Bin Hood
29-02-2008, 04:54 PM
السلام عليكم ورحمة الله وبركاته
سعيد شاب توه مخلص جامعة وحصله شغله براتب حلو ,خاطب وحده اموره اسمها سعيدة وهي في اخر فصل جامعة ,خذالهم خاطبين ( ملجة يعني ) شهر و ثلاثة اسابيع , والاثنين يحبون بعض ومثل ما يقولون يابخت سعيد بسعيدة !!
سعيد كل يوم تقريبا يروح بيت عمه عالشان يجوف الحبيبة اللي هي سعيدة >> اول الايام متخرع عليها !! وقبل ما يطلع من البيت لازم يطق الغترة فل اكسترا نشا و ويبخر ثوبه وغترته اللي صفرت من كثر البخور ( وحبيبنا ولا يدري شسالفة الغترة ليش تصفر ) و يتعطر مرتين مرة وهو رايح ومرة وهو نازل من السيارة وتاخذ هالعملية تقريبا 40 دقيقة طبعا غير الحلاقة والسبوح (يعني يصير سعيد فل اوبشن) !!
اول مايدش سعيد بيت عمه تستقبله مرت عمه (ام سعيده) بالابتسامة المشرقة >>> مستانسة عليه كل من يمدحه و مدلع بنتها !! المهم يسلم عليها
سعيد : شلونج خالتي
ام سعيدة : بخير الحمدلله , شالزين اللي فيدك ؟
سعيد : هذه هدية حق حبيــ... سعيدة قصدي >> كان بيقول حبيبتي !!
ام سعيدة تفضل روح فوق سعيدة تنطرك في غرفتها .
سعيد : عيل اسمحيلي خالي
ام سعيد : مسموح ياوليدي
سعيد يمشي رايح فوق , ويوم يركب الدري يركض > صارت ما تشوفه خالته دشت المطبخ !!
سعيد وصل الغرفة بس وقف يعدل روحه , طقطق >> يطق الباب
سعيدة : تفضل (بانت سعاد) , اهلا حبيبي وهي قاعده على اللابتوب تطقطق
سعيد : يضحك ضحكه هبوليه عفسة كشختة >>> على كلمة حبيبتي !!
سعيدة : اوو شنو يبت لي هدية ؟؟
سعيد : طلعيها من الجيس انتي ؟؟
طلعتها سعيدة والا شنطه جفنشي شكلها حلو
سعيدة : مشكور حبيبي >> رد عطاها سعيد الضحكة الهبولية لكن بدرجة اقل شوي
سعيد يطلع شي من مخباة , الا غرشة فيتامين C وبطلها وصبها في قلاس حق سعيدة
سعيدة استانست على الرومانسية ذي وايد , بس في الصج سعيد سوا جذي لان المره اللي طافت شير (علق ) لسان سعيدة في فتحة الغرشة >> صاحبتنا هبلة شوي بس هالشي ما يمنع ان تكون حلوة !!
المهم سعيد تم واقف يدور في الغرفة ويتعبث شوي يرش رش عطورها يبطل كريماتها ويشمشمهم ( حلوه ذي ) ويبطل علب المكياج بس فهق ( كسر ) علبة مكياج صارت ما تنقفل , جان سعيدة تعطيه نظرة خفيفة بس ما اثرت فيه , وتم على هالمنوال . وطبعا كانوا يسافون في امور بين الجيدة والبايخة >> بس سعيد اي شي تقوله سعيده كان يعجبة لان يحبها وايد !!
المهم والا شوي والا سعيدة
تقول : وييييييييي صج نست ارويك الموضوع اللي كتبته في المنتدى
سعيد (ما يمناع ان تدش المنتدى لان يدري انها محترمة جدا جدا) : اي موضوع ذي !!
سعيدة : صبر باروح له , كا فتح موضوعي
سعيد راحت عينه على التوقيع مالها اللي هو " عذبني باسباب فرقاك "
سعيد : شنو ذي التوقيع >> سعيد للحين اوكي عادي
سعيدة : انا اقصدك انت يا حبيبي ما اقدر ابعد عنك !!
سعيد : ومتى انا بعدت عنج ؟؟
سعيدة : لين تروح البيت , او لين ما اشوفك !!
سعيد : صبري صبري صبري !!
اصلا هذا التوقيع من قبل لا اخطبج واعرفج موجود >>> مسجل في المنتدىسعيد ظهر بس صعقها !!!!!!!!!!!!
