المساعد الشخصي الرقمي

مشاهدة النسخة كاملة : السعر الحقيقي Gx في وكالة عبدالغني


HORK
24-03-2008, 09:39 PM
رحت المعارض في طريق سلوى ادور لي على موتر جديد

وبالذات Gx توماتيك اسبير تحت

الاسعار كانت في حدود 175 الى 177 الف ريال قطري

والمشترك اليوم الصبح قالي 180 الف


والصراحة انا ما اعرف كم سعر الموتر في الوكالة

بس كل اللي اعرفه ان مستحيل اتصيد الموتر في الوكالة
يعني مافي امل والابرك ما اعور راسي معاهم

وبعد تعب ولف ودوران رحت برج وكالة عبدالغني

عاد تعال شوف لك واحد فاضي يعطيك وجه اتقول انت في جمعية
مب وكالة سيارات والحريم واليهال ماخذين اكثر من كل الكراسي اللي في المعرض

المهم رزيت الوجه وصدت لي بياع الا اخونا ناهد صقر في الممرات
يا ناهد السلام عليكم قال بدي اروح الحمام شوف لك واحد ثاني
اخوي ناهد بس سؤال واحد قال شوف الاخ هذا وراح عني وتركني
بعد الرجال معذور وما قصر

الصبر يا ربي الصبر الصبر

المهم نطرت اشوي لين شفت امل اني اشبك عند واحد مصري
السلام عليكم
وعليكم السلام شبكنا ... حلو

اخوي ابي السعر Gx توماتيك اسبير تحت

قال لي

169 الف وخصم المعرض 3000 وعندك خصم الاداره

اها وكم خصم الاداره

ما اعرفش بس يفرق من شخص الاخر

ممكن 3000 ممكن 5000 ممكن اكثر حسب

كلمت حسب اهني السر

بالعربي الموتر يصفي على 160 الف او حواليها
واقل لاصحاب المعارض ولشريطيه والمعارف والحبايب

صج التجارة شطاره
بس وين الذمه

والباقي طبعا انتوا عارفينه وما في داعي اكمل ..... الله اكبر
سهم ماينزل
24-03-2008, 09:47 PM
كلامك صح و100% وبارك الله فيك ومشكور
الأختصاصي
24-03-2008, 10:34 PM
صار الاند كروزر بالدوحه جنه قصه مكسيكيه ماتخلص
لاحوال ولاقوة الله بالله

يعطيك الف عافيه اخوي على المعلومات
ابوجواهر
24-03-2008, 10:38 PM
لا حول ولا قوة الا بالله
الله يكفينا جشع التجار
طويل النفس
24-03-2008, 10:53 PM
صار الاند كروزر بالدوحه جنه قصه مكسيكيه ماتخلص
لاحوال ولاقوة الله بالله

يعطيك الف عافيه اخوي على المعلومات

من هالعالم اللي كنهم ماشافو خير يتسابقون من يشتري اول كنه بس هاسنه وخلاص مايدروت انه بيستمر نفس الشكل لمده عشر سنوات وولالالالالالا بعد عادهم بيسوون عليه عروض ((اسعار الصيف ,,و اسعار رمضان ... وللحين الموتر توه نازل .... الوكيل يقول السعر .. كذا .. يروحون يشترونه من المعارض بفرق عشر الاف ... ايه ليش ... ماصار موتر صار دواء
فارس قطر333
24-03-2008, 11:41 PM
الله كريم

والله يعينا
بوحارب
24-03-2008, 11:49 PM
صار الاند كروزر بالدوحه جنه قصه مكسيكيه ماتخلص
لاحوال ولاقوة الله بالله

يعطيك الف عافيه اخوي على المعلومات

:victory::victory:
hamoor4ever
25-03-2008, 12:18 AM
من هالعالم اللي كنهم ماشافو خير يتسابقون من يشتري اول كنه بس هاسنه وخلاص مايدروت انه بيستمر نفس الشكل لمده عشر سنوات وولالالالالالا بعد عادهم بيسوون عليه عروض ((اسعار الصيف ,,و اسعار رمضان ... وللحين الموتر توه نازل .... الوكيل يقول السعر .. كذا .. يروحون يشترونه من المعارض بفرق عشر الاف ... ايه ليش ... ماصار موتر صار دواء

صح كلامك اخوي بس اكو ناس محتاجين موتر يعني شسوي الريال يستأجر موتر الشهر ب 3000 ريال ولا يتم ع منه فلان ولا علان يعطيك موتر فتره مؤقته ،، يقول بلا هالسالفه الطويله ويدفع زود وياخذ هالموتر ، لان اخوي الحين مب بس جات ع الكروزر روح اخذ اي موتر بيقولون لك انطر الرنج والكروزر والمرسيدس والكيان اغلبهم كلهم بيقولون لك انطر كم شهر .
انا مره اخوي رحت للبورش قالوا لي بعد ثمان اشهر وهاذي متوصين فيني ، جات على عبدالغني والموتر هالحين بالسعر هاذه ماعتقد ع السنه الجديده ينزل سعره ياليت في شي ينزل سعره ياخوي
وهاذه رايي وسلامتك .
الدوحه 2007
25-03-2008, 12:21 AM
كلامك صح و100%
هداف
25-03-2008, 01:40 AM
يا طيب سعر ال Gx من التضامن فول اوبشن سبير علاق معا التامين الشامل بــ 176 الف بعد الخصم

واحد من الربع توه مخلصه اليوم
واقف حالي
25-03-2008, 02:16 AM
يالربع انا قاااعد بدون موتر صارلي فتره والسبب انا ماافي موااتر فالسوق وهاي كله هو الي راافع السعر انا مووتري الحبيب تكنسل فديته 2007 والحمدالله جات على هااي لاكن المشكله انك اتلف اكثر من اربع اسابع اتدور موتر ومااافي كلش مادري شسبب المشكله اليوم اتروح السوق اتلقي السعر غير اتروح اليوم الي عقبه اتالقي السعر بعد غير ماااتدري شتسوي والمشكله انا في نااس ماعندها شغله بس اتزيد في اسعار الموااتر يربع من كان ايصدق انا الاستاندر اسبير تحت يوصل 150 الف فالسوق والي يبي الدليل يرووح طريق سلوه ويشوف الاسعار اشلون تختلف من معرض لين معرض والمشكله اني انا محظر كل يوم فالمعاارض اقول بكره الاسعار بتنزل اليوم بتنزل انا اشوف انها في ازدياد مستمر والسبب المستهلكين .... هاي الي حبيت اضيفه مع معاناتي مع الموتر الجديد وهذي غيض من فيض من معااانات بعض الناس الي فالسوق اتلقيه صابر مده طويله ولا يلقي الي يبيه حتى اذا شافو مواصفات في خاااطرك اضربو السعر عليك كمثال ::استاندر اسود اسبير علاق توماتيك يقولك عطني رقمك وبتصل فيك اتقوله كم يوصل يقولك حروت 149 بعد الخصم هذا على كلام معرض يقول بعد غير العمولات وصلت لدرجت العمولات يالربع الله المستعاان ومشكورين على الموضوع يالربع
Abu Abboud
25-03-2008, 02:52 AM
الله كريم يا خوي

والله المستعان

تبي الصج السالفه معارف وبس انا ماخذ موتري شهر 1 تغريبا" 30 -1 158 الف جي اكس اسود سبير علاق قير عادي

شوف كم صار احين لا قبل لاخذه الربع قالولي شلك فيه صبر بينزل سعره قلت لهم يا شباب اشدعوه فرق بسيط بين سعر الي باخذه وسعره في الوكاله الرجال مستفيد 2000 ريال بس ويستاهل ماقصر قالولي لا وشعليك

تصدق عاد يوم رحت وفلوسي في مخباي قالي تصدق زادو الاسعار زين انك خلصت الموتر


والله ويا الشيخ انه ثاني يوم متصلي الريال يقولي 165 تخلص في واحد شراي

انا قلت هل موضوع عشان ابين لك انه اذا انت عاجبك السعر وراضي توكل على الله ولاتسمع كلام حد انت ماتدري الايام الجايه شلون يمكن تكون محظوظ والاسعار ترتفع وانت تكون ماخذ الموتر وسعره اوكي

ويمكن تاخذه بسعر فوق والسوق ينزل هاي وجهت نظري والله يوفقك انشاءالله بموتر يعوضك هل ايام الي صبرت فيها والله يقدم لك الي فيه الخير
auto body
25-03-2008, 03:01 AM
:nice::nice::nice:
100$
25-03-2008, 03:24 AM
التجاره شطاره
*¤ بن قطر¤*
25-03-2008, 08:32 AM
صار الاند كروزر بالدوحه جنه قصه مكسيكيه ماتخلص
لاحوال ولاقوة الله بالله

يعطيك الف عافيه اخوي على المعلومات


جبتها عالوتر الحساس ... صدقت :nice: