المساعد الشخصي الرقمي

مشاهدة النسخة كاملة : لعبة ترافيان Travian - أفضل لعبة في العالم



الصفحات : 1 [2] 3 4 5 6 7 8 9 10 11 12 13 14 15 16 17 18

مريش
09-04-2008, 04:21 AM
لعبه ممتعه من شرحك الحلو والبسيط
ان شاء الله راح ابتدي فيها بس شوي وبارقد اخاف اسهر
عليها لين الصبح هههههه

بولينجر
09-04-2008, 04:22 AM
مشكور اخوي

سجلت انا توهقت شوي
لكن عالعموم بديت في بناء السفاره :)

عقب مادري شنو بابني اكيد مال القمح شي جذي هههه
أخوي الحين السفارة بنيتها ممتاز... لكن اهتم بالحقول الحين لأنك بتواجه نقص شديد في الموارد... لما تكون الحقول عندك مطورة بترتاح كثير لما تجي تبني... وعندك الكم مبنى الرئيسيين الي قلت لك عنهم ابنيهم وبعدها طنش البناء وركز على الحقول وبين كل كم حقل وحقل طور لك كم جندي...يعني شوي توازن :victory:

بولينجر
09-04-2008, 04:23 AM
لعبه ممتعه من شرحك الحلو والبسيط
ان شاء الله راح ابتدي فيها بس شوي وبارقد اخاف اسهر
عليها لين الصبح هههههه
هههههه....إي والله....نوما هنيئا

مريش
09-04-2008, 04:25 AM
راح اتبع تعليماتك ان شاء الله

ههههه خله يخلص مبنى السفاره
عشان نسوي فيز حق العالم خخخخخ

عقب بابتدي امكس واكيد التركيز بيكون
على القمح والعساكر مع تنويع شوي

بس تعال شنو فايده الحطاب ووو حفره الطين ووو منجم الحديد

بولينجر
09-04-2008, 04:33 AM
راح اتبع تعليماتك ان شاء الله

ههههه خله يخلص مبنى السفاره
عشان نسوي فيز حق العالم خخخخخ

عقب بابتدي امكس واكيد التركيز بيكون
على القمح والعساكر مع تنويع شوي

بس تعال شنو فايده الحطاب ووو حفره الطين ووو منجم الحديد
أخوي الحطاب يعطيك خشب
وحفرة الطين تعطيك طين
ومنجم الحديد يعطيك حديد
مثل حقل القمح اللي يعطيك قمح

4 أنواع من الموارد كلها تحتاجها لتطوير قريتك...
بالتالي لازم تطور هالحقول الأربعة مع الانتباه إن كل تطوير= زيادة في عدد السكان
وهالسكان يبون ياكلون=نقص في إنتاج القمح...
يعني كل تطوير لحقلين من الحقول الثلاثة طور لك حقل قمح بعدهم
والسفارة تكفيك للمستوى الأول لا تتعب نفسك تطورها زيادة ترى مب جايبتلك فيز هنود :looking:
وظيفتها بس تساعدك تنظم لتحالف أو تنشأ تحالف (وفي حالة إنشاء التحالف بتكلفك السفارة كثيييييييير-مافي داعي)....
وبالتوفيق إن شاء الله...

مريش
09-04-2008, 04:47 AM
علم :)

بكره اعطيك التقرير شسويت وشصار :)
هههه ابي اهاجم مجرم انا

مريش
09-04-2008, 05:19 AM
الحق يابولينجر

ماقدر ابني شي
يقولي المواد لاتكفي :(

بنيت السفاره وبنيت نقطه التجمع
و4 حقول قمح ومال الطين 2 :(

احس اني توهقت هههه

بولينجر
09-04-2008, 06:09 AM
الحق يابولينجر

ماقدر ابني شي
يقولي المواد لاتكفي :(

بنيت السفاره وبنيت نقطه التجمع
و4 حقول قمح ومال الطين 2 :(

احس اني توهقت هههه
أخوي انتظر كم ساعة...ارجع العصر وشوف المواد تكفي وإلا لا... لأنك لازم تطور بالتوازي... يعني حقل من كل نوع ...ماتركز على القمح والطين بس...بتحتاج الحديد والخشب بعد....
في البداية تحس اللعبة بطيئة شوي....بعدين بتلاقي نفسك ماتلحق من إنتاج الموارد السريع (500 في الساعة مثلا)....الحين خذها على رواقة.....

سداوي&مدريدي
09-04-2008, 01:10 PM
:nice:

جرح الزمان
09-04-2008, 02:18 PM
اللعبه حلوه بس يبلها صبر

حاليا انا قرب عدد سكان قريتي من 150 والبركه في الهجوووووووووووووووم

بولينجر
09-04-2008, 04:52 PM
:nice:
:victory:

بولينجر
09-04-2008, 04:53 PM
اللعبه حلوه بس يبلها صبر

حاليا انا قرب عدد سكان قريتي من 150 والبركه في الهجوووووووووووووووم
تماااااااااااااااااام :nice:

سداوي&مدريدي
09-04-2008, 11:59 PM
بولينـــــــــــــــــــجر






:victory:









:nice:








بقولك آخر التــطورات في قريتي




وقولي رايك



:nice:

عفريت ^ كشخه
10-04-2008, 12:02 AM
الصراحة اللعبة يبلها شغل احين مستويلي اسبوع وانا اعدل في القرية خخخخخخخ

وياخذ وقت لين ابني شي

بولينجر
10-04-2008, 05:29 AM
بولينـــــــــــــــــــجر






:victory:









:nice:








بقولك آخر التــطورات في قريتي




وقولي رايك



:nice:
هلا والله أخوي سداوي :nice:
بشر؟ :victory:

بولينجر
10-04-2008, 05:30 AM
الصراحة اللعبة يبلها شغل احين مستويلي اسبوع وانا اعدل في القرية خخخخخخخ

وياخذ وقت لين ابني شي
تمااااااااااااااااااام :ok::ok::ok:

مريش
11-04-2008, 02:29 AM
كل يوم نتطور بشي يابولينجر :)

الحين عندي 3 سيرفرات هههههههه

للحين اعدل القريه ووصلت قريب وابتدي المعارك هههههه
فيني دم

بولينجر
11-04-2008, 08:50 AM
هذا الشغل العدل أخوي مريش

:ok: :ok: :ok: :ok: :ok:

جرح الزمان
11-04-2008, 09:43 AM
البقاء لله قتل 12 من جنودي اليوم في معركه داميه أستبسل فيها الجيش للأنتصار :fight::fight::fight:

كانوا من خيرة الجنووووووووووووووود (( المحاربين القدامى ))
escapeescape

بولينجر
11-04-2008, 10:12 AM
البقاء لله قتل 12 من جنودي اليوم في معركه داميه أستبسل فيها الجيش للأنتصار :fight::fight::fight:

كانوا من خيرة الجنووووووووووووووود (( المحاربين القدامى ))
escapeescape
:fight: :fight: :fight: :fight: :fight:
معوضين إن شاء الله...أهم شيء في موارد تطلع غيرهم...وإلا مافي؟ :eek5:

m_taha123
11-04-2008, 10:19 AM
مشكور اول شي بس اشلون اخلي اللعبة بالعربي ؟؟ ما فهمت اخوي

بولينجر
11-04-2008, 10:32 AM
مشكور اول شي بس اشلون اخلي اللعبة بالعربي ؟؟ ما فهمت اخوي
أخوي ادخل من الرابط المكتوب بالأحمر في توقيعي... اللعبة بالعربي .... اسمح لي مافهمت السؤال عدل!

سداوي&مدريدي
11-04-2008, 02:37 PM
والله اللعبه يبيلها صــبر

بالتــوفيق للجميع

:)

بولينجر
11-04-2008, 02:48 PM
والله اللعبه يبيلها صــبر

بالتــوفيق للجميع

:)
صحيح :D....بالتوفيق أخوي سداوي :nice:

سداوي&مدريدي
11-04-2008, 03:00 PM
هـــلا أخـــوي بوليــنجـــر

براويك آخر التــطورات وقولي شرايك؟


هذي صــوره القــريه


http://file8.9q9q.net/local/thumbnail/33813861/600x600.gif


وهنــي الهجــمات يوميا من 4/5 هجــمات :nice:


وهنـي الغنـائم

ههههههههههههههه


http://file8.9q9q.net/local/thumbnail/35567599/600x600.gif


هاي نكي الثــاني


شرايك في التــطورات


:nice:

سداوي&مدريدي
11-04-2008, 03:03 PM
أخـــوي وبلينــجر عنــدي ســؤال !!

انا الحيــن عندي تحالف ما شاء الله قوي

هل أركز على الحقـول او الجيش او البنيه التحتيه؟

مع ان الحقــول انتاجها فوق 50%

شرايك أنت؟

:)

بولينجر
11-04-2008, 05:16 PM
هـــلا أخـــوي بوليــنجـــر

براويك آخر التــطورات وقولي شرايك؟


هذي صــوره القــريه


http://file8.9q9q.net/local/thumbnail/33813861/600x600.gif


وهنــي الهجــمات يوميا من 4/5 هجــمات :nice:


وهنـي الغنـائم

ههههههههههههههه


http://file8.9q9q.net/local/thumbnail/35567599/600x600.gif


هاي نكي الثــاني


شرايك في التــطورات


:nice:
والله تمام...القرية متطورة ما شاء الله...يبيلك بعد الإسطبل علشان تطلع الفرسان
شروطه: الحداد المستوى الثالث والأكاديمية المستوى الخامس

والهجمات :ok: واصل الهجوم على هالقرية خلها جمعية...خخخخخخخخ

بولينجر
11-04-2008, 05:23 PM
أخـــوي وبلينــجر عنــدي ســؤال !!

انا الحيــن عندي تحالف ما شاء الله قوي

هل أركز على الحقـول او الجيش او البنيه التحتيه؟

مع ان الحقــول انتاجها فوق 50%

شرايك أنت؟

:)
إذا التحالف من النوع المسالم تقدر تركز على الحقول وهذا اللي أنصح به...لأن التطوير كل شوي بيطلب منك موارد كثيرة وبتوصل مرحلة ما تقدر توفي بها بمتطلبات التطوير لقلة الموارد...علشان جذي أقول الموارد أولا... والبنية التحتية مهمة بعد وجيش صغير للغزوات والحماية... بس لاحظت إن عندك مخبأ واحد...ما أظنه يكفي...وصله للمستوى العاشر وابني مخبأ ثاني ووصله للعاشر بعد...على الأقل توفر حماية لمواردك أثناء التطوير....عن نفسي بنيت 4 مخابئ وبعدين هدمتهم (ظهور إمكانية الهدم: المبنى الرئيسي المستوى العاشر)

يعني باختصار الموارد ثم الموارد ثم الموارد...وبالتوفيق :nice:

hamoor4ever
12-04-2008, 12:17 AM
اخوي انا اشتركت وانت قلت ان الواحد يسأل اي شي وبصراحه انا الحين قاعد ابني بس مدري شالسالفه مب فاهم ع شنو اركز ولا شنو شغلتي بالضبط بس انت قلت انها احلى لعبه بالعالم وانا حاس ان كلامك صحيح بس الحين انا بنيت سفاره ومخزن ومدري ايش شالسالفه شلون اهاجم ولا شسوي

فهمني اخوي

بولينجر
12-04-2008, 01:25 AM
اخوي انا اشتركت وانت قلت ان الواحد يسأل اي شي وبصراحه انا الحين قاعد ابني بس مدري شالسالفه مب فاهم ع شنو اركز ولا شنو شغلتي بالضبط بس انت قلت انها احلى لعبه بالعالم وانا حاس ان كلامك صحيح بس الحين انا بنيت سفاره ومخزن ومدري ايش شالسالفه شلون اهاجم ولا شسوي

فهمني اخوي






ولا يهمك الشيخ أفهمك الهدف من اللعبة :nice:

أخوي لما تسجل باللعبة تملك لك قرية صغيرة مافيها إلا شخصين... وفاضية مافيها غير مبنى واحد و4 أنواع من الحقول (غابة خشب وحفرة طين ومنجم حديد وحقل قمح)

انت تكون زعيم هذه القرية ومسؤول عن نموها وتطويرها...لما تستخرج خشب زيادة من الغابة بيصير في إنتعاش اقتصادي في القرية وبالتالي يهاجرون السكان "إلى" قريتك... بهالطريقة يزيد عدد السكان...كذلك الأمر نفسه لو بنيت مبنى ما مثل السوق بيصير في انتعاش اقتصادي للقرية.....

مثل حياتنا الواقعية...وجود أي مبنى جديد في البلد يستقطب زيادة في عدد السكان بطريقة ما... كذلك لو حفرنا بير بترول بتلاقي في زيادة في عدد السكان في البلد بشكل ملحوظ....يعني هذا مجرد مثال لتقريب الصورة....وإلا اللعبة مافيها بير بترول :D

المهم الحين...وش الفايدة من تطوير القرية؟ لما تطور القرية ويكون عندك دخل قومي(الموارد) تستطيع أن توفر لنفسك جيش قوي للهجوم وفرض قوتك والدفاع عن قريتك...مثل الدول اللي اقتصادها قوي عندهم جيوش قوية....

الحين بناء اقتصاد قوي وجيش قوي لا يمكن أن يصير بين يوم وليلة...صح؟ لهذا السبب اللعبة لها مدة طويلة وكافية للجميع للازدهار والتطوير...ومن ثم بناء معجزة العالم....وهي الهدف في اللعبة

ماهي معجزة العالم؟

معجزة العالم ...
هذا السؤال الذي يحتار الجميع للوصول الى جواب يشبع فضولنا جميعا و لذلك وضعت هذا الشرح ليفهم الجميع المغزى من اللعبة...

دعوني أبدأ في غرفة الكنز حتى تفهموا ما هي المعجزة :
غرفة الكنز تظهر عند قرب نهاية اللعبة وبعدها بقليل تظهر قبيلة (الناتار) وتبدأ ملحمة النهاية


غرفة الكنز تعمل كخزنة لتحف ترافيان:

تحف ترافيان تظهر في البداية عند قبيلة (الناتار)
تستطيع ان تحدد من يحتفظ بالتحف من غرفة الكنز المستوى الاول وفي المستوى العاشر تستطيع امتلاك تحف ترافيان عن طريق سرقتها من مالكها
طبعا في البداية تظهر التحف في الواحات وبعد ان يسرقها احد اللاعبين تستطيع ان تعرف من يحتفظ بها عن طريق غرفة الكنز المستوى الاول
لكي تسرق احد التحف يجب عليك ان تهاجم القرية او الواحة المالكة للتحفة وتدمر غرفة الكنز ثم ترسل هجوم عادي اخير وسوف تصبح التحفة موجودة في قريتك.... لا تستطيع الاحتفاظ باكثر من تحفة واحدة لكل غرفة كنز طبعا لذلك تحتاج العديد من القرى

التحف تقدم زيادة لشي ما .... مثال :
يوجد تحف تضاعف قوة المباني 5 مرات
يوجد تحف تضاعف حمولة التجار مرتين
يوجد تحف تضاعف سرعة القوات مرتين
يوجد تحف تقلل استهلاك القوات للقمح الى النصف
يوجد تحف بدونها لا تستطيع بناء (معجزة العالم)


متطلبات بناء غرفة الكنز:

المبنى الرئيسي المستوى العاشر او اكثر
لا يسمح ببناء غرفة الكنز في العاصمة
لا يسمح بوجود مبنى ( معجزة العالم ) في نفس القرية لان القرية لها شروط ستجدونها عند شرح المعجزة
ملاحظة : قرية المعجزة جميعها مخازن كبيرة فقط لا غير للقمح و الموارد الباقية

معجزة العالم

للأسف الشديد أكثر من 95% من اللاعبين باللعبة ما يعرفون ايش الهدف منها والكل قاعد يهجم على الكل و الكل قاعد يحاول يزيد عدد السكان بدون هدف.

الهدف من اللعبة :
فيه 20 أرض فاضية و مخفية في الخريطة الإجمالية و محد يعرف وين و ممكن تكون اكثر و الي يكشفها الخرائط من التحف في الغرفة و غيره هذه الأراضي تابعة لقبائل تسمى قبائل NATARS و لا يمكن تشييد معجزة العالم إلا في إحدى هذه الأراضي الي انت تستولي عليها وأول حلف يوصل معجزة العالم لمستوى 100 يربح اللعبة و تنتهي.

لما يختار حلف معين إحدى هذه الأراضي و يسوي قرية فيها و أول ما يسوي معجزة العالم تهجم عليه قبيلة من NATARS بقوة شديدة و تحاول تدمره يعني لازم يكون عنده قوات
دفاع شديدة جدا معززة من حلفه كل ما يرتفع 5 مستويات بمعجزة العالم تهجم قرية لين
يوصل مستوى 95.. بعد هذا تهجم عليه كل قبائل NATARS مع كل مستوى يرفعه.

بس المهم بالموضوع أراضي Natars مخفيه و من الصعب جدا ان الواحد
يشوفها و قبل ما اي واحد يحتل أي ارض تابعة لهم لازم يكون يكون عنده على الأقل 4 قرى ثانيه و قويه علشان يقدر يدعمها بالموارد و القوات بشكل كبير.

لان لاعب واحد مستحيل يربح اللعبة Natars تدمره اشد تدمير لازم يكون وراه حلف قوي جدا يدعمه و إذا امتلك أي لاعب قرية من عندهم و بني معجزة العالم مستوى 100 يصير حلفه هو الرابح و تتحول أسماء جميع الأحلاف الثانية إلى اسم الحلف الرابح و تنتهي الحرب ويعم السلام في السيرفر و الان في الرابط هنا ستجدون شكل القوات لذلك الشعب (الناتار) و انواعها لكن القوة لا تظهر :

http://help.travian.ae/index.php?type=faq&mod=460

في النهاية ارجو ان تكون قد استفدت من الموضوع لمعرفة الهدف و تحياتي لك... :nice:


يعني أخوي hamoor4ever في الفترة الحالية هي فترة تطوير للموارد...ما أنصحك تبذر مواردك على جيش صغير ممكن تخسره في أي هجوم بسرعة وصعب تعوضه...
طور الحقول الأربعة مع التركيز على المحافظة على إنتاج معقول من القمح (لأن مع كل تطوير ينقص) + تطوير المباني الأساسية (المبنى الرئيسي المستوى الخامس، نقطة التجمع، المخزن ومخزن الحبوب، السوق للتجارة بالفائض من الموارد، ثكنة، سكن) + 3 مخابئ المستوى 10 للحفاظ على مواردك من الغزوات المحتملة....

وبالتوفيق أخوي :nice:

وأي سؤال لا تتردد :victory:

عفريت ^ كشخه
12-04-2008, 02:20 AM
يا جماعة الخير انا بالسيرفر رقم 7 واللة دلع مدلعين على الأخر

لا هجمات ولا هم يحزنون الي بالسيرفر رقم 1و2و3 رايحين فيهـــــــا

خخخخخخخ آآآآآآآنواع التذبح كل يوم خخخخخخخ

سداوي&مدريدي
12-04-2008, 02:23 AM
بولينــجر


النجــده !!


شسالفه ياخــوي؟؟؟


وصلتني رساله أتــقووووووووووول


صياد المخالـفين 11.04.08
مخالفه الأنظمه والقواعد 19:59:17


عدم ارسال بياناتك

سوف يحملك مسؤليه توقيف عضويتك وطردك من اللعبه

يرجى ارسال البيانات مرفقا بإسم المستخدم وكلمه الرور :



السبب :

مخالفه الأنظمه والقواعد باللعبه


ياخي شسالفه اي قواعد الي خالفتها ؟؟


اذا عشان النــك

انا عنــدي نك في السيرفر التاسع

والسيرفر السادس

وبنفس الإيميل

مافيها شي

شسالفه؟؟؟

عفريت ^ كشخه
12-04-2008, 03:36 AM
^
^

لاتصدق وترسل اسمك ورقم المرور خخخخخخخخخ

انتبـــــــــــــــــــــــــــــة

ترا هاي واحد لو تلااحظ انة مو كاتب بالهمزة المربوطة

<<<<<<<< يزعم مدرس عربي

يبين انة الي كاتب واحد مو من السيرفر

وفي ناس وايد مطرش لهم وهم مو مخالفين

سداوي&مدريدي
12-04-2008, 03:42 AM
^
^

لاتصدق وترسل اسمك ورقم المرور خخخخخخخخخ

انتبـــــــــــــــــــــــــــــة

ترا هاي واحد لو تلااحظ انة مو كاتب بالهمزة المربوطة

<<<<<<<< يزعم مدرس عربي

يبين انة الي كاتب واحد مو من السيرفر

وفي ناس وايد مطرش لهم وهم مو مخالفين


تدري

والله اني شكيت

:)

ونفس الكلام الي قاله لي رئيس التحالف

زين اني ماطرشت الباسوورد

تســلم أخــوي


:nice:

hamoor4ever
12-04-2008, 12:52 PM
ولا يهمك الشيخ أفهمك الهدف من اللعبة :nice:

أخوي لما تسجل باللعبة تملك لك قرية صغيرة مافيها إلا شخصين... وفاضية مافيها غير مبنى واحد و4 أنواع من الحقول (غابة خشب وحفرة طين ومنجم حديد وحقل قمح)

انت تكون زعيم هذه القرية ومسؤول عن نموها وتطويرها...لما تستخرج خشب زيادة من الغابة بيصير في إنتعاش اقتصادي في القرية وبالتالي يهاجرون السكان "إلى" قريتك... بهالطريقة يزيد عدد السكان...كذلك الأمر نفسه لو بنيت مبنى ما مثل السوق بيصير في انتعاش اقتصادي للقرية.....

مثل حياتنا الواقعية...وجود أي مبنى جديد في البلد يستقطب زيادة في عدد السكان بطريقة ما... كذلك لو حفرنا بير بترول بتلاقي في زيادة في عدد السكان في البلد بشكل ملحوظ....يعني هذا مجرد مثال لتقريب الصورة....وإلا اللعبة مافيها بير بترول :D

المهم الحين...وش الفايدة من تطوير القرية؟ لما تطور القرية ويكون عندك دخل قومي(الموارد) تستطيع أن توفر لنفسك جيش قوي للهجوم وفرض قوتك والدفاع عن قريتك...مثل الدول اللي اقتصادها قوي عندهم جيوش قوية....

الحين بناء اقتصاد قوي وجيش قوي لا يمكن أن يصير بين يوم وليلة...صح؟ لهذا السبب اللعبة لها مدة طويلة وكافية للجميع للازدهار والتطوير...ومن ثم بناء معجزة العالم....وهي الهدف في اللعبة

ماهي معجزة العالم؟

معجزة العالم ...
هذا السؤال الذي يحتار الجميع للوصول الى جواب يشبع فضولنا جميعا و لذلك وضعت هذا الشرح ليفهم الجميع المغزى من اللعبة...

دعوني أبدأ في غرفة الكنز حتى تفهموا ما هي المعجزة :
غرفة الكنز تظهر عند قرب نهاية اللعبة وبعدها بقليل تظهر قبيلة (الناتار) وتبدأ ملحمة النهاية


غرفة الكنز تعمل كخزنة لتحف ترافيان:

تحف ترافيان تظهر في البداية عند قبيلة (الناتار)
تستطيع ان تحدد من يحتفظ بالتحف من غرفة الكنز المستوى الاول وفي المستوى العاشر تستطيع امتلاك تحف ترافيان عن طريق سرقتها من مالكها
طبعا في البداية تظهر التحف في الواحات وبعد ان يسرقها احد اللاعبين تستطيع ان تعرف من يحتفظ بها عن طريق غرفة الكنز المستوى الاول
لكي تسرق احد التحف يجب عليك ان تهاجم القرية او الواحة المالكة للتحفة وتدمر غرفة الكنز ثم ترسل هجوم عادي اخير وسوف تصبح التحفة موجودة في قريتك.... لا تستطيع الاحتفاظ باكثر من تحفة واحدة لكل غرفة كنز طبعا لذلك تحتاج العديد من القرى

التحف تقدم زيادة لشي ما .... مثال :
يوجد تحف تضاعف قوة المباني 5 مرات
يوجد تحف تضاعف حمولة التجار مرتين
يوجد تحف تضاعف سرعة القوات مرتين
يوجد تحف تقلل استهلاك القوات للقمح الى النصف
يوجد تحف بدونها لا تستطيع بناء (معجزة العالم)


متطلبات بناء غرفة الكنز:

المبنى الرئيسي المستوى العاشر او اكثر
لا يسمح ببناء غرفة الكنز في العاصمة
لا يسمح بوجود مبنى ( معجزة العالم ) في نفس القرية لان القرية لها شروط ستجدونها عند شرح المعجزة
ملاحظة : قرية المعجزة جميعها مخازن كبيرة فقط لا غير للقمح و الموارد الباقية

معجزة العالم

للأسف الشديد أكثر من 95% من اللاعبين باللعبة ما يعرفون ايش الهدف منها والكل قاعد يهجم على الكل و الكل قاعد يحاول يزيد عدد السكان بدون هدف.

الهدف من اللعبة :
فيه 20 أرض فاضية و مخفية في الخريطة الإجمالية و محد يعرف وين و ممكن تكون اكثر و الي يكشفها الخرائط من التحف في الغرفة و غيره هذه الأراضي تابعة لقبائل تسمى قبائل NATARS و لا يمكن تشييد معجزة العالم إلا في إحدى هذه الأراضي الي انت تستولي عليها وأول حلف يوصل معجزة العالم لمستوى 100 يربح اللعبة و تنتهي.

لما يختار حلف معين إحدى هذه الأراضي و يسوي قرية فيها و أول ما يسوي معجزة العالم تهجم عليه قبيلة من NATARS بقوة شديدة و تحاول تدمره يعني لازم يكون عنده قوات
دفاع شديدة جدا معززة من حلفه كل ما يرتفع 5 مستويات بمعجزة العالم تهجم قرية لين
يوصل مستوى 95.. بعد هذا تهجم عليه كل قبائل NATARS مع كل مستوى يرفعه.

بس المهم بالموضوع أراضي Natars مخفيه و من الصعب جدا ان الواحد
يشوفها و قبل ما اي واحد يحتل أي ارض تابعة لهم لازم يكون يكون عنده على الأقل 4 قرى ثانيه و قويه علشان يقدر يدعمها بالموارد و القوات بشكل كبير.

لان لاعب واحد مستحيل يربح اللعبة Natars تدمره اشد تدمير لازم يكون وراه حلف قوي جدا يدعمه و إذا امتلك أي لاعب قرية من عندهم و بني معجزة العالم مستوى 100 يصير حلفه هو الرابح و تتحول أسماء جميع الأحلاف الثانية إلى اسم الحلف الرابح و تنتهي الحرب ويعم السلام في السيرفر و الان في الرابط هنا ستجدون شكل القوات لذلك الشعب (الناتار) و انواعها لكن القوة لا تظهر :

http://help.travian.ae/index.php?type=faq&mod=460

في النهاية ارجو ان تكون قد استفدت من الموضوع لمعرفة الهدف و تحياتي لك... :nice:


يعني أخوي hamoor4ever في الفترة الحالية هي فترة تطوير للموارد...ما أنصحك تبذر مواردك على جيش صغير ممكن تخسره في أي هجوم بسرعة وصعب تعوضه...
طور الحقول الأربعة مع التركيز على المحافظة على إنتاج معقول من القمح (لأن مع كل تطوير ينقص) + تطوير المباني الأساسية (المبنى الرئيسي المستوى الخامس، نقطة التجمع، المخزن ومخزن الحبوب، السوق للتجارة بالفائض من الموارد، ثكنة، سكن) + 3 مخابئ المستوى 10 للحفاظ على مواردك من الغزوات المحتملة....

وبالتوفيق أخوي :nice:

وأي سؤال لا تتردد :victory:





اخوي انا قاعد اطور الحين ولين احس روحي اوكي ابغيك تعلمني شلون اسوي الجيش ماشاء الله عليك شكلك فاهم اللعبه عدل
يعطيك العافيه معليش تحملنا شوي الله يعينك

عفريت ^ كشخه
12-04-2008, 02:46 PM
تدري

والله اني شكيت

:)

ونفس الكلام الي قاله لي رئيس التحالف

زين اني ماطرشت الباسوورد

تســلم أخــوي


:nice:



زين انك يت وقلت لنا ياما ناس راحت عليهم قريتهم من هالحركة :omen2:


الله يسلمك

بولينجر
12-04-2008, 03:16 PM
بولينــجر


النجــده !!


شسالفه ياخــوي؟؟؟


وصلتني رساله أتــقووووووووووول


صياد المخالـفين 11.04.08
مخالفه الأنظمه والقواعد 19:59:17


عدم ارسال بياناتك

سوف يحملك مسؤليه توقيف عضويتك وطردك من اللعبه

يرجى ارسال البيانات مرفقا بإسم المستخدم وكلمه الرور :



السبب :

مخالفه الأنظمه والقواعد باللعبه


ياخي شسالفه اي قواعد الي خالفتها ؟؟


اذا عشان النــك

انا عنــدي نك في السيرفر التاسع

والسيرفر السادس

وبنفس الإيميل

مافيها شي

شسالفه؟؟؟
آسف أخوي سداوي تأخرت بالرد عليك....بس زين والله عفريت كشخة أنقذك من هالفخ....

مثل ماقال لك عفريت كشخة ترى هذا منتحل لشخصية صياد المخالفين.... وعلى فكرة ما يحتاج صياد المخالفين الحقيقي لليوزر نيم والباسوورد ...لأنهم مسجلين عنده في قاعدة بيانات اللعبة.... حتى شوف ايميل التفعيل اللي يرسلونه لك مكتوب فيه اليوزر نيم والباسوورد....يعني مب مشفر عليهم....بالتالي لا تعطي أي حد اليوزر نيم والباسوورد أبدا....حتى من قوانين اللعبة إنك ماتعطي أي حد الباسوورد...وإذا خالفته تكون معرض للطرد....

أحسن شيء سويته إنك سألت :nice:

عفريت ^ كشخه
12-04-2008, 03:17 PM
شباب ابي مساعدة

حد يطرشلي قمح

الصرااااااااااااااحة عندي 10-

:( حد يطرشلي خخخ القرية العفريتية خريطه (-140 | -52)


وشكرا

بولينجر
12-04-2008, 03:18 PM
^
^

لاتصدق وترسل اسمك ورقم المرور خخخخخخخخخ

انتبـــــــــــــــــــــــــــــة

ترا هاي واحد لو تلااحظ انة مو كاتب بالهمزة المربوطة

<<<<<<<< يزعم مدرس عربي

يبين انة الي كاتب واحد مو من السيرفر

وفي ناس وايد مطرش لهم وهم مو مخالفين
شكرا لك اخوي عفريت كشخة على الإنقاذ :nice:

بولينجر
12-04-2008, 03:19 PM
يا جماعة الخير انا بالسيرفر رقم 7 واللة دلع مدلعين على الأخر

لا هجمات ولا هم يحزنون الي بالسيرفر رقم 1و2و3 رايحين فيهـــــــا

خخخخخخخ آآآآآآآنواع التذبح كل يوم خخخخخخخ
جايكم الدور :court:
:eek5: :eek5: :eek5:

بولينجر
12-04-2008, 03:20 PM
تدري

والله اني شكيت

:)

ونفس الكلام الي قاله لي رئيس التحالف

زين اني ماطرشت الباسوورد

تســلم أخــوي


:nice:
:victory:

بولينجر
12-04-2008, 03:20 PM
اخوي انا قاعد اطور الحين ولين احس روحي اوكي ابغيك تعلمني شلون اسوي الجيش ماشاء الله عليك شكلك فاهم اللعبه عدل
يعطيك العافيه معليش تحملنا شوي الله يعينك
حاضرين الشيخ :nice:

بولينجر
12-04-2008, 03:22 PM
زين انك يت وقلت لنا ياما ناس راحت عليهم قريتهم من هالحركة :omen2:


الله يسلمك
مشكووووووور أخوي :nice:

بولينجر
12-04-2008, 03:22 PM
شباب ابي مساعدة

حد يطرشلي قمح

الصرااااااااااااااحة عندي 10-

:( حد يطرشلي خخخ القرية العفريتية خريطه (-140 | -52)


وشكرا
والله ودي أقدر....بس أنا في السيرفر الثالث :D
شوف حد من ربعك قريب جنبك أرسل له جيشك تعزيز....وطور القمح عندك وبعدها رجع جيشك عندك....بس استأذن رفيجك قبل لأن يمكن ماعنده قمح يأكل جيشك....وباتالي يموتون :eek5:

عفريت ^ كشخه
12-04-2008, 04:03 PM
شكرا لك اخوي عفريت كشخة على الإنقاذ :nice:

العفووو مدرسنا :nice:

عفريت ^ كشخه
12-04-2008, 04:05 PM
والله ودي أقدر....بس أنا في السيرفر الثالث :D
شوف حد من ربعك قريب جنبك أرسل له جيشك تعزيز....وطور القمح عندك وبعدها رجع جيشك عندك....بس استأذن رفيجك قبل لأن يمكن ماعنده قمح يأكل جيشك....وباتالي يموتون :eek5:



واللة فكرة حلوة مشكوووووووور ماتقصر

بس تدري خالي معاي بنفس السيرفر بحاول اطرشلة الحين

thanx

سداوي&مدريدي
12-04-2008, 04:12 PM
زين انك يت وقلت لنا ياما ناس راحت عليهم قريتهم من هالحركة :omen2:


الله يسلمك


اي والله زين اني قلت لكم

:)


آسف أخوي سداوي تأخرت بالرد عليك....بس زين والله عفريت كشخة أنقذك من هالفخ....

مثل ماقال لك عفريت كشخة ترى هذا منتحل لشخصية صياد المخالفين.... وعلى فكرة ما يحتاج صياد المخالفين الحقيقي لليوزر نيم والباسوورد ...لأنهم مسجلين عنده في قاعدة بيانات اللعبة.... حتى شوف ايميل التفعيل اللي يرسلونه لك مكتوب فيه اليوزر نيم والباسوورد....يعني مب مشفر عليهم....بالتالي لا تعطي أي حد اليوزر نيم والباسوورد أبدا....حتى من قوانين اللعبة إنك ماتعطي أي حد الباسوورد...وإذا خالفته تكون معرض للطرد....

أحسن شيء سويته إنك سألت :nice:


هلا بولينــجر

مســموح أخـــوي

شكرا على المعلومات :nice:

والله حاطين العين علينا

ههههههههههههههه

الله يستر

تســلم

بولينجر
12-04-2008, 04:22 PM
واللة فكرة حلوة مشكوووووووور ماتقصر

بس تدري خالي معاي بنفس السيرفر بحاول اطرشلة الحين

thanx
You're Welcome :nice:

بولينجر
12-04-2008, 04:22 PM
اي والله زين اني قلت لكم

:)




هلا بولينــجر

مســموح أخـــوي

شكرا على المعلومات :nice:

والله حاطين العين علينا

ههههههههههههههه

الله يستر

تســلم
الله يسلمك :nice:

الخيميائي
12-04-2008, 05:09 PM
مليت من السيرفر التاسع يادوب عدد سكاني 59 وكل ماحاولت اهجم بالاربع جنود على القرى الى حذاي يادوب المسروقات ماتتجاوز 40 والا 50 بالكثير ويمكن اقل :( شكلنا بنطول في التطوير :( شخباركم يا اهل السيرفر التاسع :pالسيرفر الثاني جيد مركزي ب2000 وشوي وعدد السكان 800 وخردات وايد :p

سداوي&مدريدي
12-04-2008, 05:14 PM
مليت من السيرفر التاسع يادوب عدد سكاني 59 وكل ماحاولت اهجم بالاربع جنود على القرى الى حذاي يادوب المسروقات ماتتجاوز 40 والا 50 بالكثير ويمكن اقل :( شكلنا بنطول في التطوير :( شخباركم يا اهل السيرفر التاسع :pالسيرفر الثاني جيد مركزي ب2000 وشوي وعدد السكان 800 وخردات وايد :p

انا في السيرفر السادس

والسيــرفر التاسع



:victory:

الخيميائي
12-04-2008, 05:19 PM
انا في السيرفر السادس

والسيــرفر التاسع



:victory:

انا كيمو واسف اذا بقت حد بالغلط :tease:

بولينجر
12-04-2008, 05:28 PM
مليت من السيرفر التاسع يادوب عدد سكاني 59 وكل ماحاولت اهجم بالاربع جنود على القرى الى حذاي يادوب المسروقات ماتتجاوز 40 والا 50 بالكثير ويمكن اقل :( شكلنا بنطول في التطوير :( شخباركم يا اهل السيرفر التاسع :pالسيرفر الثاني جيد مركزي ب2000 وشوي وعدد السكان 800 وخردات وايد :p
أنا في السيرفر الثالث ومبسوط على القريتين اللي عندي والواحة...وعيني على القرية الثالثة :victory:
السيرفر التاسع متعبني نفس حالتك :( لكني بأحاول فيه....:victory:

بولينجر
12-04-2008, 05:28 PM
انا كيمو واسف اذا بقت حد بالغلط :tease:
خخخخخخخ :tease:

سداوي&مدريدي
12-04-2008, 05:44 PM
أنا في السيرفر الثالث ومبسوط على القريتين اللي عندي والواحة...وعيني على القرية الثالثة :victory:
السيرفر التاسع متعبني نفس حالتك :( لكني بأحاول فيه....:victory:

ياخي تدري حذاي واحه

فيها

الجرذان 6

العناكب 6

الخنازير البريه 3

بولينـــجر



عدد المحاربين الي عندي 12 محارب


أقدر احتلها واخليها قريتي الثانيه؟؟

الخيميائي
12-04-2008, 06:01 PM
ياخي تدري حذاي واحه

فيها

الجرذان 6

العناكب 6

الخنازير البريه 3

بولينـــجر



عدد المحاربين الي عندي 12 محارب


أقدر احتلها واخليها قريتي الثانيه؟؟

دش نقطة التجمع

محاكي المعركة وحط البيانات كلها بتعرف تقدر تحتلها او لا اهم شيء يكون عندك بطل :tease:

بس تبي الضمان انطر بولينجر :victory:

سداوي&مدريدي
12-04-2008, 06:05 PM
دش نقطة التجمع

محاكي المعركة وحط البيانات كلها بتعرف تقدر تحتلها او لا اهم شيء يكون عندك بطل :tease:

بس تبي الضمان انطر بولينجر :victory:

والله شكله بيخورها محاكي المعركه هههههههههههههههههه

اوكي بجرب وبرد عليكم خبر

:nice:

بولينجر
12-04-2008, 06:17 PM
ياخي تدري حذاي واحه

فيها

الجرذان 6

العناكب 6

الخنازير البريه 3

بولينـــجر



عدد المحاربين الي عندي 12 محارب


أقدر احتلها واخليها قريتي الثانيه؟؟
حدد نوع المحاربين أخوي سداوي :)
بأشوفهم لك
وبعدين قصر الأبطال فيه بطل؟ وكم مستوى قصر الأبطال؟

بولينجر
12-04-2008, 06:21 PM
دش نقطة التجمع

محاكي المعركة وحط البيانات كلها بتعرف تقدر تحتلها او لا اهم شيء يكون عندك بطل :tease:

بس تبي الضمان انطر بولينجر :victory:
صح يا الخيميائي لازم يكون عندك بطل... حتى لو هو في المستوى الأول...لكن قصر الأبطال لازم يكون في المستوى 10

وملاحظة على السريع....الوحوش عندها قدرة على التكاثر...يعني لو تم كذا واحد بيزيدون بعدين...يعني لحد يتعب نفسه في واحة ويقتل اللي فيها وماعنده قصر أبطال في المستوى العاشر ويجهزها بيضة مقشرة حق غيره :tease:

بولينجر
12-04-2008, 06:22 PM
والله شكله بيخورها محاكي المعركه هههههههههههههههههه

اوكي بجرب وبرد عليكم خبر

:nice:
شوف المحاكي ماراح ينفعك إذا ماكان عندك بطل وقصر الأبطال في المستوى العاشر :tease:

hamoor4ever
12-04-2008, 07:57 PM
اخواني شلون احتل ووين احصل الجنود مثلكم واذا اقدر اغير السيرفر شلون فهموني شالسالفه

بولينجر
12-04-2008, 08:19 PM
أخوي هامور....أول شيء ماتقدر تغيير السيرفر لكن تقدر تسجل في سيرفر غير هذا بنفس الإيميل....مع مراعاة وجود أكاونت واحد فقط لك في السيرفر....

