تسجيل الدخول

مشاهدة النسخة كاملة : حجوزات الفنادق عن طريق النـــــت ..


Chambray
28-03-2008, 03:30 AM
السلام عليكم
اغلب الناس في الوقت الحالي يعانون من الخوف من الحجز عن طريق الأنترنت .. خصوصاً حجوزات الفنادق ،، يخافون النصب او انهم يحجزون ويسافرون وفي الاخير يكون الحجز ملغي ! و و و إلخ

وانا كنت من الناس الي يخافون من الحجز عن طريق النت

لكن الآن تغير الحال 180 درجة وصرت احجز عن طريق النت وانا على ثقة ان الحجز راح يكون موجود ولا راح ينلغي نفس السفريات .
والحجز مضمون 100%

على سبيل المثال ..

انا كنت ابحث عن غرفتين في فندق معين في سويسرا
بحثت في كذا موقع معظم المواقع يكتبون لي ان هناك غرفة واحده شاغره فقط

قلت احجز في غرفة من موقع واحجز غرفة من موقع آخر << اني صايد السالفة

حجزت الغرفة وفي غضون 5 دقائق رحت للموقع الثاني لأحجز غرفة ثانية إلا يكتبلي آسف مافي غرف في هالتاريخ الي حددته ههههههه
هذا دليل انهم مربوطين بشبكة عالمية ..

الغيت حجز الغرفة لاني بحاجة إلى غرفتين 2 وليس غرفة واحده

والحمد لله كل حجوزاتي عن طريق النت ... ولا حصلت ولا مشكلة إلا حصلت اهتمام ورعايه قويه لان الواحد إذا حجز بعد مايطلع من الفندق الموقع يرسل له نموذج استبيان يحدد فيه تقييمه للفندق وكتابه رأيه .. وهذا الشئ يكون يا في صالح الفندق او ضده .. لذلك يهتم بك

انا صراحة من محبين موقع
www.booking.com
www.activehotel.com

وتقدرون الحجز عن طريق التلفون ايضاً ...

مواقع كثيرة تقدرون الحجز من خلالها ومضمونه ايضاً وكثيره جداً

لكن انا من محبين هالموقعين الي فوق
وفي فرنسا احجز من خلال هالموقع الرائع
وهو موقع مشهور جداً جداً
http://www.voyages-sncf.com




ملاحظة : احلى العروض تكون لاوروبا وامريكا وافريقيا بستثناء الدول العربية وخصوصاً مصر ، وايضاً دول الخليج .. حيث ان اسعار دبي والبحرين والكويت من السفريات ارخص ..
srs
28-03-2008, 03:41 PM
الله يعطيك الف الف عافيه من خلال التجربه لوحظ الاتي اسهل واحد بوكنغغ وبعدين الاكتف اما الاخير ما عرفتله شرايك وشو اقل الاسعار
صوت قطر
28-03-2008, 04:00 PM
مشكور اخوي
Qa6ar
28-03-2008, 04:04 PM
لاهنت اخوي جاسم
بولينجر
28-03-2008, 04:11 PM
تسلم أخوي جاسم....معلومات مفيدة جدا وأضفت المواقع للمفضلة...ممكن تفاصيل عن أسلوب الدفع...

يعني بأعطيهم مثلا رقم الكردت كارد شلون بيكون الخصم؟ وبأي عملة؟ وهل هم بالفعل أرخص من السفريات؟

هل عندك فكرة أيضا عن حجوزات الطيران لأوروبا ووين أرخص؟

تسلم والله وما قصرت..
QAT2020
28-03-2008, 04:26 PM
تسلم ياغالي على المعلومات القيمه
al3in
28-03-2008, 07:55 PM
تسلم ولك جزيل الشكر
رفيعة الشآن
28-03-2008, 09:03 PM
تسلم اخوي على المعلومات والمواقع المفيده

بس عندي استفسار لاني تعاملت مع فنادق في اوروبا حاولت احجز بالتلفون اطلبوا رقم الكريدت كارد هل الحجز عن طريق النت نفس الشي ؟؟
وطن
28-03-2008, 10:17 PM
مشكووور اخوي ع المواقع

انا تعاملت مع اكسبيديا
كانت أول تجربه لي
:)
والصراحة ممتازة

http://www.expedia.com/default.asp

هذا هو الموقع
المهنـدي
28-03-2008, 10:27 PM
الله يعطيك العافية اخوي

ماقصرت والله
C@RaMella
28-03-2008, 10:29 PM
معلومات مفيده

اغلب سفراتي احجز عن طريق النت وخاصه الفنادق ومن موقع الفندق نفسه او بوكننغ
محترف
29-03-2008, 09:59 PM
انا من عشر السنين وانا برى الدوحه ولايمر اسبوع الا وانا في فندق من اروبا لي امريكا لي الدوحه ودبي


جربت كل المواقع على النت ووصلت لافضل موقع على الاطللاق وارخص موقع حق الاسعار!! يعني هالموقع هو الافضل حق كل دول العالم وبالذات دبي وقطر والبحرين والكويت ومكه والمدينه وطبعا اروبا وامريكا!! من ناحيه مصر احسه مب لي هناك في الفنادق لاني احس اسعار مصر غاليه عالنت مادري ليش؟؟ بس الخليج عامه صدق عجيب وبالذات البحرين لاني اذكر مره حجزت عن طريقه في فندق الموفنبك بـ 400 ريال وكان بعد فيه كمن فندق ومنتجع باسعار مخفضه تقريبا النصف!!


المهم جربواا وقولو رايكم

www.travelocity.com

اذكر مره شريت شريت تذكرة طيران من هالموقع دوحه القاهره دوحه 1200 ريال وكان في الصيف, يعني نصف السعر تقريبا!!!


تيحاتي

محترف
معاند جروووحه
29-03-2008, 11:05 PM
جاسم الصراحه انا دخلت عرض وعندي أستفسار


على ما أعتقد انك لك موضوع في منتدى ما عن عروسه الجنوب (ابها)اذا


كان صحيح ممكن طريقه لحجز الفنادق مثل قصر السلام او غيره اوشقق فخمه وتنصحني


بفندق او شقق مجربه(طبعأ عائله)


والاسعار في شهر 7 /2008ولك مني ألف تحيه
بنت المنتدى
30-03-2008, 07:39 AM
يعطيك الف عافيه
Chambray
31-03-2008, 03:18 AM
الف شكر لكم جميعاً والله يعطيكم العافية ماقصرتم على المرور ..


الله يعطيك الف الف عافيه من خلال التجربه لوحظ الاتي اسهل واحد بوكنغغ وبعدين الاكتف اما الاخير ما عرفتله شرايك وشو اقل الاسعار
البوكنغ والاكتف يرجعون لنفس الشركة مثل ( التويوتا واللكزس ) هههههه .. فكلهم نفس الاسعار ..


تسلم أخوي جاسم....معلومات مفيدة جدا وأضفت المواقع للمفضلة...ممكن تفاصيل عن أسلوب الدفع...

يعني بأعطيهم مثلا رقم الكردت كارد شلون بيكون الخصم؟ وبأي عملة؟ وهل هم بالفعل أرخص من السفريات؟

هل عندك فكرة أيضا عن حجوزات الطيران لأوروبا ووين أرخص؟

تسلم والله وما قصرت..
في بعض المواقع تخصم اول ليله ومعظم الفنادق ماتحجز إلا ليله السفر او يوم السفر اول ليله .. وانت اول ماتوصل الفندق تقولهم ابي ادفع بالكريدت او كاش ، وطبعاً المبلغ الي نخصم عليك بالكريدت اثناء الحجز هو ( حجز المبلغ ) وليس خصمه ..
وكفايه يالغالي يعطونك آراء الناس له .. مب نفس السفريات يحليلك الفندق وهو كشره


تسلم اخوي على المعلومات والمواقع المفيده

بس عندي استفسار لاني تعاملت مع فنادق في اوروبا حاولت احجز بالتلفون اطلبوا رقم الكريدت كارد هل الحجز عن طريق النت نفس الشي ؟؟
نعم اختي رقم الكريدت كارد ضروري لتأكيد الحجز .. في بعض الفنادق غير مدرجة في مواقع الحجوزات ،، فيجب عليج الاتصال بالفندق دايركت والحجز من خلاله .. ورقم الكريدت مهم للحجز



مشكووور اخوي ع المواقع

انا تعاملت مع اكسبيديا
كانت أول تجربه لي
:)
والصراحة ممتازة

http://www.expedia.com/default.asp

هذا هو الموقع
اكسبيديا موقع غني عن التعريف .. مشهور جداً ومعروف جداً وآمن جداً :) بس انا احب اتعامل مع البوكنغ والاكتف هوتيل . ولايعني هذا ان اكسبيديا سئ بالعكس ممتاز وممتاز جداً ..


انا من عشر السنين وانا برى الدوحه ولايمر اسبوع الا وانا في فندق من اروبا لي امريكا لي الدوحه ودبي


جربت كل المواقع على النت ووصلت لافضل موقع على الاطللاق وارخص موقع حق الاسعار!! يعني هالموقع هو الافضل حق كل دول العالم وبالذات دبي وقطر والبحرين والكويت ومكه والمدينه وطبعا اروبا وامريكا!! من ناحيه مصر احسه مب لي هناك في الفنادق لاني احس اسعار مصر غاليه عالنت مادري ليش؟؟ بس الخليج عامه صدق عجيب وبالذات البحرين لاني اذكر مره حجزت عن طريقه في فندق الموفنبك بـ 400 ريال وكان بعد فيه كمن فندق ومنتجع باسعار مخفضه تقريبا النصف!!


المهم جربواا وقولو رايكم

www.travelocity.com

اذكر مره شريت شريت تذكرة طيران من هالموقع دوحه القاهره دوحه 1200 ريال وكان في الصيف, يعني نصف السعر تقريبا!!!


تيحاتي

محترف
معلومة حلوه يامحترف .. وراح اضيف الموقع واشيك على الاسعار منه ولك خالص تحياتي وتسلم على المداخلة الحلوه




جاسم الصراحه انا دخلت عرض وعندي أستفسار


على ما أعتقد انك لك موضوع في منتدى ما عن عروسه الجنوب (ابها)اذا


كان صحيح ممكن طريقه لحجز الفنادق مثل قصر السلام او غيره اوشقق فخمه وتنصحني


بفندق او شقق مجربه(طبعأ عائله)


والاسعار في شهر 7 /2008ولك مني ألف تحيه

هلا بالغالي والله انا مارحت ابها خير شر ! يمكن انك تقصد العضو ( بوجسوم ) هذا الي راح ابها اما انا مارحت خير شر والسموحه منك
zeknon
31-03-2008, 08:00 AM
مشكوووور اخوووي على المعلومات والمواقع المفيدة طول عمري وانا اتعامل مع السفريات عمري ماحجزت من موقع مادري لين الحين مو مطمئن لها لانة اذا رحت الفندق او ماحصلت حجز تلرجع حق من (طبعا ماقد حصلت معي ) بس لما تحجز من مكتب تقدر تتصل علية وتزفة هذا رايي
كويتى1
31-03-2008, 08:16 AM
مشكوورين ع الموووضوع وع المعلووومات الحلوووه
jajassim
31-03-2008, 08:26 AM
موضوع رائع

وهذا موقعي المفضل ،،،

الموقع (http://wired-destinations.com/?gclid=CMeN7_34mY0CFRs_ggodjXb55Q)
Chambray
01-04-2008, 02:16 AM
مشكوووور اخوووي على المعلومات والمواقع المفيدة طول عمري وانا اتعامل مع السفريات عمري ماحجزت من موقع مادري لين الحين مو مطمئن لها لانة اذا رحت الفندق او ماحصلت حجز تلرجع حق من (طبعا ماقد حصلت معي ) بس لما تحجز من مكتب تقدر تتصل علية وتزفة هذا رايي

في رقم خاص للمواقع تقدرين تتصلين فيهم وتزفينهم :victory:
آمان 100%
Chambray
01-04-2008, 02:16 AM
كويتي & السمـــي

شكراً على مروركم
غـيـد
01-04-2008, 10:58 PM
مشكور اخوي الصراحه استفدت وايــد

والشكر موصول لباقيــ الاعضاء على إضافتهمــ
حشيم
01-04-2008, 11:22 PM
مشكور اخوي
مستثمر تحت التعليم
03-04-2008, 03:08 PM
يعطيك العافيه يابومحمد معلومات حلوه ومن العام وانا مقتنع فيها ولايمكن اتعامل مع المكاتب فالأنترنت الأختيارات كثيره ومتعدده ومضمونه 100% بس الملاحظه أن بعض الفنادق تستهبل وتعطيك الغرف مش جنب بعض والعام صارلي هالشي في فندقين مع اني معاي عيالي وصار الي صار وبدلنا الغرف وانحلت المشكله بس عقب ماحرقولي اعصابي وع ذلك انا مقتنع بالحجز عن طريق الأنترنت ............ مشكور يارياني
Chambray
05-04-2008, 01:31 AM
يعطيك العافيه يابومحمد معلومات حلوه ومن العام وانا مقتنع فيها ولايمكن اتعامل مع المكاتب فالأنترنت الأختيارات كثيره ومتعدده ومضمونه 100% بس الملاحظه أن بعض الفنادق تستهبل وتعطيك الغرف مش جنب بعض والعام صارلي هالشي في فندقين مع اني معاي عيالي وصار الي صار وبدلنا الغرف وانحلت المشكله بس عقب ماحرقولي اعصابي وع ذلك انا مقتنع بالحجز عن طريق الأنترنت ............ مشكور يارياني

هلا بالغالي
بالعكس ،، انا الي مريحني في التعامل مع بوكنغ واكتيف هوتيل ان تعاونهم ملحوظ جداً معاي ومع الزبائن ..

العام الله يسلمك كنا مسافرين 4 اشخاص .. كل 2 في غرفة ..
وكنت خايف ان تصير الحركة الي قلت عليها انت ان كل غرفة ابعد من الثانية ...

فأيش سويت

كتبت في الملاحظات اني ابي غرفتين احذى بعض ،، طبعاً قبل الحجز في ملاحظات
لكن بعد ما ارتحت ..
فأيش سويت ..
ارسلت فاكس للبوكنغ اوضح فيه اني حاجز مع الفنادق الي حجزتها معاهم واني اريد غرفتين احذى بعض ..

وبالفعل
4 او 5 فنادق الي سكناها كلهم كانت الغرفتين بجانب بعض :)
الهاوي28
05-04-2008, 01:48 AM
اخوي اشلون يكون دفع المبلغ عن طريق الفيزا مثلا

ولا الدفع يكون هناك في الفندق
بـــاروود
05-04-2008, 03:05 PM
يعطييك العافيه على الموضووع
السهم الذهبي
12-04-2008, 04:46 PM
عن تجربة افضل من السفريات وارخص وبيعثون لك الفوتشر على ايميلك ..
وانا من مؤيدين الحجوزات عن طريق مواقع الانترنت لسهولتها
لــولــو
13-04-2008, 06:32 PM
الصراحة موضوع خطير

بس بسأل لازم تكون البطاقة فيزا أو ماستر
ولا بطاقة البنك العادية ونعطيهم الرقم اللى على البطاقة
إنتعاش
13-04-2008, 06:39 PM
شرايك يا جاسم في هالموقع ؟

http://hotelscombined.com

فكرة الموقع أنه ( محرك بحث ) في كافة مواقع الحجوزات عبر الانترنت
بحيث انك تدخل البلد والمدينة والتاريخ وهو يبحث لك في كل مواقع الانترنت
ويعطيك اسعار كل موقع وانت تختار ..

شرايك فيه ؟ :)
القانوني
14-04-2008, 08:57 AM
مشكور اخوي على هذا الموضوع
وبصراحه جاه في وقته لاني كنت ابحث عن موقع للحجوزات :)



أخوكم

القانوني ،،،
لــولــو
14-04-2008, 12:20 PM
بل ليش محد رد على سؤالي؟
لــولــو
14-04-2008, 12:23 PM
بل ليش محد رد على سؤالي؟
srs
14-04-2008, 02:02 PM
هلا اختي ممكن اجاوبك بالنسبه للحجز الفيزا منتشرة بصورة اكبر اما النابس اعتقد تقصيدينها ماتصلح
Chambray
14-04-2008, 05:39 PM
انتعاش ،، الموقع ممتاز لكن اول مرة اشوفه :)
بس هالموقع عالمي اكثر ومشهور اكثر
http://www.tripadvisor.com/

اختي لولو ولكل من سأل عن طريقة الدفع

طريقة الدفع تكون عن طريق الفيزا او الماستر كارد
يتم حجز مبلغ وبعض المرات مايحجزون ولا على ريال واحد بس رقم الفيزا لتأكيد الحجز فقط .. ومن ثم في الفندق عند الوصول تبلغهم انك تبي تدفع لهم كاش او تدفع لهم عن طريق الكريديت او يخصمون المبلغ من الكريدت الموجود عندهم


لكن في بعض المواقع تاخذ المبلغ كامل قبل السفر ..
qatar124
17-04-2008, 08:50 AM
يعطيك العافية
لــولــو
18-04-2008, 01:00 PM
أخوي جاسم لا هنت

ممكن تعطينه مواقع بس احجز فيها من غير ما ادفع يعني لو رحت الفندق ادفع لهم كاش

شكراً
Chambray
20-04-2008, 04:13 AM
أخوي جاسم لا هنت

ممكن تعطينه مواقع بس احجز فيها من غير ما ادفع يعني لو رحت الفندق ادفع لهم كاش

شكراً

على حسب الفندق اختي مو الموقع

في فنادق تحجز على المبلغ فقط .. ومن ثم ادفع لم دايركت اول ماوصل ..
وبعض الفنادق اول ماحجز يخصمون مبلغ اول ليله
بس 80% من الفنادق ما ياخذون شئ

100% من الفنادق تقدرين حتى لو حجزوا من الكريدت اول ماتوصلين الفندق تقولين لهم ابي ادفع كاش .. بس تدفعين والمبلغ المحجوز ينفك الحجز عنه خلال اسبوع - اسبوعين :) على حسب البنك الي تتعاملين معاه
شـــوق
20-04-2008, 07:02 PM
جزاك الله خير اخوي جاسم ، الله يوفقك في دراستك:)
الجسراوي
20-04-2008, 10:17 PM
جزاك الله خير اخوي وكثر الله من امثالك
Chambray
08-06-2008, 01:35 PM
الله يجزيكم خير يالغاليين ماتقصرون
A.L.I
08-06-2008, 01:49 PM
مشكوووووور اخوي

ويعطيك العافية
امواج
09-06-2008, 11:52 AM
جزاك الله كل خير
vip8
09-06-2008, 05:00 PM
والله الاسعار طايره وماعاد تفرق 1000 ولا 2000 في الخصم الله يعينا على القطريه والله
Chambray
10-06-2008, 01:05 AM
والله الاسعار طايره وماعاد تفرق 1000 ولا 2000 في الخصم الله يعينا على القطريه والله

انت تقصد الطيران ؟
هذا يعتمد الله يسلمك على اسعار البترول ! كل مالها وترتفع !! واكبر الباكر مايصدق يسمع خبر ، يزيد السعر على القطريين والناس 100% علشان نهاية السنة يروح للمسؤولين ويقولهم شوفوني انا جبت لكم ارباح قيمتها كذا وكذا ! وكل هذا من فوق ظهورنا ، مايدري ان الناس سب وتلعن فيه كل يوم
سمو الاميرة
10-06-2008, 01:27 AM
ياليت توضحون اكثر وطريقة الحجز بصور ومافيه مواقع بالعربي

حجز التذاكر والفنادق وسيارة
Chambray
10-06-2008, 02:20 PM
ياليت توضحون اكثر وطريقة الحجز بصور ومافيه مواقع بالعربي

حجز التذاكر والفنادق وسيارة

الطريقة سهله اكثر مما تتوقعين
مجرد ماتختارين الفندق والمدة وكم عدد الغرف تدفعين بالفيزا كارد . ويوصل لج التأكيد بالايميل بنفس اللحظة ومعاه وصله لإلغاء الحجز خلال فترة اقصاها 48 ساعة قبل الوصول ..
الغزال العارضية
10-06-2008, 10:00 PM
جزااااااااااااااااااااااك الله خير اخوي والله افدتني

انا من زمان ادور واسال ولكن لا حياة لمن تنادي
هجرس
12-06-2008, 05:36 AM
الله يعطيك العافية اخوي

ماقصرت والله