استفسار عن الرخام ... والمكيفات

[المشط]

صار لي فترة ادور على افضل انواع الرخام من الجوده وبسعر معقول

اتمني احد يعرف محل رخام سعره معقول ورخام جوده جيدة

وارجو من اصحاب الخبرة والتجربة يساعدوني وينصحوني

وبالنسبه للمكيفات وشو افضل نوع من ناحيه التبريد والاستعمال اليومي

وجزاكم لله خيرا

[اناقه]

بالنسبه للرخام ما اقدر افيدك

اما بالنسبة للمكيفات ... كل مكيفات بيتنا Lg و كرافت
و ماشاء الله تبريد ممتاز و تتم فترة طويلة

[تراثكم]

السلام عليكم

بخصوص الرخام أبتعد عن الايراني والصيني ..
وأقل سعر لمتر الرخام بتلاقيه مب أقل من 130 بدون التركيب ..
شوف نابينا ...

المكيفات ..
سواء سبلت أو ويندو .. لاتتعدى جنرال .. لك وللزمان

وبالتوفيق

[C@RaMella]

اخوي عندك فوجي من الريس

ومكيفات متسوبيشي

بالنسبة للرخام في محل اسعاره معقولة في الله يسلمك وين الدوار اللي عند سناء تكمل كانك متجه الى دار الكتب القطرية تقريبا 3 او 4 محل على الييمين قبله اعتقد محل اسمه العاصمة للحمامات

[قطر501]

ياخي روح الدمام او الاحساء بتحصل انواع جيده ورخصية بالنسبة للمكيفات
عندك الجنرال سؤ سبلت او وندو --- ال جي لكن الاسبلت الوندو مب شي

[بدور]

بالنسبه للرخام اجود وافضل نوع من الناحيه الجماليه والذوق والالوان والجوده

فيه شركه على طريق المطار بعد اشارات الدوار المجنون سابقا

اعتقد سوق خالد اسمه وتدخل توجد الشركه الوطنيه للرخام على اليمين

[إنتعاش]

هلا فيك اخوي المشط ..


الرخام : طال عمرك مثل ما قالت الاخت بدور .. شوف الله يسلمك
وانت جاي من صوب البنوك .. بتجيك اشارات المجنون .. تعداها ..كأنك رايح صوب
اشارات تويوتا .. ..
بعد اشارات المجنون على طول بيجيك سوق على اليمين ..
ادخله .. بتلقاه بحرف الـ U
اخر محل على يدك اليمين في الزاوية ..
ناسي اسمه بس معروف انه من افضل محلات الرخام
وعاد في انواع وشوف الاسعار اللي تناسبك ..


التكييف :

( امسك في اليااااباااااااني ولا عليك من السوالف )

حتى لو رحت ماركة ( س ) .. اسأل وتاكد هل النوع هذا الماكينة الداخلية يابانية او لأ ؟


طبعا الاسماء حسب الترتيب :

1- متسوبيشي ( تأكد من الماكينة يابانيه )
2- جنرال ( الاصلي مش كول مدري شنو )
3- باناسونيك ناشيونال ( تراهم زينين وخدمه مابعد البيع ممتازين )
4- سانيو ممتاز عندنا بالشغل الصراحه من 20 سنه ولا فيه مشكلة ( شركة دماسكو )

وانتبه انتبه انتبه من شيء اسمه LG .. نصيحة لوجه الله

[ezgert]

الرخام انواع كثيره والوان كثيره

وكل شي على حسب مزانيتك
يعني تقدر اتركب رخام حق البيت 400 الف وتقدر اتركب ب50 الف
اجود انواع الرخام الايطالي وعقبه الاسباني
ويتراوح سعره من 350 ريال الى 450 ريال وهذا للحجم 60 *60 سم , ونفس النوع تلقاه ارخص اذا كان 30*60 سم يعني من 200 ريال الى 250 ريال , وانصحك بالكريم مارفل الايطالي , لونه بيج ومافيه اعروق او شوائب
عاد يختلف سعره من محل الى محل , ويمكن يوصل سعره 800 ريال للمتر اذا درجه اولى , يعني كله نفس اللون ونفس الدرجه وهذي صعبه شوي , حتى الفنادق 5 نجوم ما تلقى كله نفس اللون ونفس الدرجه
في نوع وايد حلو ونفس الايطالي انا مركب منه اللي هو العماني وسعره معقول ويتراوح سعره من 160 الى 180 وهذا للحجم 60 *60 سم , ونفس النوع تلقاه ارخص اذا كان 30*60 سم ب90 ريال الى 120 ريال
وانصحك تاخذه من نابينا مع النعلات , او من عند محل عند دوار الديوان الصغير مقابل مطعم ستيرينج
وفي محل اسعاره زينه بس مب ذاك الجوده , اسمه الاندلس في شارع عبدالله بن ثاني بعد محل جنتل مان تدخل يمين ( ممنوع بالسياره تدخل , صف السياره وروح له مشي)

اما الايراني رخيص واسعاره من 50 ريال الى 80 , وانا مركب منه وطلع حلو

الارضيات اشتر لها 2 سم , اما الدرج اشتر له 3سم , والمداخل اللي تتعرض للرطوبه والغبار ركب جرانيت هندي

بشكل عام كل الرخام حلو وراقي بس يبيلك اتسوي له تشكيلات حلوه وادخل مع البيج الوان بنيه او غامجه

واهم شيء في الرخام هو بعد التركيب مباشره , الجلي والتلميع وهو اللي بيخلي اي رخام اتركبه روعه اي نوع كان
وسعر الجلي والتلميع الممتاز هو من 40 ريال للمتر الى 80 ريال

[المشط]

اناقه
تراثكم
C@RaMella
قطر501
بدور
إنتعاش
ezgert

جزاكم الله خيرا وشكراً على المشاركه والنصيحه

[tajirqatari]

الرخام ماعندي فكره عنه

بس المكيفات عندك ال جي بالنسبه لي تبريدهم ممتاز ويعيشون واذا تبي اخوي انا اعرف وكيل ال جي وباخليه يسويلك خصم

وحاضرين للغالين

تقبل مروري

[المشط]

اخوي tajirqatari

بيض الله وجهك ما تقصر

بالنسبه للمكيفات اشتريت ودفعت Lg gold

وشكرا اخوي على المشاركه