لماذا يتحسس الشاب القطري من الإجابة على بعض الأسئلة ؟؟؟؟

[المطرقة]

لماذا يتحسس الشاب القطري من الإجابة على بعض الأسئلة ؟؟؟؟


اكتشفت ومن خلال معايشتي ومعرفتي وسماعي ولقائاتي .. ان بعض الشباب يتحسسون من بعض الاسئلة التي تطرح عليهم .. ويتهربون من الاجابة عليها .. بل ان البعض يعتبر الاجابة على هذه الاسئلة بمثابة خط أحمر لا يجوز لحد الاقتراب منه او تعديييييييييييييه مع ان الموضوع سهل جدا .. ومع أن الاسئلة عادية في الغالب ..

فهل فعلا الشاب القطري يتحسس من الاجابة على هذه الأسئلة ؟؟ :shy:

وياترى ما السبب ؟؟

هل عدم ثقة بالنفس ؟؟

أم خوف من الحسد ؟؟

أم الإحراج له دووور في الموضوع ؟؟

أم أن فعل الخطأ له دور في ذلك ؟؟



في النهاية قد يستاءل البعض عن ماهيه هذه الاسئلة .. لذلك راح احط لكم قائمة بالاسئلة على سبيل المثال فقط .. وعشان المووضوع يتضح لكم اكثر ... واللي يخطر على باله سؤاله يقدر يضيفه للقائمة ..:nice:


1- كم راتبك ؟! :secret:

2- شسم أمك ؟! :secret:

3- ليش ما سافرت السنه ؟؟ :rolleyes2:

4- بيتك ملك والا إيجار ؟؟ :shy:

5- ليش عطوك تقاعد ؟؟ :shy:

6- كم فاتورة جوالك ؟؟ :eek5:

7- متى تغير موترك ؟؟ :weeping:

8- متى ناوي تتزوج ؟؟ :)

9- ليش ما كملت دراسة في الجامعة ؟؟ :weeping:

10- انت ليمتى بتم على هالحال ؟؟ :(

11- شموديك البحرين ( اذا كان مسافر خميس وجمعه ) .. ؟؟ :nice:


طبعا في اسئلة حول الوضع العام في البلد بس ماراح اتطرق لها خوفا على مصالح الاعضاء :rolleyes2:



تحياتي للجميع

[طويل النفس]

ليش ماحد رد على موضوعك ؟؟؟:)

[maryam5]

والله اشوف الاسئلة جداً عادية لكن منهو الي يسأل هالأسئلة؟؟؟

يعني مب أي واحد بالشارع يسأني هالأسئلة بجاوب عليه... لازم في معرفة سابقة وليش يسأل مثلاً هالاسئلة هل من باب الفضول او من باب آخر...

الحذر واجب أخي الكريم مب أي وحدة بعرفها بقول لها كل شي...مب تحسس ولكن حرص وحذر وهاذي اشياء شخصية وخاصة شنو بيستفيد لما يعرف راتبي كم مثلا؟؟؟ والا اسم امي؟؟؟ والا بيتي أيجار او ملك؟؟ والا والا والا....

في معلومات شخصية محد له حق يعرفها إلا إلي أبيه يعرفها...

اتمنى اكون وصلت الصورة...

لك كل الشكر،،،

[الدوحي7]

لي رجعه حق الموضوع،،

[ناصر العمادي]

ههههههههههههههههههههه أخوي المطرقه من وجهة نظري أشوف الأسئله كلها عاديه بالنسبة لي ...
ولكن أنا معك في ناس وايد مايحبون أنهم ينسألون هالأسئله ....
منهم من باب الخوف
ومنهم بسبب الخوف من الحسد
ومنهم من باب حب الغموض
ومنهم اللي مثلي .... ممكن أجاوب على كل الأسئله الا أسم أمي !!!!!!!!!!!!!!!!!!!!!!!!!!
أخاف من السحر ......!!!!!!!!!!!!!!!!!!!!!!!!! :omg::omg::omg::omg::omg:

يعطيك الصحه والعافيه

الله يوفقك ويسعدك يارب

تحياتي وتقديري لك

[بدور]

ما شوفهم مايجاوبون على هالاسئله الا عادي عندهم:omen2:

بس عاد اسم امك وامور خاصه لا مانرضى عليهم يردون عييييب:eek5:

عطنا النتيجه يا المطرقه بعد الاستفتاء :rolleyes2:

اسم على مسمى <<< وش حادك على المطرقه قال المسمار:secret:

مدري المثل صح اوغلط:(

[بنت الزعيم]

انا ماعندي مشكله اجاول على كل الاسئله
الا الراتب اذا كان لسبب
اما السؤال لمجرد السؤال فكيفي اخاف ينظلوني

[ALRAYYAN]

مثل ماقالوا الاعضاء ان الاسئله عاديه ومستعد اجاوب عليها كلها .. حتى اسم امي مستعد اجاوب عليه شالمشكله

راتب 19000 ريال :nice:

امي اسمها .... ام خالد :tease:

ماسافرت لأن عندي بنيان ومافيش خرده :nice:

بيتي ملك ولله الحمد :nice:

ماعطوني تقاعد لأني توني صغير :victory:

فاتورة جوالي 1000 ريال شهرياً :telephone:

اغير موتري كل سنتين او ثلاث سنين :nice:

تزوجت ولله الحمد :victory:

ماكملت دراستي الجامعه لأني الظروف حدتنا دخول الحياه المهنيه :)

وشفيه حالي .. الحمد لله احسن حال :nice:

رايح البحرين مع الربع استانس .. ليش السفر للبحرين صار عيب ولا حرام :discuss:

ويعطيك العافيه

[جلمود]

1- كم راتبك ؟!> 10000
2- شسم أمك ؟> ام جلمود3- ليش ما سافرت> السنه ماعندي فلوس

4- بيتك ملك والا إيجار> لا بيت ابوي

5- ليش عطوك تقاعد ؟؟ > خلصت مدت صلاحيتي 6-

كم فاتورة جوالك >1000 - 1200

7- متى تغير موترك > هلايام لانه اليوم بعت الدولي :nice:

8- متى ناوي تتزوج > كلش قريب

9- ليش ما كملت دراسة في الجامعة > الحكومه مانعه الانتساب

10- انت ليمتى بتم على هالحال > ليما ربك يفرجهااا

11- شموديك البحرين ( اذا كان مسافر خميس وجمعه ) >> رايح احظر عرس :tease:

اسئله عاديه شكراُ الشيخ .

[100$]

اخوي الاسئله بشكل عام مافيها شي ..

لكن الي فيه شي اهو التطفل ... يعني اغلب الاساله الي انت ذكرتها اشياء خاصه

ولما تجيك من شخص وات حس انه تطفل شي طبيعي كاردت فعل .. مايرد عليك او حتى يحرجك في رده

[المطرقة]

ليش ماحد رد على موضوعك ؟؟؟:)

يتحسسسون الشباب :nice:

[المطرقة]

والله اشوف الاسئلة جداً عادية لكن منهو الي يسأل هالأسئلة؟؟؟

يعني مب أي واحد بالشارع يسأني هالأسئلة بجاوب عليه... لازم في معرفة سابقة وليش يسأل مثلاً هالاسئلة هل من باب الفضول او من باب آخر...

الحذر واجب أخي الكريم مب أي وحدة بعرفها بقول لها كل شي...مب تحسس ولكن حرص وحذر وهاذي اشياء شخصية وخاصة شنو بيستفيد لما يعرف راتبي كم مثلا؟؟؟ والا اسم امي؟؟؟ والا بيتي أيجار او ملك؟؟ والا والا والا....

في معلومات شخصية محد له حق يعرفها إلا إلي أبيه يعرفها...

اتمنى اكون وصلت الصورة...

لك كل الشكر،،،


اكيد مب اي شخص اللي يسال هالاسئلة ومب شرط يسالها كلها ..

اعطيج مثال عشان تتضح الصورة ..

يعني نكون لمه شباب قاعدين .. ضحك وسوالف .. ونطري مثلا سالفة الرواتب في الوزارات والهيئات الحكومية .. فعادي مثلا واحد من ربعنا يسال ويقول فلان كم راتبك .. فنشوفه ما يقدر يجاوب ويتهرب مع ان السؤال على ماذكرتي عاااااااااااااااااااادي ..

هذي مثال بس عشان تكون الصورة واضحة لج ..

:victory:

[المطرقة]

لي رجعه حق الموضوع،،

انتظر رجعتك بفارغ الصبر وتشرفني :nice:

[المطرقة]

ههههههههههههههههههههه أخوي المطرقه من وجهة نظري أشوف الأسئله كلها عاديه بالنسبة لي ...
ولكن أنا معك في ناس وايد مايحبون أنهم ينسألون هالأسئله ....
منهم من باب الخوف
ومنهم بسبب الخوف من الحسد
ومنهم من باب حب الغموض
ومنهم اللي مثلي .... ممكن أجاوب على كل الأسئله الا أسم أمي !!!!!!!!!!!!!!!!!!!!!!!!!!
أخاف من السحر ......!!!!!!!!!!!!!!!!!!!!!!!!! :omg::omg::omg::omg::omg:

يعطيك الصحه والعافيه

الله يوفقك ويسعدك يارب

تحياتي وتقديري لك

هلا بك بوبدر

ياخي كلنا نشوف الاسئلة عاديه .. بس البعض مايقدر يجاوب على بعضها ..

وفعلا في اسباب .. ومنها الحسد على قولتك :nice:

الله يحفظ لك امك .. اللي خاطري اعرف اسمها .. لان وحده من بنات المنتدى طرشت لي خاص تسال عن اسم امك الظاهر تبي تسحرك لانها معجبه في مشاركاتك ههههههههههه

[ناصر العمادي]

هلا بك بوبدر

ياخي كلنا نشوف الاسئلة عاديه .. بس البعض مايقدر يجاوب على بعضها ..

وفعلا في اسباب .. ومنها الحسد على قولتك :nice:

الله يحفظ لك امك .. اللي خاطري اعرف اسمها .. لان وحده من بنات المنتدى طرشت لي خاص تسال عن اسم امك الظاهر تبي تسحرك لانها معجبه في مشاركاتك ههههههههههه

:omg::omg::omg::omg::omg::omg::omg::omg::omg::omg:

omenomenomenomenomenomenomenomenomenomenomen

[عذوبـة قلم]

.♦. ♠ .♦
:
♥
:


للاسف لا أتفق مع باقي الاعضاء .. في ردودهم ..

فهناك الكثيـر من القطرين لا يجاوبون على هذه الأسئله .. وخاصه اذا كان مستوى المعيشة

متدني قليلا ..

فإذا نظرت الى الفئه العمريه للاعضاء اللذي أجابو على الاسئله .. فهي فئه متزنه ..

اي اقصد بها .. انها فئه مستقره في حياتهم الماديه والزوجيــه ..

اما لو كنت سألت هذه الاسئله لفئة آخرى .. لوجدت الانحراج واضح ..

ولكن هناك سؤال واضح اظن بان الكل أنحرج منه .. ولم يجاوبون عليه



امي اسمها .... ام خالد :tease:




2- شسم أمك ؟> ام جلمود


.. المطرقـه ..

دائما مميز في نقلك للمواضيع .. لهذا السبب انا دائما من رواد صفحاتك

لك مني جزيل الشكر والتقدير .. على روعه مواضيعك

ملاحظة: لأول مره تضع توقيع جدي .. دائما يكون توقيعك غريب ^_^
آعجبتني الأبيات كثيرا ..


تقبل تحيات ريشة قلمي .. آختكـ فالله

:
♥
:
.. ع ـذوبـة آنـ ث ــى ..
.♣.

[um 3azee]

لهم الحق في عدم الرد لانها اسئلة شخصية وبها فضول

[مايمدح السوق]

اكيد مب اي شخص اللي يسال هالاسئلة ومب شرط يسالها كلها ..

اعطيج مثال عشان تتضح الصورة ..

يعني نكون لمه شباب قاعدين .. ضحك وسوالف .. ونطري مثلا سالفة الرواتب في الوزارات والهيئات الحكومية .. فعادي مثلا واحد من ربعنا يسال ويقول فلان كم راتبك .. فنشوفه ما يقدر يجاوب ويتهرب مع ان السؤال على ماذكرتي عاااااااااااااااااااادي ..

هذي مثال بس عشان تكون الصورة واضحة لج ..

:victory:


بالنسبة لي وضحت الصورة الحين :) قصدك كل مازاد الدخل زادت الصعوبة في الاجابة على الاسئله صح

[زقرتي ومزاجي]

في بعض الناس تدخل في الامور الخاصه وتقول انت ليش حساس


تفضل

- كم راتبك ؟!

شنهو بتستفيد من السؤال

2- شسم أمك ؟!

بتتزوجها

3- ليش ما سافرت السنه ؟؟

مالي خاطر اسافر

4- بيتك ملك والا إيجار ؟؟

بتدفع لي الايجار ولا بتشتري لي بيت

5- ليش عطوك تقاعد ؟؟

يعني الواحد ليش يعطونه تقاعد يا وصل السن القانونيه للتقاعد يا اما مسود الويه

6- كم فاتورة جوالك ؟؟

بتدفعها

7- متى تغير موترك ؟؟

بتشتريلي

8- متى ناوي تتزوج ؟؟

بتتكفل بكل شي وبدور لي عروس

9- ليش ما كملت دراسة في الجامعة ؟؟

ما ابي اكمل تمللت

10- انت ليمتى بتم على هالحال ؟؟

مادري

11- شموديك البحرين ( اذا كان مسافر خميس وجمعه ) .. ؟؟

شموديك يعني كأن في خطأ ما
اكيد يا عرس واحد من الربع ولا باغير جو








هههههههههههههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههه
هههههههههههههههههه

اتغشمر وياك لا تزعل اخوي المطرقه

[متسبب]

[SIZE="5"]
1- كم راتبك ؟! :secret:
[COLOR="Red"]18000
2- شسم أمك ؟! :secret:
ام عبدالله
3- ليش ما سافرت السنه ؟؟ :rolleyes2:
ماعندي اجازه
4- بيتك ملك والا إيجار ؟؟ :shy:
ملك
5- ليش عطوك تقاعد ؟؟ :shy:
ماعطوني ولا شي لا تتبلى علي
6- كم فاتورة جوالك ؟؟ :eek5:
مابين ال1200- 1500
7- متى تغير موترك ؟؟ :weeping:
قريب
8- متى ناوي تتزوج ؟؟ :)
متزوج والحمدلله9-
ليش ما كملت دراسة في الجامعة ؟؟ :weeping:
كملت ... لا الظاهر صج تبي تتبلى علي
10- انت ليمتى بتم على هالحال ؟؟ :(
اشفيه حالي الحمدلله كل شي على مايرام
11- شموديك البحرين ( اذا كان مسافر خميس وجمعه ) .. ؟؟ :nice:
ما اروح البحرين مالي حاجه

طبعا في اسئلة حول الوضع العام في البلد بس ماراح اتطرق لها خوفا على مصالح الاعضاء :rolleyes2:



تحياتي للجميع

تحياتي لقلمك :)

[Bin Hood]

[COLOR="Red"][SIZE="5"]11- شموديك البحرين ( اذا كان مسافر خميس وجمعه ) .. ؟؟ :nice:




ردينا اخوي المطرقة على طير ياللي :anger1:

مسودين ويهنا من كل صوب ( الحكومة + المعارضة + العجم )

[خفايا الروووح]

يمكن لان بعض الشباب يشوفون انها اسئله خاصه ..ومثل ماتعرف الشيء الخاص مب لازم يطلع عليه الكل

عموما اسئلتك بالنسبة لي شخصيا مااحب ارد عليها إلا لأشخاص قراب مني ومب لأي حد

: )


ويعطيك العافيه

[بوخالد911]

هلا

طيب

بعد ما عرفت بعض الاجوبة
شاللي استفدته ؟؟!!؟؟

[السامـي]

وش ها الأسئلة يا المطرقة:

وش أسم أمك؟!!!

العجوز أم نظارات.:)

[عنابي 2010]

بالعكس والله ان احناء مانستحيولاننحرج بس السؤال الاي ماحد يحب حد يساله عن الاهل اما الراتب والاشياء الثانيه احناء نشوفهاسوالف عاديه ونسولف فيها في المجالس .بس لوتسال (لبناني ,هندي, اردني,مصري.سوري.امريكي.اوربي)راح يجوبك علي اسم امه اماعن الرتب بيقولكthis personal

[المطرقة]

في ناس فاهمة الموضوع غلط ..واتحسب ان المطلوب هو الاجابة على الاسئلة :rolleyes2:

بعدين في نقطة مهمة انا قلت البعض يتحسس وفعلا لوز كل واحد يلتفت حوله خصوصا مع
ربعه يقدر يستشعر هالتحسس عندهم من طرح مثل هالاسئلة .. مب كلها طبعا ولكن قد يتوافق

الامر مع سؤال محدد منها ..

:nice:

[المطرقة]

هلا

طيب

بعد ما عرفت بعض الاجوبة
شاللي استفدته ؟؟!!؟؟


اهلين بوخالد

شكلك فهمت الموضوع غلط ..

انا ماطلبت احد يجاوب على الاسئلة .. ولا اهتميت اعرف الاجابة ..

ياليت تقرا الموضوع من البداية وبتعرف قصة الاسئلة

وانها انذكرت في الموضوع للتوضيح فقط :nice:

[المطرقة]

ما شوفهم مايجاوبون على هالاسئله الا عادي عندهم:omen2:

بس عاد اسم امك وامور خاصه لا مانرضى عليهم يردون عييييب:eek5:

عطنا النتيجه يا المطرقه بعد الاستفتاء :rolleyes2:

اسم على مسمى <<< وش حادك على المطرقه قال المسمار:secret:

مدري المثل صح اوغلط:(


ايه لان قلنا البعض .. مب الكل ..

مافيها شي اذا عرفنا اسم الام ..

انا ولا واحد اعرفه من ربعي الا اعرف اسم امه :nice:

اي استفتاء خالتي اللي تبين تعرفين نتيجته ؟؟؟ :omg:

اي والله وش حادك يالمسمار قال المطرقة :nice:

[المطرقة]

انا ماعندي مشكله اجاول على كل الاسئله
الا الراتب اذا كان لسبب
اما السؤال لمجرد السؤال فكيفي اخاف ينظلوني


الله يزيد ويبارك :nice:

لو ربج كاتب لج البركه في الراتب لو شنهو محد يقدر ينظلج

لكن اذا مالقيتي البركه فيه عادي تنظلين نفسج ههههه

:nice: