عياده ههههههههههههههه

شاكر لج مرورج اختي ام يوسف ،،

[OTOsan]

ول ول كل الناس يشتكون من الاسنان ودكاترة الاسنان:eek5:

متابعه لكم .... الله المستعان :(


خذي لج فره على اقرب عياده عشان تعرفين :(

تابعينا .. وفالج طيب هههههههههه

[OTOsan]

سبحان الله يا بو عبدالله والله هالموضوع ببالي من يومين :eek5:


المهم شخصيا اكرهههههه طبيب الاسنان جداااااااااااااااااااااااااااااااااا ومرة واحدة رحت لطبيب الانسان وعطاني اربع ابر بنج عشان يشل اربع ضروس من ضروس العقل :shy:وكانت اول واخر مرة والحمد لله محافظة عليهم جدا جدا ولا ابي اعرف اي شئ عنهم وحتى لما احس بالم بسيط اتمضمض بقرفة باردة ويروح الالم الحمد لله

اللي خلاني اتكلم عن موضوع الاسنان اني اول امس وديت عيالي الثلاثة لطبيبة الاسنان للتشييك الدوري عليهم فصعقتني وقالت بنتي يبي لها تقويم عاجل جدا وعطتني تحويل لها وقالت لي اسنانها زي الفل واخوانها ماشاء الله عليهم قالت لي اسنانهم روووووعة وقالت لي باين من اسنانهم انهم ما ياكلون حلويات وايد ولا يشربون غازات وايد قلت لها لا والله بس بشكل بسيط جداا وبعدين عطتهم ستيكر هدية لهم وحطت لهم ستكرات في ملفاتهم وعطتني هدية صغيرة عبارة عن دبدوب صغير كهدية لي على حفاظي على اسنانهم وللعلم هذا كله بمركز الدفنة الصحي :shy:

ما احب طبيب الانسان اخاف منهم وااااااااااااااااايد ولا ممكن اروح لو شنو يسووووووون :secret:

حافظوا على اسنان

الله يخلي لج عيالج اختي ضوى ، واهتمامج فيهم من جميع النواحي شي يحسب لج ،،

انا لو محافظ عليهم من البداية ماكان تورطت :(

وتستمر العقدة من اطباء الاسنان .. مع اغلبية الاعضاء :)

[OTOsan]

من سوالفكم قمت احس بالم في ضرسي وصادني صداع حاد :(

بحاول اعالجه وبرجع

بانتظارك .. عشان تقول لنا اشصار :)

شاكر لك مرورك اخوي خيمو .. بس وين الغيبه عن المنتدى العام ؟؟

[OTOsan]

موضوعك ذو شجون يا اتوسان

انا دكتور الاسنان بالنسبه لي يشبه الجني الحرامي قطاع طرق بودرياه.. الخ

بدت معاناتي من يمكن 25 سنه.. اول ماشفته في الابتدائيه..

طبعا ماكنت اعرف شسالفه.. بس خمّس في حلجي لين قال بس.. وانا بكيت لين قلت بس.. المهم جلع ضرس طاحون ولين الحين ماطلع.. :(

المهم.. كبرت وانا ناقم وحاقد على اطباء الاسنان.. وكبر الحقد والكره معاي لين الحين..

مالك في الطويله..


اخبر يوم كنت برا.. جاني الم فضيع في ضرس.. بعد طاحون مادري طواحين.. المهم.. اتحدى اي حد تحمل زيي.. وفي الاخير وبعد حنه من ام العيال وافقت اروح الدكتور.. فاستشرت الدكاتره ف الجامعه عن احسن واحد ييتعامل مع لضروس و 3 منهم مدحوا واحد.. اتصلت وخذت موعد نفس اليوم.. ورحت بخطوه ثقيله جدا..


لايفوتكم وش سوى هالدكتور.. انا اعتقد انه لاعب قوى ( يحمل اثقال) وياهوا حمل الاثقال اللي في حلجي ياجماعه..

المشكله ضرسي عنّد انه ينجلع.. فاستخدم هالمصارع اقوى الالات واحدثها ويهو يسحب هالضرس.. والله اعلم ان ضرسي مافيها شي.. قعد حول الربع ساعه يحاول يجلع فيها..


كسرها لـ 3 قطع يمكن..

لدرجة انه حط رجل على يابهتي ورجل على فكي السفلي.. وهوماسك هالضرس الفقير ويجر فيه

لين طلع اخيرا ( ابي احط صورة واحد يبكي)

والله لايرويكم..

الام المسيح

ودمااااان

ودموع وعواصف ..شدخل..

وشكثر ادويه..

عموما.. مرحله وعدت الله لايعودها من ايام..



المره الاخيره..

مدحو لي دكتور هنا بالدوحه

وانا رحت لعنده عنطزه.. يازعم كبير وماخاف

الله يغربل بليسه.. دخل سكروب طوله متر في ضرسي.. وهو يحفر العصب..

وقال لي عقب مادري يوم تعال اسوي حشو دائم.. ( وانا اقول في نفسي .. اي ماعليه.. قابلني ياحبيبي ان شفتني مره 2 )

وليومكم مطنش له ( هالكلام من 4 سنوات )


والله خاطري احبهم.. بس ماينحبون مره



ملاحظه.. سالفة الريل اتغشمر فيها.. بس صراحه لو مسوي ابرك.. على الاقل بيشيلها ب 10 دقايق


هههههههههههههههههههههههههههههههههههههههههههههههههه ههههههههههههههه


والله سالفتك سالفه ، والله اني اقرا واتخيل ونا ميت من الضحك هههههههه

بس ياخي يمكن العله في ضرسك .. هو معند والدكتور معضل مايحب حد يقول له لا .. وانت اللي كنت بينهم هههههههههههههههههههههه

اما الام المسيح بعد ههههههه

الله يجزيك خير على مرورك اخوي شنو ، والف شكر على رسم البسمه على شفاه المتألمين :)

[OTOsan]

أكثر شي إذا تذكرته صابتني قشعريره
دكتور الأسنان :(

مب انت بروحك :(

مشكور عالمرور اخوي فاشنز :)

[OTOsan]

انا من كثر ما كنت اراجع عيادة الاسنان في رميلة هالكلام ايام الإعدادية والثانوية .. خلاص تعودت على الموضوع .. وصرت ماخذ على دكاترة الاسنان .. واحبهم .. واعرف شغلهم اشلون ماشي او شنهي الاجراءات اذا قدر الله ورحت لهم او حتى في عيادة خاصة ..

الخطوات :

1- شعندك تشتكي ..

2- انسدح على الكرسي ..

3- يحط الكمامة على حلجة ويقرب الكشاف ويضبط لك الكرسي مال العلاج ويميله على ما يبي ..

4- يمد في يده مرايه صغيره عشان يتفحص السن التعبان .. وبالمره يتفحص باقي الاسنان ويعطيك تشخيص سريع .. لباقي الاسنان ..

5- يطلب من الممرضة العدة ..

6- الممرضة تطلع العدة من المايكروويف ههههه يابلفيت تعقيم ..

7- الدكتور يشغل الحفار مادري لدريل .. والممرضة تمسك بالشفاط اللي يشفط ريقك والدم وتدعسه داخل حلجك لين تحس انك تبي تشرق ههههههه

8- اذا الموضوع يبي له حشو فالعملية سهله .. يخلط لك الحشوة ويرتبها لك

9- عقب يفرك الضرس بقطنه صغيره ويقولك توكل على الله ..

10- اذا الموضوع فيه عصب او خلع .. الله يعينك لازم ابره ويضربها لك في اللثه من الصوبين من برا ومن داخل .. وعقب يقولك ارتاح برا 5 دقايق عشان البنج ياخذ مفعوله .. وطبعا اتحس ان حلجك على صوب والبرطم منتفخ ولسانك متشنج ههههههه

11- اذا عصب يضطر يستخدم ابر اصغيره كلش يضربها في اللثه من داخل السن ويتم يلفها بيده كنه يبرم ... ويجرها لتحت عشان يقتل العصب ويستخلصه من اللثه .. وطبعا عقب يسوي لك حشوة مؤقته ويقولك راجعني عقب كم يوم .. لان العصب يبيله شغل يمكن 3 جلسات لين يخلص منه ..

