ابي فكره وجزاكم الله خير

[مليونير قادم]

السلام عليكم ورحمه الله وبركاته

اخواني واخواتي

بغيت منكم فكره تجاريه يكون راس مالهاا متواضع ودخل دخل لاباس به

جزاكم الله خير

وفي ميزان حسناتكم

[شموع قطر]

هلا والله اخوي

انا انصحك تتاجر في جلادات ماركات

اول شي الكل بيخاذها لانها ماركه وعجيبه

ثاني شي سعر الجلاد 10 ريال فقط

اذا تبي اخوي اقدر اوفر لك

[قطر2005]

بالتوفيق ان شالله

[مليونير قادم]

لي رجعه شموع قطر بس اللي عنده فكره اخرى لايبخل

[مليونير قادم]

اخوي قطر يوفق الجميع

[Bin Hood]

اخوي عليك

بالمطاعم ثم بالمطاعم ثم بالمطاعم

حتى لو كفتيريا او شي متواضع

وعندك مشاريع الخدمات

الهندي اللي كان يشتغل سايق بيت يدي فتح له دوبي وعقب فتره فتح له دوبي ثاني والحبيب ماشي شغله

[Bin Hood]

http://www.qatarshares.com/vb/showthread.php?t=56767&highlight=%C7%DD%D6%E1

هذا اللينك ممكن يفيدك

الله يوفقك دنيا واخره

[مليونير قادم]

الله يرحم والديك اخوي بن هود وجعلها في ميزان حسناتك

(ولن يؤمن احدكم حتى يحب لاخيه مثل مايحب لنفسه)

[بنت المنتدى]

والله ياأخوي من فتره رحت الصين وشفت الهوايل :eek5::eek5::eek5:

صج عيونهم الصغيره سوت العجب -_- << :nice:


كل شي تقدر انك تاجر فيه اشياء جد ماتجي ف البال اقل شي اقل شي (النطاطيات) والله ترى تدخل ذهب .. تقدر تاجر ف الملاحف والله ان البعض يمكن يستهين بالفكره لكن فكر فيها وشوف وش كثر الفايده ان شاءالله والملاحف مايبغي لها وقت معين مثلا اله دوم الانسان يبي يجدد .. وعندك مطعم فطاير ف الفريج :nice: والله شغل عدل حق الضيوف اللي يجون فجأه:shy: .. وعندك صالون نسائي ف الفريج وركز ع الفريج لان الحريم متقيدين مع العيال يعني يبون شي قريب وان شاءالله الفكره تكون واصله :victory::victory:

وعلى فكره انا عندي سجلات تجاريه ومحلات وطبعاً مش انا اللي اديرها .. لكن تحت اشرافي والله اني ماقلت لك اله الشي اللي ان شاءالله بينفعك .... واذا تبي شي ع السريع عندك السيارات أخذها وزيد فوقها كم الف وشوف النتايج :nice::nice::nice::nice: صحيح اني بنت بس الحمدلله قلبي قوي ودخلت في مجالات وش كثر حتى التريلات اووووووكي ترى:nice:





الله يوفقك وان شاءالله بدعي لك من كل قلبي

[Bin Hood]

اخوي عندك بعد

مشروع محل نظارات >>> بتقول ما قط طرى على بالي

بالقولك عيل محلات النظارات يدخلون ذهب >> شلون ؟؟!!

النظارة ما تكلف المصنع غير 10 ريالات >> لي تقول لي صعبة , اصلا شنو في النظارة غير البلاستك

يبعها عليك بـ 30 او 40 ريال وانت تبعها بـ 150 وفوق طبعا

هذا المثال ينطبق على النظارات اللي هب ماركة قوية مثل ديور شانيل بس الامر ما رايختلف كثير

يمكن تشتريها بـ 60 الى 80 وتبيعها بـ 650 وفوق >> طبعا لان ماركة

وعندي فكرة ممكن ان تعجبك بس يبلها راس مال بين الـ 3 الى 5 ملايين

الله يوفقك

تقبل تحياتي

[مليونير قادم]

اختي احلى جزاج الله خير

والله يوفقج في كل خطووه ويوسع علىج رزقج

تحيه لج

[مليونير قادم]

اخوي بن هود

شكرا شكرا من قلبي والله يوفقك
وعساني ماخلا منك ولا من امثالك

تحيه لك

[مليونير قادم]

للمزيد من الافكار

[فطومه999]

هلا اخوي انصحك ابتجاره البرتوكابن في السعوديه ارخيصه وذا تبي رقمهم انا جاهزه وبتوفيق انشالله

[ezgert]

اهم شيء في التجارة اتكون شيء انت اتحبه او تقدر تبدع فيه واطلع افكار جديده

شوف شنهو ميولك وعقب حدد شنهو تبي اتسوي .

بتواجه صعوبات كثيره في البداية مثل الايجارات ( مب اقل من 10 الاف للمحل ) , والمحلات ( مافي محلات الا بخلو من 100 الف وطالع ) , والفيزه ( ما يعطونك الجنسية اللي تبيها ) وغيرها لكن اذا صبرت بتمشي :nice: و بتنجح في المشروع انشالله , والتوفيق من رب العالمين

وترى ثلثين رزق بني ادم من التجارة

[Bin Hood]

اهم شيء في التجارة اتكون شيء انت اتحبه او تقدر تبدع فيه واطلع افكار جديده

شوف شنهو ميولك وعقب حدد شنهو تبي اتسوي .

بتواجه صعوبات كثيره في البداية مثل الايجارات ( مب اقل من 10 الاف للمحل ) , والمحلات ( مافي محلات الا بخلو من 100 الف وطالع ) , والفيزه ( ما يعطونك الجنسية اللي تبيها ) وغيرها لكن اذا صبرت بتمشي :nice: و بتنجح في المشروع انشالله , والتوفيق من رب العالمين

وترى ثلثين رزق بني ادم من التجارة

التجارة تسعة اعشار الرزق

[مليونير قادم]

اختي فطومه شكرا شكرا على التعاون والله يكثر من امثالج

تحيه لج

[مليونير قادم]

اهم شيء في التجارة اتكون شيء انت اتحبه او تقدر تبدع فيه واطلع افكار جديده

شوف شنهو ميولك وعقب حدد شنهو تبي اتسوي .

بتواجه صعوبات كثيره في البداية مثل الايجارات ( مب اقل من 10 الاف للمحل ) , والمحلات ( مافي محلات الا بخلو من 100 الف وطالع ) , والفيزه ( ما يعطونك الجنسية اللي تبيها ) وغيرها لكن اذا صبرت بتمشي :nice: و بتنجح في المشروع انشالله , والتوفيق من رب العالمين

وترى ثلثين رزق بني ادم من التجارة


جزاك الله خير اخوي ولاعدمتك

والله يوفقك ويسع عليك ابواب الرزق

تحيه لك

[مليونير قادم]

اخوي بن هود والله غمرتني بطيبك

والله يعطيك الصحه وهذا اهم نعمه

تحيه لك

[ezgert]

التجارة تسعة اعشار الرزق

اتصدق عاد اني كاتب ثلثين وانا مب متاكد , وجزاك الله خير على التعديل

بس مادري هل هو حديث للرسول صلى الله عليه وسلم , ام مقوله ؟

فيدني اذا ممكن وجزاك الله خير

[مليونير قادم]

الله يرزق الجميع وشاكر لك اهتمامك ياخوي ازقرت

[مليونير قادم]

للمزيد

[إنتعاش]

انصحك تدخل هالبرنامج والدورات اللي فيه

http://www.qatarshares.com/vb/showthread.php?t=162349

[Bin Hood]

اتصدق عاد اني كاتب ثلثين وانا مب متاكد , وجزاك الله خير على التعديل

بس مادري هل هو حديث للرسول صلى الله عليه وسلم , ام مقوله ؟

فيدني اذا ممكن وجزاك الله خير

نعم اخوي هو حديث عن الرسول صلى الله عليه وسلم

جزاك الله خير

ملاحظة : حاولت على الخاص لكن لقيت الرسائل الخاصة غير مفعلة

بس هب مشكلة علا وسى يستفيد اخونا مليونير واخونا في المنتدى

[ezgert]

نعم اخوي هو حديث عن الرسول صلى الله عليه وسلم

جزاك الله خير

ملاحظة : حاولت على الخاص لكن لقيت الرسائل الخاصة غير مفعلة

بس هب مشكلة علا وسى يستفيد اخونا مليونير واخونا في المنتدى

اشلون افعل الرسايل الخاصه ؟؟؟ محطوطه على تفعيل بس مادري ليش ما يستقبل رسايل خاصه
وجزاك الله خير

[بريق الشوق]

بالتوفيق اخوي

[فجر11]

ان شاء الله اتحصل فكره ناجحه حتى انا ادور بعد لين الحين ماحصلت

[eXpert*]

التجارة مب محتاجة أفكار ،، التجارة في هالزمن يبيلها أبتكار أبداع تسويق وجذب للزبائن.

لهذا في دول الغرب تجد أعلى الرواتب لـ حاملي شهادة ادارة الاعمال / تسويق

العملية كيف تعرض بضاعتك على الناس وتجذبهم يشترونها ..

بعطيك أمثلة :

مثال رقم واحد :- وقس على ذلك باقي المشاريع ..
محلات الكمبيوتر من بدأ بعضها يشتغل بنظام الاقسط المريحة !! طبعاً المحلات اللي عملت بهذه الطريقة أكلت جو سوق الكمبيوترات ،، فتلاحظ أغلب المحلات في الوقت الراهن صارت تتجه الى هذا النوع من البيع ،،،

كذلك محلات الموبايل كلها نفس الشي تبيع جوالات ، تشتري جوالات ، تصلح جوالات !! ،بس شنو الجديد؟؟ الجدي لما يجي محل موبايل يبيع بالاقساط !! مثل الحاصل الحين من محلين أو ثلاثه في قطر !!





مثال رقم اثنين :
لنفرض ان انا عندي مغسلة ملابس (دوبي) أيش اللي يخليني أكسب الزبائن ؟؟ انا مثلي مثل غيري أغسل وأكوي بنفس المبلغ 4 ريالات !! صح

بس كـ تسويق تجاري ،، انا أقدر أني ابخر لك الثوب قبل لا أسلمك اياه وأحسب عليك ريال زيادة يعني يطلع الثوب من المغسلة بـ 5 ريالات !!

والكل راح يتهافت على هالفكرة خصوصاُ ان ثوبه راح يكون مغسول , مكويّ بالاضافة مبخر :victory:

العملية مايبيلها أي مصاريف اللهم عود بيكلفك انت وشطارتك بكم تقدر تجيبة !!

خزانه ملابس ، وتحط فيها الملابس كلها مره وحده وتبخرها بـ قطعة واحد من العود !!

يعني بتبخر تقريباً 40 ثوب بقطعة واحد = 40 ريال مدخولك بس لانك بخرت الثوب بـ قطعة عود واحدة كم قيمتها !!! 0.50 درهم اذا مب أقل :eek5::omg: !! <=== أنت شاري كمية كبيرة

وقــس على ذلك باقي المشاريع وأنا على استعداد لاعطاء بعض النصايح لمن عنده مشروع ويبي يطوره ..

اللي يبي يكسب لازم يفكر غير الناس :)


وبأنتـظــار ملاحظتكم على الفكــرة ،،



الحــقـــوق مـحــفوظــة لـلجميع

واعتذر كتبت الموضوع بسرعة لانـه عندي ضيوف في الطريق

وبالتوفيق للجميع والله يرزقكم الرزق الحلال :):):)

[انيقه]

تاجير بطابط وطردات على البحر بس لازم تتطلع تصريح انا لو مب بنت كان سويتها

[بوغزلان28]

اخوي في اسئله عندي ابي اسئلكياها انت في مشروع في بالك ؟
كم راس المال اللي عندك ؟