+++ اغنى الناس دكاترة الاسنان بلا منافس +++

[بدور]

في حالة الارتفاعات الخياليه في الاسعار

المأكل والمشرب والبيض :eek5:خاصة وكل شي كل شي

الا اليوم رايحه مركز للأسنان دخلنا على الدكتوره انا مع ولد اخوي هو المقصود في الزياره

لازالة سلك لاربع اسنان اماميه فقط وتنظيفهم 700ريال قلنا اوكيه مافيها شيء خلصنا ودفعنا

المهم نرجع الساعه 4 عنده مشكله ثانيه لسن تحت اللثه ولازم ينشال قلنا اوكيه توكلنا على الله

وينشال الضرس ؟؟؟؟ الا جينا عند الدفع وقالت السكرتيره 1147 ريال :eek5:

ليش طيب خلع الضرس بالسعر هذا سؤال لها قالت لان الضرس تحت اللثه خخخخخخ

بالله عليكم هذوله محد يراقبهم وكل واحد يحط سعر على كيفه ؟؟؟

يا حظهم دكاترة الاسنان مليونيريه اللي بقطر اذا سعر خلع الضرس 1000 وطالع

والله سبهلله ولارقيب ولاحسيب

انتوا شخباركم مع هالاسعار :rolleyes2::rolleyes2:

[بوحارب]

شي معروف ان دكتور الأسنان بطران ومحد قده:(

[بدور]

شي معروف ان دكتور الأسنان بطران ومحد قده:(


ما ودك ندرس طب اسنان :( انا مفلسه

[ANONYMOUS]

معروف دكاترة الاسنان والمحامين الاعلى اجورا بالعالم

[اّل ثاني 77]

والله ضحكتيني ضحك
من كم يوم واحد من الربع يقول نفس الكلام
يقول: ماتحصل عندهم مواعيد وعلى الشخص يأخذون المبلغ الفلاني
حسبها حسبه سريعه قال اتحدى الدكتور الفلاني بالميت يحصل أقل من 150000 الف شهريا
ولاعنده مصاريف غير إيجار العياده وشقته ولا لاخدامه ولادريول وطول يومه جالس في العياده وسيارته Game Over.

[Qa6ar]

اختي بدور الدكتور عندي مش الدكتور اقصد استشاري ... خايف الله ويطمني مع اني اخاف من الاسنان انه

يقول وهو يشتغل في اسنانك سبحان الله سبحان الله العظيم(يسبحن) يرتاح قلبك وتوكل امرك الى الله

[بدور]

معروف دكاترة الاسنان والمحامين الاعلى اجورا بالعالم

ايه والله شنو اسعارهم خياليه يا حظهم :eek5::eek5: عيني عليهم حاره

عاد خبرك بنجرب سعر دكتور اسنان في القاهره قرداحي اللي في شارع جامعة الدول العربيه

بزاويه شارع شهاب تعرفه ؟؟؟ يمدحونه بروح له :(

[بولينجر]

والله أختي بدور الحال من بعضه...أنا خلعولي ضرس العقل بأكثر من 2500 من سنة تقريبا...(وتراه ضرس واحد بس)...
الله المستعان...لازم لهم هيئة تحدد الأسعار عليهم على الأقل وإلا الموضوع صاير إن كل واحد يحط السعر على كيفه...

[بولينجر]

ايه والله شنو اسعارهم خياليه يا حظهم :eek5::eek5: عيني عليهم حاره

عاد خبرك بنجرب سعر دكتور اسنان في القاهره قرداحي اللي في شارع جامعة الدول العربيه

بزاويه شارع شهاب تعرفه ؟؟؟ يمدحونه بروح له :(
يمدحون دكاترة الأسنان في سوريا ويقولون أسعارهم رخيصة...شكلي بروح هناك

[ANONYMOUS]

ايه والله شنو اسعارهم خياليه يا حظهم :eek5::eek5: عيني عليهم حاره

عاد خبرك بنجرب سعر دكتور اسنان في القاهره قرداحي اللي في شارع جامعة الدول العربيه

بزاويه شارع شهاب تعرفه ؟؟؟ يمدحونه بروح له :(



لا

ماعرف الا مستشفى القصر العيني..

اسأليني عن مطعم.. مجمع.. اما عياده هاهاهاه

ماتدلين محل يبيع قطع غيار تويوتا في بولاق الدكرور

:tease:

[بدور]

والله ضحكتيني ضحك
من كم يوم واحد من الربع يقول نفس الكلام
يقول: ماتحصل عندهم مواعيد وعلى الشخص يأخذون المبلغ الفلاني
حسبها حسبه سريعه قال اتحدى الدكتور الفلاني بالميت يحصل أقل من 150000 الف شهريا
ولاعنده مصاريف غير إيجار العياده وشقته ولا لاخدامه ولادريول وطول يومه جالس في العياده وسيارته Game Over.


150000 في الاسبوع على هالاسعار قهرررررر

عاد اتصدق مسويين تقويم لولد اخوي عند دكتور عراقي بشير كنعان

من 3 سنوات 15000 ريال واليوم تقول الدكتوره التقويم كان غلط

وانا اقول ليش تسفر هالدكتور والناس ما كملوا علاجهم عنده وخذ فلوسهم وراح

عمان فجأه سمعنا انطرد من قطر ؟؟؟ لعبها صح

[بدور]

اختي بدور الدكتور عندي مش الدكتور اقصد استشاري ... خايف الله ويطمني مع اني اخاف من الاسنان انه

يقول وهو يشتغل في اسنانك سبحان الله سبحان الله العظيم(يسبحن) يرتاح قلبك وتوكل امرك الى الله


شوف انا ذكرت برد عن دكتور بشير كنعان وهو يشتغل في التقويم وع ولد اخوي

وربي انه يسبح ويهلل ويقرا قرآن وآخرتها شوف لاشغل ولا أمانه ولا خوف من ربه

وهق العالم وخذ فلوسهم واشتكوا عليه الناس وش سووا فيه تسفر من قطر

وراح عمان والفلوس جعلها حرام عليه في ذمته والله لايبيح منه

[Qa6ar]

شوف انا ذكرت برد عن دكتور بشير كنعان وهو يشتغل في التقويم وع ولد اخوي

وربي انه يسبح ويهلل ويقرا قرآن وآخرتها شوف لاشغل ولا أمانه ولا خوف من ربه

وهق العالم وخذ فلوسهم واشتكوا عليه الناس وش سووا فيه تسفر من قطر

وراح عمان والفلوس جعلها حرام عليه في ذمته والله لايبيح منه


باطرشج لدكتور وعطيني رايج به وقولي له انا من طرف فلان

ومري عليه مره وعطيني رايج تبين مصري او اردني؟؟

[بدور]

والله أختي بدور الحال من بعضه...أنا خلعولي ضرس العقل بأكثر من 2500 من سنة تقريبا...(وتراه ضرس واحد بس)...
الله المستعان...لازم لهم هيئة تحدد الأسعار عليهم على الأقل وإلا الموضوع صاير إن كل واحد يحط السعر على كيفه...

هذا انت تقول ضرس عقل وهذا سعرهم الولد صغير ما عنده ضرس عقل بس ضرس

تحت اللثه سبة تقويم غلط حسبي الله عليك يا بشير كنعان لعوز ولدنا


يمدحون دكاترة الأسنان في سوريا ويقولون أسعارهم رخيصة...شكلي بروح هناك

خاطري اروح سوريا والله اتمشى ونشوف دكاترة الاسنان مره وحده

الله يحفظك ويوفقك

[بدور]

لا

ماعرف الا مستشفى القصر العيني..

اسأليني عن مطعم.. مجمع.. اما عياده هاهاهاه

ماتدلين محل يبيع قطع غيار تويوتا في بولاق الدكرور

:tease:

القصر العيني ماعرفه بس اسمع عنه :eek5:

ههههههه لاعبها صح انت يا بو السرايا والباشا :secret:

لا يبه مانشتري من مجمعاتهم من صجك عاد هههههه ماتلزمناش بضاعتهم صعبة نستوعبها:secret:

اعرف محل قطع الغيار انا كل يوم عندهم ابيع واشتري للقطريين هناك:anger1:

بصوره لك وانا مع المعلمه توحه يا خرااااااابي:tease:

[بدور]

باطرشج لدكتور وعطيني رايج به وقولي له انا من طرف فلان

ومري عليه مره وعطيني رايج تبين مصري او اردني؟؟


وين هالدكتور في قطر قصدك طيب واسعاره شلووون فلسنا منهم:(

مافيه الا اعلانات الزواج من البنات مطلوب زوج يكون دكتور اسنان او محامي:secret::secret:

[Qa6ar]

وين هالدكتور في قطر قصدك طيب واسعاره شلووون فلسنا منهم:(

مافيه الا اعلانات الزواج من البنات مطلوب زوج يكون دكتور اسنان او محامي:secret::secret:

اي في قطر

[بدور]

اي في قطر


وين مكانه والمهم اسعاره :rolleyes2:

[شاهيناز]

لما اروح لدكتور الاسنان

اتخيل فمي منجم ذهب
كل زياره 1200

اخر مره قالو لي 500 قلت لهم ليش مسوين ديسكاونت

بس دكتور الاسنان شر لابد منه

والحمدلله على سلامه ولدكم

[Qa6ar]

وين مكانه والمهم اسعاره :rolleyes2:

اسعاره بتعجبج طبعا بعد التوصيه

ومكانه الهلال

[..الاميرة..]

اي والله سبهلله يابدور .. :omen2:

الحمد الله omen مالي في زياره دكاتره الاسنان omen اخبر آخر مره زرته عام 2000 omen شليت ضرس العقل .. :rolleyes2: omen


لكن معاج حق ذاك الايام كانت اسعاره غاليه اش حال هالوقت مع ارتفاع كل شي !!!!

الله يكون بعون الجميع بس لا تكثرون من الشوكوليت عشان ما تحتاجون حق الجزارين .. :tease:

[بدور]

لما اروح لدكتور الاسنان

اتخيل فمي منجم ذهب
كل زياره 1200

اخر مره قالو لي 500 قلت لهم ليش مسوين ديسكاونت

بس دكتور الاسنان شر لابد منه

والحمدلله على سلامه ولدكم

الله يسلمج الغاليه

والله يا كبر حظهم

لاعبين علينا بالاسعار لارقيب ولاحسيب

محتاجين لهم مابيدنا حيله الا الصبر:(




اسعاره بتعجبج طبعا بعد التوصيه

ومكانه الهلال

وين بالضبط عاد وشسمه

[Qa6ar]

الاستشاري طارق السهري

وبالنسبه للتقويم دكتور جيد جدا وخاص للتقويم

بالنسبه للأستشاري مكانه الهلال والثاني السد

[بدور]

اي والله سبهلله يابدور .. :omen2:

الحمد الله omen مالي في زياره دكاتره الاسنان omen اخبر آخر مره زرته عام 2000 omen شليت ضرس العقل .. :rolleyes2: omen


لكن معاج حق ذاك الايام كانت اسعاره غاليه اش حال هالوقت مع ارتفاع كل شي !!!!

الله يكون بعون الجميع بس لا تكثرون من الشوكوليت عشان ما تحتاجون حق الجزارين .. :tease:

شفتي الدنيا مولعه بالاسعار والرواتب ماتكفي الا زياره وحده لدكتور الاسنان

بس انا كل 6 شهور تشييك عالاسنان نخاف عليهم :shy:

اما الشوكليت يا بنت الحلال باتشي عامل عمايله مقدر استغنى عنه

الله لايحوجج لدكتور اسنان وتسلمين:)

[السامـي]

أنا خلعولي ضرس العقل بأكثر من 2500 من سنة تقريبا...(وتراه ضرس واحد بس)
..

الله يالدنيا،عقب ما كان الخلع بـ 50ريال.

[مكنتوش]

غسل اسنانك كي تحميها غسلها صبحا وماساء

حاشي سنين با 1800 ريال اقعد ياولد يعني 3 اشخاص بمتوسط يومي ب1800 = 5400

5400 في اليوم

5400 ضرب 15 يوم بمعدل متوسط = 81000

81000 في 15 يوم بس
بسنا فلوس ياحسين بسنا

[شاهين]

رحت عياده يابدووور
مابي أذكر أسمها هي معروفه
أول مانزلت من السياره أنصدمت:omg:
كل السيايير المانيه وأوروبيه
نسيت ألم الضرس وقعد أدور عند السيايير:rolleyes2:
تصدقين سيس بدور
بروش كاريرا للدكتور الفلاني:)
بي أم دبليو سبورت للدكتور الفلاني:)
وبورش بوكستر لموظفة الأستقبال:(
ومرسيدس بوعيون بعد لوحده في الأستقبال:(

بلعت ريجي ودخلت على الدكتور وقال لي ضرسك
ملتهب ويبي له 3 جلسات والجلسه بـ :eek5:500
الجلسه بـ 500 وماتطلع بورش
لو أنا منك أرزلي هليوكوبترعندالباب:(










الله يرحم أيامك يادكتور رفعت:weeping:

[بدور]

الاستشاري طارق السهري

وبالنسبه للتقويم دكتور جيد جدا وخاص للتقويم

بالنسبه للأستشاري مكانه الهلال والثاني السد

تسلم السهري اعتقد طلع من مكانه

بنشوف اسعارهم الاثنين ماقصرت اخوي

[بدور]

الله يالدنيا،عقب ما كان الخلع بـ 50ريال.

وين هذاك الزمان حنا في زمن النهبه خلاااص ادفع وانت ساكت او اطلع برا:secret:




غسل اسنانك كي تحميها غسلها صبحا وماساء

حاشي سنين با 1800 ريال اقعد ياولد يعني 3 اشخاص بمتوسط يومي ب1800 = 5400

5400 في اليوم

5400 ضرب 15 يوم بمعدل متوسط = 81000

81000 في 15 يوم بس
بسنا فلوس ياحسين بسنا


حسين وقحطه وبوصويلح وسعد وسليم وبابو خلاص محد يقدر يوقف في وجيهم

هذا انت تشوف العداد يعدو ....:secret: والقافله تسير:secret:

عاد حنا ضحية الغلاء ما باليد حيله

[hasss1969]

انا طبيب اسنان ,واي استفسار انا حاضر فقط لموقع الاسهم القطرية,لانه موقع عزيز علي ,مع اني اقترح على ادارة الموقع الكرام اضافة قسم للراغبين بالزواج مثل بعض المنتديات الاخرى حيث ان اي شخص مثلي يبحث عن بنت حلال سيستفيد منه بدلا من الخطابات اللواتي لايهمه سوى الربح واخذ اموال من الناس ونادرا ما يلقى الشخص طلبه عندهم....هذا مجرد اقتراح ولادارة الموقع القرار...

[ROSE]

هههههههههههههه اي والله تقولين لي يابدور

مب اسعار عليهم الواحد مايدري شيسوي

ولا مضطرين ندفع


:anger1:

[Bin Hood]

اختي امس انا كنت في مستشفى سعد التخصصي في السعودية

سويت حشوتين بيض ( اغلى من الحشوة الرصاصية ) مع فتح الفايل 1005 ريال خذوا مني

بس مستشفى محترم لاخر درجة من جميع النواحي وكنت اظن ان السعر غالي

لكن بعد ما قريت موضوعج لقت السعر معقول

[هسلان]

لا وبعد الواحد منهم لاجيته بتخلع ضرس قالك حرام تخلع ضرس دائم
خلنا انسمكره ونضبطة
يعني الحبيب يحبني وخايف على ضرسي
الدعوة مادية بحته يطول مشوار العلاج ويشفط فلوس
البزران في البيت شغال لهم بالخيط اللي يرقل ضرسه مافي ينشال ينشال
بعدين اقوله توحه فوق وقول يالله بدل ضرس الحمار بضرس غزال
البزران مساكين مصدقين :victory:
ماتشوفون شر

[@محمد@]

هى احدى الوسائل للكسب السريع دون مراعاة حياة الانسان

عندك فلوس تعالج ماعندك موت

سارت كثير نفس الهدف بطريقة ثانية تم دخول احدى المرضى مستشفى ؟؟؟؟ العام

وتم اجراء الفحوصات وطلع عندة اشتباه في الدودة الزائدة وتم ترخيصه بعد ما ترقد يوم واحد
وقالوا له

اليوم بنرخصك وخذ الكرت وخذلك موعد وراجع دكتور الجراح

رغم ان نتايج التحليل ثاني يوم ومعروف بزحمة السراير

راجع المريض ثاني يوم وفي الاستقبال قالوله ان فيه التهاب حاد في الدودة الزايدة

قال امس رخصتوني واليوم تقولون التهاب حاد وعملية عاجلة هاتوا الكرت والله ما اقعد دقيقة عندكم

راح مباشرة مستشفى ؟؟؟؟؟؟ التخصصي ترقد وتحاليل وعملية بنفس اليوم ويومين نقاهة

وخرج سالم معافى والحمد لله بتكلفة مايعادل 12000 ريال بعد ماكان بيخسر حياته نتيجه اهمال نسمع عنها كل يوم هاذا عنده فلوس والى ماعندة يموت

الخاصة سوة خير لكن مقابل الثمن

[بدور]

رحت عياده يابدووور
مابي أذكر أسمها هي معروفه
أول مانزلت من السياره أنصدمت:omg:
كل السيايير المانيه وأوروبيه
نسيت ألم الضرس وقعد أدور عند السيايير:rolleyes2:
تصدقين سيس بدور
بروش كاريرا للدكتور الفلاني:)
بي أم دبليو سبورت للدكتور الفلاني:)
وبورش بوكستر لموظفة الأستقبال:(
ومرسيدس بوعيون بعد لوحده في الأستقبال:(

بلعت ريجي ودخلت على الدكتور وقال لي ضرسك
ملتهب ويبي له 3 جلسات والجلسه بـ :eek5:500
الجلسه بـ 500 وماتطلع بورش
لو أنا منك أرزلي هليوكوبترعندالباب:(



الله يرحم أيامك يادكتور رفعت:weeping:


:eek::eek::eek::eek::eek::eek::eek:

كل هذوله سياراتهم اوبييييييييه انزين بيوتهم شلون عيل:con2::con2:

كله هالنعمه من فلوسنا :(:eek3:

وينك يا رفعت ..... من هو رفعت ؟؟؟ وين مكانه بروح له:(

[بدور]

انا طبيب اسنان ,واي استفسار انا حاضر فقط لموقع الاسهم القطرية,لانه موقع عزيز علي ,مع اني اقترح على ادارة الموقع الكرام اضافة قسم للراغبين بالزواج مثل بعض المنتديات الاخرى حيث ان اي شخص مثلي يبحث عن بنت حلال سيستفيد منه بدلا من الخطابات اللواتي لايهمه سوى الربح واخذ اموال من الناس ونادرا ما يلقى الشخص طلبه عندهم....هذا مجرد اقتراح ولادارة الموقع القرار...


انت دكتور اسنان يا بختك والله اكيد غني وعندك فلوس واااايد:) كم اسعارك

اقدر اجي عندك وتسوي لي 90% خصم لانك معاي بالمنتدى:victory:

انزين تبي تتزوج وتبي قسم للراغبين للزواج :shy:

خلاص انا بشوف لك وحده تتزوجك تراك مرغوب عند البنات لانك دكتور اسنان يا حظك:omen2:

وبقترح على الاداره نطالب قسم جديد للزواج ولا يهمك:nice:

[السامـي]

الله يرحم أيامك يادكتور رفعت:weeping:
آيه هو يا شاهين..دكتور رفعت اللي في السد جنب الاوبرا..خمسينك وأنقز.:)

[بدور]

هههههههههههههه اي والله تقولين لي يابدور

مب اسعار عليهم الواحد مايدري شيسوي

ولا مضطرين ندفع

:secret::secret: اذبحونا بس ابشرج معانا دكتور اسنان ويبحث عن زوجه هانت ياروز:victory:


:anger1:


اختي امس انا كنت في مستشفى سعد التخصصي في السعودية

سويت حشوتين بيض ( اغلى من الحشوة الرصاصية ) مع فتح الفايل 1005 ريال خذوا مني

بس مستشفى محترم لاخر درجة من جميع النواحي وكنت اظن ان السعر غالي

لكن بعد ما قريت موضوعج لقت السعر معقول

يعني اسعارنا معقوله اشوه الحمدلله :( يا خراااااابي :eek5: من اسعارنا


لا وبعد الواحد منهم لاجيته بتخلع ضرس قالك حرام تخلع ضرس دائم
خلنا انسمكره ونضبطة
يعني الحبيب يحبني وخايف على ضرسي
الدعوة مادية بحته يطول مشوار العلاج ويشفط فلوس
البزران في البيت شغال لهم بالخيط اللي يرقل ضرسه مافي ينشال ينشال
بعدين اقوله توحه فوق وقول يالله بدل ضرس الحمار بضرس غزال
البزران مساكين مصدقين :victory:
ماتشوفون شر

حسبي الله عليهم نهبه يا خوك ينهبونا من كل صوب:anger1:

زين تسوي مالك الا الخيط بس الحشوات شلون تحشيهم:(

حتى انا صدقت مثل البزران بس اخاف من الالم :weeping: وين البنج

تسلم يا خوي

[شاهين]

:eek::eek::eek::eek::eek::eek::eek:

كل هذوله سياراتهم اوبييييييييه انزين بيوتهم شلون عيل:con2::con2:

كله هالنعمه من فلوسنا :(:eek3:

وينك يا رفعت ..... من هو رفعت ؟؟؟ وين مكانه بروح له:(



بيوتهم خراب
علشان الناس ماتعرف أنهم أغنياء:omen2:

لا يابدووور لاتروحين لـ دكتور رفعت كبر في السن
بيشيل ضرس صاحي وبيخلي الخربانhttp://www6.0zz0.com/2008/03/16/19/838274189.gif

[OTOsan]

1275 + 800 + 500 + 50+ 300+ 200 = ؟؟

هذي خسايري اللي اتذكرها حاليا لقليل من الزيارات لهذه النوع من الدكاترة على مرات متفاوته :(


انا ليش مافكرت في هالشغله .. احسن من التخصص اللي دشيته ماوراه فايده :(


يعطيج العافيه اخت بدور ،،

[التيما]

مافي احسن من دكاتره سوريا عن تجربه بس لازم تعرفين وين تروحين ووحده من رفيجاتي يمنيه سافر أخوها اليمن يسوي اسنانه والله ولا اروع ولا ارخص ولا احسن عجيبين وشغل بذمه وضمير وسافر أخوي مع اخوها اليمن واكا رجع واسنانه احسن من أسناني ولا كلفه خلع ضرسين وكم جسر وتبييض اسنانه وكم حشوة معتبرة لضروسه الا 700 دولار .

[بدور]

هى احدى الوسائل للكسب السريع دون مراعاة حياة الانسان

عندك فلوس تعالج ماعندك موت

سارت كثير نفس الهدف بطريقة ثانية تم دخول احدى المرضى مستشفى ؟؟؟؟ العام

وتم اجراء الفحوصات وطلع عندة اشتباه في الدودة الزائدة وتم ترخيصه بعد ما ترقد يوم واحد
وقالوا له

اليوم بنرخصك وخذ الكرت وخذلك موعد وراجع دكتور الجراح

رغم ان نتايج التحليل ثاني يوم ومعروف بزحمة السراير

راجع المريض ثاني يوم وفي الاستقبال قالوله ان فيه التهاب حاد في الدودة الزايدة

قال امس رخصتوني واليوم تقولون التهاب حاد وعملية عاجلة هاتوا الكرت والله ما اقعد دقيقة عندكم

راح مباشرة مستشفى ؟؟؟؟؟؟ التخصصي ترقد وتحاليل وعملية بنفس اليوم ويومين نقاهة

وخرج سالم معافى والحمد لله بتكلفة مايعادل 20000 ريال بعد ماكان بيخسر حياته نتيجه اهمال نسمع عنها كل يوم هاذا عنده فلوس والى ماعندة يموت

الخاصة سوة خير لكن مقابل الثمن

وانت الصاج والله بفلوسنا ندفع اي مبلغ ولا في مشرحة مرقدينا يشرحونا

الحمدلله على سلامته واشكرك على المداخله

[بدور]

بيوتهم خراب
علشان الناس ماتعرف أنهم أغنياء:omen2:

لا يابدووور لاتروحين لـ دكتور رفعت كبر في السن
بيشيل ضرس صاحي وبيخلي الخربانhttp://www6.0zz0.com/2008/03/16/19/838274189.gif

وليش تقول وينك يارفعت وليش يشتغل الحين وهو كبير في السن

اخاف يشيل خشمي وشفتي يممممممممممممممه :anger1: ببلغ عنه وزير الماليه:rolleyes2:


1275 + 800 + 500 + 50+ 300+ 200 = ؟؟

هذي خسايري اللي اتذكرها حاليا لقليل من الزيارات لهذه النوع من الدكاترة على مرات متفاوته :(


انا ليش مافكرت في هالشغله .. احسن من التخصص اللي دشيته ماوراه فايده :(


يعطيج العافيه اخت بدور ،،

ايه والله ياليتك دكتور جان بنوفر فلوسنا وكل شهر عندك :nice:

حاول تدرس من جديد عادنا بنروح للدكاتره الاسنان مشكله:(


مافي احسن من دكاتره سوريا عن تجربه بس لازم تعرفين وين تروحين ووحده من رفيجاتي يمنيه سافر أخوها اليمن يسوي اسنانه والله ولا اروع ولا ارخص ولا احسن عجيبين وشغل بذمه وضمير وسافر أخوي مع اخوها اليمن واكا رجع واسنانه احسن من أسناني ولا كلفه خلع ضرسين وكم جسر وتبييض اسنانه وكم حشوة معتبرة لضروسه الا 700 دولار .

التيما وين اروح سوريا واليمن فديتج مقدر بس بروح اجرب دكاترة القاهره

لاني بروح اول 4 وبنجرب وبنشوف اسعارهم:victory:

يا ويلي ارجع وانا بدون ضرس :eek5::eek5:

تدرين والله يمدحون ابران بعد بالاسنان وخاطري اروح :( اشوفها تمشيه يمدحونها

ويمدحون الدكاتره عندهم في كل المجالات:(

[hasss1969]

انت دكتور اسنان يا بختك والله اكيد غني وعندك فلوس واااايد:) كم اسعارك

اقدر اجي عندك وتسوي لي 90% خصم لانك معاي بالمنتدى:victory:

انزين تبي تتزوج وتبي قسم للراغبين للزواج :shy:

خلاص انا بشوف لك وحده تتزوجك تراك مرغوب عند البنات لانك دكتور اسنان يا حظك:omen2:

وبقترح على الاداره نطالب قسم جديد للزواج ولا يهمك:nice:


الك انتي بعملك خصم 100% لانه من حقك,لكن اول وين العروسة.؟

[المزواج]

الحمد لله علاجنا على التأمين:tease::tease::tease:

[جلمود]

بدور انا شليت ضرس واحد ب700 ريال ضرس العقل ومافي اله هذا الدكتور السوداني اللي بالنصر هو اللي يقدر يشل ضرس العقل يعني مضطر لابطل ! بس يوم دخل البكر بفمي (حلجي) أحس أنه شل أذني مع الضرس :rolleyes2: شلون ماتبينهم يصيرون بطرانين

أنشاء الله نشوف بوحارب طبيب أسنان وولاده !

[dloooo3]

الله المستعان

[بدور]

الك انتي بعملك خصم 100% لانه من حقك,لكن اول وين العروسة.؟

دكتور ...:eek5: صج انت دكتور والا تلعب علينا :(

عندي صديقات بنات ام توفيق وام هيثم يحليلهم خلوقات ويصلحون لك يا دكتور

بسألهم .... عز الله اللي بيطيح بيدك اسنانه راحت وطي :omg:


الحمد لله علاجنا على التأمين:tease::tease::tease:

ليششششش وين تشتغل حتى دكتور الاسنان بلاااش:eek5: وكل العيادات الخاصه بلاش:secret: انت قطري او احمر واخضر وازرق:secret:


بدور انا شليت ضرس واحد ب700 ريال ضرس العقل ومافي اله هذا الدكتور السوداني اللي بالنصر هو اللي يقدر يشل ضرس العقل يعني مضطر لابطل ! بس يوم دخل البكر بفمي (حلجي) أحس أنه شل أذني مع الضرس :rolleyes2: شلون ماتبينهم يصيرون بطرانين

أنشاء الله نشوف بوحارب طبيب أسنان وولاده !

هههههههههه البكر في حلجك :eek5: بسم الله يخرعون وين هالسوداني بو بكر

بوحارب دكتور بس الا بروفيسور كبير بالطب ... ليش ماتدري انت:secret:

[بدور]

الله المستعان


الله يعين الجميع

[T51R SPL BB]

مداخله

اولاً هذا دكتور , مب بنشري! درس وتعلم ويستاهل هالمبالغ. ثانياً عيادات الاسنان فيها معدات وادوات تكلف فلوس , وغير اجهزة التصوير ال x-ray , وغيره الكثير الكثير. هذه اشياء تكلف فلوس , مب بلاش.

عجباً! اذا تعالجوا عند الطبيب الخاص تشكوا , واذا تعالجوا عند الطبيب الحكومي ايضا تشكوا.

تحياتي للدكتور المتعلم المثقف رافع الرأس , وهارد لك للحساد ومحبين الشكوى!

[ضوى]

تصدقين بدور ولا مرة رحت لطبيب خاص لا انا ولا عيالي على الرغم من وجود تامين صحي ؟؟


معقول هالغلا الغير مبرر ، لهالدرجة ؟ حافظوا على اسنانكم من استغلال اطباء الاسنان

الله يعينكم يا بدور

[بدور]

مداخله

اولاً هذا دكتور , مب بنشري! درس وتعلم ويستاهل هالمبالغ. ثانياً عيادات الاسنان فيها معدات وادوات تكلف فلوس , وغير اجهزة التصوير ال x-ray , وغيره الكثير الكثير. هذه اشياء تكلف فلوس , مب بلاش.

عجباً! اذا تعالجوا عند الطبيب الخاص تشكوا , واذا تعالجوا عند الطبيب الحكومي ايضا تشكوا.

تحياتي للدكتور المتعلم المثقف رافع الرأس , وهارد لك للحساد ومحبين الشكوى!


ايه صح دكتور ودارس وعنده اجهزه ومعدات

بس ليش كانت الاسعار قبل غير اسعار هالايام

في ظنك السعر اللي قبل كان الدكتور اي كلام لادرس ولاتعب ولاعنده اجهزه

والسعر الجديد الدكتور تعب ومن هالكلام

التلاعب بالاسعار على كيفهم لانهم اتعبوا

كلام فاضي ولكن الاستغلاليه هي الاساس كل من يبغا يكوش ويجمع الفلوس وسباق بينهم

والشرهه على اللي مخليهم يتلاعبون بالاسعار لارغيب ولاحسيب

[اعالي الجنان]

انت دكتور اسنان يا بختك والله اكيد غني وعندك فلوس واااايد:) كم اسعارك

اقدر اجي عندك وتسوي لي 90% خصم لانك معاي بالمنتدى:victory:

انزين تبي تتزوج وتبي قسم للراغبين للزواج :shy:

خلاص انا بشوف لك وحده تتزوجك تراك مرغوب عند البنات لانك دكتور اسنان يا حظك:omen2:

وبقترح على الاداره نطالب قسم جديد للزواج ولا يهمك:nice:

ههههههههههههههههههههههههههههههههههههههه
ضحكتيني اضحك الله سنك خخخخخخخخخخخخخخخخخخ
توصي فيني ونا اختج ابي خصم 100% لي :tease:

[لجين]

اختي جربي مستشفى الأهلى عند الدكتورة رباب أو حنين

انا اشوف اسعارهم زينة ..والدكتورة رباب انا واهلي نتعالج عندها

واذا تبين الأفضل الرميلة مافي احسن من دكاترتهم بس المشكلة في المواعيد

[شاهين]

مداخله

اولاً هذا دكتور , مب بنشري! درس وتعلم ويستاهل هالمبالغ. ثانياً عيادات الاسنان فيها معدات وادوات تكلف فلوس , وغير اجهزة التصوير ال x-ray , وغيره الكثير الكثير. هذه اشياء تكلف فلوس , مب بلاش.

عجباً! اذا تعالجوا عند الطبيب الخاص تشكوا , واذا تعالجوا عند الطبيب الحكومي ايضا تشكوا.

تحياتي للدكتور المتعلم المثقف رافع الرأس , وهارد لك للحساد ومحبين الشكوى!



رد على المداخله:omen2:

اللهم لا حسد
وش دخل الحسد في السالفه:)



طيب ياخوي تقدر تقولي
ليش بعض دول الخليج والعربيه
أرخص من أهني وعندهم أجهزه نفس الأجهزه اللي عندك ويمكن أحسن
أسأل عن:telephone:
المستشفى العسكري اللي في البحرين
وفي سوريا وفي مصر


وبعدين بعض العيادات يستغلون الواحد ( نصب )
يعني الضرس تقدر تعالجه في جلسه وحده
وبعض العيادات في 3 أو أكثر من جلسه
وصادني هالموقف:eek5:


تركيب ضرس بـ 1500
شدعوه مركب ضرس ذهب ولا عاج الفيل:omg:

لايكون أنت دكتور أسنان:omg:

[بدور]

تصدقين بدور ولا مرة رحت لطبيب خاص لا انا ولا عيالي على الرغم من وجود تامين صحي ؟؟


معقول هالغلا الغير مبرر ، لهالدرجة ؟ حافظوا على اسنانكم من استغلال اطباء الاسنان

الله يعينكم يا بدور

الله يعين الجميع ضوى طيب انا مقتدره وادفع مش مهم بس فيه ناس الحاله ماتسمح لهم

يدفعون ومضطرين يروحون لهم بسبب مواعيد عيادة الاسنان بالله هذوله شلون يدفعون

ليش مايوقفونهم عند حدهم وين هيئة الصحه عن هالتجاره :secret: والتنافس بالاسعار


ههههههههههههههههههههههههههههههههههههههه
ضحكتيني اضحك الله سنك خخخخخخخخخخخخخخخخخخ
توصي فيني ونا اختج ابي خصم 100% لي :tease:

تعالي يقول لج يبغي زوجه له وعقب بيعطينا خصم :( مانقدر نلعب عليه ذكي

هالدكتور :omen2:


اختي جربي مستشفى الأهلى عند الدكتورة رباب أو حنين

انا اشوف اسعارهم زينة ..والدكتورة رباب انا واهلي نتعالج عندها

واذا تبين الأفضل الرميلة مافي احسن من دكاترتهم بس المشكلة في المواعيد

تسلمين الشيخه وبنجرب الدكتوره رباب وان شاء الله الاسعار معتدله ماتستغل المراجعين

والله نهبه على كيف كيفهم مع اسعارهم



رد على المداخله:omen2:

اللهم لا حسد
وش دخل الحسد في السالفه:)



طيب ياخوي تقدر تقولي
ليش بعض دول الخليج والعربيه
أرخص من أهني وعندهم أجهزه نفس الأجهزه اللي عندك ويمكن أحسن
أسأل عن:telephone:
المستشفى العسكري اللي في البحرين
وفي سوريا وفي مصر
وبعدين بعض العيادات يستغلون الواحد ( نصب )
يعني الضرس تقدر تعالجه في جلسه وحده
وبعض العيادات في 3 أو أكثر من جلسه
وصادني هالموقف:eek5:
تركيب ضرس بـ 1500
شدعوه مركب ضرس ذهب ولا عاج الفيل:omg:

لايكون أنت دكتور أسنان:omg:


ياليت تركيب سن 1500 الا خلع ضرس 1000 وطالع :anger1:

لو هو مش دكتور اسنان كان مادافع عن الدكاتره مايبي نشهر فيهم ونطلع سوالفهم الاخ

ماقصرت يا شاهين ولد بن عمران:nice:

[الزاجل]

طبيب عيادة جلد
تدخل عليه 150
المراجعة 150
يعطيك استشارة 100

يعطس تدفع له ..

عادي
عادي
سو وات ؟

ادفعوا وراكم شي ..

توفر السيولة متسببة في التضخم
ادفعوا في الدكاترة قبل ما تدفعونها في المطاعم
وتعانون من التضخم في الجسم ..

[بدور]

طبيب عيادة جلد
تدخل عليه 150
المراجعة 150
يعطيك استشارة 100

يعطس تدفع له ..

عادي
عادي
سو وات ؟

ادفعوا وراكم شي ..

توفر السيولة متسببة في التضخم
ادفعوا في الدكاترة قبل ما تدفعونها في المطاعم
وتعانون من التضخم في الجسم ..


هذا احنا ندفع يا الزاجل :(

ما ورانا شي لازم نساعدهم على رفع مستواهم المادي:nop:

حتى العطسه اتشووووووو ندفع فلوس عليها اذا عطسنا عندهم:looking:

[T51R SPL BB]

طيب ياخوي تقدر تقولي
ليش بعض دول الخليج والعربيه
أرخص من أهني وعندهم أجهزه نفس الأجهزه اللي عندك ويمكن أحسن
أسأل عن:telephone:
المستشفى العسكري اللي في البحرين
وفي سوريا وفي مصر
الجواب بسيط. المستوى المعيشي في قطر يختلف كليا عن الدول العربيه. بالله عليك تقارن سوريا ومصر , هذول بلدان فقيره. اكيد انت وغيرك لتعالجتوا في سوريا و مصر والا البحرين , شي واضح انه الاسعار بتكون رخيصه ومناسبة لكم. لكن في نفس الوقت المصري والسوري وغيرهم يشوفون انه الاسعار عندهم عاليه وغاليه لانهم فقرا. الانسان الاوروبي او الامريكي لجاء يرتب اسنانه في قطر اكيد انه بيكون مبسوط لان الاسعار ارخص بكثير من البلد اللي هو منه. اعطيك مثال ثاني , انت لتعالجت في الهند ودفعت لك 1000 ريال مصاريف العياده مع ترتيب كل اسنانك , من الطبيعي انك بتقول ان العلاج في الهند رخيص , لانك تقارن الهند بقطر. لكن الانسان الهندي بالنسبه له العلاج غالي لانه يكلف 1000 ريال.


وبعدين بعض العيادات يستغلون الواحد ( نصب )
يعني الضرس تقدر تعالجه في جلسه وحده
وبعض العيادات في 3 أو أكثر من جلسه
وصادني هالموقف:eek5:
تركيب ضرس بـ 1500
شدعوه مركب ضرس ذهب ولا عاج الفيل:omg:
ممكن. ولكن فيه امور مثل النخر وغيره وخصوصاً ان كان عندك التهاب ما يصير انك تعلاج الضرس في جلسه وحده , اي ان الطبيب يعلاج النخر ويغلقه بحشوه مؤقته , عقب انت تاخذ علاج بالادويه لمده 10 ايام عقب ترجع له لأكمال ترتيب الضرس.
حتى لو قالوا لك 10 جلسات , ما المشكله ؟ انت ادفع ال 1000 ريال لترتيب الضرس مره وحده , ما اظن انك بتدفع كل زيارة على نفس الضرس.

تركيب ضرس ب 1500 سعر ممتاز. مقارنه ببلدان اخرى. انا مركب ضرس خارج قطر باكثر من 5000 ريال. ضرس مثل هذا ابو 1500 بالضبط اللي هو Crown.

في النهايه لاتقارن التفاح بالبرتقال

[ANONYMOUS]

من منطلق

ارحموا من في الارض يرحمكم من في السماء


اي واحد يبي يخلع اي ضرس بخلعه له مجانا وبدون مقابل

بس يجيب معاه ابر بنج وطبعا البنج

ولو هو شديد.. عادي اسوي له بدون بنج.. بس يوقع ورقه

وانا عندي العده ( بايب رنش و سكرو درايفر وبلوط وسباين جميع المقاسات.. كل شي جاهز)

اي وقت انا حاضر..

والمكان في المجلس عندي

[T51R SPL BB]

ايه صح دكتور ودارس وعنده اجهزه ومعدات

بس ليش كانت الاسعار قبل غير اسعار هالايام

في ظنك السعر اللي قبل كان الدكتور اي كلام لادرس ولاتعب ولاعنده اجهزه

والسعر الجديد الدكتور تعب ومن هالكلام

التلاعب بالاسعار على كيفهم لانهم اتعبوا

كلام فاضي ولكن الاستغلاليه هي الاساس كل من يبغا يكوش ويجمع الفلوس وسباق بينهم

والشرهه على اللي مخليهم يتلاعبون بالاسعار لارغيب ولاحسيب

الجواب بسيط , بسبب التضخم اللي حاصل في البلد في جميع المجالات.
قبل اجار العياده كم والحين كم!
انا ما اشوف انه فيه اي تلاعب او نصب من قبل المحال التجاريه او عيادات الاسنان , الارتفاع اللي حاصل هو لمواكبة التضخم فقط !
كل شيء ارتفع سعره حتى البيض! والا بس تبغون طبيب الاسنان يعالج الناس على تسعرية سنه 1996 ؟
عجباً لأمر بعض الناس! يتكلمون من غير تفكير.

[بدور]

من منطلق

ارحموا من في الارض يرحمكم من في السماء


اي واحد يبي يخلع اي ضرس بخلعه له مجانا وبدون مقابل

بس يجيب معاه ابر بنج وطبعا البنج

ولو هو شديد.. عادي اسوي له بدون بنج.. بس يوقع ورقه

وانا عندي العده ( بايب رنش و سكرو درايفر وبلوط وسباين جميع المقاسات.. كل شي جاهز)

اي وقت انا حاضر..

والمكان في المجلس عندي

:eek::eek5::eek::eek5:

تسلم ماتقصر انا مقدر اعذرني بس الاعضاء يمكن يحتاجون لك:(:(


الجواب بسيط , بسبب التضخم اللي حاصل في البلد في جميع المجالات.
قبل اجار العياده كم والحين كم!
انا ما اشوف انه فيه اي تلاعب او نصب من قبل المحال التجاريه او عيادات الاسنان , الارتفاع اللي حاصل هو لمواكبة التضخم فقط !
كل شيء ارتفع سعره حتى البيض! والا بس تبغون طبيب الاسنان يعالج الناس على تسعرية سنه 1996 ؟
عجباً لأمر بعض الناس! يتكلمون من غير تفكير.


عذرك تتعجب وتدافع عنهم من التضخم اللي صاير وارتفاع الرواتب عندنا

فوق 30000 ضروري ترفعون اسعاركم حتى تسايرون الارتفاع والوضع في قطر

واكبوا التضخم يا دكتور ؟؟؟؟

[الامير]

روح سوريا والى ايران افضل منهم وايد ومنها علاج وسياحه ولا في اسبوع تخلص اذا ماكان اقل

[بوحارب]

http://www.qatarshares.com.qa/data/208/211/storm_964525362_140028726.gif

انا توني صغير ما عندي اسنان