12- اذا خلع الموضوع عادي دام فيه بنج يعني ما تحس باي الم كلشششششششش اللهم انك تستشعر الضرس وهو يطلع من اللثة وينجلع من مكانه .. بس كألم مافيه ..

14- يحط في حلجك مكان الخلع قطنه ويقولك عض عليها هههههههه

15- يكتب لك روشته فيها مضاد حيوي ومسكن للالم ويقولك لا تاكل شي الا عقب ساعة ويفضل بعض المشروبات مثل الشوربه

16- يشخط لك الفاتورة ويقولك ادفع عندي ههههههه



بس خلاص :rolleyes2:

ماشاء الله اخوي المطرقة مانسيت شي .. شكلك متعود على الزيارة الدورية لهم :)

مع ان زياراتي مب وايد بس هذا اللي يسوونه بالضبط ،،

واهم شي عندهم .. خطوة 16 ههههههههههههههه

يعطيك العافيه ومشكور على مرورك اخوي المطرقة :)

[OTOsan]

اخوي اوتو حاولت اطوف فقرات من موضوعك لان طريقه شرحك لخلع السن اتخرررررع:weeping:

بس للأسف قريتها :rolleyes2:


انا بعد اضم نفسي معاكم لاني اخاف من شي اسمه دكتور اسنان :eek5:

بعد انا عندي لو كان رجال ابرك من المره :court:

واستنتاجي ذيه بنيته على خبرتي بالدكاتره الحريم من وحده عقدتني ربي يعقدها

الرجال على الاقل لين صرخت ولا قلت له شوي شوي يراعيك ولا يعطيك مجال اتنفس

المره بهدلتني من ابي ابطل حلجي صرخت جني اشتغل عن ابوها :court::court:


ايه الدلع ده .... ايه الدلع ده -------------> وتصرخ في اذنك اتصمخك حسبي الله عليها

وتشتغل واهي معصبه ولسوء حظي كنت مضطره اشوفها اكثر من مره crazy

هذي تجربتي كانت من فتره طويله اما تجربتي الجديده مع دكتور بعياده خاصه يعني مب وااايد سيىء بس اهون من الفلم المرعب اللي عشته :looking:


تحياااااااااتي لك اوتو على الموضوع :)


هههههههه ايه الدلع ده !!

مشكوره اخت مس عالمرور ، وبالفعل في بعض الدكاترة منهم فوق ما الواحد خايف منهم يعاملونه بطريقة مب مريحه كلش :)

[OTOsan]

اقتصرت على قراءة ما كتبته بداية.. أخي "OTOsan".. - ولي زيارة للآخرين في العيادة هنا :) لقراءة المداخلات -، لكن الطريف أنـّي قبل أيام قليلة كنت أفكّر في طرح موضوع بعنوان له صلة بالدكاترة.. بعد "زيارتي" لدكتور أسنان في "مركز المنتزه الصحي".. وحيث أنني احتاج ان أتذكّر ما كان في بالي قوله.. سأعود من جديد "حتماً:)"..

[size="4"]- وحتى ذلك الحين.. اترككم مع هذه الوصلة.. "الغير موسيقيـّة".. - :

http://www.asnanaka.com

وكلنا شوق لانتظارك في هذه العيادة :)

وكما يقول الشاعر افتح بن سمسم في معلقته الضرسية :

نظف اسنانك تحميها .. نظفها تصبح بيضاء
نظفها صبحا ومساء .. وتعال وشاركنا الفرح
فلنغني !!

