(( خبر هام الى جميع الأعضاء ))

[سوق واقف]

السلام عليكم ورحمة الله وبركاته

أخواني واخواتي الأعزاء

في الآونه الأخيرة الكثير من الأعضاء يجي المحل يشتري من عندنا تليفون أو ساعه ... وحياهم في اي وقت ...
بس الغريب عقب ما يشتري الشيء يرجع عقب شهر أو شهرين يقول ابي ابدل الساعه أو التليفون ..
أخواني أخواتي الأعزاء أحنا أصحاب محلات وعندا حسابات يعني ما يصير تشتري ساعه وعقب ثلاث شهور تقول ابي ابدل الساعه ...مايجوز ..

لعدم الأحراج لم يتم أستبدال اي ساعه أو اي تليفون بعد اليوم أرجووكم تعذروني .
والله العظيم واحد شاري ساعه يوم المعرض من ثلاث شهور ومن يومين جاي يقول ما أبغي الساعه ..
شدعوه عقب ثلاث شهور ويحلف انه الساعه مش مستعمله أنا بجيب الساعه وبصورها وانتو أحكموا أذا كانت مستعمله أو لا ...
لذا أحببت أن أقولكم وبدون زعل لن يتم ترجيع اي بضاعه بعد اليوم ...
أرجوا من الجميع التعاون ...

[مضارب دوسري]

اتفق معك :nice:

[المهاجر]

معاك حق يالغالي


شدعوه عقب ثلاث شهور يبون يبدلون :eek5:


انا ما اعتقد في محل او تاجر يرضى يبدل البضاعه بعد مرور اسبوع من الشراء:anger1:

واذا بدلها خلال اسبووع يكوون ما قصر وجامل الزبون وعطاه فوق حقه:secret:

عيل اذا جذيه الواحد مب شاري شي كل مره بيبدل وبياخذ شي ثاني:omen2:

كلامك عدل وبيض الله ويهك:nice:

الله يوفقك

[بنت الدوحه]

الله يعينك اخوي سوق واقف


ابدا مش مقبول ان الزبون يشتري بضاعه وعقب كم شهر يجي يرجعها


وين صارت هذي؟

[بولينجر]

كلامك عدل أخوي سوق واقف....وبصراحة هذا الشخص اللي جاك عقب 3 شهور يستهبل :eek5:

والله يوفقك...

[" روح قطر "]

والله أنت مدلعهم حيل

عطهم ببلاش أحسن

اذا كل زبون بيشترى وعقب يومين بيجي يستبدل عزالله خسرناااااااااااا

ترى بين البايع والشارى يفتح الله

والله يعينك على هالناس

[السلطان]

شدعوا مايصير عيل ليش تبيع
عطه يكشخ فيها واخر الشهر بيرجعها

[>>> غــمـــوض <<<]

بصراحه اخوي معاك حق
وكلامك في محله
يعطيك العافيه

[انا احساس]

ماعطيهم وجهه زيادة عن اللزوم
.
بالتوفيق

[فتى الجود]

السلام عليكم ورحمة الله وبركاته

أخواني واخواتي الأعزاء

في الآونه الأخيرة الكثير من الأعضاء يجي المحل يشتري من عندنا تليفون أو ساعه ... وحياهم في اي وقت ...
بس الغريب عقب ما يشتري الشيء يرجع عقب شهر أو شهرين يقول ابي ابدل الساعه أو التليفون ..
أخواني أخواتي الأعزاء أحنا أصحاب محلات وعندا حسابات يعني ما يصير تشتري ساعه وعقب ثلاث شهور تقول ابي ابدل الساعه ...مايجوز ..

لعدم الأحراج لم يتم أستبدال اي ساعه أو اي تليفون بعد اليوم أرجووكم تعذروني .
والله العظيم واحد شاري ساعه يوم المعرض من ثلاث شهور ومن يومين جاي يقول ما أبغي الساعه ..
شدعوه عقب ثلاث شهور ويحلف انه الساعه مش مستعمله أنا بجيب الساعه وبصورها وانتو أحكموا أذا كانت مستعمله أو لا ...
لذا أحببت أن أقولكم وبدون زعل لن يتم ترجيع اي بضاعه بعد اليوم ...
أرجوا من الجميع التعاون ...


الصراحة حقك ......................

وترى ماعندك سالفة ترد له الفلوس

خله يولى وسمعتك ماراح تنهز بسبت واحد مب محترم

عقب 3 شهور !!!!!!!!!!!!!!!!!!!!!!!!!!!

والله مايستحي!!!!!!!!!!!!!!!!

[قطريه ماركه]

الله يعينك اخوي على هالناااااس ...

[التيما]

صج انه اسود ويه ومايستحي وشكله ياهل .. و من حقك انك تحط الموضوع وزين سويت

[لاداعي]

الله يعينك

[سوق واقف]

مشكورين على التجاوب والله أخواني اخواتي ما حطيت الموضوع الى لأني صج مضايق وايد من هذي الحركات الي تصير
يقول انا من المنتدى المفروض ترجع لي الفلوس حتى احنا أخوان والله الواحد ينحرج وياهم وانا إنسان ما أحب أكون قاسي مع اي إنسان ...
سامحوني لأني نزلت هذي الموضوع لأنه وايد شاغل بالي والله لأني أفكر وايد أقول شا سوي ...
عندكم حلول لي والله ما عندي حلول أستحي منهم والله ....

[اعالي الجنان]

والله لو مكانك مارجعت له ووقلت روح اشتك علي واذا فيه خير خلة يشتكي
والله انك طيب واييد واستغلو هالشي فيك
اللي عاجبه عاجبه واللي مب عاجبه لايشتري ويتفلسف عقب كم شهر انه بيردها
الله يعينك عليهم وانت صح ماعليك منهم
الله يوفقك ان شاءالله

[BURBERRY]

ياخوك لو جاك بعد يوم او يومين او بالكثير اسبوع مب مشكله ..

لكن جايك بعد 3 شهووور يبي يبدل الساعه .. وين قاعديين .. صج انه مايستحي

ياخوك ما عليك منه و من اشكاله .. خل روحك رياضيه .. ولا اي محل في يرضى يرجع البضاعه بعد 3 شهور ..

[قـطـvipـرية]

والله لو مكانك مارجعت له ووقلت روح اشتك علي واذا فيه خير خلة يشتكي
والله انك طيب واييد واستغلو هالشي فيك
اللي عاجبه عاجبه واللي مب عاجبه لايشتري ويتفلسف عقب كم شهر انه بيردها
الله يعينك عليهم وانت صح ماعليك منهم
الله يوفقك ان شاءالله

كفيت ووفيت ..
واتفق معاكم

[jajassim]

الله يعينك ويوفقك ان شاء الله ،،، :nice:

[بوخالد2]

اشدعوه اخوى والله ماعندهم سالفه ذوول

اشدعوه مايعرفون العدله ذول

اخذ شي وارده بعدين لا وعقب شهوور ؟؟؟


الله يعينك عليهم

[ولد منصور]

السلام عليكم ورحمة الله وبركاته
أخوي الله لايهينك اكتب في الفاتورة لن يتم استبدال البضاعة أو استرجاع المال بعد مرور 24 أو 48 ساعة من الشراء منعا للإحراج..
وفك عمرك من عوار الراس واذا تبي اتحط شي زيادة اكتب هالكلام في لوحة وعلقها في المحل

والله يعينك على ما ابتلاك.

[شمسة]

ربي ايوفقك اخوية نصيحة سو فواتير البضاعة المباعة لاترد ولاتستبدل احسن لك من المشاكل

[وحيد-الشوق]

والله عينهم قوية عقب 3 شهور صج مايستحون :eek5:

[fffqe]

السلام عليكم ورحمة الله وبركاته
أخوي الله لايهينك اكتب في الفاتورة لن يتم استبدال البضاعة أو استرجاع المال بعد مرور 24 أو 48 ساعة من الشراء منعا للإحراج..
وفك عمرك من عوار الراس واذا تبي اتحط شي زيادة اكتب هالكلام في لوحة وعلقها في المحل

والله يعينك على ما ابتلاك.

وانا بعد اقترح اتسوي جذي

بس ممكن اعرف اعرف المحل اي صوب واسمه

والله يعطيك العافية

[بـــاروود]

ماقلت غير الصج وناا خوووك :nice: :nice:

[الغفير]

السلام عليكم و رحمة الله و بركاته
معاك حق اخوي سوق واقف
و يعطيك الف الف عافيه

الا ياخوي وين محلك انت
اشوف الأعضاء كلهم عارفين المحل

العنوان ولا تهون

و ترى الي بشتريه ماراح ارده ههههه :)

[الغفير]

ربي ايوفقك اخوية نصيحة سو فواتير البضاعة المباعة لاترد ولاتستبدل احسن لك من المشاكل



و انتي بعد اخت شمسه
وين محلج بارك الله فيج

انا اول مرة اطب هالقسم


العنوان ولاتهونين

[ذيبه مزاجيه]

سبحان الله !!!

الله يهديه شدعوه عاد عقب 3 شهور !!! غريبه جا وبكل ثقه يبي يرجع الشي اللي عنده ؟! معقوله ما انقطع ويهه و هو يكلمك ؟! احراج و الله العظيم

الواحد عقب اسبوع و يتفشل يرجع الشي شلون 3 شهور ؟!

الله يعينك ان شاء الله و فعلا منعا للاحراج اكتب في الفاتوره ان البضاعه لا ترد و لا تستبدل

وما دام كان مقتنع فيها و عاجبته كل هالوقت و ما فيها اي خلل من شراها ما له حق يعيب البضاعه بعد مرور شهور ويقول يبي يرجعها بدون سبب !!!!

واصلا استعمال كل هالوقت كفيل بانه يتحمل مسؤولية الشي اللي عنده خلاص

والله يرزقك ان شاء الله و يوفقك اخوي سوق واقف ..

تقبل مروري