هل الادوية في الصيديات المحلية بنفس تركيز الادوية في الغرب ونفس الخامات

[HORK]

هل الادوية في الصيديات المحلية بنفس تركيز الادوية في الغرب ونفس الخامات

بعد وعكة صحية

وحيره في اختيار الادوية

الطبيب يكتب شيء والصيدلي الامين ينصحك

بنوع اخر لنه احدث او مفعوله اقوى ومصنوع في مصانع اخرى او في الغرب


اهني لازم الانسان يفكر

في شيء احنا مب فاهمينه

هل هناك ادويه تجارية .... او تقليد في الصيدليات

هل هناك ادوية من مصادر او مصانع

تصنع الادوية وبتركيز اقل بسبب توفير الخامات

او حتى عدم توفرها او لأي سبب او اي اسباب اخرى الله اعلم

طبعا انا لا اتهم احد ولا اشكك في احد

فقط ابي اعرف او افهم الحقيقة

وياريت لو في احد من الشباب يفهم في الكيمياء يفسر هذه المسأله

واكون شاكر له .... Hork

[hamoor4ever]

صراحه يمكن ردي ماله خص بالموضوع بس فعلا لاحظت لما استخدم دواء انتاج غير عربي افضل بكثير حتى مفعوله غير واقوى ، حتى لو كان نفس التركيبه ،، السبب مادري

[مضارب بدرهم]

صراحه يمكن ردي ماله خص بالموضوع بس فعلا لاحظت لما استخدم دواء انتاج غير عربي افضل بكثير حتى مفعوله غير واقوى ، حتى لو كان نفس التركيبه ،، السبب مادري




ايه والله اخوي انا نفسك بالضبط مادري ليش

[قطري كشخه]

اخوي كلامك صحيح انا بتكلم عن البندول ايام الاول الحريم والشيبان اذا سافرو لندن كانو يوصونهم بالبندول الى في لندن لانه معروف انه مفعوله اسرع من الى في الدوحه واقوى والسبب ماعرفه ..

ومن فتره قريبه انا جيب للبيت باندول اسمه فاست اكتف وفعلا ماتكمل 10 لين 15 دقيقه وماتحس بالعوار ..

دعايه حق البندول>>>:telephone:

[برنس قطر]

سلام كيف الحال ... بواقع تجربه مريت فيها في فرنسا جربت حبوب احتقان مش حبوب المصاص نفس لي عندنا ينباع بضبط ولاسم والعلبه والرسمه كاامل نفسه بس صناعه المانيا حبه وحده مصيتها ونمت ويوم صحيت ولا كنه فيني شي كلششش .... وبعد حبوب الزكام جربتها مره والله نصف ساعه ماافيني شي .. دورت منها في قطر مالقيت كلش...... ولي عندنا هني علبه كامله وانسى بعد الزم مضاد ولا مافي امل... .

[maryam5]

عندي خلفية في الكيمياء ولكن ماعندي خلفية بتصنيع الأدوية..
لكن التركيزات والنسب الدوائية تختلف والصناعة بعد..
الواحد يحتار يسمع كلام الطبيب والا الصيدلاني...

الانسان عليه يجرب والدواء قوة مفعوله تعتمد على تركيزه...

ترى في موقع طبي خاص بالصيدلة وكل الي فيه صيادلة وتقدر تسألهم عن أي دواء وهم يفيدونك فيه...

بالتوفيق