:)

[OTOsan]

السلام عليكم جميعا .. وصباح الخير

طريقة التعامل مع دكتور الاسنان :

1 يكون معاك ابوك ولازم يكون شكله مايتفاهم .
2 تعض يد الدكتور وتصرخ باقوى قوتك .
وطبعا بهالطريقه تضمن انه يده راح تكون خفيفه لانه عامل حساب حق الي معاك


واحسن طريقه للمحافظه على الاسنان تنظف اسنانك قدام التلفزيون عشان ماتملل وتنظف عدل
والله يبعدكم عن دكاترة الاسنان قولوا امين

الله يبعدك ويبعدنا عن كل الدكاترة يارب .. مب بس دكاترة الاسنان :)

المشكله اني كنت بروحي في كل مراجعاتي السابقة :( .. لو ابوي كان موجود بس ..

يعطيك العافيه اخوي ايه بي سي زائد :) ، والف شكر على مرورك ،،

[عذوبـة قلم]

.♦. ♠ .♦
:
♥
:


أول كلمه أحب أبدأ فيها .. خلااااااااااص .. كفاااااايــه :weeping:

المشكله هي بأنني في بدايه عمليه تحتاج الى تردد دائم على عيادة الأسنان

الا وهي: التقويم التجميلي ..

مع العلم ان آكثر من دكتور نصحني بعد وضعه .. كون أسناني لا تحتاج ..

ولكن حبا لإبتسامه رائعه مثاليه .. سأضعه :shy:

" اللي يبي السح مايقول آح " ..... >> من آقول حق ماما آي .. رددتها علي لين حفظتها صم

.. PoBoxing ..



,هي قصة ( خلع ) بفتح الخاء ولو ان ضم الخاء ايضا ممكن يكون صحيح
لان النهاية الطلاق يؤدي للفراق وهذا ماحصل مع السن الحبيب :(

دخلت على الدكتور
في مستشفى الرميلة القديم - او كراج الرميلة القديم بمعنى أصح -
Specefication
* ضخم الجسم
* عريض المنكبين
* ملتحي ولحيته طويلة
* مصري

ولازال اسمه معي يبدا بحرف هادي او عبدالهادي :secret: يعطيه العافية

قبل البدأ قال بسم الله
= <<<< مادري ليش بسم الله في هالموقف حسستني اني خروف العيد :secret:خصوصا ان منطقة العمليات قريبة من الرقبة:eek5:

ماتخفش يابني ، تكة صغيرة وحتبأاا فل الفل :) <<< هذا كان شكل ابتسامته وقصده حسن ،، لكن هذا كان شكل ابتسامتي :) << ولكنها صفراء المخبر


وقالي الدكتور
لما تحس بألم ارفع ايدك يابني
قلت له آه
= >>> وانا في نفسي ودي طول الوقت تكون يدي مرفوعة ، لكن الحرج وعمايله يخلي يدي تحت الا في الشديد الأوي :shy: :weeping:




آسلوبك .. رااائع في سرد القصص الكوميديه ..

وطريقتك جعلت عيناي تدمع من شدة الضحك ..

فعلا آحببت آسلوبك كثير وخاصه فالكلام المُقتبس هنااا ..


.. ناصر العمادي ..




موضوع شيق ذكرني بالماضي الأليم ...
أخذني أبوي للعياده وبدأت الجريمه ...
جلع أول ضرس وجلع قلبي معاه ...
وجلع الثاني ... وأخذ روحي وياه ...
وجلع الثالث والألم ماأنساه ..
وجلع الرابع وقلت ياحسرتاه ...

شفت الموت وأذكرمن الطريقه العجيبه اللي جلع فيها أسناني



آحسستني وكأنك تكتب خاطره .. أو أبيات شعريه مؤلمه .. >> بداية موفقه :rolleyes2:

"وجلع الرابع وقلت ياحسرتاه ..." >> آحسدك على هذا الأسلوب فالتعبير ^_^

لك مني دائما جزيل الشكر والتقدير .. آحب ان أقرأ تعليقاتك دائما يجذبني آسلوبك ..


.. الخيميائي ..



