عندي مشكله وابي حل

[مستثمر111]

شباب عندي مشكله وابي حل منكم شبااااااب اخفاف وايد من الطيارات واول مايقرب موعد السفر اصير متوتر وايد وما اداني اني اسافر اذا احد عنه حل يفيدنا جزاكم الله خير

[عـنيـد قـطـر]

خلك نفسي سافر بالسياره .

[قطريه ماركه]

اقرأ أذكار الصباح والمساء و توكل على الله وأقرأ دعاء السفر وركوب الدابة ...

وتوكل على الله واكتشف العاااالم ... وللسفر فوااااائد كثيره لا تفوتها عليك ...

الله يبعد عنك الخوف ...قل لن يصيبنا الا ما كتب الله لنا ...

[غانم 81]

اسهر وارقد في الطياره

[سداوي&مدريدي]

أخـــوي مستثمر فكر فيها في اليــوم كم طياره أطيـر؟
كم رحله في اليــوم وايد صراحه يعني مايات الى عليك هههههههههه
هاي اذا انت منحووووس يمكن بس لاتخاف كل شي بيد الله ولاتفكر وايد
ومثل ماقالك اخــوي غانم اسهر وقبل ماتسافر نام في الطياره

:nice:

[مستثمر111]

أخـــوي مستثمر فكر فيها في اليــوم كم طياره أطيـر؟
كم رحله في اليــوم وايد صراحه يعني مايات الى عليك هههههههههه
هاي اذا انت منحووووس يمكن بس لاتخاف كل شي بيد الله ولاتفكر وايد
ومثل ماقالك اخــوي غانم اسهر وقبل ماتسافر نام في الطياره

:nice:


سهرت يومين وكل ما اركب الطيارة ما انام وعطوني حبوب منومه مافي فايدة وبعدين في الطيارة اختم القران من الخرعة الله كريم مافي فايدة

[miss-qatr]

اخوي وااايد ناس فيهم فوبيا من ركوب الطياره اتحس ماتعرف وشو السبب بس اتوتر واتخاف ويتم قلبك يدق :victory:

ولا اذا بتحرك الطياره او بدايه طيرانها حالتك حاله :weeping:

بس صدقني الحل الوحيد انك اتواجه خوفك ادري ان صعب عليك بس واجهه مره مرتين حاول تضغط على نفسك


ترا حتى علاج الفوبيا بشتى انواعه المواجهه نفس اللي عندهم فوبيا المرتفعات أو الخوف من بعض الحيوانات


وتحمل اتقول لا باعتمد على السياره بتظل طول عمرك خايف بس المسأله يبيلها شويه اصرار وعزيمه وربي يعينك :)


وخل حد يسافرك معاك لا تسافر بروحك ويفضل هالشخص يقوي من عزمك ما يخرعك زياده ----------> اعرف هالحركات
ترا الصيف قرب والناس كلها بتسافر :victory: تشجع

[سعد آل شريم]

روح لدكتور في السد يعطيك حبه قبل لاتركب الطيارة بثلاث ساعات ... الحبه هاذي تهدي وترخي أعصابك وتخليك أنسان هادي ... طرشلي رقمك على الخاص وبقولك ويش تسوي ...

[miss-qatr]

روح لدكتور في السد يعطيك حبه قبل لاتركب الطيارة بثلاث ساعات ... الحبه هاذي تهدي وترخي أعصابك وتخليك أنسان هادي ... طرشلي رقمك على الخاص وبقولك ويش تسوي ...

اخوي انا مااتفق معاك لو بعد بتقولي هالدكتور مب بقطر باوافقك 100% لكن هنيه لاااا والف لااا

اش راح يستفيد اذا كانت هالحبوب مب safe واحنا الله خير حتى الادويه اللي تسبب ادمان تنوصف بدون مراعاه للمريض


يعني خله يبعد عن الشر ممكن يروح استشاره لكن مايستخدم ادويتهم

اللهم اني بلغت اللهم فاشهد

وسوري عالمداخله

[مافيا قطر]

ريح بالك اذا حسيت انك خايف والطياره خلاص اقلعت قولهم فيها قنبله ولا عليك هم راح ينزلونك وفى حل ثانى

بطل باب الطياره وانزل وقبلها خذ كم دوره فى سلاح المظلات امزح بس توكل على الله واللى على الجبين تشوفه العين

[alsahran]

اسمع مني واتبع نصيحة الأخت miss-qatr والافضل انك تسافر في البدايه مع اشخاص ترتاح لهم لين ما تعود والأفضل تكون رحلات طويله ...يعني اقل شي 3-4 ساعات عشان تتجنب الاقلاع و الهبوط المتكرر.
هذا اذا ناوي تواجه المشكله.
الله يوفقك اخوي

[ســـهم]

قبل السفر بساعه واعدني اخذ لك حبه من عندي تخليك تحبي خخخخخخخخ


يصحونك في مطار الدوله المسافر لها :)



توكل على الله وأعلم انك لست الوحيد في الطائره

بس والله حتى انا اخاف منها في الاقلاع خاصة بعد خمس دقايق اذا خفف الباور :(

احسها بتطيح !!