النجدة .. النجدة .. الفئران تغزوا الفرجان .. [الأرشيف]

الزاجل

23-03-2008, 03:10 PM

في احتفالية من احتفاليات قطر الحبيبة
تجتمع الفئران بكل راحة وآمان في البيوت العامرة و غير العامرة
في فرجان قطر وضواحيها ..

انظروا لهذا الفأر الجميل

http://www.taconic.com/user-assets/Images/Producs-Services/em_mod_black.jpg

انه يسرح ويمرح مع اصدقائه في البيوت والفرجان

http://static.zsl.org/static/site/image-library/watermarked/112.jpg

واذا ما أردت الذود عن نفسك وبيتك
ما عليك الا الاتصال بقسم مكافحة الحشرات والفئران
بفرع البلدية التابع له سكنك ..

ويردون عليك مشكورين نحن في الخدمة ولكن عليك
ترك رقم بطاقتك الشخصية لكي نثبت ذلك في السجلات ..

نقول لهم
حسناً حسناً
لكم ما تريدون

ولكن البيوت التي لا يسكنها قطري او عائلة مقيمة
و يسكنها جيش مجيش من العزاب .. ما هو مصيرها ؟

يردون عليك انه ليس من اختصاصنا
فبيوت العزاب من اختصاص الشركات الخاصة ..

اهاا
الشركات الخاصة هي المسؤولة إذن ؟

الحين
الشركات الخاصة مسؤولة على شرط يتصل صاحب العقار ..
الشركات الخاصة ما بتدور على البيوت اترش واتحط لهم سم فيران

وخااااااااااصة ان الفيران بدت في الازدياد بسبب قذارة
بيوت العزاب اتحصل لك كل انواع المهملات والأدوات الصحية والخشبية
والتواير والاعتدة الميكانيكة وفوق كل هذا حتى الأواني المنزلية
لها ركن متراكم في بيوتهم ..

فهل يعقل
الفيران تتكاثر في بيوت العزاب
والبلدية بس مسؤولة عن بيوت العائلات ؟

طيب من المسؤول عن انتشار الفيران ؟

شفت فيران في الهلال .. سولفت مع واحد
يقول لي روح شوف العزيزية صوب المجمع شوف
اشلون الفيران يلعبون خشيشة هناك ..

شوف مدينة خليفة شوف ..

ولما انراجع الأماكن نكتشف ان سكن العزاب هو السبب

يعني اللحين الفار بيسكن معانا بيوتنا مثل ما هو
ساكن على راس القطو ؟

http://bahloul.files.wordpress.com/2007/08/cat-mouse.jpg

ورقــة أمــل

23-03-2008, 03:15 PM

ماعندنا فيران في فريجنا

شفت فار واحد في سوق واقف

وفار في كافتيريا الدوام

الزاجل

23-03-2008, 03:17 PM

ماعندنا فيران في فريجنا

شفت فار واحد في سوق واقف

وفار في كافتيريا الدوام

:secret:
بس اثنين بروحج شفتيهم ؟ :omen2:

خلونا انشغل العداد وانشوف من فيكم شاف فيران في التفرة الأخيرة ؟

واللي شاف اكثر له جائزة عبارة عن

قطو يوعان ..

المزن الرياني

23-03-2008, 03:17 PM

واايد تستعجل يالزاجل بالانتقاد

لو نطرت شوي كان شفت أشهار ( اللجنه الخاصه بتنظيم الفئران السائبه )
أسوه بلجنه القطاوه

جلمود

23-03-2008, 03:19 PM

أذا في بيتكم قطاوه لاتحاتي الفيران كلش ويسلم راسك .

أما بالنسبه لي بيوت العزاب صحيح هي مصدر القذاره وتجمع الفئران ولاكن أنا اشوف البلديه مو قصر رقع مخالفات ولا في فايده !!

هتـان قطر

23-03-2008, 03:20 PM

احموا الناس من الطاعون ..الفئران اتيه..

ذكرتني بمسلسل سعاد العبدالله..:)

الله يكفينا شرهم ...بس ليش البلديه مب مسؤوله..؟

اذن حماية البيئه وينهم بعد ..؟ولا مسؤولين عن حماية

الارانب والضبان..؟

عزوز المضارب

23-03-2008, 03:23 PM

يقول لي روح شوف العزيزية صوب المجمع شوف

مره كنت هناك الخميس الماضي وفعلا الفئران يلعبون عسكر وحراميه وعريس وعروسه بعد ..معك حق يا عم زاجل :victory:

انتشروا انتشااااااااار ولا اليات عسكريه :secret:

المهاجر

23-03-2008, 03:26 PM

خلاص يالزاجل
ننطر الفيران لين تطلع تتمشى بعد ما تتعشى

واول ما دش بيوتنا نتصل بالبلديه وساعتها بتكون البلديه قامت بدورها

لكن اهم شي ما ننسى نسكر عليها البيبان واذا لزم الامر نخليها بغرف النوووم

على شان الاختصاص يكون ساري وفي محله

:telephone:

عندك رقم البلديه

الزاجل

23-03-2008, 03:26 PM

واايد تستعجل يالزاجل بالانتقاد

لو نطرت شوي كان شفت أشهار ( اللجنه الخاصه بتنظيم الفئران السائبه )
أسوه بلجنه القطاوه
مب موضوع انتظر لجنة ..

المشكلة ان البلدية امنعوا مكافحة الفيران في بيوت العزاب
ويقولون ان على مالك او مستئجر العين انه
يتحمل مسؤولية مكافحة الحشرات والفئران ..

طيب الفرجان صارت مرتع للعزاب .. وكثرت بيوتهم
من اللي بيجبر صاحب العين او المستأجر انه يكافح الفئران ؟

أذا في بيتكم قطاوه لاتحاتي الفيران كلش ويسلم راسك .

أما بالنسبه لي بيوت العزاب صحيح هي مصدر القذاره وتجمع الفئران ولاكن أنا اشوف البلديه مو قصر رقع مخالفات ولا في فايده !!

بيتي ما عندي مشاكل
اكل الفار لو شفته .. مب محتاج قطاوة :secret:
بس اتكلم عن الناس اللي ما يحبون طعم الفيران
وقطاوتهم خدايا مب مال فيران ..
شنهو الحل ؟
وهم محاصرين ببيوت العزاب ؟

بعدين اشلون البلدية توقع مخالفة ولا في فايدة ؟
هذا دليل ان مخالفتهم مب قد التأديب ..

احموا الناس من الطاعون ..الفئران اتيه..

ذكرتني بمسلسل سعاد العبدالله..:)

الله يكفينا شرهم ...بس ليش البلديه مب مسؤوله..؟

اذن حماية البيئه وينهم بعد ..؟ولا مسؤولين عن حماية

الارانب والضبان..؟

البدلية اتخاف يخلص مخزون سم الفيران
لذلك .. تقول بيوت العزاب والشركات مسؤولية
الشركات الخاصة في مكافحة الحشرات والفيران ..

يعني اللي عنده فيران من سكان البيوت المؤجرة
عليه انه يتعاقد مع شركة للقضاء على القوارض والحشرات
والمدارس المستقلة والخاصة من ضمن اللي البلدية مالها
شغل فيهم
..

الخيميائي

23-03-2008, 03:26 PM

هذيلا الفيران عصافير يالزاجل بالنسبة لفيران 1980 :p

BODYGUARD

23-03-2008, 03:27 PM

كان عندي قطو وصاروا ثلاثه بالبيت يعني لامكان للفيران

الزاجل

23-03-2008, 03:29 PM

مره كنت هناك الخميس الماضي وفعلا الفئران يلعبون عسكر وحراميه وعريس وعروسه بعد ..معك حق يا عم زاجل :victory:

انتشروا انتشااااااااار ولا اليات عسكريه :secret:

يقول رفيجنا كان طالب من المعصرة
وياكل ويشوفهم اشلون يلعبون لا احترام ولا تقدير لوجوده
طلع عندهم عرس المساكين :secret:

خلاص يالزاجل
ننطر الفيران لين تطلع تتمشى بعد ما تتعشى

واول ما دش بيوتنا نتصل بالبلديه وساعتها بتكون البلديه قامت بدورها

لكن اهم شي ما ننسى نسكر عليها البيبان واذا لزم الامر نخليها بغرف النوووم

على شان الاختصاص يكون ساري وفي محله

:telephone:

عندك رقم البلديه

بتتعب
يقول لك
البواليع امدحبة فيران
الطوف في فيران .. منخشين ..

يعين الفار اللي بتحبل لها يدش بيتك ما بيدخل لك من الباب
لو عندك عزاب جيرانك ..

شوف لنا خطة بديلة ..

الزاجل

23-03-2008, 03:32 PM

كان عندي قطو وصاروا ثلاثه بالبيت يعني لامكان للفيران

القطاوة ما اتعيش في بيوت العزاب لقلة الموارد هناك..
القطاوة تنفرش في بيوتنا وتاخذ راحتها ..
من جذيه لو الفار يفكر يدش بيتنا القطو شبعان
ما يبي فار على حساب دياي ولحم وسمج .( عناد في انسان ) :rolleyes2:

هذيلا الفيران عصافير يالزاجل بالنسبة لفيران 1980 :p

خم خم
اللي شفته.. توه متوسط الحجم
مب نفس ايام أول تقول قطاوة مب فيران :secret:

][ الوحيد ][

23-03-2008, 03:32 PM

معا معا فل نحمي البلد من الطاعون

خخخخخخخخخخخخخخخخخخخ

وطن

23-03-2008, 03:33 PM

سمعت عن وجود الفئران في البلاد
بس ما شفتهم لحد الحين

وان شاء الله ما اشوف

المهاجر

23-03-2008, 03:34 PM

يقول رفيجنا كان طالب من المعصرة
وياكل ويشوفهم اشلون يلعبون لا احترام ولا تقدير لوجوده
طلع عندهم عرس المساكين :secret:

بتتعب
يقول لك
البواليع امدحبة فيران
الطوف في فيران .. منخشين ..

يعين الفار اللي بتحبل لها يدش بيتك ما بيدخل لك من الباب
لو عندك عزاب جيرانك ..

شوف لنا خطة بديلة ..

هاي احلى شي علشان الصمغ مال الفيران يزيد سعره والتجار يستفيدون

يقولك صار لهم فتره ما باعوا صمغ
:weeping:

الخطه البديله الله يسلمك

سكن عزاب عنك بالبيت فتره العصاري

وساعتها بتشوووف الفيران شلون تدخل او لا

:secret:

الخيميائي

23-03-2008, 03:36 PM

القطاوة ما اتعيش في بيوت العزاب لقلة الموارد هناك..
القطاوة تنفرش في بيوتنا وتاخذ راحتها ..
من جذيه لو الفار يفكر يدش بيتنا القطو شبعان
ما يبي فار على حساب دياي ولحم وسمج .( عناد في انسان ) :rolleyes2:

خم خم
اللي شفته.. توه متوسط الحجم
مب نفس ايام أول تقول قطاوة مب فيران :secret:

اتذكر قضية الفيران صارت ازمة وطنية وتم جلب مئات القطط واطلاقها في الشوارع واكلت الفئران جمعيها باستثناء فئة بسيطة استطاعت الهروب الى المناطق البرية حيث اكتسبت قوة وصلابة بينما القطط ضلت سائبة في الشوارع وبدون اي تحديد للنسل اصبحت اعدادها كبيرة مما استدعي الحكومة للتدخل للقضاء على القطط سوءا بالقتل الرحيم او بنشر فايرس العقم بينهم وعندما قلت اعداد القطط رجعت الفيران من الصحراء وبدأت في السيطرة على بعض المناطق بل لقد اصبحت اقوى من القطط في المواجهات الفردية :p

والبلدية مسئولة عن النظافة العامة ومكافحة القوارض والحشرات سوءا كان في منازل الحكومة او المجمعات او سكن العزوبية :omen2:

مزيون الدوحه

23-03-2008, 03:38 PM

اخر فار شفته في العديد من شهر <<< يشجع السياحه الداخليه :nice:
في البدايه افتكرته جربوع
لاكن طلع فار بن فار اصلي :rolleyes2:

لاكن في الدوحه كنت افتكر انهم شبه منقرضين :con2:

جلمود

23-03-2008, 03:38 PM

هذيلا الفيران عصافير يالزاجل بالنسبة لفيران 1980 :p

أسكت يالخيميأئي ذكرتني بموقف من زمااااااان فارعاض الديك من رقبته وسادحه بالحوش والديك روحه تطلع هذيك الفيران مب الحين مثل اللي لقيته تحت المخده وانا نايم:rolleyes2: صغير مثل الجرذي !!

المهاجر

23-03-2008, 03:38 PM

الزاجل

23-03-2008, 03:40 PM

هاي احلى شي علشان الصمغ مال الفيران يزيد سعره والتجار يستفيدون

يقولك صار لهم فتره ما باعوا صمغ
:weeping:

الخطه البديله الله يسلمك

سكن عزاب عنك بالبيت فتره العصاري

وساعتها بتشوووف الفيران شلون تدخل او لا

:secret:

امحق خطة .. :omen2:

انزين يالمهاجر
الحين لسكنتهم ما عندي مشاكل مع الفيران..> احولهم لوجبات غذائية..
بيت الجيران اشلون اخلي الفار يدخل عندهم؟
اسكن العزاب عندهم :secret:

[ الوحيد ][;2498967']معا معا فل نحمي البلد من الطاعون

خخخخخخخخخخخخخخخخخخخ

لا تضحك انزين
الطاعون ما يضحك.. بعدين تتحسف ..:unsure:

لولوتي

23-03-2008, 03:41 PM

اخر مره شفت فار في الستي سنتر:rolleyes2:

عزوز المضارب

23-03-2008, 03:43 PM

الزاجل

23-03-2008, 03:44 PM

اتذكر قضية الفيران صارت ازمة وطنية وتم جلب مئات القطط واطلاقها في الشوارع واكلت الفئران جمعيها باستثناء فئة بسيطة استطاعت الهروب الى المناطق البرية حيث اكتسبت قوة وصلابة بينما القطط ضلت سائبة في الشوارع وبدون اي تحديد للنسل اصبحت اعدادها كبيرة مما استدعي الحكومة للتدخل للقضاء على القطط سوءا بالقتل الرحيم او بنشر فايرس العقم بينهم وعندما قلت اعداد القطط رجعت الفيران من الصحراء وبدأت في السيطرة على بعض المناطق بل لقد اصبحت اقوى من القطط في المواجهات الفردية :p

والبلدية مسئولة عن النظافة العامة ومكافحة القوارض والحشرات سوءا كان في منازل الحكومة او المجمعات او سكن العزوبية :omen2:

هذا اللي قلناه من أول يوم صدر قرارهم ..

المدارس المستقلة تعاقدت مع شركات المكافحة
لكن العزاب ماي بارد ما عندهم يشربونه
بيتعاقدون مع شركات للمكافحة ..
لابد من خطة بديلة وقرارات صارمة ..
لأن الموضوع مب سهل كلش ..
ياليت الصحفي الحرامي اللي يبوق مواضيع من المنتدى
يروح ويسوي له بحث ميداني في الفرجان المذكورة في الموضوع
على الأقل بيطلع بشي مفيد ..
وحلال زلال عليه الموضوع المهم الناس ما تتضرر ..

سمعت عن وجود الفئران في البلاد
بس ما شفتهم لحد الحين

وان شاء الله ما اشوف

الفيران يستحون من البنات
ما يطلعون جدامكم .. :victory:

المهاجر

23-03-2008, 03:44 PM

امحق خطة .. :omen2:

انزين يالمهاجر
الحين لسكنتهم ما عندي مشاكل مع الفيران..> احولهم لوجبات غذائية..
بيت الجيران اشلون اخلي الفار يدخل عندهم؟
اسكن العزاب عندهم :secret:

لا تضحك انزين
الطاعون ما يضحك.. بعدين تتحسف ..:unsure:

مممممممممممممممم

عاد هاي يبيله اشتشارة الخبرااااء

ممكن تخلي المجاري مشتركه مثلا

صج طلعت امحق خطه:rolleyes2:

الزاجل

23-03-2008, 03:45 PM

سويهم على الفحم اشوي كم فار

وسوي الباقي شوربه راس فيران وخل الفيران الثانيه يشوفون المنظر

http://static.zsl.org/static/site/image-library/watermarked/112.jpg

يمكن يكون عقاب شديد احسن من البلديه

يقولك اشوي المربوط ينحرق السايب :tease:

عم عزوز خلك سوالف خم خم عنك

شوف لولوتي وين شافت الفار اخر مرة

v
v
v
v
vv

اخر مره شفت فار في الستي سنتر:rolleyes2:

الزاجل

23-03-2008, 03:48 PM

اخر فار شفته في العديد من شهر <<< يشجع السياحه الداخليه :nice:
في البدايه افتكرته جربوع
لاكن طلع فار بن فار اصلي :rolleyes2:

لاكن في الدوحه كنت افتكر انهم شبه منقرضين :con2:

وين منقرضين ..
شكيت في رفيجنا يوم يسولف عن الفيران في العزيزية
لكن عم عزوز مصدر ثقة وخاصة عقب
جدا جدا جدا جدا
مااقدر ما اثق فيه كلش :eek5:

أسكت يالخيميأئي ذكرتني بموقف من زمااااااان فارعاض الديك من رقبته وسادحه بالحوش والديك روحه تطلع هذيك الفيران مب الحين مثل اللي لقيته تحت المخده وانا نايم:rolleyes2: صغير مثل الجرذي !!

يا حليلهم زمان اول في البيت القديم
عشنا مع بعض
كانوا يعضوني اقول لهم
زيدوني عشقا زيدوني .. :nice:

الخيميائي

23-03-2008, 03:49 PM

عم عزوز خلك سوالف خم خم عنك

شوف لولوتي وين شافت الفار اخر مرة

v
v
v
v
vv

مداخلة الفأر يشوي ولا يصنع منه شوربة بسبب سوء اللحم :p

وبعدين الفار الى شافته لولوتي ملك لبعض الاجانب وليس من الفئران السائبة التي لا تملك شهادة ميلاد :tease:

انا اقول العزاب ينشئون شركة ويطرحونها للاكتتاب العام تحت مسمى (الخليج لخدمات العزاب) وتنطرح بعدها بالبورصة منها يقدرون يطلعون مصاريف الصحة والنظافة العامة ومنها مانشاهد تسرب لفيرانهم على بيوتنا :victory:

مزيون الدوحه

23-03-2008, 03:49 PM

اخر مره شفت فار في الستي سنتر:rolleyes2:

هذا النوع الي اتكلم عنه الي يشجع السياحه الداخليه :tease:

المهاجر

23-03-2008, 03:54 PM

جلمود

23-03-2008, 03:54 PM

..
:eek5:

يا حليلهم زمان اول في البيت القديم
عشنا مع بعض
كانوا يعضوني اقول لهم
زيدوني عشقا زيدوني .. :nice:

هههههههههه, الله يقطع أبليسك

بس أنشاء الله تنحل أزمت العزاب ومخلفاتهم اللي تسبب تواجد الفئران .. والدور ع السياميه اللي يوقفون ع الاطلال ..

الزاجل

23-03-2008, 03:54 PM

هذا النوع الي اتكلم عنه الي يشجع السياحه الداخليه :tease:

مداخلة الفأر يشوي ولا يصنع منه شوربة بسبب سوء اللحم :p

وبعدين الفار الى شافته لولوتي ملك لبعض الاجانب وليس من الفئران السائبة التي لا تملك شهادة ميلاد :tease:

انا اقول العزاب ينشئون شركة ويطرحونها للاكتتاب العام تحت مسمى (الخليج لخدمات العزاب) وتنطرح بعدها بالبورصة منها يقدرون يطلعون مصاريف الصحة والنظافة العامة ومنها مانشاهد تسرب لفيرانهم على بيوتنا :victory:

منكم إلى لجنة مكافحة المواطنين وزيادة افواج السياح :victory:

عزوز المضارب

23-03-2008, 04:02 PM

وين منقرضين ..
شكيت في رفيجنا يوم يسولف عن الفيران في العزيزية
لكن عم عزوز مصدر ثقة وخاصة عقب
جدا جدا جدا جدا
مااقدر ما اثق فيه كلش

شكلك بتلعب بدمك يا زاجل:sneaky:

هاخذ فيك اعدام واشغال شاقه :anger1:

الزاجل

23-03-2008, 04:05 PM

شكلك بتلعب بدمك يا زاجل:sneaky:

هاخذ فيك اعدام واشغال شاقه :anger1:

:eek5:

منا الى لجنة مكافحة الإرهاب :secret:

عـيـون قـطـر

23-03-2008, 04:09 PM

خخخخخخخخخخخخخ
انا شفت عندنا في الدوااااااااام ولا فله يتمشون في المكاتب
بس الحمد الله ماعندنا في البيت

ورقــة أمــل

23-03-2008, 04:10 PM

:secret:
بس اثنين بروحج شفتيهم ؟ :omen2:

خلونا انشغل العداد وانشوف من فيكم شاف فيران في التفرة الأخيرة ؟

واللي شاف اكثر له جائزة عبارة عن

قطو يوعان ..

:con2::con2:

ماشفتهم بروحي كان معاي اليني الازرق

بس شمعنات تفرة؟

الصارم

23-03-2008, 04:12 PM

بيتي ما عندي مشاكل
اكل الفار لو شفته .. مب محتاج قطاوة :secret:
بس اتكلم عن الناس اللي ما يحبون طعم الفيران
وقطاوتهم خدايا مب مال فيران ..شنهو الحل ؟
[/COLOR]

هذه أحد أضرار تربية الخدم :eek2:

هتـان قطر

23-03-2008, 04:15 PM

اللي قاهرني ولدي كله يحن يبي همستر ..يوم وديته الا طلع الهمستر

كنه فار اذا ماكان فار اصلا..ولا شريته له مب ناقصه بعد الا اربي فار..؟

الزاجل

23-03-2008, 05:00 PM

خخخخخخخخخخخخخ
انا شفت عندنا في الدوااااااااام ولا فله يتمشون في المكاتب
بس الحمد الله ماعندنا في البيت

يعني فيران خارج الفرجان السكنية

ونعم التربية

:con2::con2:

ماشفتهم بروحي كان معاي اليني الازرق

بس شمعنات تفرة؟

تفرة الله يسلمج حسد بين الحروف
نقز حرف التاء وصف مكان الفاء
والا هي اصلها الفترة :shy:

هذه أحد أضرار تربية الخدم :eek2:

اي والله صدقت
قطاوة على السيارة
اكتشفت الخدامة اتحط لهم أكل صوب السيارة
و لخلصوا اندعسوا تحتها .. :anger1:

اللي قاهرني ولدي كله يحن يبي همستر ..يوم وديته الا طلع الهمستر

كنه فار اذا ماكان فار اصلا..ولا شريته له مب ناقصه بعد الا اربي فار..؟

هتان
مسيو همستر
http://img.dailymail.co.uk/i/pix/2007/09_03/HamsterREX_468x362.jpg
يعيش في بيت صغييييييييير
يدور في دولاب كبيييييييييييييير:secret:

اتحطينه مع الرات

http://www.ncbi.nlm.nih.gov/projects/genome/guide/img/rat2.jpg

الزاجل

23-03-2008, 05:02 PM

راحت ذيك الايام وراحت حلاوتها

كانت الشداخات ما تسوي حجي :victory:

والجبن ما يتم في البيت:rolleyes2:

واخرتها ترقد علينا الوالده بالعسوو:(

حتى ما تقووول الله يعطيكم العافيه فكيتونا من الفيران

تقووول وهي تضربنا نكد على الفيران احنا:weeping:

هااا

الخلا ذلفوا لابارك الله في الشيطان
:omen2:
تت تت تت

هاي عتوي كان مار بالحووووش:tease:

الله ايام الشداخة ام الجبن
هاهاهاها
مكبوس الفار مابين سنون الشداخة ..

والا اللزقة مالت الفيران
انحط روبيان وانقص عليه وينسدحون عيال الفار عليه :victory:

بدور

23-03-2008, 05:17 PM

مالنا غير نربي القطاوه ويتزوجون بعيد النيروز ويتكاثرون ونهدهم في الفرجان ويخلصون على الفيران:nice:

واخاف بعدين تصير مشكله ثانيه اذا صاروا ربع الفيران والقطاوه :(

الزاجل

23-03-2008, 05:19 PM

مالنا غير نربي القطاوه ويتزوجون بعيد النيروز ويتكاثرون ونهدهم في الفرجان ويخلصون على الفيران:nice:

واخاف بعدين تصير مشكله ثانيه اذا صاروا ربع الفيران والقطاوه :(

بعدين يبون قاعات افراح
وطاولات واكسسوارات وكوشة وزفة و.. و ... :secret:

عبدالله العذبة

23-03-2008, 05:29 PM

الزاجل

23-03-2008, 05:42 PM

الزاجل إذا تدخل الإنسان في الطبيعة التي أوجدها الله و عقم القطط لكثرتهم و قلت القطط خرجت عليك الفئران ...

و لعلمك القطط لا تأكل الفئران و لكت تقتلها بطريقة لا تتنافى مع أدبيات حقوق الإنسان أقصد الحيوان ... :eek2:

و بالمناسبة هل تقصد الفئران التي في الصور أم الفئران من نوع آخر التي تنخر و تعبث ؟ :eek5:

يه اشلون القطاوة ما تاكل الفيران ؟
عيل الفروخ من اللي ياكلها في البيت ؟ :omen2:

طبعا الفيران اللي في الصور فيران هاي كلاس
غير عن اللي عندنا في قطر :victory:

عبدالله العذبة

23-03-2008, 05:46 PM

يه اشلون القطاوة ما تاكل الفيران ؟
عيل الفروخ من اللي ياكلها في البيت ؟ :omen2:

طبعا الفيران اللي في الصور فيران هاي كلاس
غير عن اللي عندنا في قطر :victory:

لماذا هل لأن فئراننا تؤمن بوجوب عدم العبث بالمال العام ؟ :secret:

الزاجل

23-03-2008, 05:49 PM

لماذا هل لأن فئراننا تؤمن بوجوب عدم العبث بالمال العام ؟ :secret:

المال العام خاص للحرامية
لذلك الفئران ما تاكل الا الجبن المقدد...> اخبر اللحم اللي ينقال له مقدد :secret:

اّل ثاني 77

23-03-2008, 05:50 PM

اسمحلي الزاجل مب راد على الموضوع لاني ما قرأته كله ، أخاف يطلع العنوان غير مضمون الموضوع:funny::funny:

دانـة قطـر

23-03-2008, 05:53 PM

امبيه أي والله صاج :eek5:

كثرت الفيران عندنا :rolleyes2:

الزاجل

23-03-2008, 05:54 PM

اسمحلي الزاجل مب راد على الموضوع لاني ما قرأته كله ، أخاف يطلع العنوان غير مضمون الموضوع:funny::funny:

احم

تعقد الولد
الله يسامحك يا فلان عقدت رواد المنتدى ..

طيب ارجع عقب ما تقرا الموضوع

امبيه أي والله صاج :eek5:

كثرت الفيران عندنا :rolleyes2:

اهااااااااااااااااااا
يعني عندكم فيران في البيت

سجلوا عندكم يا اعضاااء

راعي النيسان

23-03-2008, 05:55 PM

وحياتكم الفيران عند البيت اللي جبنا طبعا بيت عزاب داشة طالعة ، ولا يناظرون القطاوة عنيك عينك ،، ولا عليهم من احد .. تحس القطاوة شبعانين من الاكل بدرام الزبالة وصايدتهم البطرة ،، ليش يعذبون عمارهم وملاحق ودوشة :nice: .. تلاقي القطو مسندح ومستانس يقول صدق أبونا القطو العتوي يوم قال : " دام رزقي على السيف شلي بالبحر وأهواله " :nice::nice::funny::funny::funny::funny:

دانـة قطـر

23-03-2008, 06:03 PM

اهااااااااااااااااااا
يعني عندكم فيران في البيت

سجلوا عندكم يا اعضاااء [/COLOR]

لااااااااااااا توها هالمشكله من أسبوعين بس ولا قبل ما فيه شي بيتنا مصكر وما ندري من وين دشت :omen2:

دلة الرسلان

23-03-2008, 06:17 PM

لا تنشر اشاعات مغرضة يالزاجل الوضع مستتب وما شفنا فئران منذ زمن :con2:

الزاجل

23-03-2008, 06:49 PM

لا تنشر اشاعات مغرضة يالزاجل الوضع مستتب وما شفنا فئران منذ زمن :con2:

شوفي رد راعي النيسان وحكايات الفيران في موسوعة الف ليلة وليلة

vv
v
v
v
v

وحياتكم الفيران عند البيت اللي جبنا طبعا بيت عزاب داشة طالعة ، ولا يناظرون القطاوة عنيك عينك ،، ولا عليهم من احد .. تحس القطاوة شبعانين من الاكل بدرام الزبالة وصايدتهم البطرة ،، ليش يعذبون عمارهم وملاحق ودوشة :nice: .. تلاقي القطو مسندح ومستانس يقول صدق أبونا القطو العتوي يوم قال : " دام رزقي على السيف شلي بالبحر وأهواله " :nice::nice::funny::funny::funny::funny:

:eek5:
قطاوة بطرانة وفيران بالسكيك دوارة

لااااااااااااا توها هالمشكله من أسبوعين بس ولا قبل ما فيه شي بيتنا مصكر وما ندري من وين دشت :omen2:

يعني الفيران واقع ملموس :victory:

maryam5

23-03-2008, 07:09 PM

بصراحة صار لي سنين ماشفت فأر غير جيري

العـوا

23-03-2008, 08:36 PM

الظاهره بدت تنتشر ردينا على ايام اول

شكراا للزاجل

بوبندر

23-03-2008, 09:56 PM

من سبوع شفته في كارفور يحليله صغير عند قسم الحلويات

N7eEeS

23-03-2008, 10:12 PM

يوم الجمعه شايفهم في الخيمه :) يحليلهم صايرين حلوين تحسن نسلهم اول يخرعون وسود :) ذي فايدة الانفتاح :D وكله تقولون مافي فايده من الانفتاح شعب متذمر :)

سعود ناصر

23-03-2008, 10:27 PM

انا شفت فار في الريان مب فار الا جازورا وشفت فار في الخريطيات

maryam5

23-03-2008, 10:35 PM

من سبوع شفته في كارفور يحليله صغير عند قسم الحلويات

تعتقد شنو كان يسوي :omg::eek5:

انجاز

23-03-2008, 10:40 PM

هدوا عليها القطاوه

ضوى

23-03-2008, 10:48 PM

الله يهداك يالزاجل هذا موضوع الحين ؟؟؟

اول ما سكنت بيتي الجديد زارتني قطوة وتمت عندي بالبيت تعودت علينا وتعودت عليها اطلع تتلصق فيني وتسوي حركات اذا تبي اكل ، المهم بعد مدة كنت ببيت هلي ورديت متاخرة يعني يمكن 12 بالليل والا اشوف ذاك الفار اللي اشكبره عند باب الصالة برع والقطوة جنبه ذابحته وجايبته عند باب الصالة تبي تقول انا احميك منهم ومن عقبها الحين 10 سنين ما شفت فاااار ابدا ولا زالت بنت هالقطوة عندي وهذيج ماتت وتولت المسؤلية عنها بنتها

ما حب الفيرررررررررررررررران تلوع الجبد

C@RaMella

23-03-2008, 11:26 PM

من زمان ما شفت فار

اذكر من زماااااااااااااااااااااان كان خوي يذبحهم بالصجمه وانا مستانسه اتعلم شوي

prettywoman

24-03-2008, 12:14 AM

يا حليلهم زمان اول في البيت القديم
عشنا مع بعض
كانوا يعضوني اقول لهم
زيدوني عشقا زيدوني .. :nice:[/QUOTE]

فئران فئران في كل مكاااااااااااااااااااااااااااان
هههههههههههههههههههههه
بجد انت خطيررررررررر اخي الفاضل الزاااااجل
بس الاخطر موضوووووعك
............
بجد كانت معلومة غريبه وخطيره عن قرار البلديه بخصوص الشركات الخاصة اووول مره اعرفها :omg:
اتسال هل هناك قانون واضح في تطبيق قرار يترك مكافحة القوارض على اصحاب العقار او الشركات التي لها غرض تجاري؟
طيب ليش البلديه ما تفرض رسومات اجباريه عليهم مع فرض حملات دوريه للحفاظ على البيئة من خطر الامراض المنتظر,نظير هذده الخدمة ويدار ما دخلت شر والا ما راح يتحركون الا اذا وقعت الفاس على الراس!!!:tease:

وممكن في حل ثاني لاستغلال هذه الازمة:victory: طالما ان عدد الاسيووين كثير وخبرك انهم في استهلاك مثل هذه الاشياء مو غريبه :rolleyes2:
انه ينفتح مطعم فئران فئران
لهم وراح يكون فيه انتاج من ناحيه وناحيه اخرى استهلاك____ وخبرك العزاب راح يجمعون الفئران للتجاره ,الفار ممكن يوصل سعر عالي مع ارتفاع الاسعار:eek5: واصحاب المحلات هم ...الكسبانيين....واصحاب البيوت المساكيين اللي يعانون من الفئران راح يرتاحون:>>

ملاحظة:هذا ما وجدت في موقع البلديه الالكتروني ....فهل هناك فعلا تنسيق مع الجهات المختصة للحد من انتشار الظاهره التي تحدثت عنها اخي الفاضل الزاجل؟

http://mmaa.mmaa.gov.qa/site/index.php?option=com_content&task=view&id=32&Itemid=38

الجني

24-03-2008, 12:15 AM

ذكرتني بأيام الفيران يالزاجل

كلوا خاروف جارنا

و بعدها كثروا القطاوة هلشان ياكلون الفيران

عذب الكلام 1

24-03-2008, 12:22 PM

الفار حيوان خطير يعيش في اي مكان ويتاقلم مع اي بيئه ويعرف كيف يتعامل مع السموم مهما سوينا مكافحه
برد الفار الفار ما له حل

بوحارب

24-03-2008, 12:38 PM

يا الهي ما هذا الخبر ايها الزاجل

auto body

24-03-2008, 01:17 PM

الحمدلله اخر مرة شايف فئران من12 سنه وان شاءالله ماشوووف مرة ثانية

خفايا الروووح

24-03-2008, 10:14 PM

:secret:
بس اثنين بروحج شفتيهم ؟ :omen2:

خلونا انشغل العداد وانشوف من فيكم شاف فيران في التفرة الأخيرة ؟

واللي شاف اكثر له جائزة عبارة عن

قطو يوعان ..

انا ماشفتهم في التفره الاخيره ...إلا كل يوم اشوفهم وابي اشوف اخرتها وياهم

ANONYMOUS

25-03-2008, 02:50 AM

انا كل يوم اشوف الفار مع عيالي

عندنا فار ابيض اليف مسمينه سكتسون Scotson

( اقص عليكم.. انشوف جيري صديق توم)

عبدالله العذبة

25-03-2008, 08:23 AM

بالأمس وجدت فأرا مدهوسا على قارعة الطريق بجوار الأدلة الجنائية...
لعله كان يريد شهادة تثبت انه جيري و ليس فأرا مفسدا :p

relaax

25-03-2008, 10:18 AM

بالأمس وجدت فأرا مدهوسا على قارعة الطريق بجوار الأدلة الجنائية...
لعله كان يريد شهادة تثبت انه جيري و ليس فأرا مفسدا :p

:funny::funny:

OTOsan

25-03-2008, 10:27 AM

ههههههههه

ذكرتني بسالفتي مع الفار الزغنطوط اللي لقيته مره بغرفتي !!!

مره ونا مستلقي عالسرير واطالع التلفزيون.. ولا اشوف شي تحت كبت التلفزيون يطالعني ،،
الا فار صغنن (برئ) .. يتلصص !! وافز والاحقه ورا كبت التلفزيون .. ولا صدته !! ويشرد ورا كبت الملابس العود ،،

بعدها بيومين ،،

انا شغال عالكمبيوتر .. شوي ولا الحبيب جنب الماوس----> عباله تقرب له !! لهالدرجه بلغت فيه الجرأة !!

طالعته .. وادور اقرب شي اضربه فيه .. طاخ طيخ .. الا راح ورا الكبت العود ، الظاهر انه المدخل والمخرج السري له من هناك !!

المهم .. من ذاك اليوم ماشفته .. واعتقد ان قطاوتي العربجيه الثلاثه ( تومي وخواته سيليفا وجيني ) قامو بالواجب على اكمل وجه :)

بس اوافق راي اخوي الخيميائي .. هذول عصافير بالمقارنه مع فيران الجيل السابق ههههههه

يعطيك العافيه الزاجل ،،