من سوالفكم قمت احس بالم في ضرسي وصادني صداع حاد :(


آتفق معك .. أحسست بصداع بعد هذا الرد :rolleyes2:

وكأنك تحس بي فعلا ..


.. المتأمل خيرا ..




اقتصرت على قراءة ما كتبته بداية.. أخي "OTOsan".. - ولي زيارة للآخرين في العيادة هنا :) لقراءة المداخلات -، لكن الطريف أنـّي قبل أيام قليلة كنت أفكّر في طرح موضوع بعنوان له صلة بالدكاترة.. بعد "زيارتي" لدكتور أسنان في "مركز المنتزه الصحي".. وحيث أنني احتاج ان أتذكّر ما كان في بالي قوله.. سأعود من جديد "حتماً:)"..

- وحتى ذلك الحين.. اترككم مع هذه الوصلة.. "الغير موسيقيـّة".. - :

http://www.asnanaka.com

توقعتها وصلة ستُنسيني آلم أسناني والصداع .. ولكن للاسف أشعلت النار بالحطب :weeping:

" لدكتور أسنان في "مركز المنتزه الصحي".. >> هذا أسم مركزي أيضا ...

وللعلم غرف أسنان هذا المركز .. كأنها مقصب فعلا ..

وخاصه البوابه الضخمه >> قبل التجديد الآن ...


.. OTOsan ..

لن أقل لك كم أنت متميز .. لانك واثق بأن سن قلمك لا يطرح الا المميز

لك من مسائي آجمل ترانيم الأخوه ..

يا آرقى شخصية .. تتابع حركة الأعضاء وغيابهم .. ^_^

تقبل تحيات ريشة قلمي .. أختكـ فالله

:
♥
:
.. ع ـذوبـة آنـ ث ــى ..
.♣.

[ROSE]

موضوعك ذو شجون يا اتوسان

انا دكتور الاسنان بالنسبه لي يشبه الجني الحرامي قطاع طرق بودرياه.. الخ

بدت معاناتي من يمكن 25 سنه.. اول ماشفته في الابتدائيه..

طبعا ماكنت اعرف شسالفه.. بس خمّس في حلجي لين قال بس.. وانا بكيت لين قلت بس.. المهم جلع ضرس طاحون ولين الحين ماطلع.. :(

المهم.. كبرت وانا ناقم وحاقد على اطباء الاسنان.. وكبر الحقد والكره معاي لين الحين..

مالك في الطويله..


اخبر يوم كنت برا.. جاني الم فضيع في ضرس.. بعد طاحون مادري طواحين.. المهم.. اتحدى اي حد تحمل زيي.. وفي الاخير وبعد حنه من ام العيال وافقت اروح الدكتور.. فاستشرت الدكاتره ف الجامعه عن احسن واحد ييتعامل مع لضروس و 3 منهم مدحوا واحد.. اتصلت وخذت موعد نفس اليوم.. ورحت بخطوه ثقيله جدا..


لايفوتكم وش سوى هالدكتور.. انا اعتقد انه لاعب قوى ( يحمل اثقال) وياهوا حمل الاثقال اللي في حلجي ياجماعه..

المشكله ضرسي عنّد انه ينجلع.. فاستخدم هالمصارع اقوى الالات واحدثها ويهو يسحب هالضرس.. والله اعلم ان ضرسي مافيها شي.. قعد حول الربع ساعه يحاول يجلع فيها..


كسرها لـ 3 قطع يمكن..

لدرجة انه حط رجل على يابهتي ورجل على فكي السفلي.. وهوماسك هالضرس الفقير ويجر فيه

لين طلع اخيرا ( ابي احط صورة واحد يبكي)

والله لايرويكم..

الام المسيح

ودمااااان

ودموع وعواصف ..شدخل..

وشكثر ادويه..

عموما.. مرحله وعدت الله لايعودها من ايام..



المره الاخيره..

