عرس---------حادث//حفلة-----------حادث

[هبة ريح]

السلام عليكم

عندي موضوع بسيط حبيت اشاركم فيه ..
ابدا لكم بمثال ..
ناس كان عندهم عرس/حفلة...الخ
وعقبها تقريباً بايام صار حق واحد من الاهل حادث
قالوا ماصار له الحادث الا من هالمناسبة ((نظرية بعض الناس))
أولاً : ابتلاء من رب العالمين ,والله كاتب هالشيء..
وثانياً :كلنا نعرف أن ((العين حق))//والحسد موجود..
وأنا ماكتبت هالموضوع الا وشفت كذا شخص صارت له هالمشكلة
عرس _______________حادث
حفلة________________حادث
ابي اشوف ردودكم ..

[التيما]

العين حق .. وفي ناس بطرانه اخوي اسمح لي يعني يسوون ذاك العرس ولا ذيك الحفلة بمبالغ خياليه والعين حق .. انا حضرت أعراس مأساويه .. عرس الزوج مرض بنفس اليوم طاح وطلع فيه الخبيث ومات عقب سنه ومرته حامل .. والثاني صار للمعرس حادث ثاني يوم العرس وهو رايح غدا اهل العروس .. و عروس تتطلقت عقب اسبوعين من العرس .. من رايي الصدقه لها دور الناس تصرف بالهبل ولا تفكر تتطلع صدقة دفع بلا عن اهل البيت .. وبعدين الفلوس لمن تروح عالفاضي وبأشياء مالها داعي .. الله مايغفر للناس لان في ناس تموت من الجوع .. استانسو وافرحو بس مو بتبذير ..

[حقيقه]

أبسألك..ليه الحظوظ العامره للردين..وحظوظ من يوفون دايم رديه؟؟ :)
الله يحفظنا واللي الله كاتبه ماعندنا اعتراض عليه
والحمدلله على كل حال
:)

[الألماسي]

(( قــل لــن يصيبنـــا الا ما كــتب اللـه لنــــا ))

والايــمان بالقـــدر خيـــره وشـــره ركــن من أركــان الإيمــان والشـــر والخيـــر أختـي الكريمــه ماهــو الا بتقديــر اللـه عز وجـــل

قال عليه الصـلاه و السلام { الإيمان أن تؤمن بالله وملائكته وكتبه ورسله واليوم الآخر وتؤمن بالقَدَر خيره وشره } ، رواه مسلم