سؤال للعساااااااااااااااااااااااااااااااااااااااكر [الأرشيف]

سهوم المنايا

04-03-2008, 11:28 PM

السلام عليكم ورحمة الله وبركاته

اخواني العساكر هل العسكري لو خلص الثانوية وجاب نسبه فوق 80% هل الداخلية سوف تمنحه ليكمل دراسته الجامعيه او لا

يعطيكم العافية مع ان موضوعي ملخبط شوي بس ياليت تفيدوني لاني تعبت هالسنه واخاف انهم يحرموني من تكملت دراستي

سداوي&مدريدي

04-03-2008, 11:42 PM

تبي نصيــحتي ؟؟
كمل دراستك احســـلك
وبالتــوفيق ان شاء الله
:nice:

سهوم المنايا

04-03-2008, 11:54 PM

انا ابي اكمل دراستي بس انا عسكري حاليااااا واستفساري هو هل الداخلية بتعطيني الفرصه او لا

الألماسي

05-03-2008, 12:14 AM

لــو مجموعـــك 100%

يبيلــــك واســـطه يا خســران ملاييـــن

وتبــي نصيحتي ان كان ماعليــك إلتـزامـات وجبت فـوق الــ 80% ولا كملــت بالداخليـــه قدم (( استقالتــك ))

اللـه لايهينــك مالك الا المجلـــس الأعلـى وأحلـى بعثـــه لأحلـى دولــه

سهوم المنايا

05-03-2008, 12:21 AM

اخوي الالماسي اشكر اخوي على المساعدة

بس عندي التزامات في البنك ومع الداخلية عشان كذا ماقدر اقدم استقالتي بعدين انا مسؤول عن عايلة مستحيل اني اقدم استقالتي ومااقول الا الله يوفقني ويعيني وانشاء الله تكون واسطتي نسبتي باذن الله

بــو فهــد

05-03-2008, 03:32 AM

الله يوفقك اخوي خسران ملايين ..
انت جرب منت بخسران شي ..جيب النسبه وقدم والله يوفقك ..

بوحارب

05-03-2008, 04:07 AM

تبي نصيــحتي ؟؟
كمل دراستك احســـلك
وبالتــوفيق ان شاء الله
:nice:

:victory:

المارونـــي

05-03-2008, 11:03 AM

ماضنتي يعطونك هالفرصه
لاني فنشت والسبه هالسبب لاني لو كملت دراستي برد نفس الرتبه
اسئل الله العلي القدير ان يوفقك ان شاء الله

المــستشار

05-03-2008, 11:06 AM

أخوي خسران

سؤالك : تبغي تكمل دراستك على حساب الوزارة ولا على حسابك

ابودجانه

05-03-2008, 12:38 PM

اخي الكريم دعك في وظيفتك واكمل دراستك الجامعيه لان الوزاره ستساعدك على اكمال دراستك لانها سبق وساعدة الكثير الذين اعرفهم انا وعلى فكره انا عسكري ورايت شباب كثيرين يعملون ويدرسون في نفس الوقت ونتمنى لك التوفيق.

عبودقطر

05-03-2008, 12:54 PM

هلا اخوي
اذا عندك واااااااااااااااااااااااااااو
اوشغل من تحت الطاوله بتمشي امورك على اكمل وجه

سداوي&مدريدي

05-03-2008, 12:57 PM

انا ابي اكمل دراستي بس انا عسكري حاليااااا واستفساري هو هل الداخلية بتعطيني الفرصه او لا

أخــوي مافي أمــل الا اذا عندك واســطه قويه
واذا ماعــندك بيرفعــون رتبتــك
والله يكون فعــونك

jajassim

05-03-2008, 01:08 PM

انا ابي اكمل دراستي بس انا عسكري حاليااااا واستفساري هو هل الداخلية بتعطيني الفرصه او لا

تعطي ان شاء الله ،، قبل اسبوعين صدرت تعليمات جديدة بهذأ الشأن :nice:

_QTR_

05-03-2008, 01:34 PM

والله ما اعتقد انه تعطيك

بس قوووووووووووول ان شاء الله

وربك كريم

وردد معاي يا ليل مطووووووله
.

http://www.hawahome.com/MySmiles/Smiles/en/30.gif (http://www.hawahome.com/MySmiles/)