أما بالنسبة للجنود والاحتلال....بدري شوي...يبيلك تطوير الحقول...يعني الحين كم إنتاج الساعة عندك؟

إذا شفت في نفسك المقدرة على تدريب جنود....ابني لك ثكنة (في حال إنك للحين مابنيتها) وشروط الثكنة هي:
نقطة التجمع المستوى الأول والمبنى الرئيسي المستوى الثالث....

فيها تقدر تدرب الجنود إن شاء الله....وبالتوفيق :nice:

سداوي&مدريدي
12-04-2008, 10:33 PM
حدد نوع المحاربين أخوي سداوي :)
بأشوفهم لك
وبعدين قصر الأبطال فيه بطل؟ وكم مستوى قصر الأبطال؟

هلا أخــوي بولينــجر

بخصــوص قصر الأبطال لين اليحن ماكملته

عنــدي المــوارد بس خبرك قاعد افكــر

المهم انا دخلت على الدليل

وقريت المكتوب عن قصر الابطال

والمكتوب كالآتي ,,

في قصر الابطال يمكنك تدريب بطل. الوحدة يمكن تدريبها الى بطل. ثكنة او اسطبل هو ضروري لتدريب بطل .

عند المستويات 10 و 15 و 20 بطلكم ان ارفاق 1 و 2 و 3 من الواحات على التوالي ، هذه الواحات زيادة انتاجهم من المواد الاولية وخاصة في ضم القرية

:rolleyes2:

يعني اذا سويت قصر الابطال

اقدر احتل الواحات؟

:)

hamoor4ever
12-04-2008, 11:00 PM
اخوان الموارد عندي يعني بطيئه مع اني بنيت وايد لهم مافي حل يسرعهم غير عمليه الذهب ،، لان عندي بنيان وايد وخبركم البنيان غالي ه الايام واحنا مستعيلين نبي نحتل خخخخخخخ

عفريت ^ كشخه
12-04-2008, 11:10 PM
واللة انا يالربع مبتلش تدرون ليش

لان عندي حطب وطيبن وحديد بال ألف الا القمح مفلس وللحين عندي 10 مايكلون مساكين شكلهم بيموتون لووووووول قلعتهم محد قال لهم يجون قريتي

بولينجر
13-04-2008, 12:16 AM
هلا أخــوي بولينــجر

بخصــوص قصر الأبطال لين اليحن ماكملته

عنــدي المــوارد بس خبرك قاعد افكــر

المهم انا دخلت على الدليل

وقريت المكتوب عن قصر الابطال

والمكتوب كالآتي ,,

في قصر الابطال يمكنك تدريب بطل. الوحدة يمكن تدريبها الى بطل. ثكنة او اسطبل هو ضروري لتدريب بطل .

عند المستويات 10 و 15 و 20 بطلكم ان ارفاق 1 و 2 و 3 من الواحات على التوالي ، هذه الواحات زيادة انتاجهم من المواد الاولية وخاصة في ضم القرية

:rolleyes2:

يعني اذا سويت قصر الابطال

اقدر احتل الواحات؟

:)
إي أخوي سداوي تقدر تحتل لك واحة إذا بنيت قصر الأبطال ووصلته للمستوى العاشر ودربت لك بطل....قبل المستوى العاشر مستحيييييييييييل تملك الواحة...مجرد هجومك عليها بيخسرك جنود على الفاضي وتجهزها حق غيرك :tease:

الواحة الأولى تحتلها وقصر الأبطال يكون في المستوى العاشر...الواحة الثانية تحتلها والقصر يكون في المستوى 15 والواحة الثالثة تحتلها والقصر يكون في المستوى 20..... يعني ما مجموعه 3 واحات تتبع القرية اللي فيها قصر الأبطال....وتزيد إنتاج هذي القرية بس ....لو عندك قرية ثانية ماتزيد إنتاجها.... بس تقدر تبني قصر الأبطال في القرية الثانية بنفس الطريقة وتحتل 3 واحات بنفس الشروط المذكورة....

وبالنسبة للتكاليف هي مكلفة بصراحة.... لكن تستاهل :victory:

بولينجر
13-04-2008, 12:19 AM
اخوان الموارد عندي يعني بطيئه مع اني بنيت وايد لهم مافي حل يسرعهم غير عمليه الذهب ،، لان عندي بنيان وايد وخبركم البنيان غالي ه الايام واحنا مستعيلين نبي نحتل خخخخخخخ
عادي أخوي تقدر تشتري ذهب من عندهم وتسرع البنيان لو ياخذ وقت طويل...بس ما أنصح في الوقت الحالي لأن الوقت نسبيا يعتبر قصير بالنسبة للوقت اللي بيستغرقه البناء والتطوير في المستقبل.... يعني أكثر من 12 ساعة تستاهل الذهب :tease:
ولا تستعجل أخوي على الجيوش...أنا استعجلت وخسرت أكثر من 100 جندي وكان صعب أرجعهم بسرعة لضعف الموارد....:(
أخوي هامور على فكرة بعد....ما تقدر "تحتل" قرية حد إذا كانت هي قريته الوحيدة يعني العاصمة....أما اللي يملكون أكثر من قرية (اضغط على أساميهم وبتعرف) تقدر تحتل قراهم

بولينجر
13-04-2008, 12:22 AM
واللة انا يالربع مبتلش تدرون ليش

لان عندي حطب وطيبن وحديد بال ألف الا القمح مفلس وللحين عندي 10 مايكلون مساكين شكلهم بيموتون لووووووول قلعتهم محد قال لهم يجون قريتي
الظاهر أخوي عفريت عندك جيش عرمرم....:tease:
طرشهم تعزيز عند خالك خلهم ياكلون قمح وطور حقول القمح عندك....وعقب ردهم عندك :nice:

وإلا للحين ما طرشتهم؟ :tease:

سداوي&مدريدي
13-04-2008, 12:26 AM
إي أخوي سداوي تقدر تحتل لك واحة إذا بنيت قصر الأبطال ووصلته للمستوى العاشر ودربت لك بطل....قبل المستوى العاشر مستحيييييييييييل تملك الواحة...مجرد هجومك عليها بيخسرك جنود على الفاضي وتجهزها حق غيرك :tease:

الواحة الأولى تحتلها وقصر الأبطال يكون في المستوى العاشر...الواحة الثانية تحتلها والقصر يكون في المستوى 15 والواحة الثالثة تحتلها والقصر يكون في المستوى 20..... يعني ما مجموعه 3 واحات تتبع القرية اللي فيها قصر الأبطال....وتزيد إنتاج هذي القرية بس ....لو عندك قرية ثانية ماتزيد إنتاجها.... بس تقدر تبني قصر الأبطال في القرية الثانية بنفس الطريقة وتحتل 3 واحات بنفس الشروط المذكورة....

وبالنسبة للتكاليف هي مكلفة بصراحة.... لكن تستاهل :victory:


السالفه كلها في قصر الأبطال

حلوووووووووووووووووو

الحين وصلت الفكره

تســـلم لي بولينــجر

:nice:

بولينجر
13-04-2008, 12:30 AM
السالفه كلها في قصر الأبطال

حلوووووووووووووووووو

الحين وصلت الفكره

تســـلم لي بولينــجر

:nice:
الله يسلمك أخوي سداوي :nice:

بولينجر
13-04-2008, 06:56 AM
ملاحظة للجميع على بناء السكن والقصر....

لا يمكن إنهاء البناء فورا بالذهب...ولابد من الانتظار :tease:

أما باقي المباني عادي :nice:

bo_hamad
13-04-2008, 06:59 AM
اللهم إنك عفو تحب العفو فاعفو عني

بولينجر
13-04-2008, 07:05 AM
اللهم إنك عفو تحب العفو فاعفو عني
آميييييييييييييين

hamoor4ever
13-04-2008, 07:32 AM
اخواني وين المكان اللي اقدر ابني فيه سوق ؟؟
وقصر الابطال

سداوي&مدريدي
13-04-2008, 12:00 PM
اخواني وين المكان اللي اقدر ابني فيه سوق ؟؟
وقصر الابطال


في الأرض الفاضيه الي في قريتك

بتحصل دوائر باللون الأخضر

أضغط عليهم واقرى شمكتوب


:nice:

بولينجر
13-04-2008, 01:30 PM
اخواني وين المكان اللي اقدر ابني فيه سوق ؟؟
وقصر الابطال
أخوي هامور....نفس الكلام اللي قاله لك أخونا سداوي :nice:

وهذا شرح بالصورة :nice:


http://img182.imageshack.us/img182/774/travianherosmansionmarkct2.jpg (http://imageshack.us)

بولينجر
13-04-2008, 01:31 PM
في الأرض الفاضيه الي في قريتك

بتحصل دوائر باللون الأخضر

أضغط عليهم واقرى شمكتوب


:nice:
تسلم أخوي سداوي...كلامك صح :ok:

سداوي&مدريدي
13-04-2008, 02:55 PM
أخــوي بولينـــجر

في نكي الثـاني عطـوني منصــب وزير الخارجيه

والي أعــرفه عن وزير الخارجيه انه مختص بالعلاقات الدبلماسيه

يعني اتفق مع تحالفات ثانيه

والحين توهقت مادري من وين ابدى

وماعرف اول خطوه اسويها

شاسوي؟

:rolleyes2:

سداوي&مدريدي
13-04-2008, 02:56 PM
تسلم أخوي سداوي...كلامك صح :ok:

الله يسلمك

ومنكم نتـعلم أخـوي بولينجر

:nice:

بوحارب
13-04-2008, 03:02 PM
في نكي الثـاني عطـوني منصــب وزير الخارجيه

والي أعــرفه عن وزير الخارجيه انه مختص بالعلاقات الدبلماسيه



:rs2:

اسكت ولا بيسحبون الخيط اللي عندك:secret:
:secret::secret::secret:

سداوي&مدريدي
13-04-2008, 03:18 PM
اسكت ولا بيسحبون الخيط اللي عندك:secret:
:secret::secret::secret:

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه

بوحارب لاتصدق هذي لعبه خخخخخخخخخخخخ

والله ياليت لو اصير وزيره الخارجيه :tease:

في اللعبه ومتوهق عيل في الحقيقه شبسوي؟

بولينجر
13-04-2008, 04:46 PM
أخــوي بولينـــجر

في نكي الثـاني عطـوني منصــب وزير الخارجيه

والي أعــرفه عن وزير الخارجيه انه مختص بالعلاقات الدبلماسيه

يعني اتفق مع تحالفات ثانيه

والحين توهقت مادري من وين ابدى

وماعرف اول خطوه اسويها

شاسوي؟

:rolleyes2:
والله أخوي سداوي للأسف أنا عمري ما جربت اي منصب لكن بحثت لك عن الموضوع وإذا لقيت شيء زيادة بأحطه لك...

وزير الخارجية مهمته العلاقات الدبلوماسية بين التحالفات.... يعني:

تحالف مع تحالف آخر
ميثاق عدم اعتداء
إعلان الحرب

وتستخدم هذه الأكواد لعرضها في وصف التحالف:

اول كود هو التحالفات الصديقة فقط دون الميثاق والحرب
[ally]
الحرب
[war]
ميثاق
[nap]

وهذي كاملة مع بعض
[diplomatie]

بولينجر
13-04-2008, 04:47 PM
اسكت ولا بيسحبون الخيط اللي عندك:secret:
:secret::secret::secret:
خخخخخخخخ.... لا ما أظن يا بوحارب

بولينجر
13-04-2008, 04:47 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه

بوحارب لاتصدق هذي لعبه خخخخخخخخخخخخ

والله ياليت لو اصير وزيره الخارجيه :tease:

في اللعبه ومتوهق عيل في الحقيقه شبسوي؟
أهم شيء لا تعلن الحرب بمزاجك :tease:

بولينجر
13-04-2008, 09:56 PM
لتنسيق الخطوط في منتدى التحالف:


طريقة في منتدى التحالف فقط ..

لتعريض الخط
[ color=teal] إكتب هنا [/color]

اقتباس
[quote=اسم اللاعب] ضع النص المقتبس هنا [/ quote]

لوضع خط تحت النص
[u] إكتب هنا [/ u]

لكن بدوووووووون مسافات بين القوس والحرف، حيث تم وضع المسافات كي يظهر الكود هنا


لإيمالة الخط
[ i ] إكتب هنا [ /i ]


لتلوين الخط
[ color=blue ] إكتب هنا [ /color ]

blue هذا هو اسم اللون وتقدر تغيره من :

aqua', 'black', 'blue', 'fuchsia', 'gray', 'green', 'lime', 'maroon', 'navy', 'olive', 'purple', 'red', 'silver', 'teal', 'white', 'yellow'

سداوي&مدريدي
14-04-2008, 12:22 PM
تســـلم أخــوي بولينجرعلى المعلومات

يعـطيك العافيه

سداوي&مدريدي
14-04-2008, 12:23 PM
:nice:

بولينجر
14-04-2008, 02:39 PM
تســـلم أخــوي بولينجرعلى المعلومات

يعـطيك العافيه
الله يسلمك ويعافيك أخوي سداوي :nice:

بوحارب
14-04-2008, 03:02 PM
قال وزير الخارجيه قال:omen2:

بولينجر عندك اياه:telephone:

سداوي&مدريدي
14-04-2008, 03:13 PM
قال وزير الخارجيه قال:omen2:

بولينجر عندك اياه:telephone:

:secret:

لاتغلط على وزير الخارجيه

:secret:

ترى بطرش لك الجيش الروماني

والله بيقطعونك


:)

بوحارب
14-04-2008, 03:14 PM
http://www.qatarshares.com.qa/data/208/211/storm_91416427_1131949499.gif >>>>>>> خاف من قلب ^ ــــ ^

بولينجر
14-04-2008, 05:56 PM
http://www.qatarshares.com.qa/data/208/211/storm_91416427_1131949499.gif >>>>>>> خاف من قلب ^ ــــ ^
ها أخوي بو حارب...في أي سيرفر؟؟ :tease:
أبي أعرف إحداثياتك بأرسل جنودي يتعيشون عندك :tooth:

سداوي&مدريدي
14-04-2008, 08:14 PM
http://www.qatarshares.com.qa/data/208/211/storm_91416427_1131949499.gif >>>>>>> خاف من قلب ^ ــــ ^

:nice:

سداوي&مدريدي
14-04-2008, 08:16 PM
بولينـــجر


اليــوم رئيس التحالف طرش لي رساله

فيها الآتي

سداوي&مدريدي

استيعاب السفاره صار 27 عضو

المجال مفتوح للدعوى

وبامكانك انت تدخل على الاعدادات وتضيفهم بنفسك


شلون ادش على الأعدادات؟؟

وهل يقصــد اني اضيف الي يبي يتحالف بنفسي؟

بولينجر
14-04-2008, 08:40 PM
بولينـــجر


اليــوم رئيس التحالف طرش لي رساله

فيها الآتي

سداوي&مدريدي

استيعاب السفاره صار 27 عضو

المجال مفتوح للدعوى

وبامكانك انت تدخل على الاعدادات وتضيفهم بنفسك


شلون ادش على الأعدادات؟؟

وهل يقصــد اني اضيف الي يبي يتحالف بنفسي؟
نعم تقدر تدعوهم وتضيفهم للتحالف....:nice:
شوف فوق عندك لما تدخل المنتدى مكتوب خيارات...اضغط عليه

بتظهر لك الخيارات (الصلاحيات) اللي عطاك إياها رئيس التحالف

ومن بينها بتلاقي دعوة لاعب إلى التحالف

http://img169.imageshack.us/img169/82/travianinvitetk3.gif (http://imageshack.us)


تختاره وبعدين يظهر لك

http://img136.imageshack.us/img136/2892/travianinvite2qr3.gif (http://imageshack.us)

لما تكتب اسمه وتضغط تمام...أرسل للاعب اللي دعيته رسالة تعلمه فيها إنك أرسلت الدعوة...وبس :nice:

سداوي&مدريدي
14-04-2008, 08:49 PM
هلا أخــوي بولينجر

تســلم لي على الـرد الســريع والشــرح الحـلو

انا الصلاحيه الي متــوفره عنــدي

دوبلماسيه التحالف بس

وبعد ماضغـط عليها يطلع لي

عرض التحالف

عرض ميثاق عدم الاعتداء

اعلان الحرب

أهــم شي انك علمتني طريقه الخيارات

ماكنت اعرفها كلش


:nice:

بولينجر
14-04-2008, 11:06 PM
هلا أخــوي بولينجر

تســلم لي على الـرد الســريع والشــرح الحـلو

انا الصلاحيه الي متــوفره عنــدي

دوبلماسيه التحالف بس

وبعد ماضغـط عليها يطلع لي

عرض التحالف

عرض ميثاق عدم الاعتداء

اعلان الحرب

أهــم شي انك علمتني طريقه الخيارات

ماكنت اعرفها كلش


:nice:
حاضرين أخوي سداوي....:nice:

وأبشرك...صرت مدير تحالف...:tease:

وعندي كل الصلاحيات :tease:

من غير ما أتعب نفسي في السفارة خخخخخخخ

سداوي&مدريدي
14-04-2008, 11:15 PM
حاضرين أخوي سداوي....:nice:

وأبشرك...صرت مدير تحالف...:tease:

وعندي كل الصلاحيات :tease:

من غير ما أتعب نفسي في السفارة خخخخخخخ

بالمبارك

تســـتاهل أخــوي بولينــجر

الله يوفقك ان شــاء الله

:nice:

سداوي&مدريدي
14-04-2008, 11:18 PM
بـــولينـــجر

من شــوي صاحب التحــالف

طرش للكل رســـاله

ويقول فيها لازم انــطرش له موارد

والي مب طرش موارد راح يتم طرده من التحــالف

لان في غيرنا ينـطر ويبي يدش التحالف

سألته شلون اقدر اطرش لك المـــوارد

طرش لي رساله بس مافهمتها

مكتوب فيها

طيب اخوي

تقدر ترسل انتاج ساعة من عندي

يعني اذا انتاجك 100 من الخشب و 100 من الطين و 100 من الحديد و 100 من القمح ارسل على عدد الانتاج بالضط

