خواطر حول شاعر المليون

[حبر سري]

السلام عليكم

عندي بعض الخواطر حول برنامج شاعر المليون :

1-وجود بعض الاعضاء في لجنة التحكيم صراحة وجودهم مثل عدمه : وطبعا هم تركي المريخي , وخالد السعيد , ماادري شنو دورهم غير المدح و ( فالك البيرق , قصيدتك جزلة , عندك موال ولا شيلة , اجازتي مشروطة ..... الخ) يعني لانقد ولا شي , مادري الشاعر وشيستفيد منهم , وطبعا تركي المريخي تخصصه المدح , وذكر الشخصيات الكبيرة , بصراحة اشوف وجودهم تكملة عدد

2-دخول السعوديين بكل ثقلهم , يعني ماشفنا مثل هالحضور السعودي في الجزء الاول , مع العلم انهم شاركوا في الجزء الاول , لكن مش بمثل وزن الشعراء المشاركين الحين(خلف العنزي , مهدي الحيدر , فالح الظفيري , ناصر الفراعنة) , وطبعا الترشيحات لهم قوية

3-انخفاض شعبية بعض الشعراء اللي لهم وزنهم القوي , مثل فالح الظفيري , اللي بصراحة اشوف انه واحد من عمالقة الشعر , لكن يمكن حضوره ماساعده وايد

4-وهذا عتاب مني لاحد كبار الشعراء القطريين , اللي يمكن مشاركته كان يمكن تقلب بعض الموازين , وهو الشاعر محمد بن الذيب , واتمنى هالكلام يوصل له , لان فعلا عدم مشاركته تعتبر خسارة , وتقليل من فرص الفوز بالبيرق لقطر , شاعر كبير وشعره قوي , وحضوره حلو بعد

5-مشاركة بعض الناس (وماراح اقول شعراء) , بس للظهور الاعلامي , وطبعا هاذول عرفوا قدرهم من اول حلقة , مثل الاخ اللي يحب بنت خالته!!!! بدون ذكر اسامي , لكن اللجنة عرفت شغلها وياه , والرياضة زينة ترى!!

6-ترشيح ناصر الفراعنة للبيرق بسبب حضوره الطاغي , وفعلا كحضور فهو الاول بلا منازع , لكن البقاء للاصلح , وبصراحة شعر ناصر الفراعنة في الغالب غير مفهوم , يعني لو قارنا وضوح الشعر بين ناصر الفراعنة , وبين خلف المشعان او فالح الظفيري مثلا او الشبرمي , راح يتفوقون عليه , لان اشعارهم واضحة وسهلة الفهم

7-في النهاية نتمنى الفوز للافضل بغض النظر عن جنسيته

والسلام عليكم

[عنابي 2010]

بصراحه البرنامج ناجح 100%ولجنه التحكيم جيده نوعان ما .اما بالنسبه لاابن الذيب.مع اني احبه وارشحه لوكان موجود بس الاي سمعته ان هناك عدم رضي عنه من قبل محمد بن زايد .بس وين زايد بن كروز.وين الاعلامي عادل عبدالله.وين جاسم بن همام.ولا بس فالحين في صوت الخليج

[متسبب]

مشكور على هالموضوع و الله يعطيك العافيه
وانا اتفق معاك في كل كلمة قلتها وماقصرت
انا ارشح الفراعنه وطبعا البقاء للافضل وشاعر اراهن عليه
لكن لما شفت اخر 4 ولا 5 حلقات من البرنامج
احس ان السالفه فيها لعبه
واتوقع انه ماراح ياخذها الافضل لان شكلهم يبونها لشاعر اماراتي
والشعراء الاماراتيين زينين لكن في وجود هالشعراء المفروض يطلعون خارج المنافسه من زمان
ويمدحون اللجنه قصايدهم بزياده ويطلعونها سما وهي ولا شي

اتوقع البيرق اماراتي:tease:
وياليت ابن الذيب شارك :nice:

[سهم المراقيب]

1-وجود بعض الاعضاء في لجنة التحكيم صراحة وجودهم مثل عدمه : وطبعا هم تركي المريخي , وخالد السعيد , ماادري شنو دورهم غير المدح و ( فالك البيرق , قصيدتك جزلة , عندك موال ولا شيلة , اجازتي مشروطة ..... الخ) يعني لانقد ولا شي , مادري الشاعر وشيستفيد منهم , وطبعا تركي المريخي تخصصه المدح , وذكر الشخصيات الكبيرة , بصراحة اشوف وجودهم تكملة عدد

كما هو متعارف ان لكل برنامج جماهيري يعتمد على التصويت تكون فيه لجنه حكام ,,
اللجنة يجب ان تتكون من حكم "طيب" يحفز المشاركين ويثني عليهم وأخر "شرير" ينتقد ولا يعجبه أي شيء ,,

لنا في برنامج "مشروع معلق" عالجيزره الرياضيه أجلى مثال ,,
الحكم الطيب والحنون :funny::tooth: = بوسيف وجاده ,,
والحكم الشرير = فهمي عمر صاحب النقد اللاذع بعيداً عن المجاملة ,,

يعني تقدر تقول السعيد والمريخي من الفئه اللي ذكرتهم ,,
وجودهم وعدم وجودهم ضروري :nice::nice:

[سهم بن سهم]

انا صراحه ما اسمع شعر في هالبرنامج !!!!!!!!!!

اللي اسمعه كله صراخ وتطبيل حق القبيلة الفلانية والحاكم الفلاني وطيخ طاخ !!!!

نبي نسمع شعر ............ يعني نبي نسمع احساس شاعر يوصل للقلب وتنحفظ الأبيات !

وبعدين المفروض من كل دوله نسوي منها تصفيات نحتار منهم 5 على الاقل يتنافسون مع 5 من الدول الثانية على 21 دولة عربية ومنهم نصفي الشعراء ويكون شامل على الوطن العربي كله حتى نسمع الشعر الشعبي ونتذوقه والشعر الشعبي على طريقة اهل الخليج موجود في كل الوطن العربي وليش مانعطي الناس فرصه مونجي نسمع شعر من دولة وحده وواحد يجينا يصف حجي وصراخ ويقول انه مخاوي الجن ومن هالكلام الفاضي اللي شامل بالصراخ والتطبيل والطيخ والطاخ ونماذج من شعر المدح اللي مثل الأكل البايت !!


بإختصار شاعر المليون مافيه شعر ..... فيه تطبيل وبس :omen2:

[بدور]

4-وهذا عتاب مني لاحد كبار الشعراء القطريين , اللي يمكن مشاركته كان يمكن تقلب بعض الموازين , وهو الشاعر محمد بن الذيب , واتمنى هالكلام يوصل له , لان فعلا عدم مشاركته تعتبر خسارة , وتقليل من فرص الفوز بالبيرق لقطر , شاعر كبير وشعره قوي , وحضوره حلو بعد

5-مشاركة بعض الناس (وماراح اقول شعراء) , بس للظهور الاعلامي , وطبعا هاذول عرفوا قدرهم من اول حلقة , مثل الاخ اللي يحب بنت خالته!!!! بدون ذكر اسامي , لكن اللجنة عرفت شغلها وياه , والرياضة زينة ترى!!


والسلام عليكم


تسلم اخوي حبر على هالخواطر

فعلاً بن الذيب لو دخل هالمنافسه كان قلب كل التوقعات للشعراء الآن

ان شاء الله يشارك في الموسم القادم


اما الاخ اللي كتب قصيدة لبنت خاله خخخخخ مدري شخباره اختفى من المنتدى بعد:weeping:

الله يذكره بالخير .... فاله البيرق :rolleyes2:

[رآعي موآجيب]

1-وجود بعض الاعضاء في لجنة التحكيم صراحة وجودهم مثل عدمه : وطبعا هم تركي المريخي , وخالد السعيد , ماادري شنو دورهم غير المدح و ( فالك البيرق , قصيدتك جزلة , عندك موال ولا شيلة , اجازتي مشروطة ..... الخ) يعني لانقد ولا شي , مادري الشاعر وشيستفيد منهم , وطبعا تركي المريخي تخصصه المدح , وذكر الشخصيات الكبيرة , بصراحة اشوف وجودهم تكملة عدد


4-وهذا عتاب مني لاحد كبار الشعراء القطريين , اللي يمكن مشاركته كان يمكن تقلب بعض الموازين , وهو الشاعر محمد بن الذيب , واتمنى هالكلام يوصل له , لان فعلا عدم مشاركته تعتبر خسارة , وتقليل من فرص الفوز بالبيرق لقطر , شاعر كبير وشعره قوي , وحضوره حلو بعد

5-مشاركة بعض الناس (وماراح اقول شعراء) , بس للظهور الاعلامي , وطبعا هاذول عرفوا قدرهم من اول حلقة , مثل الاخ اللي يحب بنت خالته!!!! بدون ذكر اسامي , لكن اللجنة عرفت شغلها وياه , والرياضة زينة ترى!!

6-ترشيح ناصر الفراعنة للبيرق بسبب حضوره الطاغي , وفعلا كحضور فهو الاول بلا منازع , لكن البقاء للاصلح , وبصراحة شعر ناصر الفراعنة في الغالب غير مفهوم , يعني لو قارنا وضوح الشعر بين ناصر الفراعنة , وبين خلف المشعان او فالح الظفيري مثلا او الشبرمي , راح يتفوقون عليه , لان اشعارهم واضحة وسهلة الفهم




مرحبا أخوي الغالي واسمحلي في بعض المداخلات

المداخلات :-

1- العضو في لجنة التحكيم اسمه { حمد السعيد }

وهو أحد رموز الشعر في دولة الكويت خاصه وفي الخليج عامه ولكن تغلب عليه المجاملات

وأأيدك في تركي المريخي واضيف اليه { بدر الصفوق } الي اتمنا منه ان يزن الكلمه قبل خروجها !!!

2- الاخ الشاعر محمد بن الذيب شاعر متميز وشارك في شاعر المليون الاول وبعدين أعتذر والله العالم عن ظروفه
ولكن أعتقد ان أي شاعر كبير بوزن ابن الذيب يقلل من وزنه ورونقه وأسمه أذا لم تجيز اللجنه قصيدته او اظهروا عيوبها وضعفها والمصيبه الكبرى الخروج بلا بيرق !!!

وأعتقد أن عدم المشاركه هو الحل الأسلم لمثل الشاعر الكبير ابن الذيب والتويجري وحامد زيد وخالد المريخي وغيرهم الكثير الكثير من الشعراء الي { نطح الصياح بالصياح تنجى !! }

3- اما بالنسبه للأخ الي يحب بنت خالته , وين دور الاخوه والاساتذه المشرفين على دخول الشعراء للمقابله , أمثال حمد الزكيبا والاستاذ حمد النعيمي ؟
ليش اسمحو لهلأشكال تشوه وتسيء للشاعر القطري حتى ولو كان مبتدء

لا والمصيبه كان أول مشارك !!!!

4- أما آخر نقطه بخصوص ترشيح ناصر الفراعنه , ناصر للحين ما ترشح للبيرق

والتصفيه تبدء من الاسبوع الجاي.

تحياتي لك

[طويل النفس]

شرط !!! ان البيرق اماراتي !!!

يالكعبي راعي المنطاد .... ياهزاع الشريف

[Darco]

ياجماعة من صجكم معجبين بشعر بن الذيب؟

أولاً, لاشعر راقي .. مهايط في مهايط.

ثانياً, فيه جرأة وقحة على دين الله, وهناك عشرات الأبيات اللي فيها هالشيء.

ثالثاً, فيه تطاول مستمر على بعض الناس, ويعمل بلبلات ببعض أشعاره اللي يقصد فيها إثارة هذه البلابل وإستفزاز الناس, مثل قصيدة عشنا ف قطر, وقصيدة حمدان الأخيرة وغيرها وغيرها.

الرجل وقح ولا يستحق الإحترام.

______

أما عن برنامج شاعر المليون فهو بدأ بداية موفقة هذه السنة, لكنه حرق نفسه ببعض التلاعبات والحركات اللي مالها داعي, وقلّت بشكل ملحوظ نسبة المتابعين له حسب ما ألاحظة من المقربين مني. أعتقد أن السنة الجاية سيموت البرنامج.

[عبدالله العذبة]

Darco

يقول ابن فطيس

و اللي تعوص و تضرب الحاجز يسار .. تشل في الدنا و ترجع بلدها ...

[ســـهم]

تسلم اخوي حبر على هالخواطر

فعلاً بن الذيب لو دخل هالمنافسه كان قلب كل التوقعات للشعراء الآن

ان شاء الله يشارك في الموسم القادم


اما الاخ اللي كتب قصيدة لبنت خاله خخخخخ مدري شخباره اختفى من المنتدى بعد:weeping:

الله يذكره بالخير .... فاله البيرق :rolleyes2:

وانتي وراه وراه :(

اعتقد أن هذه النسخه من برنامج شاعر المليون لم تحظى بمتابعة كبيره مثل النسخه

الأولى

وتبين للجميع في هذه النسخه أنه برنامج تجاري بحث لايبحث عن الشعر الحقيقي

ولهذا السبب ظلم الكثير من الشعراء والذين ظلمهم التصويت

وفي النهايه مازلت احصر المنافسه بين الأثنين

الشبرمي

الفراعنه ..

[هداف]

ياجماعة من صجكم معجبين بشعر بن الذيب؟

أولاً, لاشعر راقي .. مهايط في مهايط.

ثانياً, فيه جرأة وقحة على دين الله, وهناك عشرات الأبيات اللي فيها هالشيء.

ثالثاً, فيه تطاول مستمر على بعض الناس, ويعمل بلبلات ببعض أشعاره اللي يقصد فيها إثارة هذه البلابل وإستفزاز الناس, مثل قصيدة عشنا ف قطر, وقصيدة حمدان الأخيرة وغيرها وغيرها.

الرجل وقح ولا يستحق الإحترام.

______

أما عن برنامج شاعر المليون فهو بدأ بداية موفقة هذه السنة, لكنه حرق نفسه ببعض التلاعبات والحركات اللي مالها داعي, وقلّت بشكل ملحوظ نسبة المتابعين له حسب ما ألاحظة من المقربين مني. أعتقد أن السنة الجاية سيموت البرنامج.



اتفق معك في ماذهبت اليه بخصوص الشاعر محمد العجمي واتمنى ان لايمثل قطر في هذا المحفل !! امسياته كلها طراره ونفاق واتوقع سوف يستغل هذا البرنامج في الطراره وبيض الله وجه بن فطيس كان خير سفير لقطر حكومتا وشعبا ولا يهونون بن هداف القحطاني وبن مانعه المري والمخضرم الشبرمي مثلونا خير تمثيل والشبرمي مازال في مضمار المنافسه وفاله التوفيق

اما ابن الذيب يعذرنا لا نتشرف ان يمثلنا اقولها من غير كره ولا تجني !!


والبرنامج هذه السنه فيه مجاملات واخطاء كبيره لا تغتفر مثل وصول الشاعر هلاله للادوار النهائيه على حساب من هم افضل منها وهي تكسر في البيوت ولا تلتزم بالقافيه !!

الشعراء الاقوياء يصعدون للادوار النهائيه بتزكيات اللجنه ومن هم اقل منهم يصعدون با لتصويت الغير مقنع !!


ولكن كل هذا لا يمنع انه برنامج يشد المشاهد اليه :)

[Darco]

Darco

يقول ابن فطيس

و اللي تعوص و تضرب الحاجز يسار .. تشل في الدنا و ترجع بلدها ...





نعم تشيله وتشيل اللي هم شرواه, والله ستر أنه طلع العام اللي طاف ولا كان فشلنا. والله يبيض وجه بن فطيس :).

أخوي هدّاف,
أتفق مع ردّك تماماً .. البرنامج السنة هذي عليه مآخذ كثيرة جداً خففت من أهميته عند المتابع العادي, وأنا صراحة آخر كذا حلقة ما أشوف منها إلا مقتطفات.

[بومبارك511]

ابن الذيب هو شاعر قطر وهذا شي معروف
يعني مهب شي جديد لكن الرجال شلف شيوخ الامارات كريمين زياده عن اللزوم فقرر انه يتم في الامارات
وهو شاعر محبوب بين كل الشيخ في الامارات
على طول يمدح واحد ويعطيه اقل شي مليون
اخرمره مدح محمد بن راشد عطاه برج في دبي (برج في دبي كم يسوى له )
وانا اقول ان مشاركة الشعراء الكبار في البرنامج وعدم اجازتهم تقلل من مستواهم اماام الجمهور
وفعلا انا بعد اقول ان البيرق يبون يفوزون فيه واحد من عيال ام خماس

[ســـهم]

ابن الذيب هو شاعر قطر وهذا شي معروف
يعني مهب شي جديد لكن الرجال شلف شيوخ الامارات كريمين زياده عن اللزوم فقرر انه يتم في الامارات
وهو شاعر محبوب بين كل الشيخ في الامارات
على طول يمدح واحد ويعطيه اقل شي مليون
اخرمره مدح محمد بن راشد عطاه برج في دبي (برج في دبي كم يسوى له )
وانا اقول ان مشاركة الشعراء الكبار في البرنامج وعدم اجازتهم تقلل من مستواهم اماام الجمهور
وفعلا انا بعد اقول ان البيرق يبون يفوزون فيه واحد من عيال ام خماس

للعلم طلعت أشاعه البرج

مع انه قصــد أعطائه برج ولكن لم يحصل عليه

والآن بعض شغلته الوحيده هو أعطاء بعض المشاهير اشعاره بمقابل


ومنهم .......!

[Qa6ar]

كأنكم طلعتوا من زبده الموضوع

ياجماعه كلا يتاجر بالعقارات بالسيارات بالاسهم بالشعر.... الله يوفقهم ويرزقهم

الموضوع شاعر المليون ذا السنه بايخ والله يوفق الشبرمي ويجيب لنا البيرق

[بندرصالحي]

ابن الذيب هو شاعر قطر وهذا شي معروف
يعني مهب شي جديد لكن الرجال شلف شيوخ الامارات كريمين زياده عن اللزوم فقرر انه يتم في الامارات
وهو شاعر محبوب بين كل الشيخ في الامارات
على طول يمدح واحد ويعطيه اقل شي مليون
اخرمره مدح محمد بن راشد عطاه برج في دبي (برج في دبي كم يسوى له )
وانا اقول ان مشاركة الشعراء الكبار في البرنامج وعدم اجازتهم تقلل من مستواهم اماام الجمهور
وفعلا انا بعد اقول ان البيرق يبون يفوزون فيه واحد من عيال ام خماس

لا قطر ولا اهل قطر يتشرفون فيه
وماحد عطاه لقب شاعر قطر

[حبر سري]

بصراحه البرنامج ناجح 100%ولجنه التحكيم جيده نوعان ما .اما بالنسبه لاابن الذيب.مع اني احبه وارشحه لوكان موجود بس الاي سمعته ان هناك عدم رضي عنه من قبل
البرنامج له شعبية كبيرة فعلا وهذا شي محد يقدر ينكره , وبالنسبة حق ولد الذيب فهو شاعر كبير ومعروف , وانا اشوف (وهذا راي شخصي) انه واحد من احسن شعراءنا
وكل واحد له راي
اشكرك على مرورك اخوي


مشكور على هالموضوع و الله يعطيك العافيه
وانا اتفق معاك في كل كلمة قلتها وماقصرت
انا ارشح الفراعنه وطبعا البقاء للافضل وشاعر اراهن عليه
لكن لما شفت اخر 4 ولا 5 حلقات من البرنامج
احس ان السالفه فيها لعبه
واتوقع انه ماراح ياخذها الافضل لان شكلهم يبونها لشاعر اماراتي
والشعراء الاماراتيين زينين لكن في وجود هالشعراء المفروض يطلعون خارج المنافسه من زمان
ويمدحون اللجنه قصايدهم بزياده ويطلعونها سما وهي ولا شي

اتوقع البيرق اماراتي:tease:
وياليت ابن الذيب شارك :nice:
والله اخوي شوف يمكن هالسنة في مجاملة شوي للاماراتي وهذا شي لاحظوه ناس وايد , لكن باذن الله البقاء للاصلح بغض النظر عن جنسيته , والله يوفق الجميع
مشكور على مرورك اخوي


كما هو متعارف ان لكل برنامج جماهيري يعتمد على التصويت تكون فيه لجنه حكام ,,
اللجنة يجب ان تتكون من حكم "طيب" يحفز المشاركين ويثني عليهم وأخر "شرير" ينتقد ولا يعجبه أي شيء ,,

لنا في برنامج "مشروع معلق" ,,
الحكم الطيب والحنون :funny::tooth: = بوسيف وجاده ,,
والحكم الشرير = فهمي عمر صاحب النقد اللاذع بعيداً عن المجاملة ,,

يعني تقدر تقول السعيد والمريخي من الفئه اللي ذكرتهم ,,
وجودهم وعدم وجودهم ضروري :nice::nice:
صح كلامك اخوي
بس بصراحة السعيد والمريخي مالهم اي دور كلش , غير المدح , واستغلال فرصة ذكر اي شخصية علشان يمدحون فيها , طيب شنهي الفايدة؟؟؟

مشكور على مرورك


انا صراحه ما اسمع شعر في هالبرنامج !!!!!!!!!!

اللي اسمعه كله صراخ وتطبيل حق القبيلة الفلانية والحاكم الفلاني وطيخ طاخ !!!!

نبي نسمع شعر ............ يعني نبي نسمع احساس شاعر يوصل للقلب وتنحفظ الأبيات !

وبعدين المفروض من كل دوله نسوي الفاضي اللي شامل بالصراخ والتطبيل والطيخ والطاخ ونماذج من شعر المدح اللي مثل الأكل البايت !!


بإختصار شاعر المليون مافيه شعر ..... فيه تطبيل وبس :omen2:
والله اخوي اسمح لي اختلف معاك
الا فيه شعر , فعلا في شعراء يمكن دون المستوى(بدون ذكر اسامي) , لكن فيه شعراء كبار(خلف المشعان , مهدي ال حيدر , فالح الظفيري ...... وغيرهم) , وفي النهاية لايصح الا الصحيح
شكرا على مرورك اخوي


تسلم اخوي حبر على هالخواطر

فعلاً بن الذيب لو دخل هالمنافسه كان قلب كل التوقعات للشعراء الآن

ان شاء الله يشارك في الموسم القادم


اما الاخ اللي كتب قصيدة لبنت خاله خخخخخ مدري شخباره اختفى من المنتدى بعد:weeping:

الله يذكره بالخير .... فاله البيرق :rolleyes2:
اثني على كلامج عن ابن الذيب , وبالنسبة للاخ اللي لازم يجرب الرياضة , فبصراحة مشاركته كانت غلط في غلط , والكل قال له , لكن هو ماسمع الكلام , والله يهدي الجميع , ويسامح اللي شجعوه على الفاضي

شكرا على مرورج اختي


مرحبا أخوي الغالي واسمحلي في بعض المداخلات

المداخلات :-

1- العضو في لجنة التحكيم اسمه { حمد السعيد }

صح كلامك اخوي , وانا غلطت لما كتبت الاسم لان كان في بالي بو خالد , وهذا لقب حمد السعيد , واشكرك على التنبيه

وهو أحد رموز الشعر في دولة الكويت خاصه وفي الخليج عامه ولكن تغلب عليه المجاملات

اخوي هو كل كلامه مجاملات
وأأيدك في تركي المريخي واضيف اليه { بدر الصفوق } الي اتمنا منه ان يزن الكلمه قبل خروجها !!!

بدر صفوق بصراحة مع طولة لسانه الا اني اشوفه قايم بدوره صح , ولازم يكون واحد مثله موجود في اللجنة علشان مب اي واحد يجاز من اللجنة

2- الاخ الشاعر محمد بن الذيب شاعر متميز وشارك في شاعر المليون الاول وبعدين أعتذر والله العالم عن ظروفه
ولكن أعتقد ان أي شاعر كبير بوزن ابن الذيب يقلل من وزنه ورونقه وأسمه أذا لم تجيز اللجنه قصيدته او اظهروا عيوبها وضعفها والمصيبه الكبرى الخروج بلا بيرق !!!

وأعتقد أن عدم المشاركه هو الحل الأسلم لمثل الشاعر الكبير ابن الذيب والتويجري وحامد زيد وخالد المريخي وغيرهم الكثير الكثير من الشعراء الي { نطح الصياح بالصياح تنجى !! }

بصراحة مااظن انهم ماكانوا بيجيزونه , شعره قوي وانا متاكد منه , لكن البقاء للاصلح في النهاية
3- اما بالنسبه للأخ الي يحب بنت خالته , وين دور الاخوه والاساتذه المشرفين على دخول الشعراء للمقابله , أمثال حمد الزكيبا والاستاذ حمد النعيمي ؟
ليش اسمحو لهلأشكال تشوه وتسيء للشاعر القطري حتى ولو كان مبتدء

لا والمصيبه كان أول مشارك !!!!

كانت مشاركة الاخ اكبر غلطة , والله احرج نفسه احراج كبير , والمصيبة انه لقى من يشجعه على الفاضي , لكن اعتقد انه عرف قدره عدل الحين , الاخ كان امفكر السالفة لعب , لكن انصدم بالواقع , تخيل واحد مثل الاخ يقعد قدام فالح الظفيري!!!!!! مافي مقارنة اصلا
الله يهديه
4- أما آخر نقطه بخصوص ترشيح ناصر الفراعنه , ناصر للحين ما ترشح للبيرق

والتصفيه تبدء من الاسبوع الجاي.

تحياتي لك
الفراعنة من اكبر المرشحين والله يوفق الجميع , اما باقي النقاط فعلقت عليها في الاقتباس
شكرا على مرورك اخوي


شرط !!! ان البيرق اماراتي !!!

يالكعبي راعي المنطاد .... ياهزاع الشريف
البقاء للاصلح باذن الله , وكل شي جايز
شكرا على مرورك اخوي







ياجماعة من صجكم معجبين بشعر بن الذيب؟

أولاً, لاشعر راقي .. مهايط في مهايط.

ثانياً, فيه جرأة وقحة على دين الله, وهناك عشرات الأبيات اللي فيها هالشيء.

ثالثاً, فيه تطاول مستمر على بعض الناس, ويعمل بلبلات ببعض أشعاره اللي يقصد فيها إثارة هذه البلابل وإستفزاز الناس, مثل قصيدة عشنا ف قطر, وقصيدة حمدان الأخيرة وغيرها وغيرها.

الرجل وقح ولا يستحق الإحترام.

______

أما عن برنامج شاعر المليون فهو بدأ بداية موفقة هذه السنة, لكنه حرق نفسه ببعض التلاعبات والحركات اللي مالها داعي, وقلّت بشكل ملحوظ نسبة المتابعين له حسب ما ألاحظة من المقربين مني. أعتقد أن السنة الجاية سيموت البرنامج.

اختلف معاك اختلاف كامل في كلامك عن ابن الذيب
اخوي احنا ندري ان الشاعر له مشاكل , وسمعنا قصايده , لكن هذا مايمنع ان له قصايد جزلة ومعانيها كبيرة , واسمع قصيدته عن امه على سبيل المثال , الرجال له بعض المشاغبات , لكنه شاعر , وهاذي وجهة نظري
اما بالنسبة للبرنامج , فالله اعلم عن حاله السنة الجاية ان شا الله , لكن الى الان فشعبيته كبيرة جدا
شكرا على مرورك اخوي



Darco

يقول ابن فطيس

و اللي تعوص و تضرب الحاجز يسار .. تشل في الدنا و ترجع بلدها ...
شكرا على مرورك اخوي

وانتي وراه وراه :(

اعتقد أن هذه النسخه من برنامج شاعر المليون لم تحظى بمتابعة كبيره مثل النسخه

وفي النهايه مازلت احصر المنافسه بين الأثنين

الشبرمي

الفراعنه ..
اخوي البرنامج له اهداف دعائية , لكن يظل برنامج شعبي وله حضوره
والله يوفق الجميع
شكرا على مرورك اخوي


اتفق معك في ماذهبت اليه بخصوص الشاعر محمد العجمي واتمنى ان لايمثل قطر في هذا المحفل !!

اما ابن الذيب يعذرنا لا نتشرف ان يمثلنا اقولها من غير كره ولا تجني !!


والبرنامج هذه السنه فيه مجاملات واخطاء كبيره لا تغتفر مثل وصول الشاعر هلاله للادوار النهائيه على حساب من هم افضل منها وهي تكسر في البيوت ولا تلتزم بالقافيه !!

الشعراء الاقوياء يصعدون للادوار النهائيه بتزكيات اللجنه ومن هم اقل منهم يصعدون با لتصويت الغير مقنع !!


ولكن كل هذا لا يمنع انه برنامج يشد المشاهد اليه :)
اخوي بن الذيب وغيره من الشعراء , ترى كلهم يمدحون , لكن ارجع واقول لك مستواه قوي , حتى لو كان هناك شعراء كبار في البرنامج , فهو لازم يكون وياهم , وهاذي وجهة نظري الشخصية
اما بالنسبة للمجاملات فحدث ولا حرج , لكن اعتقد ان معظم اللي تاهلوا للنهائيات يستاهلون التاهل
شكرا على مرورك اخوي







نعم تشيله وتشيل اللي هم شرواه, والله ستر أنه طلع العام اللي طاف ولا كان فشلنا. والله يبيض وجه بن فطيس :).

أخوي هدّاف,
أتفق مع ردّك تماماً .. البرنامج السنة هذي عليه مآخذ كثيرة جداً خففت من أهميته عند المتابع العادي, وأنا صراحة آخر كذا حلقة ما أشوف منها إلا مقتطفات.

اشكرك على مرورك اخوي

ابن الذيب هو شاعر قطر وهذا شي معروف
يعني مهب شي جديد لكن الرجالوفعلا انا بعد اقول ان البيرق يبون يفوزون فيه واحد من عيال ام خماس
اخوي سالفة البرج هاذي طلعوها عليه , لما قال في قصيدته:
ياطويل العمر ماعندك عمارة كنها ضلع من الضلعان نايد
والله العظيم مابيها اعارة ولا عطية وانت تعطي ولك عوايد
بس اباشرف على راس المنارة ثم اصيح بعالي الصوت المحايد
كم سجين ضايق الوقت استثاره يوم جاك ابوه بعلمن وكايد
قلت روحوا لامه وسوقوا البشارة لايحول دمعها وانا بو مايد
...... الى اخر القصيدة
فالناس قالوا عطاه برج
!!!!!
اما بالنسبة للفوز , فالله اعلم به , وكل شي جايز
شكرا على مرورك اخوي

للعلم طلعت أشاعه البرج

مع انه قصــد أعطائه برج ولكن لم يحصل عليه

والآن بعض شغلته الوحيده هو أعطاء بعض المشاهير اشعاره بمقابل


ومنهم .......!
اخوي بصراحة انا سمعت جذيه بعد
والله اعمل طبعا لكن هاذي اشاعة قوية والله اعلم بها
وهاشي ماينفي كونه شاعر ,
وشكرا على مرورك اخوي


كأنكم طلعتوا من زبده الموضوع

ياجماعه كلا يتاجر بالعقارات بالسيارات بالاسهم بالشعر.... الله يوفقهم ويرزقهم

الموضوع شاعر المليون ذا السنه بايخ والله يوفق الشبرمي ويجيب لنا البيرق
مشكور على مرورك اخوي


لا قطر ولا اهل قطر يتشرفون فيه
وماحد عطاه لقب شاعر قطر

اخوي محد عطاه لقب شاعر قطر
لكنه شاعر , واشعاره تشهد له
مشكور على مرورك اخوي

[معاند جروووحه]

الشاعر محمد ابن الذيب ما عليه قصور


بس الي سمعته وشفت له بالانترنت فيديو كان مشارك العام الماضي بشاعر المليون



وكان في بيت من قصيدته يمدح فيها بلقيس ملكه اليمن وكانت القصيده بالاختبار عند


لجنه الحكام وكان مخربط زمان ووقت بلقيس وسيدنا سليمان.


حبيت اوضح ان ابن الذيب شارك في الجوله الاولى والا الشاعر ماعليه قصور يالغالي.

[بـــاروود]

الفراعنه السبيعي

[بدور]

الفراعنه السبيعي


:nice::nice::nice::nice::nice::nice:


مدري وينه الهاوي القطري بوحليقه وحشتني قصيدة بنت خاله :omen2::secret:

[الدوحي7]

ابن الذيب هو شاعر قطر وهذا شي معروف
يعني مهب شي جديد لكن الرجال شلف شيوخ الامارات كريمين زياده عن اللزوم فقرر انه يتم في الامارات
وهو شاعر محبوب بين كل الشيخ في الامارات
على طول يمدح واحد ويعطيه اقل شي مليون
اخرمره مدح محمد بن راشد عطاه برج في دبي (برج في دبي كم يسوى له )
وانا اقول ان مشاركة الشعراء الكبار في البرنامج وعدم اجازتهم تقلل من مستواهم اماام الجمهور
وفعلا انا بعد اقول ان البيرق يبون يفوزون فيه واحد من
عيال ام خماس

:nice:يستاهل بن الذيب كل المدح،،

[مريش]

برنامج مادي درجه اولى فقط
وبرنامج فقط لظهور عضلات

وافهموها مثل ماتبون

صار برنامج فاشل في عيون الملايين
كل خططهم انكشفت

[حبر سري]

الشاعر محمد ابن الذيب ما عليه قصور


بس الي سمعته وشفت له بالانترنت فيديو كان مشارك العام الماضي بشاعر المليون



وكان في بيت من قصيدته يمدح فيها بلقيس ملكه اليمن وكانت القصيده بالاختبار عند


لجنه الحكام وكان مخربط زمان ووقت بلقيس وسيدنا سليمان.


حبيت اوضح ان ابن الذيب شارك في الجوله الاولى والا الشاعر ماعليه قصور يالغالي.
اخوي هذا البيت اللي تقصده:
هدهد سبأ اسلم على يد بلقيس
وفرعون الحق شعب كامل ابدينه

ويمكن تكون سقطة اخوي لكن جل من لايسهو , وهو ابنفسه برر البيت هذا
وانا ماادافع عنه , لانهه شاعر ومب محتاج شهادتي , لكن كلمة حق

شكرا على مرورك اخوي


الفراعنه السبيعي
شكرا على المرور

:nice::nice::nice::nice::nice::nice:


مدري وينه الهاوي القطري بوحليقه وحشتني قصيدة بنت خاله :omen2::secret:
الله يهديه بس , ويوفقه مع بنت خاله , وعلى قولة حمد السعيد:
انا اتمنى الله يجمع شملك في بنت خالك

:nice:يستاهل بن الذيب كل المدح،،
شكرا على مرورك اخوي

برنامج مادي درجه اولى فقط
وبرنامج فقط لظهور عضلات

وافهموها مثل ماتبون

صار برنامج فاشل في عيون الملايين
كل خططهم انكشفت

اخوي البرنامج له اهداف ثانية ومنها الدعاية

لكن جماهيريته مايختلف عليها اثنين
شكرا على مرورك

[حبر سري]

واقتربت نهاية الرحلة

الشبرمي اثبت جدراته , وبن فطيس دخل المنافسة بقوة
والميدان ياحميدان

عسى الله يوفق جميع المسلمين

[amoree]

مافي اي جد