استفسار عن كيفية شراء سياره عليها اقساط بنكية ؟!!!

[ezgert]

السلام عليكم
يا شباب انا عندي استفسار
في سيارة عليها اقساط عن طريق بنك قطرالوطني وابي اشتريها باقساطها , بس البنك قالوا لي مايصير تحول الشيكات باسمك !!! لازم نشتريها لك ونقسط عليك المبلغ
يعني اذا السيارة عليها 100 الف اقساط , هم بيشترونها وبعدين بيحسبون اقساط جديده علي , وكذا بتصير السياره ب 140 الف , وبياخذون فايده جديده
السوال , اشلون اقدر اقلب الشيكات باسمي بدون مادفع فوائد جديده للبنك ؟؟؟؟؟

حد يقدر يفيدني ( يكون شغال في بنك قطر الوطني ) ؟؟؟

[بو غنيم]

انشالله حد من الاعضاء يفيدك

[المهنـدي]

الي اعرفة ان اذا حسابك في نفس البنك يعني بنك قطر وماعليك التزامات راح يحولون لك الشيكات
بس في رسوم حق التحويل ومعرف قيمة كل شيك كم بيكون

والسموحة يالغالي هذا الي اعرفة

[أم علي]

نفس ماقال لك اخوي المهندي.. اذا حسابك في نفس البنك.. تروح قسم قروض السيارات أنت وصاحب السيارة علشان يوقع على تنازل و تتحول السيارة باسمك عقب تأخذ ورقة فك الرهن من البنك وتوديها على المرور علشان تتسجل باسمك..وعقب بيتم خصم القسط من حسابك..

[ezgert]

نفس ماقال لك اخوي المهندي.. اذا حسابك في نفس البنك.. تروح قسم قروض السيارات أنت وصاحب السيارة علشان يوقع على تنازل و تتحول السيارة باسمك عقب تأخذ ورقة فك الرهن من البنك وتوديها على المرور علشان تتسجل باسمك..وعقب بيتم خصم القسط من حسابك..

تسلمين ام علي على الرد
رحنا قسم القروض وحاولنا نعمل نفس الطريقه اللي قلتي عليها , بس هم ما وافقوا , قالوا هالنظام مب موجود عندنا , واذا تبي تشتري السياره , البنك يسدد الاقساط وبعدين يبيعه بحساب الفايده من جديد

على سبيل المثال :

يعني اذا السياره قيمتها 60 الف , وعليها اقساط مجموعها 80 الف , البنك يشتريها ب80 الف ويحسب علي اقساط بقيمة 105 الف ريال , اي بفائده جديده


مادري افتح بنك , صج يدخلون ارباح

[technical]

على الحسبه هذه اوفرلك تشتري جي ستاندرد جديد على احد الشركات الاسلاميه.
منها فلوس في الجيب ومنها رضا رب العالمين .

[Index Signal]

على الحسبه هذه اوفرلك تشتري جي ستاندرد جديد على احد الشركات الاسلاميه.
منها فلوس في الجيب ومنها رضا رب العالمين .

الشركات الإسلاميه ربويه أكثر من الشركات الربويه نفسها..!!

قارن فوائدهم مع البنوك الربويه و إنت بتعرف..

تقدر تسميها ضريبة الحلال..!!

[technical]

الشركات الإسلاميه ربويه أكثر من الشركات الربويه نفسها..!!

قارن فوائدهم مع البنوك الربويه و إنت بتعرف..

تقدر تسميها ضريبة الحلال..!!

الله يسلمك , اليوم المصرف المركزي نزل الفايده ل2.25% . فيهه شي اذا خذت كذا عرض من كذا شركه اسلاميه . وقارن بين العروض بنفسك قبل لا تمشي على كلام اشاعات , لان الي راح يدفع انت وليس الشائعات !

[ezgert]

الشركات الإسلاميه ربويه أكثر من الشركات الربويه نفسها..!!

قارن فوائدهم مع البنوك الربويه و إنت بتعرف..

تقدر تسميها ضريبة الحلال..!!

الحلال بين والحرام بين وبينهم امور متشابهات
البنوك الاسلامي احلوها العلماء بغض النظر عن اكثر واقل , واللي يحاول يتقي الحرام , الله يبارك له وايسر اموره

[Index Signal]

الله يسلمك , اليوم المصرف المركزي نزل الفايده ل2.25% . فيهه شي اذا خذت كذا عرض من كذا شركه اسلاميه . وقارن بين العروض بنفسك قبل لا تمشي على كلام اشاعات , لان الي راح يدفع انت وليس الشائعات !

ليش إشاعات يالغالي البنوك و شركات التمويل موجوده إتصل عليهم و إسألهم..

حتى بالتوظيف يعطونك عروض عمل براتب أقل من وظيفتك الحاليه إذا كانت في بنك ربوي بحجة إنهم بنك إسلامي..!! وهالشي صار لشخص اعرفه يعني مب إشاعه..

بإختصار يبونك تدفع لهم ضريبه الحلال يعني بذمتك هذا التصرف فيه شي من الإسلام و يرضي الله..؟!

أعتذر لصاحب الموضوع على المداخله.

[Index Signal]

الحلال بين والحرام بين وبينهم امور متشابهات
البنوك الاسلامي احلوها العلماء بغض النظر عن اكثر واقل , واللي يحاول يتقي الحرام , الله يبارك له وايسر اموره

محد يختلف على إن الحلال بين و الحرام بين و إن العلماء حللوا البنوك الإسلاميه..

لكن أنا أقصد ليش المتاجره و المبالغه بالتكسب بإسم الدين و الحلال..

إحنا ما نبي فوائد أقل من البنوك الربويه بس عالأقل نفسها و ساعتها محد بيقترض من بنك ربوي و إللي بيقترض ما له عذر عند ربه..

لكن في ناس على قد حالهم و إذا زادت الفايده عليهم بتتأثر معيشتهم و هالشي ما يرضي الله..

أتمنى يكون قصدي مفهوم و أعتذر مره ثانيه على الخروج عن الموضوع.

[FULL]

اذا كان مجموع الاقساط المتبقي مثلا 100 الف ريال ،، سددها كاش ،، ولما اتسددها كاش ماراح تدفع كل المبلغ .. يمكن 80 او 90 الف فقط ... لان ال 100 الف محسوبة فوائد الاشهر القادمة اللي ما مرت عليك للحين .. وتسديدك لها مبكر يعفيك منها .... اذا الموظف قالك غير هالكلام ماعليك منه لانه مو فاهم شغله وروح الفرع الرئيسي للبنك واستفسر منهم

بعد ما تسدد المبلغ كاش 80 الف (الرقم يتغير على حسب البنك والفائدة والمدة والقسط والمتبقي من القسط) واللي كان قبل اكثر .... ودي الموتر بنك اسلامي ثاني وسو مرابحة .... تزيد الفايده بزيادة المده وتقليل القسط ... وتقل الفايده بزيادة الدفعات وتقليل المدة

وبعد ما تنقل الموتر للبنك الثاني تقريبا راح يكون سعر الموتر مع الاقساط كامل مثل ما كان في البنك السابق (هذا اذا كانوا بنفس نسبة الربح المئوية في السنة)


ولعلمك بعض البنوك الاسلامية لما تجي تسدد لهم القرض يقولون لك انهم ماراح يخصمون ارباحهم الزايده من المبلغ ... لاكن يرجعون الارباح الزايده باسم (هدية او مكافأة) لانهم (والعلم عند الله) علشان تكون التعاملات اسلامية ...


كلم مدير الفرع دايما اذا كلام الموظف ماعجبك :victory:
وابتعد عن البنوك الربوية ، وبالتوفيق ان شاء الله

[ezgert]

اذا كان مجموع الاقساط المتبقي مثلا 100 الف ريال ،، سددها كاش ،، ولما اتسددها كاش ماراح تدفع كل المبلغ .. يمكن 80 او 90 الف فقط ... لان ال 100 الف محسوبة فوائد الاشهر القادمة اللي ما مرت عليك للحين .. وتسديدك لها مبكر يعفيك منها .... اذا الموظف قالك غير هالكلام ماعليك منه لانه مو فاهم شغله وروح الفرع الرئيسي للبنك واستفسر منهم

كلم مدير الفرع دايما اذا كلام الموظف ماعجبك :victory:
وابتعد عن البنوك الربوية ، وبالتوفيق ان شاء الله

اولاً : تسلم اخوي على الرد

اللي استغربت منه , اني قلت حق مدير فرع قروض السيارات اني بسدد البلغ كامل وبسوي نفس طريقتك , قالي في هالحاله راح تدفع 2000 ريال زياده عن المبلغ !!!!!!:omg:

قلت له اكيد انت مب فاهم , فرحت حق مدير الفرع الرئيسي ( صالح المناعي ) وبعد قالي نفس الكلام , على اساس انهم ياخذون الربح على السلفة شهري , المهم قالي انه هذي سياسة البنك في قروض السيارات !!!!

ماتقدر تنقل الشيكات وفي حالة السداد تدفع المبلغ كامل بالاضافة الى مبلغ يدفع كعمولة .


اعتقد ان البنوك الاسلامية افضل من البنوك الربوية , على الاقل هم واضحين من البداية حتى لو خذوا زياده الف والا الفين .


نصيحه للشباب اللي بيشترون سياره عن طريق بنك انه يتاكد من الشروط ؟والارباح كاملة ؟واذا سدد كم بيطيحون منه ارباح ؟, واذا يبي يبيعها يصير والا لا ؟

ويتاكد ان هالكلام مكتوب في العقد والا لا

ومثل ما قلت الواحد يتعامل مع البنوك الاسلامية افضل ويبتعد عن الربا