لاتزيد على عدد الانتاج حتى لا يتم طردك من اللعبة

تحياتي


شــلون أطرش انتاج ساعه من عنده؟


مع العـلم ان عنــدي ســوق

بولينجر
14-04-2008, 11:28 PM
جاري تحضير الشرح ولا يهمك :nice:

سداوي&مدريدي
14-04-2008, 11:30 PM
جاري تحضير الشرح ولا يهمك :nice:

فديت خشمك بولينــجر

في أنتــظار الشــرح

وخذ راحتك أخــوي




:nice:

بولينجر
14-04-2008, 11:45 PM
بـــولينـــجر

من شــوي صاحب التحــالف

طرش للكل رســـاله

ويقول فيها لازم انــطرش له موارد

والي مب طرش موارد راح يتم طرده من التحــالف

لان في غيرنا ينـطر ويبي يدش التحالف

سألته شلون اقدر اطرش لك المـــوارد

طرش لي رساله بس مافهمتها

مكتوب فيها

طيب اخوي

تقدر ترسل انتاج ساعة من عندي

يعني اذا انتاجك 100 من الخشب و 100 من الطين و 100 من الحديد و 100 من القمح ارسل على عدد الانتاج بالضط

لاتزيد على عدد الانتاج حتى لا يتم طردك من اللعبة

تحياتي


شــلون أطرش انتاج ساعه من عنده؟


مع العـلم ان عنــدي ســوق
تقضل أخوي سداوي...:nice:

روح السوق...اضغط إرسال المواد الخام (عادة يكون هو اللي يظهر لك - بس احتياط)

واتبع الإرشادات اللي في الصورة

http://img171.imageshack.us/img171/9361/travianhowtosendresourcqa6.jpg (http://imageshack.us)


وانتبه لاترسل أكثر من إنتاج الساعة خلال 24 ساعة....يعني إنتاج الساعة في اليوم وترى يحسبونها يعني لاتتهاون وتقول مرت 24 ساعة وهي ما مرت.....بعدين يصيدونك :tease:

بولينجر
14-04-2008, 11:52 PM
فديت خشمك بولينــجر

في أنتــظار الشــرح

وخذ راحتك أخــوي




:nice:
جعلك سالم أخوي سداوي... إذا ماعرفت شيء للشرح اسأل :nice:

سداوي&مدريدي
15-04-2008, 01:34 AM
تقضل أخوي سداوي...:nice:

روح السوق...اضغط إرسال المواد الخام (عادة يكون هو اللي يظهر لك - بس احتياط)

واتبع الإرشادات اللي في الصورة

http://img171.imageshack.us/img171/9361/travianhowtosendresourcqa6.jpg (http://imageshack.us)


وانتبه لاترسل أكثر من إنتاج الساعة خلال 24 ساعة....يعني إنتاج الساعة في اليوم وترى يحسبونها يعني لاتتهاون وتقول مرت 24 ساعة وهي ما مرت.....بعدين يصيدونك :tease:


ياعيني عليك دائما مميــز أخــوي بولينــجر

الشـــرح واضح :nice:


تســلم أخــوي

:)

بولينجر
15-04-2008, 08:29 AM
ياعيني عليك دائما مميــز أخــوي بولينــجر

الشـــرح واضح :nice:


تســلم أخــوي

:)
الله يسلمك أخوي سداوي :nice:

جرح الزمان
15-04-2008, 04:15 PM
باركولي صار عندي جاسوس

الله يعين القرى اللي صوبي

بولينجر
15-04-2008, 05:05 PM
باركولي صار عندي جاسوس

الله يعين القرى اللي صوبي
مبروووووووك.....كثر من الجواسيس....

الحين تقدر تكتفي بواحد واثنين....بعدين حتى 50 مايكفونك....:eek5:

لأن الجاسوس مهمته إنه يتجسس على القرى الثانية...بالإضافة إلى أنه يحمي قريتك من الجواسيس المعادين... بشرط عدد جواسيسك أكثر من عدد جواسيس اللي يتجسس عليك...وإلا ما راح تدري به.... ومهم جدا إنك ماتخلي حد يتعرف على نقاط الضعف في قريتك....

طبعا في الوقت الحالي ما في داعي تكثر منهم وتكلف نفسك...بس ملاحظة للمستقبل :victory:

جرح الزمان
15-04-2008, 08:28 PM
50 جاسوس ما يكفون !!! عيل كم بيكون عدد الجيش ؟؟ والله اللي بيكلفوني قمح عيل من الحين اهتم في القمح لا يصير عندي مجاعه في القريه

جزاك الله خير على النصيحه

بولينجر
15-04-2008, 09:11 PM
50 جاسوس ما يكفون !!! عيل كم بيكون عدد الجيش ؟؟ والله اللي بيكلفوني قمح عيل من الحين اهتم في القمح لا يصير عندي مجاعه في القريه

جزاك الله خير على النصيحه
أكيد القمح مهم...شوف لك قرية قمحية جنبك وحطها في بالك لين طورت مستوطنين تاخذها قريتك الثانية :nice:

سداوي&مدريدي
16-04-2008, 02:20 AM
بالتـــوفيق للجميع


:nice:

مريش
16-04-2008, 03:29 AM
بولينجر

انت اي سيرفر خلنا نتحالف وياك ههههه

عندي سؤال

ابي اشتري ذهب مافهمت الطريقه ممكن توضيح لو تعرف الطريقه ؟

مريش
16-04-2008, 03:35 AM
وعندي سؤال ثاني

اانا طرشت الجيش عشان اهاجم واحد
لكن الحين ابي اتراجع شلون ؟؟

بنت سعادة السفير
16-04-2008, 03:41 AM
الله يعطيكـ العاافيه

والله يووفقكـ

بولينجر
16-04-2008, 07:06 PM
هلا أخوي مريش :nice:

في عدة طرق أخوي لشراء الذهب....

أول شيء اضغط على ترافيان بلس

http://www.uploadgeek.com/uploads456/0/travian%20how%20to%20buy%20gold.jpg


وبعدها


http://www.uploadgeek.com/uploads456/0/travian%20how%20to%20buy%20gold2.jpg


وهذا مثال للشراء عن طريق الفيزا...


http://www.uploadgeek.com/uploads456/0/travian%20how%20to%20buy%20gold3.jpg


أو بالإمكان الحصول على الذهب مجانا عن طريق التسجيل عن طريق رابطك الخاص
(20 من الذهب عن كل شخص يسجل عن طريقك ويصل سكانه إلى 75)

مثل هالصورة

http://www.uploadgeek.com/uploads456/0/travian%20how%20to%20buy%20gold4.jpg

أتمنى يكون الشرح واضح :nice:

بولينجر
16-04-2008, 07:07 PM
بولينجر

انت اي سيرفر خلنا نتحالف وياك ههههه

عندي سؤال

ابي اشتري ذهب مافهمت الطريقه ممكن توضيح لو تعرف الطريقه ؟
بالنسبة لي أنا موجود في السيرفر الثالث وفي حلف قوي الحمدلله..
وكذلك موجود في السيرفر التاسع باسم بولينجر وغير متحالف للآن....

بولينجر
16-04-2008, 07:12 PM
وعندي سؤال ثاني

اانا طرشت الجيش عشان اهاجم واحد
لكن الحين ابي اتراجع شلون ؟؟
أخوي مريش في أول 90 ثانية تقدر تلغي أمر الهجوم بالضغط على الـ X الأحمر الصغير.... بعد مرور الـ 90 ثانية مستحيل تردهم.... وآسف على الجواب المتأخر :d

بولينجر
16-04-2008, 07:15 PM
الله يعطيكـ العاافيه

والله يووفقكـ
الله يعافيج أختي سارة....إن شاء الله مبسوطة من اللعبة؟ :nice:

أي سؤال عن اللعبة اسألي أختي... وإن شاء الله أنا حاضر....:nice:

بولينجر
16-04-2008, 07:16 PM
بالتـــوفيق للجميع


:nice:
وياك إن شاء الله أخوي سداوي :nice:

سداوي&مدريدي
16-04-2008, 10:06 PM
الله يعطيك الصحه والعافيه أخــوي بولينــجر

بيض الله ويهــك صراحه ماقصـرت مع الأعضاء

الا قــول بخصوص الذهب لازم أدفع كم يعني؟؟


:)

بولينجر
16-04-2008, 10:58 PM
للأسف ما قدرت أعدل الرد اللي فوق....

المفروض تكون هالصورة الصورة الثانية....

http://www.uploadgeek.com/uploads456/0/travian%20how%20to%20buy%20gold5.jpg

والأسعار كما هو واضح باليورو....

الأسعار:

30 ذهب: 1.99 يورو
100 ذهب: 4.99 يورو
250 ذهب: 9.99 يورو
600 ذهب: 19.99 يورو


أخوي سداوي بالنسبة لسؤالك الذهب مب لازم تشتريه.....لكن هو يسهل اللعبة ويعطيك مميزات مثل إنهاء أوامر البناء والتطوير فورا يعني يريحك من الإنتظار... وبعد زيادة الإنتاج للمواد الخام بنسبة 25% وزيادة قوة الدفاع والهجوم بنسبة 10% وخريطة أكبر ومميزات أخرى بعد....:nice:

عفريت ^ كشخه
16-04-2008, 10:59 PM
يســـتوي انا اسوي تحالف ويا ربعي

بدون مانضم ويا حد

بولينجر
16-04-2008, 11:16 PM
يســـتوي انا اسوي تحالف ويا ربعي

بدون مانضم ويا حد
أكيد أخوي عفريت كشخة...

أول شيء قرروا من يكون رئيس الحلف....

رئيس الحلف يطور السفارة عنده باستمرار لزيادة استيعاب الحلف للأعضاء....

كل مستوى للسفارة يسمح بزيادة 3 أعضاء للحلف.... وحتى المستوى 20 للسفارة واللي يسمح بـ60 عضو للحلف..

طبعا هالشيء بيستهلك موارد كثيرة وبالتالي لازم ينتبه من هالناحية إن مافي مجال يطور في المباني الأخرى وخصوصا المباني العسكرية.... يعني باستمرار بيحتاج تعزيزات من أعضاء الحلف من جنود الدفاع في قريته....

ونصيحتي هي الانضمام لحلف قوي متحالف مع تحالفات عدة لأن اللعبة لعبة جماعية ويبيلها قوة كبيرة للتغلب على الناتار وما يكفي حلف واحد للقضاء عليهم....

hamoor4ever
17-04-2008, 03:17 PM
اخوي انا سويت تحالف مع شخص شستفيد الحين من هالشي ،، وبعدين اذا حبيت اطلع من التحالف اقدر ،، وابغي استفسر انا واحد هاجمني بس شلون ادافع عن نفسي وشلون اقدر اهاجم معليش تحملني ياخوك ادمنت اللعبه والسبه انت خخخخخ
ساعدنيييييي

بولينجر
17-04-2008, 04:54 PM
اخوي انا سويت تحالف مع شخص شستفيد الحين من هالشي ،، وبعدين اذا حبيت اطلع من التحالف اقدر ،، وابغي استفسر انا واحد هاجمني بس شلون ادافع عن نفسي وشلون اقدر اهاجم معليش تحملني ياخوك ادمنت اللعبه والسبه انت خخخخخ
ساعدنيييييي
أخوي بالنسبة للتحالف بيفيدك كثير.....يعني لو مثلا احتجت تعزيز عندك اطلب وبيجيك من أعضاء التحالف....أو احتجت موارد (لا تطلب كثير) بيجيك....أو إذا كان في حرب ما تروح قريتك فيها.... يعني اللعبة من غير تحالفات ماتصلح....بس أكيد تقدر تطلع من أي تحالف إذا ماتبيه لكن ما أنصح أبدا بهالحركة لأنهم يمكن يهجمون عليك بعد 3 أيام ويخلصون على قريتك....:eek5:

بالنسبة للدفاع لازم يكون عندك جنود للدفاع عن قريتك.... طبعا هذا حسب قبيلتك.... وأقواهم في الدفاع هم الإغريق... لكن لكل قبيلة جنود مهاجمين ومدافعين.... إذا تبي تكثر من الدفاع كثر من جنود الدفاع ...وإذا انت من النوع المهاجم كثر من جنود الهجوم....قول لي نوع قبيلتك وبأقول لك جنود الدفاع اللي تقدر تطلعهم

نفس الشيء بالنسبة للهجوم....إذا عندك جنود للهجوم تقدر تهاجم....بس انتبه لعدد السكان للقرية اللي تبي تهاجمها....إذا أقل منك تقدر تهاجمه لأن احتمال وجود جنود عنده أكثر من جنودك قليل....أما إذا سكانه أكثر من سكانك انسى تهاجمه...أكيد بتخسر جنودك..... وإذا هاجمك واحد وتبي تهاجمه اضغط على السيفين اللي بالأحمر وبيطلع لك من يهاجمك....اضغط على اسمه واهجم عليه....

وأنا مبسوط إن في حد أدمن اللعبة معاي :nice: خخخخخخ

hamoor4ever
17-04-2008, 06:15 PM
مشكور الشيخ ماقصرت ع الشرح الوافي وانا قبيلتي هي االاغريق

بولينجر
17-04-2008, 06:58 PM
مشكور الشيخ ماقصرت ع الشرح الوافي وانا قبيلتي هي االاغريق
جنود الدفاع:

الكتيبة - مشاة
فرسان السلت - خيل
فرسان الهيدوانر (دفاع وهجوم) - خيل

وبالنسبة للهجوم:

فرسان السيف (مبارز) - مشاة
رعد الجرمان - خيل
محطمة الابواب الخشبية
المقاليع الحربية

هذا شرح مختصر والشرح المفصل موجود في أحد ردودي سابقا

وأفضل سلاح طبعا قبل أي هجوم هو المستكشف (الجاسوس)
يعلمك بكل الموارد والقوات والتحصينات اللي في القرية اللي تبي تهاجمها.... طبعا كلما كثرت منه ما درى بك صاحب القرية اللي تتجسس عليها...

يعني

عدد جواسيسك=عدد جواسيسه : درى بك وقتل بعض جواسيسك
عدد جواسيسه أكثر من عدد جواسيسك : قتل كل جواسيسك :(
عدد جواسيسك أكثر من عدد جواسيسه : تجسست عليه ولا درى بك وردوا جواسيسك سالمين :nice:

وبالتوفيق أخوي هامور فور ايفر

واحد في حاله
17-04-2008, 07:53 PM
اخوي بولينجر ممكن كم استفسار

انا توني بادي اللعبه وعدد سكاني 73 والاحظ الانتاج ينقص عندي يعني قبل كان القمح 40 في الساعه الحين صار 6 !!؟ شسالفه :eek5:

http://www.qatarshares.com/vb/attachment.php?attachmentid=27683&stc=1&d=1208450347

وممكن شرح بسيط عن الي عليهم دائره لان اشوف انتاج القمح عندي تمام شلون 6 في الساعه !

وشنو يعني استهلاك القمح

مع ان كل حقول القمح عندي المستوى 3 الا واحد المستوى 2

وسوؤال اخير :D

اللعبه مالها برنامج ع التلفون !؟

بولينجر
17-04-2008, 09:41 PM
اخوي بولينجر ممكن كم استفسار

انا توني بادي اللعبه وعدد سكاني 73 والاحظ الانتاج ينقص عندي يعني قبل كان القمح 40 في الساعه الحين صار 6 !!؟ شسالفه :eek5:

وممكن شرح بسيط عن الي عليهم دائره لان اشوف انتاج القمح عندي تمام شلون 6 في الساعه !

وشنو يعني استهلاك القمح

مع ان كل حقول القمح عندي المستوى 3 الا واحد المستوى 2

وسوؤال اخير :D

اللعبه مالها برنامج ع التلفون !؟
هلا أخوي واحد في حاله....إن شاء الله مبسوط من اللعبة؟ :nice:
أول شيء الصورة مب ظاهرة عندي ياريت ترفعها مرة ثانية على موقع ثاني يمكن تظهر....

بالنسبة لإنتاج القمح....

كل مبنى تبنيه في القرية وكل حقل تطوره من حقولك يزيد من عدد سكانك....
كل شخص منهم أكيد يبي يعيش وياكل....بيستهلك من القمح اللي تنتجه القرية....
كل واحد منهم بياكل (قمحة) وحدة.... والجنود بعضهم ياكل قمحة وبعضهم ياكل أكثر (2-4)....
علشان تطعم هالأفواه الجائعة :eek5: لازم تطور من حقول القمح عندك....
يعني بعد تطوير كل حقل من الثلاث أنواع الثانية...طور لك حقل قمح....توازن الانتاج شوي...
وعندك كل مبنى او حقل لما تجي تطوره بيطلع لك - جنب المواد الخام المطلوبة - قمح عليه X يعني استهلاك القمح يعني عدد السكان اللي بيزيد عندك....شوف الصورة وبتعرف

http://img01.picoodle.com/img/img01/4/4/17/f_travianpopm_467b74c.jpg (http://www.picoodle.com/view.php?img=/4/4/17/f_travianpopm_467b74c.jpg&srv=img01)


شيء ثاني مهم جدا بالنسبة لاستهلاك القمح...

لا تخلي انتاج القمح يصير بالسالب...لأن معناها جنودك بيموتون وسكانك بيموتون....إذا واجهت هالمشكلة وعندك جنود متعبينك بأكلهم....أرسلهم تعزيز (مساندة) لأقرب واحد من تحالفك واستأذنه قبل...لأن يمكن قمحه مايكفي جنودك ويموتون عنده :eek5:

أما اللعبة هي لعبة على متصفح ما يبيلها برنامج...يعني لو تليفونك يفتح صفحات الانترنت بشكل مريح وواضح مب مضغوط تقدر تفتح فيها اللعبة وتلعبها....اللي أعرفه بعد إنها تحتاج الجافا....تأكد إن الجوال عندك يدعم الجافا بعد...ماعندي فكرة كثير عن الجوالات

إن شاء الله يكون الشرح واضح :nice:

سداوي&مدريدي
17-04-2008, 11:59 PM
والله ماقصــرت أخــوي بولينـجر

عساك على القــوه ان شــاء الله

:)

واحد في حاله
18-04-2008, 12:27 AM
http://www.uploadgeek.com/uploads456/364/untitled.bmp



كفيت ووفيت اخووي بولينجر :nice:

يعني اي شي اطوره يطلب مني كمية قمح مع نسبة استهلاك للقمح

وهالسكان يامال الضعفه كل ساعه ياكون

والي اقصده في الصوره شلون عندي هالكميه من القمح وانا مانتج الا 6 في الساعه

انا العبها على الجوال بس بالمتصفح مال الجوال ولقيت لها برنامج بس ماشتغل

شكلي يبيلي سنه على ماطور القريه :rolleyes2:

ROSE
18-04-2008, 12:34 AM
http://www.uploadgeek.com/uploads456/364/untitled.bmp



كفيت ووفيت اخووي بولينجر :nice:

يعني اي شي اطوره يطلب مني كمية قمح مع نسبة استهلاك للقمح

وهالسكان يامال الضعفه كل ساعه ياكون

والي اقصده في الصوره شلون عندي هالكميه من القمح وانا مانتج الا 6 في الساعه

انا العبها على الجوال بس بالمتصفح مال الجوال ولقيت لها برنامج بس ماشتغل

شكلي يبيلي سنه على ماطور القريه :rolleyes2:



يعطيك العافية بولينجر ماشاء الله عليك ماقصرت والله

انا اخواني وولد اختي واختي وكل الاهل من عرفوا اللعبه عن طريقك وهم يلعبونها

الا انا اشوفهم بس اخاف ابتدي معاهم واندمج اكثر من الجهاز

امس ولد اختي ذابح ربعه من اليوع ولا مطرشهم يغزون قرية فاضية

وواحد مات بالطريج ومعصب ليش مات اقول له ذابحه من اليوع وتبيه يعيش بعد

عساك ع القوه اخوي

بولينجر
18-04-2008, 01:13 AM
والله ماقصــرت أخــوي بولينـجر

عساك على القــوه ان شــاء الله

:)
الله يعافيك ويقويك أخوي سداوي :nice:

الخيميائي
18-04-2008, 01:20 AM
كل مااستمرت اللعبة التطوير يصير اصعب وخصوصا لما تشوف تصنيفك ثابت على 3500 والى فوقك صار عدد السكان بالالاف :p

بولينجر
18-04-2008, 01:24 AM
http://www.uploadgeek.com/uploads456/364/untitled.bmp



كفيت ووفيت اخووي بولينجر :nice:

يعني اي شي اطوره يطلب مني كمية قمح مع نسبة استهلاك للقمح

وهالسكان يامال الضعفه كل ساعه ياكون

والي اقصده في الصوره شلون عندي هالكميه من القمح وانا مانتج الا 6 في الساعه

انا العبها على الجوال بس بالمتصفح مال الجوال ولقيت لها برنامج بس ماشتغل

شكلي يبيلي سنه على ماطور القريه :rolleyes2:
أخوي الله يسلمك بالنسبة لإنتاج القمح اللي ظاهر في الصورة:

القمح اللي عليه X يعني كمية الاستهلاك من مجموع إنتاج القرية للقمح

يعني قريتك تنتج 84 قمح في الساعة

السكان والجنود ياكلون منها 78 في الساعة

يصفى لك منها 6 قمح في الساعة وهي اللي تبقى لك تخشها في المخزن لاستخدامات التطوير والتدريب

المخزن عندك فيه 915 قمح

ويستوعب 2300 قمح

في حال زاد الإنتاج عن طاقة المخزن يتوقف الإنتاج....

طبعا في حالتك أكيد مطول....6 قمح في الساعة ضرب 24 ساعة يطلع 144 قمح كل يوم

وطبعا لازم تحاول رفع إنتاج القمح وتخليه أولوية لك...يعني خله يوصل 20 وبعدين طور شوي في المباني وارجع طور قمح....

في حال - لا سمح الله - وصل الإنتاج بالسالب

السكان والجنود بيبتدون ياكلون الموجود في المخزن لين يصفرونه...وبعدين يموتون....

إن شاء الله يكون شرحي واضح :nice:

بولينجر
18-04-2008, 01:30 AM
يعطيك العافية بولينجر ماشاء الله عليك ماقصرت والله

انا اخواني وولد اختي واختي وكل الاهل من عرفوا اللعبه عن طريقك وهم يلعبونها

الا انا اشوفهم بس اخاف ابتدي معاهم واندمج اكثر من الجهاز

امس ولد اختي ذابح ربعه من اليوع ولا مطرشهم يغزون قرية فاضية

وواحد مات بالطريج ومعصب ليش مات اقول له ذابحه من اليوع وتبيه يعيش بعد

عساك ع القوه اخوي
هلا والله بأختي روز....نور الموضوع :nice:

الظاهر إنه أرسل جندي واحد بروحه...صح؟ أي جندي بروحه بيموت....ماعنده ونسة في الطريق :tease:

بإنتظار إدمانج للعبة....:nice:

بولينجر
18-04-2008, 01:32 AM
كل مااستمرت اللعبة التطوير يصير اصعب وخصوصا لما تشوف تصنيفك ثابت على 3500 والى فوقك صار عدد السكان بالالاف :p
:eek5:
:eek5: :eek5:
:eek5: :eek5: :eek5:
:eek5: :eek5: :eek5: :eek5:
:eek5: :eek5: :eek5: :eek5: :eek5:

أقول أخوي الخيميائي....حول على السيرفر الثالث...متى مالقيت ثغرة فيه درعم وسجل....أنا مرتبتي في أول 1000 ومريح على الآخر

الخيميائي
18-04-2008, 01:33 AM
:eek5:
:eek5: :eek5:
:eek5: :eek5: :eek5:
:eek5: :eek5: :eek5: :eek5:
:eek5: :eek5: :eek5: :eek5: :eek5:

أقول أخوي الخيميائي....حول على السيرفر الثالث...متى مالقيت ثغرة فيه درعم وسجل....أنا مرتبتي في أول 1000 ومريح على الآخر

وابدأ من اول وجديد

خلني على مينوني احسن :tease:

شكلي بشتري الذهب وبسرع العملية :p

بولينجر
18-04-2008, 01:42 AM
وابدأ من اول وجديد

خلني على مينوني احسن :tease:

شكلي بشتري الذهب وبسرع العملية :p
أنا شريت وارتحت الحمدلله....إلا كم قرية عندك؟

الخيميائي
18-04-2008, 01:47 AM
أنا شريت وارتحت الحمدلله....إلا كم قرية عندك؟

في السيرفر الثاني قريتين وحده 600 والثانية 200 وشوي والقصر في المستوى 9 يعني باقي لي مستوى ونطلع منه 3 مستوطنين ونبدأ القرية رقم 3 ان شاء الله :p

بولينجر
18-04-2008, 01:49 AM
في السيرفر الثاني قريتين وحده 600 والثانية 200 وشوي والقصر في المستوى 9 يعني باقي لي مستوى ونطلع منه 3 مستوطنين ونبدأ القرية رقم 3 ان شاء الله :p
تماااااااااام :victory:

الحين عندي 3 قرى وواحة....بس أحس نفسي فقيييييييييير خخخخخخ

إن شاء الله قريب أطلع لي قرية رابعة :nice:

سداوي&مدريدي
18-04-2008, 05:46 PM
هـــلا أخــوي بوليــنجر

عندي ســؤاليين

الســؤال الأول

كيف أزيد عدد سكاني بأســرع وقــت ؟؟

الســؤال الثــاني

شلون أعــرف التحــالف الي في المراتب العلويه فقط اول 30 تحالف

شلون اعرفهم ؟؟

:)

بولينجر
18-04-2008, 06:34 PM
هـــلا أخــوي بوليــنجر

عندي ســؤاليين

الســؤال الأول

كيف أزيد عدد سكاني بأســرع وقــت ؟؟

الســؤال الثــاني

شلون أعــرف التحــالف الي في المراتب العلويه فقط اول 30 تحالف

شلون اعرفهم ؟؟

:)
هلا أخوي سداوي....:nice:

جواب السؤال الأول :D

السكان ممكن تزيدهم بالتطوير والبناء....طبعا بعض الحقول مثل الحديد يعطيك سكان أكثر والقمح في المستويات المنخفضة مايعطيك ولا حد.... بعد المباني بعضها يعطيك واحد بس وبعضها أكثر خصوصا المباني العسكرية....تقدر تشيك على كل مبنى وعدد السكان اللي بيعطيك إياه قبل تنفيذ أمر البناء....يعني عندك استهلاك القمح جنب المواد الخام المطلوبة (قمح عليه X أحمر) هو عدد السكان اللي بيزيدون عندك لما تبني أو تطور....

إذا عندك ذهب تقدر تنهي أوامر البناء والتطوير فورا (ممكن يكون أمرين في نفس الوقت لمستخدمي بلاس) وبالتالي يزيدون السكان بسرعة ومايحدك إلا مواردك :victory:


جواب السؤال الثاني :D

سهل إن شاء الله....شوف الصورة وبتعرف :nice:

http://img37.picoodle.com/img/img37/4/4/18/f_travianallim_f05b8dd.jpg (http://www.picoodle.com/view.php?img=/4/4/18/f_travianallim_f05b8dd.jpg&srv=img37)

وبعدها اضغط تمام....:nice:

بولينجر
18-04-2008, 09:35 PM
:nice::nice::nice: شرح تاجر المبادلة npc بالصور :nice::nice::nice:

تاجر المبادلة هو تاجر يساعدك على تبادل موادك الخام الفائضة عن حاجتك بالمواد اللي تكون بحاجة لها وفورا بدون الانتظار لقبول عرضك من السوق وانتظار التجار...طبعا لأنه (يهودي):secret: ياخذ عليك 3 من الذهب....هو مفيد في الأوقات الحرجة:telephone:



http://img02.picoodle.com/img/img02/4/4/18/f_traviannpc1m_a610b10.jpg (http://www.picoodle.com/view.php?img=/4/4/18/f_traviannpc1m_a610b10.jpg&srv=img02)




http://img34.picoodle.com/img/img34/4/4/18/f_traviannpc2m_f4473ef.jpg



إن شاء الله يكون الشرح واضح :nice:




(http://www.picoodle.com/view.php?img=/4/4/18/f_traviannpc2m_f4473ef.jpg&srv=img34)

hamoor4ever
18-04-2008, 11:25 PM
اخوي بسألك ،، شلون اسوي اكبر من الثكنه ،، لانه ابي اطور جنودي بس يبغي مني اعقتد مصنع حديد شلون اسويهم ،، لان طورت الثكنه للمستوى الثاني بس نفس الشي مافيه شي جديد

وثاني شي اذا عندي اسرى شلون استفيد منهم ؟؟

بولينجر
19-04-2008, 12:59 AM
اخوي بسألك ،، شلون اسوي اكبر من الثكنه ،، لانه ابي اطور جنودي بس يبغي مني اعقتد مصنع حديد شلون اسويهم ،، لان طورت الثكنه للمستوى الثاني بس نفس الشي مافيه شي جديد

وثاني شي اذا عندي اسرى شلون استفيد منهم ؟؟






كنت بسألك من أي قبيلة انت.....بس لما قلت شلون تستفيد من الأسرى على طول عرفت إنك إغريقي :D

المهم....

السؤال عن تطوير الجنود وإلا عن استخراج أنواع جديدة منهم؟

في حال إنك تبي تدرب جنود في وقت أقصر...طور الثكنة لمستويات أعلى....كل مستوى ينقص الوقت

أما إذا تبي تطلع أنواع جديدة من الجنود...لازم تطور مباني معينة كشروط مسبقة للحصول على هالجنود

شرح بسيط لكل نوع من أنواع جنود الإغريق + شروطه:


الكتيبة: جنود دفاع مشاة وموجودين في الثكنة من غير أي شرط مسبق.



المبارز: جنود هجوم مشاة-مكان التدريب: الثكنة
الشروط: الأكاديمية مستوى 1 + الحداد مستوى 1 + [بحث في الأكاديمية]
(شرط الأكاديمية: المبنى الرئيسي مستوى 1 + الثكنة مستوى 3) (شرط الحداد:المبنى الرئيسي مستوى 3 + الأكاديمية مستوى 3)



المستكشف: جاسوس (أسرع جاسوس في اللعبة)-مكان التدريب: الاسطبل
الشروط: الأكاديمية مستوى 5 + الاسطبل مستوى 1 + [بحث في الأكاديمية]
(شرط الأكاديمية: المبنى الرئيسي مستوى 1 + الثكنة مستوى 3) (شرط الاسطبل:الحداد مستوى 3 + الأكاديمية مستوى 5)



رعدالجرمان: فارس هجوم-مكان التدريب: الاسطبل
الشروط: الأكاديمية مستوى 5 + الاسطبل مستوى 3 + [بحث في الأكاديمية]
(شرط الأكاديمية: المبنى الرئيسي مستوى 1 + الثكنة مستوى 3) (شرط الاسطبل:الحداد مستوى 3 + الأكاديمية مستوى 5)



فرسان السلت: فرسان دفاع-مكان التدريب: الاسطبل
الشروط:الأكاديمية مستوى 5 + الاسطبل مستوى 5 + [بحث في الأكاديمية]
(شرط الأكاديمية: المبنى الرئيسي مستوى 1 + الثكنة مستوى 3) (شرط الاسطبل:الحداد مستوى 3 + الأكاديمية مستوى 5)



فرسان الهيدوانر: فرسان هجوم ودفاع أقوياء-مكان التدريب: الاسطبل
الشروط:الأكاديمية مستوى 15 + الاسطبل مستوى 10 + [بحث في الأكاديمية]
(شرط الأكاديمية: المبنى الرئيسي مستوى 1 + الثكنة مستوى 3) (شرط الاسطبل:الحداد مستوى 3 + الأكاديمية مستوى 5)



محطمة الأبواب الخشبية: لتدمير سور القرية-مكان التدريب: المصانع الحربية
الشروط: الأكاديمية مستوى 10 + المصانع الحربية مستوى 1
(شرط الأكاديمية: المبنى الرئيسي مستوى 1 + الثكنة مستوى 3) (شرط المصانع الحربية:المبنى الرئيسي مستوى 5 + الأكاديمية مستوى 10)



المقلاع الحربي: لتدمير عدة أهداف في القرية--مكان التدريب: المصانع الحربية
الشروط: الأكاديمية مستوى 15 + المصانع الحربية مستوى 10
(شرط الأكاديمية: المبنى الرئيسي مستوى 1 + الثكنة مستوى 3) (شرط المصانع الحربية:المبنى الرئيسي مستوى 5 + الأكاديمية مستوى 10)


بالنسبة للأسرى ماتقدر تستفيد منهم إلا في حالة واحدة: إنك تتفاوض مع صاحبهم إن يدفع لك موارد مقابلهم بس اطلب منه يدفع لك انتاج الساعة بس...لاتستقبل (أو ترسل) موارد كثير لأنه يعرضك للإيقاف. في حال إنه مارضى بأي مفاوضات...توقع هجوم ثاني منه يخلص جنوده أو ممكن تتفاجأ إنه قتلهم وهم عندك....
أساسا الأفخاخ موجودة لصد الهجمات وتخلي المهاجم يفكر كذا مرة قبل هجومه على أي إغريقي....في المراحل المتقدمة والجيوش الكبيرة صدقني الصياد ماله فايدة....ينفعك بس الحين


هذا شرح مختصر وأتمنى إنه يكون واضح :nice:

سداوي&مدريدي
19-04-2008, 01:04 AM
:nice::nice::nice: شرح تاجر المبادلة npc بالصور :nice::nice::nice:

تاجر المبادلة هو تاجر يساعدك على تبادل موادك الخام الفائضة عن حاجتك بالمواد اللي تكون بحاجة لها وفورا بدون الانتظار لقبول عرضك من السوق وانتظار التجار...طبعا لأنه (يهودي):secret: ياخذ عليك 3 من الذهب....هو مفيد في الأوقات الحرجة:telephone:



http://img02.picoodle.com/img/img02/4/4/18/f_traviannpc1m_a610b10.jpg (http://www.picoodle.com/view.php?img=/4/4/18/f_traviannpc1m_a610b10.jpg&srv=img02)




http://img34.picoodle.com/img/img34/4/4/18/f_traviannpc2m_f4473ef.jpg



إن شاء الله يكون الشرح واضح :nice:




(http://www.picoodle.com/view.php?img=/4/4/18/f_traviannpc2m_f4473ef.jpg&srv=img34)

تســلم يالـزعيم

بولينــجر

لاهنت أخــــوي

وعساك على القوه

:nice:

بولينجر
19-04-2008, 03:28 AM
تســلم يالـزعيم

بولينــجر

لاهنت أخــــوي

وعساك على القوه

:nice:
الله يسلمك ويقويك أخوي سداوي...إن شاء الله تستفيد من الشرح :nice:

سداوي&مدريدي
19-04-2008, 06:01 PM
مســاء الورد المفعم بالياسمين

بولينــجر

تخيــل رئيس التحــالف خسس فينا

خذ كل مواردنا وشــرد

في هذي الحــاله شنسوي؟؟

:eek5:

بولينجر
19-04-2008, 06:10 PM
مســاء الورد المفعم بالياسمين

بولينــجر

تخيــل رئيس التحــالف خسس فينا

خذ كل مواردنا وشــرد

في هذي الحــاله شنسوي؟؟

:eek5:
مساء الخزامى....هلا أخوي سداوي....:D

مايقدر ياخذ كل مواردكم!!! شلووووون؟؟؟؟

يعني الموارد عندكم انتوا اللي بتعطونه بإرادتكم....

واحتمال كبير يطلب منكم موارد علشان يطور السفارة عنده....

كلما تطورت السفارة يقدرون أعضاء أكثر ينضمون للتحالف....

اشرحي لي أكثر اللي في بالك!!!

سداوي&مدريدي
19-04-2008, 06:17 PM
مساء الخزامى....هلا أخوي سداوي....:D

مايقدر ياخذ كل مواردكم!!! شلووووون؟؟؟؟

يعني الموارد عندكم انتوا اللي بتعطونه بإرادتكم....

واحتمال كبير يطلب منكم موارد علشان يطور السفارة عنده....

كلما تطورت السفارة يقدرون أعضاء أكثر ينضمون للتحالف....

اشرحي لي أكثر اللي في بالك!!!

ياعيني على الخــزامي ,,,, عجيب

الي فبالي الله يســلمك

لو طلب منا موارد عشان يطور الســفاره على قولته

واحنا المساكين على نياتنا طرشناله كل المــوارد

في النهــايه هو لا طور سفاره ولا شي

شل عليه مع كل مواردنا هههههههههه

هني الكــلام احنا شبنسوي؟

:rolleyes2:

بولينجر
19-04-2008, 07:01 PM
ياعيني على الخــزامي ,,,, عجيب

الي فبالي الله يســلمك

لو طلب منا موارد عشان يطور الســفاره على قولته

واحنا المساكين على نياتنا طرشناله كل المــوارد

في النهــايه هو لا طور سفاره ولا شي

شل عليه مع كل مواردنا هههههههههه

هني الكــلام احنا شبنسوي؟

:rolleyes2:
مب من صالحه إنه ما يطور السفارة.... يعني وش الفايدة إذا ماخلى حلفه قوي وضم له أعضاء أقوياء؟؟؟ هذا ماعنده بعد نظر إذا يبي يفوز في اللعبة.... يعني إذا شوية موارد هي كل همه وإنه يخلي قريته أقوى قرية في السيرفر...تراه يكون سخييييييف.....لأنه في لحظة ممكن قريته تصير رماااااد من هجوم جماعي من أي تحالف معادي وبعدين بيجي بيستنجد بكم ومب محصل له حد يوقف معاه....

الموضوع هذا تحالف جماعي مب تحالف فردي....وإذا حسيت إن في أي مشكلة أو تصرف منه مب عاجبك ناقشه....خصوصا لو مثلا أعلن الحرب لأسباب فردية....لكن مسألة إنه يطلب منكم موارد ترى يا أخوي تتعوض وتنتج غيرها.... لكن هو إن ما استغلها صح ماراح ترتفع مرتبة تحالفكم ويخافون منكم باقي التحالفات ويعملون لكم ألف حساب.....

