شركة الاسلاميه فااااشله

[المديون]

مسيكم بالخير ياجماعة الخير

انا عندي مشكله مع الشركة الوسيطه الاسلاميه صارلي يومين اقدم طلب ابي اشري الصناعات ماوفرو لي ا سهم من اللي طلبتهم ولازم كل يوم تقدم طلب تشري وماعندهم نفس المجموووعه تطلب بالتلفون وحسب المده اللي تبي

وشكرا لكم

[سلطان]

اخي العزيز انا بالنسبه لي صار لي اتعامل معهم تقريبا سنه واشوفهم بصراحه افضل من غيرهم

وللاسف جميع الوسطاء بلا استثناء لديهم عجز في استيعاب كمية الطلبات بسبب الضغط الحالي

ولا ادري ايش بيسوون وقت دخول الاجانب .

[سعادة الوزير]

كلام سلطان صحيح .. حتى المجموعة عندهم مشاكل .. وانا حسابي في الاسلامية واشوفهم بصراحة جيدين .

[إنتعاش]

اخوي المديون

حياك الله

لكن هدي اعصابك وانا خوك :)


لان الحال هذا موجود في كل المكاتب والله

واسأل الاخوان وشوف رايهم

الكل يتذمر على ( كل المكاتب )

لسببين :

1- للاسهم اللي عليها طلب كبير فما تلحق اصلا مثل الصناعات والمتحده
2- العدد القليل من الوسطاء

[رأس المال]

بسم الله الرحمن الرحيم
كلامكم صحيح يا جماعة إن الكل يتذمر من كل المكاتب بسبب ان المكاتب ممب قادرة تغطي طلبات المتعاملين معها والله يعين لين يدخلون الجانب شنو اللي بيصير.

بس الاسلامية مشكلتهم غير ... مشكلتهم الواسطة ذابحتهم .

يعني صراحة واحد ييهم من الصبح ويعطيهم شيكه ويقولون له ان شاء ولا يهمك وما ينفذون أي من طلباته وييهوهم واحد بعد رفيجنا ويكتب الطلب ويعطيهم الشيك ( يعني ما عنده حساب عندهم ) ويشترون له الاسهم اللي يبيها واللي مقدم من الصبح ما شروا له شي . للعلم الشخصين كانوا مقدمين على نفس الاسهم ( صراحة الاثنين ربع وكان اللي ياي بعدين متحدي رفيجنا انه بيشتري اسهم قبل رفيجنا وقال له انا عندي واسطة )

:mad: ممب حرة و قهر منو يعوضنا الخسارة اذا ما كانت عندنا واسطة
شنو اللي بيصير بكرة لين يدشون الاجانب ( اغلب الموظفين اللي في شركات الوساطة اجانب ) طلباتنا بتنقع لين الاجانب يشترون الأسهم اللي يبونها ويبيعون اللي يبونه وانت يالقطري المسكين السعر اللي كان خاطرك تبيع او تشتري فيه راح عليك .... وذابحينا بان الطلبات تمشي بالدور ، لا في دور ولا طابق ولا حتى فيلا السالفة كلها الواسطة ... لكن لو ياهم واحد وطالب يشتري أسهم وايدة او يبيع اسهم وايدة هني ما في واسطة فيه هذي السم حتى انك يشوف الموظفين الكل يركض يبي يخلص صاحبنا لأنه في فايدة للموظف اللي يخلص الدسم ...
شي ثاني في الاسلامية الموظفين اللي هناك ما عندهم خبرة في اي شي حتى نقدر نقول انهم أغلبيتهم الله بالخير ، يعني ما يستوعب الكلام اللي تقوله وفي الأخير خطأ في امر الشراء وخطا في الشيك ( ناتج عملية البيع )

اما أخر شي واللي من المفروض ما يكون موجود عند الاسلامية : خسة النفس عند بعض الموظفين ( صراحة 90%) شايفين نفسهم علينا

ومع هذي نتعامل معاهم عشان اسمهم الاسلامية فيا جماعة الاسلامية الله يخليكم فشلتونا قدام ربعنا احنا نمدح فيكم وانتم مفشلينا بتخلونا نحول شركات ثانية .


نرجو من مالك الاسلامية يتصرف مع الموظفين لانه اللي قاعد يصير حرام وظلم

[مغروور قطر]

كلامك صحيح اخوي والحل التداول عن طريق النت واوامر الشراء والبيع كلها عن طريق النت هذا هو الحل الافضل

[روزانا]

ياترى من احسن شخص ممكن اتعامل معاه في الإسلامية .... سمعتو عن وحده اسمها ام رامي مصرية شنو رايكم فيها وتلفونهم كم

[رأس المال]

بسم الله الرحمن الرحيم


اذا كل واحد يعرف له احد في اي مكان ( واسطة يعني ) عيل خلاص ما في مشكلة وترى حرام جذي الواحد ياي من الصبح ويبي يخلص معاملته وييكم ابو فلان يعرف ام رامي وتخلصه هذي ممب ظلم... واللي يصير بعدين اذا الواحد صار له موقف وتعرض فيه للظلم قام يهاوش ويدعي ويقول الله ينتقم من الظالم ... يا اخواني اذا الواحد بيستعمل الواسطة وياخذ حق ممب له ترى الله بيسخر له واحد يستعمل واسطة اقوى من واسطة وياخذ عليه حقه.


يا اخواني واخواتي خلوني نحل المشكلة من اساسها ومافي داعي للواسطات ترى السوق فيه ناس من اهل قطر شياب يبون يشترون اسهم وهذولا مساكيم ييون من اول الصبح ( بداية الدوام ) و مساكيم ما يعرفون الواسطة

[بوناصر1]

انا طلعت من الشركه قبل هزحمه وكانت معاملتهم (-100%) واهم شي عندهم الواسطه يمشون ربعهم وانا احطها بذمتي لكن في واحد ينقاله مبارك مدري هو معي زين ولا مع الكل يعني فيه الخير

[الخبير المالي]

بوناصر انا مؤيد لوجهة نظرك الاخوان الله يسامحهم في الاسلامية جربت اتعامل معاهم قبل مايكون عليهم ضغط بفترة طويلة جدا الا ان معاملتهم لاتتسم بالجدية والخوف على مصلحة العميل حيث انه بعد ان اضع طلب الشراء لايتم لي الشراء ابتداءا من تاريخ الطلب وحتى نهاية الاسبوع وبلغت خسارتي من جراء الاهمال مايقارب 100 الف ممادفعني الى رفع شكوى للسوق بعدما تبين اهمال الموظفين وعليه قمت بتصفية حسابي لدى هذا الوسيط متجها الى غيره من الوسطاء والذين ارى انهم مهما كان تواضع خدمتهم الا انهم في جميع الاحوال افضل من الاسلامية.

[سهم ضايع]

السلام عليكم ورحمة الله وبركاته

انا جربت العالمية وبنك الدوحة والبنك الاهلي والمجموعة

وكانت المجموعة هي الافضل من بينهم ،، صحيح في البداية كنت احصل خط بصعوبة

بس بعدين صار الوضع احسن


و نتمنى يصير التداول عن طريق النت ،،

[البرنس]

انا مع المثل الي يقول:
(طلقها و خذ اختها ، قال: الله يلعن الثنتين !)