يا حريم الكويت.. حطوا بالكم!!

[technical]

سالفه من الكويت
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=373297


فقال: بابا في هرمه داخل سيارة اسود يبي انت.
وبسؤال سراج ان كانت قد طلبت طارق بالاسم قال: لا بابا هذه هرمه ييجي ويوقف جدام حديقة بعدين ينادي انا ويعطي عشرة دينار اكرامية ويسأل منو بابا صاحب ديوانية؟ انا بعدين يقول اسم انت هذا هرمة يقول منو موجود داخل؟ انا يقول اسم انت واسم كل صديق موجود داخل.
المهم ما اطول عليكم قام طارق وخذا معاه طلال وراحو للمرأة الموجودة داخل السيارة الالمانية النوع وباحدث طراز والا وبها ليست واحدة بل اربع حريم تتراوح اعمارهن ما بين اواخر العقد الثاني واواسط العقد الثالث ما عدا المرأة التي تسوق السيارة كانت في اوائل الاربعينات. يقول طارق: طبعا سلمت وقلت نعم اختي.
فقالت المرأة التي تسوق السيارة بكل جرأة: هلا والله فيك انت طارق (الفلاني).
فقال: نعم اختي في شي؟
فقالت: هلا فيك يالغالي تعال قرب ابيك بموضوع مهم.
فقال لها طارق: ما اعتقد اعرفج علشان يصير بينا مواضيع اختي نعم انتي وافقة عند باب الديوانية وطالبتني بالاسم خير ان شاء الله.
ففتحت المرأة الاضاءة الداخلية للسيارة وقالت بكل جرأة مبتذلة: طب وتخير انت وكل من يعز عليك يالغالي، انا اختك الخطابة ام مساعد وهذه عينة من اللي عندي شي يسر العين ويطيب الخاطر، وشوف ترا انا ما عندي «هيلق وبياسر» انا كل اللي عندي بنات حمايل واصيليين ويعجبونك ويشتغلون وما عليهم قروض (الظاهر صارت ميزة الوحدة اللي ما عندها قرض)!!!
ومثل ما انت شايف يالغالي السمرة عندي والبيضة عندي والمحجبة عندي والرشيقة عندي والمتبتبة عندي وشوفهم كلهم «زقطة بنقطة» يطيحون الطير من السما، انت بس اشر بصبعك وطلبك يكون مجاب...
طبعا طارق وطلال تسمروا بمكانهم من الشيء اللي قاعدين يشوفونه ويسمعونه مو مستوعبين الوضع ولا المستوى اللي قاعده تتكلم فيه هذه (عجوز خيبر اللي اسمها ام مساعد).
فبادرها طلال قائلا: اختي ام مساعد اهما لوفيهم خير جان ما فتروا بالشوارع على الدواوين يدورون رياييل، بنات الحمايل يقعدون ببيوتهم ليمن الله يدزلهم نصيبهم. هذا اللي احنا نعرفه واللي تربينا عليه بالكويت.
فقالت: لا حبيبي الحين الوقت تغير يمكن انت تكون متزوج ودك تنوع وتغير وما تدري شنو تسوي، انا اوفر لك المرأة السنعة اللي ترضي حتى تكون الزوجة الثالثة مو الثانية بعد، بعدين اهما مالهم طلبات الشقة عليها والخدامة عليها حتى الدبلة عليها حتى اذا تبي شهر عسل اهيا تضبطك بكل شيء تدري الحياة الحين مشاركة وماكو فرق بين الريال والمرأة. وبعدين انتو الحين لا تستعجلون هذا كرتي وانتو شفتوا العينات فكروا وقولوا حق كل من يعز عليكم وانا تحت امركم تدري انا ادور الاجر والستر لبنات ديرتي. وحتى لو كنتوا متزوجين ترا الشرع حلل اربع وانا مثل ما قتلكم ماراح تتكلفون بشي البنت عليها كل الالتزامات انتوا بس عليكم تأشرون، بعدين انتوا امبين عليكم الخير وما اتوقع راح تقصرون مع بنات ديرتكم والمثل يقول «جحا اولى بأكل لحم ثوره».

-------------------------------------------
تهقون تسير السالفه ذي في الدوحه ؟

[الجني]

اللهم ان اردت بعبادك فتنه فأقبضني اليك غير مفتون

حوالينا و لا علينا

ول كش شعر جنبي

[المزن الرياني]

سالفه ماتدش العقل

[بوخالد911]

غرييييب + عجييييب

!!@@!!

[اهـم001]

تبي الصج الغالي هاي مب خطابه .............. بس مب الدوحة الي يصير فيها هالكلام
الدوحه واهلها اكبر من هالشي وشكرا لطرح الموضوع بس الصج ضحكني

[سهم مديون]

يعني فيه خطابات توصيل منازل خوش خدمة !!! اييييه يادنيا معكوسة نزرع فول يطلع كوسة ،،،،

[_QTR_]

لا حول ولا قوة الا بالله

اتوقع على الانفتاح والمصخرة اللي صايره عندنا في الدوحة ان بيصير اكثر من هذا بوايد

[technical]

سالفه ماتدش العقل
يا المزن الرياني اعرف رجال راح الرياض عند خطابه عندهه كتالوج فيه صور حريم واسماء قبايل . كان صلحت حداهن تقول ذي ابي اشوفهه, وجي البنت مع امهه لين مكانك ويزيد بان البنت تروح تتزوق عند المنضره وتطلع لك ! ولي شافتك تناضرهه تقول كي كي كيه ! من السبع حريم الي ناضر واحده جاه منه ومنهه القبول .

واعرس في اسبوع

[المزن الرياني]

يا المزن الرياني اعرف رجال راح الرياض عند خطابه عندهه كتالوج فيه صور حريم واسماء قبايل . كان صلحت حداهن تقول ذي ابي اشوفهه, وجي البنت مع امهه لين مكانك ويزيد بان البنت تروح تتزوق عند المنضره وتطلع لك ! ولي شافتك تناضرهه تقول كي كي كيه ! من السبع حريم الي ناضر واحده جاه منه ومنهه القبول .

واعرس في اسبوع



الحين ثبت لي أن الحريم مايعيشون بدون رجال :nice:
يعني أحنا مثل الهوا بالنسبه لهم :tease:

[عذب الكلام 1]

ما اقول الا الله يرحم ايام اول

[zeknon]

ان اعتقد انة المشكلة منتشرة في الخليج والسبب كلة في الخطابات الخمس نجوووم او ياكثر اعلاناتهم في الجرايد لكن المشكلة انهم يسوقون لشي اخر وقصدهم مو زواج انتوا اكيد فاهمين
الله يستر علينا او علا المسلمين اجمع

[قطريه ماركه]

توصيل الطلبااات للمناااااااازل خخخخخخخخخ ...

فكره حلوه حق مسلسل كويتي جديييييييييييييد ...

[سعود ناصر]

الزمن تغير وكل شي معقول

[المخباط]

الرخيصات للرخيصين
وبناتنا مكرمات من ذا السوالف

[maryam5]

حوالينا و لا علينا



اشدعوه مطر:tease::tease:

[maryam5]

سالفه ماتدش العقل


فعلاً ما تدش العقل...ما اعتقد لهالدرجة وصل الحال الخطابات...:nice:

يمكن هالخطابة زجرت ومودرن وتنوع بطرق العرض عندها هههههه:tease::tease:

[simsim1963]

لا والله ما نرضى على بناتنا يدورون فيهم في الشوارع الله لا ييب هذاك اليوم

[+abc]

يعني شنهو نكبر المجلس !!!!!!!!!!!!!!!!!!!!!

[وطن]

شدعوه !!!

[auto body]

:eek5::eek5::eek5:بدينا في الافلام الهندية

[العـوا]

قالها عبدالحسين عبدالرضا

عجائب الزماني لابي الفرج الاصفهاني

[ناصر العمادي]

أقول أخوي عندك رقم الخطابه .............:shy::shy::shy::shy:

لا بارك الله فيها ...... الواضح من كلامها وأسلوبها أنها مب خطابه ولكن .............!!!!

لأن أي ريال عاقل بيرضى يتزوج وحده تلف على المجالس وفي الشوارع .....

لايمكن أبدا لا بالعقل ولا بالدين ولا بأي شي .........

الشغلات هذي فعلا ممكن تصير في الوقت الحالي في دول الخليج اللي كانت تعتبر دول محافظه ولكن مب بقصد الزواج لأن دول الخليج لحين ماوصلوا لهذا المستوى بالرغم من الفساد المنتشر الأن .......

والله تعالى أعلم ........

يعطيك الصحه والعافيه

ربي يوفقك ويسعدك وينور دربك يارب

تحياتي وتقديري لك

[technical]

ما اقول الا الله يرحم ايام اول

الاولين قالو اخطب لبنتك قبل لا تخطب لولدك , لكن بعض التالين خلو الثنتين لا ولد ولا بنيه .

شوف عيني رجال وصلت اعمارهم 25ولحد الان ما تزوجوا . يا خوك رحت الجنسيه والجوازات قبل اربعه ايام وسالت مديرهم عن فئات المجتع من رجال ونساء الذين تجاوزوا 25 ولم يتزوجوا فرد بان هذه المعلومه من اسرار الدوله ! يا ناس اذا ما عندنا هذه الارقام ما نقدر نطالب بحلول لمشكله عدم الزواج اوتاخر الزواج.

[الصارم]

ول كش شعر جنبي

:nop:

[الصارم]

سالفه من الكويت
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=373297
انا اختك الخطابة ام مساعد وهذه عينة من اللي عندي شي يسر العين ويطيب الخاطر،



الظاهر من كلامها انه فيه كميه ف الاستور :eek2:




ومثل ما انت شايف يالغالي السمرة عندي والبيضة عندي والمحجبة عندي والرشيقة عندي والمتبتبة عندي وشوفهم كلهم «زقطة بنقطة» يطيحون الطير من السما، انت بس اشر بصبعك وطلبك يكون مجاب...



مايصير طبقات :tease:




وحتى لو كنتوا متزوجين ترا الشرع حلل اربع


ما شاء الله ، ومتفقهه في الدين بعد..


حسبي الله ونعم الوكيل..

[بولينجر]

يا المزن الرياني اعرف رجال راح الرياض عند خطابه عندهه كتالوج فيه صور حريم واسماء قبايل . كان صلحت حداهن تقول ذي ابي اشوفهه, وجي البنت مع امهه لين مكانك ويزيد بان البنت تروح تتزوق عند المنضره وتطلع لك ! ولي شافتك تناضرهه تقول كي كي كيه ! من السبع حريم الي ناضر واحده جاه منه ومنهه القبول .

واعرس في اسبوع
نعم كلامك صحيح... وأعرف واحد تزوج عن طريق الخطابة وطلق عقب شهر... والخطابة تكلمه كل يوم تقوله تعال عندي خذ غيرها وإذا ما عجبتك طلقها وبأزوجك غيرها.....وفوق هذا كله عقد الزواج مكتوب بخط اليد يكتبه ولي البنت وانت توقع وربعك يشهدون....

[الدوحي7]

اشدعوه مطر:tease::tease:
كككككككك /توني متغدي لحد يضحكني ابقي ارقد ،،،
أقول أخوي عندك رقم الخطابه .............:shy::shy::shy::shy:








دور الرقم اخوي ناصر وبعدين بنتفاهم ،،ههههههه

:nop:

شدعوا شايف شيطان ههههههه،،كش شعر جنبك هههه

[دلة الرسلان]

:: مشكله صار التنقل بالبطاقه :secret:

[technical]

تبي الصج الغالي هاي مب خطابه .............. بس مب الدوحة الي يصير فيها هالكلام
الدوحه واهلها اكبر من هالشي وشكرا لطرح الموضوع بس الصج ضحكني

فهمتني غلط الله يسلمك , ذيلاك والله اعلم مب النوعيه الي تروح في لوموزين وتلفت حوله مثل ما هو حاصل في الدوحه . هذه نوعيه كنه تبي رجال يبي مره وما يبي يصرف . بس الي شارطته ورقه الماذون مع دخله الباب .

[شكري وتقديري]

اللهم لا حول ولا قوة إلا بك

ظنينتها طرارة مودرن

[جود]

الاولين قالو اخطب لبنتك قبل لا تخطب لولدك , لكن بعض التالين خلو الثنتين لا ولد ولا بنيه .

شوف عيني رجال وصلت اعمارهم 25ولحد الان ما تزوجوا . يا خوك رحت الجنسيه والجوازات قبل اربعه ايام وسالت مديرهم عن فئات المجتع من رجال ونساء الذين تجاوزوا 25 ولم يتزوجوا فرد بان هذه المعلومه من اسرار الدوله ! يا ناس اذا ما عندنا هذه الارقام ما نقدر نطالب بحلول لمشكله عدم الزواج اوتاخر الزواج.


25 واجد على رجال :eek5: !!!
اجل البنت الي طافت 25 وما تزوجت تروح تنتحر :tease:

ياخوي الكثير من الي طافوا الـ 25 من بنات واولاد ما تزوجوا ,,,يعني مب شي غريب
المفروض تستغرب لي قدهم وصلوا الـ 35 بدون زواج :nice:

[سداوي&مدريدي]

والله اتيني وحده عند الميلس واتقولي هالكــلام
بالخيــزران والله هههههههههههههههههه
الله يستر على هل الدوحه

:)

[غزلان]

والله اتيني وحده عند الميلس واتقولي هالكــلام
بالخيــزران والله هههههههههههههههههه
الله يستر على هل الدوحه

:)


المسدس اسهل:shy:

[ANONYMOUS]

راعية طويله

:nice:

[technical]

راعية طويله

:nice:
الى راعيه نيه وكلام ما له في شرع الله الا الاجر والمثوبه . العيب مش في الحلال !

كان اخو المره ولا ابوها ما التفتوا لسعاده الامانات الي عندهم ترى يمكن الحريم ياخذون الامور بيدهم !

ارفع تحيه سلام للحريم اللي في الكويت او اي مكان اخر للي بغو معرس بالحلال

[ANONYMOUS]

الى راعيه نيه وكلام ما له في شرع الله الا الاجر والمثوبه . العيب مش في الحلال !

كان اخو المره ولا ابوها ما التفتوا لسعاده الامانات الي عندهم ترى يمكن الحريم ياخذون الامور بيدهم !

ارفع تحيه سلام للحريم اللي في الكويت او اي مكان اخر للي بغو معرس بالحلال



والله ياخوك الله اعلم بالنيات

بس على ماقريت تقول زواج شرعي

وعليها الشقه.. وماعليها اقساط

:omen2:

[الخيميائي]

هههههههههههههههههههههههههه

استغفر الله العظيم

في ناس خيالهم واسع جدا

والبلاوي دايما تطلع من الخيال :p

[alwahesh]

ياليت

انا ما عندي مشكله

زيادة الخير مليون

[ROSE]

اعتقد اللي الف هالقصة انسان خاطره ان هالشي يصير او

خياله واسع شوي ولا هي سالفة ماتدش العقل

وان صارت الله يعين ان شاء الله

تسلم اخوي ع الموضوع

[عبدالله العذبة]

اعتقد اللي الف هالقصة انسان خاطره ان هالشي يصير او

خياله واسع شوي ولا هي سالفة ماتدش العقل

وان صارت الله يعين ان شاء الله

تسلم اخوي ع الموضوع
يا حياة السحالي
كل شي يقطونه على السحالي

[ROSE]

يا حياة السحالي
كل شي يقطونه على السحالي

:anger1::anger1:

[حد اعلى]

اتقوا الله في نقلكم بالمواضيع

موضوع يدل على حقد لاحول الله

وين المشرفين وجايزلهم هالشي

[بنت المنتدى]

:eek5::eek5::eek5::eek5::eek5::eek5:

[عبدالله العذبة]

اتقوا الله في نقلكم بالمواضيع

موضوع يدل على حقد لاحول الله

وين المشرفين وجايزلهم هالشي


أعتقد أن الموضوع في صحيفة كويتية ..

و يجب أن تُلام صحيفة القبس الكويتية لا ناقل الخبر ..

و كما يقولون ناقل الكفر ليس بكافر ..

و لماذا تفترض سوء النية بناقل الخبر؟

ما يهم الكويت الحبيبة يهمنا ...

[حد اعلى]

أعتقد أن الموضوع في صحيفة كويتية ..

و يجب أن تُلام صحيفة القبس الكويتية لا ناقل الخبر ..

و كما يقولون ناقل الكفر ليس بكافر ..

و لماذا تفترض سوء النية بناقل الخبر؟

ما يهم الكويت الحبيبة يهمنا ...

حياك الله

اربيان

انا مستغرب ماعلقت على الموضوع

لانك اتمتع بهالمواضيع

على العموم

مو كل شي ينقل ولاتقول كلام حق تراد به باطل

يعني خلصت المواضيع علشان ينكتب هالموضوع

مو كل شي ينقل وفي ذوق وامانه بالنقل

وغير مبرر ان الموضوع ينقل على اساس مكتوب بجريده كويتيه

واللي اعرفه انك ماتثق باللي ينكتب بالجرايد الكويتيه ولا بس على المزاج

الموضوع اللي يجوزلك اتصدقه واللي مايجوزلك وضدك ماتصدقه

[بدور]

:rolleyes2::rolleyes2::rolleyes2:


يمكن قصد الحرمه شريف :secret: تبي الستر للبنات

وعندها عدد كبير من العروض شتسوي قالت بفتر فيهم على الدواوين الكويتيه تبي الربح السريع:telephone:

المهم انتبهوا من السيارات الغريبه عند مجالسكم ناويين عليكم نيه بالعروض:tease:

[عبدالله العذبة]

حياك الله

اربيان

انا مستغرب ماعلقت على الموضوع

لانك اتمتع بهالمواضيع

على العموم

مو كل شي ينقل ولاتقول كلام حق تراد به باطل

يعني خلصت المواضيع علشان ينكتب هالموضوع

مو كل شي ينقل وفي ذوق وامانه بالنقل

وغير مبرر ان الموضوع ينقل على اساس مكتوب بجريده كويتيه

واللي اعرفه انك ماتثق باللي ينكتب بالجرايد الكويتيه ولا بس على المزاج

الموضوع اللي يجوزلك اتصدقه واللي مايجوزلك وضدك ماتصدقه


في حقيقة الأمر لا تروقني المواضيع الإجتماعية بمجمل عام و لست من الذين يروق لهم الخوض فيها لأنني لا أجيدها ...

و الموضوع ليس بخبر حتى أصدقه أو لا أصدقه و هذا ينطبق على كل الصحف و ليس الكويتية فحسب عندما يكون الأمر خبرا فيجب أن امحصه ..

و لكنك حملت الأمر ما لا يحتمل على أساس أنه تهجم على الكويت و فرضت سوء النية في ناقل الخبر و المشرفين...

و تعليقي على الموضوع كان مناكفة للأخت ROSE و ليس حبا و شغفا بالموضوع نفسه و لا أرى أن الموضوع ذو قيمة و لا يستحق النقل خصوصا أن من كتبته امرأة تريد وقف عمل الخاطبات بعنف و تطالب النساء الكويتيات بفرض الرقابة الصارمة على أزواجهن و لا أستبعد أن تطالب هذه الكاتبة مستقبلا ً بزرع شريحة تعقب تحت الجلد لا يُحس بها الزوج أثناء نومه كالتي يضعونها تحت جلد رجال المخابرات لمعرفة أماكن تواجدهم و إن توقف التقاط الإرسال منها فيعني أن رجل المخابرات مات ...



يقول أحد الرجال لزوجته : يا زوجتي الحبية يا فاتنتي ..
يا أغلى من وطئ الحصى في وقتنا الحاضر ..

لقد فُرض أمر ٌ على الرجال بوجوب التزوج من أخرى و من يرفض هذا الأمر من الرجال سُيقتل :weeping:
فقالت الزوجة: رحمك الله يا أحب خلق الله إلي .. :weeping: ضيق القبور أهون من ضيق الصدور :eek2:

[technical]

اتقوا الله في نقلكم بالمواضيع

موضوع يدل على حقد لاحول الله

وين المشرفين وجايزلهم هالشي

انا مش في بال هذا الكلام الي ذكرت, يا عسى ربي يغفرلي ويغفرلك . انا في بال القلوب اللي حرضتها لنفعه نفسهه , كان اللي عندهم (ابوهم او اخوانهم ) ما نفعوهم .