يعني أخوي سداوي توقع يطلب منكم موارد لحد ماتصير سفارته في المستوى العشرين وبعدها بيوقف....إذا كانت قريته قوية توقع إنه في حالة الحرب بيطلب منكم جنود تعزيز ويمكن موارد لأن العين عليه....وبيحاول العدو إن يدمر قرية رئيس التحالف علشان ينهار التحالف كله ويهتز بدمار قرية الرئيس....المسألة ولاء كلي للتحالف ومساعدة المحتاج من الأعضاء اللي معاك....ومثل ما إنت تساعدهم بيساعدونك وبيفزعون لك....والرئيس أولهم :victory:

يكفيك ثقة فيه إنه عطاك منصب وزير الخارجية...تراه منصب كبير ومصيري....بيدك إعلان الحرب مثل ماهو بيده....وبيدك تنهيها....أوامرك مطاعة في الحلف....تراك شييييييخ عندهم :nice:

سداوي&مدريدي
19-04-2008, 07:44 PM
مب من صالحه إنه ما يطور السفارة.... يعني وش الفايدة إذا ماخلى حلفه قوي وضم له أعضاء أقوياء؟؟؟ هذا ماعنده بعد نظر إذا يبي يفوز في اللعبة.... يعني إذا شوية موارد هي كل همه وإنه يخلي قريته أقوى قرية في السيرفر...تراه يكون سخييييييف.....لأنه في لحظة ممكن قريته تصير رماااااد من هجوم جماعي من أي تحالف معادي وبعدين بيجي بيستنجد بكم ومب محصل له حد يوقف معاه....

الموضوع هذا تحالف جماعي مب تحالف فردي....وإذا حسيت إن في أي مشكلة أو تصرف منه مب عاجبك ناقشه....خصوصا لو مثلا أعلن الحرب لأسباب فردية....لكن مسألة إنه يطلب منكم موارد ترى يا أخوي تتعوض وتنتج غيرها.... لكن هو إن ما استغلها صح ماراح ترتفع مرتبة تحالفكم ويخافون منكم باقي التحالفات ويعملون لكم ألف حساب.....

يعني أخوي سداوي توقع يطلب منكم موارد لحد ماتصير سفارته في المستوى العشرين وبعدها بيوقف....إذا كانت قريته قوية توقع إنه في حالة الحرب بيطلب منكم جنود تعزيز ويمكن موارد لأن العين عليه....وبيحاول العدو إن يدمر قرية رئيس التحالف علشان ينهار التحالف كله ويهتز بدمار قرية الرئيس....المسألة ولاء كلي للتحالف ومساعدة المحتاج من الأعضاء اللي معاك....ومثل ما إنت تساعدهم بيساعدونك وبيفزعون لك....والرئيس أولهم :victory:

يكفيك ثقة فيه إنه عطاك منصب وزير الخارجية...تراه منصب كبير ومصيري....بيدك إعلان الحرب مثل ماهو بيده....وبيدك تنهيها....أوامرك مطاعة في الحلف....تراك شييييييخ عندهم :nice:

الحين أقتنعت

وعلى فكه انا عندي اكثر من نك نيم

نك في السيرفر السادس

ونك في السيرفر التاسع والسابع والثامن

بس الأهتمام الأكبر الي في السيرفر السادس والتاسع

عموما تســلم لي بولينــجر على المعلومات

ولي رجعه مره ثانيه

:)

بولينجر
19-04-2008, 08:35 PM
الحين أقتنعت

وعلى فكه انا عندي اكثر من نك نيم

نك في السيرفر السادس

ونك في السيرفر التاسع والسابع والثامن

بس الأهتمام الأكبر الي في السيرفر السادس والتاسع

عموما تســلم لي بولينــجر على المعلومات

ولي رجعه مره ثانيه

:)
الله يسلمك أخوي سداوي :victory:

وبانتظار رجعتك :nice:

عفريت ^ كشخه
20-04-2008, 03:29 AM
سداوي مدريدي

ترا توة السد ماخذ بطولة يعني ماعزمتنا على عشا

بس مايحتاي عشااا بس ابي منك موااارد خخخخخخ


مشكلة واللة حالت طفرة

يالربع يقلون انة اذا وصل عدد سكاني 70 يعطوني ذهب ببلاش صج؟؟؟

بولينجر
20-04-2008, 03:38 AM
هلا أخوي مريش :nice:

في عدة طرق أخوي لشراء الذهب....

أول شيء اضغط على ترافيان بلس

http://www.uploadgeek.com/uploads456/0/travian%20how%20to%20buy%20gold.jpg


وبعدها


http://www.uploadgeek.com/uploads456/0/travian%20how%20to%20buy%20gold2.jpg


وهذا مثال للشراء عن طريق الفيزا...


http://www.uploadgeek.com/uploads456/0/travian%20how%20to%20buy%20gold3.jpg


أو بالإمكان الحصول على الذهب مجانا عن طريق التسجيل عن طريق رابطك الخاص
(20 من الذهب عن كل شخص يسجل عن طريقك ويصل سكانه إلى 75)

مثل هالصورة

http://www.uploadgeek.com/uploads456/0/travian%20how%20to%20buy%20gold4.jpg

أتمنى يكون الشرح واضح :nice:



أخوي عفريت شوف آخر صورة....

لما حد يسجل عن طريقك (رابطك) ويوصل سكان قريته لـ 75 بتحصل على 20 من الذهب....

عفريت ^ كشخه
20-04-2008, 03:52 AM
ايوااااااااااااااااا

الحين فهممممممممممممت

يزاك اللة خير

بولينجر
20-04-2008, 04:15 AM
ايوااااااااااااااااا

الحين فهممممممممممممت

يزاك اللة خير
ويجزاك بمثله أخوي عفريت....الحمدلله إن المعلومة وصلت :nice:

جرح الزمان
20-04-2008, 08:17 AM
اخوي بلونجير ايش فايدة تحسين الجاسوس والجنود ؟

وسؤال ثاني تحملنا بنسدرك السور يفيد في الدفاع عن القريه ؟ حالياً عندي السور في المستوى 5

بولينجر
20-04-2008, 05:33 PM
اخوي بلونجير ايش فايدة تحسين الجاسوس والجنود ؟

وسؤال ثاني تحملنا بنسدرك السور يفيد في الدفاع عن القريه ؟ حالياً عندي السور في المستوى 5







باختصار....الجاسوس والجنود تطويرهم يقويهم والسور مهم جدا لتقوية الدفاع

ونقلت لك أخوي جرح الزمان هالمعلومات لأنها بتفهمك الموضوع أكثر....:nice:


هناك اساسيات للدفاع و اساسيات للهجوم
لن تضمن لك النجاح بالطبع .. لكن تضمن لك التفوق التكتيكي في الحرب ..


بسم الله نبدأ ..

كيف تنشأ الهزيمه؟؟
ان نسبه الهزيمه لا تعتمد علي قوه المهاجم .. بل تعتمد علي ضعف الدفاع او عدم درايه اللاعب بطريقه الدفاع الافضل

كبدايه من اساسيات الهجوم و الدفاع
النقطة الأولي..

الجواسيس

أغلب الاعبين الجدد يطورون وحده تجسس واحده ..و منهم من يظنها وحده مقاتله فينتجد عدد كبير منها و يهاجم بهم ولا يستفيد طبعا ..
ملاحظه: هجوم وحدات التجسس صفر (لا تصلح للهجوم بتااتاااااا)

نكمل..
وحدات التجسس تختلف من قبيله الي اخري:

1-فرقة تجسس
و هو خاص قبيله الرومان و هوا متوسط السرعه هجومه صفر ... دفاعه ضعيف

2-المستكشف
و هو خاص قبيله الاغريق لكنه اسرع متجسس هجومه صفر و دفاعه ضئيل ايضا

3-الكشاف
و هو الجاسوس الجرماني ..أبطأ الجواسيس .. و هجومه صفر .. و دفاعه يكاد لا يذكر

فوائد الجاسوس :
أولا في حاله الهجوم
عندما ترسل الجاسوس او الجواسيس للتجسس
تستطيع معرفه قوات العدو و موارده و هو شيء معروف لدي الجميع ..

لكن في حاله الدفاع فالجاسوس يدافع ضد الجواسيس الاخرين ..
بمعني اذا ارسل احدهم عليك جاسوس و انت لديك جاسوسين .. سيموت جاسوسه و لن يستطيع معرفه مواردك او قواتك

لكن اذا ارسل عليك 50 جاسوس و انتا لديك جاسوس واحد فقط يتجسس عليك و في بعض احيان لن تعرف اساسا
لذلك حافظ علي كثره عدد الجواسيس
و لا تسمع لبعض اراء تقول ان 50 جاسوس تكفي الخ الخ
كلما كبرت قريتك ابني جواسيس معها تماما كما تبني الجيش و تطوره

كذلك من فوائد الجواسيس انه اذا تجسس عليك احدهم ستعرف انه تجسس لتأخذ الحيطه و الحذر ...

النقطه الثانية :

السور او الحاجز الارضي او خلافه
يهمل الكثير من الاعبين السور و يعتبرونه شيء من الكماليات ليس له اهميه ..
هذه خطأ كبير جدا
الحاجز الارضي او ما يعادله في القبائل الاخري
يقوي نسبه الدفاع بشكل ملحوظ ..
و ما يلي نسب القوه حسب القبيله

اولا: حائظ الرومان



مقارنه بين مستوي الحائظ و نسبه الزياده في الدفاع

1 3%
2 6%
3 9%
4 13%
5 16%
6 19%
7 23%
8 27%
9 30%
10 34%
11 38%
12 43%
13 47%
14 51%
15 56%
16 60%
17 65%
18 70%
19 75%
20 81%

لمن لا يفهم النسب
فإن المستوي 20 من الحائظ يزود نسبه دفاعك ب 81%
اي لو كان لديك 100 مدافع .. مع الحائط سيصبحون بقوه 180 مدافع !!

اما الاغريق


1 3%
2 5%
3 8%
4 10%
5 13%
6 16%
7 19%
8 22%
9 25%
10 28%
11 31%
12 34%
13 38%
14 41%
15 45%
16 48%
17 52%
18 56%
19 60%
20 64%
بمعني اذا كان لديك 100 مدافع اغريقي
مع الحائظ مستوي 20 سيصبحو بقوه 164 مدافع

اما الجرمان ..



1 2%
2 4%
3 6%
4 8%
2 10%
6 13%
7 15%
8 17%
9 20%
10 22%
11 24%
12 27%
13 29%
14 32%
15 35%
16 37%
17 40%
18 43%
19 46%
20 49%

من المعروف ان حائط الرومان اقوي دفاع لكنه سهل التدمير يحتاج هدم حائظ روماني مستوي 20 الي 53 كبش
الاغريق دفاعه جيد و قوته جيده ايضا لن يتدمر بسهوله امام الكبش يحتاج هدم حائظ اغريقي مستوي 20 الي 106 كبش
اما الحاجز الارضي للجرمان فيزود الدفاع بنسبه قليله لكنه صعب التدمير يحتاج هدم حائط جرماني مستوي 20 الي 263 كبش

لذلك لا تنسو الحائط ...
كبروه الحائط ولا تخافو (مو حائط مدرسه ما حنحتاج نقفز فوقه في يوم من الايام )


النقطه الثالثه:
التحالف

التحالف في حد ذاته يوفر لك نقطتين في صالحك
الأولي ان المهاجم قد يخشي الهجوم عليك خوفا من تحالفك

الثانيه التعزيزات من تحالفك من حاله الهجوم عليك
و لذلك عليك ان تساعد تحالفك لكي يساعدوك في المستقبل


النقطة الرابعه
الاحتفالات

و هي للمستويات المتقدمه قليلا
لمن لديه قريتين و اكثر
و يخاف عليها من هجوم الزعيم
ابني مبني البلديه و عندما يهاجمك احدهم بزعيم اقم حفله كبيره او صغيره
ستزيد من ولاء القريه و ستصعب احتلالها عليه
و ان كانت هجمه وهميه فلن تخسر الكثر لانك ستأخذ نقاط ثقافيه فلن تذهب الموارد هدرا

النقطه الخامسة
تحليل الهجوم

هناك ثلاث انواع للهجوم في حاله الحرب

1. الهجوم السريع المباشر
و هي تتم بالعاده بشكل مفاجئ بأسرع الوحدات المتاحه غالبا بالاحصنه لمفاجأه الخصم لكي لا يستعد للدفاع
2. الهجومات الوهميه
و تستعمل بعده طرق ..
الأولي : عند الهجوم علي شخص لديه قريتين و اكثر .. ترسل هجوم بكامل الجيش علي قريه من قراه .. و ترسل هجوم وهمي من جندي واحد علي باقي القري
و احرص ان يكونو كلهم هجوم كامل , بهذا الشكل لن يعرف المدافع اين يضع دفاعه و في اي قريه يخبأ الموارد ..
الحاله الاخري عندما تريد ان تهاجم شخص في تحالف متوسط القوه لكنك لكنك لا تستطيع مواجهه الحلف لوجود شخص اخر قوي فيه
ارسل هجومك علي الهدف و ارسل جندي واحد علي الشخص الاخر القوي في الحلف لكي بنشغل بالدفاع عوضا عن ارسال هجمه عكسيه عليك تخسر فيها
الكثير .. و عنما يكتشف انها هجمه وهميه ستكون قواتك قد عادت لك و مستعده للدفاع

3 -احتلال القري
احتلال القري بالعاده يتم عن طريق عده هجمات متتابعه
و لدي خطه اتبعها في الإحتلال ان ابخل بها عليكم
لكنها تحتاج الي دقه في التوقيت
مثال:
لدينا شخص لديه قريتين .. احداهم عاصمه و الاخري عاديه
تجسس عليه و اعرف اين يحتفظ بقواته

ترسل 4 هجومات وهميه علي العاصمه كل واحد بجندي و الاخيره بمدافع و تكون كلها هجوم كامل
سيقوم هو بحمايه العاصمه علي الاغلب و اذا لم يقم فجيد ايضا

و ترسل 3 هجومات علي القريه الاخري المراد احتلالها لان العاصمه لا يمكن احتلالها طبعا
الهجمه الأولي عباره عن كل جيشك من جنود و احصنه ليقتل كل المدافعين ن +أكبر عدد ممكن من المقاليع و محطمه الابواب و اختر هدم السكن

الهجمه الثانيه و الثاله ارسل فيها زعيم + قوه مناسبه من الجيوش حسب قوه الخصم لكي لا يموت الزعيم

نأتي للأن للجزء الاهم التوقيت لكي تضمن الفوز
يجب ان نراعي سرعات القوات

بالترتيب
ارسل هجوم المدافع الوهمي علي العاصمه
ثم ارسل بعده بدقائق ثلاث هجومات وهميه ايضا علي العاصمه بجندي واحد مهاجم

ارسل الجيش كله علي القريه الاخري
و انتظر النتائج
اذا قام جيشك بقتل جميع جيوشه فورا ارسل
الزعيم مصحوبا بكتيبه من الجنود و الاحصنه تتناسب مع قوه الخصم علي هجمتين او ثلاث و القريه اصبحت لك
و من اللحظه الاولي ابني السكن فورا و ضع في القريه كميه جيده من المدافعين

و في حاله ان الجيوش كانت بالعاصمه و لم تقتل انتظر عوده جيشك و ارسله مره اخري علي القريه نفسها
لانه سيخاف علي القريه الاخري و سيدافع عنها
اقتل الجيش و مبروك علي القريه و انشأ السكن و اهتم ان تدمر قريته الاخري لكي لا يطمع فيك مره اخري ..

و الان نعود للدفاع مره اخري
خطه للتغلب علي خصمك بطريقه ممتازه ..لكنها للمستويات المتقدمه فإذا كنت مبتدأ لا تغلب نفسك بقرائتها
او اقرأها للمستقبل
اسميها (خطه الاختناق)
في حاله الهجومات البعيده عندما يهجم عليك احدهم من بعد 50-80 ساعه اتبع هذه الخطه
المتطلبات :
1-حلف قوي
2-مستوي تعاون عالي بين الحلف
3-شخص من حلفك مجاور للمهاجم

عند ظهور علامه الهجوم عليك فورا اتجه الي الخريطه
أو استعن بهذا الموقع
http://travmap.shishnet.org/
و ادرس اقرب حليف لك من المهاجم
و اخبره بالتالي
ان يهجم بشكل عكسي علي المهاجم
و يصطحب معه المقاليع علي عده هجمات و يحدد الاهداف التاليه في اول هجوم 1- مخزن الحبوب 2-المخبز
3-المطحنه
4-السوق
و باقي اهداف المقاليع علي حقول القمح

من يلعب في المستوي المتقدم لترافيان فهم الخطه الان ..
سيختنق المهاجم
سيهبط انتاج القمح لديه للسالب
و يبدأ جيشه في الموت و هو في الطريق
و احرص علي تتابع الهجمات في المقاليع علي موارد القمح
بهذا الشكل تكون قد دمرت له كل حيشه +دمرت قريته
و لن يستطتيع عمل شيء
و سيموت جيشه من الجوع في الطريق
بمعني اخر
سيختنق
لهذا اسم الخطه (الاختناق)

طبقتها ثلاث مرات من قبل
فشلت في المره الأولي لان الهجوم كان هجوما وهميا فدافع المهاجم بأستبسال

في المرتيين التاليتين اللاعب المهاجم تدمرت جيوشه تماما في الطريق
هجوم وصلني منه 170 جندي قتلو علي ابواب المدينه و علي ذمه المهاجم انه كان قد ارسل اكثر من 1000 جندي

و الهجوم الاخر لم يصلني منه سوي 15 جندي و لم يخبرني المهاجم بعدد الجيوش التي ارسلت بالاساس لانه ترك اللعبه

من اهم الامور التي لا ينتبه عليها المهاجمين او المدافعين
هي سرعه القوات المهاجمه و الوقت
قارن الوقت بينكم بسرعه القوات المهاجمه ستعرف هل تحتوي مقاليع أو لا
ام هي احصنه فقط ام ام .. عده امور يمكن ان تسهل لك المعركة
كذلك عندما تهاجم احرص الا يعرف المهاجم ماذا ترسل انت..

مثال .. الهجمه الوهمية المثالية علي لاعب محترف هي بأن ترسل مقلاع واحد ..
عندما يقارن سرعة القوات بالوقت سيعرف انك تهاجم بالمقاليع و سيجهز الدفاع و يعد العدة بينما يمكنك ان تهاجم باقي قراه و علي الاغلب لن تجد فيها جندي واحد

جساس2
20-04-2008, 05:41 PM
هذي جزيرة الكنز ؟ وين سلفر

بولينجر
20-04-2008, 06:21 PM
هذي جزيرة الكنز ؟ وين سلفر
أخوي عفوا ما فهمت سؤالك....

إذا تسال عن اللعبة إنها هي جزيرة الكنز....لا أخوي هذي لعبة استراتيجية قتالية....

سجل أخوي عن طريق الرابط اللي بالأحمر في توقيعي...والعبها وبتستانس :nice:

وأي سؤال أنا حاضر....:nice:

جرح الزمان
20-04-2008, 07:21 PM
كفيت و وفيت عساك على القوه أخوي بولينجر

بس معنى كلامك ان اللعبه في مراحل متقدمه يبلها دوام 24 ساعه وتناول بين اعضاء التحالف على حماية قراهم من الهجمات القويه

بولينجر
20-04-2008, 07:52 PM
كفيت و وفيت عساك على القوه أخوي بولينجر

بس معنى كلامك ان اللعبه في مراحل متقدمه يبلها دوام 24 ساعه وتناول بين اعضاء التحالف على حماية قراهم من الهجمات القويه
الله يعافيك ويقويك أخوي جرح الزمان....

أكيد إن اللعبة تحمى وتزيد في المراحل المتقدمة...

