بخصوص اولمبياد بكين في الصين .. مطلوب مساعده

[RJ83]

السلام عليكم ..

ان شاء الله بروح بكين في الصيف للاولمبياد لمدة 20 يوم.. وابي حد يفيدني بالتالي:

1- اذا في حد عنده خلفيه عن امور تذاكر الافتتاح واشلون ومتى اقدر اوفرها،، وكيفية تعبئة طلب شراء التذاكر..وهل ممكن يوفرونها لنا اللجنه الاولمبية؟؟ ...الخ
2- احسن المطاعم العربية والعالمية في بكين ؟؟
3- المناطق السياحية في بكين اللي تستحق الزياره ؟؟
4- المناطق المجاوره لبكين التي تستحق الزياره ؟؟
5- أحسن المولات واماكن التسوق ؟؟
6- هل تنصحوني برحلات معينه بما اني باقي ل20 يوم؟؟ اين ؟؟ وما هي الوسائل( طائره، قطار...الخ)؟؟
7- اشلون بيكون الجو في شهر 8؟؟
8- اش تنصحوني اخذ معاي ؟؟
9- برايكم كم اخذ معاي ميزانية لي فقط ؟؟ والى اي عمله احول دولار او يورو ؟؟ وكم منها احول لعملتهم ؟؟..وهل الماستر كارد مهم انه يكون معاي؟؟
10- نصائح اخرى..


اسمحوا لي عالاطالة..
يعطيكم العافية :nice:

[RJ83]

وين الردود.. محد راح الصين ؟؟ :(

[miss-qatr]

ليتني اعرف والله كان رديت عليك ياخوي انا من عقب ماقريت تقرير التيما عن الصين وانا عايفتها :rolleyes2:

بس ان شاء الله يساعدونك الاخوان وماراح يقصرون :)

[RJ83]

ليتني اعرف والله كان رديت عليك ياخوي انا من عقب ماقريت تقرير التيما عن الصين وانا عايفتها :rolleyes2:

بس ان شاء الله يساعدونك الاخوان وماراح يقصرون :)

هلا اختي ..بالعكس ترى الصين بلد الحضارات العريقه وكل منطقه غير عن الثانيه.. واحسن شي انج تروحين مع شخص يعرفها..
انا ان شاء الله بروح بكين في شهر 8 .. وابي حد يفيدني عنها بالمعلومات... اضافة اني بروح ايام الاولمبياد واتمنى احصل تذاكر الافتتاح..

[بروحي]

هذا الموقع الرسمي
http://en.beijing2008.cn/

[RJ83]

شكرا عالموقع :)

[العجمىq8]

تفضل اخي هذى الموقع راح يفيدك اكثر

اتمنى لك التوفيق

http://travel.maktoob.com/vb/travelarab157/

[RJ83]

مشكور اخوي عالموقع المفيد

[abo rashid]

التذاكر راح تنباع الشهر الجاي
تذاكر الافتتاح خلاص خلصت

[التيما]

هلا اخوي اتمنى اني افيدك لو شي بسيط على قد ماقدر لاني ما قعدت الا اسبوعين في الصين .. طبعا لازم تتطلع فيزة وانت رايح .. بكين من المدن العجيبة وفيها اختلاط حضاري بس رووعه واحلى مافيها ان اللوحات في بالصيني والانجليزي و اسماء المولات صراحة صعبه منها Nali Mall .. والمول Golden Resources رووعه ويبي لك يوم بس حق هالمول .. وروح شارع وانغجين " Wanfujing " يهببببل .. وفي شارع جنب السفارة الأمريكيه اسمه تشوي شوي اذا ما خانتني الذاكرة ..
.. تقدر عن طريق المكاتب السياحية في بكين واكبرها مكتب بعد تروح لسور الصين العظيم بالكثير بــ70 او 80 دولار .. والمدينة المحرمة .. ومعبد السماء في حديقة تيان تان ..وقصر الصيف .. والفنادق رخيصه في بكين ولا ارخص من كذا بس نصيحة احجز من الحين .. الريتز والفورسيزون في بكين في المتوسط 250دولار .. انا رحت شهر 8 والجو مطر حط ببالك هالشي ومافي برد .. بس المطر على ودنه وانا شريت مظلات من هناك .. والعمله القطرية مالك امل طبعا .. عليك بالدولار .. ولازم تاخذ معاك الجواز لمن تحول الدولار لعملتهم ماتنفع البطاقة الشخصية .. والفيزا تنفع في المولات الكبيرة والمجمعات شي عجيب .. والي انا متأكده منه انك بتلقى خرايط سياحية لبكين في المطار .. والأمن اكثر من ممتاز وكل شبر في عشرين شرطي لا تحاتي .. بس تأكد من قوانينهم لانك ممكن بالغلط تسوي شي ماتقصده ينفهم غلط .. وأهم شي يكون معاك مترجم .. وتتحرك مع وفد او ناس معاك ماتروح بروحك .. واستخدم التاكسي اللي لونه اصفر واخضر لان فيه عداد .. وهو اامن واايد من الأحمر .. والأكل عندك مطعم الف ليله وليلة وهو في حي السفارات العربية .. وفي ماكدونالدز وبيتزا هت .. تكفيك في بكين حوالي 6000 دولار وتعيش فيها أمير .. لا تنسى تاخذ شريحة الجوال وتحمل تاخذها من المطار بتطلع لك غاليه حوالي 35 دولار بس برا المطار بـ 6 دولار مع كرت الشحن حوالي 15 دولار ..

[RJ83]

التذاكر راح تنباع الشهر الجاي
تذاكر الافتتاح خلاص خلصت

هلا اخوي اشلون عرفت انها خلصت؟؟وهل انت متأكد؟؟:weeping:

[RJ83]

هلا اخوي اتمنى اني افيدك لو شي بسيط على قد ماقدر لاني ما قعدت الا اسبوعين في الصين .. طبعا لازم تتطلع فيزة وانت رايح .. بكين من المدن العجيبة وفيها اختلاط حضاري بس رووعه واحلى مافيها ان اللوحات في بالصيني والانجليزي و اسماء المولات صراحة صعبه منها Nali Mall .. والمول Golden Resources رووعه ويبي لك يوم بس حق هالمول .. وروح شارع وانغجين " Wanfujing " يهببببل .. وفي شارع جنب السفارة الأمريكيه اسمه تشوي شوي اذا ما خانتني الذاكرة ..
.. تقدر عن طريق المكاتب السياحية في بكين واكبرها مكتب بعد تروح لسور الصين العظيم بالكثير بــ70 او 80 دولار .. والمدينة المحرمة .. ومعبد السماء في حديقة تيان تان ..وقصر الصيف .. والفنادق رخيصه في بكين ولا ارخص من كذا بس نصيحة احجز من الحين .. الريتز والفورسيزون في بكين في المتوسط 250دولار .. انا رحت شهر 8 والجو مطر حط ببالك هالشي ومافي برد .. بس المطر على ودنه وانا شريت مظلات من هناك .. والعمله القطرية مالك امل طبعا .. عليك بالدولار .. ولازم تاخذ معاك الجواز لمن تحول الدولار لعملتهم ماتنفع البطاقة الشخصية .. والفيزا تنفع في المولات الكبيرة والمجمعات شي عجيب .. والي انا متأكده منه انك بتلقى خرايط سياحية لبكين في المطار .. والأمن اكثر من ممتاز وكل شبر في عشرين شرطي لا تحاتي .. بس تأكد من قوانينهم لانك ممكن بالغلط تسوي شي ماتقصده ينفهم غلط .. وأهم شي يكون معاك مترجم .. وتتحرك مع وفد او ناس معاك ماتروح بروحك .. واستخدم التاكسي اللي لونه اصفر واخضر لان فيه عداد .. وهو اامن واايد من الأحمر .. والأكل عندك مطعم الف ليله وليلة وهو في حي السفارات العربية .. وفي ماكدونالدز وبيتزا هت .. تكفيك في بكين حوالي 6000 دولار وتعيش فيها أمير .. لا تنسى تاخذ شريحة الجوال وتحمل تاخذها من المطار بتطلع لك غاليه حوالي 35 دولار بس برا المطار بـ 6 دولار مع كرت الشحن حوالي 15 دولار ..

هلا اختي ..
يعطيج العافية على المعلومات الوافيه..

بغيت اسأل لج كم سؤال..
-هل 20 يوم في بكين وقت طويل؟؟
- وشنهي المناطق القريبه من بكين ممكن ازورها؟؟
- انا افكر اروح هونج كونج كم يوم وارد بكين..هل تنصحيني او لا؟؟
- ايش تنصحيني اخذ معاي غير المظله ..؟؟:)
هل عندهم ملاهي للاطفال وللكبار؟؟

يعطيج العافية

[التيما]

هلا اختي ..
يعطيج العافية على المعلومات الوافيه..

بغيت اسأل لج كم سؤال..
-هل 20 يوم في بكين وقت طويل؟؟
- وشنهي المناطق القريبه من بكين ممكن ازورها؟؟
- انا افكر اروح هونج كونج كم يوم وارد بكين..هل تنصحيني او لا؟؟
- ايش تنصحيني اخذ معاي غير المظله ..؟؟:)
هل عندهم ملاهي للاطفال وللكبار؟؟

يعطيج العافية

انا اشوف 20 يوم حلوين واايد .. واذا معاك يهال :secret: عادي بس حسب اعمارهم واذا تبي رايي ممكن تاخذ قطار ن بكين الى هونج كونج بس بتاخذ وقت طـــــــــــــــــــــــــــــــويــــــــــل بس في هالحاله تقدر تمر على كثير من المدن الصينية وهونج كونج مافيها شي ترى هي في الأغلب حق الشوبينغ وخاصه الماركات العالمية .. وديزني لاند في هونج كونج ماتستاهل العنوه لها صراحة ومافيها الا كم لعبه وما تصلح .. وبخصوص الملاهي للأطفال في الصين أكبر مدينه ترفيهيه في اسيا وخاصه في بكين وغوانزهو والملاهي انت بس تتطب وتتنقى من كثرها .. بس عشان تكون في السليم دام معاك يهال خل طلعاتك في سيارة تاكسي مضمونه او تبع الفندق آآمن لك ولازم تكون عارف وين رايح وياريت لو تاخذ معاك مترجم خاصه برا بكين .. شنغهاي من المدن الرائعه صراحة أخوي وفيها منتجعات تهبل بس غالية جدااااا .. بصراحة أنا لمن رحت ما حسيت بالخوف أبدا واستانست بس المشكله في اللغة لانهم ما يتكلمون بغير الصينية بس في بكين في مجال لان في ناس تتكلم باللغة الانجليزية .. طبعا ماراح اعيد عليك ان أقرب المناطق في بكين هي المدينه المحرمه وهاي يبيلها يوم بروحه وسور الصين العظيم أيضا يبيله يوم بروحه من الساعه 10 الصبح لين 8 بالليل .. وفي قصر الأمبراطور و حديقة السماء بس الله يعينك عالزحمه هي بدون اولمبياد زحمه عيل مع الاولمبياد شلون ..

وبخصوص غير المظله شتاخذ معاك ... أخوي كل المطاعم الأجنبية هناك موجوده بداية من ماكدونالدز وكنتاكي وبيتزا هت وعندهم في بكين أكبر ساحة للمطاعم مكان يهببببببببببببل صراحة من كبره بس مطاعم .. بس للأمانه رغم ان العلماء أباحو أكلهم لكن عشان الشبهه ما كنا ناكل صراحة .. بس أحنا لمن رحنا خذنا معانا انواع البسكويت .. والشاي .. والحليب خاصه رينبو لان مافي هناك خير شر .. والشوكلت بأنواعة .. والأجبان .. والشوربه الجاهزة بالكوب .. والأشياء الي متوفرة هناك طبعا الخبز والحليب الفريش والعصاير والفواكة .. في مطاعم عربية مب كثير بس كلها موجوده في حي السفارات العربية .. منها مطعم الف ليله وليله وعندي كرتهم للحين اذا بغيته حاضرين والله ..

[RJ83]

انا اشوف 20 يوم حلوين واايد .. واذا معاك يهال :secret: عادي بس حسب اعمارهم واذا تبي رايي ممكن تاخذ قطار ن بكين الى هونج كونج بس بتاخذ وقت طـــــــــــــــــــــــــــــــويــــــــــل بس في هالحاله تقدر تمر على كثير من المدن الصينية وهونج كونج مافيها شي ترى هي في الأغلب حق الشوبينغ وخاصه الماركات العالمية .. وديزني لاند في هونج كونج ماتستاهل العنوه لها صراحة ومافيها الا كم لعبه وما تصلح .. وبخصوص الملاهي للأطفال في الصين أكبر مدينه ترفيهيه في اسيا وخاصه في بكين وغوانزهو والملاهي انت بس تتطب وتتنقى من كثرها .. بس عشان تكون في السليم دام معاك يهال خل طلعاتك في سيارة تاكسي مضمونه او تبع الفندق آآمن لك ولازم تكون عارف وين رايح وياريت لو تاخذ معاك مترجم خاصه برا بكين .. شنغهاي من المدن الرائعه صراحة أخوي وفيها منتجعات تهبل بس غالية جدااااا .. بصراحة أنا لمن رحت ما حسيت بالخوف أبدا واستانست بس المشكله في اللغة لانهم ما يتكلمون بغير الصينية بس في بكين في مجال لان في ناس تتكلم باللغة الانجليزية .. طبعا ماراح اعيد عليك ان أقرب المناطق في بكين هي المدينه المحرمه وهاي يبيلها يوم بروحه وسور الصين العظيم أيضا يبيله يوم بروحه من الساعه 10 الصبح لين 8 بالليل .. وفي قصر الأمبراطور و حديقة السماء بس الله يعينك عالزحمه هي بدون اولمبياد زحمه عيل مع الاولمبياد شلون ..

وبخصوص غير المظله شتاخذ معاك ... أخوي كل المطاعم الأجنبية هناك موجوده بداية من ماكدونالدز وكنتاكي وبيتزا هت وعندهم في بكين أكبر ساحة للمطاعم مكان يهببببببببببببل صراحة من كبره بس مطاعم .. بس للأمانه رغم ان العلماء أباحو أكلهم لكن عشان الشبهه ما كنا ناكل صراحة .. بس أحنا لمن رحنا خذنا معانا انواع البسكويت .. والشاي .. والحليب خاصه رينبو لان مافي هناك خير شر .. والشوكلت بأنواعة .. والأجبان .. والشوربه الجاهزة بالكوب .. والأشياء الي متوفرة هناك طبعا الخبز والحليب الفريش والعصاير والفواكة .. في مطاعم عربية مب كثير بس كلها موجوده في حي السفارات العربية .. منها مطعم الف ليله وليله وعندي كرتهم للحين اذا بغيته حاضرين والله ..

هلا اختي..

تسلمين على معلوماتج بصراحه مفيده.. واحنا3اشخاص مسافرين معانا طفله وحده عمرها سنتين.. ترى انا احب الملاهي وهذي السوالف :shy: عشان جذي سألتج.. تنصحيني أروح شنغهاي أو جوانزو أو الاثنين كرحله من بكين ؟؟؟ وكم يوم؟؟

يعطيج العافية :nice: