خافو الله ياتجار اللاند كروزر

[سهم بن سهم]

استغرب جدا من الشباب الله يهديهم ويصلحهم هالكثر التويوتا اللاند كروزر مقطعة قلوبهم ؟؟؟!!

شنو سر هالتهافت الرهيب والعجيب على هالسياره بالذات والإنتظار شهور طويلة لكي تتكرم عليك الوكالة بسيارة انت تدفع ثمنها من قوت يومك وقوت عيالك ومن دم قلبك لو كانت بالأقساط ؟؟ ليش تدفع هالمبلغ الخيالي في سيارة مثل هذي ماتتوفر فيها عناصر السلامة والأمان كما في السيارات الأخرى ؟؟؟ سياره توصل سعرها الى 280 الف ريال بدون عناصر السلامة الضرورية وبكماليات صناعة صينية من تركيب أصحاب المعارض أنفسهم الذين يضعون كلمة ( R ) على السيارة في حين أن السيارة وارد السعودية والبريمي هي من غير ( R ) والغريب بان الشاب يدفع المبلغ وهو يضحك وصاحب المعرض ضاحك عليه !!!!!!

اتمنى من اللي يقول أني أخربط أن يرجع إلى نسبة حوادث سيارات اللاند كروزر في السنوات الماضية ويقارنها بالسيارات الأخرى وأن يسال أصحاب الخبره في اللاند كروزر عن هالشي وهم بيقولون له !!!!

نعديها ونقول ظاهرة شبابية مش حالك في كل بلاد فيها موضة ( عندنا كروزر وعند غيرنا نيسان وعند الثالث اليوكن .........الخ ) نمشي مش مشكلة ولكن شنو سالفة هالإستغلال العجيب والسرقة العلنية والنصب والإحتيال على المواطن في اسعار اللاند كروزر في معارض السيارات ؟؟؟؟؟؟؟؟!!!!!!!!!!!

مثال سيارة اللكزس أمس سألت عنها الوكاله قالو لي قيمتها ( 320 الف ريال ) وفي المعارض بــــــ ( 370 الف ريال ) تصوروا 50000 الف ريال فرق في السعر بين المعرض والوكاله مع أن المعرض شاري السيارة من الوكاله ويقول لك وارد الدوحه !!!!!!!!!!!!!!

حتى وارد السعودية والبريمي يطلع عليه ارخص من سعر السوق ولكن يبيعها على المواطن بسعر خيالي وبــــــــ 50 الف ريال فرق سعر تقريبا !!!!!!!!!!!

ياجماعه خافو الله ... اتقوا الله في الأسعار ... اربح ياخي محد قال لاتربح بس لاتنهب .... 50 الف ريال فرق في السعر ؟؟؟؟ شدعوه ؟؟؟ خافو الله !!!!

انا ماراح اتكلم عن الرقابة وحماية المستهلك ووزارة الاقتصاد لان كل هالجهات في سبات عميق :weeping::omen2:

لكن انا هنا اتكلم مع تاجر السيارات ان كان له ضمير حي أن يتقي الله في الربح ويحط في باله بان قرش الحلال رب العالمين يبارك له فيه ويجعل له الخير في دنياه وآخرته وأن لا يستغل الناس بهذه الطريقة البشعة لانه عيب .......... ونداء خاص للشباب بالهدوء وصرف النظر عن الشراء في هالوقت بالذات لانك حتى لو شريت السيارة فأنت في نص عام 2008 والإنتظار لعام 2009 يمكن يتعدل الموديل ويصير احسن وصدقوني هم اصحاب المعارض بيسوون على سياراتهم عروض ( تنزيلات ) :victory:


يا أصحاب المعارض إتقوا الله وخافوه وياشباب إركدوا شوي !!:rolleyes2:

[ولد الزبارة]

أعتقد أن الكروزر صار الموتر الوطني عندنا:tease:

وانت مسافر على طول الطريق اذا شفت كروزر تعرف انه قطري


ليش ماادري:omg:

[قطر501]

والله كلامك صحيح 100 % اخوي الي قاعد يصير أمر مب طبيعي والي استغربه من معظم الشباب ماخذ للاندكروزر وكاشخ فيها بروحه يعني الرجال مب متزوج ولا حتى يوصل أهله اي مكان ليش كل واحد في البيت صار عنده للاندكروزر يعني شوفوني الله المستعان على الجاي ومشكلة مواتر هالايام كلها تلزيق

[Khalid222]

الاسلوب الجديد المتبع من قبل المعارض في سحب السيارة من الوكيل وعرضها بسعر اعلى.. بفرق 10 الاف تقريبا او اكثر .. وهذا الي تسبب في نقص شديد في سيارات الاند كروزر.. وساعد على خلق هذا الاستغلال من المعارض .. والي تربح به العب به... معاك اخوي ان لابد من تدخل من الوكيل في التوقف عن بيع السيارات بالطريقة الحالية للمعارض .. الامتناع عن الشراء لفترة طويلة حتى يزيد العرض وترجع السيارات الى الاسعار الطبيعية... يعني احنا ناقصين ارتفاع اسعار.. الدولار ينزل من صوب .. الشحن يرتفع من صوب والمعارض اتزيد .. يعني المستهلك اكبر المتضررين.. والله يكون في العون... واخيرا نحتاج الى تدخل من حماية المستهلك ونقول لهم صح النوم..

[@فهد@]

لو كانت هناك مقاطعه عشان الكل يوقف عند حده كان فكروا زين قبل مايزيدون الاسعار

الغريبه انه في الخليج الوكيل اسعاره اغلا من اسعار المعارض هنيه شكله العكس

الله يعين ومشكور اخوي علي الموضوع

[الدوحي7]

والله صدقت في موضوعك ،،استغلال ماله حد،،والله يسامح اصحاب المعارض بزياده الغير منطقيه جدا،،

[desert hunter]

معاك حق اخي الكريم

ولازم يكون في حل

لان الموضوع زاد عن حده

والله المستعان

[لاداعي]

استغلال

[إنتعاش]

اخواني الكرام

مع احترامي الشديد لوجهات نظركم وانا متفهم لنقطة ان حرام هالفرق الكبير
في الاسعار ..

ولكن ولكن ولكن

لما نجي ونحلل المشكلة و نشوف شنو السبب

السبب الاول والاخير هو :

(( المستهلك ))

نعم ،، نحن ،،

لو كل واحد فينا حب ياخذ سيارة جديدة راح الوكالة
و دفع عربون حجز وخذ الوصل وانتظر وش بيضره ؟

4 او 5 اشهر ؟

وبعدين ؟


بيجيك الموتر لين عندك بالسعر الاساسي - سعر الوكيل -

لكن المعارض الحالية الموجودة واللي تلقاها تحط لك 40 و 50 الف فرق
او نفترض 20 او 25 الف ريال فرق ..

هاذي مخصصة لفئة من الشباب
اللي - عنده كاش -
ويبي يركب السياره اول واحد
او من اول الناس ..

فما يهمه كم يدفع او كم سعر السيارة ..
هاذي هي الفئة المستهدفة في المعارض ..


فلذلك مختصر الكلام اقول :

1- الوكيل للأسف الشديد عليه علامة استفهام كبيرة في طريقة ترويج السيارة
من خلال تخزينها بشكل كبير ولكن ما يعرضها إلا للمعارض و بعض الناس
من باب مسك السعر و تنشيف السوق و - إيهام المستهلك - ان السيارة
مش موجودة .


2- المستهلك الصراحة عليه لوم كبير وكبير جدا ً لأنه يستعجل ويحب يركب السيارة
بأسرع وقت ممكن للمظاهر لا اكثر ،، لذلك هنا النقطة تكون ما بين :
- اهل الكاش والفلوس : بكيفهم وش نسوي فيهم لأن ما يهمه السعر
- واللي ما عنده كاش عدل : عليه التروي والتصرف بشكل سليم اكثر
بالذهاب للوكيل والحجز ودفع العربون وكلها شهرين او ثلاثه والموتر عندك


تحياتي للجميع

[سوق واقف]

السيارة سخيفة بمعنى الكلمة

[ســـهم]

اخواني الكرام

مع احترامي الشديد لوجهات نظركم وانا متفهم لنقطة ان حرام هالفرق الكبير
في الاسعار ..

ولكن ولكن ولكن

لما نجي ونحلل المشكلة و نشوف شنو السبب

السبب الاول والاخير هو :

(( المستهلك ))

نعم ،، نحن ،،

لو كل واحد فينا حب ياخذ سيارة جديدة راح الوكالة
و دفع عربون حجز وخذ الوصل وانتظر وش بيضره ؟

4 او 5 اشهر ؟

وبعدين ؟


بيجيك الموتر لين عندك بالسعر الاساسي - سعر الوكيل -

لكن المعارض الحالية الموجودة واللي تلقاها تحط لك 40 و 50 الف فرق
او نفترض 20 او 25 الف ريال فرق ..

هاذي مخصصة لفئة من الشباب
اللي - عنده كاش -
ويبي يركب السياره اول واحد
او من اول الناس ..

فما يهمه كم يدفع او كم سعر السيارة ..
هاذي هي الفئة المستهدفة في المعارض ..


فلذلك مختصر الكلام اقول :

1- الوكيل للأسف الشديد عليه علامة استفهام كبيرة في طريقة ترويج السيارة
من خلال تخزينها بشكل كبير ولكن ما يعرضها إلا للمعارض و بعض الناس
من باب مسك السعر و تنشيف السوق و - إيهام المستهلك - ان السيارة
مش موجودة .


2- المستهلك الصراحة عليه لوم كبير وكبير جدا ً لأنه يستعجل ويحب يركب السيارة
بأسرع وقت ممكن للمظاهر لا اكثر ،، لذلك هنا النقطة تكون ما بين :
- اهل الكاش والفلوس : بكيفهم وش نسوي فيهم لأن ما يهمه السعر
- واللي ما عنده كاش عدل : عليه التروي والتصرف بشكل سليم اكثر
بالذهاب للوكيل والحجز ودفع العربون وكلها شهرين او ثلاثه والموتر عندك


تحياتي للجميع

اللوم الأول على الوكيل وليس المستهلك

لماذا لايوفر الوكيل متطلبات المستهلكين ؟

[اكسجين]

2- المستهلك الصراحة عليه لوم كبير وكبير جدا ً لأنه يستعجل ويحب يركب السيارة
بأسرع وقت ممكن للمظاهر لا اكثر ،، تحياتي للجميع


هذي الزبده .

[موظف بالبورصه]

اللوم الأول على الوكيل وليس المستهلك

لماذا لايوفر الوكيل متطلبات المستهلكين ؟

عليك نور اللوم على الوكيل ...

وطبعا الوكيل ربحان من السالفه هذي ..

واهم شي عنده الربح .. المستهلك اخر مايفكر فيه هو ..

لانه اول حاجه المعارض يشلون بكميات وثاني شي يصدر السيارات للخارج ..

تدخل بعض الوكالات تخيل يتكلمون معام بأسلوب راقي ويعطيك معلومات عن الموتر..

تدخل شركة التيوتا كنك اطر من عندهم عشان موتر ..

ويعطيك اياها تبي اهلا وسهلا ماتبي في غيرك ينطرون :eek5:

طبعا الوكيل وصل لي هالمرحله بسبب المستهلكين الي تناثروا عليه في الشركه

وراضيين يدفعون اعلى من سعر السياره بـ 20000 الف عشان ياخذونها من اول الناس

والوكيل مستفيد من هالشي واموره ماشيه .. وطبعا همه الأول والأخير الأستفاده

والمستهلك في اخر تفكيره ..

في الأخير المستهلك الي خلاهم يوصلون لي هالمرحله ..

[qatarairways2]

عندنا مثل قديم يقول " لو يدري عمير كان شق جيبه "

لو عندكم احد يشتغل في الجمارك اسألوه :
كم سيارة تنزل البلد كل يوم ؟
ما هو السعر الحقيقي المسجل في بيان استيراد كل سيارة على حده؟

وبعد الصدمة سيعرف من الذي يستغل الناس بالضبط هل هو الوكيل ام اصحاب المعارض0


تحياتي

[شقران2]

اما عن رايي في الموضوع

الاخ سهم 00 طرح الموضوع بشقين

الشق الاول عن السياره وهل تستاهل التهخافت ولا ما تستاهل

عن رايي في السياره ورفقة الدرب الي بيني وبينها ما تصدق كلامي هذا من واقع (( خبره + تجربه + اختبار + سنوات ))

اسمع تجربه في اوعر المناطق مقانيص في باكستان العراق النيجر تركمانستان الربع الخالي ... ما بعد يوم قال واحد منا يالربع موتري متعطل ما بعد يوم واحد منا قال اسعفوني موتري وقف ما دري شفيه

رفيق درب صحيح وما يوهقك نضوي المخيم بعد يوم حافل من المقناص والطرد والدوجه وما عليك الا تعبيه بترول وتقنص ثاني يوم بحفظ الله

هذا عن البر

اما في البلاد موتر حلو وكشخه وعب بترول وامش وابد ابد ما تعرف الخراب والعطال والسعر مضمون في البيع وزبونه حاضر مب غيره من السيارات

الشق الثاني من الموضوع الوكاله والتاجر

اعتقد فيه تلاعب واكيد وهذا من الوكيل والتجار والرشاوي الي تندفع لموظفين الشركه لتحويل الحجوزات على اصحاب المعارض

[فارس قطر]

ريح نفسك وروح الحساء وجيبلك واحد والفرقية حطها بجيبك

[المهم1000]

سمعت انه في اتفاق مع الوكيل والمعارض

يعني الوكيل يعطي المعارض وياخذ منهم فايده على كل سياره 5000 الاف

وهم يزيدون السعر يحطون لك ب 15 او 20 الف زياده

يعني

استغلال

[اّل ثاني 77]

السيارة سخيفة بمعنى الكلمة


:nice:
:nice:
:nice:
:nice:
عبدالغني لاعب عليكم

[<>شوشو<>]

والله معاكم حق

[vip8]

يااااااااااااااااااااااااااناس والله هل الدووووووووحه في خير .. وكلن شايف النعمه ولله الحمد حتى بالدين .. وشسالفه اركب السياره قبل اي حد في الدوحه .. عسااه بيدش الجنه بدون حساب .. ليش هالاعجله ياخي الي عندك في 2007 سياره وتقضي الحال والي في 2008 بعد سياره بس مب معقوله احنا الي خربنا السوووق وخربنا على نفسنا لو كل مواطن او مستهلك عاقل يحتج على هلاسعار وهالمبالغات في الوكيل او المعاااااااااارض .. ذيك الساعه بطيح في جبدهم بس الشرهه على المطافيق الي يخافووون الكشخه تفوتهم لا ويالييه كااااااااااااااااااااااش والله دين والله ..

[مافيا قطر]

صج استغلال من المعارض والشركه وبعدين اللى مستعجلين على الكروزر خير ياطير اذا انت من اوائل الناس انك ركبته بيزدك رجل ولا يد عادى فلان راح وفلان جه موتر لاراح ولاجه واللى يقهر زياده ياخذونه اقساط وعقب يبيعه ليش قالك ارتزيت فيه وبعدين الريشه طاحت من فوق راسك

[مستانس]

انا الي ابي اعرفه ليش الوكاله طالبين 20000الف حجز ليش ما يحطونها 5000 او 1000

[مافيا قطر]

تعجيز لانه فى ناس تحجز ولا تشترى بس انه حجز وانه واهم نفسه بيشترى واخرته مب شراى وحتى بعضهم يسحب من الفيزا ولا الماستر اشان الدفعه والله صج اللى قال رزق الهبل على المجانيين

[بوسيف الهاجري]

بدون تعليق
بس اعتقد 90% من الي ردو سياراتهم تويوتا2008

[المخفي]

انا سيارتي 2004 ولا افكر اشتري سيارة لين ما ابني لي بيت

والحمد لله ما علي ديون وراتبي زين والحمد لله

[الفهد1]

واللة معاك حق انا اليوم متصل احدى المعارض وشفت الفرق في الكزس 50000 والانكروزر ب 10000 المشكلة في الوكيل ان يتخذ قرار البيع اول شي للمواطن لكن الغريب اتروح الوكالة تنصدم لا توجد سيارات في الوكالة مع العلم بانة جميع حوطات عبدالغني متروسة من جميع انواع السيارات والغريب انها جميعها مباعة هناك سر غريب وواضح المعرض يحصل على الي يبية والامواطن يتصافق مايدري يروح اى معرض واللة استغلال

[Qa6ar]

ياجماعه قبل يومين بالضبط كنت بالنعيريه ياجماعه وارد الدوحه مطلوب اكثر من اي مكان ثاني للعلم

وللعلم في كل الخليج متوفره سيارات لكن في قطر مطلوبه ليش....

جاني كذا واحد سعودي يسأل هذي وارد الدوحه بتبيعه وعلى كم وليش هذي مواصفاته للعلم بس

[gxr o.z]

ياجماعه قبل يومين بالضبط كنت بالنعيريه ياجماعه وارد الدوحه مطلوب اكثر من اي مكان ثاني للعلم

وللعلم في كل الخليج متوفره سيارات لكن في قطر مطلوبه ليش....

جاني كذا واحد سعودي يسأل هذي وارد الدوحه بتبيعه وعلى كم وليش هذي مواصفاته للعلم بس

كلامك صحيح يالغالي!!السعوديين والأماراتيين يموتون على الكروزر القطري والبريمي!!
طبعا البريمي مب تلزيق علاماته لكن الكروزر السعودي تجاري تخيلو
الدواسات
الليت الي على المراية الجانبية
الجناح
العرشة
والرنقات
خطوط الgx والg
ورشاشات الماي تركيب وكل هالأشياء تتركب بالورش !!
ثاني شي
الوارد السعودي هالسنة انتشر لأنه رخيص واصحاب المعارض يشترون كميات كبيرة ويبدلون العلامات ويبيعون بسعر غالي!!
الصراحه السوق كله غش بغش
الله يخلي لنا معرض ليوا والبريمي بس..

[شقردي]

يجماعه لو اهل قطر كل واحد فيهم يمسك بريك شوي لمدة 6 شهور او ثمان شهور بالكثير كل يصبر على سيارته الحاليه كان شفت عبد الغني بنفسه ينزل اعلانات كل يوم وخصومات وهدايا مع السياره لانها راح تتوفر بكميات بيتوهق فيها

مش مثلالدفعه الجديده زايد على قيمة السياره اكثرمن 7000 ريال

الصراحه وضع التويوتا يبيله حل

[الصيـاد]

عقول تايهة كروزر شكلة حلو شكلة دنكر ياخذون

كنة كل واحد ورا بيتة جبال الهمالايا كل قطر سطحة مسطح هذا الكلام موجة للشباب الفاضين

اما صاحب العائلة وضعة غير

سيارة تسد النفس من الخارج ومن الداخل اكثر 2008

[Mody]

عدل كلامكم استغلال وخاصه من ضعاف الايمان
الى ضعاف النفوس اللي يشترون من عندهم
ويربحونهم النهايب هذي كلها.

[بـــاروود]

ماقلت غير الصج يالخوي ويعطييك الف عافيه على الموضووع

[abdulla999]

الناس بسرعة ينقص عليها والدليل
جورج رزق لي بانق نص خلق الله

[نيساني]

باختصار المعارض طمع جشع .......الخ

[simota uae]

كلام اخوي انتعاش 100% وهذا اللي حاصل بدون اي جدال..............

[alkoos]

انا اعتقد في تعاون بين شركة تويوتا والمعارض والهدف رفع سعر الجيات عاليا وفعلا حاليا في الشركة زاد السعر تقريبا من2000 الى 6000 وتوووو الناس باجر بتحصل الجي 170 الف والجي اكس 190 الف والجي اكس ار 215 الف والفي اكس ار 255 الف والكزس 400 الف خخخخخخخخخخ الله المسعان ليش الناس تستعيل ياخي انطر شهرين ثلاثه اربعه ولا ادفع 50 الف فرق الله يهدي الجميع

[gxr o.z]

انا اعتقد في تعاون بين شركة تويوتا والمعارض والهدف رفع سعر الجيات عاليا وفعلا حاليا في الشركة زاد السعر تقريبا من2000 الى 6000 وتوووو الناس باجر بتحصل الجي 170 الف والجي اكس 190 الف والجي اكس ار 215 الف والفي اكس ار 255 الف والكزس 400 الف خخخخخخخخخخ الله المسعان ليش الناس تستعيل ياخي انطر شهرين ثلاثه اربعه ولا ادفع 50 الف فرق الله يهدي الجميع

اخوي معرض البريمي
vxr سبيرين جلد270الف

[بوحارب]

انا واحد ما أثرت فيني المواتر الجديده

والدليل توني ماخذ VXR96

بالنسبه لي احسن من الجديد

الكديش خخخخخخخخخخخ