مستوى بعض الخدمات في قطر سيئة ولا اقل؟

[KmSm]

السلام عليكم ورحمة الله وبركاته

في البدايه اسمحولي ما لقيت كلمات معبره اكثر للعنوان و انا عضو يديد ما ادري اذا سبق وناقشتوا هالموضوع فـ اسمحولي اذا كان الموضوع مكرر.

ثانيا احب امسي بالخير على كل اعضاء و مشرفي هذا المنتدى المتميز.


في هذا الموضوع احب اعلق على بعض الخدمات والانظمه الموجوده حاليه في الدوحه
وانا متاكد ان كلكم اصحاب خبره اكبر مني وعندكم تجارب وملاحضات اكثر مني
هذي4 امثله بسيطه
واتمنى اذا حد عنده غيرها يشاركنا فيها


1

تعال اطلب من مطعم ، كم يبيلك عشان تدلي الدلفري بيتك؟

..... وانت جاي من هالدوار بيجيك بيت بنفسجي اللفه الي بعد الي بعدها ، حذ يمين بعدين لين اخر الشارع يسار >>> البيت الي بعد البيت الي جدامه طراد ..............

وبعظ البيوت في الدوحه ما عليها ارقام اصلا ( بيتنا ساكنين فيه من 12 سنه لين يومك ما عليه رقم )

على مثل هذا الشرح متى بيوصل صاحبنا

لكن تعال ناخذ امريكا مثلا
تعطيه رقم البيت واسم الشارع والزب كود
وبس

غير انك تطلب من بعض المطاعم اونلاين ويعطيك تراكنج، وين طلبك ، في الفرن ولا في الدرب

لكن مستحيل تتطور خدمات توصلي المنازل في قطر
دام احنا ما نمشي نظام الادرس و الزب كود

2

البريد

الحين احنا يايبين اعداد خياليه من العماله الوافده
متعايزين تكملون احسانكم تيبون كمن واحد زياده يوصل البريد لين البيوت

3

النصب في اسعار البضائع(عدم وجود سعر ثابت)

انا ما اتكل عن يوم تروح حلاق يحلقك بـ 30 ويحلق لربعه الهنود بـ5

انا اتكلم عن يوم انك تروح تشتري غتره هذا يبيعها بـ 150 والي جنبه بـ 100
ولو تروح مكتن ثاني تحصلها بـ 30

تعال نقارن بآمريكا

قول تبي تشتري سماعه وتبي تعرف سعرها
ببساطه تدش موقع الشركه المنتجه للسلعه وتشوف السعر
واذا شفتها في محل تقدر تعرف اذا هو رافع السعر ولا السعر نفسه

يعني في مرجع ترجعله عشان تعرف هالسلعه كم قيمتها الصجيه

لكن خلنا نشتري هالغتر الي بالاميات اخد شي يطلع سعرها 20 ريال بس رفيق حط السعر الي يعجبه


4

التسوق عبر الانترن

شنو قمة الراحه يوم تشتري شي اون لاين وبعد كمن يوم وانت راد من الدوام تحصل بكج عند باب بيتك ينطرك

بس اصلا احنا ما عندنا مواقع تبيع اونلاين

طبعا لا سمح الله واحد شرى شي اونلاين بيوصله على صندوق البريد
ولازم يطلع بسيارته لين مبنى البريد عشان ياخذ الغرض الي شراه

فـ خلاص خله يروح يدور بين المحلات يدور الشي الي يبيه بالسعر الي يبيه
اسهل


ــــــــــــــــ


ادري ان هذي الامثله ولا شي بالنسبه لتدني مستوى الخدمات الي عندنا

واتمنى انكم تشاركونيي بآرائكم

[حبر سري]

طبعا هالشي يدل على ان قطر اسوأ دولة في العالم ومافيها اي تخطيط ودولة كلها فساد وضياع!!!!هذا اللي تبي تقوله؟؟؟؟

يااخوان والله عيب عليكم , ماشبعتوا ترزيل في دولتكم؟؟؟؟

الدولة فيها سلبيات , بس هل هي كل شي؟؟ اكيد فيها ايجابيات

والله لو اني مب قطري كان صدقت فعلا انها اسوا بلاد في الكون !!!
كل المواضيع نقد في نقد!!!

والكل امسوي نفسه ضحية , وانه هو اللي ايجاهد علشان يعيش!!!

اذا احنا عيال البلد سوينا جذيه , وشخلينا حق اعداء البلد؟؟؟؟؟؟!!!!!


كل المواضيع نقد في نقد , والمشكلة تجريح في البلد بشكل قوي , طيب البلد فيها عيوب مثل غيرها ماقلنا شي , بس هل كلها عيوب في عيوب؟؟؟ هل هذا هو الاسلوب الامثل لحل مثل هالمشاكل؟؟؟؟
طبعا انا ماقلت لاتتكلمون , تكلموا , بس جذيه عاد؟؟؟ مابقا موضوع في المنتدى الا وجرّح في البلاد؟؟؟ البلاد اللي نتشرف بانتمائنا لها

مااقول الا :
لاحول ولا قوة الا بالله

[KmSm]

اخوي حبر سري:

انا معاك ان في ايجابيات وسلبيات

لكن نحن مب بس نستانس ان عندنا ايجابيات ونسكت

دام عندنا القدره ان انحل السلبيات ليش ما نتناقش فيها

انا اقول ان قطاع الخدمات لازم نطوره
صرت مجرم؟

انا اشوف ان الاجرام ان ما نفكر في التطوير ونسكت عن العيوب

[حبر سري]

اخوي حبر سري:

انا معاك ان في ايجابيات وسلبيات

لكن نحن مب بس نستانس ان عندنا ايجابيات ونسكت

دام عندنا القدره ان انحل السلبيات ليش ما نتناقش فيها

انا اقول ان قطاع الخدمات لازم نطوره
صرت مجرم؟

انا اشوف ان الاجرام ان ما نفكر في التطوير ونسكت عن العيوب

اخوي خلنا واقعيين

شوف مواضيع المنتدى واحكم , كلها نقد في نقد , والله نقد وباسلوب جارح

وشوف الاسلوب

مع احترامي لك اخوي , هل اتشوف كلمة زفت في محلها؟؟ حتى لو مالقيت غيرها

اخوي

ارجع واقول لك لازم ننتقد , وانا ضد السكوت على الخطأ , بس تجريح ليل مع نهار وكن الدولة صارت مجرمة واحنا ضحايا , فهذا شي غير مقبول وغير معقول اصلا

وهل اتشوف اصلا ان بالاسلوب هذا بينحل شي؟؟؟ ماابي اجابة لكن خلك صريح على الاقل مع نفسك

اخوي قطر فيها سلبيات مثل غيرها من الدول , لكن بعد فيها ايجابيات , لكن احنا تعودنا ان انسوي نفسنا الضحية والكل ضدنا , واحنا والله عايشين في خير وعمة الله يديمها علينا يارب , حتى مع وجود السيئات والعيوب

وبصراحة اخوي , لو اي شخص غير عارف ببواطن الامور قرا الكلام في المنتدى:
القضاء فاسدين !!!!
الحكومة هي اللي سببت الغلاء علشان الهوامير !!!!
مانحتفل بالمناسبات الدينية ونحتفل بغيرها !!!!
الفساد الاخلاقي منتشر في كل مكان!!!!!
الحكومة مخلية عيالها وتصرف على عيال غيرها!!!
مستشفى حمد كله ضياع في ضياع!!!!


تفتكر اللي يقرا مثل هالكلام , وشراح يقول عن البلاد؟؟؟؟؟؟؟؟؟؟؟؟؟

[بدور]

الله يرحمه ويغفر له اللي قال سكان قطر عماره وحده وبسسسس


اخوي انا معاك الخدمات في مستوى الزفت

ولكن خطأك قارنت قطر بأمريكا من ناحية الخدمات

عالاقل كان قارنتنا بالصومال او دوله في مستوانا يا خوي

اي خدمات اي زفت يكفي شوارعنا اللي كل من يتطنز عليها وين خدماتها ؟؟؟نستحي نقول

لمعارفنا في دول ثانيه زورونا ؟؟؟ من كثر مايسألون شخبار شوارعكم :rolleyes2:

وين وين وين وين وين وين ؟؟؟؟؟ كل شيء زفت في زفت :(

[KmSm]

اخوي حبر سري:

انا حطيت الموضوع في منتدى الاسهم القطريه
لان انا وانت نعرف ان وايد من الي يدشون من الناس الواصلين

يعني هني من الاماكن الوحيده الي نقدك حد له شغل بيسمعه
وكل الي ينتقدون هني عندهم غيره على بلدهم
ويبون لها التطور

لو انتقدنا في اي مكان ثاني هني انت تجرح على الفاضي

ــــــ
وين تبي توصل معاي؟
مستوى الخدمات زفت شنو بعد

واذا ما كان في حطط لتطوير المستوى لازم ننبه بعضنا
نبدآ ندور حلول

[بدور]

وبصراحة اخوي , لو اي شخص غير عارف ببواطن الامور قرا الكلام في المنتدى:
القضاء فاسدين !!!!
الحكومة هي اللي سببت الغلاء علشان الهوامير !!!!
مانحتفل بالمناسبات الدينية ونحتفل بغيرها !!!!
الفساد الاخلاقي منتشر في كل مكان!!!!!
الحكومة مخلية عيالها وتصرف على عيال غيرها!!!
مستشفى حمد كله ضياع في ضياع!!!!


تفتكر اللي يقرا مثل هالكلام , وشراح يقول عن البلاد؟؟؟؟؟؟؟؟؟؟؟؟؟


اخوي بسألك يعني الكلام اللي انت ذكرته هذا مش موجود

اسمح لي موجود وكل من على ارض قطر يعيشه ويحس فيه ويعاني

شوف وضع القطري وين وال؟؟؟ وين وشوف كل بيت كم عاطل عن العمل فيه

واللي احالوه على البند وهم صغار في السن

واسمع وطني الحبيب وكم عجوز تصرخ وكم شيبه يبكي وهم قطريين

وليش نبي نخش هالمعاناة .... القطري في أسوأ حال يا خوي

[أم أبراهيم]

- ولا تنسى خدمة الأنترنت سيئة وبطيئة الصراحة .

- والمشكلة لين عندك معاملة و تتصل لأي وزارة أو مؤسسة أو هيئة في الدولة .

محد يرد قال أيش ... قال ( خدمه الألكترونية ترد على المتصلين ) !!

تخسر أكثر من 10 ريالات وانت تنتظر على الفاضي بدون نتيجه . حاجه ترفع الضغط .

ولين أتروح لهم بالسيارة أتخلص الموضوع :

يردون عليك شكلنا لجنه لدراسة الموضوع ... !!! :tease:

أو أنتظر لشهر تموز عام 2500م !!! :eek5:

أو ممنوع ( ألا بالواسطه ) !!!:tease:

والخدمة السيئة تضيع من عمر المواطن والحصول على حقوقة

وتسبب الفساد وتنتشر الرشوى والوسطات ,...


ولكننا لا ننكر الخدمات الكثيرة الجيده التي تقدمها الدولة والحمد لله ولا نستطيع ذكرها هنا .

ولكن أشوف الحل هي مشاركة المواطن في الأنتخابات الشورى أو البرلمانية

وتطبيق نظام المحاسبة للجميع .

[بدور]

اخوي حبر سري:

انا حطيت الموضوع في منتدى الاسهم القطريه
لان انا وانت نعرف ان وايد من الي يدشون من الناس الواصلين

يعني هني من الاماكن الوحيده الي نقدك حد له شغل بيسمعه
وكل الي ينتقدون هني عندهم غيره على بلدهم
ويبون لها التطور

لو انتقدنا في اي مكان ثاني هني انت تجرح على الفاضي

ــــــ
وين تبي توصل معاي؟
مستوى الخدمات زفت شنو بعد

واذا ما كان في حطط لتطوير المستوى لازم ننبه بعضنا
نبدآ ندور حلول


فيه نقطه هامه بذكرها لك اخوي

اكبر المسئولين يدخلون هالمنتدى واكبر الشخصيات يدخلون والمجتمع المخلي يدخلون

هالمنتدى صار صوت القطري المقروء بلا منافس

ويشوفون المعاناة والانتقادات والكلام يوصل ويقرونه

ولكن هناك مقوله لاإذن تسمع ولا عين ترى

ما لنا الا الدعاء لله سبحانه وتعالى ان ييسر امورنا ويرحمنا برحمته فنحن تحت رحمة الله

[mooona]

الله يرحمه ويغفر له اللي قال سكان قطر عماره وحده وبسسسس


اخوي انا معاك الخدمات في مستوى الزفت

ولكن خطأك قارنت قطر بأمريكا من ناحية الخدمات

عالاقل كان قارنتنا بالصومال او دوله في مستوانا يا خوي

اي خدمات اي زفت يكفي شوارعنا اللي كل من يتطنز عليها وين خدماتها ؟؟؟نستحي نقول

لمعارفنا في دول ثانيه زورونا ؟؟؟ من كثر مايسألون شخبار شوارعكم :rolleyes2:

وين وين وين وين وين وين ؟؟؟؟؟ كل شيء زفت في زفت :(

:nice::nice::nice::nice:

[عبدالله العذبة]

الأخ العزيز KmSm وفقه الله

في الحقيقة موضوعك فيه تعميم و كان من الأفضل التطرق لكل مشكلة على حدة ...

و مستوى الخدمات في قطر يتفاوت و لا يمكن التعميم فهناك الخدمات الممتازة و المتوسطة و الرديئة ...

أوافق الأخ حبر سري في هذه النقطة و اختيار كلمت زفت أرى أنها في غير محلها و استفزازية ..

[KmSm]

Arabian

اعارضك الراي اني عممت

انا كنت دقيق يوم قلت ان البيوت يبيلها ادرس
انا كنت دقيق يوم قلت مافي خدمات تسوق بالنت
انا كنت دقيق يوم قلت البيوت مب مهم اذا عليها ارقام ولا لا
انا كنت دقيق يوم قلت نظام صندوق البريد ما عاد ينفع

[التيما]

صدقت والله أخوي .. فعلا المشكله ان هالخدمات تافهه يعني يقدرون يوفرون امتياز فيها بس هو قله اهتمام منهم .. لان كوننا في القرن الواحد والعشرين وللحين شوارع البلد في اغلبيتها مالها اسم والبيوت من غير ارقام جنا الا نتكلم عن بلد مساحتها فوق 100 الف كيلو متر مب 11 الف ! شي يفشل صراحة ..

[Affable Lady]

كلامك صحيح .. وإن كان لي تحفظ على الطرح والكلمة المستخدمة..

فلا بد أن نكون موضوعيين في الرؤية والطرح :)

وما ألومك .. يبدو لي أنك تدرس بامريكا .... ,ومفتون بالمدنية الأمريكية

والمقارنة تفرض نفسها عليك وعلى كل من يعيش هناك ..

ما وصلت أمريكا لما هي عليه إلا بمرورها لما نحن عليه الآن...!

والتطور والتقدم قادم لمحاله .. وفي بلد مثل قطر ... فالتطور آتٍ بخطوات وثابة إن شاءالله


وتبقى

بلادي وإن جارت علي عزيزة :victory::victory:،،،

[KmSm]

التيما
اخيرا حد معاي عل موجه

هاي الي انا ابي اوصل له

ان بسيط التطوير بس مافي حد يبي يتعب نفسه

[KmSm]

ما وصلت أمريكا لما هي عليه إلا بمرورها لما نحن عليه الآن...!
[/COLOR]


ما تضنين ان جا الوقت ان نروح للمرحله الي بعد هذي المرحله
اضن ان نحن نقدر بس ليش محد يبي يتحرك

[المخباط]

ولا تزعل ياحبر سري في كل ديرة الزين والشين مش بلادنا بس (خلهم يتدربون حق البرلمان)
و من حقه الادلاء برأيه واكيد يحب بلادة مثله مثل اي عضو يشارك في المنتدى
وغيرتك في محلها لو ادلى برايه في منتديات غير قطريه

بالنسبه لموضوعك
المفروض انه كل ارض وشارع حتى لو ماانبنت يكون لها رقم واسم بس
الجماعه يقولون( من قل همه نساني اياة )غاصين بالشوارع لحد الحين الله يعينهم

[Affable Lady]

ما تضنين ان جا الوقت ان نروح للمرحله الي بعد هذي المرحله
اضن ان نحن نقدر بس ليش محد يبي يتحرك



نعم جاء... ولابد أن نكون في المرحلة اللي بعد بعدها ...

ولكن هناك فرق بيننا وبين أمريكا .. في العقلية والمدنية وأشياء أخرى

ما أبي أغزر في التحليل عشان مايطلع الموضوع عن مساره

ولكن المراقب للوضع يجد أن التطور بقطر بشكل عام يتحرك بخطوات وثابة ...

يعني يمكن ننتقل للمرحلة اللي بعد بعدها على طول :fight:

[KmSm]

ولكن هناك فرق بيننا وبين أمريكا .. في العقلية والمدنية وأشياء أخرى
:fight:

اي عقليه؟ واي مدنيه؟

ليش شو عندهم ما عندنا؟

[ابوسعود]

نعم ياخوان الخدمه تصل الى ادنى مستوى الى درجة

ماقاله (( زفت )) وانااعتقد انه من حقه ان يصفها بهذا الوصف

لان الكثير من الخدماااات المقدمه لا ترتقي الى الافضل

ولم اجد خدمه واحده لدينا كامله من جميع النواحي

ونمثل هنا مثال ولله المثال

دبي - حكومه تتعامل مع جميع الخدمات بصدق وجديه وبنفس المستوى

لاتهتم في خدمه معينه على حساب خدمات اخرى

واتمنى ان اجد هذا الجد والمصداقيه في حل مشاكل الخدمات لدينا

والاهتماااال بجميع الخدمات بنفس الاهميه وعدم تهميش اي منها

واوفق الاخ صاحب الموضوع على رايه

[قطريه فلته]

والله ودنا نتفاخر ببلادنا لكن شنقوول عن الجماعه ... الله يعينا

على هالطاري يوم كنت في امريكا خذت مايكرويف من احد المحلات

وبعد ست شهور صار قديم وقلت ابي اغيره رحت لنفس المحل وقلت باشوف

الموديلات الجديده ويوم شريت لي واحد ورحت احاسب قالي الي على الكاشير

انتي عندج رقم عندنا قلت له لا بس انا ماخذه مايكرويف من قبل قال لي ممكن

الاسم وعطته اسمي وقالي ليش تدفعين 90 دولار انتي عندج القبلي قالي خلاص

انتي ساكنه نفس العنوان قلت له اي قال خلاص روحي البيت واحنا بنجيبه لج

وفعلن رحت البيت الا المندب جاي وسئلني عن المايكرويف القبلي اذا هو عندي

فرحت جبته له وخذ مني 25 دولار مقابل الجديد .

قارنوا هالسالفه وتعتبر اقل واكبر فرق بينا وبينهم

واسمحوا لي على الأطاله

[KmSm]

قطريه فلته
مثالج حلو وفي محله

هذا وبعد يوم تجي تدفع في مكان يشوف الستيودنت كارد في بوكك يقولك صبر
انت طالب لك ستيودنت دسكاونت

بدون ما انت تتكلم

هذا شنو مستحيل يصير عندنا

[simsim1963]

اصلا احنا افضل حال من كثير من الدول على سبيل المثال الامن موجود في امريكا هالشئ غير موجود الا في افلام هوليود في الاخير يمسكون القاتل بس في الحقيقه غير ... طيب مستوى الخدمات الاخرى شوارع مقبوله ماء + كهرباء متوفرة للكل اتصالات مقبوله ... والبلد بدأت التطوير الحقيقي والنهضه الجبارة عام 1996 يعني انا اقول عطنا خمس سنوات وتغيير اسلوب الادارة والبيروقراطيه وبنتحول الى دوله مؤسسات وبنكون احسن من امريكا

[المؤشرالاخضر]

والله ودنا نتفاخر ببلادنا لكن شنقوول عن الجماعه ... الله يعينا

على هالطاري يوم كنت في امريكا خذت مايكرويف من احد المحلات

وبعد ست شهور صار قديم وقلت ابي اغيره رحت لنفس المحل وقلت باشوف

الموديلات الجديده ويوم شريت لي واحد ورحت احاسب قالي الي على الكاشير

انتي عندج رقم عندنا قلت له لا بس انا ماخذه مايكرويف من قبل قال لي ممكن

الاسم وعطته اسمي وقالي ليش تدفعين 90 دولار انتي عندج القبلي قالي خلاص

انتي ساكنه نفس العنوان قلت له اي قال خلاص روحي البيت واحنا بنجيبه لج

وفعلن رحت البيت الا المندب جاي وسئلني عن المايكرويف القبلي اذا هو عندي

فرحت جبته له وخذ مني 25 دولار مقابل الجديد .

قارنوا هالسالفه وتعتبر اقل واكبر فرق بينا وبينهم

واسمحوا لي على الأطاله



هاي الكلام بامريكا بس عندنا لو شريتي جهاز الكتروني وطلع فيه عيب من المصنع راح يطيح بكبدج

واعتبري فلوسج طارت رفيجي اشتري تلفون لا سلكي من معروض مشهور جدا في الدوحة

طلع فيه عيب في البطارية تم يراكض شهرين وراهم لا بدلو له الجهاز ولا عطوه بطارية جديدة بعدها فقد الامل

وشرا جهاز جديد علي حسابه واذا يبي يشتكي وين بيروح يشتكي قولوا لي بس حماية المستهلك ولا الشرطة

بس مع ذلك انا ما اقول ان الخدمات في قطر زفت مب لها الدرجة هي جيدة بس تحتاج الي المزيد من التطوير

[بويوسف]

لما نقول مستوى الخدمات في قطر زفت .. فاحنا نتكلم مع احترامي لك كلام عام وكلام مجالس..

والامثلة اللي قلتها للاسف مغلوطة. فالديليفيري اللي انت جبت مثال عنه بالنسبة للمطعم بيكون اول مرة تعطيه العنوان ورقم البيت واسم الشارع والمرات الجاية من اول ماتتصل له يعرف بيت من ويقول لك اش طلبك ويوصله.

اما البريد فتوجد خدمة التوصيل اذا انت طلبتها. والبريد في قطر متطور جدا.. فأنت تستطيع ان تصور نفسك في طابع وترسله الى من تريد.

يوجد تطوير الان وتطوير سريع جدا.. ومطلوب منا ان نسابق الزمن لنلحق بالتطور الحادث في الدولة. ولكن تحقيق التقدم الفعلي يأخذ زمنا طويلا حتى يتحقق.

ولاتقارن بيننا وبين امريكا في الوقت الحالي. فهم قد سبقونا بمراحل كثيرة.

[ســـهم]

KmSm

مرحبا اخوي

المشكله ليست في سوء الخدمات المجانيه وليس هناك عتاب بمعنى العتاب مع انه

من حقنا ان نعاتب

ولكن المشكله عندما تكون هذه الخدمات بمقابل مادي وتكون رديئه وسيئه هنا المشكله

والأمثله كثيره ومنها خدمة الأتصالات نت وهاتف جوال وغيرها !!

شكرا لك ..

[القهيدان]

السلام عليكم ورحمة الله وبركاته

في البدايه اسمحولي ما لقيت كلمات معبره اكثر للعنوان و انا عضو يديد ما ادري اذا سبق وناقشتوا هالموضوع فـ اسمحولي اذا كان الموضوع مكرر.

ثانيا احب امسي بالخير على كل اعضاء و مشرفي هذا المنتدى المتميز.


في هذا الموضوع احب اعلق على بعض الخدمات والانظمه الموجوده حاليه في الدوحه
وانا متاكد ان كلكم اصحاب خبره اكبر مني وعندكم تجارب وملاحضات اكثر مني
هذي4 امثله بسيطه
واتمنى اذا حد عنده غيرها يشاركنا فيها


1

تعال اطلب من مطعم ، كم يبيلك عشان تدلي الدلفري بيتك؟

..... وانت جاي من هالدوار بيجيك بيت بنفسجي اللفه الي بعد الي بعدها ، حذ يمين بعدين لين اخر الشارع يسار >>> البيت الي بعد البيت الي جدامه طراد ..............

وبعظ البيوت في الدوحه ما عليها ارقام اصلا ( بيتنا ساكنين فيه من 12 سنه لين يومك ما عليه رقم )

على مثل هذا الشرح متى بيوصل صاحبنا

لكن تعال ناخذ امريكا مثلا
تعطيه رقم البيت واسم الشارع والزب كود
وبس

غير انك تطلب من بعض المطاعم اونلاين ويعطيك تراكنج، وين طلبك ، في الفرن ولا في الدرب

لكن مستحيل تتطور خدمات توصلي المنازل في قطر
دام احنا ما نمشي نظام الادرس و الزب كود

2

البريد

الحين احنا يايبين اعداد خياليه من العماله الوافده
متعايزين تكملون احسانكم تيبون كمن واحد زياده يوصل البريد لين البيوت

3

النصب في اسعار البضائع(عدم وجود سعر ثابت)

انا ما اتكل عن يوم تروح حلاق يحلقك بـ 30 ويحلق لربعه الهنود بـ5

انا اتكلم عن يوم انك تروح تشتري غتره هذا يبيعها بـ 150 والي جنبه بـ 100
ولو تروح مكتن ثاني تحصلها بـ 30

تعال نقارن بآمريكا

قول تبي تشتري سماعه وتبي تعرف سعرها
ببساطه تدش موقع الشركه المنتجه للسلعه وتشوف السعر
واذا شفتها في محل تقدر تعرف اذا هو رافع السعر ولا السعر نفسه

يعني في مرجع ترجعله عشان تعرف هالسلعه كم قيمتها الصجيه

لكن خلنا نشتري هالغتر الي بالاميات اخد شي يطلع سعرها 20 ريال بس رفيق حط السعر الي يعجبه


4

التسوق عبر الانترن

شنو قمة الراحه يوم تشتري شي اون لاين وبعد كمن يوم وانت راد من الدوام تحصل بكج عند باب بيتك ينطرك

بس اصلا احنا ما عندنا مواقع تبيع اونلاين

طبعا لا سمح الله واحد شرى شي اونلاين بيوصله على صندوق البريد
ولازم يطلع بسيارته لين مبنى البريد عشان ياخذ الغرض الي شراه

فـ خلاص خله يروح يدور بين المحلات يدور الشي الي يبيه بالسعر الي يبيه
اسهل


ــــــــــــــــ


ادري ان هذي الامثله ولا شي بالنسبه لتدني مستوى الخدمات الي عندنا

واتمنى انكم تشاركونيي بآرائكم
السلام عليكم
ياخي احمد ربك انك بقطر واذكر محاسنها احسن لك غيرك يتمنا انه يكون بقطر او انه يكون اقطري
والخدمات بالعالم كلها تتطور ولا خدمه تستمر على مستوى واحد لا هنا ولا بلندن اوغيرها من البلدان
ملاحظه
وبخصوص المطعم اكل من البيت ولله انه احلى من المطعم واسرع
ولك جزيل الشكر

[بوخالد911]

عتبي ع البريد
الاشتراك السنوي صار 300 ريال
وقبل كان 140 اطن

ولما تكون زيادة ؛ لازم يصاحب هالارتفاع تحسن في الخدمات
مثلا : توصيل الرسائل للبيت وهذا اقل شي

بس شاطرين يقولووون : زادت الامور التشغيلية والمصاريف ووووو

طيب لو انخفضت الاسعار ذي ؛ هل بيخفضووون قيمة الاشتراك السنوي
؟؟؟؟؟؟

[بوخالد911]

واذكر صاحبي كان يدرس بامريكا

والله ارزقه بولد
وبالمستشفى حضروا الممرضات وعطوه طلب لنيل الجنسية الامريكية للمولود ؛ وبعد كم يوم استلم صاحبي جواز ولده من موظف البريد اللي وصل الجواز للبيت
!!@@!!

:omg::eek5::omg:
شوفوا اشلووون رقي الخدمات

والله اتمنى من كل قلبي ان نوصل لهذا المستوى

والف شكررر

[ســـهم]

واذكر صاحبي كان يدرس بامريكا

والله ارزقه بولد
وبالمستشفى حضروا الممرضات وعطوه طلب لنيل الجنسية الامريكية للمولود ؛ وبعد كم يوم استلم صاحبي جواز ولده من موظف البريد اللي وصل الجواز للبيت
!!@@!!

:omg::eek5::omg:
شوفوا اشلووون رقي الخدمات

والله اتمنى من كل قلبي ان نوصل لهذا المستوى

والف شكررر



أكيد يبونه يلعب في منتخب أمريكا :victory:

[عبدالله العذبة]

Arabian

اعارضك الراي اني عممت

انا كنت دقيق يوم قلت ان البيوت يبيلها ادرس
انا كنت دقيق يوم قلت مافي خدمات تسوق بالنت
انا كنت دقيق يوم قلت البيوت مب مهم اذا عليها ارقام ولا لا
انا كنت دقيق يوم قلت نظام صندوق البريد ما عاد ينفع


الأخ العزيز KmSm حفظه الله

أنت تتكلم عن خدمات تجارية...

فخدمة التسوق عن طريق الإنترنت موجودة و قمت باستخدامها مع Aramex كناقل للباضئع من أميركا و أوروبا ...

و كل هذه الخدمات هي خدمات رفاهية و ستتطور مع مرور الوقت

و ما زلت لا أوافقك على إختيار كلمة زفت في الموضوع نفسه ...

و هل من المفترض أن تقوم الحكومة القطرية بأمر ما بخصوص التسوق عن طريق الإنترنت؟

هل الحكومة الأميركية هي من يدعم خدمات كنتاكي و عمليات التوصيل أم أن الشركة تطور خدماتها في السوق لضمان حصة جيدة من المبيعات؟

[الجوري]

الحمدلله على كل حااااااااااااااال

وانشالله بيجينا الخير

خطوة خطوة راح نوصل ــــــــــــــــــــــــــــــــــــــــــــــــــ ــــــــــــــــــــــــــــــــــــــــ الصبر ثم الصبر



اللي اقوله ـــــــــــــــــ لبيه والله يابلادي قطر بزينها وعيوبها __________

[خوي الشوق]

بصراحه كلام واقعي من صاحب الموضوع بس يفضل تغيير كلمة زفت عشان يكون نقد بناء وفي محله واتكون الردود مستواها عالي واسمحو لي على الصراحه

[_بوشهاب_]

ياخوي مايحتاج نروح بعيد لامريكا وغيرها عندك الامارات شوف محطات البترول (( واحة ادنوك )) وشوف محطاتنا كل واحد في المحطة لابس على كيفة ماتعرف هذا دريول ولا عامل الي في المحطة اما في ادنوك البس موحد غير الخدمات المعتمدة من ادنوك وغيرها

[ولد قطــــــر]

السلام عليكم ورحمة الله وبركاته

في البدايه اسمحولي ما لقيت كلمات معبره اكثر للعنوان و انا عضو يديد ما ادري اذا سبق وناقشتوا هالموضوع فـ اسمحولي اذا كان الموضوع مكرر.

ثانيا احب امسي بالخير على كل اعضاء و مشرفي هذا المنتدى المتميز.


في هذا الموضوع احب اعلق على بعض الخدمات والانظمه الموجوده حاليه في الدوحه
وانا متاكد ان كلكم اصحاب خبره اكبر مني وعندكم تجارب وملاحضات اكثر مني
هذي4 امثله بسيطه
واتمنى اذا حد عنده غيرها يشاركنا فيها


1

تعال اطلب من مطعم ، كم يبيلك عشان تدلي الدلفري بيتك؟

..... وانت جاي من هالدوار بيجيك بيت بنفسجي اللفه الي بعد الي بعدها ، حذ يمين بعدين لين اخر الشارع يسار >>> البيت الي بعد البيت الي جدامه طراد ..............

وبعظ البيوت في الدوحه ما عليها ارقام اصلا ( بيتنا ساكنين فيه من 12 سنه لين يومك ما عليه رقم )

على مثل هذا الشرح متى بيوصل صاحبنا

لكن تعال ناخذ امريكا مثلا
تعطيه رقم البيت واسم الشارع والزب كود
وبس

غير انك تطلب من بعض المطاعم اونلاين ويعطيك تراكنج، وين طلبك ، في الفرن ولا في الدرب

لكن مستحيل تتطور خدمات توصلي المنازل في قطر
دام احنا ما نمشي نظام الادرس و الزب كود

2

البريد

الحين احنا يايبين اعداد خياليه من العماله الوافده
متعايزين تكملون احسانكم تيبون كمن واحد زياده يوصل البريد لين البيوت

3

النصب في اسعار البضائع(عدم وجود سعر ثابت)

انا ما اتكل عن يوم تروح حلاق يحلقك بـ 30 ويحلق لربعه الهنود بـ5

انا اتكلم عن يوم انك تروح تشتري غتره هذا يبيعها بـ 150 والي جنبه بـ 100
ولو تروح مكتن ثاني تحصلها بـ 30

تعال نقارن بآمريكا

قول تبي تشتري سماعه وتبي تعرف سعرها
ببساطه تدش موقع الشركه المنتجه للسلعه وتشوف السعر
واذا شفتها في محل تقدر تعرف اذا هو رافع السعر ولا السعر نفسه

يعني في مرجع ترجعله عشان تعرف هالسلعه كم قيمتها الصجيه

لكن خلنا نشتري هالغتر الي بالاميات اخد شي يطلع سعرها 20 ريال بس رفيق حط السعر الي يعجبه


4

التسوق عبر الانترن

شنو قمة الراحه يوم تشتري شي اون لاين وبعد كمن يوم وانت راد من الدوام تحصل بكج عند باب بيتك ينطرك

بس اصلا احنا ما عندنا مواقع تبيع اونلاين

طبعا لا سمح الله واحد شرى شي اونلاين بيوصله على صندوق البريد
ولازم يطلع بسيارته لين مبنى البريد عشان ياخذ الغرض الي شراه

فـ خلاص خله يروح يدور بين المحلات يدور الشي الي يبيه بالسعر الي يبيه
اسهل


ــــــــــــــــ


ادري ان هذي الامثله ولا شي بالنسبه لتدني مستوى الخدمات الي عندنا

واتمنى انكم تشاركونيي بآرائكم


يعني الحين صارت اولوياتنا توصيل كنتاكي وهارديز ؟؟؟ والا انك تطلب سماعات من النت ؟؟؟؟ ولان البلد مافيها هالشي صارت خدماتنا زفت ؟؟؟؟؟!!!!!!!!


وامريكا اللي اتكلم عنها اخوي وتضرب فيها المثل الأعلى دوله عايشة على الضريبة .. يعني تخيل انك تكرررف ليل نهار واخرتها 30% رايح تاكس!!!!!

امريكا اللي اتكلم عنها الكهربا والماي بفلووووووس


امريكا اللي اتكلم عنها فيها 3 مليون Home less يعني قد سكان قطر 3 مرات راقدييين في الشوارع ..

امريكا اللي اتكلم عنها ما عندهم اكتتابات تشتري ب 5 ريال وتبيع ب 20

واذا بعد الايجابيات اللي عندنا ماراح اخلص .. اي صح عندنا مشاكل بس ما يجووز نعرضها بهالطريقة ..

[سهم قطر]

يعني الحين صارت اولوياتنا توصيل كنتاكي وهارديز ؟؟؟ والا انك تطلب سماعات من النت ؟؟؟؟ ولان البلد مافيها هالشي صارت خدماتنا زفت ؟؟؟؟؟!!!!!!!!


وامريكا اللي اتكلم عنها اخوي وتضرب فيها المثل الأعلى دوله عايشة على الضريبة .. يعني تخيل انك تكرررف ليل نهار واخرتها 30% رايح تاكس!!!!!

امريكا اللي اتكلم عنها الكهربا والماي بفلووووووس


امريكا اللي اتكلم عنها فيها 3 مليون Home less يعني قد سكان قطر 3 مرات راقدييين في الشوارع ..

امريكا اللي اتكلم عنها ما عندهم اكتتابات تشتري ب 5 ريال وتبيع ب 20

واذا بعد الايجابيات اللي عندنا ماراح اخلص .. اي صح عندنا مشاكل بس ما يجووز نعرضها بهالطريقة ..


:nice::nice::nice:

[الواارد]

والله ياجماعة ان احنا في خير وامان الله يديمة علينا وانه عندنا خدمات ما هي عند بعض الدول اللي مفروض انها سابقتنا فمثلا بريطانيا بما اني عايش معهم سنين الفرق اللي بينا وبينهم انهم ناس عندهم قانون يمشون علية فتلقى الصاحي والمجنون والمتعلم والجاهل كلهم على النظام فاتحس انهم منظمين وهم غير ذلك بل مجبورين لانه مافية شي اسمة واسطة

بالنسبة للخدمات اللي عندهم مثلا 1 اذا تبقي تفتح حساب في البنك لازم يكون عندك عنوان وانت توك جاي لازم تعرف حد يعيطيك عنوانة عشان تفتح حساب وبعدين تاجر بيت

2 كل شي بفلوس الكهرباء-الماء - الزبالة يجون مرة في الاسبوع-اعزكم الله المجاري ضريبة التلفزيون واحنا ماعندنا شي ماهذي واهل العيون الزرق متذمرين من طريقة العيش في قطروهو يتحلم في بلادة و معاشة منتف من الضرايب اعلاة

3 الخدمات الصحية : المستشفيات والخدمة المميزة في لندن وبفلوس المستشفيات العادية اذ ماتتنفس عدل وقلبك يدق بسرعة تقدر تاخد موعد في نفس اليوم غير ذالك انطر اسبوع مثلا وديت بنتي للمستشفى الطواري وبعد ساعتين شافتها الدكتورة توقعتها تعطيها دواء زكام قالت روح البيت وحط في غرفتهم كتل فيه فكس لو عندنا تهاوش مع الدكتور ويش هاالبيطري وعلوم

والله ماظلمتهم ولا اجحدهم حقهم فهم من علمني بفلوسي
وتحياتي لك

[سعود ناصر]

انا اذكر سنة 1988 زرنا خالتي في الكويت كنا نطلب المطعم والتكسي بالتلفون!

[بولينجر]

أخوي أنا أتحفظ على كلمة زفت وأرجو عدم استخدامها للرقي بالحوار...

كلامك كله ينصب في إطار مستوى الخدمات المقدم من الشركات...

يعني اللوم يقع على الشركات الخدماتية عندنا...

وليس لحكومتنا الموقرة دخل فيها...

بالتالي إذا (ارتأت) الشركات الخدماتية بأن هذه الخدمات

لن تتعارض مع مصالحها....ستقدمها...

أما إذا تعارضت فلن ترى النور...

وصدقني كل شيء في وقته حلو....

قطر قبل 20 سنة ما كانت مثل الحين...

وقطر بعد 20 سنة بتكون عندها هالخدمات بإذن الله وأكثر....

ويمكن بل الـ20 سنة...ترى رقم مب أكثر...