مدحو لي دكتور هنا بالدوحه

وانا رحت لعنده عنطزه.. يازعم كبير وماخاف

الله يغربل بليسه.. دخل سكروب طوله متر في ضرسي.. وهو يحفر العصب..

وقال لي عقب مادري يوم تعال اسوي حشو دائم.. ( وانا اقول في نفسي .. اي ماعليه.. قابلني ياحبيبي ان شفتني مره 2 )

وليومكم مطنش له ( هالكلام من 4 سنوات )


والله خاطري احبهم.. بس ماينحبون مره



ملاحظه.. سالفة الريل اتغشمر فيها.. بس صراحه لو مسوي ابرك.. على الاقل بيشيلها ب 10 دقايق


هههههههههههههههههههههههههههههههههههههههههه


ههههههههههههههههههههههههههههههههههههههههههههههههه

[خفايا الروووح]

مع ان بعض ردود الاعضاء تضحك بس والله فيني الصيحه


:eek3::eek3::eek3::eek3::eek3:



لأن انا معاناتي معاناه مع هالاسنان...شاقول ولا شاخلي

بس احب اقول اني وصلت الهند من سبب هالاسنان


مابي اثقل عليكم بقصتي يبيلها صفحتين او اكثر


اختصر كلامي بحمدلله :o



ويعطيك العافيه اخوي

[ANONYMOUS]

مع ان بعض ردود الاعضاء تضحك بس والله فيني الصيحه


:eek3::eek3::eek3::eek3::eek3:



لأن انا معاناتي معاناه مع هالاسنان...شاقول ولا شاخلي

بس احب اقول اني وصلت الهند من سبب هالاسنان


مابي اثقل عليكم بقصتي يبيلها صفحتين او اكثر


اختصر كلامي بحمدلله :o



ويعطيك العافيه اخوي



لا لا انتي فهمتي غلط

احنا انتكلم عن الاسنان ..

مب رحله على متن لنج ( مركب )

:nice:

[ورقــة أمــل]

مارحت دكتور اسنان الا مرتين في حياتي

قولو ما شاء الله :shy:

مرة اجلع ضرسي الامامي مادري شسمه :omen2:

ومرة ضرسي الخلفي :rolleyes2:

وكنت صغيررة

وفي المرتين ماحسست بالم ولا شي اللهم شوي انتفخ ويهي من البنج وانتهى الموضوع..

وكله كان في مركز صحي ..

استغرب من مشاكل الاسنان عند فئة كبيرة من الناس :rolleyes2: خصوصا في ضروس العقل والاسنان الخلفية

انصحكم بمعجون الصبار :omen2:

[OTOsan]

حبيت اشكر الجميع على المرور ةالمشاركه،، كل واحد باسمه

كان ودي ارد على كل واحد بروحه والله .. بس السموحه .. ضرسي يعورني ومب مخليني اركز :(

[امل الحب]

:rolleyes2:

كلكم تخاافون!

صار عندي مناعة لاني قضيت سنتين ونص اعالج اسناني وبالمرة ركبت التقويم:victory:

واذا صار وخفت اقنع نفسي ان الم دقيقة ولا الم كل دقيقة :shy:

واخر مرة كانت قبل شهرين جلعت ضرسين وافتكيت منهم :)

هذا كله في عيادة خاصة احس اامن من المركز الصحي ونااس تشتغل ببال مرتاح مو وراها طابور ينطرها :victory:

وسلامة اسنانكم:)

[miss-qatr]

اسمح لي اوتو بس بغيت اسأل بما ان موضوعك عن الاسنان تسطع وتلمع


ابي احسن عياده اتسوي وايتنينج !!!:shy:



بس ابي عندها اجهزه حديثه وعدله مب تعدم مينا السن وياليت اللي سوا وجرب يقولنا



آسفه مستر اوتوسان بس ماعرفت اسأل من...... وربي يشافيك من وجع هالضرس

[OTOsan]

:rolleyes2:

كلكم تخاافون!

صار عندي مناعة لاني قضيت سنتين ونص اعالج اسناني وبالمرة ركبت التقويم:victory:

واذا صار وخفت اقنع نفسي ان الم دقيقة ولا الم كل دقيقة :shy:

واخر مرة كانت قبل شهرين جلعت ضرسين وافتكيت منهم :)

هذا كله في عيادة خاصة احس اامن من المركز الصحي ونااس تشتغل ببال مرتاح مو وراها طابور ينطرها :victory:

وسلامة اسنانكم:)


ياحظج :(

[OTOsan]

اسمح لي اوتو بس بغيت اسأل بما ان موضوعك عن الاسنان تسطع وتلمع


ابي احسن عياده اتسوي وايتنينج !!!:shy:



بس ابي عندها اجهزه حديثه وعدله مب تعدم مينا السن وياليت اللي سوا وجرب يقولنا



آسفه مستر اوتوسان بس ماعرفت اسأل من...... وربي يشافيك من وجع هالضرس


يعطيج العافيه اخت مس ،،

ياليت اعرف كان جاوبتج .. بس ماعندي خبر لاني ماسويت تبييض قبل :)

اتمنى حد عنده خبره يقول لج ،،

[خفايا الروووح]

لا لا انتي فهمتي غلط

احنا انتكلم عن الاسنان ..

مب رحله على متن لنج ( مركب )

:nice:

مايحس بالنار إلا رجل واطيها

:cry2:

[ضوى]

مممممممممممممم بمناسبة الحديث عن الاسنان ولمعانها :rolleyes2:


رحت اليوم المركز الصحي ابي انظف اسناني من الجير :secret: وصحت صيااااااااااااااااااح ياهي دموع ياهو وجع ياهو الم :rolleyes2: والله كانها ولادة اخت زوجي ماسكة ايديني وانا اتوجع واقول لها ما ابي خلاااااااااااااااااااااااااااااااااااااااااص وولدي الصغير يضحك علي :secret: وقالت لي الدكتورة يبي لج جلسة ثانية وتصير اسنانج فل الفل :rolleyes2:بس متى راح اتشجع واروح مرة ثانية ما ادري ، والمشكلة قالت لي انتي تفرشين اسنانج بالقوة لمعتهم عجيبة وهذا مب زين :secret:واخت زوجي تقولها اييه دكتورة ما تشوفينها تفرش وهي تشوف التلفزيون يمكن نص ساعة :(قالت لي الدكتورة مب زين عشان جذي صايرة اسنانج حساسة والا محد مر علي يتالم من تنظيف مثل ما تالمتي

هاي تجربتي المريرة من الاسنان بس الصج احس اسناني خفيفة عقب تنظيف الجير :)

[OTOsan]

مممممممممممممم بمناسبة الحديث عن الاسنان ولمعانها :rolleyes2:


رحت اليوم المركز الصحي ابي انظف اسناني من الجير :secret: وصحت صيااااااااااااااااااح ياهي دموع ياهو وجع ياهو الم :rolleyes2: والله كانها ولادة اخت زوجي ماسكة ايديني وانا اتوجع واقول لها ما ابي خلاااااااااااااااااااااااااااااااااااااااااص وولدي الصغير يضحك علي :secret: وقالت لي الدكتورة يبي لج جلسة ثانية وتصير اسنانج فل الفل :rolleyes2:بس متى راح اتشجع واروح مرة ثانية ما ادري ، والمشكلة قالت لي انتي تفرشين اسنانج بالقوة لمعتهم عجيبة وهذا مب زين :secret:واخت زوجي تقولها اييه دكتورة ما تشوفينها تفرش وهي تشوف التلفزيون يمكن نص ساعة :(قالت لي الدكتورة مب زين عشان جذي صايرة اسنانج حساسة والا محد مر علي يتالم من تنظيف مثل ما تالمتي

هاي تجربتي المريرة من الاسنان بس الصج احس اسناني خفيفة عقب تنظيف الجير :)


الشي ان زاد عن حده ينقلب ضده :)


ذكرتيني ونا ناسي .. بكره حشوة العصب الاخيرة :( ، الله يستر !

