&& المـــيرة والجمعيات التعاونية &&

[الزاجل]

احم حم ...> صرنا انحط الموضوع المناسب في المكان المناسب
وفرنا على المشرفين اشوية اشغال .. :shy:

بسم الله الرحمن الرحيم

المواطن الزاجل يحيكم من هذا المكان ويقول لكم

كنت فيما سبق افرح عندما اتقاضى راتبي بعد شهر طويل
وأول ما كنت اقوم به الذهاب الى جمعية المنتزة وكنت
اتسوق في سعادة تامة .. واشتري كل ما أريد من هذه الجمعية
ولم اكن افضل اي جمعية او مجمع على هذه الجمعية ..

وحتى عند بروز شمس كارفور ...> الا الهنود ليش ينطقونها كاريفور ؟:omen2:
كنت افضل وضع مكدتي في جيبي ولا اضعها في جيوب الآخرين ..

فكيف كنت اضع مكدتي في جيبي عندما كنت اتبضع في جمعية المنتزة ؟


هذا هو اهم ما في الموضوع

كنت اتبضع واضع رقم المساهم الخاص بي
في كل مرة اذهب بها الى الجمعية .. وكنت استغل
اي فرصة عزيمة عزاء حفلة سوالف اغراض العيد
ادق الصدر واروح اشتري لهم اغراض...> عاد اني خدوم:rolleyes2:
لا طبعا الفكرة ما كنت اني اخدمهم:victory:
الفكرة كانت اني اشتري واحط رقم حسابي في الجمعية

ليييييييييييييييش احط رقم حسابي ؟

كنت مع بداية شهر رمضان من كل سنة
احصل لي شيك بالأرباح بالإضافة الى كوبونات مواد غذائية
اصرفها من الجمعية ..تقدر ما بين 1000 او 600 ريال

مرات كنت اهبش هبشات كبيرة ...> لأني اوصي العزوب يشترون
من الجمعية ويحطون رقمي :nice:

ومرات يعصبون علي ويحرموني من الإيراد :weeping:

ما اكذب عليكم ان الجمعيات كانت تعرض اجود انواع
الماركات الموجودة في السوق .. وكنا ناخذ اللي نبيه
من غير ما انحس ان البضائع مفروضة علينا ..

لكـــــــــــن

تعالوا انشوف شنهو ما بعد لكن

لكن الله يسلمكم
مع الميرة كل شي تحول

انحرمنا من الأرباح بالشكل اللي كنا نحصل عليه في الجمعيات التعاونية
...> الا متى بيوزعون علينا ارباح هالسنة ؟

وفوق كل هذا
صرنا انشوف ماركات اول مرة اتمر علينا

ناهيكم ( فلة ناهيكم) كانت الأواني المنزلية والأدوات الكهربية
منتشرة بشكل رهيب ( اشدخل ) وكنا نشتري من الجمعيات
اذا اضطرينا ناخذ شي منها .

اليوم الميرة ابدا
ما فيها الا قلاصات وكم صحن من زمن فرعون ..

وبعد كل ذلك

صار لي
سنتين ما مريت اي فرع من فروع الميرة اشتري
منه التموين الشهري .. و اذا بمر امر علشان الوالدة
اتوصيني على شي ادور لها عليه في الفروع
لأنها تتذكر ان الجمعيات التعاونية كانت اتبيعها ..
ومن اهنيه خذت هالفكرة عن الميرة ..

طيب مب كان افضل للمساهم في الميرة انه يشتري
من الميرة ويتم اضافة نقاط تشجيع له
بدل ما يروح المجمعيات الثانية ؟
على الأقل يجذبون المساهمين في الشركة نفسها ؟

انتوا اشرايكم ؟

[الوعد2016]

قديمك نديمك
والجمعيات فيها مصلحه لجميع
وكل شي متوفر وموجود
كن هناك منافسه بين الجمعيات
الحين انقلب الحال 360 درجه طبعآ للأسواء
مشكور يالزاجل على طرح الموضوع

[OTOsan]

الله .. رحلة الجمعية كانت الرحلة المنتظرة مع بداية كل شهر :(

يسعد صباحج ياجمعية الريان ويسعد مساج :(

كان بودي بالفعل ان ادلي بدلوي في موضوع الميرة .. والجمعيات التعاونية ،،

الا انه للامانة .. ربما مضت اكثر من ست سنوات لم تطأ قدمي هذا المكان الا ان كان هو اقرب مكان لي ،

لك كل الشكر اخي الزاجل ..

[ANONYMOUS]

والله نفس الشعور يالزاجل سيم سيم


بعد احداث 11 سبتمبر خلاص.. عاف الجمعيات الخاطر

مع وجود مالذ وطاب من المجمعات الجديده

ومع إصرار الميره انها تكون الأسوأ مقارنه بالجمعيات الحديثه

انا هجرتها.. وماروحها الا مضطر

ومن كان مضطر ان شاء الله لاحرج عليه

واشكرك ع الموضوع

يعيش سوبرماركت السعوديه

يعيش يعيش يعيش

[ناصر العمادي]

والله ياخوي انا معك قلبا وقالبا .....

أنا كنت مثلك ماشتري شي أبد مهما يكون الا من جمعية المنتزه وكنت أتمشى وأستانس واحصل كل اللي أبغيه وأصكهم برقم المساهم وانا طالع وراضي ....

أما الحين لا والله صار لي كم سنه مادخلت الجمعيه كل مشترياتي من اللولو ..

أحيان أكون مستعجل ومضطر فأدخل جمعية الوكره وأندم أني دخلتها بصراحه ..
فوضى
ماتحصل اللي تبغيه الا نوع معين بس
أسعارهم أغلى من المجمعات الأخرى
ماتحصل أهتمام من الموجودين أذا بغيت شي او تسأل عن شي
الكاشير لازم يزيد في الحساب بلفيت غلطان
بضايع كثيره ماعليها سعر او تلاقي سعر وعند الحساب سعر مختلف

بكل أمانه من غيروا الأداره والأسم ..للميره ... وماشفنا خير من هالجمعيات ...

جمعيات صار لها سنين وبنين وهي من أروع مايمكن والكل مرتاح ومستانس شلي صار الحين وخلاهم لازم أداره أجنبيه ولغوا هدية رمضان ورقم المساهم ...
يعني أيش يبغون بالضبط ..يقولون من الأخر ويريحونا ...

والله حتى لو القطريين زمان كانوا يتلاعبون ويسرقون بس كانوا ارحم من الموجودين الحين ..

بعدين لما القطري يبوق أحسن من الأجنبي يبوقنا ويطرش الفلوس لبلاده يعني ماستفدنا من بوقته شي ...؟؟؟؟؟؟؟؟؟؟؟؟؟؟؟؟؟؟

الله المستعان ومانقدر نقول الا ... لاحول ولا قوة الا بالله

كل الشكر لك أخي الغالي على الموضوع اللي شاغل الكل

الله يوفقك ويسعدك وينور دربك دنيا وأخره أن شاء الله

تحياتي وتقديري لك

[بدور]

خوش موضوع الزاجل:)


الجمعيات التعاونيه كانت في قديم الزمان ملجأ للقطريين لقضاء الحاجه في المشتريات


وبعد تغيير النك نيم الى الميره تمدنوا وماعاد يبون رقم المساهم ولا يهمهم النقاط ولا فيه

حوافز تشجع للشراء :tease:


كنا وين وصرنا وين ماعاد نروح ونسيناهم خلاص عافك الخاطر يا الميره


خلهم يرشون فليت ويمسحون الارض ماعندهم شغل لا زباين ولا هم يحزنون

ودنا ترجع الجمعيات مثل قبل ولكن خلاص هذاك زمن ولى وراح باي باي الميره

[جلمود]

صحيح ياخوي يالزاجل الجمعيات قبل توفر جميع انواع المواد المستهلكه وكانت الارباح اخر السنه تفرج عن ناس وايد لاكن الحين مع هذي الميره اللي ماشفنا وراهاا خير ولا فيهاا أي حافز للشراء الناس كلها الحين تالي الليل تروح كارفور وتاخذ جميع احتياجتهاا ارخص وتلقا كل ماتحتاجه ..

بس بطلع شوي يا زو زو من الموضوع وين هذا اللي يسمونه حمايت المستهلك من سنسن ولا شفناا تخيل: الشامبو البانتين لحضه ( ترا ماسوي دعايه حق الشامبو بس هذا اللي شفته ) بالميره ب18.5 وبكارفور 17 وين حمايت المستهلك وووووووووين :anger1:

[الزاجل]

صحيح ياخوي يالزاجل الجمعيات قبل توفر جميع انواع المواد المستهلكه وكانت الارباح اخر السنه تفرج عن ناس وايد لاكن الحين مع هذي الميره اللي ماشفنا وراهاا خير ولا فيهاا أي حافز للشراء الناس كلها الحين تالي الليل تروح كارفور وتاخذ جميع احتياجتهاا ارخص وتلقا كل ماتحتاجه ..

بس بطلع شوي يا زو زو من الموضوع وين هذا اللي يسمونه حمايت المستهلك من سنسن ولا شفناا تخيل: الشامبو البانتين لحضه ( ترا ماسوي دعايه حق الشامبو بس هذا اللي شفته ) بالميره ب18.5 وبكارفور 17 وين حمايت المستهلك وووووووووين :anger1:

عذرا للأخوان بتكون لي عودة لردودهم

بس لفت نظري شي عجيب في رد اخونا جلمود..
هل هناك علاقة ما بين المكتوب و لجنة حماية المستهلك ؟ :eek5:

[جلمود]

عذرا للأخوان بتكون لي عودة لردودهم

بس لفت نظري شي عجيب في رد اخونا جلمود..
هل هناك علاقة ما بين المكوب و لجنة حماية المستهلك ؟ :eek5:

هههههههههههه

(سنين )

غلطت يخي
يعني ردي فيه شي خارج نطاق الموضوع

اسف ياخوي

[abo rashid]

ايه يا الزاجل

جبتها على العوق

وين ايام زمان

الله يرحم

[هداف]

الميره حالها حال الكروه

الله يرحم التكسي البرتقالي حتى في سيلين بتعين تكسي :) والحاصل الان افشل شركة مواصلات في العالم كروه لي بغيتهم ما لقيتهم !!

الجمعيات في السابق كانت افضل مما عليه الميره الان وهذا ان دل على شيء فقط يدل على ان في ناس تخطط صح والتنفيذ غلط في غلط لان المنفذين ليسوا قد المسؤوليه !!

[عتيج الصوف]

للأسف الأول تحول,,,,وصار لي سنين بعد ماتغير نظام الجمعيات ماعدت دخلتها

قالوها الأوليين ومافهمناها الا الحين,,,عتيج الصوف ولا جديد البريسم ,,,ياليت يرجع الواحد للزمن عشرين سنة ,,وشلون كانت الأمور سهالات وطيبة ,,,حتى كثير من الناس تغيرت نفوسهم من كثرة تعقيدات الحياة,,,,

ماأحلاش من حياة في السبعينات خصوصا ,,,واسألوا اهلها ويقولون لكم

[اناقه]

اخوي الزاجل

على ايام العصر الحجري (( ما ادري احس ان ال 4 سنين اللي مضت كانت من ايام العصر الحجري ))

كنا نحصل كل شي في الجمعية (( كل ما يخطر على البال ))

بالذات جمعية المنتزة (( ترى لين يومكم نسميها المنتزه ))

اما الحين فصارت الرحلة الشهرية للجمعية مملة من قلب

الواحد يفتر راسه و يحصل اشياء و اشياء ولا يحلم انه يحصلها

و ينصدم لين وصل عند الكاشير و يحصل حساب كم من قوطي تونه و كم من غرشة عصيرو كيسين ربيان و 5 حبات كافي = 500 ريال

اول من 4 سنين تقريبا بـ الـ500 تترس لك جاري كامل

لكن الحين اذا تبي تاخذ من المنتزة (( الميرة )) لازم تزور جمعية ثانية علشان تكمل باقي متطلبات البيت

فعلشان جذي الواحد يختصر و يمر المخازن ولا كارفور

لان حال الجمعيات اصبح بائس للغاية تدخل الجمعيه كأنك داخل دكان

ولا فيه شي يشجعك انك تدخل الجمعيه

و بعدين ليش نروح جمعية المنتزة اذا ما قامو يوزعزن ارباح

الظاهر قامو يستخسرونها في العالم اللي شاركو في توسع رزق هالجمعية و اللي ساهموا في كثرة فروعها

[إنتعاش]

اشكرك اخوي الزاجل على موضوعك الجميل ..

الصراحه وبكل امانة بعد تغير الجمعيات التعاونية إلى الميرة إلى يومك هذا ما دخلت الميرة ابدا ً .
بل لن ادخلها ..

للسلبيات اللي انت ذكرتها ويحسها كل مواطن ..

عن نفسي مقتصر على المخازن الكبرى ..
اسعارهم وبضائعهم ممتازة مقارنة بالكارفور في تقديري

بس والله ذكرتنا بما مضى
اخبر جمعية الريان شنو عفسة وقت توزيع الارباح مالتهم
ياساتر استر والله طق مطاقق على باب المحاسب السوداني اخبره
هههههههههههه
الله يرحم ذيك الايام ..


صدق يالزاجل ..
ملاحظ الصراحه من كذا موضوع يتناقش في المنتدى
اننا مرينا في - صاروخ زمني - في مدة قصيرة جدا جدا يعني 3 او 4 سنوات
ولكن تغيرت الدنيا علينا بشكل كبيررررررررررر جدا جدا جدا ..

وللأسف الشديد .. كل يوم يتحسر الواحد على الامس ..

الله يلطف بنا من القادم ..

تحياتي لك

[أم أبراهيم]

والله جمعياتنا أتفشل

والسنتر واللولو و....أفضل بكثير .

مع العلم أن ميزانية الميرة أكبر من ميزانية المجمعات الأخرى .

أتوقع أنه الفساد الأداري في جمعيه الميرة .

والسؤال : ليش التأخير في أدراج الميرة في السوق المالي .

وأعطائهم المساهمين حقوقهم من الأسهم .

أليس هذا ظلم لحقوق المساهمين ؟؟؟

والجمعيات التعاونية في الأمارات والكويت تساهم بشكل كبير

في حل غلاء المعيشة للمواطن بينما نحن العكس !!!!!:tease:

[سهم بن سهم]

الله يرحم ايام زمان ويرحم شيبانا أعضاء الجمعيات التعاونية ويغمد أرواحهم الجنه كانو يخافون على الجمعية مثل خوفهم على عيالهم ويهاوشون الموظفين المهملين ويعينون المحتاج بتوفير كوبونات رمضان والعائد على الارباح وكرتون هدية رمضان من التموين المختلف وكنا نوصله للمحتاج في الدوحه والبحرين .

كوبونات رمضان فكرة شيباننا اللي اسسوا شيء اسمه جمعية تعاونية واذكر كان المرحوم عبدالرحمن مراد يقول لي بان هم يستفيدون من تجربة دولة الكويت في الجمعيات التعاونية ويطبقونها في قطر وكانت جمعية المنتزه الاولى في تطبيق كل ماهو جديد سواء من ناحية تنظيم الجمعية او من ناحية إدخال كل ماهو جديد للجمعية وكانت الجمعية العمومية للجمعية مثار جدال ونقاش من الاعضاء وكنت تشوف الديموقراطية الحقيقية والتعاون الحقيقي بين اهل المنطقه وكنت تشوف البضاعة الأرخص والمواد الجديده ..