لأن الحروب بتكون مشتعلة الكل قاعد يضرب في الثاني :fight:

سداوي&مدريدي
20-04-2008, 08:40 PM
هلا أخــوي بولينــجر

يعــطيك العافيه على المــجهـود الطيب

مــوضوعك عجيب ماله حــل :nice:

سؤال على الطاير

اذا بــطرش فرقه تجسس

بيكون عندي ثلاث خيارات

مساندة

هجوم : كامل

هجوم : للنهـب


شختار فيهم؟؟

بولينجر
20-04-2008, 09:30 PM
هلا أخــوي بولينــجر

يعــطيك العافيه على المــجهـود الطيب

مــوضوعك عجيب ماله حــل :nice:

سؤال على الطاير

اذا بــطرش فرقه تجسس

بيكون عندي ثلاث خيارات

مساندة

هجوم : كامل

هجوم : للنهـب


شختار فيهم؟؟
هجوم كامل :nice:

وبيطلع اختيارين:

التجسس على الموارد والقوات
التجسس على التحصينات والقوات

اختار اللي يناسبك :victory:

سداوي&مدريدي
22-04-2008, 01:37 AM
هجوم كامل :nice:

وبيطلع اختيارين:

التجسس على الموارد والقوات
التجسس على التحصينات والقوات

اختار اللي يناسبك :victory:



طبقتها

ولله شي

تســـلم لي بولينـــجر

:victory:

بولينجر
22-04-2008, 02:28 AM
طبقتها

ولله شي

تســـلم لي بولينـــجر

:victory:
تماااااااااااام :ok:

الله يسلمك أخوي سداوي :nice:

سداوي&مدريدي
22-04-2008, 03:19 AM
بـــولينــجر

بخصوص الذهب

ابي اختــار دعوه بالإيميل تطلع لي الصفحه فاضيــه

وبخصــوص منتدى التحــالف مادري شسالفه

حاولت ادش اكثر من مره تطلع لي الصفحه فاضيـــه


:rolleyes2:

بولينجر
22-04-2008, 01:22 PM
بـــولينــجر

بخصوص الذهب

ابي اختــار دعوه بالإيميل تطلع لي الصفحه فاضيــه

وبخصــوص منتدى التحــالف مادري شسالفه

حاولت ادش اكثر من مره تطلع لي الصفحه فاضيـــه


:rolleyes2:
والله أخوي سداوي ما أعرف ليش تطلع صفحة الدعوة بالبريد الالكتروني فاضية!!! سوي refresh للصفحة

شوف الصورة وجرب وإن شاء الله ينفع...

http://img32.picoodle.com/img/img32/4/4/22/f_travianhowtm_0c2c995.jpg (http://www.picoodle.com/view.php?img=/4/4/22/f_travianhowtm_0c2c995.jpg&srv=img32)


بالنسبة لرابط المنتدى كان شغال قبل؟ يعني في منتدى وإلا للحين ما افتحوه؟

أعتقد إن السيرفر شوي عليه ضغط... ساعات الـ refresh للصفحة ينفع :victory:

hamoor4ever
23-04-2008, 01:05 AM
اخوي اذا عندي واحد مأذيني بالهجوم وقتل الجنود اللي عندي بحكم انه اقوى شالحل له ،
انا افكر اركز ع الدفاعات عندي ع اساس مايقدر يبوق مواردي ،، وبعدين اطور جنودي
هل هالشي ممكن ولا اكز ع الجنود وخاصه ان اذا بسوي جندي جندي بيهجم علي كل شوي ويذبحهم

شرايك انت شنو احسن استراتيجيه مع العلم ان انا قبلتي اللي اهيه الاغريق

بولينجر
23-04-2008, 01:48 AM
اخوي اذا عندي واحد مأذيني بالهجوم وقتل الجنود اللي عندي بحكم انه اقوى شالحل له ،
انا افكر اركز ع الدفاعات عندي ع اساس مايقدر يبوق مواردي ،، وبعدين اطور جنودي
هل هالشي ممكن ولا اكز ع الجنود وخاصه ان اذا بسوي جندي جندي بيهجم علي كل شوي ويذبحهم

شرايك انت شنو احسن استراتيجيه مع العلم ان انا قبلتي اللي اهيه الاغريق
أفضل استراتيجية هي (واللي اتبعتها شخصيا لحد ما اشتد عودي :) ) :
بناء المخابئ قدر الإمكان...حتى لو بتخلص عليك مواردك...ابني وابني وطوره للمستوى 10 وابني غيره وغيره (أنا بنيت 4 مخابئ وبعدين هدمت منهم لما صرت أقوى)

لما تخش مواردك عنه ويرجع صفر اليدين (لا تخليه ياخذ لو واحد من أي مورد) لازم يرجع صفر... بتصيبه حالة من اليأس الشديد وبيتركك في حالك...مب مضيع وقته على قرية ما يلقى منها شيء...إذا لقى حتى لو واحد من أي مورد بيبقى عنده بصيص الأمل وبيرجع لك...

أهم شيء هو يهاجمك بجنود بس بدون مقاليع...لأن المقاليع تودي القرية في داهية....والله يوفقك....:nice:

سداوي&مدريدي
23-04-2008, 02:59 AM
بـــولينـــجر

رئيس التحــالف طرش لي رساله مكتوب فيها أعلان الحرب

شالي لازم اسويه الحين بما اني ماسك منصــب وزير الخارجيه؟؟

عندي خيار أعلان الحرب اختاره ولا شسوي؟

بولينجر
23-04-2008, 03:08 AM
بـــولينـــجر

رئيس التحــالف طرش لي رساله مكتوب فيها أعلان الحرب

شالي لازم اسويه الحين بما اني ماسك منصــب وزير الخارجيه؟؟

عندي خيار أعلان الحرب اختاره ولا شسوي؟
وشو قالك بالضبط في الرسالة؟؟؟

لأن يمكن هذا طلب من جميع الأعضاء بالهجوم "قبل" إعلان الحرب كخطة استراتيجية....

انسخ الرسالة وقولي :victory:

سداوي&مدريدي
23-04-2008, 03:26 AM
وشو قالك بالضبط في الرسالة؟؟؟

لأن يمكن هذا طلب من جميع الأعضاء بالهجوم "قبل" إعلان الحرب كخطة استراتيجية....

انسخ الرسالة وقولي :victory:

مكتوب في الرساله

السلام عليكم ورحمة الله وبركاته

اخواني اعضاء تحالف ................. اسم تحالفانا

لقد جائت الحرب والوقت الذي نثبت فيه كفائه تحالف ............... اسم تحالفنا

الهجوم على اقرب عضو من تحالف .............. اسم التحالف الي بنهجم عليه

وذلك لتعديه والهجوم على التحالفات الموحده ....... اسم التحالف الي تم الهجوم عليه

والهجوم سيكون هجوم كامل تدميري

وعدم ترك أي فرصه للعدو في تطوير الجنود عدد الهجمات مفتوح

وأي عضو جاهز للهجوم يرسل رساله الى قائد القوات العام ويخبره عن جنوده وعن العضو القريب منه لاستهدافه

في نفسالوقت الاعضاء الذين ليس لديهمعدد قوات كافي للهجوم اقل من 15 جندي اول

يكتفون بالدفاع وتطوير المخبأ الى اكبرقدر ممكن حتى لا تضيع الموارد

تحياتي لكم

انتهت الرساله

مادري شنهي الخطوه الي اسويها ؟؟

بولينجر
23-04-2008, 03:32 AM
وشو قالك بالضبط في الرسالة؟؟؟

لأن يمكن هذا طلب من جميع الأعضاء بالهجوم "قبل" إعلان الحرب كخطة استراتيجية....

انسخ الرسالة وقولي :victory:
أخوي سداوي.... إذا الرسالة موجهة لك شخصيا أعلن الحرب مثل ما طلب منك الرئيس...

انسخ هذه الكلمة والصقها بالطريقة التالية
ادخل على السفارة وبعدها ادخل على التحالف وبعدين اختار خيارات
وبعدين اختار خانة تغيير الوصف
والصق هذه الكلمة (( [diplomatie] ))) ومن ثم حفظ او تمام

وبيظهر لك كلمة التحالف .. و ميثاق عدم اعتداء. و في الحرب مع . وكلها باللون الاخضر
وبتعمل معاك بشكل تلقائي بعدين اذا عقدت ميثاق عدم اعتداء اوتحالف او حرب

أما إذا إنذار مبكر للجميع...لاتعلن لأن الخطة بتفشل :fight:

بولينجر
23-04-2008, 03:34 AM
مكتوب في الرساله

السلام عليكم ورحمة الله وبركاته

اخواني اعضاء تحالف ................. اسم تحالفانا

لقد جائت الحرب والوقت الذي نثبت فيه كفائه تحالف ............... اسم تحالفنا

الهجوم على اقرب عضو من تحالف .............. اسم التحالف الي بنهجم عليه

وذلك لتعديه والهجوم على التحالفات الموحده ....... اسم التحالف الي تم الهجوم عليه

والهجوم سيكون هجوم كامل تدميري

وعدم ترك أي فرصه للعدو في تطوير الجنود عدد الهجمات مفتوح

وأي عضو جاهز للهجوم يرسل رساله الى قائد القوات العام ويخبره عن جنوده وعن العضو القريب منه لاستهدافه

في نفسالوقت الاعضاء الذين ليس لديهمعدد قوات كافي للهجوم اقل من 15 جندي اول

يكتفون بالدفاع وتطوير المخبأ الى اكبرقدر ممكن حتى لا تضيع الموارد

تحياتي لكم

انتهت الرساله

مادري شنهي الخطوه الي اسويها ؟؟
مثل ما هو مكتوب

اهجم إذا كنت قوي وإذا ضعيف طور مخابئ....

أما إعلان الحرب أو أي شيء من مهام وزير الخارجية مب مطلوب منك في الوقت الحالي...

الرسالة هذي رسالة "جماعية" يعني كل الأعضاء وصلتهم نفس الرسالة...

وبالتوفيق في الحرب....:fight:

بانتظار آخر التقارير :strong

واحد في حاله
23-04-2008, 03:51 AM
:eek3:

بولينجر
23-04-2008, 04:00 AM
:eek3:
:confused:

واحد في حاله
23-04-2008, 04:47 AM
:confused:




دا انا غلباااااااااااااااااااااااااااااااان :eek3:

omen الله يخرب بيت الي خرب بيتي يا آدر ياكريم :anger2::anger2::anger2:






الله يا انه عليه جيش جرااااااااار ياااااااااااااااااااااااو

الله ياهو شلخ مواردي وشقى عمري وخلاني على الحديده يااااااااااااااااااااااااو

الله ياهو ذبح جنودي من اولهم لين اخرهم يااااااااااااااااااااو

الله يا اني خفت يشيل القريه ويعطيها عياله يلعبون فيها يااااااااااااااو

الله يا صرنا مطنزه حق القرى الي حوالينا يااااااااااااااااااااااااااو


:eek5: << ماعليك هذي تاثيرات الصدمه

























أفضل استراتيجية هي (واللي اتبعتها شخصيا لحد ما اشتد عودي :) ) :
بناء المخابئ قدر الإمكان...حتى لو بتخلص عليك مواردك...ابني وابني وطوره للمستوى 10 وابني غيره وغيره (أنا بنيت 4 مخابئ وبعدين هدمت منهم لما صرت أقوى)

لما تخش مواردك عنه ويرجع صفر اليدين (لا تخليه ياخذ لو واحد من أي مورد) لازم يرجع صفر... بتصيبه حالة من اليأس الشديد وبيتركك في حالك...مب مضيع وقته على قرية ما يلقى منها شيء...إذا لقى حتى لو واحد من أي مورد بيبقى عنده بصيص الأمل وبيرجع لك...

أهم شيء هو يهاجمك بجنود بس بدون مقاليع...لأن المقاليع تودي القرية في داهية....والله يوفقك....:nice:


هذا الي المفروض اسويه :sneaky:




;)

بولينجر
23-04-2008, 05:04 AM
دا انا غلباااااااااااااااااااااااااااااااان :eek3:

omen الله يخرب بيت الي خرب بيتي يا آدر ياكريم :anger2::anger2::anger2:






الله يا انه عليه جيش جرااااااااار ياااااااااااااااااااااااو

الله ياهو شلخ مواردي وشقى عمري وخلاني على الحديده يااااااااااااااااااااااااو

الله ياهو ذبح جنودي من اولهم لين اخرهم يااااااااااااااااااااو

الله يا اني خفت يشيل القريه ويعطيها عياله يلعبون فيها يااااااااااااااو

الله يا صرنا مطنزه حق القرى الي حوالينا يااااااااااااااااااااااااااو


:eek5: << ماعليك هذي تاثيرات الصدمه



























هذا الي المفروض اسويه :sneaky:




;)




ولا يهمك....

انت قدها إن شاء الله.... (يا سي أحطه :D)

:fight: :fight: :fight: :fight: :fight:

المهم المخابئ...وتوكل على الله....

:strong :strong :strong :strong :strong

سداوي&مدريدي
23-04-2008, 05:44 AM
مثل ما هو مكتوب

اهجم إذا كنت قوي وإذا ضعيف طور مخابئ....

أما إعلان الحرب أو أي شيء من مهام وزير الخارجية مب مطلوب منك في الوقت الحالي...

الرسالة هذي رسالة "جماعية" يعني كل الأعضاء وصلتهم نفس الرسالة...

وبالتوفيق في الحرب....:fight:

بانتظار آخر التقارير :strong

والله يالغالي الرساله طلعت جماعيـه

يعني الرئيس مطرشها للكل

تســلم لي بولينــجر

:nice:

سداوي&مدريدي
23-04-2008, 05:45 AM
دا انا غلباااااااااااااااااااااااااااااااان :eek3:

omen الله يخرب بيت الي خرب بيتي يا آدر ياكريم :anger2::anger2::anger2:






الله يا انه عليه جيش جرااااااااار ياااااااااااااااااااااااو

الله ياهو شلخ مواردي وشقى عمري وخلاني على الحديده يااااااااااااااااااااااااو

الله ياهو ذبح جنودي من اولهم لين اخرهم يااااااااااااااااااااو

الله يا اني خفت يشيل القريه ويعطيها عياله يلعبون فيها يااااااااااااااو

الله يا صرنا مطنزه حق القرى الي حوالينا يااااااااااااااااااااااااااو


:eek5: << ماعليك هذي تاثيرات الصدمه



























هذا الي المفروض اسويه :sneaky:




;)



ههههههههههههههههههههههههههههههههههههههههههه

الله يكون فعــونك

انت في اي سيرفر

بفزعلك :tease:

بولينــجر عد العده للحــرب

:secret:

بولينجر
23-04-2008, 05:51 AM
تم تدمير قرية بالكامل بعد يومين من العمل الدؤوب :strong :strong :strong :strong :strong

http://img29.picoodle.com/img/img29/4/4/22/f_traviandestm_f06e322.jpg (http://www.picoodle.com/view.php?img=/4/4/22/f_traviandestm_f06e322.jpg&srv=img29)

:fight: :fight: :fight: :fight: :fight:

بولينجر
23-04-2008, 05:51 AM
والله يالغالي الرساله طلعت جماعيـه

يعني الرئيس مطرشها للكل

تســلم لي بولينــجر

:nice:
الله يسلمك أخوي سداوي :nice:

بولينجر
23-04-2008, 05:52 AM
ههههههههههههههههههههههههههههههههههههههههههه

الله يكون فعــونك

انت في اي سيرفر

بفزعلك :tease:

بولينــجر عد العده للحــرب

:secret:
شوف التقرير اللي حطيته... أنا لها :fight:

سداوي&مدريدي
23-04-2008, 05:56 AM
شوف التقرير اللي حطيته... أنا لها :fight:

ياعيني عليك ياوبليــنجر

قـــوي ما شاء الله عليك :victory:

قولي القريه الي تدمرت في اي سيرفر

بولينجر
23-04-2008, 05:57 AM
الثالث... أنا توني مدمرها :fight:

سداوي&مدريدي
23-04-2008, 06:14 AM
بـولينــجر

شــوف لي حل

اذا بدش منتدى التحالف شوف شيطلع لي

http://up4.m5zn.com/photos/00023/82ULQMHI3FL9.jpg

ونفس الشي يطلع لي اذا بسوي دعــوه بالإيميل عشان اربح الذهب

ياخي والله احترت شسوي

وهذي قريتي قولي شرايك في التــطور

http://up4.m5zn.com/photos/00023/QP6RNEL39ZNW.jpg

:nice:

بولينجر
23-04-2008, 04:06 PM
بـولينــجر

شــوف لي حل

اذا بدش منتدى التحالف شوف شيطلع لي

http://up4.m5zn.com/photos/00023/82ULQMHI3FL9.jpg

ونفس الشي يطلع لي اذا بسوي دعــوه بالإيميل عشان اربح الذهب

ياخي والله احترت شسوي

وهذي قريتي قولي شرايك في التــطور

http://up4.m5zn.com/photos/00023/QP6RNEL39ZNW.jpg

:nice:
http://img30.picoodle.com/img/img30/4/4/23/f_travianrefrm_1788278.jpg (http://www.picoodle.com/view.php?img=/4/4/23/f_travianrefrm_1788278.jpg&srv=img30)

قريتك تمااااااااااااااااااام :ok:

شاهين
23-04-2008, 10:34 PM
ياحيكم تعرفون تلعبونه
حاولت أللعب:weeping:
لاكن المخيخ عصير بونص:rolleyes2:

سداوي&مدريدي
24-04-2008, 06:09 AM
ياحيكم تعرفون تلعبونه
حاولت أللعب:weeping:
لاكن المخيخ عصير بونص:rolleyes2:


والله بالعكس أخـوي شاهــين

اللعبه سهله وماعليها كلام

بس يبيلها تركيز شوي

:nice:

بولينجر
24-04-2008, 11:37 AM
ياحيكم تعرفون تلعبونه
حاولت أللعب:weeping:
لاكن المخيخ عصير بونص:rolleyes2:
ما يبين عليك جربت أخوي شاهين....

ما شاء الله عليك مخك مب مال عصير بونص...انت عبقري الفوتوشوب ما شاء الله....

يعني هذي بالنسبة لك بتكون إن شاء الله piece of cake :nice:

بولينجر
24-04-2008, 11:37 AM
والله بالعكس أخـوي شاهــين

اللعبه سهله وماعليها كلام

بس يبيلها تركيز شوي

:nice:
:nice:
:nice: :nice:
:nice: :nice: :nice:
:nice: :nice: :nice: :nice:
:nice: :nice: :nice: :nice: :nice:

سداوي&مدريدي
24-04-2008, 12:39 PM
:nice:
:nice: :nice:
:nice: :nice: :nice:
:nice: :nice: :nice: :nice:
:nice: :nice: :nice: :nice: :nice:

:victory:

بولينجر
24-04-2008, 12:51 PM
:victory:
هلا والله أخوي سداوي...بشر إن شاء الله خف الضغط عن السيرفر؟

سداوي&مدريدي
24-04-2008, 02:16 PM
هلا والله أخوي سداوي...بشر إن شاء الله خف الضغط عن السيرفر؟

هــلا والله بولينــجر

والله لين الحين

حاولت اكثر من مره ولا في فايــده

بس تدري الخلل طلع من جهازي بس ماعرف من وين بالضبط

لاني في جهاز الدوام اوكي اقدر ادش المنتدى واقدر اسوي دعوات

بس في جهازي الشخصي ماقدر مادري الخلل من وين بالضــبط

بولينجر
24-04-2008, 02:26 PM
هــلا والله بولينــجر

والله لين الحين

حاولت اكثر من مره ولا في فايــده

بس تدري الخلل طلع من جهازي بس ماعرف من وين بالضبط

لاني في جهاز الدوام اوكي اقدر ادش المنتدى واقدر اسوي دعوات

بس في جهازي الشخصي ماقدر مادري الخلل من وين بالضــبط
امسح ملفات الـhistory والكوكيز...يمكن هم اللي مثقلين على الكمبيوتر عندك.... لو إني أظن إنه ماله علاقة بالجهاز نفسه

سداوي&مدريدي
24-04-2008, 02:36 PM
امسح ملفات الـhistory والكوكيز...يمكن هم اللي مثقلين على الكمبيوتر عندك.... لو إني أظن إنه ماله علاقة بالجهاز نفسه

من فتره جربت ونفس الشي

بشوف بحاول مره ثانيه والله كريم

سداوي&مدريدي
24-04-2008, 02:37 PM
بــولينـــجر

بخصـــوص الواحــه

الحين عندي بطل واحـد

أقدر احتل الــواحه ولا بيموت البطل؟


:)

بولينجر
24-04-2008, 03:29 PM
بــولينـــجر

بخصـــوص الواحــه

الحين عندي بطل واحـد

أقدر احتل الــواحه ولا بيموت البطل؟


:)
لا ترسل البطل بروحه....

