زوجتك اصيبت بحريق قبل العرس أدى لتشوهها هل تتزوجها ؟؟

[المطرقة]

للشباب :

تخيل انك ملكت على وحده ومرتبين حق العرس وكل شي .. قدر الله وتعرضت لحريق قبل العرس بكم يوم ..ادى إلى تشوه وجهها واجزاء من جسدها .. هل سوف تكمل ارتباطك بها أم لا ؟؟


وبالنسبة للفتيات ..

زوجك اللي ملك عليك .. ومرتبين حق العرس وكل شي .. قدر الله وتعرض لحادث سيارة قبل العرس بكم يوم .. أدى الى تمضية بقية حياته على كرسي متحرك .. هل ستكملين الارتباط به أم لا ؟؟

[بوحارب]

للشباب :

تخيل انك ملكت على وحده ومرتبين حق العرس وكل شي .. قدر الله وتعرضت لحريق قبل العرس بكم يوم ..ادى إلى تشوه وجهها واجزاء من جسدها .. هل سوف تكمل ارتباطك بها أم لا ؟؟


لا


.........

[المطرقة]

لا


.........


شكرا لك يابوحارب ..

بس ممكن نعرف ليش لا ؟؟

وتخيل مثلا نفسك في مكانها ؟؟

:secret:

[سهم طايش]

تذكرت موضوع قريته من فترة عن واحد كان يخدم بالجيش على الحدود في احدى الدول ووصل له خبر ان زوجته احترقت و تشوه و جهها و علشان ما يجرح شعور زوجته افتعل حادث لنفسه و ادعى انه فقد البصر و رجع الى زوجته و عاش معاها و بعد 16 سنه توفت زوجته فاخبر الناس انه طول هالمده كان يشوف بس علشان ما تنجرح زوجته ادعى انه عمي و رجع الى حياته الطبيعيه 0

[السامـي]

تخيل انك ملكت على وحده ومرتبين حق العرس وكل شي .. قدر الله وتعرضت لحريق قبل العرس بكم يوم ..ادى إلى تشوه وجهها واجزاء من جسدها .. هل سوف تكمل ارتباطك بها أم لا ؟؟


(لكل حادث حديث).

تحياتي،،،.

[عنابي 2010]

اتزوجها لو انا الاي اخترتها واخلقها طيبه وبنت اجاويد الجمال يروح مع مرور الزمن والاخلاق ثابته.وفي زمانا عمليات التجميل موجوده

[بوبندر]

لالالالالالالالالالالالالالالا

[التيما]

يتراوالي الظروف وقتها تتحكم في تصرفاتي .. مابي اكون مثالية واقول اي وبضحي في نفسي ومادري ايش .. ولا اقدر اقول اني بكون انانية وبفكر في نفسي وبقول لا مابيه .. الي بيصير بتحكمه عواطفي وحبي له من عدمه .. بيحكمه اقتناعي فيه كزوج .. بيحكمه مشاعر الحب ولا الشفقة .. لان لو حب بكمل معاه مشواري وحياتي وبحطه بعيوني .. بس اذا كان شعوري شفقه بس لا ماظن اني بكمل معاه المشوار .. الا اذا كان انسان واثق من نفسه وما هزه الحادث وصار هو بنفسه يشفق على نفسه لاني ماحب الانسان الي تكسره الظروف .

[الخيميائي]

نبي نشوف من اكثر وفاءا الشباب والا البنات :p

[PoBox]

نبي نشوف من اكثر وفاءا الشباب والا البنات :p

ونا بعد بنتظر معاك واشوف
هل فعلا روميو يصبر على جولييت
وميري تصبر على راجوا ام لا :p

[التيما]

نبي نشوف من اكثر وفاءا الشباب والا البنات :p

هروب من الإجابة .. أنت وبو بوكسينج :anger1:

[بوحارب]

شكرا لك يابوحارب ..

بس ممكن نعرف ليش لا ؟؟

وتخيل مثلا نفسك في مكانها ؟؟

:secret:

ممكن:shy:

لأنها بتتغير ملامحها وبتصير مب حلوة:shy:

والواحد وده بوحده تملي عينه:eek5:

وما يملي عيون ابن ادم الا التراب:(

أما أذا كنت انا في هذا المكان وأرفضتني البنت

بقول من حقها بعد ما يصير تقعد مع واحد يخرع:omen2:

الحين انا ابي اسمع رايك:weeping:

[الخيميائي]

ونا بعد بنتظر معاك واشوف
هل فعلا روميو يصبر على جولييت
وميري تصبر على راجوا ام لا :p

وصقنقور بيصبر على ام خماس
وهريدي بيصبر على نعمات



هروب من الإجابة .. أنت وبو بوكسينج :anger1:


مب هروب بمعنى الهروب بس الموضوع مش عاجبني لانه افتراضي والافتراضات تتغير وقت الجد :omen2:

[@محمد@]

اتزوجها لو انا الاي اخترتها واخلقها طيبه وبنت اجاويد الجمال يروح مع مرور الزمن والاخلاق ثابته.وفي زمانا عمليات التجميل موجوده

صح لسلنك ياولد الاجاويد

الانسان الى ارتبط وفك ارتباطة في هذة الحالة معروف وش يقولون عنه

الجمال جمال الروح دايم وجمال الوجه له وقت ويزول

الزوجة اجمل بفعايلها ووقفتها مع زوجها في الاوقات الصعبة

الجمال ممكن نغيرة مثل ما قلت بعملية تجميل

واذا احنا صارلنا هذا الشيئ احترقنا او جلسنا على الكرسي بنرضاه لانفسنا

عيل ليش نرضاه لغيرنا :confused:

[bnb]

اذا حروق ما ترقع طبعا لا

[قطري شايب]

لا ضرر ولا ضرار

اكيييد لا من الصوبيين

[المطرقة]

تذكرت موضوع قريته من فترة عن واحد كان يخدم بالجيش على الحدود في احدى الدول ووصل له خبر ان زوجته احترقت و تشوه و جهها و علشان ما يجرح شعور زوجته افتعل حادث لنفسه و ادعى انه فقد البصر و رجع الى زوجته و عاش معاها و بعد 16 سنه توفت زوجته فاخبر الناس انه طول هالمده كان يشوف بس علشان ما تنجرح زوجته ادعى انه عمي و رجع الى حياته الطبيعيه 0


قمة الوفاء والتضحية .. اتمنى القصة تكون حقيقيه ..

شكرا لك اخوي سهم طايش

[ROSE]

اعرف ناس في المنطقة اللي كنت ساكنه فيها

ولد مشلول قاعد على كرسي متحرك

وامه قالت لنا سالفته انه كان يبي يتزوج بنت

ويوم عرسه صار له حادث وانشل وكان يحب هالبنت وايد

بس بعد ماعرفت بالحادث رفضته وطلبت الطلاق

:( كسر خاطري

والله يعطيه الافضل ان شاء الله

[هسلان]

لو كانت زوجته وعنده بالبيت بيكون من الوفاء أن يستمر معها
ولكن هذه الفتا في بيت أهلها يعني على البر لاتربطهم عشرة وذكريات
لا أعتقد أني سوف أوافق
لكن لكل حادث حديث ونسبة التشويه لها دور في القرار


تحياتي في هذا الموضوع لا للمثالية

[القارمن]

اكيد بتركها دام انه لحد الان ما صار بيني وبينها عشره وعيال

وطبعا اكيد بقبله على نفسي لو يصير معاي هالشي ... ما ارضى عليها تعيش معاي وتعذب حالها

الموضوع بسيط جدا وما اعتقد له علاقه بالوفاء

ليش اخلي المعاناه بين الطرفين

وشكرا

والله يدوم الصحه عالجميع

[سداوي&مدريدي]

في أخـــتراع اسمه علميه تجميــل
واذا كلش مايصير
عن نفسي طبعا لا ماراح اتــزوجها

:)

[HaMo0o0o0oDE]

يتراوالي الظروف وقتها تتحكم في تصرفاتي .. مابي اكون مثالية واقول اي وبضحي في نفسي ومادري ايش .. ولا اقدر اقول اني بكون انانية وبفكر في نفسي وبقول لا مابيه .. الي بيصير بتحكمه عواطفي وحبي له من عدمه .. بيحكمه اقتناعي فيه كزوج .. بيحكمه مشاعر الحب ولا الشفقة .. لان لو حب بكمل معاه مشواري وحياتي وبحطه بعيوني .. بس اذا كان شعوري شفقه بس لا ماظن اني بكمل معاه المشوار .. الا اذا كان انسان واثق من نفسه وما هزه الحادث وصار هو بنفسه يشفق على نفسه لاني ماحب الانسان الي تكسره الظروف .

