عيوب الكروزر الجديد 2008

[سوق واقف]

السلام عليكم ورحمة الله وبركاته

أخواني الأعزاء

حبيت أنصحكم نصيحة أخوية لا تشترون الكروزر الجديد والله عيوب في عيوب
كنت مسافر يوم الخميس في سيارة نسيبي المهم ...
..............................
1- السيارة يوم تلف السكان حده مع اللفات كنت أسمع صوت غريب قلت أكيد صوت الشنطة ورى نزلت وعدلت الشنطة وثبتها ... وقلت بلف في الباركن في مجمع عالي في البحرين نفس ا لصوت أستغربت المهم تميت اسوق شوي شي لين الوكيل عندهم المهم نزلت عند الوكيل قالي عادي كل السيارات جذي وقالي هذي في عيوب من الدفعة الأولى ....
..
2- الشيء الثاني أذا الثلاجة شغاله المكيف ما يتسكر سخيف جدااا
3- الشيء الثالث نظام البريك تعبان
4- الشيء الخامس لف السكان حده التاير يحك في الرفرف شوي
والله عيوب كثيرة ,,,,

لا حظ على السيارة الأزرة الخاصة بتنزيل الجامات من أردى الأنواع كأنها لعبة والله شوف الفرق بين القديم والجديد

على الخط مش مريح الموتر والله شاحنة تمر عليك تسمع صوت الفيبر يقول طرطرطرطر ههههههههههههه
والله كرهت الموتر وكنت حاجز ودافع اليوم كنسلت الحجز في التضامن الصراحة الموتر رديء في جميع النواحي .....

هذي نصيحة وانتو احرار ....
أعتقد هدفهم قطع رخيصة بسعر عالي ......

[@فهد@]

عليكم السلام ورحمة الله وبركاته

الله يجزاك خير اخوي علي النصيحه

واضح انهم قاعدين يحطون مواد رخيصه مو مستبعد انها تكون صناعه صينيه رديئه

دايم ننصح ماتاخذ من اول الدفعات والامر الثاني اي شكل جديد انتظر عليه سنه لانه دايم فيه مشاكل والي ذكرتها مشاكل مب عدله عيل تلف السكان يحك في الرفرف

علي فكره الي بيشتري من المعارض ينتبه من السيارات الي تجي من الوكيل السعودي ترا اكثر الزيادات تركيب جده مو تركيب المصنع

هاي الموضوع لقيته في المنتدي هنيه بعد ماقريته في ايميل من فتره

http://www.qatarshares.com/vb/showthread.php?t=165022
انتبهواااااا

[منكم نستفيد]

سكراب

ما يسوى بيزاة

[الدوحي7]

كلامك ممكن صحيح،، واسمح لي اقول هذا الشي،، ثاني شي انت اكيد نسيبك مركب عليه بواليين،، والبوالين ماجاتك من المصنع والشباب يركبون بالون حق الكشخه وهذا التاير غير عملى،ويركبونه حق لستعراض يعني طالع من اللفه تعطيه ريس وانت ماشي،، وثالث شي علشان الريافه تزيد،،ورابع شي علشان السياره ترتفع فوق،، وخامس شي انا عندي واحد بس مخليه حق السفر وحق لخطوط وحق المشاوير لطوال، ووسافرت فيه من احسن السيارات،، وعلى فكره اكيد انت عندك صالون مايصير تقارنه بسياره فورويل،، اذا قارنته بلموديل القديم انا جربت القديم ومافي مقارنه بينهمم هذا افضل الجديد،، وسادس شي لاصوت ولاشي ويمكن الموتر الى ماخذه نسيبك تجاري هههههههه مداعبه لاغير كلمه تجاري،،على العموم لاسياره حق السفر وحق البحر وحق البر بلعربي سياره عمر غير التويوتا2008،، وهذه وجه نظري من تجربته معا التويوتا،، وبتوفيق لك وحق نسيبك وقوله يبيعه 100الف وانا شراي اذا جي اكس فتحه سبير علاق،،،،

[فارس قطر]

مشكورين ع النصيحة وانا ناوى اطلع 2009 انشاء الله

[fahad487]

انت مبالغ وايد اخوي

السياره عندي من شهر 11 وسافرت فيها

صراحه ماشفت شي من اللي تقول عنه

[مستثمر111]

والله صراحة اول مرة اسمع هذا الكلام والله انه موتر عجيب وحد الرفاهية انا خذت واحد من 3 شهور وبكرة مطلع واحد والله عجيب وموضوع الثلاجة مب عيب هذي تسمى مشكلة في الكهربة ولي يشوف كلش 24ساعة مشغل الثلاجة والله انا مستانس علية وايد وانصح الجميع انه ياخذة وانا جربت كل المواتر ولله الحمد الرنج والبي ام وباقي المواتر تقعد في الوكاله اكثر من ماتستعملها وبعدين يكفي ان التويوتا مايوقف عليك في الشارع شهر 6و7 الساعه 1 الظهر

[رقم مميز]

تم تجربه الموتر

وبا النسبه لي فاشل من جميع النواحي

يكفي يوم طلعت من الخط با السنه كان بيقلبني

والقديم اقطه قط من القار عادي

موتر فاشل تقووول مدرعه ولافشل منه اللكزس الفرويل اليديد تقوول ستاندر

وهذا في راي الشخصي

وللعلم انا مجرب الموتر مايسوى بيزه

[مستثمر111]

الشيخ كان بيقلبك لانك مشغل نظام الانزلاق افصلة وجرب

[راعي ال2008 الاسود]

مشكور اخوي على طرح الموضوع وبالتوفيق ان شاء الله

[قطر الشموخ]

انا عندي جيكسار من شهر 12 والحمد الله ماشوف في اي شي وعليه بوالين مب شرط الواحد اذ ركب بوالين يستعرض انا عندي وعليه بوالين ولا عليه كلام ريف ماشاء الله عليه وكل شي اووكى وبعدين اي موترر في العالم
على حسب الاستخدام والسواقه

[قطر الشموخ]

ونسيت اقولك يعطيك العافيه على الموضوع

[gxr o.z]

والله عيوب غريبة انا مااكذبك لكن بس مستغرب يفداك الكذب يالذيب

[Qa6ar]

وجهه نظر اخوي

انا جربته ماعليه كلام

[nym]

انا موتري vxr من شهرين استخدمه مافي هذي المشاكل

[قطري33]

اعتقد والله اعلم انه الموضوع مزحه من اخونا سوق واقف يبي اللي حاجزين يكنسلون طلبياتهم ويروح عند صبري ويستلم موتره بسرعه ههههههههه
ماعليك يا سوق واقف وانا اخوك .... على قولت واحد من الربع كلها 50 سنه وربك بيفرجها

[ALRAYYAN]

اسمحلي يالغالي اقولك انت وايد مبالغ :omen2:

يعني حتى لو موترك فيه عيوب ماعتقد هالكثر او بهالطريقه

انا موتري vxr جربته ع الخط وكان رووووعه
ورحت فيه البحرين مثلك عشان ماتقول لا انت رحت مكان ثاني .. اتغشمر معاك :nice:
وكان من احلى مايمكن مريح وعلى الخط ريف وهادي ومافي اي شي من اللي تقول عنه غير ان الموتر لفته كبيره وتعودت عليه خلاص

يمكن موترك صايبته عين :eek5:

[PoBox]

من زود حنتك

اكيد اول ماركبته قلت الكروزر اللعين مثل ماتسوي مع الاجارة
فصادته اللعنة :pardon:

[gxr o.z]

اسمحلي يالغالي اقولك انت وايد مبالغ :omen2:

يعني حتى لو موترك فيه عيوب ماعتقد هالكثر او بهالطريقه

انا موتري vxr جربته ع الخط وكان رووووعه
ورحت فيه البحرين مثلك عشان ماتقول لا انت رحت مكان ثاني .. اتغشمر معاك :nice:
وكان من احلى مايمكن مريح وعلى الخط ريف وهادي ومافي اي شي من اللي تقول عنه غير ان الموتر لفته كبيره وتعودت عليه خلاص

يمكن موترك صايبته عين :eek5:

:nice::nice::nice::victory::tease::eek5::)

[شقران2]

توني جاي انا وواحد من الربع من المقناص

واحد Vxr وواحد Gx

الصراحه كرفناهم كرف ولا عليهم كلام

لا صوت لا قرقعه خذ روافه وسحبيه

يسلمون بوعيون صغار عزالله بدعوا

العيب الوحيد الثلاجه

[بوجاسم566]

مشكور اخوي على طرح الموضوع وبالتوفيق ان شاء الله

[سهم طايح]

اذا بنكون واقعيين فالموتر فيه عيوب بس ان شاء الله انها مب عيوب كبيره

[بوبندر]

كلامك ممكن صحيح،، واسمح لي اقول هذا الشي،، ثاني شي انت اكيد نسيبك مركب عليه بواليين،، والبوالين ماجاتك من المصنع والشباب يركبون بالون حق الكشخه وهذا التاير غير عملى،ويركبونه حق لستعراض يعني طالع من اللفه تعطيه ريس وانت ماشي،، وثالث شي علشان الريافه تزيد،،ورابع شي علشان السياره ترتفع فوق،، وخامس شي انا عندي واحد بس مخليه حق السفر وحق لخطوط وحق المشاوير لطوال، ووسافرت فيه من احسن السيارات،، وعلى فكره اكيد انت عندك صالون مايصير تقارنه بسياره فورويل،، اذا قارنته بلموديل القديم انا جربت القديم ومافي مقارنه بينهمم هذا افضل الجديد،، وسادس شي لاصوت ولاشي ويمكن الموتر الى ماخذه نسيبك تجاري هههههههه مداعبه لاغير كلمه تجاري،،على العموم لاسياره حق السفر وحق البحر وحق البر بلعربي سياره عمر غير التويوتا2008،، وهذه وجه نظري من تجربته معا التويوتا،، وبتوفيق لك وحق نسيبك وقوله يبيعه 100الف وانا شراي اذا جي اكس فتحه سبير علاق،،،،

كلامك صحيح100%100 اخوي الدوحي عندي GXRوارد البريمي ماشي الى اليوم 25000الف ماخليت مكان مارحت فيه توني جاي فيه من مكه موتر موريح في الخط الى ابعد الحدود والحمد لله ماشتكيت من شي فيه كان عندي 2007 فرق كبير من كل النوحي...

[heez1]

مشكور اخوي على طرح الموضوع وبالتوفيق والبركة ان شاء الله

وكنت اتمنى الاستفادة بشكل اكبر ومشاركة بشكل اوسع في هذا الموضوع
وبشكل ذو طابع جدي اكثر

اعتقد هذا الموضوع قد يكون مهما لشريحة كبيره من الناس
المهتمين في امور هذا النوع من المواتر


تحياتي ... .... هيز

[@@ديزل@@]

السلام عليكم ورحمة الله وبركاته

أخواني الأعزاء

حبيت أنصحكم نصيحة أخوية لا تشترون الكروزر الجديد والله عيوب في عيوب
كنت مسافر يوم الخميس في سيارة نسيبي المهم ...
..............................
1- السيارة يوم تلف السكان حده مع اللفات كنت أسمع صوت غريب قلت أكيد صوت الشنطة ورى نزلت وعدلت الشنطة وثبتها ... وقلت بلف في الباركن في مجمع عالي في البحرين نفس ا لصوت أستغربت المهم تميت اسوق شوي شي لين الوكيل عندهم المهم نزلت عند الوكيل قالي عادي كل السيارات جذي وقالي هذي في عيوب من الدفعة الأولى ....
..
2- الشيء الثاني أذا الثلاجة شغاله المكيف ما يتسكر سخيف جدااا
3- الشيء الثالث نظام البريك تعبان
4- الشيء الخامس لف السكان حده التاير يحك في الرفرف شوي
والله عيوب كثيرة ,,,,

لا حظ على السيارة الأزرة الخاصة بتنزيل الجامات من أردى الأنواع كأنها لعبة والله شوف الفرق بين القديم والجديد

على الخط مش مريح الموتر والله شاحنة تمر عليك تسمع صوت الفيبر يقول طرطرطرطر ههههههههههههه
والله كرهت الموتر وكنت حاجز ودافع اليوم كنسلت الحجز في التضامن الصراحة الموتر رديء في جميع النواحي .....

هذي نصيحة وانتو احرار ....
أعتقد هدفهم قطع رخيصة بسعر عالي ......

الله ياامكبره عند الله الحين بااقولك ويش العيب يااسوق واااقف تذكر يووم كنت دوووووور الكروزر الجديد مااخليت مكااان ومااحجزت في ماااخليت معرض ماامريت على والله ماالومك بس بااقولك شي ترى الكاامري حلووه الي عندك تبيع تقبل تحيااتي ولا تزعل مني :tease:

[بوحماني]

يمكن ايكون المصدر الشخصي للمال هو الموفق (اهم شئ الحلال علشان يتوفق في الموتر)

[كويتى1]

جزاك الله خيررررررررر

[الدوحي7]

كلامك صحيح100%100 اخوي الدوحي عندي GXRوارد البريمي ماشي الى اليوم 25000الف ماخليت مكان مارحت فيه توني جاي فيه من مكه موتر موريح في الخط الى ابعد الحدود والحمد لله ماشتكيت من شي فيه كان عندي 2007 فرق كبير من كل النوحي...

وانا اشهد لك انك انت من اول الاشخاص الى في المنتدى امتلك 2008 وكفايه انك جربته اكثر مني وهذه شهاده منك اعتز بها،،

[المخفي]

يا اخوان عطوه فرصة يتكلم ما يصير كذا الي قال فلوسه حرام والي طلع العيب من راعي الموضوع

يعني الكروزر قرآن منزل ما فيه عيوب

الي قريته أخوي من الانترنت

1-الثلاجة عيب تصنيعي ممكن تحل في الدفعات الجاية
2-السفايف خبركم لازم اللاندكروزر فيه هذا العيب
3-لفته كبيرة صعب حلها لانه عيب تصميمي ويجب اعادة تصميمه مرة اخرى
4-طقة في القير السبب من عمود الشفت يبيله قريز

[Dubai]

لا عيووب و لا شي ..

انا عندي جيكسار من شهر 11 و مشااء الله روووعه و مريح على الخط ..

و رحت فيه قطر و البحرين ..

[اكسجين]

ما يستاهل كل ها المدح وبعدين مهب كل من شر سلعه قام يمدحه...وهو متوهق بها............وعيوبه ووووواجد ووكالته ادمر منه.

[الدوحي7]

ما يستاهل كل ها المدح وبعدين مهب كل من شر سلعه قام يمدحه...وهو متوهق بها............وعيوبه ووووواجد ووكالته ادمر منه.

شيك في المخبى الفوقي(التويوتا2008)وعندنا غير لتويوتا بس نقولك مراه ثانيه اذا مافهمت( شيك، مته مابقيت تصرفه تصرفه )،،