وكم مستوى قصر الأبطال؟ لازم يكون 10

جرب المحاكي من نقطة التجمع....

وحط عدد الوحوش اللي في الواحة وعدد الجنود اللي بتهجم بهم عليهم

وشوف النتيجة.... إذا قدرت تقضي عليهم تقدر تحتلها....

إذا ماقدرت لا تضيع تعبك عليهم وتقتل منهم جزء والباقي ماتقدر عليه...لأنهم بيردون يتكاثرون

يعني اهجم على الواحة بالجنود إذا قالك المحاكي أوكي

واقضي على كل الوحوش...وبعدين أرسل البطل يحتل لك الواحة :victory:

بولينجر
24-04-2008, 03:30 PM
من فتره جربت ونفس الشي

بشوف بحاول مره ثانيه والله كريم
غير المتصفح اللي تستخدمه.... جرب فايرفوكس أو أوبرا يمكن ينفع :victory:

سداوي&مدريدي
25-04-2008, 01:13 PM
غير المتصفح اللي تستخدمه.... جرب فايرفوكس أو أوبرا يمكن ينفع :victory:

هـــلا بولينــجر

بيني وبينك ماعرف شلون اغير المتصفح

عموما بتصـرف بعدين

الا قولي شخبار قريتك؟


:)

بولينجر
25-04-2008, 02:28 PM
هـــلا بولينــجر

بيني وبينك ماعرف شلون اغير المتصفح

عموما بتصـرف بعدين

الا قولي شخبار قريتك؟


:)
سهل إن شاء الله أخوي سداوي....
مجرد تنزل المتصفح (مثل أي برنامج) وتركبه

متصفح فايرفوكس بالعربي:

http://download.mozilla.org/?product=firefox-2.0.0.14&os=win&lang=ar
سهل التركيب إن شاء الله

أو

متصفح أوبرا:

http://www.opera.com/download/

اضغط داونلود وركبه عادي

واستخدام أي واحد منهم مثل الانترنت اكسبلورر.... سطر العنوان فوق ...حط عنوان الموقع اللي تبيه وادخله عادي...


أبشرك عن قريتي...امتلكت الواحة الثانية.... نوعها قمح وحديد.... وناوي على اللي جنبها :victory:

سداوي&مدريدي
25-04-2008, 11:48 PM
سهل إن شاء الله أخوي سداوي....
مجرد تنزل المتصفح (مثل أي برنامج) وتركبه

متصفح فايرفوكس بالعربي:

http://download.mozilla.org/?product=firefox-2.0.0.14&os=win&lang=ar
سهل التركيب إن شاء الله

أو

متصفح أوبرا:

http://www.opera.com/download/

اضغط داونلود وركبه عادي

واستخدام أي واحد منهم مثل الانترنت اكسبلورر.... سطر العنوان فوق ...حط عنوان الموقع اللي تبيه وادخله عادي...


أبشرك عن قريتي...امتلكت الواحة الثانية.... نوعها قمح وحديد.... وناوي على اللي جنبها :victory:

تســـلم لي بولينــجر

ماقصرت والله بجرب وبرد عليك خبر

والله يوفقك في الواحه الثانيه

عطنا اخبارك اول بأول

:nice:

بولينجر
26-04-2008, 12:38 AM
تســـلم لي بولينــجر

ماقصرت والله بجرب وبرد عليك خبر

والله يوفقك في الواحه الثانيه

عطنا اخبارك اول بأول

:nice:
ولا يهمك أخوي سداوي...:nice:

بانتظتر أخبار تجربتك ;victory:

Milo
26-04-2008, 02:33 PM
جهد كبير ... يعطيك العافية أخوي

بولينجر
26-04-2008, 08:14 PM
جهد كبير ... يعطيك العافية أخوي
الله يعافيك أخوي Milo...:nice:

بشرنا عن أخبارك مع اللعبة :D

الذيـــب
26-04-2008, 08:39 PM
السلام عليكم
اخوي بولينــجر ابي ابني معمل نشارة ومسبك حديد وما عندي مكان غاضي في القرية والمبنى الرئيسي مستوى 10 ويش اقدر اهدم وانت ويش تنصحني اهدم وانا عندي قرية ثانية هل اقدر ابني فيها المعمل والمسبك بدال العاصمة .

بولينجر
26-04-2008, 10:44 PM
السلام عليكم
اخوي بولينــجر ابي ابني معمل نشارة ومسبك حديد وما عندي مكان غاضي في القرية والمبنى الرئيسي مستوى 10 ويش اقدر اهدم وانت ويش تنصحني اهدم وانا عندي قرية ثانية هل اقدر ابني فيها المعمل والمسبك بدال العاصمة .
وعليكم السلام ورحمة الله وبركاته...

هلا أخوي الذيب...

معمل النشارة لزيادة إنتاج الخشب بما يصل إلى 25% من الإنتاج الكلي للقرية المبني فيها

أما مسبك الحديد لزيادة إنتاج الحديد بما يصل إلى 25% من الإنتاج الكلي للقرية المبني فيها

شروط معمل النشارة:
الحطاب مستوى 10 + المبنى الرئيسي مستوى 5

شروط مسبك الحديد:
منجم حديد مستوى 10 + المبنى الرئيسي مستوى 5

هل عندك مخابئ؟ اهدمها لأن مالها لازمة إذا إنتاجك زين وتبي تزوده بمعمل النشارة والمسبك

أما إذا تبي تبنيه في غير العاصمة تقدر إن شاء الله بعد تحقق الشروط اللازمة لكل مبنى.... وفي هذه الحالة بيزيد الإنتاج لقريتك اللي بتبني فيها فقط دون العاصمة (يعني مب بدالها)....

وتقدر تبنيهم في كل قرية إذا تبي...يعني مب مبنى حصري فقط على قرية دون الأخرى

وبالتوفيق أخوي الذيب....

نورنا عاد في الموضوع ولا تغيب وايد وبشرنا بأخبار قراك :nice:

alanood
27-04-2008, 12:45 AM
ماشالله...موضوع صج متعوب عليه..اللعبه معروفه لكن يبي لها وقت:(
شكرا عالموضوع اخوي:)

بولينجر
27-04-2008, 01:46 AM
ماشالله...موضوع صج متعوب عليه..اللعبه معروفه لكن يبي لها وقت:(
شكرا عالموضوع اخوي:)
صحيح كلامج أختي العنود...اللعبة معروفة وحبيت أوسع دائرة المعرفة لهذه اللعبة :)

أما مسألة إنه يبيلها وقت أكيد يبيلها...لكنه وقت ممتع :)

تشرفت بمرورج أختي العنود... :nice:

الذيـــب
27-04-2008, 07:07 PM
تسلم اخوي بولينــجر وماغليه استحملني اشوي بملغ عليك اليوم ابي ابني مسبك الحديد في القرية الجديده وقعدت انقل من العاصمة موارد نقلت حوالي 6000 من جميع الموارد يعني 24000 الف من الموارد في النقلة الاخيرة طلعلي هذا الحساب محظور طلعت ودخلت مرة ثانية دخل وكل شي اوكي سؤالي هل اذا نقلت موارد من العاصمة للقرية الجديدة تعد هذي مخالفة .

سداوي&مدريدي
27-04-2008, 07:45 PM
:shy:

بولينجر
27-04-2008, 07:49 PM
تسلم اخوي بولينــجر وماغليه استحملني اشوي بملغ عليك اليوم ابي ابني مسبك الحديد في القرية الجديده وقعدت انقل من العاصمة موارد نقلت حوالي 6000 من جميع الموارد يعني 24000 الف من الموارد في النقلة الاخيرة طلعلي هذا الحساب محظور طلعت ودخلت مرة ثانية دخل وكل شي اوكي سؤالي هل اذا نقلت موارد من العاصمة للقرية الجديدة تعد هذي مخالفة .
أخوي الذيب اللي فهمته من كلامك إن قريتك الجديدة حصلت عليها بطريقة شرعية يعني بمستوطنين...صح؟

إذا كان الكلام هذا اللي حاصل...ماعليك أي مشكلة في نقل أي عدد من الموارد لقريتك الثانية.... ولن يتم حظر حسابك بإذن الله...

في حال إنك أرسلت موارد لغيرك أكثر من إنتاج الساعة بتكون خالفت القوانين....

وبالتوفيق أخوي...وأي أسألة انا حاضر :nice:

بولينجر
27-04-2008, 07:50 PM
:shy:
:funny:

سداوي&مدريدي
27-04-2008, 08:02 PM
:funny:

:victory:

بولينجر
27-04-2008, 08:12 PM
:victory:
:taunt:

الذيـــب
27-04-2008, 09:11 PM
بيض الله وجهك طمنتي وجاري بناء القرية الثالثة

سداوي&مدريدي
27-04-2008, 09:12 PM
:taunt:

بــولينـجر

عندي لك سوالف

وأحـداث وتــطورات خـطيره


:)

بولينجر
27-04-2008, 09:27 PM
بيض الله وجهك طمنتي وجاري بناء القرية الثالثة
وجهك الأبيض أخوي الذيب.... ومبروكة القرية الثالثة....عقبال القرية الرابعة :nice:

بولينجر
27-04-2008, 09:27 PM
بــولينـجر

عندي لك سوالف

وأحـداث وتــطورات خـطيره


:)
هات ماعندك يا ولد :D

سداوي&مدريدي
27-04-2008, 09:33 PM
هات ماعندك يا ولد :D

ليش مستعيل بولينـجر

:tease:

عفريت ^ كشخه
27-04-2008, 09:36 PM
شباب شو احسن لي ؟

الاكادمية المستوى العاشر ولا الاسطبل المستوى العاشر ؟؟

بولينجر
27-04-2008, 09:42 PM
ليش مستعيل بولينـجر

:tease:
:tease:
:tease: :tease:
:tease: :tease: :tease:
:tease: :tease: :tease: :tease:
:tease: :tease: :tease: :tease: :tease:

بولينجر
27-04-2008, 09:44 PM
شباب شو احسن لي ؟

الاكادمية المستوى العاشر ولا الاسطبل المستوى العاشر ؟؟
الأكاديمية أفضل توصلها المستوى العاشر قبل...لتوفير خيارات تطوير أنواع أكثر من القوات

وبعدين الإسطبل... لتسريع تدريب الفرسان + يكون شرط لبعض القوات

سداوي&مدريدي
27-04-2008, 09:44 PM
بــولينـــجر

قولي شرايك !!

موقع يسمح لك بشراء الذهب مجانا من ترافيان

create a free acconunt

:secret:

سداوي&مدريدي
27-04-2008, 09:45 PM
شباب شو احسن لي ؟

الاكادمية المستوى العاشر ولا الاسطبل المستوى العاشر ؟؟

عفريت انت في اي سيرفر

ابي اهــجم عليك

:secret:

عفريت ^ كشخه
27-04-2008, 09:46 PM
بــولينـــجر

قولي شرايك !!

موقع يسمح لك بشراء الذهب مجانا من ترافيان

create a free acconunt

:secret:

كلام فاضي

ياريال توني شاخط بالمستر وبرخيص عندي 900 ذهب بدقيقتين :omen2:

عفريت ^ كشخه
27-04-2008, 09:47 PM
عفريت انت في اي سيرفر

ابي اهــجم عليك

:secret:

السابع والتاسع والعاشر خخخخ

ابيك تهجم علي بالسابع :shy:

عفريت ^ كشخه
27-04-2008, 09:47 PM
الأكاديمية أفضل توصلها المستوى العاشر قبل...لتوفير خيارات تطوير أنواع أكثر من القوات

وبعدين الإسطبل... لتسريع تدريب الفرسان + يكون شرط لبعض القوات

مشكور

بولينجر
27-04-2008, 09:49 PM
بــولينـــجر

قولي شرايك !!

موقع يسمح لك بشراء الذهب مجانا من ترافيان

create a free acconunt

:secret:
والله يا أخوي سداوي اللي أعرفه إن هالمواقع حوسة ونصب في نصب...

كذا واحد من الشباب قالوا لي إنهم جربوه (أنا ما جربته) واللي كسبوه من هالمواقع كان وهمي ولا ضافوا لهم شيء لأرصدتهم.... باختصار رقم على النت بس محد يقدر يتصرف فيه

إذا تبي الذهب اشتري من موقع ترافيان نفسه أو أي حد يسجل عن طريقك ويصل سكانه 75

بولينجر
27-04-2008, 09:50 PM
عفريت انت في اي سيرفر

ابي اهــجم عليك

:secret:
:funny:
:funny: :funny:
:funny: :funny: :funny:
:funny: :funny: :funny: :funny:
:funny: :funny: :funny: :funny: :funny:

سداوي&مدريدي
27-04-2008, 09:50 PM
كلام فاضي

ياريال توني شاخط بالمستر وبرخيص عندي 900 ذهب بدقيقتين :omen2:

ياخي تدري والله شكلي بسوي الي سويته

انزين قولي شلون 900 ذهب بدقيقتين؟

ابي اعرف الاسعار

:)

بولينجر
27-04-2008, 09:50 PM
كلام فاضي

ياريال توني شاخط بالمستر وبرخيص عندي 900 ذهب بدقيقتين :omen2:
:nice:
:nice: :nice:
:nice: :nice: :nice:
:nice: :nice: :nice: :nice:
:nice: :nice: :nice: :nice: :nice:

بولينجر
27-04-2008, 09:51 PM
مشكور
العفو :nice:

سداوي&مدريدي
27-04-2008, 09:53 PM
والله يا أخوي سداوي اللي أعرفه إن هالمواقع حوسة ونصب في نصب...

كذا واحد من الشباب قالوا لي إنهم جربوه (أنا ما جربته) واللي كسبوه من هالمواقع كان وهمي ولا ضافوا لهم شيء لأرصدتهم.... باختصار رقم على النت بس محد يقدر يتصرف فيه

إذا تبي الذهب اشتري من موقع ترافيان نفسه أو أي حد يسجل عن طريقك ويصل سكانه 75


وفي موقع ثاني

:nice:

سداوي&مدريدي
27-04-2008, 09:54 PM
:funny:
:funny: :funny:
:funny: :funny: :funny:
:funny: :funny: :funny: :funny:
:funny: :funny: :funny: :funny: :funny:

:victory:

عفريت ^ كشخه
27-04-2008, 10:02 PM
اول شي خل عندك خط ماستر كارد مافي ولا شي بس خلة حق الشرا عشان ماينصب منك مستقبلا

وثااااني شي 9.99 Eur انصحك فية عبارة عن 60درهم إماراتي هاي عليك فية مايحتاي تاخذ الي ب 600 ذهب لانة حدود 200 درهم

عفريت ^ كشخه
27-04-2008, 10:12 PM
شباب في حركة تخلي سكانكم يتحركون ماعرف كيف ؟؟؟

شايفها خالي مسويها بس مو راضي يعلمني

سداوي&مدريدي
27-04-2008, 10:13 PM
اول شي خل عندك خط ماستر كارد مافي ولا شي بس خلة حق الشرا عشان ماينصب منك مستقبلا

وثااااني شي 9.99 Eur انصحك فية عبارة عن 60درهم إماراتي هاي عليك فية مايحتاي تاخذ الي ب 600 ذهب لانة حدود 200 درهم

شكرا على المعـلومات

:nice:

سداوي&مدريدي
27-04-2008, 10:14 PM
بولينــجر

تفضل اهــداء خاص

:shy:


http://le.clan.des.ldk.chez-alice.fr/im/travian.gif

بولينجر
27-04-2008, 10:14 PM
ياخي تدري والله شكلي بسوي الي سويته

انزين قولي شلون 900 ذهب بدقيقتين؟

ابي اعرف الاسعار

:)
أسعار الذهب تقريبا


http://www.uploadgeek.com/uploads456/0/travian gold.jpg (http://www.uploadgeek.com)

سداوي&مدريدي
27-04-2008, 10:15 PM
شباب في حركة تخلي سكانكم يتحركون ماعرف كيف ؟؟؟

شايفها خالي مسويها بس مو راضي يعلمني

في حركه اتخلي السكان يتحركون

وفي حركه اتحرك فيها قريتك

وايد حركات واسرار

بس للأسف ماعرف ولا حركه منهم

ان شاء الله بولينجر يفيدنا

:omen2:

بولينجر
27-04-2008, 10:16 PM
بولينــجر

تفضل اهــداء خاص

:shy:


http://le.clan.des.ldk.chez-alice.fr/im/travian.gif
مشكووووووووووور أخوي سداوي :shy:

سداوي&مدريدي
27-04-2008, 10:18 PM
أسعار الذهب تقريبا


http://www.uploadgeek.com/uploads456/0/travian gold.jpg (http://www.uploadgeek.com)

مشكور بولينـجر


مشكووووووووووور أخوي سداوي :shy:

العفو

حاضرين لك الله يسلمك
:nice:

بولينجر
27-04-2008, 10:19 PM
شباب في حركة تخلي سكانكم يتحركون ماعرف كيف ؟؟؟

شايفها خالي مسويها بس مو راضي يعلمني
ولا يهمك أعلمك الطريقة :nice:

بس شوي أحضر الشرح :D

سداوي&مدريدي
27-04-2008, 10:27 PM
أخـــوي بولينــجر

أســمح لي أحــط رابط الي يخلي السكان يتحركون

بس ماعرف شلون انزلهم في قريتي

وهاي الرابط

http://travianskins.com/?s=anim&v=dorf2

سداوي&مدريدي
27-04-2008, 10:34 PM
عن الناترس ومعجزت العالم لايفوتكم http://www.up.5alid.com/up/uploads/742a896daf.png

http://www.up.5alid.com/up/uploads/6cd3b540dc.png

شرايكم؟

بولينجر
27-04-2008, 10:35 PM
أول شيء روح لهذا الموقع

http://travianskins.com/

واختار الثيم اللي تبيه

http://www.uploadgeek.com/uploads456/0/travian graphics.jpg (http://www.uploadgeek.com)


http://www.uploadgeek.com/uploads456/0/travian how to apply graphics1.jpg (http://www.uploadgeek.com)


http://www.uploadgeek.com/uploads456/0/travian how to apply graphics2.jpg (http://www.uploadgeek.com)


http://www.uploadgeek.com/uploads456/0/travian how to apply graphics3.jpg (http://www.uploadgeek.com)


وإذا تبي تطبق ثيم ثاني اضغط عدم التفعيل قبل ثم أعد الخطوات السابقة

بولينجر
27-04-2008, 10:36 PM
أخـــوي بولينــجر

أســمح لي أحــط رابط الي يخلي السكان يتحركون

بس ماعرف شلون انزلهم في قريتي

وهاي الرابط

http://travianskins.com/?s=anim&v=dorf2
مسموح أخوي...ونفس الرابط موجود في شرحي :nice: