المساعد الشخصي الرقمي

مشاهدة النسخة كاملة : مصحات في المانيا



أروى
17-03-2008, 02:01 PM
السلام عليكم ورحمة الله وبركاته

اخواني الافاضل
اذا ممكن عناوين مصحات لعلاج السمنة في المانيا والاسعار في الشهر واذا حد جربها ؟

اّل ثاني 77
18-03-2008, 07:15 PM
إن شاء الله يفيدونج الاعضاء أختي
بس بصراحه انا سمعت عن مصحات لعلاج السمنه في الشيك ، ويمدحونها بس إذا لج خاطر أختي اسئلي مكاتب السفريات بيفيدونج بالاماكن والعروض والاسعار ...وبالتوفيق إن شاءالله.

أروى
19-03-2008, 02:18 AM
هلا وغلا آل ثاني 77
الف شكر يالغالي وجزاك الله الف خير لكن حبيت اعرف المصحات المجربة والنتيجة من هذي المصحات يعني في الاسبوع كم كيلو ينزل واهم شي تكون كلها 5 ستارز وتحت دكاترة ممتازين وتقبل فائق احترامي لشخصك الكريم

اّل ثاني 77
19-03-2008, 02:37 AM
هلا وغلا آل ثاني 77
الف شكر يالغالي وجزاك الله الف خير لكن حبيت اعرف المصحات المجربة والنتيجة من هذي المصحات يعني في الاسبوع كم كيلو ينزل واهم شي تكون كلها 5 ستارز وتحت دكاترة ممتازين وتقبل فائق احترامي لشخصك الكريم

والله أختي ماعندي اسامي مصحات معينه ، اما عن الوزن اللي ينزله الشخص فأكيد بيختلف من شخص لأخر لاكن تأكدي 100% انهم مايسوون اي تمارين او يعطون جدول رجيم لين يسوون فحص شامل، هناك ناس روح الإنسان عندهم غاليه مب مثل مستشفى حمد، بعد مثل ماذكرتلج أختي مري مكتب سفريات راح يفيدونج أكثر بالاسعار ويمكن يقترحون لج اماكن غير المانيا والشيك وإن شاء الله تكون نافعه

أروى
19-03-2008, 11:40 AM
السلام عليكم ورحمة الله وبركاته

الله يعطيك العافية وعاجزة عن الشكر الشيخ وان شاء اليوم بتصل في كم مكتب سياحي والله يسوي اللي فيه الخير
اختك اروى

ولد شرق
19-03-2008, 01:08 PM
التشيك اكيد
وعندهم مصحات ممتازه
اذا لك خاطر باجيب لك رقم اشهر مصحة في العالم عندهم

أروى
20-03-2008, 01:12 AM
هلا وغلا ولد شرق
كل الشكر لتشريفك وردك الكريكم اخي الفاضل
لو تكرمت ارسل لي الرقم على الخاص لان مشاركاتي ماتسمح ارسل خاص
وياليت رقم اشهر مصحة واذا ممكن الدكتور اللي يشرف وايش تقترح احسن طيران ؟
وجزاك الله الف خير وجعله في ميزان حسناتك

ولد شرق
20-03-2008, 01:19 PM
ابشر اخوي
باكلم لك رفيجي الليله
لأنه هو راح لهم واستفاد

الامير
20-03-2008, 06:06 PM
خلي منج المصحات خفي الاكل بتضعفين........او اتصلي بلمكتب طبي في المانيا وهم بيدلونج على افضل مصحه

أروى
20-03-2008, 06:26 PM
شكرا الامير لتفضلك بالرد فكرت اتصل في المكتب الطبي لكن سمعت يمدحون التشيك

أروى
20-03-2008, 06:28 PM
اخي الفاضل ولد شرق
في انتظار ردك
شكرا تعبتك معاي الشيخ وجزاك الله خير

سهم طايش
26-03-2008, 09:46 AM
في جريدة الوطن اليوم حاطين عرض لمدة 12 يوم ب7200يورو

يشمل التذكره و اقامه لمده يومين في فندق 5 نجوم + 10ايام في مصحه للتخسيس

العرض ينتهي في 30سبتمبر 2008

ريجنسي للسفريات يمكن الاتصال بهم و اخذ المعلومات كاملة

أروى
26-03-2008, 01:35 PM
هلا وغلا سهم طايش
اخوي بعد ماشفت ردك اليوم خذت الجريدة واتصلت فيهم لكن محد رد علي
واشوف اسعارهم غالية شوي لاني سمعت في مصحات ارخص
وهذا السعر مع التذكرة السياحية اجل لو فيرست شلون
جزاك الله الف خير وبارك الله فيك
اختك أروى

قطري33
26-03-2008, 01:54 PM
اشتركي في الدايت سنتر ونادي صحي وخلي عزيمتج قويه واصبري على الريجيم والتمارين وبأذن الله على مدى 4 شهور متواصله بتحسين بتغيير كبير في الوزن والشكل
انا ما اؤيد انج اتروحين لمصحات بما فيها من غربه وتعب ... السمنه علاجها تصحيح بعض العادات الغذائيه الخاطئه واتباع تمارين رياضيه بشكل يومي بسسسس ... طبعا هاذا رأي شخصي وانتي لج في النهايه القرار الاخير ... انا انصحج لاني اعرف ناس راحوا مصحات وبعد فتره امتنوا اكثر من الاول
وتقبلي مروري

أروى
29-03-2008, 12:06 PM
هلا وغلا قطري 33

منووووووووووووور كل الشكر لردك
ههههه اما راحوا ورجع الوزن بعد التعب اكثر من اول
صحيح اتفق معاك ان السمنة علاجها تصحيح العادات الغذائية لكن قلت بنسافر خلينا ندخل مصحة ونشوف
الله يسلمك وان شاء الله بحاول خلال هذا اجرب دايت سنتر
اما التمارين ماعمري اشتركت في نادي صحي
اختك أروى

miss-qatr
02-04-2008, 09:18 AM
الله يعطيكِ الصحه والعاااافيه اختي اروى

ولو تسمعين شوري المانيا علاجها ناااار واسألي مجرب والواحد مايروح الا اذا كان مجبر بس عشان سمنه وتخسيس مااظن الموضوع يستاهل مصحه


اذا ماكانت عندك العزيمه بالبلاد مثل ماقالو الاخوان يمكن عقب ماتخلصين علاجك ترجعين حق عاداتك الغذائيه الغلط وتكسبين وزنك السابق

انتي ماشتركتي حتى بنادي يعني ماحاولتي لمجرد المحاوله!!!!!

اشتركي بنادي صحي وعندك سباير يمدحونه وللامانه ماجربته وشوفي اخصائي تغذيه وتابعي معاه وانتي ببلادك لا مصحات ولا غربه :)


واسمحيلي على مداخلتي

أروى
02-04-2008, 01:08 PM
هلا وغلا اختي miss-qatr

شكرا على النصائع الغالية

تسلمين حبيبتي صحيح في بلادنا احسن بدون غربة

لكن قلت بنسافر المانيا وبشوف المصحات بدل الاسواق والمطاعم هههه
اما عن سباير ما اعرف عنه شي كنت افكر انه للرجال فقط
اممم وبعد في مشكلة سبق لي اجراء عدة عمليات في الجهاز الهضمي
والله يعافيج اختي الغالية وتسلمين على الرد

المهنّد
06-04-2008, 12:27 PM
اختي الكريمة هنا في سويسرا هنالك مصحات عالميّة لعلاج السمنة ولكنّ العلاج غالي بعض الشيء

وذلك لانّ العناية فائقة والنتائج باهرة ........ساحاول مدّك ببعض العنوين

أروى
06-04-2008, 01:46 PM
اخي الفاضل المهند
جزاك الله خير الجزاء
وفي انتظار ردك الكريم

qatar124
17-04-2008, 10:57 AM
التشيك اعتقد احسن

أروى
17-04-2008, 11:47 AM
اخي الفاضل قطر124

طيب من اي ناحية التشيك احسن من وجهة نظرك ؟
الف شكر لتفضلك بالرد