[ضوى]

الشي ان زاد عن حده ينقلب ضده :)


ذكرتيني ونا ناسي .. بكره حشوة العصب الاخيرة :( ، الله يستر !


:secret::secret::secret::secret::secret::secret:


الحمد لله الحمد لله الحمد لله اني تنظيف جير مو اي شئ ثاني يتخيل لي الم لا يطاق ولو الف ابرة بنج

الله يعييييييييييينك ويهون عليك

[ANONYMOUS]

على طاري الالم والخوف و و و من عيادة الاسنان

بنتي .. يبيلها تنظيف السوس وحشو.. ( عمرها 4 سنوات )

ماحد قدر عليها.. تصيح وتسكر حلجها..

المهم

الحل الاخير .. قالوا لها بيسوون لها بنج كامل :( وعندها موعد عقب عشر ايام..

حد عنده خبره.. عن التخدير الكلي ؟

يعني جنها مسويه عملية قلب.. غايبه عن الوعي

في حد بيفيدني..؟ يقولون مب زين؟ ونتوا شتقولون.. وشنو خبراتكم ؟

[miss-qatr]

على طاري الالم والخوف و و و من عيادة الاسنان

بنتي .. يبيلها تنظيف السوس وحشو.. ( عمرها 4 سنوات )

ماحد قدر عليها.. تصيح وتسكر حلجها..

المهم

الحل الاخير .. قالوا لها بيسوون لها بنج كامل :( وعندها موعد عقب عشر ايام..

حد عنده خبره.. عن التخدير الكلي ؟

يعني جنها مسويه عملية قلب.. غايبه عن الوعي

في حد بيفيدني..؟ يقولون مب زين؟ ونتوا شتقولون.. وشنو خبراتكم ؟

والله ياخوي لو انا منك مارضيت

الحين الناس تخاف من مقدار البنج في المستشفيات الكبيره اشلون عياده اسنان

وحق طفله !!!! يعني سالفه البنج الكامل يبيلها خبير تخدير

هل بيتوفر في هالعياده ؟؟؟

وهل السالفه محتاجه بنج كامل ؟؟؟؟؟


الصراحه يمكن هالشي موجود بس انا اول مره اسمع انه يسوون بنج كامل علشان حشو اسنان :secret:


انا حبيت انصحك وحطيت نفسي مكانك وقلت لك رايي وانت حر :)

[OTOsan]

على طاري الالم والخوف و و و من عيادة الاسنان

بنتي .. يبيلها تنظيف السوس وحشو.. ( عمرها 4 سنوات )

ماحد قدر عليها.. تصيح وتسكر حلجها..

المهم

الحل الاخير .. قالوا لها بيسوون لها بنج كامل :( وعندها موعد عقب عشر ايام..

حد عنده خبره.. عن التخدير الكلي ؟

يعني جنها مسويه عملية قلب.. غايبه عن الوعي

في حد بيفيدني..؟ يقولون مب زين؟ ونتوا شتقولون.. وشنو خبراتكم ؟


الله يخليها لك ويقومها بالسلامه يارب وماتشوف شر ،،

ياليت حد من هل الاختصاص في المنتدى يقدر يفيدك في هالشي ..

والله الله تبشرنا ان شاء الله ان الامور مشت على مايرام،،

[الزاجل]

:secret:اخي اوتوسن
اسناني ما كان فيها شي كلش
وما كنت محتاج لزيارة الطبيب خير شر

ليوم من الأيام
اخوي الصغير يقول لي
بل عليك انت ولا تشتكي من اسنانك مثلنا..

بس
كانت هذه الفاجعة اللي قصمت ظهر اسناني
بدت اتسوس ..
واسناني حساسة حدها
مجرد ما انسدح اطلب اتبنج من الخوف
ومع البنج لازم اعض صبع الطبيب او الطبيبة ..

اللحين عندي واحد يون علي خايف اروح اشوفه
خايف اطلع بصبع الطبيب مع طلوعي من العيادة ..