ابي فستان.. وين احصل؟؟؟

[بريق الشوق]

السلام عليكم...

ادور فستان خطوبة ناعم...

من يقدر يدلني على محلات فيها فساتين.. او حتى خياط ممكن يفصل لي في اسبوعين بس يكون شغله نظيف :(


بلييز ساعدوني .. ضاق الوقت وتوهقت !!

[زهرة قطر]

شارع النصر في محل مقابل التموين العائلي عنده فساتين لبنانية يمكن يعبج وأسعاره متوسطة
جلامور وداليا طريق سلوى بس أسعارهم غالية
محلات في السد مكان سبلاش ومقابل ورد العرايس
اله يعينج على الدوارة

[بريق الشوق]

مشكورة اختي..

بروح باخذ جولة

[حقيقه]

فيه لون معين في بالج

[بريق الشوق]

لا

بس افضل الالوان الفاتحة...

بس اذا فيه لون حلو حتى لو كان غامق.. ماعندي مشكلة.. المهم القى فستان يناسبني

[ضوى]

اختي بريق

السيتي سنتر الدرو الثالث صوب تميمة


فساتين على كيف كيفج اخذت لبنتي وخواتي خذوا منه لماسبة قريبة كانت عندنا وسعر فستان بنتي ب300 ريال وشك من الصدر كله ماشاء الله ولا احد صدق انه ب300 وخواتي اغلى فستان عندهم ب500 فيه محلات وايد فوق بس ارخصهم رومانس واللي مقابله

انا اخذت فستان من رويال بلازا ب550 اسود وميلن شك عالصدر ومن ورا الظهر كان شئ خيال الصراحة والكل سالني عنه روحي شوفيه يمكن يعجبج اسم المحل H. Flo

اتمنى اكون افدتج

[ضوى]

اختي خطوبتج انتي ؟؟

لو لج روحي السواني اغى فستان ب1700 ريال من تصاميم ايلي صعب هووت كوتيير روووووووعة ذهبي على بييييج يمكن يناسبج

[شموخ قطر]

اختي خطوبتج انتي ؟؟

لو لج روحي السواني اغى فستان ب1700 ريال من تصاميم ايلي صعب هووت كوتيير روووووووعة ذهبي على بييييج يمكن يناسبج

اختي ضوى تقصدين السواني في السعوديه ؟

[ضوى]

اختي ضوى تقصدين السواني في السعوديه ؟

لا موجود في الدرو الثالث في السيتي سنتر وله فرع في السد محلات سبلاش سابقا

[حقيقه]

تاخذين فستان مستعمل مره وحده وفخم حق خطوبه لونه احمر

[الحنـــان]

في محل اسمه الور في السد

خلف كنتاكي تاخذين اللفه كامله حوالين المبنى

جنبه محل مال مواعين وجدور ماذكر اسمه كأنه النعمه
ومشاهده دار لارا


عنده اشياء وايد حلوه كورسيهات مع حراير

[شيزكيك]

في محل ترف

في الرويال بلازا ومقابل اللفت فساتينه روعه واسعارهم من 1600 الى 2000 وفوق بس روعه

[بريق الشوق]

اختي ضوى,,

شكرا لك..

وبشوف المحلات اللي قلتي لي عنها..

وللاسف ماقدر ارسل لك ع الخاص لاني ما وصلت عدد المشاركات المطلوب..

المقاس 14 بريطاني..

وبالنسبة للمناسبة..

نعم.. هي خطوبتي
بس بعد ابي شي ناعم..

الف شكر

[بريق الشوق]

اختي حقيقه..

مادري كيف اقدر اشوف الفستان..
عشان المقاس وعشان الموديل..

وهل هو للبيع ولا للايجار؟؟


شكرا لك

[بريق الشوق]

اختي الحنان شكرا لك..

ان شالله بشوف المحل..

[بريق الشوق]

اختي تشيز كيك..

قالو لي عن هالمحل..

بروح له ان شالله..


شكرا لك..

[حقيقه]

اختي حقيقه..

مادري كيف اقدر اشوف الفستان..
عشان المقاس وعشان الموديل..

وهل هو للبيع ولا للايجار؟؟


شكرا لك

على راحتج بس صاحبة الفستان خاطرها تبيعه واذا حابه اتشوفينه بقولها اطرش لي صورته
بس عطيني مقاسج اذا يناسب الفستان

[بريق الشوق]

اختي حقيقه..

شكرا لك..

وياريت ترسلين لي صورته..


مقاسي 14 بريطاني