ممكن معلومات عن فيينا [الأرشيف] - منتديات شبكة الأسهم القطرية

مشاهدة النسخة كاملة : ممكن معلومات عن فيينا

ولد شرق

02-03-2008, 02:35 PM

بوجبر

02-03-2008, 05:29 PM

@حمد@

02-03-2008, 09:49 PM

مرحبا يالاخوان والاخوات

ممكن معلومات عن فيينا وعن زا لا مسي
يعني اذا بغيت انزل فيينا ومن فينا اروح زلامسي كم ساعه تقريبا؟
وهل انزل ألمانيا اول اقرب لي حق زلامسي؟
وذا حبيت انزل اصلن فيينا نفسها و بعدها زلامسي؟

ممكن اتفيدوني الله لايهينكم...

من فينا الى زلامسى حوالي ستة ساعات طبعا بالقطار بس خذ درجه اولى وكبينه افضل وطريق ممتع حتى افضل من السياره برغم من السياره وقت اقصر بس افضل شي روح افينا ثم زلامسي ثم سيليسبورغ ثم ميونيخ افضل شي القطار انا جربت وانصحك في هذي الرحله

العميد الركن

02-03-2008, 10:08 PM

مرحبا اخوي ولد شرق نزولك المانيا وبعدها زلامسي وفينا يعتمد على كم يوم انت راح تجلس اهناك ونصيحه اجر سياره من المانيا طبعا ارخص من فينا دبل المبلغ وتودي معاك من هنيهgps وخاصه اذا معاك هلك بتبهدل من قطار لقطار ومن تكسي لين تكسي وقيمه القطارات والتكاسي راح تطلع عليك اكثر من سعر السياره (وصدقني مابالغ) ومن ميونخ اطلع على زلامسي ومنها على فينا والسفر من فينا وتسلم السياره هناك من الفندق تتصل حق مكتب الاجار وهو ياخذ السياره وتاخذ سياره الفندق لين المطار وترجع بالسلامه واذا حبيت تفاصيل اكثر انا حاضر عن الفنادق والاماكن السياحيه وبالتوفيق

بدوي

03-03-2008, 12:44 AM

الصراحة انا أحط يدي مع .. سعادة العميد الركن/ واعطيه سلااااااااااام خذذذذ

وانصحك تنزل ألمانيا قبل .. بتقول ليه !!

بقولك لأن السيارات أفضل وأرخص واطلبها مع النفيغيشن عشان ماتتوهق

بعدين المسافة من (ميونخ) لي (زيلامسي) تقريبآ 128 كيلومتر بالسيارة طبعآ (سالزبورغ) بتمر عليها في الطريق

وهي تبعد عن (ميونخ) تقريبآ 85 كيلومتر

أما من (فيينا) لي (زيلامسي) المسافة تقريبآ 400 وشي كيلومتر < يعني مشواااار > :rolleyes2:

ونصيحتي لك .. اذا تبحث عن طبيعة فصدقني ان المانيا واطراف النمسا (زيلامسي) وما حواليها

أفضل بكثييييييييييير من (فيينا) ......... وجهة نظر ورأيي الشخصي :victory:

نصيحة أعيد وأكرر وأزيد عليها .. (( خذ سيارة )) واللللللللللللللله ماتتحسف

مر على سكست في الوعب عند (مصطفى) وعطه مواصفات السيارة اللي تبيها (ديزل + نفيغيشن + تأمين شامل)

وخذ الورقة من عنده بدون ماتدفع أي شي ولما توصل سلمها للمكتب في المدينة اللي انت رايح لها .. ودربك خضر

وأي استفسار انا حضر

ملاحظة : جميع المعلومات من واقع تجربة وليست فلان قال وعلان ماقال :nice:

محد يستاهل

03-03-2008, 06:36 AM

ما وصيك في البراتر .. ترى الملاهي روعه !!

ولد شرق

03-03-2008, 07:51 AM

تسلمون يالاخوان

لكن المشكله اني ماعرف اسوق في اوروبا يعني ماجربت السواقه قبل هناك ولا اعرف للنفيقيشن.
في حل؟

قطر الشموخ

03-03-2008, 11:16 AM

شوف اخوي انا الصيف الي راح سافرت المانيا مع المدام ومن هناك طلعت رحت زيلامسي ورحت سالزبورغ في فيننا والامور كانت سهالات
تروح المانيا اول عقب تروح زيلامسي وسالزبورغ اقرب لك من فيننا من الماينا الى زيلامسي 1 ونص ومن المانيا الى سالزبورغ ساعه ونصف ومن زيلامسي الى سالزبورغ ساعه ونصف بالقطار

وفي المانيا انا سكنت في منطقه اسمها اربيلا شيرتون وايد حلوة وهي كلها عرب

والفندق اسمها اربيلا شيرتون بوغن هاوس وايد فخم

ومن عند الفندق في محطه قطارات تاخذ القطار الي مكتوب عليه u4 وهو حق المسافات الطويله
وال s حق المسافات القصيره المهم تاخذ القطار من عند الفندق وتروح محطته القطارات الكبيره اسمها
هابن هووف ومن هناك تقص تذكره حق زيلامسي او اي مكان تبي تروح لها مثل فيينا او سالزبورغ او اي منطقه
لانه التاكسي وايد غاليه التنقل بالقطارات سهل ومريح وتتعلم عليه بسرعه لاتحاتي شي خذ خريطه وانتهى الموضوع
وفي زيلامسي الفندق اسمه فيشروريت حلو وعندك فندق الهتزمان بعد حلو وزيلامسي حلوة طبيعه بس وانت ساكن في اي فندق الله يعينك على صوت القطارات تبط الراس وانت نايم ههههههههههه
و98% من فنادق زيلامسي مافيها مكيفات لانه الجو عندهم بارد

واذ حبيت تروح سالزبورغ تروح تقص تذكره من محطه زيلامسي وهي جنب الفندق ووتروح سالزبورغ وايد حلوة واذ رايح مع هلك الله يعينك على السوق لانها ااغلى من فرنسا او مثلها في الاسعار لانه سالزبورغ منطقه رايقه جدا

وسامحيني على القصور واي شي تبيه انا حاضر واذ تبي ارقام تاكسي عندي وناس عرب وثقه

الفتى

06-03-2008, 07:40 AM

تسلمون يالاخوان

لكن المشكله اني ماعرف اسوق في اوروبا يعني ماجربت السواقه قبل هناك ولا اعرف للنفيقيشن.
في حل؟

أذا على السواقه تراها سهله أنا أول مرة أروح هل السنه و أجرت سيارة يوم وااحد أرخص و أحسن من التكاسي و الوقت مفتوح لك أهم شيء تكون أسامي المناطق عندك ... ما راح تتهوق إلا في الأشارات اللي سيده ويسار لأنه نظامهم شوي غريب تفتح الأشاره إلى الأمام و اليسار نفس الوقت و كذلك الأتجاه المعاكس يفتح معاك و نفس اللحظه كل اللي عليك أذا تبي يسار توقف لين يخف الخط اللي ياي من العكس عقب تلف و الباقي سيم سيم (( أنا أول ما أجرت السيارة الله وكيلك أول ثلاث أشارات سيده )) :) لين عرفت الطريقه و كوعت .

بس السيارة ما تنفع في فينا و ميونخ الأندر أقراوند يكفي أذا بتأجر أجر أخر يوم في فينا و أنت طالع على زلامسي أو أخر يوم في ميونخ لأنه المواقف بفلوس و ماراح تحصل مواقف بسهوله .

بخصوص زلامسي وايد حلوه و جرب فندق سي هوتل وايد حلوه و على البحيرة على طول .

zeknon

06-03-2008, 11:30 AM

شوف اخووي احسن شي تنزل ميونخ واذا اجرت سيارة احسن لك لكن اذا خذيت قطار مافية مشكلة وتطلع بعدين زلامسي قريبة من ميونخ تجلس فيها يوم واحد او اثنين لاطول فيها بعدين تروح سازبورغ قريبة من زلامسي بعدين تنزل فيينا هذا احسن جدول في اعتقادي

laheeb60

07-03-2008, 06:45 PM

واذا انا مسافر مع جميع العايله وعددنا ماشأ الله 8 اشخاص ومعرف اسوق , ويش تنصحوني به في امكانيه تأجير فان مع سايق وكم التكلفه , ارجوكم النصيحه

مضاربه

10-03-2008, 08:03 PM

تبي نصيحتي اطلع على سالزبورغ من ميونخ بالباص مع التورست ولا اروع منها رحله معاك مرشده وتخليك على راحتك وين ماتبي تروح بس تتقيد بالموعد ويودونك في رحله بحريه باليخت تشوف المناظر الخلابه خاصه اذا كان الجو مغيم في سالزبورغ وبعدين تركب الباص ويرجعونك لين الفندق

ROSE

10-03-2008, 09:37 PM

http://www.qatarshares.com/vb/showthread.php?t=122678

تفضل اخوي الرابط اعلاه من اخونا رجل شرقي ماقصر جزاه ربي كل خير

عالي مستواة

11-03-2008, 09:22 AM

نصيحتي لك اخوي العزيز

انك تنزل في فينا وتسقعد لك 4 ايام وانصحك بفندق ( امبيريال ) فندق راقي جداً وهادي واذا رايح شهر عسل بيبدلون لك الغرفه بسويت ومكانه حلو على طول على شارع المشاه

واذا بتروح زلامسي انصحك تمر على سالزبورج لانه على الطريق وتقعد لك فيها يومين الصراحه بلده حلوه وراقيه وبدائيه وتركب الحنطور وتتحنطر هههههههه وياخذون فيك لفه على البلده وتقريبا بالسياره 2:30 - 3 ساعات وبعدها تطلع منها وتروح زلامسي وتبعد عن سالزبورج حول ساعتين بعد وعليك بفندق غراند وفيه منه اثنين فيه واحد على مطل على البحيره والثاني على سكة الحديد ومايمر عليك القطار الا على الساعه 1 فليل يقعدك من رقادك وسنداره فاذا بتحجز اكد الحجز من قطر تكون الغرفه مطله على البحيره مباشره..(لاتغلط غلطتي)
اما عن المانيا مامريت عليها الصراحه بس يقولون انها قريبه من زلامسي طبعاً قصدي ميونخ
واذا انت ماتسوق هناك عندي رقم واحد مصري في فينا الصراحه ارتحت معاه بس شي ذبحني في السعر