هل ترضى أن يقيس الخياط (الرجل) زوجتك أو بنتك أو أختك

[سوق واقف]

السلام عليكم ورحمة الله وبركاته

أخواني الأعزاء لقد ذهبت الى سوق فالح الخاص بالعبايات والله حزنت كثيرا أمس رأيت الخياط يقيس للبنات والبنات يضحكون أستغربت ولا هامهم وكأنه الشيء عادي يمسك الخصر ويقيس .. لا حول ولا قوة الا بالله ....

دعوة للنقاش لماذا لا يتم منع هؤلاء الخياطين للعمل في محلات العبايات ...

[اناقه]

اخوي اسمحلي اقول رايي بكل صراحه العيب مب من الخياطين و لا هو ذنبهم

من استوينا واحنا نفصل عند خياييط هنود لكن ولا مرة واحد تجرأ وسوى هالشيء

العيب عيب البنات اللي ما يستحون .. هذي و قاحه وقلة ادب و قلة دين

غالبية المحلات تتم القياسات عندهم يعني ما يحتاج يزخخ و يقايس

شنو اول مرة تفصل عند هالمحل .. ليش ما تودي معاها قياس للعباة

او اذا ما عندها ليش ما تخلي امها او اختها تقايس لها

كلنا نسوي جذي نودي قياس واذا القياس مختلف نقوله يطول او يقصر او يضيق و يوسع

يعني مب سالفة هي

شنو بيقولون ما نعرف ؟؟؟

بقول جذابين

عيل اش فايدة حصص الاقتصاد المنزلي اللي ياخذونها في المدارس

حشه مفصلين فستان مب عباة

[شيزكيك]

بل اشدعوه يخلون الخياط يقايس عليهم . اقل شي تسويه تودي معاها عبايه ثانيه علشان ياخذ القياسات

منها والله حرام وعيب

[سعد آل شريم]

لا حول الله

[بوحارب]

لا حول الله

لا حول ولا قوة إلا بالله:)

[MoHaMmEd114]

لا مارضى مايبيلها سؤااال

والبنت الي ترضى بهذا رخيصة ماتسوى نعالي

[بوحارب]

الله يهدي البنات

مشكله البنت اذا استرخصت بعمرها

الله المستعان


سوق واقف انت مكتوب تحت اسم تاجر ولا باحث اجتماعي:eek5:

اشفيك اختربت:omen2:

كل مواضيعك اجتماعيه

الله يرفع الأسلاميه قول امين:weeping:


تحياتي لك:)

[بوحارب]

سوق واقف لو تغير العنوان تسوي خير !!!!!!

[ناصر العمادي]

والله ياخوي الواجب على المسؤولين ذوي الصله بالموضوع يمنعون هذه المهزله ...

يجب أن تكون محلات الخياطه النسائيه للنساء فقط .......... يعني العاملات من النساء فقط ...

ولو كان الأمر صعب عليهم ممكن يكون هناك مكان مخصص للقياس وتحت أشراف أمرأه عملها يكون أخذ قياس البنات وأعطاءه للخياط ....

أما بخصوص البنات والنساء اللي يسمحون للخياط أن يتلمسهم ويأخذ قياسهم فلا أعتقد بأن لديهم ذره من الشرف والأحترام لأنفسهم ... وأتمنى أن لاتخرج لي وحده وتقول الهندي مب ريال .. الريال ريال لو أيش ماكان .... ويكفي ضحك على أنفسنا ....

وطبعا الحلول كثيره ومنها ماذكره بعض الخوات الفاضلات بأنها تأخذ معها عبايه أخرى كقياس أو أن أمها تأخذ لها القياس أو من يكون معها ... الحلول كثيره لمن يريد الستر ...

كل الشكر لك أخي الغالي على الموضوع

ربي يوفقك ويسعدك ويرزقك من نعيمه أن شاء الله

تحياتي وتقديري لك

[سوق واقف]

اخوي اسمحلي اقول رايي بكل صراحه العيب مب من الخياطين و لا هو ذنبهم

من استوينا واحنا نفصل عند خياييط هنود لكن ولا مرة واحد تجرأ وسوى هالشيء

العيب عيب البنات اللي ما يستحون .. هذي و قاحه وقلة ادب و قلة دين

غالبية المحلات تتم القياسات عندهم يعني ما يحتاج يزخخ و يقايس

شنو اول مرة تفصل عند هالمحل .. ليش ما تودي معاها قياس للعباة

او اذا ما عندها ليش ما تخلي امها او اختها تقايس لها

كلنا نسوي جذي نودي قياس واذا القياس مختلف نقوله يطول او يقصر او يضيق و يوسع

يعني مب سالفة هي

شنو بيقولون ما نعرف ؟؟؟

بقول جذابين

عيل اش فايدة حصص الاقتصاد المنزلي اللي ياخذونها في المدارس

حشه مفصلين فستان مب عباة

حبيت أشكرك على مرورك نعم كلامك صحيح ولكن ما رأيته أمس والأيام الي راحت أنه الموضوع عنهم عادي ان الهندي ياخذ القياس لهم والله تضايقت وايد لو بيدي جان كلمتهم وقلت لهم حرام والله بس الله يهديهم .... ومشكورة على مرورك مرة ثانية

[سوق واقف]

بل اشدعوه يخلون الخياط يقايس عليهم . اقل شي تسويه تودي معاها عبايه ثانيه علشان ياخذ القياسات

منها والله حرام وعيب

:victory:

[سوق واقف]

الله يهدي البنات

مشكله البنت اذا استرخصت بعمرها

الله المستعان


سوق واقف انت مكتوب تحت اسم تاجر ولا باحث اجتماعي:eek5:

اشفيك اختربت:omen2:

كل مواضيعك اجتماعيه

الله يرفع الأسلاميه قول امين:weeping:


تحياتي لك:)

الاسلامية إن شاء الله طالعه طالعه

[ناصر العمادي]

الاسلامية إن شاء الله طالعه طالعه

والرعايه والمواشي .......:tease::tease::tease::tease::tease:

[بوحارب]

الاسلامية إن شاء الله طالعه طالعه

بل:eek5:

ما لفت انتباهك من ردي الا موضوع الأسلاميه :omg:

ههههههههههههههههههه

[امل الحب]

:omg:

هذولا مايستحون واقل القليل الي تسويه

تاخذ معاها عباية ثانية وتقوله ياخذ القياسات عليها مو صعبة ابدا

الله يهديهم ان شاء الله

[العـوا]

المشكله فيه شريحة من الناس تعتبر هذا الامر عادي وعادي جدااا

[ashhal_q]

لا حول ولا قوة الا بالله ....

[maryam5]

السلام عليكم ورحمة الله وبركاته

ترى الموضوع مب سهل وانه عادي بالعكس هذا شي خطير ان البنت يكون عادي عندها هندي في محل يتلمس جسمها...

الشرهه مب عليها على اهلها الي خلوها تروح لحالها مع الدريول للمحل وحزات تكون الام موجودة وعادي ولا كأن الأمر فيه شي...

اعتقد لو قلت لها عيب يا اختي مايجوز الهندي يآخذ قياسج او هلك لو كانوا معاك كان اعتقد احسن ولكن لو كل واحد فينا بيشوف الغلط وبيهز راسه وبيمشي عيل احنا ساعدنا المنكر وما غيرنا شي...

تعجبني غيرتك سوق واقف:nice:... وهذا المطلوب والي نحبه في الرجل...:victory:

يعطيك العافية...

[اموووله]

اخوي سوق واقف بدووووووون ما تسال يرضون او لا حنا البناااااااااااات اصلا ما نرضى ولا نسويها

[المهاجر]

من يرضى فهو ديوووث

[سوق واقف]

جزاكم الله خير جميعا على الردود الطيبة

[وطن]

اخوي هذي مافيها ترضى ولا ما ترضى

هالشيء حرام !!!


يعني ابسط شي
تدخل غرفة القياس وتاخذ معاها عباية من عنده
تلبسها وتعطيه عبايتها
يقايس عليها
بعدها ترد تغير وتلبس عبايتها

او انها تاخذ معاها عباية قياس

لكن في ناس عندهم قلة وعي بأمور الدين
الله يهديهم

[اناقه]

حبيت أشكرك على مرورك نعم كلامك صحيح ولكن ما رأيته أمس والأيام الي راحت أنه الموضوع عنهم عادي ان الهندي ياخذ القياس لهم والله تضايقت وايد لو بيدي جان كلمتهم وقلت لهم حرام والله بس الله يهديهم .... ومشكورة على مرورك مرة ثانية

اخوي صدقني لو تكلمت بيطلعونك انت الغلطان

هالنوعية من البشر ما يستحون ولا عندهم ذرة احترام

[هسلان]

ذكرتني بمسرحية البيت بيتك
لما قاله طارق العلي كيف تجيب أسم أهلك في المجلس
قال عادي أحنا الكووووووووول نقول أسامي أهلنا بالمجلس
والحين أنا أقولك الناس الكووووووول ماعندهم مشكلة أن الخياط يقيس لبنتهم
عادي خلك كووووول

ولا تنسى المقولة المشهورة ويه إلا هندي :tooth:

[غيور الدوحة]

اكيد غلط انه رجال يقيس امراة
بينما من الممكن تعيين سيدة لاخذ القياسات
والافضل انه المراة تاتي بلباس فيه قيساتها وتعطيها للخياط لاخذ القياسات من عليه
فالاجنبي حرام

[غيور الدوحة]

ملاحظة الاجنبي = الرجل غير المحرم

[بنت المنتدى]

الوحده لازم تعرف من نفسها ان هالشي عيب ومب بس عيب الا حرام انه واحد غريب يمسكني الا اذا الهنود مب رياييل هااي موضوع ثاني:eek5:

[super jet]

ذكرتني بمسرحية البيت بيتك
لما قاله طارق العلي كيف تجيب أسم أهلك في المجلس
قال عادي أحنا الكووووووووول نقول أسامي أهلنا بالمجلس
والحين أنا أقولك الناس الكووووووول ماعندهم مشكلة أن الخياط يقيس لبنتهم
عادي خلك كووووول

ولا تنسى المقولة المشهورة ويه إلا هندي :tooth:

هاهاااااااااااااااااااااي اما المقوله ويييييه الا هندي مب ريال هاهاااااااااااااااااااااااي
عزيزي سوق واقف الشرهه على اهلها اللي مهملينها وتاركين بنتهم سلعه رخيصه او خلنا اقول مجانيه اللي يسوى واللي مايسوى يتفرج ويعاين ويفحص على راحته
الله يستر على الجميع وو الكل مشى على (( كلكم راع وكلكم مسؤول عن رعيته )) كان احنا بخير

[التيما]

والله جدام عيني ريال مع مرته ويخلي الهندي يقيس على مرته .. خلني ساكته عشان محد يقول اني متحاملة على الرياييل .. لان هالأشكال وايد نشوفها .. ولا ننسى سالفه الأم الي راحت مع بنتها وخلتها تدخل مع الخياط غرفة القياس واغتصبها وهي خبر خير .. أمحق أم وأمحق أب ولا أخ ولا زوج يسمح بهالشي

[امـ حمد]

اصلا حرام شرعا

[سهم صاعد نازل]

لا حول ولا قوه الا بالله

[لولوتي]

المشكله ان اغلب هالحالات الغير مراعيه للدين والشرع هي من تصرفات المراهقات...
يعني مادون العشرين...

فالتساؤل اللي يحيرني على اللي في هالعمر

هل صعب على والدينها تربيتها التربيه الصحيحه
هل اجبارهم لها على التصرفات السليمه خارج استطاعتهم
هل الامهات اللي يشوفون بناتهم في هالمواقف مالهم غيره على بناتهم
لي متى الوحده من هالامهات بتم اتقول صغيره وخلها تعيش واتسوي اللي تبغيه
لهالدرجه الخوف على مشاعرهم ينسيهم عاقبة مثل هالامور اللي صارت عاديه فعيونهم...

اساساً ليش ماعاد للوالدين سيطره على عيالهم لهالدرجه سواء بنات او شباب...

[الزاجل]

حرام وعيب ..

[بوحارب]

المشكله ان اغلب هالحالات الغير مراعيه للدين والشرع هي من تصرفات المراهقات...
يعني مادون العشرين...

...[/COLOR]

غلطانه لولوتي:)

في بعض البنات يسوون هالأشياء وهم فوق ال 25 وشفناهم

مب شرط يكونون تحت ال 20ولو انهم اكثر من يسوي هالحركات

والتربيه والدين لو كانوا في البنت حتى لو كان
عمرها 16 ما بترضى بمثل هالأشياء

الله يهديهم ويصلحهم:)

[لولوتي]

غلطانه لولوتي:)

في بعض البنات يسوون هالأشياء وهم فوق ال 25 وشفناهم

مب شرط يكونون تحت ال 20ولو انهم اكثر من يسوي هالحركات

والتربيه والدين لو كانوا في البنت حتى لو كان
عمرها 16 ما بترضى بمثل هالأشياء

الله يهديهم ويصلحهم:)

اللي قصدته ياخوي بوحارب البنات اللي توهم صغار واللي المفروض ان الوحده منهم ماتطلع من البيت الا مع شخص كبير...
وماتسوي شي الا بشور والدينها...

الحين صرنا انشوف العجب من هالبنات والحريه الزايده بلفيت ديمقراطيه في فن التربيه

[بوحارب]

اللي قصدته ياخوي بوحارب البنات اللي توهم صغار واللي المفروض ان الوحده منهم ماتطلع من البيت الا مع شخص كبير...
وماتسوي شي الا بشور والدينها...

الحين صرنا انشوف العجب من هالبنات والحريه الزايده بلفيت ديمقراطيه في فن التربيه

في هذي معاج حق