من تقصدين >>> بجدية يسألها !!
سعيدة : لا حبيبي انا حاطته من زمان صج ولا اقصد احد !!
سعيد : شلون بعد ما تقصدين احد
سعيدة : هذي مقطع من اغنية >> مرتبكة سعيدة عدل
سعيد : انزين انا بامشي مواعد ريال
سعيدة : وين حبيبي قلت بنطلع نعشى
سعيد : لا ضروري >> يقولها وهو متكدر
سعيد طبعا رجع البيت , ولا قابل ريال ولا شي , الريال دش غرفته وهو متكدر حيل حيل لسبب واحد وهوالتوقيع ( وانا اوافقه الراي ) !!!!!!
سعيد تم يفكر في سعيدة ويقول بينه وبين نفسه سعيدة
بنت متحجبة
خلوقة الى اخر درجة
امي تحبها
بشوشة ودوم مبتسمة
وتحبني واحبها موت
قمر وينقال فيها (يوم ان عيني ناظرت بين الاشتات *** شافت غزال الريم زين البنات)
واهلها من ناس والنعم
وفيها من الصفات اللي تجف الاقلام من كثرها
بس سعيد هب راضي يبلع السالفة ؟؟
لييش حاطة هالتوقيع ؟؟
معقول ...لا لا لا .. معقول .... لا لا لا ... معقول سعيدة كانت تكلم واحد او تحب واحد ؟؟
طبعا هالكلام ما يقدر يقوله حق احد لا سعيدة لها سمعتها
وهو اصلا يدري انها ما تكلم احد !!! بس التوقيع ذابحة ومخلية في حيرة
سعيد الحين ما يدري شنو يسوي ؟
هل ينفصل , واذا انفصل من صدمته وحبه ما راح يتزوج ؟؟
ويبي رايكم ؟؟
وسعيد حاب يسأل العضوات اللي يحطون هالنوعية من التواقيع ,
هل هم يحبون شخص معين , او ان توقيع والسلام >> سيعيد يبي يعرف ضروري علشان يقرر !!!!
ملاحظة هامة : القصة من وحي الخيال وما تخصني لا من جريب ولا من بعيد !!
سعيد شاب توه مخلص جامعة وحصله شغله براتب حلو ,خاطب وحده اموره اسمها سعيدة وهي في اخر فصل جامعة ,خذالهم خاطبين ( ملجة يعني ) شهر و ثلاثة اسابيع , والاثنين يحبون بعض ومثل ما يقولون يابخت سعيد بسعيدة !!
سعيد كل يوم تقريبا يروح بيت عمه عالشان يجوف الحبيبة اللي هي سعيدة >> اول الايام متخرع عليها !! وقبل ما يطلع من البيت لازم يطق الغترة فل اكسترا نشا و ويبخر ثوبه وغترته اللي صفرت من كثر البخور ( وحبيبنا ولا يدري شسالفة الغترة ليش تصفر ) و يتعطر مرتين مرة وهو رايح ومرة وهو نازل من السيارة وتاخذ هالعملية تقريبا 40 دقيقة طبعا غير الحلاقة والسبوح (يعني يصير سعيد فل اوبشن) !!
اول مايدش سعيد بيت عمه تستقبله مرت عمه (ام سعيده) بالابتسامة المشرقة >>> مستانسة عليه كل من يمدحه و مدلع بنتها !! المهم يسلم عليها
سعيد : شلونج خالتي
ام سعيدة : بخير الحمدلله , شالزين اللي فيدك ؟
سعيد : هذه هدية حق حبيــ... سعيدة قصدي >> كان بيقول حبيبتي !!
ام سعيدة تفضل روح فوق سعيدة تنطرك في غرفتها .
سعيد : عيل اسمحيلي خالي
ام سعيد : مسموح ياوليدي
سعيد يمشي رايح فوق , ويوم يركب الدري يركض > صارت ما تشوفه خالته دشت المطبخ !!
سعيد وصل الغرفة بس وقف يعدل روحه , طقطق >> يطق الباب
سعيدة : تفضل (بانت سعاد) , اهلا حبيبي وهي قاعده على اللابتوب تطقطق
سعيد : يضحك ضحكه هبوليه عفسة كشختة >>> على كلمة حبيبتي !!
سعيدة : اوو شنو يبت لي هدية ؟؟
سعيد : طلعيها من الجيس انتي ؟؟
طلعتها سعيدة والا شنطه جفنشي شكلها حلو
سعيدة : مشكور حبيبي >> رد عطاها سعيد الضحكة الهبولية لكن بدرجة اقل شوي
سعيد يطلع شي من مخباة , الا غرشة فيتامين C وبطلها وصبها في قلاس حق سعيدة
سعيدة استانست على الرومانسية ذي وايد , بس في الصج سعيد سوا جذي لان المره اللي طافت شير (علق ) لسان سعيدة في فتحة الغرشة >> صاحبتنا هبلة شوي بس هالشي ما يمنع ان تكون حلوة !!
المهم سعيد تم واقف يدور في الغرفة ويتعبث شوي يرش رش عطورها يبطل كريماتها ويشمشمهم ( حلوه ذي ) ويبطل علب المكياج بس فهق ( كسر ) علبة مكياج صارت ما تنقفل , جان سعيدة تعطيه نظرة خفيفة بس ما اثرت فيه , وتم على هالمنوال . وطبعا كانوا يسافون في امور بين الجيدة والبايخة >> بس سعيد اي شي تقوله سعيده كان يعجبة لان يحبها وايد !!
المهم والا شوي والا سعيدة
تقول : وييييييييي صج نست ارويك الموضوع اللي كتبته في المنتدى
سعيد (ما يمناع ان تدش المنتدى لان يدري انها محترمة جدا جدا) : اي موضوع ذي !!
سعيدة : صبر باروح له , كا فتح موضوعي
سعيد راحت عينه على التوقيع مالها اللي هو " عذبني باسباب فرقاك "
سعيد : شنو ذي التوقيع >> سعيد للحين اوكي عادي
سعيدة : انا اقصدك انت يا حبيبي ما اقدر ابعد عنك !!
سعيد : ومتى انا بعدت عنج ؟؟
سعيدة : لين تروح البيت , او لين ما اشوفك !!
سعيد : صبري صبري صبري !!
اصلا هذا التوقيع من قبل لا اخطبج واعرفج موجود >>> مسجل في المنتدىسعيد ظهر بس صعقها !!!!!!!!!!!!
من تقصدين >>> بجدية يسألها !!
سعيدة : لا حبيبي انا حاطته من زمان صج ولا اقصد احد !!
سعيد : شلون بعد ما تقصدين احد
سعيدة : هذي مقطع من اغنية >> مرتبكة سعيدة عدل
سعيد : انزين انا بامشي مواعد ريال
سعيدة : وين حبيبي قلت بنطلع نعشى
سعيد : لا ضروري >> يقولها وهو متكدر
سعيد طبعا رجع البيت , ولا قابل ريال ولا شي , الريال دش غرفته وهو متكدر حيل حيل لسبب واحد وهوالتوقيع ( وانا اوافقه الراي ) !!!!!!
سعيد تم يفكر في سعيدة ويقول بينه وبين نفسه سعيدة
بنت متحجبة
خلوقة الى اخر درجة
امي تحبها
بشوشة ودوم مبتسمة
وتحبني واحبها موت
قمر وينقال فيها (يوم ان عيني ناظرت بين الاشتات *** شافت غزال الريم زين البنات)
واهلها من ناس والنعم
وفيها من الصفات اللي تجف الاقلام من كثرها
بس سعيد هب راضي يبلع السالفة ؟؟
لييش حاطة هالتوقيع ؟؟
معقول ...لا لا لا .. معقول .... لا لا لا ... معقول سعيدة كانت تكلم واحد او تحب واحد ؟؟
طبعا هالكلام ما يقدر يقوله حق احد لا سعيدة لها سمعتها
وهو اصلا يدري انها ما تكلم احد !!! بس التوقيع ذابحة ومخلية في حيرة
سعيد الحين ما يدري شنو يسوي ؟
هل ينفصل , واذا انفصل من صدمته وحبه ما راح يتزوج ؟؟
ويبي رايكم ؟؟
وسعيد حاب يسأل العضوات اللي يحطون هالنوعية من التواقيع ,
هل هم يحبون شخص معين , او ان توقيع والسلام >> سيعيد يبي يعرف ضروري علشان يقرر !!!!
ملاحظة هامة : القصة من وحي الخيال وما تخصني لا من جريب ولا من بعيد !!