سدرة
11-03-2008, 04:39 PM
صدر للكاتبة والشاعرة والمصورة سهلة ال سعد الجزء الثاني من ديوانها ( كلمات وصور )
وهو يحتوي على قصائد مؤثرة وصور رائعة وكان قد صدر الجزء الأول من الكتاب من بضع سنوات ولكنهم يباعون معا في غلاف واحد الآن ، وحبيت أنقل لكم بعض القصائد من الجزء الثاني :
( انتظرتك )
انتظرتك ليما صارت للمسا روح العجايز
وليما بللني المطر وطهر حشاي
وليما طوقني الألم .. والأمل جايز
وليما ملت من كثر صمتي شفاي
وليما عيني من التعب عجزت تمايز
مابين أطياف المسا.. وطيف معاي
وانتظرتك في الهوى لاتظن فايز
منهو يخسرني أنا ويخسر صفاي
( فيه مراكب ماتعود )
شكرا لأنك خنتني
شكرا لأنك ماوفيت
بخيانتك .. علمتني
إن الوفا
ماينلقى بأرض الجحود
وان الدفا
ماتنجبه أحضان يطويها البرود
وإن السواحل تنتظر قفالها
بس فيه مراكب ماتعود
شكرا لأنك خنتني
شكرا لأنك ماوفيت
بخيانتك .. حررتني
وفتحت لي باب جديد
ماكان ممكن أفتحه
وريتني كيف الجمر
لما يغطيه الرماد.. وتنفخه
يطلع جمر
وكيف الحياة تسحق وتطحن في البشر
طحن الرحى
بس الذكي يقدر من ثقوبها يمر
وان العمر اللي نظنه انمحى
يبدأ من أطرافه عمر
بخيانتك .. علمتني ان الحياة
مو كلها فل وورود
وان القلوب مو كلها
تصدق وتوفي بالوعود
وان المشاعر بعضها
يذبل ويجتاحه برود
وان السواحل تنتظر
بس فيه مراكب .. ماتعود
ويمكن انقل لكم بعدين قصيدة عنوانها ( الرجل ) بس أولا أبي ردودكم
*************************************************
وهو يحتوي على قصائد مؤثرة وصور رائعة وكان قد صدر الجزء الأول من الكتاب من بضع سنوات ولكنهم يباعون معا في غلاف واحد الآن ، وحبيت أنقل لكم بعض القصائد من الجزء الثاني :
( انتظرتك )
انتظرتك ليما صارت للمسا روح العجايز
وليما بللني المطر وطهر حشاي
وليما طوقني الألم .. والأمل جايز
وليما ملت من كثر صمتي شفاي
وليما عيني من التعب عجزت تمايز
مابين أطياف المسا.. وطيف معاي
وانتظرتك في الهوى لاتظن فايز
منهو يخسرني أنا ويخسر صفاي
( فيه مراكب ماتعود )
شكرا لأنك خنتني
شكرا لأنك ماوفيت
بخيانتك .. علمتني
إن الوفا
ماينلقى بأرض الجحود
وان الدفا
ماتنجبه أحضان يطويها البرود
وإن السواحل تنتظر قفالها
بس فيه مراكب ماتعود
شكرا لأنك خنتني
شكرا لأنك ماوفيت
بخيانتك .. حررتني
وفتحت لي باب جديد
ماكان ممكن أفتحه
وريتني كيف الجمر
لما يغطيه الرماد.. وتنفخه
يطلع جمر
وكيف الحياة تسحق وتطحن في البشر
طحن الرحى
بس الذكي يقدر من ثقوبها يمر
وان العمر اللي نظنه انمحى
يبدأ من أطرافه عمر
بخيانتك .. علمتني ان الحياة
مو كلها فل وورود
وان القلوب مو كلها
تصدق وتوفي بالوعود
وان المشاعر بعضها
يذبل ويجتاحه برود
وان السواحل تنتظر
بس فيه مراكب .. ماتعود
ويمكن انقل لكم بعدين قصيدة عنوانها ( الرجل ) بس أولا أبي ردودكم
*************************************************