مسجات (( يوم الجمعة )) والمبالغة فيها ؟؟

[السهم الذهبي]

السلام عليكم ..
طبعا مافي احد منا مايوصله مسج يوم الجمعه بس ياجماعه
هل المرسل او المستقبل يقراء رساله يوم الجمعه , ولا صارت عاده او
مجامله خاصه في الايام الاخيرة .
تخيلو 20 مسج يجيك وخاصه الوقت ضيق ماتقدر ترد عليهم وبعضهم
يرسل مرتين بنفس اليوم ,
اعتقد من سنه او سنتين ماكان منتشر هالمسج ولا اشرايكم ,,
صحيح ان المرسل يتمنى لك جمعة مباركة وانه يضيء يومك وينور قلبك ,,
لاكن صدقني لو يدعيلك في السر قبل الصلاة او اثنائها او بعدها في قلبه
افضل من 100 مسج , لا وبعضهم يزعل اذا مارديت عليه ..

[jajassim]

بأضعف الإيمان omen

[بوعبدالله2005]

ما شاء الله عليك يا السهم الذهبي عشرين رساله

والله الي يحبوك كثير وهذا يدل على حب الله لك ولا نزكي على الله احد

[السامـي]

أي والله،الرسائل هذي فيها مبالغة،ما كنا نعرفها
هالعادة ولا حد كان يقول لنا (جمعة مباركة).

[الزاجل]

اكره هالنوعية من المسجات
سلكت أول وطرش وفي الأخير
تتسجل انك تذكرت فلان وعلان بالمسج ..

كفاية مسج يكون من القلب للقلب
مسج واحد في كل شهر
يحسسني اني عين المسج
مب توابع المسج ..

بس

[@محمد@]

الحمد لله على كل حال

يكفي أنهم تذكروا أسمي في هذه الدنيا

[حبر سري]

السلام عليكم ..
طبعا مافي احد منا مايوصله مسج يوم الجمعه بس ياجماعه
هل المرسل او المستقبل يقراء رساله يوم الجمعه , ولا صارت عاده او
مجامله خاصه في الايام الاخيرة .
تخيلو 20 مسج يجيك وخاصه الوقت ضيق ماتقدر ترد عليهم وبعضهم
يرسل مرتين بنفس اليوم ,
اعتقد من سنه او سنتين ماكان منتشر هالمسج ولا اشرايكم ,,
صحيح ان المرسل يتمنى لك جمعة مباركة وانه يضيء يومك وينور قلبك ,,
لاكن صدقني لو يدعيلك في السر قبل الصلاة او اثنائها او بعدها في قلبه
افضل من 100 مسج , لا وبعضهم يزعل اذا مارديت عليه ..

فعلا ملاحظة حلوة اخوي السهم الذهبي

انا بصراحة كل جمعة توصلني مسجات , وبصراحة مااقراها كلها
معظمها بس اشوف اسم المرسل وابعثه له على طول بس علشان ارد عليه برسالة مشابهة!!!

وكلامك صح اخوي ان فعلا الدعاء بالسر احسن الف مرة , لكن يمكن في ناس يعتبرونها نوع من التواصل

وعلى فكرة ترى 3 ارباع المسجات متكررة , يعني ممكن يوصل لك 3 او 4 مسجات من عدة اشخاص لكنها كلها نفس الشي

وبشكل عام ومثل ماقال احد الاخوة في رده : يكفي انهم تذكروا اسمي , وهذا بعد شي يشرح الخاطر

وشكرا على موضوعك اخوي

[عابد]

السلام عليكم ..
طبعا مافي احد منا مايوصله مسج يوم الجمعه بس ياجماعه
هل المرسل او المستقبل يقراء رساله يوم الجمعه , ولا صارت عاده او
مجامله خاصه في الايام الاخيرة .
تخيلو 20 مسج يجيك وخاصه الوقت ضيق ماتقدر ترد عليهم وبعضهم
يرسل مرتين بنفس اليوم ,
اعتقد من سنه او سنتين ماكان منتشر هالمسج ولا اشرايكم ,,
صحيح ان المرسل يتمنى لك جمعة مباركة وانه يضيء يومك وينور قلبك ,,
لاكن صدقني لو يدعيلك في السر قبل الصلاة او اثنائها او بعدها في قلبه
افضل من 100 مسج , لا وبعضهم يزعل اذا مارديت عليه ..

رسائل الجمعه تفيد في تقوية اواصر المحبه وهو نوع من التواصل

[التيما]

مافيها شي يا جماعه .. دعائك للآخرين يوم الجمعه مافيها شي سواء بمسج ولا بصلاة .. بالعكس حلو لمن تخلي الناس يقرون دعاء يوم الجمعه بتاخذ أجر .. وهم بياخذون أجر ..

[PoBox]

ماقبل المسجات كنا نسمع صوت الصديق البعيد مرة كل كم شهر

الحين حتى بالعيد بس يطرشون مسج
وانتهى الموضوع
حتى الصوت مانسمعه

اشوف المسجات تخفف اواصر الصداقة ماتزيدها
:)

[مشـــــاعر]

أنا صراحة أطرش واستلم في يوم الجمعة أكثر من 30 مسج ..
فماعندي وقت أقراهم كلهم فأخزنهم عندي واطرشهم حق الباقي .. وهكذا ....إلخ

[السهم الذهبي]

يعطيكم العالفيه في منكم مؤيد ويعتبرها نوع من التواصل
والبعض لايؤيدها بس في رايي انها ماتكون اسبوعيه
مثلا في الشهر مرة ومايكون مبالغ فيها يعني تكفي عبارة
( صباح الخير , جمعة مباركة ) .

[الزاجل]

يعطيكم العالفيه في منكم مؤيد ويعتبرها نوع من التواصل
والبعض لايؤيدها بس في رايي انها ماتكون اسبوعيه
مثلا في الشهر مرة ومايكون مبالغ فيها يعني تكفي عبارة
( صباح الخير , جمعة مباركة ) .

معليه اسمح لي اختلف معاك اهنيه

شنهو جمعة مباركة ؟
او صباح الخير ؟

اذا بيطرش مسج يطرش مسج يقراه هو أولا بيقين
ومن ثم يختار الناس اللي وده يقرونه من قلب
ومن ثم يطرشه ..

لكن مثل ما انشوف سلكت اول وطرش واستلم
وكان الله غفورا رحيما ..
هذا اللي مرفوض في الموضوع ..

[سعر الأغلاق]

المشكله لما تجيك نسخة مسج من اكثر من شخص

تحس ان العمليه عملية Forward

[السهم الذهبي]

معليه اسمح لي اختلف معاك اهنيه

شنهو جمعة مباركة ؟
او صباح الخير ؟

اذا بيطرش مسج يطرش مسج يقراه هو أولا بيقين
ومن ثم يختار الناس اللي وده يقرونه من قلب
ومن ثم يطرشه ..

لكن مثل ما انشوف سلكت اول وطرش واستلم
وكان الله غفورا رحيما ..
هذا اللي مرفوض في الموضوع ..

اخي الكريم ,, جمعة مباركة انك تبارك حق صديقك بهذا اليوم لانه عيد المسلمين وخير يوم طلعت فيه الشمس يوم الجمعة وفي هذا اليوم خلق سيدنا ادم عليه السلام ,,
فمااعتقد فيها شي اذا صبحت عليه وباركت له بيوم الجمعة ..
خير من المسجات الطويلة المعتادة , ومنها تتجنب المجاملة
وايضا حتى مايظن ان بس ياك المسج وضغطت على اعادة ارسال
هذا رايي ....