كفيتي ووفيتي هاي كل الي خطر على بالي اول ماقريت الموضوع
الله يعطيج الصحه
وانا معاج في كل سي قلتيه:victory::victory:

[اعالي الجنان]

صح لسلنك ياولد الاجاويد

الانسان الى ارتبط وفك ارتباطة في هذة الحالة معروف وش يقولون عنه

الجمال جمال الروح دايم وجمال الوجه له وقت ويزول

الزوجة اجمل بفعايلها ووقفتها مع زوجها في الاوقات الصعبة

الجمال ممكن نغيرة مثل ما قلت بعملية تجميل

واذا احنا صارلنا هذا الشيئ احترقنا او جلسنا على الكرسي بنرضاه لانفسنا

عيل ليش نرضاه لغيرنا :confused:
:app2::app2::app2::app2::app2::app2:

[OTOsan]

نعم .. باتزوجها ، وانا بكامل قواي العقليه ،،

على فكره كتجربه شخصيه مريت فيها ايام الخطوبة..
كلمني واحد وقال لي ترى البنت اللي بتتزوجها كله تمرض ومحد يعرف مرضها ! قلت له والله لو اضطر اعالجها طول عمري اني باتزوجها وما ارجع بكلامي .. والحمدلله رب العالمين طلع كلامه غير صحيح !!

[ضوى]

نعم .. باتزوجها ، وانا بكامل قواي العقليه ،،

على فكره كتجربه شخصيه مريت فيها ايام الخطوبة..
كلمني واحد وقال لي ترى البنت اللي بتتزوجها كله تمرض ومحد يعرف مرضها ! قلت له والله لو اضطر اعالجها طول عمري اني باتزوجها وما ارجع بكلامي .. والحمدلله رب العالمين طلع كلامه غير صحيح !!


يووووووووووووه يا اتو سان الحين بيقولون ما لهذا المنتدى يعج بالمثالييييييييين :shy:


احييييييييييييييييييك والاكيد اني باسوي مثلك

وكتجربة شخصية

زوجي كان عقيم حسب ما قال الطب ويستحيل عليه الانجاب

ورضيت به ونسيت سالفة الاطفال لاني احببته منذ عاشرته وعرفته جيدا وعرفت جيدا انه من الصعب التفريط فيه من اجل طفل والحمد لله الله اعطاني زوج رائع واطفال رائعون منه :shy:غصبا عن الطب وما قال اوليس الله بقادر على كل شئ

[..الاميرة..]

وبالنسبة للفتيات ..

زوجك اللي ملك عليك .. ومرتبين حق العرس وكل شي .. قدر الله وتعرض لحادث سيارة قبل العرس بكم يوم .. أدى الى تمضية بقية حياته على كرسي متحرك ..
هل ستكملين الارتباط به أم لا ؟؟



إذا كان هذا الشخص إلي ابيه واتمناه فالاجابه نعـــــــــــــــــــــــــــــــــــــــــــــم بكل تأكيد .. :nice:

[رحال]

أنا معها على الحلووووة والمررررررة !!!

[ANONYMOUS]

احرجتنا ياشيخ

انا بتزوجها .. وامري لله

رب ضاره نافعه

[قطري شايب]

ياخي فال الله ولا فالك خل الي بيعرس يستانس كفايه هم العرس بعد بتخليه يفكر بحرايق

[sulai6i]

نعم .. باتزوجها ، وانا بكامل قواي العقليه ،،

!!



نفس الشعور

[الزاجل]

:secret:

[السديم]

:secret:

:eek5:

[ALRAYYAN]

اكيد لا

بصراحه افضل اني انفصل عنها .. ولا اني اعيش معاها مغصوب عليها وماردها بتحس بهالشي

لأن الواحد هني مايتكلم عن حياة بتستمر شهر ولا شهرين ... الواحد يتكلم عن عمر

الواحد ممكن يجامل في اي شي الا في شريك حياته ..

اما لو اي شي ثاني غير الحريق ممكن اكمل واتزوجها

مثل .. الشلل او فقدان البصر او السمع

عموما انا متزوج ولله الحمد والله يبارك لي في ام عيالي يارب

[بوحمد1]

لكل حادث حديث

[الوعد2016]

اتزوجها وبكل فـــــــــــــــــــــــــــــــــــــــــــــــخـ ــــــــــــــــــــــــــــــــــــــــــــــــــ ـــــــــــــــــــــر

[المطرقة]

(لكل حادث حديث).

تحياتي،،،.


حياك ...........

[المطرقة]

اتزوجها لو انا الاي اخترتها واخلقها طيبه وبنت اجاويد الجمال يروح مع مرور الزمن والاخلاق ثابته.وفي زمانا عمليات التجميل موجوده


تعجبني اخوي عنابي هلا بك :nice:

[المطرقة]

لالالالالالالالالالالالالالالا

حياك يابومناعي

[المطرقة]

يتراوالي الظروف وقتها تتحكم في تصرفاتي .. مابي اكون مثالية واقول اي وبضحي في نفسي ومادري ايش .. ولا اقدر اقول اني بكون انانية وبفكر في نفسي وبقول لا مابيه .. الي بيصير بتحكمه عواطفي وحبي له من عدمه .. بيحكمه اقتناعي فيه كزوج .. بيحكمه مشاعر الحب ولا الشفقة .. لان لو حب بكمل معاه مشواري وحياتي وبحطه بعيوني .. بس اذا كان شعوري شفقه بس لا ماظن اني بكمل معاه المشوار .. الا اذا كان انسان واثق من نفسه وما هزه الحادث وصار هو بنفسه يشفق على نفسه لاني ماحب الانسان الي تكسره الظروف .

اللي اعرفه ان الحب والتضحيات يولدان معنا .... فمن يحب يجب ان يضحي ..

[المطرقة]

نبي نشوف من اكثر وفاءا الشباب والا البنات :p


ونا بعد بنتظر معاك واشوف
هل فعلا روميو يصبر على جولييت
وميري تصبر على راجوا ام لا :p


هروب من الإجابة .. أنت وبو بوكسينج :anger1:

:anger1::secret::anger1:

[المطرقة]

ممكن:shy:

لأنها بتتغير ملامحها وبتصير مب حلوة:shy:

والواحد وده بوحده تملي عينه:eek5:

وما يملي عيون ابن ادم الا التراب:(

أما أذا كنت انا في هذا المكان وأرفضتني البنت

بقول من حقها بعد ما يصير تقعد مع واحد يخرع:omen2:

الحين انا ابي اسمع رايك:weeping:


احترم رايك يابوحارب ..

اما بالنسبة لرايي الصراحه راح اكمل وياها وماراح اتخلى عنها .. لاني اكيد مختارها عن اقتناع وحب .. واللي يحب لازم يضحي .. لان التضحية تولد مع الحب .. محد عند استعداد في هالدينا يضحي من أجل شي الا أكيد انه يحبه .. ومحد في هالدنيا يحب حد ومش مستعد او يرفض انه يضحي من أجله ... :nice:

[المطرقة]

وصقنقور بيصبر على ام خماس
وهريدي بيصبر على نعمات





مب هروب بمعنى الهروب بس الموضوع مش عاجبني لانه افتراضي والافتراضات تتغير وقت الجد :omen2:


اسعدنا مرورك وتشريفك للموضوع :nice:

[بوحارب]

احترم رايك يابوحارب ..

اما بالنسبة لرايي الصراحه راح اكمل وياها وماراح اتخلى عنها .. لاني اكيد مختارها عن اقتناع وحب .. واللي يحب لازم يضحي .. لان التضحية تولد مع الحب .. محد عند استعداد في هالدينا يضحي من أجل شي الا أكيد انه يحبه .. ومحد في هالدنيا يحب حد ومش مستعد او يرفض انه يضحي من أجله ... :nice:

يا رجال البنات كثير

خلك من الحب والرومنسيه:telephone:

تدري اشلون خذ البيتين لك

ياللي تريد الهوى والوزين ابعد عن الحب وعشاقه

الزين يكبر ويطلع شين دور على الزين بأخلاقه:victory:

[ام حمد ومحمد]

تذكرت موضوع قريته من فترة عن واحد كان يخدم بالجيش على الحدود في احدى الدول ووصل له خبر ان زوجته احترقت و تشوه و جهها و علشان ما يجرح شعور زوجته افتعل حادث لنفسه و ادعى انه فقد البصر و رجع الى زوجته و عاش معاها و بعد 16 سنه توفت زوجته فاخبر الناس انه طول هالمده كان يشوف بس علشان ما تنجرح زوجته ادعى انه عمي و رجع الى حياته الطبيعيه 0

زمن المشاعر والحب انتهى الحين زمن المظاهر والفلوس:nice:

لو انا بقف وياه ولا اخليه هذا رائى لانى اختارته من الاوللاكن اول مايطيح اهده استحالة :secret:
وبالنسبة لجيلنا هذا فارد عن الاغلبية بيقولون لالالالالالالالالالالالالالالالا
مع احترامى للرائيكم

[قطري شايب]

احترم رايك يابوحارب ..

اما بالنسبة لرايي الصراحه راح اكمل وياها وماراح اتخلى عنها .. لاني اكيد مختارها عن اقتناع وحب .. واللي يحب لازم يضحي .. لان التضحية تولد مع الحب .. محد عند استعداد في هالدينا يضحي من أجل شي الا أكيد انه يحبه .. ومحد في هالدنيا يحب حد ومش مستعد او يرفض انه يضحي من أجله ... :nice:

ياخوي خل المثاليات عنك بس اما اخترتها عن حب هذي واسعه اشوي

طيب تضمن اذا صادك نفس الظرف بتستمر هي وياك ولا بتبيعك في السوق العماني

لحد يسمعك وانت تقول حب الا ان كان قصدك حب شمسي شي ثاني :nice:

[انا احساس]

صراحه اذا احبه ويستاهل بكمل معاه
لكن اذا مااحبه وفيه اشياء شينه مااصدق خبر على طوول لا

[المطرقة]

صح لسلنك ياولد الاجاويد

الانسان الى ارتبط وفك ارتباطة في هذة الحالة معروف وش يقولون عنه

الجمال جمال الروح دايم وجمال الوجه له وقت ويزول

الزوجة اجمل بفعايلها ووقفتها مع زوجها في الاوقات الصعبة

الجمال ممكن نغيرة مثل ما قلت بعملية تجميل

واذا احنا صارلنا هذا الشيئ احترقنا او جلسنا على الكرسي بنرضاه لانفسنا

عيل ليش نرضاه لغيرنا :confused:


شرفت الموضوع اخوي محمد ياهلا بك :nice:

[المطرقة]

اذا حروق ما ترقع طبعا لا

حياك اخوي :nice:

[المطرقة]

لا ضرر ولا ضرار

اكيييد لا من الصوبيين


اسقاطك لهذه العباره .. ليس في محله ..

لم يحالفك التقدير عزيزي شايب قطر :shy:

شرفتنا :nice:

[ROSE]

احترم رايك يابوحارب ..

اما بالنسبة لرايي الصراحه راح اكمل وياها وماراح اتخلى عنها .. لاني اكيد مختارها عن اقتناع وحب .. واللي يحب لازم يضحي .. لان التضحية تولد مع الحب .. محد عند استعداد في هالدينا يضحي من أجل شي الا أكيد انه يحبه .. ومحد في هالدنيا يحب حد ومش مستعد او يرفض انه يضحي من أجله ... :nice:


:eek5::eek5::eek5:


مادري ليش مااصدق :secret:

يا رجال البنات كثير

خلك من الحب والرومنسيه:telephone:

تدري اشلون خذ البيتين لك

ياللي تريد الهوى والوزين ابعد عن الحب وعشاقه

الزين يكبر ويطلع شين دور على الزين بأخلاقه:victory:

اخس عليك ايه الكلام ده يابوحارب

صدقني مش مثالية بس العشرة ماتهون

اذا للحين ماتزوجها ممكن يغير رايه بحكم انه مافيه عشره

ولكن اذا كانت زوجته وتركها صج مايستاهلها



ياخوي خل المثاليات عنك بس اما اخترتها عن حب هذي واسعه اشوي

طيب تضمن اذا صادك نفس الظرف بتستمر هي وياك ولا بتبيعك في السوق العماني

لحد يسمعك وانت تقول حب الا ان كان قصدك حب شمسي شي ثاني :nice:

:anger1::anger1::anger1:

[المطرقة]

اعرف ناس في المنطقة اللي كنت ساكنه فيها

ولد مشلول قاعد على كرسي متحرك

وامه قالت لنا سالفته انه كان يبي يتزوج بنت

ويوم عرسه صار له حادث وانشل وكان يحب هالبنت وايد

بس بعد ماعرفت بالحادث رفضته وطلبت الطلاق

:( كسر خاطري

والله يعطيه الافضل ان شاء الله

:anger1::anger1::anger1:

مالهم أمان بنات هالايام :anger1:

[المطرقة]

لو كانت زوجته وعنده بالبيت بيكون من الوفاء أن يستمر معها
ولكن هذه الفتا في بيت أهلها يعني على البر لاتربطهم عشرة وذكريات
لا أعتقد أني سوف أوافق
لكن لكل حادث حديث ونسبة التشويه لها دور في القرار


تحياتي في هذا الموضوع لا للمثالية

اشكرك اخوي هسلان

شرفت الموضوع بكلامك الطيب :nice:

[المطرقة]

اكيد بتركها دام انه لحد الان ما صار بيني وبينها عشره وعيال

وطبعا اكيد بقبله على نفسي لو يصير معاي هالشي ... ما ارضى عليها تعيش معاي وتعذب حالها

الموضوع بسيط جدا وما اعتقد له علاقه بالوفاء

ليش اخلي المعاناه بين الطرفين

وشكرا

والله يدوم الصحه عالجميع


هلا اخوي القارمن

صراحه من المداخلات اللي اعجبت بها ... ومن أفضلها .. :nice:

تحياتي لك شرفت :victory:

[المطرقة]

في أخـــتراع اسمه علميه تجميــل
واذا كلش مايصير
عن نفسي طبعا لا ماراح اتــزوجها

:)

حياك الله اخوي سداوي :nice:

[المطرقة]

كفيتي ووفيتي هاي كل الي خطر على بالي اول ماقريت الموضوع
الله يعطيج الصحه
وانا معاج في كل سي قلتيه:victory::victory:

حياك الله اخوي :nice:

[المطرقة]

:app2::app2::app2::app2::app2::app2:

:victory::victory:

[قطر501]

بصراحة سؤال صعب ماقدر اجيب عليه

[المطرقة]

نعم .. باتزوجها ، وانا بكامل قواي العقليه ،،

على فكره كتجربه شخصيه مريت فيها ايام الخطوبة..
كلمني واحد وقال لي ترى البنت اللي بتتزوجها كله تمرض ومحد يعرف مرضها ! قلت له والله لو اضطر اعالجها طول عمري اني باتزوجها وما ارجع بكلامي .. والحمدلله رب العالمين طلع كلامه غير صحيح !!

حياك اخوي اتواسنان :nice:

وتعجبني اجابتك .. واصرارك .. ويبقى الأمل :nice:

[المطرقة]

يووووووووووووه يا اتو سان الحين بيقولون ما لهذا المنتدى يعج بالمثالييييييييين :shy:


احييييييييييييييييييك والاكيد اني باسوي مثلك

وكتجربة شخصية

زوجي كان عقيم حسب ما قال الطب ويستحيل عليه الانجاب

ورضيت به ونسيت سالفة الاطفال لاني احببته منذ عاشرته وعرفته جيدا وعرفت جيدا انه من الصعب التفريط فيه من اجل طفل والحمد لله الله اعطاني زوج رائع واطفال رائعون منه :shy:غصبا عن الطب وما قال اوليس الله بقادر على كل شئ


شكرا لك لاثراء هذا الموضوع بهذه التجربة الثرية :nice:

[المطرقة]

وبالنسبة للفتيات ..

زوجك اللي ملك عليك .. ومرتبين حق العرس وكل شي .. قدر الله وتعرض لحادث سيارة قبل العرس بكم يوم .. أدى الى تمضية بقية حياته على كرسي متحرك ..
هل ستكملين الارتباط به أم لا ؟؟



إذا كان هذا الشخص إلي ابيه واتمناه فالاجابه نعـــــــــــــــــــــــــــــــــــــــــــــم بكل تأكيد .. :nice:

كبرتي في عيني يا عيوووووووووووووووز الدلع .. :nice:

ما توقعت ذي اجابتج :shy:

[Smart]

سوال صعب
والجواب اصعب
واحد من الشباب اكتشف المرض الخبيث فى زوجه بعد الملجه وانها بتتوفى قريب والحمد لله جزاه الله كل خير واصل معاها الى اخر ايامها

[المطرقة]

أنا معها على الحلووووة والمررررررة !!!


تعجبني :nice:

[المطرقة]

احرجتنا ياشيخ

انا بتزوجها .. وامري لله

رب ضاره نافعه

حياك الشيخ :nice:

[_QTR_]

والله آخذها ولا همني شيء

لا ناس ولا ظرووووووف

ترى يا ناس اذا انا اللي مختارها وراضي فيها لا بيأثر فيني حرق ولا تشوهات

[المطرقة]

ياخي فال الله ولا فالك خل الي بيعرس يستانس كفايه هم العرس بعد بتخليه يفكر بحرايق


:secret::secret::secret:

[المطرقة]

نفس الشعور

حياك اخوي سليطي شرفت الموضوع :nice:

[المطرقة]

:secret:


:secret:

:eek5:


:telephone::telephone:

[دلة الرسلان]

:secret: انطر مشاركة زوجي في موضوعك

[قطري شايب]

سوال صعب
والجواب اصعب
واحد من الشباب اكتشف المرض الخبيث فى زوجه بعد الملجه وانها بتتوفى قريب والحمد لله جزاه الله كل خير واصل معاها الى اخر ايامها



هذا اصيل ونشمي ونادر في هالزمن

[شاهيناز]

لا:no:

[المطرقة]

اكيد لا

بصراحه افضل اني انفصل عنها .. ولا اني اعيش معاها مغصوب عليها وماردها بتحس بهالشي

لأن الواحد هني مايتكلم عن حياة بتستمر شهر ولا شهرين ... الواحد يتكلم عن عمر

الواحد ممكن يجامل في اي شي الا في شريك حياته ..

اما لو اي شي ثاني غير الحريق ممكن اكمل واتزوجها

مثل .. الشلل او فقدان البصر او السمع

عموما انا متزوج ولله الحمد والله يبارك لي في ام عيالي يارب


حياك اخوي الريان ..

واشكرك على مشاركتك .. يابوعبدالله :nice:

[المطرقة]

لكل حادث حديث

ولكل مقام مقال :shy:

[المطرقة]

اتزوجها وبكل فـــــــــــــــــــــــــــــــــــــــــــــــخـ ــــــــــــــــــــــــــــــــــــــــــــــــــ ـــــــــــــــــــــر


اشكرك اخوي الوعد :nice:

[لاداعي]

اي بتزوجها

[الصيـاد]

وانت اللحين ما لقيت غير ها الموضوع التشاؤمي السئ

اشوف تكرر مضمون الموضوع شتسوي اذا زوجتك او زوجك

طب من السطح وموضوع ثاني شتسوين اذا سافر الفضاء

حطوا مواضيع واقعية بالمجتمع

عند اقتراح شتسوي اذا زوجتك احرقت الغدا ياللة موضوع جديد لحد يصدق

[المطرقة]

يا رجال البنات كثير

خلك من الحب والرومنسيه:telephone:

تدري اشلون خذ البيتين لك

ياللي تريد الهوى والوزين ابعد عن الحب وعشاقه

الزين يكبر ويطلع شين دور على الزين بأخلاقه:victory:


ياخوي هذا الحب اذا سكن القلب خلاص يخليك تختصر كل الاشياء الحلوة

في كيان احد ولا تبدله او تتخلى عنه <--- اشرايك فيني وانا رومانسي :shy:

[المطرقة]

وانت اللحين ما لقيت غير ها الموضوع التشاؤمي السئ

اشوف تكرر مضمون الموضوع شتسوي اذا زوجتك او زوجك

طب من السطح وموضوع ثاني شتسوين اذا سافر الفضاء

حطوا مواضيع واقعية بالمجتمع

عند اقتراح شتسوي اذا زوجتك احرقت الغدا ياللة موضوع جديد لحد يصدق


على شحم :shy:

[متسبب]

على قولتهم الحب اعمى
حتى لوتشوهت اذا كان يحبها فما اعتقد تتغير نظرته لها

[المطرقة]

ياخوي خل المثاليات عنك بس اما اخترتها عن حب هذي واسعه اشوي

طيب تضمن اذا صادك نفس الظرف بتستمر هي وياك ولا بتبيعك في السوق العماني

لحد يسمعك وانت تقول حب الا ان كان قصدك حب شمسي شي ثاني :nice:

اذا واسعه نضيقها لك :shy:

اينعم اضمن ياظرررررررررررررررررررررررريف :secret:

[المطرقة]

صراحه اذا احبه ويستاهل بكمل معاه
لكن اذا مااحبه وفيه اشياء شينه مااصدق خبر على طوول لا


حياك يا حساس :shy:

[بنت المنتدى]

ما اعتقد =/

[المطرقة]

:eek5::eek5::eek5:


مادري ليش مااصدق :secret:




:anger1::anger1::anger1:

اصلا انتي دوم تكذبين كل شي :shy:

[أمريكي]

انتي ليش متشائم ؟
تفائلوا بالخير تجدوه
واذا لا سمح الله قدر الله وكتب اي من الموانع كما يراها البعض .
الرجال تختبر بالمواقف والذهب يختبر بالنار
وهنا بيبين معدن الرجل اذا كان ذهب ولا فالصو
وهذا ما اعتبره موقف يخليني ارجع في كلامي ، قدر الله وما شاء فعل ، ولا اعتراض على حكم الله .
والحمد لله على كل حال .
يمكن رب العالمين يرزقني منها ذريه صالحه وطيبة المنبت ، ... الخ ، والكثير من الغيبيات الصالحه الطيبه التي لا يعلمها الا الله ، لرضاي بما قسم الله لي ويكافئني عليها خير في الدنيا ، واذا لم يكن في الدنيا سيكون في الآخرة ان شاء الله .

[miss-qatr]

زمن الاوفياء للأسف مب زمنا هذا بس اسعدني اني اسمع ردود بعض الاعضاء :)

عن نفسي ان كان صدق انسان حبيته ويستاهل ليش لا وبالعكس ياما ناس يامال العله يمشون على ريولهم بس حريمهم مب سالمين منهم

كرهوهم بالزواج وطاريه :court:


لكن للأسف ممكن انشوف تضحيه شباب في بدايه حياتهم لكن فيه ناس اتخون وتجرح بعد عشره عمر طويله

هذي بعد ادرجوها تحت مسمى الوفاء مب كل واحد يقول الله حلل لي 4

تذكرت موضوع قريته من فترة عن واحد كان يخدم بالجيش على الحدود في احدى الدول ووصل له خبر ان زوجته احترقت و تشوه و جهها و علشان ما يجرح شعور زوجته افتعل حادث لنفسه و ادعى انه فقد البصر و رجع الى زوجته و عاش معاها و بعد 16 سنه توفت زوجته فاخبر الناس انه طول هالمده كان يشوف بس علشان ما تنجرح زوجته ادعى انه عمي و رجع الى حياته الطبيعيه 0


قمه الحب والوفاء :nice:



يعطيك العااافيه اخوي المطرقه على هالنوع من المواضيع ممكن يخالفي البعض بس اتخليك اتحط افتراض وتشوف تفكيرك وتفكير غيرك :secret: