المساعد الشخصي الرقمي

مشاهدة النسخة كاملة : أحتياطيات قطر من الغاز والنفط مقارنة بدول العالم


رايق
16-03-2008, 03:24 PM
السلام عليكم و رحمة الله و بركاته

في الأونة الأخيرة كثرت التقارير الأقتصادية عن قطر و ابدى عدد كبير من الخبراء و المحللين اعجابهم بأداء و نمو الأقتصاد القطري المبهر خلال السنوات القليلة الماضية

طبعا لا يخفى على الكثيرين ان المحرك الرئيسي وراء هذا النمو هو استغلال قطر لثرواتها الطبيعية من النفط و الغاز على أكمل وجه و من خلال خطط توسعية مدروسه تضمن استمرار هذا الخير للأجيال القادمه ..

حقيقة و خلال تصفحي لبعض المواقع .. وجدت مقارنة لحجم أحتياطيات الدول من النفط و الغاز بالنسبة لعدد السكان .. و حبيت اشاركم فيها :nice:

-----------------

الصوره الأولى توضح احتياطيات النفط (بالنسبة لعدد السكان) .. و قطر في المركز الثالث عالميا بعد الكويت و الأمارات

http://www.qatarshares.com.qa/data/234/237/storm_782788884_1940409987.jpg

---------


الصوره الثانيه :eek5: ... و كل واحد يذكر الله .. و يقول ماشاء الله تبارك الله omen .. توضح احتياطيات الغاز "بالنسبة لعدد السكان" .. و شوفوا الفرق بينا و بين دول العالم الأخرى



http://www.qatarshares.com.qa/data/234/237/storm_1049995020_1110785572.jpg


اللهم احفظ هذا البلد أمنا مطمئنا واحفظ اهله وولاة امره من كل سوء يا رب العالمين
أم أبراهيم
16-03-2008, 05:37 PM
نحمد الله على هذه النعمه

والمواطن ليس له نصيب من هذه الفرحة والنعمة . :weeping::weeping:

مادام سعادة وزير الطاقة يرفض زياده الرواتب للمواطنين

وهو في نفس الوقت يفتتح كنيسه بالملايين على نفقه الدولة .
jajassim
16-03-2008, 06:41 PM
اللهم لا حسد
بولينجر
16-03-2008, 07:01 PM
ما شاء الله تبارك الله...الله يبعد عنا الحسد ويحسن أحوالنا....تسلم يارايق يا خطير
سالم11
16-03-2008, 07:21 PM
تسلم يارايق

اللهم احفظ هذا البلد أمنا مطمئنا واحفظ اهله وولاة امره من كل سوء يا رب العالمين
سهم المراقيب
16-03-2008, 08:33 PM
ما شاء الله ويعطيك العافيه رايق عالإحصائيه ,,
وين أصدقاء البيئه عن هالأرقام :nice::telephone: ,,
رايق
16-03-2008, 11:57 PM
نحمد الله على هذه النعمه

والمواطن ليس له نصيب من هذه الفرحة والنعمة . :weeping::weeping:

مادام سعادة وزير الطاقة يرفض زياده الرواتب للمواطنين

وهو في نفس الوقت يفتتح كنيسه بالملايين على نفقه الدولة .


الدولة و الحق يقال والله بدون مجاملة تسعى لرفاهية المواطن و توفير سبل العيش الكريم له

صحيح من حقنا ننتقد بعض الممارسات من بعض المسؤليين و هذي حرية كفلها لنا اميرنا المفدى .. لكن لازم يكون جل اهتمامنا مصلحة الوطن اولا .. ننتقد لكن في نفس الوقت نبني و نساهم في تطور بلدنا .. نقول للمخطئ اخطات .. و المصيب نقوله احسنت و جزاك الله خير

الله يحفظ قطر و أهلها .. والله ان احنا في نعمه يحسدنا عليها العالم اجمع
FG
17-03-2008, 12:11 AM
:telephone:

أشوى الصور ماطلعت عندي عشان مايصير فيني شي !!
Affable Lady
17-03-2008, 01:05 AM
:omg::eek5::omg::eek5:

ماقدرت ما أشهق!!!

omenماشاءالله تبارك الله اللهم لا حسدomen

اللهم لك الحمد كما ينبغي لجلال وجهك وعظيم سلطانك وسابغ نعمتك

بس بصراحة .. يارايق

على قد مافرحت .. على قد مازعلت .............. مايحتاج أكمل ..

أنت تعرف ليش!! .. بالرغم من إني مب سوداوية:weeping:
رايق
17-03-2008, 12:13 PM
اللهم لا حسد

من شر حاسد اذا حسد


ما شاء الله تبارك الله...الله يبعد عنا الحسد ويحسن أحوالنا....تسلم يارايق يا خطير

الله يسلمك اخوي بولينجر



تسلم يارايق

اللهم احفظ هذا البلد أمنا مطمئنا واحفظ اهله وولاة امره من كل سوء يا رب العالمين

اللهم امين .. مشكور اخوي سالم



ما شاء الله ويعطيك العافيه رايق عالإحصائيه ,,
وين أصدقاء البيئه عن هالأرقام :nice::telephone: ,,

الله يعافيك سهم المراقيب

عندنا حماية البيئة من الأولويات .. ولا شرايك ؟ omen


:telephone:

أشوى الصور ماطلعت عندي عشان مايصير فيني شي !!

غريبه ليش ما طلعت :con2:





:omg::eek5::omg::eek5:

ماقدرت ما أشهق!!!

omenماشاءالله تبارك الله اللهم لا حسدomen

اللهم لك الحمد كما ينبغي لجلال وجهك وعظيم سلطانك وسابغ نعمتك

بس بصراحة .. يارايق

على قد مافرحت .. على قد مازعلت .............. مايحتاج أكمل ..

أنت تعرف ليش!! .. بالرغم من إني مب سوداوية:weeping:

سوداوية ولا سداوية ؟ :p

الله لا يجيب الزعل يا كررررررررررريزي ليدي

بس ما قلتيلي ليش
اكسجين
17-03-2008, 01:07 PM
نحمد الله على هذه النعمه

والمواطن ليس له نصيب من هذه الفرحة والنعمة . :weeping::weeping:

مادام سعادة وزير الطاقة يرفض زياده الرواتب للمواطنين

وهو في نفس الوقت يفتتح كنيسه بالملايين على نفقه الدولة .

الحمدلله
والشكوى لله.
Affable Lady
17-03-2008, 03:56 PM
من شر حاسد اذا حسد



الله يسلمك اخوي بولينجر




اللهم امين .. مشكور اخوي سالم




الله يعافيك سهم المراقيب

عندنا حماية البيئة من الأولويات .. ولا شرايك ؟ omen



غريبه ليش ما طلعت :con2:





سوداوية ولا سداوية ؟ :p

الله لا يجيب الزعل يا كررررررررررريزي ليدي

بس ما قلتيلي ليش





لأني مادري وشنصيبي من هالكيكة الراهية؟!

باخذ لي قطعة .. والا لحسة (وعذراً للتعبير) ..

الحمدلله ماقصروا عنا بشي ... ومابي شي ...

بس أبيهم يوزعون عوائد الثروات الطبيعة للمواطنين بالعدل ...

ولايزاحمني فيها الأجنبي:anger1:

وجعل روسهم سالمة...

:

هاه يا رايق <<<<<<< أنا طلبت شي ؟:discuss:

.
رايق
17-03-2008, 04:37 PM
لأني مادري وشنصيبي من هالكيكة الراهية؟!

باخذ لي قطعة .. والا لحسة (وعذراً للتعبير) ..

الحمدلله ماقصروا عنا بشي ... ومابي شي ...

بس أبيهم يوزعون الثروات الطبيعة للمواطنين بالعدل ...

ولايزاحمني فيها الأجنبي:anger1:

وجعل روسهم سالمة...

:

هاه يا رايق <<<<<<< أنا طلبت شي ؟:discuss:

.

كرررررررررررررريزي ليدي ..

مستحيل الكيكة نقسمها بينا بالتساوي 100% ... هذي سنة الحياة .. البعض بتكون قطعهم كبيره و راهية :D .. و البعض متوسطه .. و ان شاء الله ما يكون بينا ناس قطعهم تكون صغيره .. لكن ثقي ان الجميع راح يكون لهم نصيب من هالخير ان شاء الله ..

بالنسبة للأجنبي .. هو موجود مؤقتا لتأدية خدمة .. و طبعا ما يخدم بخيل .. اكيد مراح يجون يشتغلون عندنا علشان سواد عيونا .. ولا عاجبتهم الرطوبه و السموم اللي تقلب الوانهم 180 درجه :rolleyes2:

هااه يا كرررررررررررريزي ليدي .. تبين الكيكه فانيلا و تشوكليت ؟ :discuss:
Affable Lady
17-03-2008, 05:04 PM
كرررررررررررررريزي ليدي ..

مستحيل الكيكة نقسمها بينا بالتساوي 100% ... هذي سنة الحياة .. البعض بتكون قطعهم كبيره و راهية :D .. و البعض متوسطه .. و ان شاء الله ما يكون بينا ناس قطعهم تكون صغيره .. لكن ثقي ان الجميع راح يكون لهم نصيب من هالخير ان شاء الله ..

بالنسبة للأجنبي .. هو موجود مؤقتا لتأدية خدمة .. و طبعا ما يخدم بخيل .. اكيد مراح يجون يشتغلون عندنا علشان سواد عيونا .. ولا عاجبتهم الرطوبه و السموم اللي تقلب الوانهم 180 درجه :rolleyes2:

هااه يا كرررررررررررريزي ليدي .. تبين الكيكه فانيلا و تشوكليت ؟ :discuss:



رااااااااايق

صحيح سنة الحياة ما تكون القسمة عادلة 100% ..

بس أنا أقول الجملة الرنانة اللي دوم نسمعها لم نذكر مواردنا الطبيعية omen

وترى قطعتي متنازلة عنها ...

للأرامل واليتامى والمطلقات والعوانس اللي مايشتغلون ولا عندهم عائل يعيلهم!!:(

ترى الكيكة موجودة من زمان ... وماشفنا توزيع كريم مب عادل للفئات المذكورة أعلاه!!

واحنا نأدي خدمة يارايق للبلد .. ومثل ما يعطون الأجنبي يعطونا ..

يعني الأجنبي عنده مؤهلات واحنا ماعندنا!!!

الأجنبي يكرف وإحنا مسمتين عالكراسي!!!

ياخي خدمنا وماقصرنا ومب مقصرين إن شاءالله ...

بس نبي .. على قد مانتعب و"نكرف" تحديداً ... وعلى ماعندنا من خبرات وكفاءات

على قد ما نقبض راتب!!

على قد مايقدرون الأجنبي معنوياً ومادياً .... أبي جانب من هذا التقدير ..


لا أخفيك ....

لي قالوا الاجنبي خذ .. والاجنبي قال .. وعطوا الاجنبي ... وسوا الأجنبي ..

على طول يخطر ببالي ..

اشلون أصير أجنبية؟؟؟؟؟؟؟؟!!!!!!!!

:weeping:
عضو المنتدى
17-03-2008, 08:23 PM
الحمد لله

ويتضح من الجدول أن قطر من أغنى دول العالم والخليج .

وأن شاء الله هذه النعمه تظهر على المواطنين وتعود عليهم بالنفع .

مثل شعب الكويت والأمارات .
الدوحـــــ2016ــــــــة
17-03-2008, 08:34 PM
ما شاء الله وتبارك الله

بلادنا قطر أغنى 25 مرة من ثاني أغنى بلاد في العالم في مجال الغاز والنفط حسب تعداد السكان

رب اجعلها نعمة دايمة وابعد الحساد وذو الأطماع عنا وعن بلادنا .... آمين يارب العالمين

شكرا لك أخي صاحب الموضوع
السامـي
17-03-2008, 09:19 PM
اللهم لك الحمد والشكر على هذه النعمة.

بس ظنك ما راح يقولون لنا بكرة هذي احتياطات

للأجيال القادمة؟.

تحياتي.،،،،
رايق
18-03-2008, 02:05 PM
رااااااااايق

صحيح سنة الحياة ما تكون القسمة عادلة 100% ..

بس أنا أقول الجملة الرنانة اللي دوم نسمعها لم نذكر مواردنا الطبيعية omen

وترى قطعتي متنازلة عنها ...

للأرامل واليتامى والمطلقات والعوانس اللي مايشتغلون ولا عندهم عائل يعيلهم!!:(

ترى الكيكة موجودة من زمان ... وماشفنا توزيع كريم مب عادل للفئات المذكورة أعلاه!!

واحنا نأدي خدمة يارايق للبلد .. ومثل ما يعطون الأجنبي يعطونا ..

يعني الأجنبي عنده مؤهلات واحنا ماعندنا!!!

الأجنبي يكرف وإحنا مسمتين عالكراسي!!!

ياخي خدمنا وماقصرنا ومب مقصرين إن شاءالله ...

بس نبي .. على قد مانتعب و"نكرف" تحديداً ... وعلى ماعندنا من خبرات وكفاءات

على قد ما نقبض راتب!!

على قد مايقدرون الأجنبي معنوياً ومادياً .... أبي جانب من هذا التقدير ..


لا أخفيك ....

لي قالوا الاجنبي خذ .. والاجنبي قال .. وعطوا الاجنبي ... وسوا الأجنبي ..

على طول يخطر ببالي ..

اشلون أصير أجنبية؟؟؟؟؟؟؟؟!!!!!!!!

:weeping:

الأمور هذي يا كررررررررررريزي ليدي تصير في كل مكان

اكيد هناك أفضلية للبعض على حساب البعض الاخر .. سواء مواطن او أجنبي

المحسوبية و الواسطة و ال connections لها دور

نتمنى والله ان الشخص المناسب يكون في المكان المناسب بغض النظر سواء كان أجنبي او مواطن .. من عايله 8 سلندر ولا عايله 4 سلندر ..

لكن بشكل عام .. الدولة تضمن توفير وظيفة لكل مواطن كلـ ن على حسب مؤهلاته

صحيح هناك تجاوزات .. لكنها فردية و ليست سياسة دولة
رايق
18-03-2008, 02:08 PM
الحمد لله

ويتضح من الجدول أن قطر من أغنى دول العالم والخليج .

وأن شاء الله هذه النعمه تظهر على المواطنين وتعود عليهم بالنفع .

مثل شعب الكويت والأمارات .

ان شاء الله :)
رايق
18-03-2008, 02:20 PM
ما شاء الله وتبارك الله

بلادنا قطر أغنى 25 مرة من ثاني أغنى بلاد في العالم في مجال الغاز والنفط حسب تعداد السكان

رب اجعلها نعمة دايمة وابعد الحساد وذو الأطماع عنا وعن بلادنا .... آمين يارب العالمين

شكرا لك أخي صاحب الموضوع

اللهم امين

شكرا لك اخوي خبير الطيران




اللهم لك الحمد والشكر على هذه النعمة.

بس ظنك ما راح يقولون لنا بكرة هذي احتياطات

للأجيال القادمة؟.

تحياتي.،،،،


هلا اخوي بو حظين

مثل منت عارف .. مشاريع الدولة الحالية في قطاع النفط و الغاز و البتروكيماويات جبارة و تتعدى مئات المليارات من الدولارات

و توجه الدولة حاليا هو تحويل الأحتياطيات من النفط و الغاز الى أستثمارات خارجية تضمن عائد مجزي و مستمر للأجيال القادمة .. سعادة رئيس مجلس الوزراء تكلم في الموضوع هذا و ذكر ان عائد الدولة من الأستثمارات الخارجية خلال السنوات العشر القادمة قد تتجاوز عوائد بيع النفط و الغاز ..

المستقبل يبشر بالخير .. الأهم ان احنا كلنا نكون يد واحده حكومه و شعب
PoBox
18-03-2008, 02:38 PM
نتمنى والله ان الشخص المناسب يكون في المكان المناسب بغض النظر سواء كان أجنبي او مواطن .. من عايله 8 سلندر ولا عايله 4 سلندر ..



الفانتوم 12 سلندر :secret:

والبوقاتي 16 :eek5:

والله لايغير علينا الخير ، والحمد لله على النعمة
@ بوفيصل@
18-03-2008, 06:12 PM
الحمد لله رب العالمين

الله يحفض بومشعل ذخر لنا
رايق
20-03-2008, 09:08 AM
الفانتوم 12 سلندر :secret:

والبوقاتي 16 :eek5:

والله لايغير علينا الخير ، والحمد لله على النعمة

احنا كنا نتكلم عن عامة الشعب .. ما جبنا طاري الفانتوم و البوقاتي
omen



الحمد لله رب العالمين

الله يحفض بومشعل ذخر لنا


اللهم امين
technical
20-03-2008, 12:53 PM
اذا ما طورت قطر قاعده صناعيه من فلوس الطاقه مردهه تسير مثل مدن الذهب الباده الموجوده في افريقيا وامريكا . وما اقصد صناعات مرتبطه بالغاز ! اقصد صناعه الكترونيات سيارات طيارات اسلحه . شوفوا كيف قامت دول بعد 50سنه من تدميره في الحرب العالميه الثانيه اليابان المانيا وهي ما عندها بترول وغاز . لسبب ان عندهم قاعده صناعيه . لازم دولتنا تاسس لقاعده صناعيه ولا مسير هل عماير اتسير طلال بعد عين البترول والغاز . الشعب عندنا كان جاد بناله عماره واجرها . واذا ما التفتت الدوله لهذا الامر لن يرحمها التاريخ .