سهوم المنايا

05-03-2008, 03:14 PM

اشكر اخواني على الايضاح
بالنسبة لسؤال المستشار

انا ناوي ادرس لغه سنه على حسابي على شان اقدر اجيب القبول من الجامعة وبعدين احول على حساب الداخلية

والله انا مخلص الثانوية من 2001 بنسبة 64 وهالسنه عدت الثانوية عشان احسن مستواي ووجبت في الفصل الاول 87،7%

بعدين اللي يقولون واسطه ولازم واو يعني النسبه ماتستحق انه تكون واسطه

سهوم المنايا

05-03-2008, 03:15 PM

تعطي ان شاء الله ،، قبل اسبوعين صدرت تعليمات جديدة بهذأ الشأن :nice:

وين اخوي جاسم كل يوم وانا اسال الادارة ومافي شي بالنسبة للهذا الموضووع ياليت تفيديني اكثر عشان اطلع على الكتاب

سهوم المنايا

05-03-2008, 03:16 PM

يالربع لاحد يحطمني :weeping:

زعيم الريان

05-03-2008, 08:34 PM

خلص إن شاء الله وجيب مجموع وذا ما وافقو لك بعد جميع المحاولات قدم في البترول وقدم استقالتك وا ن شاء الله البترول يعبون جيوبك بترول ويقولون لك يا الله كمل وتعال احنا ننتضرك وراتب ماشي في الدوحه وراتب في الدوله المبعوث لها

الريان

05-03-2008, 08:38 PM

والله اخوي الواسطه ضروريه في كل مكان

وهذا واقع يجب ان نعترف فيه

لكن مديرك يقدر يساعدك في الموضوع

اذا وصى عليك واهتم في الموضوع راح يساعدك بشكل كبير

يعني قدم طلب لمواصلة الدراسه الجامعيه على نفقة وزاره الداخليه وانتظر الرد

ايضا اتصل على ادارة البعثات واسألهم عن الموضوع وراح يفيدونك بشكل كبير جدا

لكن لازم توصية مديرك

الألماسي

05-03-2008, 11:55 PM

تعطي ان شاء الله ،، قبل اسبوعين صدرت تعليمات جديدة بهذأ الشأن :nice:

جــاسم

ممكــن تعطيــنا ملخـــص عن هـ التعليــمات

: )

اكسجين

06-03-2008, 12:32 AM

الله يكون في عونك.
وسع صدرك وان شاء الله الامور كلها طيبة انت الحين ركز في دراستك وبعدين ربك بيسر الامور ان شاء الله.

سهوم المنايا

06-03-2008, 10:51 AM

اشكر الجميع على الافادة واتمنى من اخوي جاسم ان يرد علينا بخصوص الكتاب المذكور اللي تكلم عنه

jajassim

06-03-2008, 11:07 AM

جــاسم

ممكــن تعطيــنا ملخـــص عن هـ التعليــمات

: )

اشكر الجميع على الافادة واتمنى من اخوي جاسم ان يرد علينا بخصوص الكتاب المذكور اللي تكلم عنه

هلا بالأخوان

قبل اسبوعين نزل تعميم بخصوص الدراسة والنسب

بس انا حاليا خارج الوطن وبداوم يوم الاحد 16-3-2008 ان شاء الله

بارد عليكم ،،، وفالكم طيب :nice:

مخالفة في الاسم

06-03-2008, 12:01 PM

اخوي دخل العسكريه وخذ بعثه وهو نسبته 81% بدون واسطه ولا شي لا تعتمد على كلام الناس وكل ربك ياخوي

bo_hamad

06-03-2008, 12:23 PM

التوفيق للجميع

سهوم المنايا

24-03-2008, 12:22 PM

هلا بالأخوان

قبل اسبوعين نزل تعميم بخصوص الدراسة والنسب

بس انا حاليا خارج الوطن وبداوم يوم الاحد 16-3-2008 ان شاء الله

بارد عليكم ،،، وفالكم طيب :nice:

هلا اخوي جاسم اتمنى ان تفيديناااا بالموضوع ولاتنساناااااا

سعود ناصر

24-03-2008, 12:36 PM

الموضوع يبي واسطة بس انت اذا جبت فوق 80% قدم كتاب لمكتب وزير الدولة لشؤون الداخلية ياحبذا فيه توصية من مدير إدارتك وان شاءالله تيسر امورك ولا تفكر بالاستقالة لان رواتب العساكر الحين اعلى من الجامعيين في الوظايف الثانية ماعدا قطر للبترول وشركاتها

الصارم

24-03-2008, 03:54 PM

تعطي ان شاء الله ،، قبل اسبوعين صدرت تعليمات جديدة بهذأ الشأن :nice:

قصدك الكتاب الخاص بالأجازه الخاصه لأداء الاختبارات ؟ ولا فيه تعليمات ثانيه بعد؟؟
فيدنا الله يجزاك الخير لأنه انا بعد نسبتي فوق الثمانين

متسبب

24-03-2008, 04:30 PM

يالربع لاحد يحطمني :weeping:

الشيخ كم مجموعك و ادبي ولا علمي وشهادتك اي سنه
والعمر وانشالله ماتكون الشهاده قديمه واذا مجموعك زين باكلم لك واحد وان شاء الله ماراح يقصر معاك

Qa6ar

24-03-2008, 04:38 PM

مجموعك 55 وعندك واسطه امورك طيبه واي مكان بس اهم شيء يقبلك سواء جامعه او كليه عسكريه

مجموعك 87 وماعندك واسطه ماتمشي عليك القوانين... وكل يوم لهم الف عذر.... نصيحه

الواسطه هي اللي تمشيك.... وانا اعرف واحد طالع ومجموعه 86 في الميه ماسوو له شيء

واعرف واحد مجموعه56 في الميه دوره ترشيح شفت شلون وكلهم بمكان واحد

هذي الواسطه وانا اخوك

maryam5

24-03-2008, 05:16 PM

عندك فيتامين واو بتمشي امورك...
ماعندك لين لقيته بتروح...

الله لا يهينك روح عندكم الشؤون الإدارية واطلب الاطلاع على هالشغلة واسأل فيها...

انا أبي اكمل ماجستير حولوني على المجلس الأعلى للتعليم وشروطهم والقبر...

الله يوفقك يارب ولكن كافح على قد ما تقدر حتى لو قدمت لمكتب سمو الامير او ولي العهد..

عـيـون قـطـر

24-03-2008, 06:01 PM

اخوي قدم وفالك طيب

سهوم المنايا

25-03-2008, 07:07 AM

الشيخ كم مجموعك و ادبي ولا علمي وشهادتك اي سنه
والعمر وانشالله ماتكون الشهاده قديمه واذا مجموعك زين باكلم لك واحد وان شاء الله ماراح يقصر معاك

والله ان كان بتساعدني بيض الله وجهك ياخوي وانا ادبي نسبتي الفصل الاول 87.7% وانشاء الله اطمح اني ازيد النسبه النهائية في الفصل الثاني

بنت المنتدى

25-03-2008, 07:18 AM

ياأخوي والله اني سألت لك الحيييييييين

قالوا لي باختصار ....

عنده واسطه بيمشي ,,, ماعنده وبيخلي الموضوع عند إداره خل ينسى :secret::secret:

بس ياأخوي خل يكون عندك يقين بالله عزوجل وكلم اي احد وتوكل وان شاءالله مافيه اله كل خير والله كان ودي اساعدك لكن الظهر اللي عندي طالع اجازة :secret::secret:

موفق ان شاءالله وتأكد دام الموضوع دراسه ان شاءالله ربي بيوفقك وماعليك من اللي يحبطونك ياأخوي لازم كل شي ف البدايه تتعب فيه وف النهايه ان شاءالله تكون ربحان

متسبب

25-03-2008, 08:06 PM

والله ان كان بتساعدني بيض الله وجهك ياخوي وانا ادبي نسبتي الفصل الاول 87.7% وانشاء الله اطمح اني ازيد النسبه النهائية في الفصل الثاني

الله يوفقك الشيخ
وان شاء الله تجيب مجموع وتدش بدون واسطه ولا شي
لكن انت خلص وجيب مجموع قريب هالمجموع وان شاء الله بتسجل اسمك معاهم
انا عندي اخواني 2 واحد منهم جاب 82 والثاني اعلى من هالنسبه والاثنين ترشحوا وحاليا يدرسون في بريطانيا والسبب بعد التوفيق من الله هالشخص اللي في الداخليه
انت خلص وطرش لي مسج ع الخاص وباخليك تروح له وباوصيه عليك :)