كل هذا اختفى وراح !!!!

من فترة عدت للبلد بعد غيبة طويلة وذهبت للجمعية اشتري وذهلت مما ارى ( فوضى في كل شي ) ومخلوط الحابل بالنابل وماتعرف رفيجك من ولا تعرف من له تشتكي ولاتعرف من المسؤؤل !!!

قلت الله يرح ايام زمان ويرحم شيباننا أعضاء الجمعية اللي لو حيين كان مارضوا على اللي يصير بالجمعية !!

اذكر بان شيباننا أعضاء جمعية المنتزه هم من دخلوا على وزير المالية مليوون مرة حتى يعطيهم الارض الحالية المقامة عليها جمعية المنتزه وكافحوا كثيرا في الحصول على ترخيص الروضه للجمعية واللي كنت تقدر تدخل ولدك او بنتك فيها بارخص الاسعار !!

بل كان هناك مقترح بناء مصنع للكاتشاب وبعض الاشياء اللي يستفيد منها المواطن ويحصل على عائد للارباح منها !

تصوروا بان جمعية مثل جمعية المنتزه كان بها 11 الف مساهم او اكثر واغلب اهل قطر من الشمال والخور والوكره كانوا يشترون منها ومساهمين بعد فيها ويوم تقول حق شيباننا ليش هذول هل الشمال والوكره وشدخلهم في المنتزه يقول : يابوك هذول هل قطر ولقمه تاكلها انت خلهم ياكلون معاك ويعم الخير !

راحت ايام زمان ويكفيني هذا السرد ترى ان تكلمت يمكن تدمع عيني على الجمعية !!!!!!

في القلب حديث كثير ولكن اكتفي بهذا فقط !!

فعلا اخوي راحت ايام زمان وايام جمعية المنتزه وجات الميره لابركه ولاخيره !!!!

[بولينجر]

طيب مب كان افضل للمساهم في الميرة انه يشتري
من الميرة ويتم اضافة نقاط تشجيع له
بدل ما يروح المجمعيات الثانية ؟
على الأقل يجذبون المساهمين في الشركة نفسها ؟

انتوا اشرايكم ؟


هذا هوالكلام العدل....

نظام النقاط بالفعل هو الحل الأفضل...

أو إن أصحاب الميرة من الذكاء الخارق شايفين إن أمورهم تمام:eek5::eek5::eek5:

وإلا بيني وبينك تراهم رايحين فيها :omen2::omen2::omen2:

منحدرين وبقوة في هاوية الإفلاس :tease::tease::tease:

بصراحة أخوي الزاجل أمرهم عجيب :rolleyes2::rolleyes2::rolleyes2:

وسلم لي عليهم وعلى فساد إدارتهم :nice::nice::nice:

[ورقــة أمــل]

قبل لا اشتغل كنت احوش اللي يعطيني اياه ابووي
لين اخر الشهر
واروح اشتري اغراض البيت واللي بخاطري من الجمعيه
واكثر مكان استانس فيه هو الجمعيه
واحط الرقم وانا طالعه
وقبل رمضاان كانو يعطون مبلغ محترم
او كوبونات تغطي نص اغراض البيت تقريبا
اما الحين كل اغراضنا من اللولو ولا كارفور او مجمع اغذية العائلة
طبعا كارفور واللولو مافيهم مميزات غير اللولو كل فترة وحط كوبونات سحب على سيارة
ومجمع الاغذية فيه ميزة الاير مايلز
كل ماشتري شي اعطيهم الكرت وايمع نقااط
المجمعات ارخص من الميرة والقى كل اللي احتاجه
الميرة مافيها تشجيع للمستهلك
مادري على شنو معتمدين في تجارتهم
او هي سياسة ان الناس تتجه للمجمعات وتنسى الجمعيات

[أمة الله]

هيــــــــــه جيت عالعوق ياخوي

الله يرحم ذيك الأيام اللي كنا ننطر فيها الأرباح والكرتون الهديه والكوبونات ونشوف ذيك الفرحه في عين الوالده وحتى احنا والله كنا نفرح.....

كان في عندنا دافع يخلينا نروح نشتري من الجمعيه وما نستخسر الفلوس اللي نشتر فيها لأنا نحط رقم المساهم وبعدين نحصل الأرباح......و نوصي اللي ما عنده يحط رقمنا بعد :)

للأسف كل شي تغير وصار الوضع ردي من بعد ما غيروا الإسم وامنعوا الكوبونات والرقم والهديه بعد.....وغير ذي مثل ما الكل قال...قبل روحة الجمعية كانت وساعة صدر والواحد يلقى اللي يبيه ويشتهيه قلبه لكن الحين المكان يصفر وهبابه إذا لقيت لك كمن صنف....الواحد تصيده غلقه لادخل ميرتهم.......شرّدوا الناس شرّد الله العدو ان شاء الله.....

خلها على ربك بس :(

[هتـان قطر]

:weeping:


ذكرتوني بابوي الله يرحمه..

كنا اي شي نشتريه على طول للصندوق

وما كنت اعرف شيقصدون ..لين كبرت وفهمت السالفه

ولما تزوجت صرت من رواد جمعيتين هم مدينة خليفه والريان

والفرق واضح بين قبل والحين ..كنا نشتري كل شي من الجمعيه

هو تموين هو ملاحف هو ادوات تجميل الصراحه كل شي كان

موجود وعلى جوده عاليه...اما الميره بيفتر راسك لين تلاقي

قوطي قشطه..لا.. منتجات الحليب في صوب والقشطه في صوب..

[ريم قطر]

صراحه الميره اتفشل ومافيها اي مميزات احنا توقعنا ان كل شي بيكون جديد وسعره مناسب بما انه موحد يعني مثل كارفور بس طلع العكس ومستحيل حد يقدر يقول ان الميره فاشله لان كل شي عندنا ناجح وبامتياز بعد :secret:
تسلم يالزاجل على تميزك الدائم:victory:

[المتأمل خيرا]

الآراء الواردة

إهداء إلى سعادة وزير المالية وزير الإقتصاد والتجارة بالإنابة

مع التحيــّــة،،،

[Bin Hood]

اخوي العزيز الزاجل

صج اني مادري بجمعياتكم واللي يصير فيها

بس من اللي قريته اسمه

اسمعت ان ناديت حيا *** لكن لا حياة لمن تنادي

مصخرة ما بعدها مسخرة >> الاولى بالصاد والثانية بالسين

لازم ما تسكتون لهم

[اّل ثاني 77]

اياااااااااااااااام ذكرتني بجمعية الريان (ميغا مارت ايام اول ) صراحة أخوي الزاجل جمعية الميرة دخلتها يمكن مرة ولامرتين صراحة مافيها شئ ، لان اصلا مافيها اهتمام بالمرة يعني الناس تطورو ودخلت شركات كبرى مثل كارفور وغيرها وسحبت البساط (ركز على البساط) وهي تمت محلك سر يعني كأنها دكان في فريج بس على حجم أكبر يعني حتى بعض الدكاكين أحسن من الميرة..


سنين مرت وما ادري عن الايام يقولوا تغير الاحباب وانا أقول القمر ما غاب

[بويوسف]

للاسف جمعية الميرة .. وين كانت ووين صارت فارق كبير كبير كبير عندما كانت جمعية تعاونية. اسعارها هي الافضل .. شعارها خدمة المجمتع وتقديم اسعار افضل وخدمات مجتمعية ومساهمات مفرحة للعائلات سواء الهدايا الرمضانية او المكافئات المالية للمساهمين.

بقرب بيتي هناك جمعية للميرة للاسف الميزة الوحيدة الرائعة هي انها قريبة جدا مني. اما مميزاتها كمكان للتسوق فسئ. لاتوجد اي مميزات. الاسعار عادية بل ان الكارفور واللولو اسعارهم الافضل. لاتجد كل ماتريده. فهناك الكثير الكثير الذي لاتجده. هناك عدم اكتراث وفارق كبير بينها مثلا وبين مجمع التموين العائلي الزاخر بكل ماتريد ومالاتريد.

في تلك الجمعية الكثير من المواد الغذائية لاتحمل اسعارا وهذا مخالف لوزارة الاقتصاد ومع انها تابعة رسميا لوزارة الاقتصاد فلا نجد من يسائل تلك الادارة السيئة. والتي انا متأكد انها لايعلمون شيئا عن الفروع الممتدة واحتياجات الزبائن.

هناك في نفس الفرع جهازا الكاشير والذي يتحرك معطل وله اكثر من سنة (بدون مبالغة) ولا احدا فكر في تصليحه. وهذا دليل على لامبالاءة وسوء ادارة وجودة الادارة المسئولة عن الميرة.

[سدرة]

فيه شي تم على حاله علشان اتم الجمعيات
لاتعور قلوبنا يالزاجل

[بو الجوري]

والله يالزاجل الله يرحم ايام الجمعيه ..

والله كنت اروح واحس بوناسه فيها احس ان كل شي رخيص :discuss:

بس مع الاسف ماتهنيت فيها وايد وانا متزوج :weeping: عقب ماتزوجت كنسلوهم:anger1:

والله انا اروح الميره بس عشانها ارخص من الدكاكين .. والله هي صايره تبط الجبد :anger1:

لازم على الاقل يسوون فيها اعضاء ونقاط عشان آخر الشهر تطلعلك بشي :secret:

تقبل مروري وتحياتي ..

[الخيميائي]

كان في ارتباط عاطفي بينا وبين الجمعية

كنت دايما اقول حق ربعي ترا لي انا في الجمعية حتى لما اشتري اعطيهم رقم الوالد :p

وكانت الجمعيات غير تضم من الالف الى الياء من المتطلبات بس الحين على قولتك لو تدش اي جمعية تحصل انها محاولة تقتصر على اقل الاشياء ومدري وش السبب

بس عموما لو يسلموني هالميرة سنتين بس شرط اخليها تكتسح كل المجمعات الثانية على قاعدتها الشعبية وتاريخها ولكن محد يبي يشتغل من ناحية ومايبون يوظفون ناس مبدعين :p

[الزاجل]

ردوكم اتحرك الذكريات وتكسر الخاطر :weeping:

لي عودة ان شاءالله للرد على كل مشاركة ..

[غدير البورصه]

يا سلام على جمعية المنتزه في الثمانينات سهمها فوق ولا من عقب سهمها نازل ومب على الكيف وعاش كارفور وحياة بلازا ذكرتني بايام حلوه ايام رقم الجمعيه وايام المواقف .

[شاهيناز]

المشلكه
ان قل الحوافز

والجذب للمستهلك
اول الناس تتعنى تروح الجمعيه التعاونيه
وبعد الادارة لها دور في ابتعاد المستهلكين عن الميره
لو الاداره قطريه تعرف طبيعه المواطن القطري
واحتياجاته جايبين ادارة كل همها الراتب
وتشغيل الي من جنسياتهم
المفروض بما انها شركه مساهمه
يكون للمساهم القطري دور
حتى في ترشيح مجلس الادارة
وله دور في القرارات التي تتخذ
..............

من غيرو اسمها تغير كل شئ
واسمها ماحبيته
شنو الميره مادري منيره

وتسلم الزاجل على الموضوع المهم

[غزلان]

من وجهة نظري كارفور اسحبت البساط ..ابسط الأشياء اللي دايما تستخدم ماتتوفر في الميره

شكرا

[اعالي الجنان]

الله على ايام جمعية اليرموك يازينها زيناه لي رحناها كنه العيد ....
لا ويوم العيد لي جمعنا همشة فلوس ركيض عالجمعيه مشي والعرق يصب .......
اما اليوم الله المستعان لو دشينا بس تمشيه مالنا غرض نشتري طلعنا ب400 ريال!!!اقلها طبعا
اخر مره رحت فيها طلعت ب1700 ريال بججت عيني عالجاري شنو خذت عشان يطلع لي المبلغ ذي والله اشياء ماتستاهل السعر ذي بس شنقول غير الحمدلله على كل حال
جزاك الله خير اخوي الزاجل

[السامـي]

انتوا اشرايكم ؟

خذ رأئي (الشخصي)،بما إنه ما يمدح السوق إلا من ربح فيه،فالظاهر انهم ما عاد

يناسبونك،لذلك ما الله بحادك عليهم، أعمل مقارنة لأرخص الأسعار في السوق

وعقب أنت أعّرف.

أما (الميرة) إذا لك شيء عندهم..أخذه وحاول تنسحب بأقل الأضرار.

تحياتي،،،.

[sulai6i]

السلام عليكم ..

انا ما عندي رقم مساهم .. لكن ما كنت اشتري الا من جمعية المنتزة بحكم انها قريبة من البيت
وبحكم اني تعودت على المكان وحفظت اماكن الأشياء اللي ابيها ..

وكنت احط أرقام المساهمين للربع عند الكاشير يعني منها اشتري اغراضي ومنها افيد ربعي
ومن عقب ما استوت ( ميرة ) قمت ما اروح لها الا نااادر .. من شهرين ومع غلاء الأسعار اظطريت آخذ بطاقة التموين وعرفت منهم ان التموين ينباع في فروع جمعية الميرة .. وهذا انا كل ما اروح ابي آخذ تمويني
اوقات يقول لي في شكر وباقي ألشياء خلصت .. اوقات يقول ما عندنا الا الدهن بس .. يننوني
بصراحة .. احسن ان الميرة تشرد الزبائن ما تقربهم




ناهيكم ( فلة ناهيكم) كانت الأواني المنزلية والأدوات الكهربية
منتشرة بشكل رهيب ( اشدخل ) وكنا نشتري من الجمعيات
اذا اضطرينا ناخذ شي منها .


والله الفلة هي كلمة ( فلة ) من زمان ما قريتها على المنتديات لأن المرادف لها ( حلوة ) هي الأكثر شيوعا

وشكرا لك

[بوحارب]

الله على ايام جمعية اليرموك يازينها زيناه لي رحناها كنه العيد ....
لا ويوم العيد لي جمعنا همشة فلوس ركيض عالجمعيه مشي والعرق يصب .......


نفس الشعور واللحظات http://www.qatarshares.com.qa/data/208/211/storm_804450078_958293600.gif



الزاجل الجمعيات صارت للهنود كل شي صار للهنود

حتى الشوارع

وما حب الجمعيات ولا احب ادخلها :(

[C@RaMella]

الميره غالية وبضايع قديمة ومب كل اللي تبيه تحصله و مجثيه من الغبار والعفيسه لدرجة ما تتفتح نفسك انك تشتري

عني من رواد ميغامارت و التموين العائلي وبعض الاحيان كارفور

[سالم11]

والله ياالزاجل ان كلامك في محلة

هذا كل اللي اقدر قولة عارف ليش ماخليتو شي خاطري اقولة لاقلتوة

شكرا على الموضوع اللي فعلا في محلة

[Index Signal]

الزاجل..

مواضيعك ترفع الضغط..

و تزيد الهم..

و تودي أبو زعبل One Way..!!

مابي أتكلم و أطلق العنان لقريحتي..

لأنك تعرف قريحتي ممكن تسبب لي قرحه من القهر..

حاسدين المواطن على هالكم ريال إللي تطلع له كل سنه و تعينه على مصاريف الشهر الفضيل..

الجمعيات إنباعت للميره و إللي إستفاد من هالموضوع إستفاد و طارت الطيور بأرزاقها..

أما إنت يالمواطن إبلع العافيه و صف دور مع الأسيويين في اللولو و كارفور ..!!

[..الاميرة..]

اتفق معاك أن يتم العمل على تشجيع المساهم أو المستهلك بطرق معينه كما تفضلت وأيضاً لمصلحة الجهتين ..
من جهه الجمعيات المستفيدة من ذلك ومن جهة أخرى مراعاة المستهلك من حيث وجود أجود المنتجات والأسعار التي تناسبه ..

لكن للأسف الشديد ليس لديهم التخطيط الناجح ولو أيقنوا ذلك فسيصب في مصلحتهم في الدرجة الاولى لكن هذا دليل على سوء التخطيط ..

فعلى سبيل المثال .. لديك مشروع معين ستبحث عن ما في السوق لكي تقوم بعمل ما يميزك عن غيرك لأنه سيجذب المستهلك لبضاعتك وذلك عن طريق
توفر الأسعار المناسبة وأجود البضائع وعروض تخص المستهلك كما كانت متبعة من قبل في الجمعيات الاستهلاكية ..

ولكن في الأخير الجمعيات الاستهلاكية هي الخسرانه في الدرجة الاولى الان المستهلك قد يجد حاجته وما يناسبة في اماكن اخرى وفي الوقت الحالي تعددت الاماكن الخاصة بالمواد الغذائية ..

شخصياً لا اعترف بالجمعيات ومستحيل ان أتعامل معها وكانت اخر مرة قبل أكثر من 4 سنوات ..
الأنه لما أروح اشتري أشياء بسيطة وتطلع بـ 1000 ريال أطالع الجاري فاااااااااضي اقول أنا شنو إلي شريته وأستغرب من الأسعار !!!! :eek5:

وذكرت من قبل بأن وزارة المالية قامت بعمل إحصائية عن أسعار البضائع الاستهلاكية بين الجمعيات الاستهلاكية والمجمعات
واتضح بأن كارفور كان الأقل في الأسعار وأعلى الاسعار كانت جمعية الميرة في اعتقادي .. :discuss:

ولكن صدقني هم الخسرانين في الأول والأخير والله يخلي لنا كاريفوري على قولت الهنود ..

وما عندكم حجه صار له فروع غير الستي فيه في فيلاجيو وقريباً جداً في الاند مارك (على فكرة ميغامارت سمعة انه إغلق او سيغلق الانه عارف مكانت كارفور واسعاره) .. :victory:

وأخيراً أشكرك اخوي الزاجل على الموضوع المهم ..

[بوناصر-قطر]

السلام عليكم ورحمة الله وبركاته

كنت في فترة من الفترات عضو مجلس إدارة في جمعية من جمعياتنا التعاونية وبصراحة يكفي ان الفرق بين الجمعيات (التعاونية) سابقا" والميرة الاستهلاكية الآن هو انه سابقا" كان الهدف تعاوني بحت 100% أما الآن فصار الهدف تجاري ربحي مليون % وباعطيكم مثال

سابقا" في الجمعيات كان أكبر هامش ربح لأي صنف من الأصناف كان مايزيد عن 10% وبنسبة ماتزيد عن 5% في قسم الجملة
أما الآن فحدث ولا حرج فهامش الربح هو سيد الموقف
فالبضاعة تُشترى من الوكيل بـ 100 ريال مثلا" فتلقاها في الميرة او أي من المجمعات بـ 125 على أحسن الأحوال

باحاول آرجع رويس شوي وآشوف اذا عندي شيء من ميزانيات سابقة لجمعيتنا ومنها محاولة المشاركة في الموضوع مرة ثانية

الزاجل انت على قولت الأخ Index Signal


مواضيعك ترفع الضغط..

و تزيد الهم..

و تودي أبو زعبل One Way..!!

[حقيقه]

قبل مايستبدلون الجمعيات بالميره اكيد ادرسو الموضوع عدل واكيد فيه هدف من هالسالفه :rolleyes2:
ويعطيك العافيه :nice:

[فتى الجود]

أخاف أقول
ويقولن أنى أتكلم بالسياسة

[بوخالد2]

يسلمو يالزااجل على الموضوع

وصحيح كانت الميره او المنتزه سابقا جميعه ممتازه جدا وكل شي فيهاا

ولكن الحين غير (( جده غير )) اشدخل

لو مثل ماتفضلة انها نقاط وتضاف لرصيد المساهم كان شي جميل الصرااحه

وكنا نستفيد من الاربااح الحين لالا خبرك المدير فرنسي ماعندهم السوالف ذي ويحسدون العرب عليهااا

اعتقد انه الاداره والاعضاء اللى كانوا قبل افضل بكثير عن الحين

تقبل احتراامي

[إنسان]

أنا ما عندي رقم مساهم .. بغيت اشترك ذيك الأيام قالوا لي هات ملكية البيت وما ادري شنو .. عقدوا لي الموضوع وما اشتركت وأنا مب من رواد الميرة بس أثناء إجازتي اللي فاتت ومع أزمة البيض .. الميرة وفرت البيض الاردني بسعر 17,75 ريال وكان هذا سبب للتردد على الجمعيه وكلمة حق اقولها في سعر بضاعه موجوده في الميره لقيتها اقل من دسمان وهي حليب صافيو وسعره 5,50 ريال بينما في دسمان سعره 7 ريال

http://www.alsafi-danone.com.sa/images/Safio-Eng-range.gif

..............

يسلمووووووووووو

[hussain3593]

شكرا لك

[أمير المحبه]

هيييييه لو اترد ايام زمااااان جان الكل مرتاح

بس شنقول خلوها على الله

يبه خلكم على جمعية المنتزه واخوي

الميره صارلي يمكن اكثر من 8 سنوات

ماطبيته لاكن المنتزه كل اغراض البيت من هناك اخوي

خله على الله يبه (ان طاعك الزمن ولا طيعه)

واللي يقولك الزمن تغير والله مايعرف شي

لان الناس اهي اللي اتغير ولا الزمن عاده مثل ماهو ماتغير اخوي

مشكور لطرحك هالموضوع اخوي موفق بذن الله

[hich]

خطوة غبية ماقامت به وزارة الاقتصاد الا وهي مصادره الجمعيات التعاونية وذالك بدون قوة القانون
الفكرة التي تقوم عليها الجمعيات التعاونية هي تجارة تعاونية تكافلية في المجتمع حيث كانت الجمعية مؤسسة ربحية مجتمعية

اما الان فالمستفيديون ليس المساهمين في الجمعيات واليس الناس ولكن التاليين:

الشركة التي صممت الشعار الفاشل للجمعية بالملايين .
المدير العام براتب يتجاوز 88الف ومدراء أخريين عددهم 23 يتجاوز مجموع رواتبهم الشهرية 2300000 شهريا .
وزارة الاقتصاد (بأعتبار ماحصل مشروع تعتبر الوزارة انها نجحت في أدارته

ردولنا جمعيتنا وخذو مقصكم ومشباكم

مشكور أخي الغالي الزاجل على الدعوة الكريمة

[المخفي]

مب الميرة شركة مساهمة من اشتراكات الناس ام ملك للدولة

سبب بعد الناس هو وجود منافسين للميرة مثل كارفور والولو و المخازن الكبرى ولم توجد سابقا
وبأسعار ارخص

[FG]

:telephone:


اهم شي عندي اللي يقدم احسن خدمه !!

والصراحه جمعياتنا التعاونية خدمتهااا صفر

[وسمي2016]

بسم الله الرحمن الرحيم
وبه نستعين
اخى الحبيب الزاجل ( حفظه الله ) اجمل تحيه وسلام والشكر الجزيل على دعوتكم لى للمشاركه فى هذا الموضوع .
بادئ ذى بدء اود ان امتدح فيك هذا التنسيق الجميل ذو الالوان الزاهيه والمعبره !! .
افهم من كلامك اخى العزيز بان الموضوع يتلخص فى نوعيه الاستفاده التى كانت متاحه لمساهمي الجمعيات وحيث اننى لست مساهما فاننى لى وجهة نظر قد تختلف عن كونك مساهم ؟.
اويدك من حيت مطالبك حول انقطاع الاستفاده من المزايا المجانيه التى كان يحظى بها المساهمين بالاضافه الى الارباح السنويه المتاخره .

فيما يتعلق بالامكانيات الكبيره المتوافره لدى مساهمى كافه الجمعيات فانها ماهوله وفى وجهه نظرى ليست باقل من :eek5:منجم ذهب :omg:؟؟؟!!!.

بصراحه :nice:يمكن اجراء تغييرات اساسيه:nice: من الممكن جدا ان تخدم جميع مساهمى الجمعيات بالاضافه الى كافه من يقيم على هذه الارض المعطاء وقبل ذلك سوف تفيد الحكومه على اعلى مستوى ( ( طبعا وجهة نظر شخصيه قد تحتمل الخطا او الصواب وما توفيقى الا بالله عز وجل ) ).

لاحظت فى راى احد المشاركين شبه انتقاد:anger1: او تلميح نحو اسم الميره ,,,,,, وفى حقيقه الامر ان اختيار اسم ينبع من تراث الدوله والوطن كان موفقا كما هو الحال مما شاهدناه فى امثله اخرى مثل بروه ,,,,,, كروه ,,,,,, لخويا ,,,,,, بالهنبار,,الخ.,,وفى الحقيقه ليس الامر يتعلق بالتسميه بقدر ما هو استغلال ماهو متاح لدى هذه الجمعيات ؟؟.

اطال الله بعمر اميرنا المفدى وامده بالعون والسند في خدمة الوطن

مشكور أخي الغالي الزاجل على الدعوة الكريمة

مع تحياتى وامنياتى لكافه مساهمى الجمعيات بالتوفيق ودوام الازدهار .

[بورصجية]

والله عندك حق

انا الاول كان الزامي اني اشتري من الجمعية
لكن بعد ما لغو موضوع الارباح دي والله كولو من عند السوبر ماركت الي جمب البيت او كرفور

شكرا على موضوعك الجميل
لك احترامي وتقديري

[هسلان]

الله يذكر إدارة جمعية المنتزه بالخير
الزاجل أنا من يوم ما جاتنا هذي اللي أسمها الميرة وأنا مالي نفس أتسوق فيها
الحقيقة سوء الأدارة هي اللي شردة الزباين من الميرة
وشفيها لو أستفادو من الأدارة السابقة للمنتزه اللي ماشفنا منهم إلا الخير
والحين يجيبون فلان وعلان ويصرفون لهم مبالغ ضخمة لإدارة الميرة
مارح يصطلح الحال إذا ماكنت الأدارة واعية وعلى قد المسؤولية
السوق مفتوح والمنافسة شديدة والبقاء للأفضل
يسلمو الزاجل على هذا الموضوع القيم

[الزاجل]

بسم الله الرحمن الرحيم
وبه نستعين
اخى الحبيب الزاجل ( حفظه الله ) اجمل تحيه وسلام والشكر الجزيل على دعوتكم لى للمشاركه فى هذا الموضوع .
بادئ ذى بدء اود ان امتدح فيك هذا التنسيق الجميل ذو الالوان الزاهيه والمعبره !! .
افهم من كلامك اخى العزيز بان الموضوع يتلخص فى نوعيه الاستفاده التى كانت متاحه لمساهمي الجمعيات وحيث اننى لست مساهما فاننى لى وجهة نظر قد تختلف عن كونك مساهم ؟.
اويدك من حيت مطالبك حول انقطاع الاستفاده من المزايا المجانيه التى كان يحظى بها المساهمين بالاضافه الى الارباح السنويه المتاخره .

فيما يتعلق بالامكانيات الكبيره المتوافره لدى مساهمى كافه الجمعيات فانها ماهوله وفى وجهه نظرى ليست باقل من :eek5:منجم ذهب :omg:؟؟؟!!!.

بصراحه :nice:يمكن اجراء تغييرات اساسيه:nice: من الممكن جدا ان تخدم جميع مساهمى الجمعيات بالاضافه الى كافه من يقيم على هذه الارض المعطاء وقبل ذلك سوف تفيد الحكومه على اعلى مستوى ( ( طبعا وجهة نظر شخصيه قد تحتمل الخطا او الصواب وما توفيقى الا بالله عز وجل ) ).

لاحظت فى راى احد المشاركين شبه انتقاد:anger1: او تلميح نحو اسم الميره ,,,,,, وفى حقيقه الامر ان اختيار اسم ينبع من تراث الدوله والوطن كان موفقا كما هو الحال مما شاهدناه فى امثله اخرى مثل بروه ,,,,,, كروه ,,,,,, لخويا ,,,,,, بالهنبار,,الخ.,,وفى الحقيقه ليس الامر يتعلق بالتسميه بقدر ما هو استغلال ماهو متاح لدى هذه الجمعيات ؟؟.

اطال الله بعمر اميرنا المفدى وامده بالعون والسند في خدمة الوطن

مشكور أخي الغالي الزاجل على الدعوة الكريمة

مع تحياتى وامنياتى لكافه مساهمى الجمعيات بالتوفيق ودوام الازدهار .

وعليكم السلام هلا اخونا الموفق .
شكرا جزيلا على المقدمة اللطيفة .. واهلا وسهلا بك ..

موضوعنا لم يتطرق لحرماننا من المزايا المجانية ولكن
لكننا نقول ان مع تردي خدمات وعروض الميرة
لابد من من وجود مزايا تجذب المساهمين مرة اخرى ..

على الأقل يا اخونا الكريم من اراد ان يشتري كميات كبيرة
من المشروبات الغازية يذهب الى الميرة ولا يذهب الى مجمع اخر
من اراد ان يشتري كميات كبيرة من المياه المعدنية ذهب الى الميرة ..

فالموضوع ليس منحصرا في المزايا المجانية
فهناك عدة مجمعات لا تعطي مزايا مجانية ومع هذا
يفضلها مساهموا الميرة على الميرة ..

ونحن من خلال هالموضوع نتمنى ان تؤخذ اراء
الاخوان بعين الاعتبار وان تكون لبنة لإعادة هيكلة
سياسة الميرة ..
لأنها بهذه الطريقة سوف يهجرها الكثيرين
وتبقى شركة قد لا تستطيع ان تغطي خسائرها لا سمح الله ..

فالمنافسة شرسة جدا .. ونحن كمساهمين في الشركة
نطالب بالالتفات الى نقاط القصور والضعف في التسويق
والإعلان والجذب للفروع الكثيرة للشركة ..

تحية لك اخوان الكريم . .

اما بخصوص مسمى الشركة
الأخ عبر عن وجهة نظره .. وله الحرية الكاملة بالتعامل
النفسي مع المسمى سواء كان تراثيا او كان عصريا..

ولكن في الأخير علينا جميعا ان نتعامل مع
ما تقدمه الميرة من عروض وامكانيات تجذب المستهلكين ..
تحية لك اخوان الكريم . .

[الزاجل]

والله عندك حق
انا الاول كان الزامي اني اشتري من الجمعية
لكن بعد ما لغو موضوع الارباح دي والله كولو من عند السوبر ماركت الي جمب البيت او كرفور
شكرا على موضوعك الجميل
لك احترامي وتقديري

الغوا الأرباح .. اعفسوا المجمع .. غيروا اماكن البضاعة
فنشوا الموظفين والحمالية .. يابوا ناس ما يعرفون شي
ولا يعرفون عربي ولا يعرفون انجليزي عدل..
يعني هم كل شي غيروه ..
العفو واهلا وسهلا بك :nice:


الله يذكر إدارة جمعية المنتزه بالخير
الزاجل أنا من يوم ما جاتنا هذي اللي أسمها الميرة وأنا مالي نفس أتسوق فيها
الحقيقة سوء الأدارة هي اللي شردة الزباين من الميرة
وشفيها لو أستفادو من الأدارة السابقة للمنتزه اللي ماشفنا منهم إلا الخير
والحين يجيبون فلان وعلان ويصرفون لهم مبالغ ضخمة لإدارة الميرة
مارح يصطلح الحال إذا ماكنت الأدارة واعية وعلى قد المسؤولية
السوق مفتوح والمنافسة شديدة والبقاء للأفضل
يسلمو الزاجل على هذا الموضوع القيم
هذا هو وياليتهم افلحوا او قدروا يعدلون شي او يصححون
الأخطاء السابقة .. الا شوف حال الميرة وردود افعال الاعضاء عنها ..
ربنا يسلموك واهلا بك هسلان :nice:


قديمك نديمك
والجمعيات فيها مصلحه لجميع
وكل شي متوفر وموجود
كن هناك منافسه بين الجمعيات
الحين انقلب الحال 360 درجه طبعآ للأسواء
مشكور يالزاجل على طرح الموضوع

للأسوء والى الأسوء اذا تم الوضع على ماهو عليه
لأن صعب جدا تتعامل مع مجمع اغراضه ناقصه..
العفو يا الوعد والشكر لكم على التجاوب .. :victory:


الله .. رحلة الجمعية كانت الرحلة المنتظرة مع بداية كل شهر :(
يسعد صباحج ياجمعية الريان ويسعد مساج :(
كان بودي بالفعل ان ادلي بدلوي في موضوع الميرة .. والجمعيات التعاونية ،،
الا انه للامانة .. ربما مضت اكثر من ست سنوات لم تطأ قدمي هذا المكان الا ان كان هو اقرب مكان لي ،
لك كل الشكر اخي الزاجل ..

دام ان رصيدك صفر بخصوص الميرة
عذرك مقبول وتسجيل حضورك راح يفيدك في الإطلاع
على كل الآراء .
عفوا لك اخي اوتوسن

[الزاجل]

والله نفس الشعور يالزاجل سيم سيم
بعد احداث 11 سبتمبر خلاص.. عاف الجمعيات الخاطر
مع وجود مالذ وطاب من المجمعات الجديده
ومع إصرار الميره انها تكون الأسوأ مقارنه بالجمعيات الحديثه
انا هجرتها.. وماروحها الا مضطر
ومن كان مضطر ان شاء الله لاحرج عليه
واشكرك ع الموضوع
يعيش سوبرماركت السعوديه
يعيش يعيش يعيش

حلوة هذه
ومن كان مضطر ان شاء الله لاحرج عليه :omen2:

واحنا بكل صراحة ممكن انجربها اذا كنا مضطرين حدنا :secret:



والله ياخوي انا معك قلبا وقالبا .....
أنا كنت مثلك ماشتري شي أبد مهما يكون الا من جمعية المنتزه وكنت أتمشى وأستانس واحصل كل اللي أبغيه وأصكهم برقم المساهم وانا طالع وراضي ....
أما الحين لا والله صار لي كم سنه مادخلت الجمعيه كل مشترياتي من اللولو ..
أحيان أكون مستعجل ومضطر فأدخل جمعية الوكره وأندم أني دخلتها بصراحه ..
فوضى
ماتحصل اللي تبغيه الا نوع معين بس
أسعارهم أغلى من المجمعات الأخرى
ماتحصل أهتمام من الموجودين أذا بغيت شي او تسأل عن شي
الكاشير لازم يزيد في الحساب بلفيت غلطان
بضايع كثيره ماعليها سعر او تلاقي سعر وعند الحساب سعر مختلف
بكل أمانه من غيروا الأداره والأسم ..للميره ... وماشفنا خير من هالجمعيات ...
جمعيات صار لها سنين وبنين وهي من أروع مايمكن والكل مرتاح ومستانس شلي صار الحين وخلاهم لازم أداره أجنبيه ولغوا هدية رمضان ورقم المساهم ...
يعني أيش يبغون بالضبط ..يقولون من الأخر ويريحونا ...
والله حتى لو القطريين زمان كانوا يتلاعبون ويسرقون بس كانوا ارحم من الموجودين الحين ..
بعدين لما القطري يبوق أحسن من الأجنبي يبوقنا ويطرش الفلوس لبلاده يعني ماستفدنا من بوقته شي ...؟؟؟؟؟؟؟؟؟؟؟؟؟؟؟؟؟؟
الله المستعان ومانقدر نقول الا ... لاحول ولا قوة الا بالله
كل الشكر لك أخي الغالي على الموضوع اللي شاغل الكل
الله يوفقك ويسعدك وينور دربك دنيا وأخره أن شاء الله
تحياتي وتقديري لك


الله يا ناصر خذتنا الى زمن مضى وحولت على زمننا الحالي
ما بين المعروض من المواد الاستهلاكية وما بين السرقات
التي كانت تتم من قبل قطريين والآن تتم من قبل غيرهم ..
بس في نقطة مهمة
القطري لباق او الأجنبي لباق اثنين راح يحاسبهم رب العالمين
ما اعتقد تحويل الجميعات الى شركة الميرة بسبب البوقات
هم عاد انهم بيسوون لنا شي ما فوقه فوق
طلع ما تحته تحت ( مالت بس اقول مالت على البمبر )تحياتك مقبولة ولك مني مثلها ..




خوش موضوع الزاجل:)
الجمعيات التعاونيه كانت في قديم الزمان ملجأ للقطريين لقضاء الحاجه في المشتريات
وبعد تغيير النك نيم الى الميره تمدنوا وماعاد يبون رقم المساهم ولا يهمهم النقاط ولا فيه
حوافز تشجع للشراء :tease:
كنا وين وصرنا وين ماعاد نروح ونسيناهم خلاص عافك الخاطر يا الميره
خلهم يرشون فليت ويمسحون الارض ماعندهم شغل لا زباين ولا هم يحزنون
ودنا ترجع الجمعيات مثل قبل ولكن خلاص هذاك زمن ولى وراح باي باي الميره
اضم صوتي لصوتج
ودنا ترجع الجمعيات التعاونية
وبصوت واحد قلنا نقول
نبيهااااااااااااااااااا نبيهاااااااااااااااااااااااا
وكثري من مصطلح تغيير النك نيم فلة شكله في الرد :ok:


ايه يا الزاجل

جبتها على العوق

وين ايام زمان

الله يرحم

العوق زاد عن حده
كل شي صرنا نذكره ننضرب على العوق وبقوة
الله يرحم زمان أول بكل ما فيه وبكل من كانوا فيه ..

[الزاجل]

الميره حالها حال الكروه

الله يرحم التكسي البرتقالي حتى في سيلين بتعين تكسي :) والحاصل الان افشل شركة مواصلات في العالم كروه لي بغيتهم ما لقيتهم !!

الجمعيات في السابق كانت افضل مما عليه الميره الان وهذا ان دل على شيء فقط يدل على ان في ناس تخطط صح والتنفيذ غلط في غلط لان المنفذين ليسوا قد المسؤوليه !!

وين انييب منفذين ؟
ومن اللي يخطط صح ؟
اعتقد الميرة التخطيط لها كان غلط وهذا هو اساس المشكلة
شركة من غير دراسة

فكرة يات على البال لازم تنفذ بأمر من وزير
بأمر من مسؤول كبير بأمر من انسان ذو سلطة
خلاص
لازم تتنفذ
ما في نقاش
مافي اخذ وعطاء
مافي اعتراض
والنتيجة شركة الميرة والحال اللي وصلت له ..


للأسف الأول تحول,,,,وصار لي سنين بعد ماتغير نظام الجمعيات ماعدت دخلتها

قالوها الأوليين ومافهمناها الا الحين,,,عتيج الصوف ولا جديد البريسم ,,,ياليت يرجع الواحد للزمن عشرين سنة ,,وشلون كانت الأمور سهالات وطيبة ,,,حتى كثير من الناس تغيرت نفوسهم من كثرة تعقيدات الحياة,,,,

ماأحلاش من حياة في السبعينات خصوصا ,,,واسألوا اهلها ويقولون لكم
داش يسوي دعاية على ندائه :unsure:

صدقت يا عتيج الصوف
كل شي تغير
وين قبل ناكل كافي بو اسد شوف طعمه اشلون كان قبل
وشوف طعمه اليوم كله شيرة في شيرة
ووين قبل ناكل الكافي اللندني اللي عليه طبقة من لونين
وردي وابيض
شوف اشلون كان يذوب في الحلج ويعيش عندك فترة طويلة
وشوفه اللحين اتروح مكسرات ايران تشتري وهو يديد اتحصله حزر :rolleyes2:

ووين الحلاوة الصينية اللي اتشل القرطاس الفوقي وتاكل
الطبقة الشفافة اللي عليه ..
وين بيلقون عيالنا لذة هالأشياء ؟
مافي الا كيندر مال اليهود
واصباغ والوان مالها لا أول ولا تالي :omen2:



هذا هوالكلام العدل....
نظام النقاط بالفعل هو الحل الأفضل...
أو إن أصحاب الميرة من الذكاء الخارق شايفين إن أمورهم تمام:eek5::eek5::eek5:
وإلا بيني وبينك تراهم رايحين فيها :omen2::omen2::omen2:
منحدرين وبقوة في هاوية الإفلاس :tease::tease::tease:
بصراحة أخوي الزاجل أمرهم عجيب :rolleyes2::rolleyes2::rolleyes2:
وسلم لي عليهم وعلى فساد إدارتهم :nice::nice::nice:


هم منحدرين الى هاوية الإفلاس وهاوية الإفلاس تسرع لهم في خطواتها
امرهم عجيب لكن للحين مب محصلين لهم حد
يقول لهم ليش جذيه ؟
هاااااااااااااا

ليش ؟

هذا اللي يزيد الأمر حيرة


قبل لا اشتغل كنت احوش اللي يعطيني اياه ابووي
لين اخر الشهر
واروح اشتري اغراض البيت واللي بخاطري من الجمعيه
واكثر مكان استانس فيه هو الجمعيه
واحط الرقم وانا طالعه
وقبل رمضاان كانو يعطون مبلغ محترم
او كوبونات تغطي نص اغراض البيت تقريبا
اما الحين كل اغراضنا من اللولو ولا كارفور او مجمع اغذية العائلة
طبعا كارفور واللولو مافيهم مميزات غير اللولو كل فترة وحط كوبونات سحب على سيارة
ومجمع الاغذية فيه ميزة الاير مايلز
كل ماشتري شي اعطيهم الكرت وايمع نقااط
المجمعات ارخص من الميرة والقى كل اللي احتاجه
الميرة مافيها تشجيع للمستهلك
مادري على شنو معتمدين في تجارتهم
او هي سياسة ان الناس تتجه للمجمعات وتنسى الجمعيات

متضررة من قرار الميرة .. كانت تستفييييييييييييييد
واللحين يستفيدون منها المجمعات الثانية ..

منا الى ادارة شركة الميرة ..
شكرا لج كيو دبل فور

[سهم بن سهم]

انا اشتريت بمبلغ 5000 ريال اسهم من عشرين سنه في البنك الدولي الاسلامي الحين قيمتهم تقريبا 500 الف ريال وفي المقابل انا مساهم في الجمعية بنفس المبلغ لو خذتهم الحين بيعطوني 5000ريال !!!!!!

شوف الفرق .............. طبعا كبير !!

:anger1::rolleyes2:

هناك احتياطي قانوني لم يتم توزيعه مع ارباح العشرين سنه الماضية واكتفوا بتوزيع الارباح المقدره لهم من الجهات الرسمية !!!
هذه الاموال التي كانت في الاحتياطي القانوني ماذا سيكون مصيرها ؟؟ هل سيتم حرمان جميع المساهمين منها ؟ وهل ستستغل في زيادة رواتب موظفي الميره الجدد ؟؟ علما بان هذه الارباح حسب قوانين الشركات المالية الاستثمارية حق شرعي ومكتسب للسادة المساهمين الكرام !

سؤال يبحث عن اجابة واحده نعم ام لا ؟ لا نريد كلام مصفف ولا تأويلات ليس لها اي معنى ولا داعي نريد حقوق المساهمين الكرام سواء الان او بعد ادراج شركة الميرة في سوق الاوراق المالية ؟؟؟؟؟؟؟

شركة الميرة للمواد الاستهلاكية شركة مساهمة قطرية سمعنا وقرأنا وشبعنا وعودا بادراجها في سوق الاوراق المالية . هل سيتم ذلك في القريب العاجل ام سيؤجل الى ان يتم تصفية جميع الاموال الموجوده في الاحتياطي القانوني للجمعيات التعاونية ( سابقا ) شركة الميرة للمواد الاستهلاكية ( حاليا ) :rolleyes2::omen2:

يالله ياكريم سترك يارب

:omen2::victory:

[ضوى]

الجمعيات التعاونية الكويتية تجربتها رااااااااااااائعة

تدرون عندهم اتحاد خاص فيهم للاجتماع والتداول في امور الجمعات التعاونية وحماية المستهلك من جشع التجار ، وكل شئ تلقى فيها كل شئ بلا استثناء والله يعورني قلبي لما ادخل جمعيات الكويت حتى منتجات تجميل فيها وماركات عالمية حتى الغاز موجود و مطاعم ،

ومن فترة كي دي دي ارفعت اسعار منتجاتها ، اتحاد الجمعيات وش سوى ، قاطع منتجات الشركة وكتب بالخط العريض لمحاربة الاستغلال تم مقاطعة منتجات الشركة لرفعها اسعار المنتجات دون مبرر ، والجمعيات هناك مثل كارفور عندنا وكيومارت كل شئ تلقى فيها

بذمتك ميرتنا بتسوي جذي ؟؟

بس شنسوي ، قريبة من بيتنا وتقضي شوي من حاجتنا الاساسية ، وانا لاني مساهمة ولا لي شئ فيها ، وصحيح اغلبية الاشياء ما نلقاها في هالميرة بس مجبر اخاك لا بطل ،

اقول الزاجل

تبي تدوديني بو زعبل انا بروةحي عيووووووووز وما فيني شدة على بو زعبل :secret:

[الزاجل]

اخوي الزاجل
على ايام العصر الحجري (( ما ادري احس ان ال 4 سنين اللي مضت كانت من ايام العصر الحجري ))
كنا نحصل كل شي في الجمعية (( كل ما يخطر على البال ))
بالذات جمعية المنتزة (( ترى لين يومكم نسميها المنتزه ))
اما الحين فصارت الرحلة الشهرية للجمعية مملة من قلب
الواحد يفتر راسه و يحصل اشياء و اشياء ولا يحلم انه يحصلها
و ينصدم لين وصل عند الكاشير و يحصل حساب كم من قوطي تونه و كم من غرشة عصيرو كيسين ربيان و 5 حبات كافي = 500 ريال
اول من 4 سنين تقريبا بـ الـ500 تترس لك جاري كامل
لكن الحين اذا تبي تاخذ من المنتزة (( الميرة )) لازم تزور جمعية ثانية علشان تكمل باقي متطلبات البيت
فعلشان جذي الواحد يختصر و يمر المخازن ولا كارفور
لان حال الجمعيات اصبح بائس للغاية تدخل الجمعيه كأنك داخل دكان
ولا فيه شي يشجعك انك تدخل الجمعيه
و بعدين ليش نروح جمعية المنتزة اذا ما قامو يوزعزن ارباح
الظاهر قامو يستخسرونها في العالم اللي شاركو في توسع رزق هالجمعية و اللي ساهموا في كثرة فروعها

بالفعل مع بداية وجود الميرة بعد اشوية التعديلات والحركات اللي سووها
كنا نعاني لما انحصل لنا شي من اللستة اللي عندنا .
فكنا انروح فروع ثانية .. وبعدها صرنا خلاص انوفر المشاوير
انروح مجمع واحد وخلاص بلا ويع راس وبلا دوارة في الشوارع ..

عدم توزيع كوبونات واربحهم صار مب شي كلش
خلتنا بالفعل يا اناقة نبتعد عن الشركة
بالإضافة الى السلبيات المذكورة..
فهل بتاخذ ادارة الميرة الكلام هذا بعين الاعتبار ؟
هذا ما نتمناه ..


اشكرك اخوي الزاجل على موضوعك الجميل ..
الصراحه وبكل امانة بعد تغير الجمعيات التعاونية إلى الميرة إلى يومك هذا ما دخلت الميرة ابدا ً .
بل لن ادخلها ..
للسلبيات اللي انت ذكرتها ويحسها كل مواطن ..
عن نفسي مقتصر على المخازن الكبرى ..
اسعارهم وبضائعهم ممتازة مقارنة بالكارفور في تقديري
بس والله ذكرتنا بما مضى
اخبر جمعية الريان شنو عفسة وقت توزيع الارباح مالتهم
ياساتر استر والله طق مطاقق على باب المحاسب السوداني اخبره
هههههههههههه
الله يرحم ذيك الايام ..
صدق يالزاجل ..
ملاحظ الصراحه من كذا موضوع يتناقش في المنتدى
اننا مرينا في - صاروخ زمني - في مدة قصيرة جدا جدا يعني 3 او 4 سنوات
ولكن تغيرت الدنيا علينا بشكل كبيررررررررررر جدا جدا جدا ..
وللأسف الشديد .. كل يوم يتحسر الواحد على الامس ..
الله يلطف بنا من القادم ..
تحياتي لك

العفو يا انتعاش واهلا وسهلا بك ( المدير عندنا وخر يا شباب ) :nice:

بالفعل كل شي تغير كل شي
يمكن مع عمر المدارس المستقلة :secret:
هالشي لاحظته وايد سواء في الزحمة في الشوارع
وفي الغلاء وفي كل شي ..
بس عودة الى تعقيبك بخصوص ذكريات الكوبونات
كانت ايام عجيييييييييبة وحلوووووووووووووة
صحيح ان الكوبونات ما كانت بذاك الزود ويالله تكفي
لنص شهر لكن ما تدري اشلون كنا ننتظرها
وكان معاي واحد من الربع الله يذكره بالخير
اتنافس وياه من فينا يجمع اكثر عدد من المشترين
بحيث اتصير مشترياتي اخر السنة اعلى من مشترياته..

فكنت ادخل عليهم وا قول لهم
رقم المساهم 41243
ضع الرقم وادخل السحب الكبير على 10 سيارات
وكانت هالسيارات حاطينها الجمعية لجذب الزباين ..

عاد تعال شوف المذلة
لحطوا رقمي مرات
يدقون علي
ترى شرينا هااا
حطينا رقمك هااااااااا
وخذ عاد صنوف انواع المنة وانت ابلعها وانت ساكت
ومبتسم انك انت الربحان اخر السنة :nice:

واخيرا نقول
الطف يا لطيف
وحياك الله يا انتعاش

( درب درب المدير بيطلع ) :app:


والله جمعياتنا أتفشل
والسنتر واللولو و....أفضل بكثير .
مع العلم أن ميزانية الميرة أكبر من ميزانية المجمعات الأخرى .
أتوقع أنه الفساد الأداري في جمعيه الميرة .
والسؤال : ليش التأخير في أدراج الميرة في السوق المالي .
وأعطائهم المساهمين حقوقهم من الأسهم .
أليس هذا ظلم لحقوق المساهمين ؟؟؟
والجمعيات التعاونية في الأمارات والكويت تساهم بشكل كبير
في حل غلاء المعيشة للمواطن بينما نحن العكس !!!!!:tease:

ما نبيها في البورصة
بسنا خساير :weeping:

صدقت يا ام ابراهيم
الجمعيات التعاونية في الإمارات تقولين داشة مجمع تجاري مب
جمعية ..
والكويت على ايام الأزمة لما استقبلنا اسر عندنا
فكنا انروح معاهم الجمعية ( كانوا يضحكون على جمعياتنا )
لقلة المعروض اللي احنا اللحين نفتدقه .
وما بالكم اللحين اشلون الدنيا تطورت والمجمعات تطورت
واحنا مع الميرة للخلف در :(

[الزاجل]

انا اشتريت بمبلغ 5000 ريال اسهم من عشرين سنه في البنك الدولي الاسلامي الحين قيمتهم تقريبا 500 الف ريال وفي المقابل انا مساهم في الجمعية بنفس المبلغ لو خذتهم الحين بيعطوني 5000ريال !!!!!!

شوف الفرق .............. طبعا كبير !!

:anger1::rolleyes2:

هناك احتياطي قانوني لم يتم توزيعه مع ارباح العشرين سنه الماضية واكتفوا بتوزيع الارباح المقدره لهم من الجهات الرسمية !!!
هذه الاموال التي كانت في الاحتياطي القانوني ماذا سيكون مصيرها ؟؟ هل سيتم حرمان جميع المساهمين منها ؟ وهل ستستغل في زيادة رواتب موظفي الميره الجدد ؟؟ علما بان هذه الارباح حسب قوانين الشركات المالية الاستثمارية حق شرعي ومكتسب للسادة المساهمين الكرام !

سؤال يبحث عن اجابة واحده نعم ام لا ؟ لا نريد كلام مصفف ولا تأويلات ليس لها اي معنى ولا داعي نريد حقوق المساهمين الكرام سواء الان او بعد ادراج شركة الميرة في سوق الاوراق المالية ؟؟؟؟؟؟؟

شركة الميرة للمواد الاستهلاكية شركة مساهمة قطرية سمعنا وقرأنا وشبعنا وعودا بادراجها في سوق الاوراق المالية . هل سيتم ذلك في القريب العاجل ام سيؤجل الى ان يتم تصفية جميع الاموال الموجوده في الاحتياطي القانوني للجمعيات التعاونية ( سابقا ) شركة الميرة للمواد الاستهلاكية ( حاليا ) :rolleyes2::omen2:

يالله ياكريم سترك يارب

:omen2::victory:

بيطرحونها وبيطالبونك الاكتتاب في راس مال جديد لها
والأرباح اللي تقول عنها لو كانت موجودة كنت بتصيد منها شي
بس خلنا :secret:


الله يرحم ايام زمان ويرحم شيبانا أعضاء الجمعيات التعاونية ويغمد أرواحهم الجنه كانو يخافون على الجمعية مثل خوفهم على عيالهم ويهاوشون الموظفين المهملين ويعينون المحتاج بتوفير كوبونات رمضان والعائد على الارباح وكرتون هدية رمضان من التموين المختلف وكنا نوصله للمحتاج في الدوحه والبحرين .

كوبونات رمضان فكرة شيباننا اللي اسسوا شيء اسمه جمعية تعاونية واذكر كان المرحوم عبدالرحمن مراد يقول لي بان هم يستفيدون من تجربة دولة الكويت في الجمعيات التعاونية ويطبقونها في قطر وكانت جمعية المنتزه الاولى في تطبيق كل ماهو جديد سواء من ناحية تنظيم الجمعية او من ناحية إدخال كل ماهو جديد للجمعية وكانت الجمعية العمومية للجمعية مثار جدال ونقاش من الاعضاء وكنت تشوف الديموقراطية الحقيقية والتعاون الحقيقي بين اهل المنطقه وكنت تشوف البضاعة الأرخص والمواد الجديده ..

كل هذا اختفى وراح !!!!

من فترة عدت للبلد بعد غيبة طويلة وذهبت للجمعية اشتري وذهلت مما ارى ( فوضى في كل شي ) ومخلوط الحابل بالنابل وماتعرف رفيجك من ولا تعرف من له تشتكي ولاتعرف من المسؤؤل !!!

قلت الله يرح ايام زمان ويرحم شيباننا أعضاء الجمعية اللي لو حيين كان مارضوا على اللي يصير بالجمعية !!

اذكر بان شيباننا أعضاء جمعية المنتزه هم من دخلوا على وزير المالية مليوون مرة حتى يعطيهم الارض الحالية المقامة عليها جمعية المنتزه وكافحوا كثيرا في الحصول على ترخيص الروضه للجمعية واللي كنت تقدر تدخل ولدك او بنتك فيها بارخص الاسعار !!

بل كان هناك مقترح بناء مصنع للكاتشاب وبعض الاشياء اللي يستفيد منها المواطن ويحصل على عائد للارباح منها !

تصوروا بان جمعية مثل جمعية المنتزه كان بها 11 الف مساهم او اكثر واغلب اهل قطر من الشمال والخور والوكره كانوا يشترون منها ومساهمين بعد فيها ويوم تقول حق شيباننا ليش هذول هل الشمال والوكره وشدخلهم في المنتزه يقول : يابوك هذول هل قطر ولقمه تاكلها انت خلهم ياكلون معاك ويعم الخير !

راحت ايام زمان ويكفيني هذا السرد ترى ان تكلمت يمكن تدمع عيني على الجمعية !!!!!!

في القلب حديث كثير ولكن اكتفي بهذا فقط !!

فعلا اخوي راحت ايام زمان وايام جمعية المنتزه وجات الميره لابركه ولاخيره !!!!

بالفعل .. حصلت على ارقام مساهمة في المنتزة مع اني مب من سكانها
وفي الأساس ما كنت اعرف شي اسمه رقم مساهم وما كنت حاط في بالي هالشي
بس واحد من الربع نصحني وطعت شوره .. وخاصة اني من الأساس من رواد
جمعية المنتزة .. حتى ميرت البيت على ايام عرسي من جمعية المنتزة ..

يا سهم
الأول غير واللحين غير
اللحين لو حب يسوي لك شي اعز صديق لك
يحسبها مليون مرة قبل ما يسويها ويفكر هل بيستفيد
من هالشي والا لا ..

اللحين القلوب صارت ضيقة ووصخة وكل همها انها تستفييييييييد
حتى لو عن طريق ابتسامة عابرة ..

ذاك الزمن غييييييييير
والله غير كلش غير ..

نفتقد ذيك الأيام لأن افتقدنا روحها
ما عدنا انشوف القلوب الصافية ما عدنا انشوف
اليدة الوحدة والقلب الواحد ..

من جذيه مستحيل بركة شيبان الأول اتحل على أيامنا هذه ..

[الزاجل]

الجمعيات التعاونية الكويتية تجربتها رااااااااااااائعة

تدرون عندهم اتحا خاص فيهم للاجتماع والتداول في امور الجمعات التعاونية وحماية المستهلك من جشع التجار ، وكل شئ تلقى فيها كل شئ بلا استثناء والله يعورني قلبي لما ادخل جمعيات الكويت حتى منتجات تجميل فيها وماركات عالمية حتى الغاز موجود مطاعم ،

ومن فترة كي دي دي ارفعت اسعار منتجاتها ، اتحاد الجمعيات وش سوى ، قاطع منتجات الشركة وكتب بالخط العريض لمحاربة الاستغلال تم مقاطعة منتجات الشركة لفرعها اسعار المنتجات دون مبرر ، والجمعيات هناك مثل كارفور عندنا وكيومارت كل شئ تلقى فيها

بذمتك ميرتنا بتسوي جذي ؟؟

بس شنسوي ، قريبة من بيتنا وتقضي شوي من حاجتنا الاساسية ، وانا لاني مساهمة ولا لي شئ فيها ، وصحيح اغلبية الاشياء ما نلقاها في هالميرة بس مجبر اخاك لا بطل ،

اقول الزاجل

تبي تدوديني بو زعبل انا بروةحي عيووووووووز وما فيني شدة على بو زعبل :secret:

تكلمي عادي اكفلج :secret:..........> ما عليج منه عيار بروحه يدور على كفيل :discuss:

هل الكويت ما شاءاالله تبارك الرحمن
لقلنا ناس عرفوا الديمقراطية فهم اهل الديمقراطية
لقلنا ناس عندهم ثقافة فهم اهل الثقافة
لقلنا ناس عندهم علم فهم اهل العلم
وليس انقاصا من حق حد ولكن هذه هي الديمقراطية
اللي بالفعل تحافظ على حقوق المواطنين
احنا مب محتاجين لديمقراطية تطبيل و هز اوساط في الجرايد
احنا محتاجين لديمقراطية تعطي المواطن حقه
وهذا ما يتمعتون به اهل الكويت
وعسى ربنا مثل ما عطاها يعطينا
وفي الختام
السلام عليكم ورحمة الله وبركاته ..


هيــــــــــه جيت عالعوق ياخوي

الله يرحم ذيك الأيام اللي كنا ننطر فيها الأرباح والكرتون الهديه والكوبونات ونشوف ذيك الفرحه في عين الوالده وحتى احنا والله كنا نفرح.....

كان في عندنا دافع يخلينا نروح نشتري من الجمعيه وما نستخسر الفلوس اللي نشتر فيها لأنا نحط رقم المساهم وبعدين نحصل الأرباح......و نوصي اللي ما عنده يحط رقمنا بعد :)

للأسف كل شي تغير وصار الوضع ردي من بعد ما غيروا الإسم وامنعوا الكوبونات والرقم والهديه بعد.....وغير ذي مثل ما الكل قال...قبل روحة الجمعية كانت وساعة صدر والواحد يلقى اللي يبيه ويشتهيه قلبه لكن الحين المكان يصفر وهبابه إذا لقيت لك كمن صنف....الواحد تصيده غلقه لادخل ميرتهم.......شرّدوا الناس شرّد الله العدو ان شاء الله.....

خلها على ربك بس :(

ما ادري احس انج امي العودة الله يرحمها
هل روحها دشت فيج :looking:

ايه احلى شي يا امة الله لما انوصي
فلة ونااااااسة
وياويله اللي يروح وما يحط الرقم
لو قال لي رحت الجمعية اسجل اسمه
واشوف الكشف زاد الرقم اللي اخر الفاتورة والا لا لرحت مرة ثانية..
اصيده ..حط رقمي والا نساني :tooth:
شردونا لا بارك الله في جورج بوش وجماعته
طفشونا من مكان هياتتنا اخر كل شهر :weeping:
ربنا المستعان


:weeping:


ذكرتوني بابوي الله يرحمه..

كنا اي شي نشتريه على طول للصندوق

وما كنت اعرف شيقصدون ..لين كبرت وفهمت السالفه

ولما تزوجت صرت من رواد جمعيتين هم مدينة خليفه والريان

والفرق واضح بين قبل والحين ..كنا نشتري كل شي من الجمعيه

هو تموين هو ملاحف هو ادوات تجميل الصراحه كل شي كان

موجود وعلى جوده عاليه...اما الميره بيفتر راسك لين تلاقي

قوطي قشطه..لا.. منتجات الحليب في صوب والقشطه في صوب..

الله يرحمه ويغمد روحه الجنة..
بالفعل كلامج صحيح بخصوص القشطة

اللحين القشطة ليش كانوا حاطينها بعيد عن الحليب وربعه ؟
هالشي فطسني يومها من كثر الضحك
ظنيت عندنا أزمة جيمر :omen2:

بس الحمدلله طلع تخطيطهم هو السبب ..


الا كنت اتمرين على راعي العسكريم ؟ :nice:

[سهم بن سهم]

الجمعيات التعاونية الكويتية تجربتها رااااااااااااائعة

تدرون عندهم اتحاد خاص فيهم للاجتماع والتداول في امور الجمعات التعاونية وحماية المستهلك من جشع التجار ، وكل شئ تلقى فيها كل شئ بلا استثناء والله يعورني قلبي لما ادخل جمعيات الكويت حتى منتجات تجميل فيها وماركات عالمية حتى الغاز موجود و مطاعم ،

ومن فترة كي دي دي ارفعت اسعار منتجاتها ، اتحاد الجمعيات وش سوى ، قاطع منتجات الشركة وكتب بالخط العريض لمحاربة الاستغلال تم مقاطعة منتجات الشركة لرفعها اسعار المنتجات دون مبرر ، والجمعيات هناك مثل كارفور عندنا وكيومارت كل شئ تلقى فيها

بذمتك ميرتنا بتسوي جذي ؟؟

بس شنسوي ، قريبة من بيتنا وتقضي شوي من حاجتنا الاساسية ، وانا لاني مساهمة ولا لي شئ فيها ، وصحيح اغلبية الاشياء ما نلقاها في هالميرة بس مجبر اخاك لا بطل ،

اقول الزاجل

تبي تدوديني بو زعبل انا بروةحي عيووووووووز وما فيني شدة على بو زعبل :secret:




ماعندنا بو زعبل يا ضوى :) هذي في مصر !!

اي والله وانا خوك ترى حنا يالشيبان مافينا شدة اكل الدال ( العدس ) بطوننا متعوده على اكل المجبوس والسمك :)

بس شنسوي وانا خوك لساننا طويل مانقدر نسكت ................................. :tease:

خلاص ماني متكلم :secret:


تحياتي اختي الكريمه

[ضوى]

ماعندنا بو زعبل يا ضوى :) هذي في مصر !!

اي والله وانا خوك ترى حنا يالشيبان مافينا شدة اكل الدال ( العدس ) بطوننا متعوده على اكل المجبوس والسمك :)

بس شنسوي وانا خوك لساننا طويل مانقدر نسكت ................................. :tease:

خلاص ماني متكلم :secret:


تحياتي اختي الكريمه


بوزعبل اسم مجازي لكل سجون العالم :secret:، خبرك عتيج مب عدس الحين وجبات على كيف كيفك لا والريوق بيض بعد :rolleyes2:، مجبوووووووووس ، وسمج ايييييييييه والله وين نقدر على وجبات خفيفة :( لا خلاص انا ما لي شغل ما قلت شئ :secret:تجربة الكويت اعجبتيني وقلتها وبس:secret:
بس انا ما اعرف ايود لساني للاسف واخرتها بو زعبل انا والورعان وابوهم بعد:tease:
الزاجل بروحه يبي كفيل انا وين اطق براسي عقب ؟؟ العياييز مساكين ما لهم احد :rolleyes2:




تحياتي اخوي سهم ولد سهم

[الـدانـه]

الحمدلله والشكر


العقل نعمه

[الزاجل]

صراحه الميره اتفشل ومافيها اي مميزات احنا توقعنا ان كل شي بيكون جديد وسعره مناسب بما انه موحد يعني مثل كارفور بس طلع العكس ومستحيل حد يقدر يقول ان الميره فاشله لان كل شي عندنا ناجح وبامتياز بعد :secret:
تسلم يالزاجل على تميزك الدائم:victory:

اهاا
يعني الميرة لازم تكون ناجحة مثلها مثل المدارس المستقلة :secret:

اقدر اقول ان كلامج صح ولعى مسؤوليتي الخاصة
الله يسلمج يا الريم ..




الآراء الواردة

إهداء إلى سعادة وزير المالية وزير الإقتصاد والتجارة بالإنابة

مع التحيــّــة،،،




نهديه مع باقة ورد مع نفحة العود
هدية من قلوب سفطانة.
عل وعسى يتغير الحال الى الأفضل .
تحية لك يا المتأمل خيرا


اخوي العزيز الزاجل

صج اني مادري بجمعياتكم واللي يصير فيها

بس من اللي قريته اسمه

اسمعت ان ناديت حيا *** لكن لا حياة لمن تنادي

مصخرة ما بعدها مسخرة >> الاولى بالصاد والثانية بالسين

لازم ما تسكتون لهم

بنيت رايك على ماجاء من ردود من الأخوان
لكن كل اللي اقدر اقول لك
احنا مبيدنا شي
سواء تكلمنا او سكتنا .. هم يبونها جذيه لازم تصير جذيه :)


اياااااااااااااااام ذكرتني بجمعية الريان (ميغا مارت ايام اول ) صراحة أخوي الزاجل جمعية الميرة دخلتها يمكن مرة ولامرتين صراحة مافيها شئ ، لان اصلا مافيها اهتمام بالمرة يعني الناس تطورو ودخلت شركات كبرى مثل كارفور وغيرها وسحبت البساط (ركز على البساط) وهي تمت محلك سر يعني كأنها دكان في فريج بس على حجم أكبر يعني حتى بعض الدكاكين أحسن من الميرة..


سنين مرت وما ادري عن الايام يقولوا تغير الاحباب وانا أقول القمر ما غاب

( آل ثاني ) اللحين انتوا اتروحون جمعيات مثلنا؟ :looking:

حلوة هذي ميغا مارت
عليكم سوالف في هالموضوع :nop:

مركز وشد انتباهي البساط اكثر شي
واكتشفت ان البساط هو السبب في اندحار الميرة
ولابد ان نحاسب البساط بدل ما نظلم الميرة ..:victory:

تدري يا اخونا آل ثاني
خاطري خاطري وليس كل ما بخاطر الإنسان يدركه
اني اشوف الجمعيات التعاونية اللي هي فروع الميرة
ترجع مثل قبل بمسماها القبلي .
تتعاون فيما بعضها البعض في صالح المستهلك
سواء عن طريق التنافس او التعاون ..
لكن مثل ما قلت لك
ليس كل ما بخاطر الانسان يدركه ..
والحمدلله على كل حال ..


يا سلام على جمعية المنتزه في الثمانينات سهمها فوق ولا من عقب سهمها نازل ومب على الكيف وعاش كارفور وحياة بلازا ذكرتني بايام حلوه ايام رقم الجمعيه وايام المواقف .

حتى التسعينيات كانت ما فوقها فوق
لكن في الألفية الجديدة تم تغييرها مثل ما غيروا الحواسيب في العالم ..

[الزاجل]

للاسف جمعية الميرة .. وين كانت ووين صارت فارق كبير كبير كبير عندما كانت جمعية تعاونية. اسعارها هي الافضل .. شعارها خدمة المجمتع وتقديم اسعار افضل وخدمات مجتمعية ومساهمات مفرحة للعائلات سواء الهدايا الرمضانية او المكافئات المالية للمساهمين.

بقرب بيتي هناك جمعية للميرة للاسف الميزة الوحيدة الرائعة هي انها قريبة جدا مني. اما مميزاتها كمكان للتسوق فسئ. لاتوجد اي مميزات. الاسعار عادية بل ان الكارفور واللولو اسعارهم الافضل. لاتجد كل ماتريده. فهناك الكثير الكثير الذي لاتجده. هناك عدم اكتراث وفارق كبير بينها مثلا وبين مجمع التموين العائلي الزاخر بكل ماتريد ومالاتريد.

في تلك الجمعية الكثير من المواد الغذائية لاتحمل اسعارا وهذا مخالف لوزارة الاقتصاد ومع انها تابعة رسميا لوزارة الاقتصاد فلا نجد من يسائل تلك الادارة السيئة. والتي انا متأكد انها لايعلمون شيئا عن الفروع الممتدة واحتياجات الزبائن.

هناك في نفس الفرع جهازا الكاشير والذي يتحرك معطل وله اكثر من سنة (بدون مبالغة) ولا احدا فكر في تصليحه. وهذا دليل على لامبالاءة وسوء ادارة وجودة الادارة المسئولة عن الميرة.

بويوسف وين الخلل ؟
شركة كبيرة مثل الميرة
ميزانية عملاقة
واماكن جاهزة من غير تكاليف بناء
كل شي مسخر لهم .. ليش مثل هالأمور اللي
مستائين احنا منها ما لفتت نظر مسؤول
رفيع المستوى في وزارة الاقتصاد والتجارة ؟

ليش
مقالات الصحفي احمد علي
ما حركت شي في الميرة ؟

ليش كل شي عندنا يسير مثل ما هو عليه دون تعديل ؟
ليش
ليش
ليش
:weeping:



فيه شي تم على حاله علشان اتم الجمعيات
لاتعور قلوبنا يالزاجل
ايه فيه
شوارع الدوحة :nice:
من حفرة الى حفرة الى حفر



والله يالزاجل الله يرحم ايام الجمعيه ..
والله كنت اروح واحس بوناسه فيها احس ان كل شي رخيص :discuss:
بس مع الاسف ماتهنيت فيها وايد وانا متزوج :weeping: عقب ماتزوجت كنسلوهم:anger1:
والله انا اروح الميره بس عشانها ارخص من الدكاكين .. والله هي صايره تبط الجبد :anger1:
لازم على الاقل يسوون فيها اعضاء ونقاط عشان آخر الشهر تطلعلك بشي :secret:
تقبل مروري وتحياتي ..

اللحين يا ابو الجوري
الدكان صار ارخص من الميرة على حسب اخر
كلام سمعته من واحد من الربع ..
بالفعل لازم يكون هناك جلسة مصارحة ومكافخة
من حقنا نطلع على املاكنا ...> عندي اسهم في الشركة هذي
خاطري يطرحونها وابيعها هم على قلبي هالشركة
ومالي خاطر اتم فيها .. :secret:....> ما عليكم منه يدور البيزة هاليومين لو يبع ملابسه ..:rolleyes2:



كان في ارتباط عاطفي بينا وبين الجمعية

كنت دايما اقول حق ربعي ترا لي انا في الجمعية حتى لما اشتري اعطيهم رقم الوالد :p

وكانت الجمعيات غير تضم من الالف الى الياء من المتطلبات بس الحين على قولتك لو تدش اي جمعية تحصل انها محاولة تقتصر على اقل الاشياء ومدري وش السبب

بس عموما لو يسلموني هالميرة سنتين بس شرط اخليها تكتسح كل المجمعات الثانية على قاعدتها الشعبية وتاريخها ولكن محد يبي يشتغل من ناحية ومايبون يوظفون ناس مبدعين :p

يا الله اخذوا تكلم روميو ...> الناس متضررين ماديا والأخ يتكلم
عن ارتباطاته العاطفية :omen2:

اقول قبل ما اتطالب بتسليمك الميرة
ارجع لسجلك في سوق الأوراق المالية
وكيفية ادارة امحِفظك :victory:

[الزاجل]

الحمدلله والشكر


العقل نعمه

لا حول ولا قوة الا بالله

[جلمود]

عذرا للأخوان بتكون لي عودة لردودهم

بس لفت نظري شي عجيب في رد اخونا جلمود..
هل هناك علاقة ما بين المكتوب و لجنة حماية المستهلك ؟ :eek5:

اخوي مافي علاقه بين مضمون الموضوع وحماية المستهلك بس انا قتلك بطلع شوي من الموضوع !!

عجيب انت :victory:

[الزاجل]

السلام عليكم ورحمة الله وبركاته

كنت في فترة من الفترات عضو مجلس إدارة في جمعية من جمعياتنا التعاونية وبصراحة يكفي ان الفرق بين الجمعيات (التعاونية) سابقا" والميرة الاستهلاكية الآن هو انه سابقا" كان الهدف تعاوني بحت 100% أما الآن فصار الهدف تجاري ربحي مليون % وباعطيكم مثال

سابقا" في الجمعيات كان أكبر هامش ربح لأي صنف من الأصناف كان مايزيد عن 10% وبنسبة ماتزيد عن 5% في قسم الجملة
أما الآن فحدث ولا حرج فهامش الربح هو سيد الموقف
فالبضاعة تُشترى من الوكيل بـ 100 ريال مثلا" فتلقاها في الميرة او أي من المجمعات بـ 125 على أحسن الأحوال

باحاول آرجع رويس شوي وآشوف اذا عندي شيء من ميزانيات سابقة لجمعيتنا ومنها محاولة المشاركة في الموضوع مرة ثانية

الزاجل انت على قولت الأخ Index Signal



وعليكم السلام ورحمة الله وبركاته
هلا والله بشيبتنا بوناصر
شرفتنا بطلتك ومشاركتك كعضو سابق في احدى الجمعيات التعاونية
واكيد ولابد ان رايك في هالموضوع راح يثري الموضوع
واي كلمة تكبتها بتكون محل ثقة بحكم اطلاعك سابقا
على هامش الأرباح ومقارنتها بالأرباح حاليا ..

نتمنى انك ترجع رويس بس تحمل تدعم لك عنز في الطريج
وما عليك من سوالف فلان تراه خواف ويرتعد من ظله ..



قبل مايستبدلون الجمعيات بالميره اكيد ادرسو الموضوع عدل واكيد فيه هدف من هالسالفه :rolleyes2:
ويعطيك العافيه :nice:

هم ادرسوا وتصلوا لشي
احنا للحين ما توصلنا له
اها
اوكي الله يعافيج يا حقيقة ..


أخاف أقول
ويقولن أنى أتكلم بالسياسة
خلك بعيد عن السياسة احسن لك ترتاح واتريح :victory:




يسلمو يالزااجل على الموضوع

وصحيح كانت الميره او المنتزه سابقا جميعه ممتازه جدا وكل شي فيهاا

ولكن الحين غير (( جده غير )) اشدخل

لو مثل ماتفضلة انها نقاط وتضاف لرصيد المساهم كان شي جميل الصرااحه

وكنا نستفيد من الاربااح الحين لالا خبرك المدير فرنسي ماعندهم السوالف ذي ويحسدون العرب عليهااا

اعتقد انه الاداره والاعضاء اللى كانوا قبل افضل بكثير عن الحين

تقبل احتراامي


شكرا لك

بوخالد الله يسلمك على الحضور والمشاركة

اكيد جدة غير والجمعيات التعاونية بعد غير و الميرة بعد غير
واكيد غير عن غير تفرق..
بس وين اللي ممكن يوصلنا لغير يرضي الجميع ؟
تقبلنا احترامك ولك منا مثلها

[الزاجل]

المشلكه
ان قل الحوافز

والجذب للمستهلك
اول الناس تتعنى تروح الجمعيه التعاونيه
وبعد الادارة لها دور في ابتعاد المستهلكين عن الميره
لو الاداره قطريه تعرف طبيعه المواطن القطري
واحتياجاته جايبين ادارة كل همها الراتب
وتشغيل الي من جنسياتهم
المفروض بما انها شركه مساهمه
يكون للمساهم القطري دور
حتى في ترشيح مجلس الادارة
وله دور في القرارات التي تتخذ
..............

من غيرو اسمها تغير كل شئ
واسمها ماحبيته
شنو الميره مادري منيره

وتسلم الزاجل على الموضوع المهم

الميرة يا شاهيناز هي مونة البيت
لما الواحد قديما وللحين الكلمة متداولة
يقول بروح امير البيت
او ميرت البيت ..
فالميرة لها معنى مادي .. وهو زاد المسافر او تموين البيت
وله معنى معنوي انه فيه راحة للنفس ..

اتمنى ان يكون للمواطن او المساهم في الشركة
دور فاعل في ترشيح مجلس الإدارة ..
مب الأكبارية يخمون الأسهم ويرشحون بعضهم البعض ..


من وجهة نظري كارفور اسحبت البساط ..ابسط الأشياء اللي دايما تستخدم ماتتوفر في الميره

شكرا

ردينا على سالفة البساط :D

كارفوا وغير كارفور اسحبوا البساط وبقوة ايضا ..
عفوا


الله على ايام جمعية اليرموك يازينها زيناه لي رحناها كنه العيد ....
لا ويوم العيد لي جمعنا همشة فلوس ركيض عالجمعيه مشي والعرق يصب .......
اما اليوم الله المستعان لو دشينا بس تمشيه مالنا غرض نشتري طلعنا ب400 ريال!!!اقلها طبعا
اخر مره رحت فيها طلعت ب1700 ريال بججت عيني عالجاري شنو خذت عشان يطلع لي المبلغ ذي والله اشياء ماتستاهل السعر ذي بس شنقول غير الحمدلله على كل حال
جزاك الله خير اخوي الزاجل

الله على ايام العيد والاستعداد له
ما يحلى لك المكان الا في الجميعة :fight:
لكن اللحين ريح بالك وطرش السايق وافتك :secret:
الحمدلله على كل حال يا اعالي الجنان
ويجزيج ربنا كل خير


الميره غالية وبضايع قديمة ومب كل اللي تبيه تحصله و مجثيه من الغبار والعفيسه لدرجة ما تتفتح نفسك انك تشتري

عني من رواد ميغامارت و التموين العائلي وبعض الاحيان كارفور

الكل يقول الميرة غالية
هل يا ترى المسؤولين عنها ما يدرون ؟
تحية لج..> شسمج صعب مااعرف اقراه ؟





اتفق معاك أن يتم العمل على تشجيع المساهم أو المستهلك بطرق معينه كما تفضلت وأيضاً لمصلحة الجهتين ..
من جهه الجمعيات المستفيدة من ذلك ومن جهة أخرى مراعاة المستهلك من حيث وجود أجود المنتجات والأسعار التي تناسبه ..

لكن للأسف الشديد ليس لديهم التخطيط الناجح ولو أيقنوا ذلك فسيصب في مصلحتهم في الدرجة الاولى لكن هذا دليل على سوء التخطيط ..

فعلى سبيل المثال .. لديك مشروع معين ستبحث عن ما في السوق لكي تقوم بعمل ما يميزك عن غيرك لأنه سيجذب المستهلك لبضاعتك وذلك عن طريق
توفر الأسعار المناسبة وأجود البضائع وعروض تخص المستهلك كما كانت متبعة من قبل في الجمعيات الاستهلاكية ..

ولكن في الأخير الجمعيات الاستهلاكية هي الخسرانه في الدرجة الاولى الان المستهلك قد يجد حاجته وما يناسبة في اماكن اخرى وفي الوقت الحالي تعددت الاماكن الخاصة بالمواد الغذائية ..

شخصياً لا اعترف بالجمعيات ومستحيل ان أتعامل معها وكانت اخر مرة قبل أكثر من 4 سنوات ..
الأنه لما أروح اشتري أشياء بسيطة وتطلع بـ 1000 ريال أطالع الجاري فاااااااااضي اقول أنا شنو إلي شريته وأستغرب من الأسعار !!!! :eek5:

وذكرت من قبل بأن وزارة المالية قامت بعمل إحصائية عن أسعار البضائع الاستهلاكية بين الجمعيات الاستهلاكية والمجمعات
واتضح بأن كارفور كان الأقل في الأسعار وأعلى الاسعار كانت جمعية الميرة في اعتقادي .. :discuss:

ولكن صدقني هم الخسرانين في الأول والأخير والله يخلي لنا كاريفوري على قولت الهنود ..

وما عندكم حجه صار له فروع غير الستي فيه في فيلاجيو وقريباً جداً في الاند مارك (على فكرة ميغامارت سمعة انه إغلق او سيغلق الانه عارف مكانت كارفور واسعاره) .. :victory:

وأخيراً أشكرك اخوي الزاجل على الموضوع المهم ..

شتقولين يا أميرة الدلوعات
اللي يفقص المرارة
اشلون ما يدرون عن هالشي ؟

يوم كتبت الموضوع ظنيت اني حالة خاصة
لكن من النتيجة اللي اطلعت الكل يحس ويعاني من اللي احس فيه ..

طيب هالمسؤولين على الشركة ما يحسون مثلنا ؟ :eek5:
واخيرا عفوا لج وعلى مشاركتج

[سهم بن سهم]

بوزعبل اسم مجازي لكل سجون العالم :secret:، خبرك عتيج مب عدس الحين وجبات على كيف كيفك لا والريوق بيض بعد :rolleyes2:، مجبوووووووووس ، وسمج ايييييييييه والله وين نقدر على وجبات خفيفة :( لا خلاص انا ما لي شغل ما قلت شئ :secret:تجربة الكويت اعجبتيني وقلتها وبس:secret:
بس انا ما اعرف ايود لساني للاسف واخرتها بو زعبل انا والورعان وابوهم بعد:tease:
الزاجل بروحه يبي كفيل انا وين اطق براسي عقب ؟؟ العياييز مساكين ما لهم احد :rolleyes2:




تحياتي اخوي سهم ولد سهم





دام المكان فيرست كلاس ومافيه عدس ووجبات على كيف كيفك يعني تنصحيني اخذ هناك فترة نقاهه :discuss:

شوفي يالطيبه ترى مافيني شده على الجلد كلش قال لي الدكتور في مستشفى حمد يبي لك علاج طبيعي يعني مساج مو جلد الله يصلحنا وياك :nice:

بس شلون اقدم الطلب ؟؟ :rolleyes2::):)

[Index Signal]

تحية لج..> شسمج صعب مااعرف اقراه ؟

كراميلا :nice: <--- متابع من بعيد لبعيد :telephone:

[ضوى]

دام المكان فيرست كلاس ومافيه عدس ووجبات على كيف كيفك يعني تنصحيني اخذ هناك فترة نقاهه :discuss:

شوفي يالطيبه ترى مافيني شده على الجلد كلش قال لي الدكتور في مستشفى حمد يبي لك علاج طبيعي يعني مساج مو جلد الله يصلحنا وياك :nice:

بس شلون اقدم الطلب ؟؟ :rolleyes2::):)



:telephone::telephone::telephone:

[سهم بن سهم]

:telephone::telephone::telephone:




بل ماصدقت المره افا واناخوك :weeping::( ليش عاد ؟؟ :omen2:

شايب مافيني شده :)


صج عيوز تبي تفتك من الشايب :)

بس تعرفين في التحقيق باتهمك بانك المحرضه على الجريمه :tease::)

[الزاجل]

خذ رأئي (الشخصي)،بما إنه ما يمدح السوق إلا من ربح فيه،فالظاهر انهم ما عاد
يناسبونك،لذلك ما الله بحادك عليهم، أعمل مقارنة لأرخص الأسعار في السوق
وعقب أنت أعّرف.
أما (الميرة) إذا لك شيء عندهم..أخذه وحاول تنسحب بأقل الأضرار.
تحياتي،،،.

يا اخونا بو حظين
مب موضوع يناسبوني او اناسبهم
الموضوع انها شركة كبييييرة مب مشروع صغير
شكرة طغت على جمعيات الناس كلها كانت مبسوطة منها
فليش ما يحاولون انهم يردون لبسمة لويه الناس ؟
على الأقل هم الربحانين
بدل ما تزيد خسايرهم .
يعني ما يبون يعطونا كوبونات بلاها من كوبونات
خلهم ينافسون الأسعار اللي في السوق
يجذبون زباين بدل ما هم امطفشين الزباين الأساسين للجميعات السابقة .


السلام عليكم ..

انا ما عندي رقم مساهم .. لكن ما كنت اشتري الا من جمعية المنتزة بحكم انها قريبة من البيت
وبحكم اني تعودت على المكان وحفظت اماكن الأشياء اللي ابيها ..

وكنت احط أرقام المساهمين للربع عند الكاشير يعني منها اشتري اغراضي ومنها افيد ربعي
ومن عقب ما استوت ( ميرة ) قمت ما اروح لها الا نااادر .. من شهرين ومع غلاء الأسعار اظطريت آخذ بطاقة التموين وعرفت منهم ان التموين ينباع في فروع جمعية الميرة .. وهذا انا كل ما اروح ابي آخذ تمويني
اوقات يقول لي في شكر وباقي ألشياء خلصت .. اوقات يقول ما عندنا الا الدهن بس .. يننوني
بصراحة .. احسن ان الميرة تشرد الزبائن ما تقربهم
والله الفلة هي كلمة ( فلة ) من زمان ما قريتها على المنتديات لأن المرادف لها ( حلوة ) هي الأكثر شيوعا
وشكرا لك

يالسليطي بطاقة التموين اللحين ابشرك
صاروا يعطون
3 سكر
3 حليب..> والحليب صار سعره ارخص اللحين
3 عيش
3 زيت

ومب شرط اتروح صوب الميرة روح محلات ثانية
عندها التموين الحكومي ..

بصراحة رديت للتموين الحكومي
وصرت اخذ اللي اقدر نصيبي منه واحمد ربي عليه ..

عادنا نستخدم كلمة فلة كل يوم وكل حزة ..

وعفوا لك


نفس الشعور واللحظات http://www.qatarshares.com.qa/data/208/211/storm_804450078_958293600.gif



الزاجل الجمعيات صارت للهنود كل شي صار للهنود

حتى الشوارع

وما حب الجمعيات ولا احب ادخلها :(

الهنود في كل مكان مب بس في الجميعات
يعني عندك اللولو مالك محط ريل بسبتهم
ولكن مع هذا ادارة اللولو اجذبتهم واجذبت غيرهم


والله ياالزاجل ان كلامك في محلة

هذا كل اللي اقدر قولة عارف ليش ماخليتو شي خاطري اقولة لاقلتوة

شكرا على الموضوع اللي فعلا في محلة

العفو وشرفتنا بحضورك :nice:


الزاجل..
مواضيعك ترفع الضغط..
و تزيد الهم..
و تودي أبو زعبل One Way..!!
مابي أتكلم و أطلق العنان لقريحتي..
لأنك تعرف قريحتي ممكن تسبب لي قرحه من القهر..
حاسدين المواطن على هالكم ريال إللي تطلع له كل سنه و تعينه على مصاريف الشهر الفضيل..

الجمعيات إنباعت للميره و إللي إستفاد من هالموضوع إستفاد و طارت الطيور بأرزاقها..

أما إنت يالمواطن إبلع العافيه و صف دور مع الأسيويين في اللولو و كارفور ..!!

اسم الله على قريحتك من القراح .. :rolleyes2:

انزين اللي استفاد خله ربنا فوق ما بينساه
لكن ليش الموجود ما يتطور ؟

اللي راح راح
نبي انعدل الأوضاع لعيالنا والاجيال القادمة....> صرت اتكلم مثلهم
واركز على الأجيال القادمة :victory:

[abo rashid]

العوق زاد عن حده
كل شي صرنا نذكره ننضرب على العوق وبقوة
الله يرحم زمان أول بكل ما فيه وبكل من كانوا فيه ..[/QUOTE]

ايه

نقول زمان اول كان افضل


الربع متصافين
الحياه حلوة

بسيطه


حتى الحيا زاد عن حده ما قامت الناس تستحي مثل اول
اول ما نشوف الكاسيات العاريات الا في المجلات و لين سافرنا
اللحين
الله يرحم الحال
الغيره كانت موجوده على الاهل و بنات الفريج

اللحين الله يرحم الحال

[ضوى]

بل ماصدقت المره افا واناخوك :weeping::( ليش عاد ؟؟ :omen2:

شايب مافيني شده :)


صج عيوز تبي تفتك من الشايب :)

بس تعرفين في التحقيق باتهمك بانك المحرضه على الجريمه :tease::)



:eek5:

يبه ما قصدنا نفتن ، نقصد الله لا يهينك اتصل بحمد وخذ لك موعد :rolleyes2: ليش سوء الظن

[الزاجل]

ايه

نقول زمان اول كان افضل


الربع متصافين
الحياه حلوة

بسيطه


حتى الحيا زاد عن حده ما قامت الناس تستحي مثل اول
اول ما نشوف الكاسيات العاريات الا في المجلات و لين سافرنا
اللحين
الله يرحم الحال
الغيره كانت موجوده على الاهل و بنات الفريج

اللحين الله يرحم الحال

الله يرحمنا ويصفي قلوبنا
ويثبت فينا حبنا للخير ..


كراميلا :nice: <--- متابع من بعيد لبعيد :telephone:

ابيه اطلعت كراميلا
اتصدق تميت ادقق ابي اعرف شنهو اسمها ماعرفته..
شكرا لك

وفرصة سعيدة مزمزيلة كراميلة :victory:

[سهم بن سهم]

:eek5:

يبه ما قصدنا نفتن ، نقصد الله لا يهينك اتصل بحمد وخذ لك موعد :rolleyes2: ليش سوء الظن



مي سووووووورررررررري مدام :nice:

عاد المواعيد في حمد يبي لها واسطه ربي يسلمج :)

تصدقين اقرب موعد شهر 5 :secret::omg:

كله في صوب والاسنان في صوب ................ :telephone::rolleyes2:


طلعنا من الموضوع :)

[ضوى]

مي سووووووورررررررري مدام :nice:

عاد المواعيد في حمد يبي لها واسطه ربي يسلمج :)

تصدقين اقرب موعد شهر 5 :secret::omg:

كله في صوب والاسنان في صوب ................ :telephone::rolleyes2:


طلعنا من الموضوع :)


:secret::secret:

خربنا موضووع الزاجل سوري زاجلو :shy:


ياللا سي يو ، ابونا ينطرنا :shy:

في امان الله

[الزاجل]

أنا ما عندي رقم مساهم .. بغيت اشترك ذيك الأيام قالوا لي هات ملكية البيت وما ادري شنو .. عقدوا لي الموضوع وما اشتركت وأنا مب من رواد الميرة بس أثناء إجازتي اللي فاتت ومع أزمة البيض .. الميرة وفرت البيض الاردني بسعر 17,75 ريال وكان هذا سبب للتردد على الجمعيه وكلمة حق اقولها في سعر بضاعه موجوده في الميره لقيتها اقل من دسمان وهي حليب صافيو وسعره 5,50 ريال بينما في دسمان سعره 7 ريال

http://www.alsafi-danone.com.sa/images/Safio-Eng-range.gif

..............

يسلمووووووووووو



الله يسلمك يا انسان ..
تشكر على هالمداخلة .. نتمنى ان الميرة تنافس الأسعار في كل شي
مب بس في البيض وحليب صافيو .. بس للأسف ان نشرة الأسعار
هي اللي اتخلي الميرة في ذيل القائمة من حيث الرخص ..





شكرا لك
عفوا لك


هيييييه لو اترد ايام زمااااان جان الكل مرتاح

بس شنقول خلوها على الله

يبه خلكم على جمعية المنتزه واخوي

الميره صارلي يمكن اكثر من 8 سنوات

ماطبيته لاكن المنتزه كل اغراض البيت من هناك اخوي

خله على الله يبه (ان طاعك الزمن ولا طيعه)

واللي يقولك الزمن تغير والله مايعرف شي

لان الناس اهي اللي اتغير ولا الزمن عاده مثل ماهو ماتغير اخوي

مشكور لطرحك هالموضوع اخوي موفق بذن الله
صحيح يا امير المحبة
الناس هم اللي يتغيرون ويسجلون التغيير باسم الزمن
من جذيه نشتاق لأيام زمان لأشتياقنا لناس ايام زمان

العفوا واهلا وسهلا بك


خطوة غبية ماقامت به وزارة الاقتصاد الا وهي مصادره الجمعيات التعاونية وذالك بدون قوة القانون
الفكرة التي تقوم عليها الجمعيات التعاونية هي تجارة تعاونية تكافلية في المجتمع حيث كانت الجمعية مؤسسة ربحية مجتمعية

اما الان فالمستفيديون ليس المساهمين في الجمعيات واليس الناس ولكن التاليين:

الشركة التي صممت الشعار الفاشل للجمعية بالملايين .
المدير العام براتب يتجاوز 88الف ومدراء أخريين عددهم 23 يتجاوز مجموع رواتبهم الشهرية 2300000 شهريا .
وزارة الاقتصاد (بأعتبار ماحصل مشروع تعتبر الوزارة انها نجحت في أدارته

ردولنا جمعيتنا وخذو مقصكم ومشباكم

مشكور أخي الغالي الزاجل على الدعوة الكريمة

خطوة غبية يا اخونا هيتش
وكلن ممكن تصحيح هالخطوة ؟

هذا ما نتمناه .. والعفو وشكرا لك على تلبية الدعوة ..


مب الميرة شركة مساهمة من اشتراكات الناس ام ملك للدولة

سبب بعد الناس هو وجود منافسين للميرة مثل كارفور والولو و المخازن الكبرى ولم توجد سابقا
وبأسعار ارخص
هي كانت مدعومة من الدولة.. ولها راس مال محترم
والناس ساهموا ايضا ..
بس المشكلة اللحين لما تحولتمن جميعات تعاونية
صارت ما تنافس شي ..

مع طلوع كارفور
شفنا بعض الخطوات الايجابية من قبل جمعية المنتزة
زادات عروضهم المجانية .. وصاروا يحاولون انهم
ينافسون كارفور ..
لكن اللحين الميرة تنافس نفسها ..



:telephone:


اهم شي عندي اللي يقدم احسن خدمه !!

والصراحه جمعياتنا التعاونية خدمتهااا صفر

هذا هو لب الموضوع

[Index Signal]

اسم الله على قريحتك من القراح .. :rolleyes2:

انزين اللي استفاد خله ربنا فوق ما بينساه
لكن ليش الموجود ما يتطور ؟

اللي راح راح
نبي انعدل الأوضاع لعيالنا والاجيال القادمة....> صرت اتكلم مثلهم
واركز على الأجيال القادمة :victory:

عزيزي الزاجل..

إسمحلي أقتبس كلام لأخونا الخبير العقاري بو حارب في أحد مواضيعه :




في البيوت الجاهزة { التجاريه } يكون التشطيب على مستوى راقي

وتكون السرقه في كميات الحديد والخرسانه لأن التوفير فيها أكبر:telephone:

يعني الاشخاص إللي إستفادوا من تحويل الجمعيات إلى الميره أقدر اشبههم بمقاولين البنيان التجاري..

يعني إهتمامهم يكون بالشعار و المدير الحمر أبو بدله و إللي يمثلون الكماليات و التشطيبات في البيت التجاري إللي تغطي على الأساس المغشوش المتمثل في محاولة توفير مصاريف التخطيط في جيوبهم لأن عيوب هذه التخطيط الفاشل ( إن وجد تخطيط من الأساس ) لن تظهر إلا بعد بيع الجمعيات و تحويلها للميره و ممارستها لعملها و ساعتها بتكون الطيور طارت بأرزاقها و بيكون الفاس طاح بالراس مثل ما حدث الآن.. تماماً مثل تصدع البيت التجاري بعد فتره قصيره من شرائه..

المقاول باع البيت و إستفاد و ما همه لو البيت يخر ماي أو تشققت الطوف أو حتى طاح البيت فوق روس أهله..!!

أتمنى يكون التشبيه واضح لك و للجميع.

[الزاجل]

عزيزي الزاجل..

إسمحلي أقتبس كلام لأخونا الخبير العقاري بو حارب في أحد مواضيعه :



يعني الاشخاص إللي إستفادوا من تحويل الجمعيات إلى الميره أقدر اشبههم بمقاولين البنيان التجاري..

يعني إهتمامهم يكون بالشعار و المدير الحمر أبو بدله و إللي يمثلون الكماليات و التشطيبات في البيت التجاري إللي تغطي على الأساس المغشوش المتمثل في محاولة توفير مصاريف التخطيط في جيوبهم لأن عيوب هذه التخطيط الفاشل ( إن وجد تخطيط من الأساس ) لن تظهر إلا بعد بيع الجمعيات و تحويلها للميره و ممارستها لعملها و ساعتها بتكون الطيور طارت بأرزاقها و بيكون الفاس طاح بالراس مثل ما حدث الآن.. تماماً مثل تصدع البيت التجاري بعد فتره قصيره من شرائه..

المقاول باع البيت و إستفاد و ما همه لو البيت يخر ماي أو تشققت الطوف أو حتى طاح البيت فوق روس أهله..!!

أتمنى يكون التشبيه واضح لك و للجميع.

فرجت قريحتك بما يتوافق مع المتطلبات الحديثة
للصراحة ..
واعتقد اننا جميعا نسير في قارب واحد
ونتطلع الى السير قدما في طريق القضاء على
المرتزقة الذين يعتمدون على قوتهم
من أكل ارزاق الآخرين ..
وسنضرب بيد من حديد لكل من تسول له نفسه
بالتلاعب في اموال الناس ..

تصريح رسمي من مسؤول رفيع المستوى

شكرا لكم
الزاجل
مسؤول كبير في دائرة الكذب على العالم

[Index Signal]

فرجت قريحتك بما يتوافق مع المتطلبات الحديثة
للصراحة ..
واعتقد اننا جميعا نسير في قارب واحد
ونتطلع الى السير قدما في طريق القضاء على
المرتزقة الذين يعتمدون على قوتهم
من أكل ارزاق الآخرين ..
وسنضرب بيد من حديد لكل من تسول له نفسه
بالتلاعب في اموال الناس ..

تصريح رسمي من مسؤول رفيع المستوى

شكرا لكم
الزاجل
مسؤول كبير في دائرة الكذب على العالم

صحيح إنهم مرتزقه لكن من نوع خاص

فوق مستوى المسائله..!! :secret:

لكن بيجيهم يوم ما ينفعهم فيه لا منصب ولا جاه في يوم نكون كلنا سواسيه أمام الله تعالى.

[امل الحب]

:rolleyes2:

قريت الموضوع كله

وبعد الاخذ والرد بيني وبين نفسي

اعتقد يامسيو زاجل

بأني من مقاطعين الجمعية من يوم مااصبحت تحت مسمى الميرة

الجمعية قبل كانت حلوة تفتح النفس وكل شي فيها

حتى الي ماتتوقع تلاقيه

اما الحين

واحسرتاه على الزمن الجميل:(

صرت اكسل اروح اتسوق والسبب ان

الجمعية القريبة مافيها شي :secret:

فلازم اتعنا الى مكان ثاني وادخل فالزحمة ... الخ

عشان اوصل الهدف المنشود

لذلك نقول ان الميرة لازم تراجع حساباتها الف مرة :anger1:

اسعار غالية وكل الاغراض ناقصة

ليش اسمها جمعية مدام الاغراض ناقصة وبروح ادورها من مكان ثاني :anger1:

لا ومغبرة وتيب المرض:anger1:

محد باقي في جمعيتنا من اثار السابق الا الي يحاسبون والمراقب .. الله يخليهم يذكروني بالماضي :shy:

تبي الصج كل شي قاعد يتغير بسرعة كبيرة الله يستر من الياي :secret:


ونعتذر على التاخير توني اشوف :rolleyes2:
شكرا لك :omen2:

[المهاجر]

وطر مضى يالزاااجل

لن يعووود ابدا

فالجمعيات التعاونيه كانت بالفعل المكان الذي يستهوينا ولا نفكر في غيره ابدا

الميره اصبحت مره ولا طعم لها ولا رائحه

اخبر كانت جمعيه المنتزه هي الجمعيه المفضله عندي رغم بعد المسافه
وكنت اروووح لها اخر الليل اشتري كل اغراض البيت منها

والله يالزاجل ذكرتنا بوقت مضى

وخصوصا بالكوبونات والارباح اللي كانت توزع علينا كنا نحس ان فلوسنا ما تروح بعيد
على قولة المثل دهنا في مكبتنا

تحياتي لك

[الخيميائي]

بويوسف وين الخلل ؟
شركة كبيرة مثل الميرة
ميزانية عملاقة
واماكن جاهزة من غير تكاليف بناء
كل شي مسخر لهم .. ليش مثل هالأمور اللي
مستائين احنا منها ما لفتت نظر مسؤول
رفيع المستوى في وزارة الاقتصاد والتجارة ؟

ليش
مقالات الصحفي احمد علي
ما حركت شي في الميرة ؟

ليش كل شي عندنا يسير مثل ما هو عليه دون تعديل ؟
ليش
ليش
ليش
:weeping:


ايه فيه
شوارع الدوحة :nice:
من حفرة الى حفرة الى حفر



اللحين يا ابو الجوري
الدكان صار ارخص من الميرة على حسب اخر
كلام سمعته من واحد من الربع ..
بالفعل لازم يكون هناك جلسة مصارحة ومكافخة
من حقنا نطلع على املاكنا ...> عندي اسهم في الشركة هذي
خاطري يطرحونها وابيعها هم على قلبي هالشركة
ومالي خاطر اتم فيها .. :secret:....> ما عليكم منه يدور البيزة هاليومين لو يبع ملابسه ..:rolleyes2:




يا الله اخذوا تكلم روميو ...> الناس متضررين ماديا والأخ يتكلم
عن ارتباطاته العاطفية :omen2:

اقول قبل ما اتطالب بتسليمك الميرة
ارجع لسجلك في سوق الأوراق المالية
وكيفية ادارة امحِفظك :victory:

:shy:

اوبسسسسسس

لا في فرق ياخي هذي تجارة ذيك مغامرة او بالاخص مقامرة ولكن مشروعة :secret:

وصدقني قدرتها التنافسية مع قاعدتها الجماهيرية كبيرة جدا وممكن تنافس

بس محتاجة ناس يفكرون صح ويعرفون بالتسويق

على فكرة انا مرة حضرت اجتماع الجمعية العمومية لجمعية فريجنا القديم تحب اذكر لك وش صار قمة الشفافية والانتقادات ياليت نشوف مثلها هالايام :p

وشكرا :secret:

[بكل هدوء]

وين ايام زمان

الله يرحم

[شاي كرك]

أقول الزاجل ..انا استانست يوم كتبت ( دعوة مجانية لا تفوتها ) :rolleyes: ذكرتني بايام الهدايا المجانية إلي تجيك بالعرض الخاص مال جمعية الدفنة .. عفوا الميرة .. كانت صج هدايا .. تشتري الغرض وانت ربحان ..


عالعموم مرة من المرات رحت استلم تشيك الارباح ... ( على أيام عز الجمعيات ) إلا واتفاجأ بالمبلغ إلي حاطينه بالتشيك يادوب تصب فيه بترول (عاد مصختها عاد :thumbdown:... شدعوه راكب يخت) .... المهم إلا واحد من المساهمين يجط كلمة وهو محرك (مبروك عليكم مظلات السيارات ) ..


نقطة اخيرة .. رفيجي يشتغل بالبنك المركزي .. سألته :con2:: (انتوا غيرتوا عملة النص ريال.. لعلوج بو ربع) ..:confused:


شاكر لك دعوتك ..

[abo rashid]

امي الله يخليها و يخلي لكم انهاتكم
لين اللحين اغراضها من الجمعيه ما تعرف كرفور و احد غير الجمعيه

[دلة الرسلان]

كلامك صحيح اخوي الزاجل اول نشتري من الجمعيات لأننا نحس ان دهنا في مكبتنا :)

بس الحين ما فيه شيء يدفعني اشتري من الميرة - حتى اسمها احسه مفتعل - اسعارها غالية

وبضاعتها ليست بذلك التنوع او الجودة بس الرك ع الأسعار لذلك لا اشتري منها محلي المفضل

فاملي فود سنتر الأصلي - والمخازن الكبرى .

[mubarak2000]

كلامك صحيح اخوي الزاجل اول نشتري من الجمعيات لأننا نحس ان دهنا في مكبتنا :)

بس الحين ما فيه شيء يدفعني اشتري من الميرة - حتى اسمها احسه مفتعل - اسعارها غالية

وبضاعتها ليست بذلك التنوع او الجودة بس الرك ع الأسعار لذلك لا اشتري منها محلي المفضل

فاملي فود سنتر الأصلي - والمخازن الكبرى .

عندهم مباني واراضي ببلاش من الدولة يعني بدون اجار وابيعون نفس المحلات الثانية يعني فية مشكلة ,يعني اطالب وزير الاقتصاد بتقديم استقالتة بعد الفشل .

[أم أبراهيم]

أنا أشوف أي حاجه مربوطه بوازارة الأقتصاد

يصير فيها أهمال ولا مبالاة وفساد وحتكار

وممطالة وكل حاجه يصير سري في الدولة :anger1:

أما بخصوص جمعيه الميرة أفضل تطرح للأكتتاب عام للمواطنين

لتزيد ميزانيتها

وتتوسع .... وتغير من أدارتها

وتنوع من بضائعها .

[MoHaMmEd114]

ماعندي خبره :( في الجمعيات التعاونية ولافي الميرة الله يخلي المخازن الكبرى

[امـ حمد]

مشكور يااخي الزاجل علي الموضوع

وكلامك كله صحيح كنا نشتري ونحط رقم المساهم

وكنا ناخذ ارباح في نهايه العام وكانت ارباح ممتازه لان كل الاهل يحطون في الرفم

لكن هلحين وين زمن اول وزمن اول تحول للاسوا

الله كريم لكن السنه ما في ارباح ولا شلون

[الجني]

تدري ليش يالزاجل الميرة غير

لأن الجمعية تعاونية

و الميرة اصبحت ربحيت ييزها من ييز كارفور


المفروض ترجع مثل ما كانت

[عزوز المضارب]

جمعيه الميره لا تختلف ابدا عن مراكز الاغذيه الاخرى من ناحيه الربحيه
والاسعار لا تختلف ولكن الاختلاف في المراكز الاخرى للاسف اصبح
افضل من ناحيه التعامل ومن ناحيه جوده المعروض وتوافره
ومن ناحيه ثانيه اكثر واهم في رايي الا وهي المراكز الاخرى
تخاف اكثر بكثير من مفتشين الصحه بعكس الميره

انشنتيه اخوي الزاجل وموضوعك كبير :victory:

[الوعد2016]

الميره اغلا من المحلات الاخر والمجمعات التجاريه مثل كارفور والمخازن ولولو وغيرها واغلاء من الروابي

[الزاجل]

شكرا لكل من تجاوب وشارك في الموضوع .
جزاكم الله خير الجزاء ..

وتم بحمد الله وعونه
ونغلق التواصل في الموضوع ..