مطلــــوب: افكـــار لليلة الحنـــة .. و استفسار لمعازيم الزفاف ..

[::.Silent.::]

السلام عليكم ورحمة الله وبركاته

بعد اسبوعين ان شالله عندنا عرس ..

عقبال كل العزوبيه .. والمتزوجين يأخذون الثانيه:tease: مافي مشكله:nice:
المهم:

بغيت افكار لليلة الحنه .. الله لا يهينكم ..

وحبيت استفسر عن المحلات الراقيه للشوكلاته للتوزيع على المعازيم يوم العرس .. ابي شي غريب .. حتى لو ما يكون شوكلاته .. فطاير الصغيره .. شي حلو و غريب ..


مشكوريـــن مقدما :)

[النعيمي وبس]

في محل الصراحه عجيب جربناه المحل مخصص حق بس ليلة الحنا
المحل اسمه الجلوه للافراح موجود بفريق بن عمران

[البطرانة]

جوفي في ليله الحنا حلاته كل شي قديم...بس راقي طبعا,,!!!


واذا تبين الفطاير الصغيرة.. فطاير الظيافة 4689577

فطايرهم وايد لذيذة..


واخذي رقم اي وحدة من اللي يسون لج الهريس والمضروبة والمرقوقة... او القيمات والخنفروش و..و..الخ

ووزعو ع الناس واهمه قاعدين.. هالاكلات الشعبيه في صحون صغيرة,, << حركة حلوة

وجيبو حناية خلوها ع الطرف حق اللي تبي اتحنى..!!

طبعا اذا فرقة اكيد اهمه بيغنون وبيسون اليلوة..

اما اذا دي جي.. افضل ان اليلوة انتو اتجيبونها او تسمعون اللي عند الدي جي..


++++++++

واذا تبين شي غريب حق الزفة وهالسوالف.. قولي لي لان في وايد اشيا..



اممممممم,,

[أم حماني]

أختي سوت ليلة الحنة عند أمسيتي: "محل أفراح في الغرافة" وكان وايد حلو وعندهم أفكار جديدة وإذا تبين لبس الحنا أنا وخواتي لبسنا ساري هندي موديلات تجنن حق الحنة
وحاضرين وبالتوفيق

[nono80]

هلا حبيبتي عندي رقم وحدة كوشها واغراضها روووووووووووعه
اذا بغيتي رقمها راسليني علي الخاص

[عـيـون قـطـر]

اختي حلاتها توزعين في ليلتها حنا تحطينها في سلات صغا يعني تسوين حركات بس حلاتها تنعمل في البيت

تحياتي لج

[روعه]

حبيبتي افراح الجلوة هم متخصصين في كل شي بليلة الحنا

[قطريه ماركه]

انا جبت وحده تسوي اللقيمات وخبز الرقاق ويتوزع فريش حاااار ولذيييذ ...

من دار الإنماء ..
اذا تبين رقمها باطرشه ع الخاص ...

[اناقه]

في وحده تسوي توزيعات حنا

هني في المنتدى اسمها % ام فهد %

توزيعاتها حلوة و مميزه

دوووم اسوي عندها التوزيعات ( توزيعات الحنا و الاعراس )

شغلها حلو و مرتب و اسعارها حلوة

اذا و دج بطرش لج رقمها على الخاص

[الحنـــان]

محل افراح الجلوه عجييييييييييييييب

فيه كل شي من مسرح من توزيع من لبس حتى الذهب القديم تأجرينه موجود

المحل عند المرخيه قريب صالون لينا
عندي رقمهم بعد لو تبينه

بالنسبه للتوزيع تره احسن لج توزعين كل شي في صحون صغيره وتوزيع
النخي اللوبه الساقو كله في علبه القصدير الصغيره ومسكره

بس فكرت ان تجيبين وحده تسوي فرش من الانماء الاجتماعي فكره جميله بعد


بس حلاته قديم اللبس الاخضر او االاحمر والذهب والطاسه والاحزام

[::.Silent.::]

الله يعطيكم العافيه

صج صج عليكم افكــــار روووووعه

وان شالله بابتدي اطرش ع الخاص

:)