نهايات الغلا ماهي بعيدة

[الرسام كويتي]

نهايـات الغـلا ماهـي بعـيـدة
تزيـد الجـرح و إلا مـا تزيـده
فراقك يـا حبيبـي كـم يسـاوي
مـن أيـام المواعيـد الجديـده ؟
أنا طالبـك خذهـا مـن حياتـي
ثمن فرقـاك مـن نفـسٍ زهيـده
من اول بيـت والله مـا خذلتـك
إلى آخر بيت في عمر القصيـده
أنا ما عـاد يغرينـي حضـوري
على شـان المجلـة و الجريـده
من اول كنت احسب اني الحالـي
وحيد و نظرتـي دايـم وحيـده
و اثرني طول عمري كنت حاضر
بقلبـي و اطـرد قلـوبٍ بليـده
و صرت بعين نفسي شخص ثاني
غريب يحـط تفكيـره رصيـده
و هو ما هوب ذنبه يوم يضحـك
سعيد و يحسـب العالـم سعيـده
أقول احيان يمكـن مـا فهمنـي
و أقول احيان هو نفسـه عنيـده
أحسب ان المحبـة فيـه تكفـي
و اثر كـل المحبـة مـا تفيـده
عطيته كـل شـيٍ كنـت أحبـه
و عطانـي كـل شـيٍ مايريـده
عساي انساه كـان اننـي ظلمتـه
لا راح العمر مـن يقـدر يعيـده

[المهاجر]

عطيته كـل شـيٍ كنـت أحبـه
و عطانـي كـل شـيٍ مايريـده
عساي انساه كـان اننـي ظلمتـه
لا راح العمر مـن يقـدر يعيـده


صح لسانك اخوي

تحياتي لك