فنادق دبي؟

[محيّر الانظار]

بسم الله الرحمن الرحيم

سؤال للي عنده خبرة في فنادق دبي

اي احسن كمبنسكي الي عند مول الامارات او شيراتون جميرا

مع العلم اني رايح بروحي لمدة اربع ايام عمل يعني مافيها ويك اند واذا في حد عنده اقتراح ثاني حياه بس ما يكون غالي وايد :deal:

[سهم طايش]

كمبنسكي يفكك من العباله كل شي فيه مطاعم و محلات و سوبرماركت يعني ما يحتاج تطلع من الفندق و تدخل في زحمة السيارات

[اّل ثاني 77]

خلك على كمبنسكي لان مول الإمارات تحتك على طول وكل شئ فيه ، يعني بيفكك من العباله

[وطن]

يعتمد شغلك وين اخوي
يعني الاحسن تاخذ الفندق اللي قريب من مكان عملك اللي انت رايح له
عشان ما تضيع وقتك في الزحمة

[سعد آل شريم]

الله يوفقك أن شاء الله وترجع لنا بالسلامه

[almaf1a]

فندق اظن اسمه ريفولي
الي لازق في مجمع وافي
فندق عجيب الصراحه

[بنت المنتدى]

ربي يحفظك ان شاءالله

و اوافق الاخت وطن بالرأي ...

[محيّر الانظار]

جزاكم الله خير وما قصرتوا على ردودكم

[ولد شرق]

كمبنسكي احسن طبعا
لكنه غالي

[بولينجر]

أخوي رايي من راي أختي وطن...شوف أول وين مكان شغلك مبعدين تقدر تقرر...وكمبنسكي أسعاره مب رخيصة

[الميكانيكي]

يا ليت عندي علم كان افيدك

[الفـ@ــــد]

روح كمبنسي والا تعور راسك فندق حلو وكل شي قريب مقاهي مطاعم @

[zeknon]

اخوووي اضم صوتي لصوت الاخت وطن يعني وين شغلك اذا في فندق انصحك تسكن في نفس الفندق اما اذا مب في فندق حاول قريب منة وانصحك بفندق القصر المطل على برج دبي في وسط البلد وتغير جو مرة وحدة مب غالي يمكن 1600 تقريبا

[محيّر الانظار]

المشكلة ان شغلي مب في مكان محدد يعني عندي شغل في أول يوم في جامعة الإمارات في العين وبرجع دبي وثاني يوم عندي شغل في جامعة زايد في دبي وبعدين الشغل فترة صباحية بس ما ابي اتملل باقي اليوم

[حشيم]

الله يوفقك

[nedoo]

اخوي زين كمبسكي زين وموقعه استراتيجي بالنسبه لك تقدر تطلع من ورا الفندق على خط دبي العين واذا تستانس في دبي انت على شارع الشيخ زايد