المساعد الشخصي الرقمي

مشاهدة النسخة كاملة : لعبة ترافيان Travian - أفضل لعبة في العالم



الصفحات : 1 2 3 [4] 5 6 7 8 9 10 11 12 13 14 15 16 17 18

بولينجر
11-05-2008, 05:50 PM
تسلم اخوي ويعطيك الف مليون عافيه على جهدك الواضح
وعندي س : اذا واحد في سيرفر 11 والثاني في سيرفر 10 نقدر نتحالف ولا يفزع لي

واسمحلي على الازعاج
الله يعافيك أخوي سنايبر The ....
لا ما تقدر تتحالف أو تتفاعل بأي شكل من الأشكال عبر السيرفرات...
وإلا قضوا علينا السيرفر الأول من زمااااااااان :tease:

سداوي&مدريدي
11-05-2008, 09:23 PM
:victory: :victory: :victory: :victory:

بولينجر
11-05-2008, 10:25 PM
:victory: :victory: :victory: :victory:
:nice: :nice: :nice: :nice: :nice:

سداوي&مدريدي
11-05-2008, 11:22 PM
بــولينــجر

ســؤال اذا تكرمت

المعروف في التحالف ان في انذارات وطرد

الأنذار اللون الأصفر

والطرد اللون الأحمر
الأنذار والطرد اوتوماتيك ينحطون على الاعب

او رئيس التحالف الي يحط الأنذارات والطرد

واذا اوتوماتيك شسبب الأنذار والطرد ؟

بولينجر
12-05-2008, 12:09 AM
بــولينــجر

ســؤال اذا تكرمت

المعروف في التحالف ان في انذارات وطرد

الأنذار اللون الأصفر

والطرد اللون الأحمر
الأنذار والطرد اوتوماتيك ينحطون على الاعب

او رئيس التحالف الي يحط الأنذارات والطرد

واذا اوتوماتيك شسبب الأنذار والطرد ؟
إذا طلع جنب اسم اللاعب نقطة زرقاء يعني هو موجود الحين
نقطة خضراء يعني كان موجود خلال 24 ساعة
نقطة صفراء يعني كان متواجد خلال 3 أيام اللي طافوا
نقطة حمراء يعني موجود خلال أسبوع
نقطة رمادية يعني يعني غاب أكثر من أسبوع

والطرد يكون بأمر من رئيس التحالف وبنفسه يطرد اللاعب عن طريق خيارات> إزالة لاعب > وكتابة اسمه (أو يكون نسخه من قبل ولصقه)... وبعدين بيطلب منك كلمة السر للتأكيد (نفس كلمة السر لدخول اللعبة) وببهالطريقة يتم الطرد...
يعني مب أوتوماتيك... ويكون بامر الرئيس للغياب أو مخالفة القوانين كالهجوم على حلفاء أو من بين التحالف وبينهم مواثيق عدم اعتداء...أو بشكل عام مخالفة أوامر الرئيس دون عذر مقبول...

limoOoOony
12-05-2008, 11:24 AM
اخوي بولينجر انت مسجل في الرابع او الخماس ؟

بولينجر
12-05-2008, 04:53 PM
اخوي بولينجر انت مسجل في الرابع او الخماس ؟
في الثالث والعاشر بس :victory:

سداوي&مدريدي
12-05-2008, 07:02 PM
ومتحالف معاي بعد

:shy:

سداوي&مدريدي
12-05-2008, 07:16 PM
أخــوي بولينــجر

حاولت أشتري الذهب بواسطه الـ VISA

طلع لي

حَجْز مَرْفُوض
ا زالَ محاولةً باقيةً 1

شسالفه انا متأكد من البيانات ؟؟

بولينجر
12-05-2008, 07:42 PM
أخــوي بولينــجر

حاولت أشتري الذهب بواسطه الـ VISA

طلع لي

حَجْز مَرْفُوض
ا زالَ محاولةً باقيةً 1

شسالفه انا متأكد من البيانات ؟؟
شريت من قبل؟

بولينجر
12-05-2008, 07:43 PM
ومتحالف معاي بعد

:shy:
في العاشر....:nice:
حياك ليموني معانا :nice:

سداوي&مدريدي
12-05-2008, 07:44 PM
شريت من قبل؟

الله يابك بولينجر

لا والله ماشريت

هذي أول مره

:)

بولينجر
12-05-2008, 07:48 PM
الله يابك بولينجر

لا والله ماشريت

هذي أول مره

:)
البطاقة بطاقتك أكيد؟ لأنهم ما يرضون إلا بالبطاقة اللي بياناتها صحيحة وهم يتأكدون منها اونلاين على طول... لازم الرقم صح والثلاث ارقام اللي ورا تدخلها صح والاسم مطابق لاسمك في البطاقة بالضبط وتاريخ انتهاء البطاقة مثل ما هو مكتوب على البطاقة

سداوي&مدريدي
12-05-2008, 07:55 PM
البطاقة بطاقتك أكيد؟ لأنهم ما يرضون إلا بالبطاقة اللي بياناتها صحيحة وهم يتأكدون منها اونلاين على طول... لازم الرقم صح والثلاث ارقام اللي ورا تدخلها صح والاسم مطابق لاسمك في البطاقة بالضبط وتاريخ انتهاء البطاقة مثل ما هو مكتوب على البطاقة

أول شي اخـــترت

VISA

بعدها طلبو مني حامل الخريطه

كتبت أسمي بالأنجليزي مثل الي في البطاقه بالضبط

الخانه الثانيه رقم البطاقه

الرقم الي فوق ومكون من 16 رقم

على سبيل المثال

2466124578454785

والي في البطاقه في فراغ بين كل أربع ارقام

وانا خليت الأرقام ورى بعض على طول

وبعدها طلبو مني تاريخ الأنتهاء

الخيار الأول الي على اليسار اخترت الشهر

الي على اليمين الســنه

آخر خيار عدد مراقبه

كتبت الثلاث أرقام المـوجوده ورى البطاقه

وطلع لي

حَجْز مَرْفُوض

:rolleyes2:

بولينجر
12-05-2008, 08:02 PM
أول شي اخـــترت

VISA

بعدها طلبو مني حامل الخريطه

كتبت أسمي بالأنجليزي مثل الي في البطاقه بالضبط

الخانه الثانيه رقم البطاقه

الرقم الي فوق ومكون من 16 رقم

على سبيل المثال

2466124578454785

والي في البطاقه في فراغ بين كل أربع ارقام

وانا خليت الأرقام ورى بعض على طول

وبعدها طلبو مني تاريخ الأنتهاء

الخيار الأول الي على اليسار اخترت الشهر

الي على اليمين الســنه

آخر خيار عدد مراقبه

كتبت الثلاث أرقام المـوجوده ورى البطاقه

وطلع لي

حَجْز مَرْفُوض

:rolleyes2:
هلا أخوي سداوي...بالنسبة لرقم بطاقة الفيزا جرب تحطه بفراغ... مب متأكد....

شوف الطريقة اللي انا شخصيا شريت بها هو عن طريق حساب في الباي بال www.paypal.com فتحت فيه حساب ببطاقة الفيزا اللي عندي (من زمان) واستخدمه للشراء عبر النت...أسهل من إني أدخل بياناتي كل مرة

المهم الحين جرب تحط السنة مكان الشهر والشهر مكان السنة...يمكن الخانات مقلوبة

وطريقتك على العموم ما أشوف فيها أي غلط.... بس جرب وقول لي

سداوي&مدريدي
12-05-2008, 08:04 PM
هلا أخوي سداوي...بالنسبة لرقم بطاقة الفيزا جرب تحطه بفراغ... مب متأكد....

شوف الطريقة اللي انا شخصيا شريت بها هو عن طريق حساب في الباي بال www.paypal.com فتحت فيه حساب ببطاقة الفيزا اللي عندي (من زمان) واستخدمه للشراء عبر النت...أسهل من إني أدخل بياناتي كل مرة

المهم الحين جرب تحط السنة مكان الشهر والشهر مكان السنة...يمكن الخانات مقلوبة

وطريقتك على العموم ما أشوف فيها أي غلط.... بس جرب وقول لي

باقيلي آخر محاوله

عادي؟

:secret:

بولينجر
12-05-2008, 08:06 PM
باقيلي آخر محاوله

عادي؟

:secret:
لا :secret:

بولينجر
12-05-2008, 08:07 PM
جرب تسجل في الباي بال

سداوي&مدريدي
12-05-2008, 08:07 PM
جرب تسجل في الباي بال

شلون اسجل ماعرف الطريقه

ممكن اتنزل لي شرح

:anger1:

بولينجر
12-05-2008, 08:36 PM
شلون اسجل ماعرف الطريقه

ممكن اتنزل لي شرح

:anger1:
أن شاء الله.... بس لا تزعل يا الشيخ.... ممكن تصبر علي كم ساعة لأني طالع عندي شغلة شوي :shy:

سداوي&مدريدي
12-05-2008, 08:39 PM
أن شاء الله.... بس لا تزعل يا الشيخ.... ممكن تصبر علي كم ساعة لأني طالع عندي شغلة شوي :shy:

أوكي بصبر لاني بطلع بعد :tease:

وانا في أنتـظارك

:)

مايمدح السوق
12-05-2008, 10:41 PM
طرشت موارد حق القرية الى حذاي في طريقة اقدر ارجعهم :(

بولينجر
12-05-2008, 11:39 PM
طرشت موارد حق القرية الى حذاي في طريقة اقدر ارجعهم :(
لا.... تقدر تطلب من صاحب القرية يردهم لك بالذوق... أو تهجم عليه وتاخذ اللي عنده :fight:

بولينجر
12-05-2008, 11:41 PM
أوكي بصبر لاني بطلع بعد :tease:

وانا في أنتـظارك

:)



هلا سداوي...جاري تحضير الشرح للباي بال :nice:

بولينجر
13-05-2008, 12:51 AM
شلون اسجل ماعرف الطريقه

ممكن اتنزل لي شرح

:anger1:
تفضل الشرح أخوي سداوي... :nice:

http://www.qatarshares.com/vb/showthread.php?t=176038

limoOoOony
13-05-2008, 02:30 PM
مشكوور اخوي بولينجر بس 3 سيرفرات وايد الحين واتلخبط بينهم بس طبعا الاهتمام في الثالث فيه حماس واول شي بدينا فيه اما الخامس ملل من قلب الله يعين

الشباب مسجلين في السيرفر العاشر وماشين صح رتبهم من الاوائل

سداوي&مدريدي
13-05-2008, 03:48 PM
تفضل الشرح أخوي سداوي... :nice:

http://www.qatarshares.com/vb/showthread.php?t=176038

الله لايهينك أخــوي بولينــجر

والله انك كفيت ووفيت وجهد تشكر عليه

المشكله اطلعت من الفيزا أتصلت للبنك

وتوهم حالين المشكله والحين بــجرب

وبرد عليك

بس أبي اعرف اذا سجلت في الموقع

متى بيوصلني الذهب ؟

مكتوب في اللعبه بعــد 40 يــوم ؟

سداوي&مدريدي
13-05-2008, 04:08 PM
هــلا بولينــجر

أبشــرك كل شي أوكي

والذهب عندي بس في مشكله صغيره

مــثلا أنتاج الخشب ســويت له تفعيل

وطلعت كلمه بعد التفعيل (( تمديد ))

انــزين أضغط على تمديد ولا أنطر شوي ؟

ياليت اتقولي شلون اقدر استخدم الذهب ووين بالضــبط ؟؟

بولينجر
13-05-2008, 04:37 PM
مشكوور اخوي بولينجر بس 3 سيرفرات وايد الحين واتلخبط بينهم بس طبعا الاهتمام في الثالث فيه حماس واول شي بدينا فيه اما الخامس ملل من قلب الله يعين

الشباب مسجلين في السيرفر العاشر وماشين صح رتبهم من الاوائل
العفو أخوي ليموني.... وكلامك صحيح كثرة السيرفرات متعب جدا ويلخبط الواحد.... تسلم على المرور :nice:

بولينجر
13-05-2008, 04:38 PM
الله لايهينك أخــوي بولينــجر

والله انك كفيت ووفيت وجهد تشكر عليه

المشكله اطلعت من الفيزا أتصلت للبنك

وتوهم حالين المشكله والحين بــجرب

وبرد عليك

بس أبي اعرف اذا سجلت في الموقع

متى بيوصلني الذهب ؟

مكتوب في اللعبه بعــد 40 يــوم ؟
الذهب يوصلك على طول إن شاء الله إذا مافي مشاكل في الفيزا

بولينجر
13-05-2008, 04:40 PM
هــلا بولينــجر

أبشــرك كل شي أوكي

والذهب عندي بس في مشكله صغيره

مــثلا أنتاج الخشب ســويت له تفعيل

وطلعت كلمه بعد التفعيل (( تمديد ))

انــزين أضغط على تمديد ولا أنطر شوي ؟

ياليت اتقولي شلون اقدر استخدم الذهب ووين بالضــبط ؟؟
كلمة تمديد تعني تمديد المدة....يعني لما تفعل في أول ضغطة يفعل لك زيادة الإنتاج بنسبة 25% لمدة 7 أيام.... تبي تمدد الفترة إلى 14 يوم اضغط تمديد مرة ثانية.... لكنه ما راح يزيد الإنتاج إلى 50%...فقط 25% لمدة 14 يوم

بولينجر
13-05-2008, 05:01 PM
ياليت اتقولي شلون اقدر استخدم الذهب ووين بالضــبط ؟؟

تفضل مزايا الاستخدام....وانت قرر :nice:




هلا أخوي واحد في حاله....

بالنسبة لنسبة الـ 25% هي على الإنتاج الكلي للحقول اللي عندك في وقت التفعيل...وأثناء الإنتاج لو طورت شيء من الحقول يحسب لك مجموع الحقول ويزيد عليه 25%... لاتخاف مب خاصمين عليك ولا هي ضايعة منك.... لو مثل ما قلت الإنتاج زاد عندك لـ200 بيصير + 25% يعني 250... الزيادة طردية بمعنى أصح...وما يخصمون منك شيء...مجرد إنك مخير بين تمديد الزيادة أو لا....

أما بالنسبة للميزات اللي منها انتظار الدور للبناء والحساب القادم للمستهلك كلها تتوفر بتفعيلك بلاس بقيمة 15 ذهب.... وهي أول شيء انت مأشر عليه في الصورة

أما تاجر الـ npc هذا شرح مبسط عنه....وإذا ماعرفت له قول لي :nice:






وباقي الميزات هذا هو شرحها


http://img30.picoodle.com/img/img30/4/4/29/f_travianplusm_3df47ec.jpg (http://www.picoodle.com/view.php?img=/4/4/29/f_travianplusm_3df47ec.jpg&srv=img30)


http://img33.picoodle.com/img/img33/4/4/29/f_travianplusm_ba40c35.jpg (http://www.picoodle.com/view.php?img=/4/4/29/f_travianplusm_ba40c35.jpg&srv=img33)


http://img29.picoodle.com/img/img29/4/4/29/f_travianplusm_fc850b1.jpg (http://www.picoodle.com/view.php?img=/4/4/29/f_travianplusm_fc850b1.jpg&srv=img29)


http://img31.picoodle.com/img/img31/4/4/29/f_travianplusm_9a5f0cc.jpg (http://www.picoodle.com/view.php?img=/4/4/29/f_travianplusm_9a5f0cc.jpg&srv=img31)


http://img33.picoodle.com/img/img33/4/4/29/f_travianplusm_91cbe29.jpg (http://www.picoodle.com/view.php?img=/4/4/29/f_travianplusm_91cbe29.jpg&srv=img33)


http://img27.picoodle.com/img/img27/4/4/29/f_travianplusm_8305f32.jpg (http://www.picoodle.com/view.php?img=/4/4/29/f_travianplusm_8305f32.jpg&srv=img27)

سداوي&مدريدي
13-05-2008, 05:28 PM
تدري ان الذهب مامنه فايده

والله عادي جدا الصبر اهم منه

انا فكرت اني بزيد مواردي بسرعه

وبطور كل شي !!

يعطيك ألف عافيه أخـوي بولينجر

تســلم

:nice:

بوحارب
13-05-2008, 05:34 PM
سداوي & بولينجر ^^

حبيت اسلم عليكم

صارلي فتره ما سيرت عليكم

الله يعطيكم العافيه

http://www.qatarshares.com.qa/data/208/211/storm_1891123452_318244994.gif

سداوي&مدريدي
13-05-2008, 05:35 PM
سداوي & بولينجر ^^

حبيت اسلم عليكم

صارلي فتره ما سيرت عليكم

الله يعطيكم العافيه

http://www.qatarshares.com.qa/data/208/211/storm_1891123452_318244994.gif

هــلا الشيخ

حي الله بوحارب

الله يعافيك

ياخي وينك ماتبين؟

بوحارب
13-05-2008, 05:39 PM
هــلا الشيخ

حي الله بوحارب

الله يعافيك

ياخي وينك ماتبين؟

الشيخ ابوك وانت ولده

الله يبقيك أخوي:shy:

موجود بس امر في حاله من الزحمه

ولي عوده ترقبوا ريشه قلمي http://www.qatarshares.com.qa/data/208/211/storm_1891123452_318244994.gif

بولينجر
13-05-2008, 05:43 PM
تدري ان الذهب مامنه فايده

والله عادي جدا الصبر اهم منه

انا فكرت اني بزيد مواردي بسرعه

وبطور كل شي !!

يعطيك ألف عافيه أخـوي بولينجر

تســلم

:nice:
ساعات الصبر يطول وايد.... يوصل 24 ساعة ... والموارد تفيض وتفيض عن المخزن وانت تبي تستخدم الموارد تبني بها وتطور.... لازم الذهب حزتها crazy

بولينجر
13-05-2008, 05:44 PM
سداوي & بولينجر ^^

حبيت اسلم عليكم

صارلي فتره ما سيرت عليكم

الله يعطيكم العافيه

http://www.qatarshares.com.qa/data/208/211/storm_1891123452_318244994.gif
هلا والله أخوي بوحارب وبريشة قلمك :nice:

سداوي&مدريدي
13-05-2008, 05:49 PM
الشيخ ابوك وانت ولده

الله يبقيك أخوي:shy:

موجود بس امر في حاله من الزحمه

ولي عوده ترقبوا ريشه قلمي http://www.qatarshares.com.qa/data/208/211/storm_1891123452_318244994.gif

هههههههههه

أهم شي ريشه قلمك

ناطيرنها

:tease:


ساعات الصبر يطول وايد.... يوصل 24 ساعة ... والموارد تفيض وتفيض عن المخزن وانت تبي تستخدم الموارد تبني بها وتطور.... لازم الذهب حزتها crazy

يعني حلاتها اذا عندي موارد ضخمه

واذا الحقل وصل عندي فوق المستوى العاشر صح

:nice:

بولينجر
13-05-2008, 06:24 PM
هههههههههه

أهم شي ريشه قلمك

ناطيرنها

:tease:



يعني حلاتها اذا عندي موارد ضخمه

واذا الحقل وصل عندي فوق المستوى العاشر صح

:nice:
صح :nice:

سداوي&مدريدي
14-05-2008, 03:54 PM
صح :nice:

:victory: :victory:

بولينجر
14-05-2008, 05:54 PM
:victory: :victory:
:D :D :D

واحد في حاله
14-05-2008, 06:58 PM
تدري ان الذهب مامنه فايده

والله عادي جدا الصبر اهم منه

انا فكرت اني بزيد مواردي بسرعه

وبطور كل شي !!

يعطيك ألف عافيه أخـوي بولينجر

تســلم

:nice:

مبروووووك الذهب :app::app:

صدقني بتستفيد منه واجد خاصه في انهاء البناء فورا والتاجر الحرامي عيني عينك ( تاجر nbc ) crazy


وبالوفيق اخوي :nice:

واحد في حاله
14-05-2008, 07:02 PM
اخوي بولينجر

انا ماعندي الا هالقريه وناوي اطلع لي مستوطن

بس مب عارف شنو الافضل اني ابني القصر او السكن في هالقريه

وعلى حسب ماقريت ان مايصير يجتمعون في قريه وحده

شرايك اخووي ! :omen2:

"بدون اسم"
14-05-2008, 07:11 PM
بنجربهااا ان شالله
يعطيك العافيه

بولينجر
14-05-2008, 07:14 PM
مبروووووك الذهب :app::app:

صدقني بتستفيد منه واجد خاصه في انهاء البناء فورا والتاجر الحرامي عيني عينك ( تاجر nbc ) crazy


وبالوفيق اخوي :nice:
كلامك صحيح...أهم شيء إنهاء البناء والتطوير فورا.... أما بالنسبة للتاجر اليهودي عرفت أفك منه.... أبيع الفائض عندي في السوق او أدور عن عروض مناسبة أشتريها من السوق...صدقني بتلاقي وبتستانس :nice:

واحد في حاله
14-05-2008, 07:17 PM
كلامك صحيح...أهم شيء إنهاء البناء والتطوير فورا.... أما بالنسبة للتاجر اليهودي عرفت أفك منه.... أبيع الفائض عندي في السوق او أدور عن عروض مناسبة أشتريها من السوق...صدقني بتلاقي وبتستانس :nice:

اي بس ياخي نصابين يعرض 500 طين ويبي 1000 حديد :rolleyes2:

واذا عندك مشاريع ياخي ماتقدر تنتظر البيعه على طووول ع التاجر :D

بولينجر
14-05-2008, 07:25 PM
اخوي بولينجر

انا ماعندي الا هالقريه وناوي اطلع لي مستوطن

بس مب عارف شنو الافضل اني ابني القصر او السكن في هالقريه

وعلى حسب ماقريت ان مايصير يجتمعون في قريه وحده

شرايك اخووي ! :omen2:
ما فهمت وين تبي تبني القصر أو السكن؟

المهم....

إذا بتبني القصر في أول قرية تبنيه فيها تكون قررت إن هالقرية هي العاصمة.....

السكن تقدر تبنيه في كل القرى...وهو مقر إقامة الملك لما يزور القرية....

القصر مكلف جدا تطويره للمستوى العاشر لتدريب مستوطنين لأول مرة...

أما السكن أرخص وتقدر تطلع مستوطنين بسهولة إن شاء الله...

في حال إنك قررت تخلي أي قرية عاصمة لك تقدر وقتها تبني القصر.... حتى لو كانت القرية الأولى اللي عندك....

وإذا كنت تبي القرية الأولى تكون العاصمة وفيها القصر (هي العاصمة بشكل افتراضي لأنها أول قرية)...بس اقصد تبي القصر فيها وانت من قبل بنيت السكن.... طور المبنى الرئيسي للمستوى العاشر لتوفير خيار الهدم...واهدم السكن وابني القصر.... بس كل هذا مكلف ويخسر.... طبعا لك حرية الاختيار بين التوفير من البداية وتثبيت العاصمة من البداية بالقصر أو بناء السكن حاليا واختيار قرية (قمحية مثلا) تكون عاصمة لك.... أو الاختيار الثالث والمكلف وهو بناء السكن حاليا وهدمه فيما بعد لبناء القصر....عن نفسي بنيت سكن وهدمته ورجعت بنيت قصر

بولينجر
14-05-2008, 07:26 PM
بنجربهااا ان شالله
يعطيك العافيه
الله يعافيك أخوي....شكرا لك على المرور الكريم... وإن شاء الله تستانس في اللعبة :nice:

بولينجر
14-05-2008, 07:30 PM
اي بس ياخي نصابين يعرض 500 طين ويبي 1000 حديد :rolleyes2:

واذا عندك مشاريع ياخي ماتقدر تنتظر البيعه على طووول ع التاجر :D
إذا كنت مفعل ترافيان بلاس في اختيار عرض 1:1 وهو يعرض لك كل المعروض في السوق بنسبة متساوية... وتقدر تعرض بنسب متساوية إذا ما عجبتك عروضهم وبتلاقي لها شراي أكيد...لأن عرضك أحسن من عروضهم....
أما هاليهودي أكرهه كره وما أروح له إلا مضطر :rolleyes2:

واحد في حاله
14-05-2008, 07:36 PM
ما فهمت وين تبي تبني القصر أو السكن؟

المهم....

إذا بتبني القصر في أول قرية تبنيه فيها تكون قررت إن هالقرية هي العاصمة.....

السكن تقدر تبنيه في كل القرى...وهو مقر إقامة الملك لما يزور القرية....

القصر مكلف جدا تطويره للمستوى العاشر لتدريب مستوطنين لأول مرة...

أما السكن أرخص وتقدر تطلع مستوطنين بسهولة إن شاء الله...

في حال إنك قررت تخلي أي قرية عاصمة لك تقدر وقتها تبني القصر.... حتى لو كانت القرية الأولى اللي عندك....

وإذا كنت تبي القرية الأولى تكون العاصمة وفيها القصر (هي العاصمة بشكل افتراضي لأنها أول قرية)...بس اقصد تبي القصر فيها وانت من قبل بنيت السكن.... طور المبنى الرئيسي للمستوى العاشر لتوفير خيار الهدم...واهدم السكن وابني القصر.... بس كل هذا مكلف ويخسر.... طبعا لك حرية الاختيار بين التوفير من البداية وتثبيت العاصمة من البداية بالقصر أو بناء السكن حاليا واختيار قرية (قمحية مثلا) تكون عاصمة لك.... أو الاختيار الثالث والمكلف وهو بناء السكن حاليا وهدمه فيما بعد لبناء القصر....عن نفسي بنيت سكن وهدمته ورجعت بنيت قصر



:nice:

كنت مب عارف ابني القصر او السكن

الحين قررت ابني السكن وبعد مااطلع لي قريه ثانيه بهدمه وببني القصر

ماتقصر اخوووي بولينجر .. الله يعطيك العافيه

:nice:

سداوي&مدريدي
14-05-2008, 07:38 PM
مبروووووك الذهب :app::app:

صدقني بتستفيد منه واجد خاصه في انهاء البناء فورا والتاجر الحرامي عيني عينك ( تاجر nbc ) crazy


وبالوفيق اخوي :nice:

وياك أخـوي تسلم

:nice:


ما فهمت وين تبي تبني القصر أو السكن؟

المهم....

إذا بتبني القصر في أول قرية تبنيه فيها تكون قررت إن هالقرية هي العاصمة.....

السكن تقدر تبنيه في كل القرى...وهو مقر إقامة الملك لما يزور القرية....

القصر مكلف جدا تطويره للمستوى العاشر لتدريب مستوطنين لأول مرة...

أما السكن أرخص وتقدر تطلع مستوطنين بسهولة إن شاء الله...

في حال إنك قررت تخلي أي قرية عاصمة لك تقدر وقتها تبني القصر.... حتى لو كانت القرية الأولى اللي عندك....

وإذا كنت تبي القرية الأولى تكون العاصمة وفيها القصر (هي العاصمة بشكل افتراضي لأنها أول قرية)...بس اقصد تبي القصر فيها وانت من قبل بنيت السكن.... طور المبنى الرئيسي للمستوى العاشر لتوفير خيار الهدم...واهدم السكن وابني القصر.... بس كل هذا مكلف ويخسر.... طبعا لك حرية الاختيار بين التوفير من البداية وتثبيت العاصمة من البداية بالقصر أو بناء السكن حاليا واختيار قرية (قمحية مثلا) تكون عاصمة لك.... أو الاختيار الثالث والمكلف وهو بناء السكن حاليا وهدمه فيما بعد لبناء القصر....عن نفسي بنيت سكن وهدمته ورجعت بنيت قصر

اول ماوصل نقطة التجمع مستوى 10

بقولك عشان تشرح لي طريقه هدم المبنى

لأني بنيت القصر ومتحسف والله

:anger1:



إذا كنت مفعل ترافيان بلاس في اختيار عرض 1:1 وهو يعرض لك كل المعروض في السوق بنسبة متساوية... وتقدر تعرض بنسب متساوية إذا ما عجبتك عروضهم وبتلاقي لها شراي أكيد...لأن عرضك أحسن من عروضهم....
أما هاليهودي أكرهه كره وما أروح له إلا مضطر :rolleyes2:

السالفه فيها يهودي

ههههههههههههههههه

:secret:

بولينجر
14-05-2008, 07:50 PM
:nice:

كنت مب عارف ابني القصر او السكن

الحين قررت ابني السكن وبعد مااطلع لي قريه ثانيه بهدمه وببني القصر

ماتقصر اخوووي بولينجر .. الله يعطيك العافيه

:nice:
الله يعافيك أخوي... بس تذكر المستوطنين يكلفونك كثير.... يعني بتقعد توفر مواردك يوم كامل على الأقل لتدريب مستوطن واحد :secret:

بولينجر
14-05-2008, 07:51 PM
وياك أخـوي تسلم

:nice:



اول ماوصل نقطة التجمع مستوى 10

بقولك عشان تشرح لي طريقه هدم المبنى

لأني بنيت القصر ومتحسف والله

:anger1:




السالفه فيها يهودي

ههههههههههههههههه

:secret:
المبنى الرئيسي مب نقطة التجمع :secret:

سداوي&مدريدي
14-05-2008, 07:52 PM
المبنى الرئيسي مب نقطة التجمع :secret:

:eek5: :eek5: :eek5: :eek5:


زين انك قلت لي توني بطور

هههههههههههههههههههههه

بولينجر
14-05-2008, 09:12 PM
:eek5: :eek5: :eek5: :eek5:


زين انك قلت لي توني بطور

هههههههههههههههههههههه
:nice:

واحد في حاله
15-05-2008, 04:45 PM
:secret:

اخوي بولينجر انا سجلت في السيرفر 11 من فتره واخترت الرومان

بس طلع دمي جيرماني اصلي :secret:

الحين اقدر اغير من ال رومان الى ال جرمان ؟ :weeping:

ولا خلاص راحت علي :shy:

بولينجر
15-05-2008, 04:53 PM
:secret:

اخوي بولينجر انا سجلت في السيرفر 11 من فتره واخترت الرومان

بس طلع دمي جيرماني اصلي :secret:

الحين اقدر اغير من ال رومان الى ال جرمان ؟ :weeping:

ولا خلاص راحت علي :shy:
لا راحت عليك :tease:

بس تقدر تلغي الحساب وتسجل جيرماني بنفس الايميل بعد 3 أيام...

أو تلغي الحساب وتسجل بإيميل ثاني.... المهم مب حسابين بنفس الايميل في وقت واحد....

على فكرة الروماني عنده ميزة مب عند حد من الشعوب إلا في البلاس....

وهي ميزة البناء لحقل + بناء مبنى في نفس الوقت....

وجيشهم قوي بس مكلف....

لكن الدفاع عنده قوي والهجوم بعد قوي.... متوازن يعني...

أنصحك تم روماني بدم جرماني :tease:

واحد في حاله
15-05-2008, 05:05 PM
والله بيني وبينك توني اشوف قدراتهم... ياخي قويين في الدفاع وفي الهجوم بعد

بس مكلفين جدآ ... شكلي بتم عليهم






الا ماقلت لك ... ترى انا جيرماني بس خوالي رومان :tease:

بولينجر
15-05-2008, 06:24 PM
والله بيني وبينك توني اشوف قدراتهم... ياخي قويين في الدفاع وفي الهجوم بعد

بس مكلفين جدآ ... شكلي بتم عليهم






الا ماقلت لك ... ترى انا جيرماني بس خوالي رومان :tease:
وحلو التغيير بعد....خلاص خوالك بيعززون قريتك لما حد يهاجمك بجنود رومان...وجذي تستفيد من قوة الجرمان في الهجوم وقوة الرومان في الدفاع...

سداوي&مدريدي
16-05-2008, 02:37 AM
وينكم ؟

:secret:

بولينجر
16-05-2008, 11:15 AM
وينكم ؟

:secret:
هني :secret:
هلا :nice:

سداوي&مدريدي
16-05-2008, 03:50 PM
بولينــجر

اذا ضغطت على الدليل السريع مايفتح ؟ :anger1:

جربت في السيرفر السادس والسيرفر العاشر

نفس المشكله !!

بولينجر
16-05-2008, 04:02 PM
بولينــجر

اذا ضغطت على الدليل السريع مايفتح ؟ :anger1:

جربت في السيرفر السادس والسيرفر العاشر

نفس المشكله !!
الدليل السريع تعبااااااااااان....انساه
عندك الـhelp أفضل ومفصل أكثر....بس بالإنجليزي :secret:
http://help.travian.ae/

سداوي&مدريدي
16-05-2008, 04:19 PM
الدليل السريع تعبااااااااااان....انساه
عندك الـhelp أفضل ومفصل أكثر....بس بالإنجليزي :secret:
www.help.travian.ae

الرابط مايشتغل

:secret:

بولينجر
16-05-2008, 04:25 PM
الرابط مايشتغل

:secret:
تفضل :nice:
http://help.travian.ae/

وعدلت اللي فوق :secret:

سداوي&مدريدي
16-05-2008, 04:29 PM
تفضل :nice:
http://help.travian.ae/

وعدلت اللي فوق :secret:

الحين أوكي :nice:

تسلم لم لي بولينجر

بولينجر
16-05-2008, 04:34 PM
الحين أوكي :nice:

تسلم لم لي بولينجر
الله يسلمك اخوي سداوي...:nice:

بوحارب
16-05-2008, 04:39 PM
مساكم الله بالخير

والله يوفقكم ^ ـــ ^

سداوي&مدريدي
16-05-2008, 04:46 PM
مساكم الله بالخير

والله يوفقكم ^ ـــ ^

مساء الورد المفعم بالياسمين

وياك ان شاء الله

:nice:

بولينجر
16-05-2008, 05:09 PM
مساكم الله بالخير

والله يوفقكم ^ ـــ ^
الله يمسيك بالنور والبخور...

هلا بوحارب...

وياك إن شاء الله...

limoOoOony
16-05-2008, 09:16 PM
بولينــجر

اذا ضغطت على الدليل السريع مايفتح ؟ :anger1:

جربت في السيرفر السادس والسيرفر العاشر

نفس المشكله !!

اخوي يفتح على يسار الصفحه

اسحب السهم اللي تحت لليسار وبتشوفه :nice:

hamoor4ever
16-05-2008, 11:07 PM
اخوي استفسار بالنسبه حق تطوير الجيش في الحداد ومستودع الاسلحه
الجيش له مستويات ، هاذه شنو الفايده اني اطور مثلا مستوى المبارز مثلا من المستوى صفر لين المستوى واحد هل يأثر فيه لاني اشوفه مكلف ومن غير فايده يليت التوضيح اخوي ، وسامحنا ع التملل

بولينجر
16-05-2008, 11:40 PM
اخوي استفسار بالنسبه حق تطوير الجيش في الحداد ومستودع الاسلحه
الجيش له مستويات ، هاذه شنو الفايده اني اطور مثلا مستوى المبارز مثلا من المستوى صفر لين المستوى واحد هل يأثر فيه لاني اشوفه مكلف ومن غير فايده يليت التوضيح اخوي ، وسامحنا ع التملل
هلا أخوي هامور....

الحداد لتحسين قوة الهجوم
ومستودع الأسلحة لتحسين قوة الدفاع

التحسين يكون بمستويات....كل مستوى من التحسين يضيف ما يساوي 1.5% تقريبا من القوة مع كل مستوى من المبنى

والمعادلة الفعلية للقوة تكون بالشكل التالي
(لو افترضنا أن قوة الوحدة في الهجوم هي 71.1 وبتحسينها في المستوى الأول)
المعادلة: قوة الوحدة الهجومية في 1.015 مرفوع للقوة (مستوى الحداد)
بالأرقام (بفرض ان الحداد مستواه=1)
71.1 * 1.015 ^ 1= 72.1

ونفس الأمر بالنسبة للدفاع في مستودع الأسلحة...
يتحسن بنسبة 1.5% تقريبا لكل مستوى

شوف الصور وبتعرف


الحداد

http://img32.picoodle.com/img/img32/4/5/16/f_travianblacm_08073c9.jpg (http://www.picoodle.com/view.php?img=/4/5/16/f_travianblacm_08073c9.jpg&srv=img32)


مستودع الأسلحة

http://img33.picoodle.com/img/img33/4/5/16/f_travianaromm_8ca4a8a.jpg (http://www.picoodle.com/view.php?img=/4/5/16/f_travianaromm_8ca4a8a.jpg&srv=img33)


يعني باختصار إذا كان عندك جندي الهجوم يقتل جندي واحد فقط ...بالتحسين ممكن يقتل أكثر....نفس الشيء بالنسبة للدفاع... إذا كان يدافع ويموت مقابل جندي من الطرف الآخر المهاجم....بالتحسين ممكن يدافع ويموت مقابل جنديين أو أكثر...

أتمنى يكون شرحي واضح :nice:

واحد في حاله
17-05-2008, 12:20 AM
الله يعطيك العافيه اخوي بولينجر على مجهودك

ماشالله عليك وقت الفزعه جاهز



ترى سيرفر 12 افتحوه

يبيله تصير من الاوائل

:fight:

hamoor4ever
17-05-2008, 12:47 AM
حلو شرحك وافي يااخوي

بولينجر
17-05-2008, 01:27 AM
الله يعطيك العافيه اخوي بولينجر على مجهودك

ماشالله عليك وقت الفزعه جاهز



ترى سيرفر 12 افتحوه

يبيله تصير من الاوائل

:fight:
الحين أنا في الثالث والعاشر ومب ملحق crazy
عندنا حرب في الثالث ومنخش عنهم.... :secret:

بولينجر
17-05-2008, 01:28 AM
حلو شرحك وافي يااخوي
المهم إن المعلومة وصلت :nice:
حاضرين :nice:

سداوي&مدريدي
17-05-2008, 02:22 AM
اخوي يفتح على يسار الصفحه

اسحب السهم اللي تحت لليسار وبتشوفه :nice:

اي والله وانا قاعد ادوره من الصبح

تســلم لي أخــوي

:nice:

بولينجر
17-05-2008, 02:34 AM
اي والله وانا قاعد ادوره من الصبح

تســلم لي أخــوي

:nice:
صادوووووووه :secret:

سداوي&مدريدي
17-05-2008, 11:54 AM
صادوووووووه :secret:

:omen2:

سهم طايح
17-05-2008, 12:27 PM
السلام عليكم

اشلون اقدر اطلع انواع ثانية من الجنود

كل اللي عندي ( جندي أول )

hamoor4ever
17-05-2008, 04:25 PM
اخوي شفايده اني اسوي بطل هل منه فايده بالجيش ؟؟؟

بولينجر
17-05-2008, 08:48 PM
السلام عليكم

اشلون اقدر اطلع انواع ثانية من الجنود

كل اللي عندي ( جندي أول )



أخوي سهم طايح اللي فهمته إنك روماني....

أكيد ما راح يكون عندك غير جندي أول لأنك للحين ما طورت وبنيت بعض المباني المهمة....

بشكل عام قبل تدريب أي نوع من أنواع الجنود في أي قبيلة لازم تبحث هذا النوع في الأكاديمية...

ومتطلبات بناء الأكاديمية هي: المبنى الرئيسي مستوى 3 والثكنة مستوى 3

بالإضافة طبعا لبعض المباني العسكرية:

للفرسان لازم تبني الإسطبل....ومتطلبات بنائه: الأكاديمية مستوى 5 والحداد مستوى 3

الحداد (لتحسين الهجوم) متطلباته: المبنى الرئيسي مستوى 3 والأكاديمية مستوى 3

مستودع الأسلحة (لتحسين الدفاع) متطلباته: المبنى الرئيسي مستوى 3 والأكاديمية مستوى 1

بعد توضيح المباني العسكرية هذا جدول يوضح كل نوع من أنواع الجنود الرومان مع تكلفة بحثه في الأكاديمية وفي أي مستوى من الأكاديمية يتم بحثه


http://img26.picoodle.com/img/img26/4/5/17/f_travianacadm_914a480.jpg (http://www.picoodle.com/view.php?img=/4/5/17/f_travianacadm_914a480.jpg&srv=img26)


ملاحظة: كلمة Level تعني المستوى في الأكاديمية المسموح به بحث هذا النوع

متطلبات بحث كل نوع في الأكاديمية:
جندي أول: لا يوجد متطلبات
حراس الامبراطور: الأكاديمية مستوى 1 ومستودع الأسلحة مستوى 1
جندي مهاجم: الأكاديمية مستوى 5 والحداد مستوى 1
فرقة التجسس: الأكاديمية مستوى 5 والإسطبل مستوى 1
سلاح الفرسان: الأكاديمية مستوى 5 والإسطبل مستوى 5
فرسان القيصر: الأكاديمية مستوى 5 والإسطبل مستوى 10
كبش: الأكاديمية مستوى 10 والمصانع الحربية مستوى 1
المقلاع الناري: الأكاديمية مستوى 15 والمصانع الحربية مستوى 10
الحكيم: الأكاديمية مستوى 20 ونقطة تجمع مستوى 10 وقصر بمساحة تدريب (يعني مستوى 10 او 15 أو 20 ولم يتم تدريب مستوطنين في المستوى المقصود) أو سكن بمساحة تدريب (يعني مستوى 10 أو 20 ولم يتم تدريب مستوطنين في المستوى المقصود)

إن شاء الله الشرح يكون واضح وكامل :nice:

بولينجر
17-05-2008, 08:52 PM
اخوي شفايده اني اسوي بطل هل منه فايده بالجيش ؟؟؟
هلا أخوي هامور... نعم البطل مهم جدا فهو يكتسب نقاط وقوة مع كل معركة يخوضها مع الجيش....
ويصير قوي لدرجة إنه ممكن في المراحل المتطورة أن يهزم جيشا بأكمله لوحده....
يعني هو البطل المغوار اللي تملكه وتقدر تعتني فيه وتدربه أكثر وتقويه وهو قائد الجيش....
طبعا بالإضافة إلى فائدته في احتلال الواحات....

hamoor4ever
17-05-2008, 10:08 PM
شديد البطل مالي بروح اعطيه خبره اخوي ،، بس يااخوي الجيش كل مااسوي لي جيش يهاجمونه ولا يموتون ، والله حالتي حاله :(

يعطيك العافيه على الشرح

بولينجر
17-05-2008, 10:19 PM
شديد البطل مالي بروح اعطيه خبره اخوي ،، بس يااخوي الجيش كل مااسوي لي جيش يهاجمونه ولا يموتون ، والله حالتي حاله :(

يعطيك العافيه على الشرح
حسن الجيش في مستودع الأسلحة لتحسين الدفاع....

والله يعافيك ويوفقك....

بولينجر
17-05-2008, 10:20 PM
:omen2:
:D :D :D

سداوي&مدريدي
17-05-2008, 11:08 PM
والله يابولينجر

كلمة شكرا قليله في حقك

شخبار القريه الرئيسيه

:)

بولينجر
17-05-2008, 11:26 PM
والله يابولينجر

كلمة شكرا قليله في حقك

شخبار القريه الرئيسيه

:)
العفو أخوي سداوي....:nice:

الحمدلله تماااااااااااام....:victory:

قاعد أخطط لي على واحد من تحالف قولدن اللي احنا متحاربين معاه....:fight:

بأهجم عليه قريب إن شاء الله بالمقاليع....:fight:

بس أنتظر أطور نقطة التجمع للمستوى 20 علشان أستهدف لي هدفين في هجوم واحد....:victory:

وانت شأخبار قريتك؟

سداوي&مدريدي
17-05-2008, 11:59 PM
العفو أخوي سداوي....:nice:

الحمدلله تماااااااااااام....:victory:

قاعد أخطط لي على واحد من تحالف قولدن اللي احنا متحاربين معاه....:fight:

بأهجم عليه قريب إن شاء الله بالمقاليع....:fight:

بس أنتظر أطور نقطة التجمع للمستوى 20 علشان أستهدف لي هدفين في هجوم واحد....:victory:

وانت شأخبار قريتك؟

ياعيني عليك ياوبلينجر

ووووووووحش ما شاء الله عليك :nice:

بخصوص قريتي بحط لها صور قريب

والحين توني مخلص من السكن المستوى العاشر

وان شاء الله بفتح قريه يديده

بولينجر
18-05-2008, 02:43 AM
ياعيني عليك ياوبلينجر

ووووووووحش ما شاء الله عليك :nice:

بخصوص قريتي بحط لها صور قريب

والحين توني مخلص من السكن المستوى العاشر

وان شاء الله بفتح قريه يديده
مبروك مقدما على القرية الجديدة :nice:
عطني إحداثياتك بصيغة اكس تساوي كذا وواي تساوي كذا على الخاص بأدور لك قرية قمحية قريبة منك....:secret:

سداوي&مدريدي
18-05-2008, 10:06 AM
مبروك مقدما على القرية الجديدة :nice:
عطني إحداثياتك بصيغة اكس تساوي كذا وواي تساوي كذا على الخاص بأدور لك قرية قمحية قريبة منك....:secret:

الله يبارك فيك

بولينجر بعد المستوى العاشر بس عشان اطلع مستوطن

طالبين مني موارد غير طبيعيه يبيلي وقت لين اجمعها شالحل؟؟

عموما انا في السيرفر السادس واحداثيتي -y59 x178

لحد يهجم علي ترى عندي تحالف قوي

:tease:

بولينجر
18-05-2008, 11:27 AM
الله يبارك فيك

بولينجر بعد المستوى العاشر بس عشان اطلع مستوطن

طالبين مني موارد غير طبيعيه يبيلي وقت لين اجمعها شالحل؟؟

عموما انا في السيرفر السادس واحداثيتي -y59 x178

لحد يهجم علي ترى عندي تحالف قوي

:tease:


شيك الخاص :secret:
بالنسبة للمستوطنين أنا كنت أنتظر يوم كامل لين أقدر أدرب مستوطن واحد.... والله يعينك

سوسو قطر
18-05-2008, 11:30 AM
والله اختي حاشرتني في هاللعبه سجلي وسجلي

هع ودي بس احس مادري شلون يعني معقده

بولينجر
18-05-2008, 01:43 PM
والله اختي حاشرتني في هاللعبه سجلي وسجلي

هع ودي بس احس مادري شلون يعني معقده
جربي وبعدين احكمي...وأختج إن شاء الله بتعلمج وأنا حاضر لأي سؤال :nice:

سداوي&مدريدي
18-05-2008, 10:21 PM
جربي وبعدين احكمي...وأختج إن شاء الله بتعلمج وأنا حاضر لأي سؤال :nice:

بولينجر والله بيدمنون عليها

ههههههههههههههههههههه

ذكرهم بالمقوله الي في اللعبه وبر ذمتك

(( لاتلهيك ترافين عن الصلاه ))

ترى كل شي على رقبتك

:tease:

بولينجر
19-05-2008, 02:20 AM
بولينجر والله بيدمنون عليها

ههههههههههههههههههههه

ذكرهم بالمقوله الي في اللعبه وبر ذمتك

(( لاتلهيك ترافين عن الصلاه ))

ترى كل شي على رقبتك

:tease:
إن شاء الله....وجزاك الله خير

للجميع:

لا تلهيك ترافيان عن الصلاة وعن بر الوالدين وعن الدراسة .... ما أبي أحط شيء في ذمتي :no2:

ROSE
19-05-2008, 02:23 AM
بولينجر جربت السيرفر الاجنبي عجيب وسررررررررررريع

ROSE
19-05-2008, 02:24 AM
العفو أخوي سداوي....:nice:

الحمدلله تماااااااااااام....:victory:

قاعد أخطط لي على واحد من تحالف قولدن اللي احنا متحاربين معاه....:fight:

بأهجم عليه قريب إن شاء الله بالمقاليع....:fight:

بس أنتظر أطور نقطة التجمع للمستوى 20 علشان أستهدف لي هدفين في هجوم واحد....:victory:

وانت شأخبار قريتك؟



لحد يهجم على تحالفنا :secret:

عفريت ^ كشخه
19-05-2008, 02:34 AM
السلام عليكم

شخباركم بعد انقطااااع

عندي سؤال


طلعت مستوطنين و باقي واحد ...!
بس السؤال إذا طلعت المسوطن الثالث كيف اطلع القرية الجديدة ...!

بولينجر
19-05-2008, 03:32 AM
بولينجر جربت السيرفر الاجنبي عجيب وسررررررررررريع
عقبال السيرفرات العربية يفتحون لنا واحد سريييييييع.... سجلت في الأجنبي مرة وكانت جنبي وحده صينية ما تتفاهم مع حد كل شوي طابه على قريتي...ما كنت متفرغ لها كنسلت وطلعت :secret:

بولينجر
19-05-2008, 03:39 AM
لحد يهجم على تحالفنا :secret:
وينكم؟ :secret:

عفريت ^ كشخه
19-05-2008, 03:40 AM
عقبال السيرفرات العربية يفتحون لنا واحد سريييييييع.... سجلت في الأجنبي مرة وكانت جنبي وحده صينية ما تتفاهم مع حد كل شوي طابه على قريتي...ما كنت متفرغ لها كنسلت وطلعت :secret:

خخخخخخخخخخخخ

اسكت عندي واحد لغتة عجيبة مب عارف شكاتب بالوصف مالة

مللني

بولينجر
19-05-2008, 03:43 AM
السلام عليكم

شخباركم بعد انقطااااع

عندي سؤال


طلعت مستوطنين و باقي واحد ...!
بس السؤال إذا طلعت المسوطن الثالث كيف اطلع القرية الجديدة ...!
لين طلعت المستوطن الثالث....حمل المستوطنين 750 من كل نوع من المواد الخام وروح للقرية اللي تعجبك على الخريطة واضغط عليها واختار بناء قرية جديدة....
إذا ودك في قمحية قول لي احداثياتك على الخاص وانا باطلع لك القمحيات اللي جنبك

بولينجر
19-05-2008, 03:45 AM
خخخخخخخخخخخخ

اسكت عندي واحد لغتة عجيبة مب عارف شكاتب بالوصف مالة

مللني
خخخخخخ.... تدري هذي مشكلة السيرفرات العالمية (الدوت كوم)..... اللي فيها من كل اللغات ولا اعرف شلون ممكن يتفاهمون لو ما يتكلمون انجليزي.... شلون حتى يتحالفون ما ادري....خخخخخخخ

عفريت ^ كشخه
19-05-2008, 03:50 AM
لين طلعت المستوطن الثالث....حمل المستوطنين 750 من كل نوع من المواد الخام وروح للقرية اللي تعجبك على الخريطة واضغط عليها واختار بناء قرية جديدة....
إذا ودك في قمحية قول لي احداثياتك على الخاص وانا باطلع لك القمحيات اللي جنبك

مو لي انا رفيجي مب عارف كيف


انا توني محطمة ابواب للحين ماطلعت

خخخخخخخخخ

بس مواردي شي شي 250 بالساعة من جميع الأنواع اللهم لاحسد

لاحسد قريتي خخخخخخ

عفريت ^ كشخه
19-05-2008, 03:52 AM
خخخخخخ.... تدري هذي مشكلة السيرفرات العالمية (الدوت كوم)..... اللي فيها من كل اللغات ولا اعرف شلون ممكن يتفاهمون لو ما يتكلمون انجليزي.... شلون حتى يتحالفون ما ادري....خخخخخخخ

هههههههههههههههههههههههههههههههههه


لالا ماعليك كنت مسجل انا بالسيرفر الفرنسي العجيب مافهمت شي طلعت هههه قلت ابي اتضارب ويا الفرنسيين بس الحين هونت السيرفر الإبريطاني اوكية ههههه مرتاح بس في جم واحد مللني يطرشلي من كل نوع 100 وانا توني عدد سكاني في ال 60

بولينجر
19-05-2008, 04:21 AM
مو لي انا رفيجي مب عارف كيف


انا توني محطمة ابواب للحين ماطلعت

خخخخخخخخخ

بس مواردي شي شي 250 بالساعة من جميع الأنواع اللهم لاحسد

لاحسد قريتي خخخخخخ
الله يوفقكم انت ورفيجك.... وعقبال القرية الجديدة لك :nice:
يبيلك تنسى المباني شوي وتركز على الموارد

بولينجر
19-05-2008, 04:23 AM
هههههههههههههههههههههههههههههههههه


لالا ماعليك كنت مسجل انا بالسيرفر الفرنسي العجيب مافهمت شي طلعت هههه قلت ابي اتضارب ويا الفرنسيين بس الحين هونت السيرفر الإبريطاني اوكية ههههه مرتاح بس في جم واحد مللني يطرشلي من كل نوع 100 وانا توني عدد سكاني في ال 60
وشلون سجلت في البريطاني؟ :secret:

اللي قاعد يرسل لك موارد...درب جيش بموارده واهجم عليه....

شكله يبي يوقفون قريتك باستقبالك للموارد بالهبل....

سداوي&مدريدي
19-05-2008, 01:12 PM
بولينجر جربت السيرفر الاجنبي عجيب وسررررررررررريع

بعد أنتي عندج قريه

:nice:

سداوي&مدريدي
19-05-2008, 01:13 PM
إن شاء الله....وجزاك الله خير

للجميع:

لا تلهيك ترافيان عن الصلاة وعن بر الوالدين وعن الدراسة .... ما أبي أحط شيء في ذمتي :no2:

:nice: :nice: :nice: :nice:

ROSE
19-05-2008, 01:20 PM
عقبال السيرفرات العربية يفتحون لنا واحد سريييييييع.... سجلت في الأجنبي مرة وكانت جنبي وحده صينية ما تتفاهم مع حد كل شوي طابه على قريتي...ما كنت متفرغ لها كنسلت وطلعت :secret:


ايه اخوي وزوجته وولد اختي متأذيين منهم كل شوي هجوم


انا جاني واحد هجم مره وخذ موارد بسيطه وطرشت له رسالة اهدده فيها

وكثرت الافخاخ ههههههههه لما جهم مره ثانيه
اسرت كل جنوده وتحسف


واليوم واحد مطرش لي ماعرفه بس معطني الباسوورد واليوزر

يقول لي القرية حلالج :rolleyes2: انجليزي ولااعرفه ولا ادري من وين طالع لي


هههههههههههههههههههههههه

قلت بعد الدوام بدخل قريته وبشوفها وباخذ موارده :shy:


وينكم؟ :secret:

السيرفر 11 :secret:

ROSE
19-05-2008, 01:20 PM
بعد أنتي عندج قريه

:nice:

ايه :shy:

توني عليميه :(

بولينجر
19-05-2008, 02:10 PM
ايه اخوي وزوجته وولد اختي متأذيين منهم كل شوي هجوم


انا جاني واحد هجم مره وخذ موارد بسيطه وطرشت له رسالة اهدده فيها

وكثرت الافخاخ ههههههههه لما جهم مره ثانيه
اسرت كل جنوده وتحسف


واليوم واحد مطرش لي ماعرفه بس معطني الباسوورد واليوزر

يقول لي القرية حلالج :rolleyes2: انجليزي ولااعرفه ولا ادري من وين طالع لي


هههههههههههههههههههههههه

قلت بعد الدوام بدخل قريته وبشوفها وباخذ موارده :shy:



السيرفر 11 :secret:
هلا أختي روز...

انتي ادخلي قريته وسوي لنفسج توكيل من العضوية..... علشان تكونين في السليم....

عطيني الاحداثيات مع السيرفر اذا تبين قرية قمحية لج أو للفاميلي...على الخاص....

بولينجر
19-05-2008, 02:11 PM
ايه :shy:

توني عليميه :(
بأخليج تصيرين برو إن شاء الله...:nice:

ROSE
19-05-2008, 02:23 PM
هلا أختي روز...

انتي ادخلي قريته وسوي لنفسج توكيل من العضوية..... علشان تكونين في السليم....

عطيني الاحداثيات مع السيرفر اذا تبين قرية قمحية لج أو للفاميلي...على الخاص....

خلاص بس اروح البيت ان شاءالله بطرش لك

مانعين عندنا اللعبة في الشغل

:nice:



بأخليج تصيرين برو إن شاء الله...:nice:

تسلم يارب :shy: ايه ابيك تعلمني عدل عشان اوريهم العين الحمرا

مع اني بحالي اهم شي عندي اطور الموارد والمباني الحين

hamoor4ever
19-05-2008, 03:16 PM
اخوي انا متوهق سويت لي بطل مبارز ،، عاد تدري فيه بطئ ، الحين ابغي اغيره اخلي البطل اللي عندي رعد الجرمان لانه سريع شرايك انت ، بطل ويمشي مثل البطه !!

بولينجر
19-05-2008, 03:27 PM
خلاص بس اروح البيت ان شاءالله بطرش لك

مانعين عندنا اللعبة في الشغل

:nice:




تسلم يارب :shy: ايه ابيك تعلمني عدل عشان اوريهم العين الحمرا

مع اني بحالي اهم شي عندي اطور الموارد والمباني الحين
حاضرين إن شاء الله....:nice:
وبالنسبة للتطوير ركزي وركزي وركزي على الموارد
وبعدها ركزي على المخابئ
المباني لاحقة عليها إن شاء الله

جلمود
19-05-2008, 03:33 PM
شفتها عن الربع بالمجلس وحاولت العبها بس ماعرف اشوفهم مدمنين عليهاااا

بس شرحك عن اللعبه وافي ,, وبحاول هذاي المره

تسلم يالغاالي

بولينجر
19-05-2008, 03:48 PM
اخوي انا متوهق سويت لي بطل مبارز ،، عاد تدري فيه بطئ ، الحين ابغي اغيره اخلي البطل اللي عندي رعد الجرمان لانه سريع شرايك انت ، بطل ويمشي مثل البطه !!
نفس حالتي :nice:
أنا ذبحت البطل اللي عندي (المبارز)....هديته بروحه على اقرب واحة فيها وحوش ومات المسكين....كسر خاطري :(

وبعدين طلعت لي بطل من فرسان الهيدوانر... رعد الجرمان بعد حلو....

وتقدر تختار البطل اللي تبيه :nice:

بولينجر
19-05-2008, 03:50 PM
شفتها عن الربع بالمجلس وحاولت العبها بس ماعرف اشوفهم مدمنين عليهاااا

بس شرحك عن اللعبه وافي ,, وبحاول هذاي المره

تسلم يالغاالي
الله يسلمك اخوي جلمود.... جرب وبتلاقيها سهلة إن شاء الله....

limoOoOony
19-05-2008, 10:14 PM
مساااااء الخير

الحرب ولعت في سيرفر4 :victory:

3 تحالفات الاولى يهجمون على تحالف مافيا وانا مع مافيا استلمت اللي حولي ونظفتهم وتو الناس

ساحة البطولة تسوي شغل يابولينجر :nice:

الخيميائي
20-05-2008, 12:22 AM
انا عندي سؤال بولينجر

كان عندي اسرى بالسجن وهجم على واحد وشردوا هل هاي ممكن :(

وسؤال ثاني شسوي فيهم الاسرى اذا مارضى راعيهم يدفع الجزية :(

اخر سؤال :p

اشلون اقدر اطور الحلف واتقدم بالدرجات يعني اشلون اقدر احصل نقاط

وبس هذا الى في بالي

مبتدىء يبي يصير خبير :p

ROSE
20-05-2008, 12:26 AM
خيموووووووووووو نفس الشي

انا بعد كان عندي اسرى 2 والافخاخ 17

هاجمني الشرير وكانوا جيشه 150 :anger1:

واسرت له 17 بس اشوفه حررهم شلون مادري

:weeping:

الخيميائي
20-05-2008, 12:28 AM
خيموووووووووووو نفس الشي

انا بعد كان عندي اسرى 2 والافخاخ 17

هاجمني الشرير وكانوا جيشه 150 :anger1:

واسرت له 17 بس اشوفه حررهم شلون مادري

:weeping:

:anger1:

وليش تاخذين الاغريق اخذي الجرمان يقولج اقوى :p

ROSE
20-05-2008, 12:29 AM
:anger1:

وليش تاخذين الاغريق اخذي الجرمان يقولج اقوى :p

على الاقل الاغريق تسوي افخاخ وتشتغل على راحتك بعدين

بس ذيه مادري شلون شال الافخاخ معاه شكله :secret:

كانوا 17 صاروا 8 :anger1:

الخيميائي
20-05-2008, 12:30 AM
على الاقل الاغريق تسوي افخاخ وتشتغل على راحتك بعدين

بس ذيه مادري شلون شال الافخاخ معاه شكله :secret:

كانوا 17 صاروا 8 :anger1:

هههههههههههههههههههههه خذ الاسرى والافخاخ هذا ضار شكله :p

قولي الحمدالله ماخذ السفارة معاه :tease:

ROSE
20-05-2008, 12:31 AM
هههههههههههههههههههههه خذ الاسرى والافخاخ هذا ضار شكله :p

قولي الحمدالله ماخذ السفارة معاه :tease:

:eek5: شلون ياخذون السفارة بعد :secret:


لاتقعد تقص علي :anger1:

الخيميائي
20-05-2008, 12:33 AM
:eek5: شلون ياخذون السفارة بعد :secret:


لاتقعد تقص علي :anger1:

يشيلها على ظهره :anger1:

او يقلصها بعراوي قديم :tease:

او على الاقل يكتب يعيش الريان على سور القرية :omen2:

ROSE
20-05-2008, 12:34 AM
يشيلها على ظهره :anger1:

او يقلصها بعراوي قديم :tease:

او على الاقل يكتب يعيش الريان على سور القرية :omen2:



:court::court::court:

الخيميائي
20-05-2008, 12:35 AM
:court::court::court:

:secret:

بولينجر
20-05-2008, 05:11 AM
مساااااء الخير

الحرب ولعت في سيرفر4 :victory:

3 تحالفات الاولى يهجمون على تحالف مافيا وانا مع مافيا استلمت اللي حولي ونظفتهم وتو الناس

ساحة البطولة تسوي شغل يابولينجر :nice:
شغل تمااااااام....ساحة البطولة للي يبي يعرف سالفتها....هي تسرع من القوات بمقدار 10% مع كل مستوى للمسافات أكثر من 30.... ومتطلباتها نقطة التجمع مستوى 15.....

بولينجر
20-05-2008, 05:23 AM
انا عندي سؤال بولينجر

كان عندي اسرى بالسجن وهجم على واحد وشردوا هل هاي ممكن :(

وسؤال ثاني شسوي فيهم الاسرى اذا مارضى راعيهم يدفع الجزية :(

اخر سؤال :p

اشلون اقدر اطور الحلف واتقدم بالدرجات يعني اشلون اقدر احصل نقاط

وبس هذا الى في بالي

مبتدىء يبي يصير خبير :p
في نظري حاليا الأفخاخ ما منها فايدة....
لأنك لو طورت الصياد للمستوى 20 يعني تقدر تبني 200 فخ بس :(
وأعتقد عندكم في السيرفر الثاني 200 فخ ما تسوي شيء قدام جيوش جرارة تهجم على القرية الإغريقية....
شردوا طبعا لأن عدد الجنود المهاجمين أكثر من عدد الأفخاخ....
بالتالي لو أسرت لك 10 من أصل 15 مهاجم الـ 5 اللي ما أسرتهم بيحررون ربعهم....
كذلك لو أسرت لك جنود وتموا عندك في الأسر....ممكن صاحب هالجنود يملك غيرهم ويرسلهم على قريتك يحرر جنوده المأسورين.....
المسألة أخوي الخيميائي إن الأفخاخ تنفعك كثير وتريح راسك لما تكون في بداية السيرفر....
بعدها أشوف فايدتها بسيطة....
يعني مثلا عندنا في السيرفر الثالث يهجمون بـ 300 جندي أحيانا.... مستحيل تأسرهم مع صياد مستوى 20 وبـ 200 فخ.... مجرد بيكسرون أفخاخك (بيرد لك ثلثهم بس) ويتم هجومهم بنجاح....
عندك القوة الحقيقية في الاغريق تكمن في جنودهم بدفاعهم القوي....
واذا تبي تقوي الدفاع أكثر ارفع السور قدر الاستطاعة....

أما بالنسبة للسؤال الثاني تقدر تزيد مرتبة التحالف بزيادة عدد السكان + زيادة عدد النقاط الحضارية
أكيد تعرف النقاط الحضارية....كل مبنى وحقل ينتج عدد من النقاط الحضارية... وتختلف المباني في كمية الانتاج.... ركز على الاكاديمية والسفارة واحتفالات البلدية.... لزيادة النقاط الحضارية....وبالتوفيق خم خم :nice:

بولينجر
20-05-2008, 05:27 AM
خيموووووووووووو نفس الشي

انا بعد كان عندي اسرى 2 والافخاخ 17

هاجمني الشرير وكانوا جيشه 150 :anger1:

واسرت له 17 بس اشوفه حررهم شلون مادري

:weeping:
حررهم لأن جنوده ما راح يدبرون عن ربعهم وهم مأسورين...أنقذوهم....
أفخاخ أكثر من الجنود = أسر وممكن ينقذهم بهجمة جديدة
أفخاخ أقل من الجنود = أسر + تكسير الأفخاخ واسترجاع الثلث فقط

بولينجر
20-05-2008, 05:29 AM
:anger1:

وليش تاخذين الاغريق اخذي الجرمان يقولج اقوى :p
الجرمان كله هجوم في هجوم....أستبعد يصمدون أمام الناتارز وقت بناء المعجزة

بولينجر
20-05-2008, 05:30 AM
على الاقل الاغريق تسوي افخاخ وتشتغل على راحتك بعدين

بس ذيه مادري شلون شال الافخاخ معاه شكله :secret:

كانوا 17 صاروا 8 :anger1:
كسروهم ورد لج الثلث :secret:

بولينجر
20-05-2008, 05:30 AM
هههههههههههههههههههههه خذ الاسرى والافخاخ هذا ضار شكله :p

قولي الحمدالله ماخذ السفارة معاه :tease:
:tease:

بولينجر
20-05-2008, 05:31 AM
:eek5: شلون ياخذون السفارة بعد :secret:


لاتقعد تقص علي :anger1:
يقص عليج :secret:

بولينجر
20-05-2008, 05:33 AM
يشيلها على ظهره :anger1:

او يقلصها بعراوي قديم :tease:

او على الاقل يكتب يعيش الريان على سور القرية :omen2:
خخخخخخخخخخخخ

ذبحتني من الضحك خم خم

سداوي&مدريدي
20-05-2008, 12:55 PM
:victory: :victory: :victory: :victory: :victory:

بولينجر
20-05-2008, 01:19 PM
:victory: :victory: :victory: :victory: :victory:
:nice: :nice: :nice: :nice: :nice:

واحد في حاله
20-05-2008, 05:05 PM
:nice: :nice: :nice: :nice: :nice:


http://www.qatarshares.com/vb/attachment.php?attachmentid=28611&stc=1&d=1211292094


تم بحمد الله فتح قريه جديده

:dance



سؤال فني اخوي بولينجر

اذا طرشت موارد للقريه باكثر من انتاج ساعه في اليوم ... بيصيدوني ؟ :shy:

:victory:

بولينجر
20-05-2008, 05:15 PM
http://www.qatarshares.com/vb/attachment.php?attachmentid=28611&stc=1&d=1211292094


تم بحمد الله فتح قريه جديده

:dance



سؤال فني اخوي بولينجر

اذا طرشت موارد للقريه باكثر من انتاج ساعه في اليوم ... بيصيدوني ؟ :shy:

:victory:
خذ راحتك :nice:

قانوني 100% :victory:

ومبروك القرية الجديدة :nice:

سداوي&مدريدي
20-05-2008, 06:06 PM
http://www.qatarshares.com/vb/attachment.php?attachmentid=28611&stc=1&d=1211292094


تم بحمد الله فتح قريه جديده

:dance



سؤال فني اخوي بولينجر

اذا طرشت موارد للقريه باكثر من انتاج ساعه في اليوم ... بيصيدوني ؟ :shy:

:victory:

ألف مبـــروك تستاهل



خذ راحتك :nice:

قانوني 100% :victory:

ومبروك القرية الجديدة :nice:

باقيلي مستوطنيين وافتح القريه

:secret:

HADi
20-05-2008, 06:09 PM
يعطيك العافيه العبه اشوف عااالم يلعبونها .. انا مره دخلتها بس مارفت لها

بعدين انا مدمن على لعبة lineage 2

صار لي سنه او اكثر

وبتوفيق ياشباب

بولينجر
20-05-2008, 06:29 PM
ألف مبـــروك تستاهل




باقيلي مستوطنيين وافتح القريه

:secret:
أهم شيء لحد يهجم على قريتك ويذبح المستوطن قبل لتطلع ربعه :secret:
لو حصل هجوم طرشه تعزيز عند أقرب قرية من تحالفك عقب ماتكلمه... بعد يمكن عليه هجوم :tease:
وتراه بطييييييء على الآخر.... تحمل توديه بعيد....
وبالتوفيق :)

بولينجر
20-05-2008, 06:37 PM
يعطيك العافيه العبه اشوف عااالم يلعبونها .. انا مره دخلتها بس مارفت لها

بعدين انا مدمن على لعبة lineage 2

صار لي سنه او اكثر

وبتوفيق ياشباب
الله يوفقك أخوي هادي... والله اللعبة حلوة بس يبيلك تقعد لها يوم مع قلاص كرك <<< وينه بوحارب وبتصير بروفيسور في اللعبة :nice:
ممكن مختصر عن لعبتك اللي مدمن عليها؟ فتحت موقعها وحسيت انها بتكون ثقيلة على الكمبيوتر والمعالج والجرافيك كارد...قول لي شلون هي من هالناحية؟ وهل هي تحتاج الشاشة بالكامل ما أقدر أتصفح النت أثناء اللعب مثلا؟ باختصار سو لي دعاية :nice:
وشكرا لك على المرور الكريم...وبالتوفيق :nice:

الذيـــب
20-05-2008, 09:30 PM
اخوي بولينجر انا في السيرفر الاول عندي السور مستوى 17 والوحدات :
1 البطل
897 الكتيبه ( محسنه من مستودع الاسلحة المستوى 2 )
100 فرسان السيف
12 المستكشفين
12 رعد الجرمان
130 فرسان السلت
54 فرسان الهيدوانر
5 محطمة الابواب الخشبية
15 المقاليع الحربية
هل تكفي للدفاع عن القرية ولا ازيدهم احسن وشاكر لك مقدما

سداوي&مدريدي
20-05-2008, 09:45 PM
اخوي بولينجر انا في السيرفر الاول عندي السور مستوى 17 والوحدات :
1 البطل
897 الكتيبه ( محسنه من مستودع الاسلحة المستوى 2 )
100 فرسان السيف
12 المستكشفين
12 رعد الجرمان
130 فرسان السلت
54 فرسان الهيدوانر
5 محطمة الابواب الخشبية
15 المقاليع الحربية
هل تكفي للدفاع عن القرية ولا ازيدهم احسن وشاكر لك مقدما

ما شاء الله عليك يالذيب

شغل عدل اخــوي

وان شاء الله بولينجر بيرد عليك

والله يوفقك

بولينجر
20-05-2008, 09:50 PM
اخوي بولينجر انا في السيرفر الاول عندي السور مستوى 17 والوحدات :
1 البطل
897 الكتيبه ( محسنه من مستودع الاسلحة المستوى 2 )
100 فرسان السيف
12 المستكشفين
12 رعد الجرمان
130 فرسان السلت
54 فرسان الهيدوانر
5 محطمة الابواب الخشبية
15 المقاليع الحربية
هل تكفي للدفاع عن القرية ولا ازيدهم احسن وشاكر لك مقدما




هلا بك أخوي الذيب....
رأيي تحسن الدفاع في مستودع الأسلحة وترفعه قدر الاستطاعة بالنسبة للكتيبة...لأن عددهم ممتاز ويبيلك تقويهم أكثر....
ويبيلك تزيد المستكشفين...يعني 100 مثلا
السور مستواه ممتاز...اذا في خاطرك ترفعه تقدر تأجله شوي
ولو تزيد وحدات الفرسان (السلت للدفاع والهيدوانر بعد للدفاع - ولو انه قوي في الدفاع والهجوم)
وهذا اقتراح لو - لو تقدر - تخلي انتاج المقاليع والمحطمات من قرية ثانية مخصصة للنوعين + بحث وحدة مشاة (فرسان السيف) + بحث وحدة فرسان (رعد الجرمان) في هذه القرية لمرافقة المقاليع والمحطمات عند الهجوم....والسبب استهلاك القمح الكبير ما راح تقدر تتحمله في هذه القرية....
يعني استراتيجيا...أفضل انك تخلي قرية وحدة فقط لإنتاج وحدات الدفاع من فرسان ومشاة...وترسلهم على باقي قراك للحماية أو لتعزيز أي قرية من التحالف....وباقي القرى (يفضل القمحية) لإنتاج الوحدات الهجومية من فرسان ومشاة....

معلومة مهمة الحين تذكرتها وكنت قد توصلت لها من خلال قراءتي مؤخرا لدليل ترافيان...

وهي عند هجومك على واحة اهجم بوحدات المشاة مهما كانت بطيئة في نظرك....لأن الوحوش في الواحة عندها قوة دفاع ضد الفرسان هائلة بالمقارنة لدفاعها ضد المشاة....يعني مجرد إرسالك للمشاة للواحة تكسب فيها شيئين: سرعة قضائك على الوحوش + أقل خسارة ممكنة من الجنود...على العموم هالمعلومة فهمتها من قراءتي للجدول...لكني ما جربتها للحين على المحاكي...وقد يثبت العكس.....

أتمنى إن إجابتي مفيدة :nice:
وبالتوفيق :victory:

بولينجر
20-05-2008, 09:52 PM
ما شاء الله عليك يالذيب

شغل عدل اخــوي

وان شاء الله بولينجر بيرد عليك

والله يوفقك
كلامك عدل أخوي سداوي :victory:

بوحارب
21-05-2008, 03:09 AM
:discuss:

limoOoOony
21-05-2008, 11:26 AM
معلومة مهمة الحين تذكرتها وكنت قد توصلت لها من خلال قراءتي مؤخرا لدليل ترافيان...

وهي عند هجومك على واحة اهجم بوحدات المشاة مهما كانت بطيئة في نظرك....لأن الوحوش في الواحة عندها قوة دفاع ضد الفرسان هائلة بالمقارنة لدفاعها ضد المشاة....يعني مجرد إرسالك للمشاة للواحة تكسب فيها شيئين: سرعة قضائك على الوحوش + أقل خسارة ممكنة من الجنود...على العموم هالمعلومة فهمتها من قراءتي للجدول...لكني ما جربتها للحين على المحاكي...وقد يثبت العكس.....

انا جربتها في اخر واحه وسووا شغل المبارزين بعكس الواحات اللي قبل كنت ارسل فرسان ويموتون شكثر منهم ( مايحتاج المحاكي جرب وبتدعيلي )

اخر تطورات الحرب في سيرفر 4

3 تحالفات الاولى يهجمون علينا واشوف اعضاء واجد طلعوا من المافيا هذا غير التحالفات الفرعية اللي غيرت اسمائها وانفصلت عن المافيا

الله يعين بس حلاتها اللعبه بالحروب ولا يابووو

في الطريق 13 هجمه على القرية الرئيسية وهجمتين على القرية الثانية بس عاااادي هذي اللعبة فوز وخسارة حتى لو يوصلون سكاني صفر اهم شي الونااااسة

بالنسبة لاخوي الذيب بصراحة على المستوى هذا في السيرفر الاول الله يعينك ركز على الدفاع احسن لك ولا بتروح القرية عليك ارفع السور ع الاقل فوق 15 وزود الكتايب وفرسان السلت والهيدوانر وحسنهم في مستودع الاسلحة

واذا تبي شي احسن سجل في سيرفر 12 وابدا مع الناس من جديد

بولينجر
21-05-2008, 02:01 PM
معلومة مهمة الحين تذكرتها وكنت قد توصلت لها من خلال قراءتي مؤخرا لدليل ترافيان...

وهي عند هجومك على واحة اهجم بوحدات المشاة مهما كانت بطيئة في نظرك....لأن الوحوش في الواحة عندها قوة دفاع ضد الفرسان هائلة بالمقارنة لدفاعها ضد المشاة....يعني مجرد إرسالك للمشاة للواحة تكسب فيها شيئين: سرعة قضائك على الوحوش + أقل خسارة ممكنة من الجنود...على العموم هالمعلومة فهمتها من قراءتي للجدول...لكني ما جربتها للحين على المحاكي...وقد يثبت العكس.....

انا جربتها في اخر واحه وسووا شغل المبارزين بعكس الواحات اللي قبل كنت ارسل فرسان ويموتون شكثر منهم ( مايحتاج المحاكي جرب وبتدعيلي )

اخر تطورات الحرب في سيرفر 4

3 تحالفات الاولى يهجمون علينا واشوف اعضاء واجد طلعوا من المافيا هذا غير التحالفات الفرعية اللي غيرت اسمائها وانفصلت عن المافيا

الله يعين بس حلاتها اللعبه بالحروب ولا يابووو

في الطريق 13 هجمه على القرية الرئيسية وهجمتين على القرية الثانية بس عاااادي هذي اللعبة فوز وخسارة حتى لو يوصلون سكاني صفر اهم شي الونااااسة

بالنسبة لاخوي الذيب بصراحة على المستوى هذا في السيرفر الاول الله يعينك ركز على الدفاع احسن لك ولا بتروح القرية عليك ارفع السور ع الاقل فوق 15 وزود الكتايب وفرسان السلت والهيدوانر وحسنهم في مستودع الاسلحة

واذا تبي شي احسن سجل في سيرفر 12 وابدا مع الناس من جديد
مشكور أخوي ليموني على تأكيد المعلومة....اسأل مجرب :nice:
أما الحرب اللي عندكم....الله يعين..... شوف نفسك اذا ما تبي المافيا اتفق لك مع كم واحد من المافيا اللي ما يبون الحرب واطلعوا وسووا لكم تحالف جديد بروحكم..... وشوف لك ناس مسالمين....عن نفسي ما احب الحرب الطاحنة....اب احارب الناتارز....
وبالنسبة لكلامك لأخوي الذيب صحيح....هو لازم يركز على الدفاع....

سداوي&مدريدي
21-05-2008, 03:40 PM
:discuss:

نعم الشيخ آمر؟؟

واحد في حاله
21-05-2008, 03:44 PM
ألف مبـــروك تستاهل




باقيلي مستوطنيين وافتح القريه

:secret:



الله يبارك فيك وعقبال عندك :victory:

:nice:

سداوي&مدريدي
21-05-2008, 03:46 PM
الله يبارك فيك وعقبال عندك :victory:

:nice:

انا باقيلي مستوطن بس

:anger1:

بولينجر
21-05-2008, 04:31 PM
:discuss:
هلا :nice:

بولينجر
21-05-2008, 04:32 PM
انا باقيلي مستوطن بس

:anger1:
هونها وبتهون :victory:

الخيميائي
21-05-2008, 05:43 PM
توني مخلص معجزة العالم في السيرفر اليوناني

http://www.divsveta.info/czx1/bitva3/ds62_supertajne.jpg

الخيميائي
21-05-2008, 05:44 PM
وهذي قريتي مع الجنود

بروح احارب الناتريس يقولون طلعوا في يمين السيرفر عن اذنكم ثواني بسحقهم وراجع

http://www.divsveta.info/czx1/hodinaapul.jpg

الخيميائي
21-05-2008, 05:46 PM
ماخذوا بيدي ثواني

مساكين هذيلا النيتروز :p

http://www.divsveta.info/czx1/bitva3/ds98_1_supertajne.jpg

الخيميائي
21-05-2008, 05:47 PM
عموما السالفة شكلها مطوله شوفوا هذا الرابط الي انتهت فيه اللعبة مدري باي لغة مكتوب وعطوني رايكم

http://www.divsveta.info/czx1/

:p

بولينجر
21-05-2008, 06:04 PM
توني مخلص معجزة العالم في السيرفر اليوناني

http://www.divsveta.info/czx1/bitva3/ds62_supertajne.jpg
أحلى يا بطل :victory:

بولينجر
21-05-2008, 06:06 PM
وهذي قريتي مع الجنود

بروح احارب الناتريس يقولون طلعوا في يمين السيرفر عن اذنكم ثواني بسحقهم وراجع

http://www.divsveta.info/czx1/hodinaapul.jpg
البطولة مقطعة بعضها خخخخخ:secret:

بولينجر
21-05-2008, 06:11 PM
ماخذوا بيدي ثواني

مساكين هذيلا النيتروز :p

http://www.divsveta.info/czx1/bitva3/ds98_1_supertajne.jpg
تعزيزات بمستوطنين!!! ليش؟!!
وكم بطل عند اللي يعززون :secret:
الصور تقطر خريطا

سداوي&مدريدي
21-05-2008, 07:29 PM
هونها وبتهون :victory:

:) :) :) :)

سداوي&مدريدي
21-05-2008, 07:30 PM
توني مخلص معجزة العالم في السيرفر اليوناني

http://www.divsveta.info/czx1/bitva3/ds62_supertajne.jpg

اما هذي قريتك؟؟؟؟؟؟؟؟؟؟؟؟؟؟

بولينجر
21-05-2008, 07:33 PM
اما هذي قريتك؟؟؟؟؟؟؟؟؟؟؟؟؟؟
صدقت؟ :secret:

سداوي&مدريدي
21-05-2008, 07:35 PM
صدقت؟ :secret:

تتوقع قريته

:secret:

واحد في حاله
21-05-2008, 07:39 PM
اخوي بولينجر

انا ارسلك 5 كشافه على واحد قريب مني

طلع عنده 3 كشافه وماتو من عندي 2

يعني انا عدد الكشافه الي طرشتهم اكثر من الي عنده بس اهو ذبح 2 من عندي

بيدري اني تجسست عليه ؟

سداوي&مدريدي
21-05-2008, 07:49 PM
اخوي بولينجر

انا ارسلك 5 كشافه على واحد قريب مني

طلع عنده 3 كشافه وماتو من عندي 2

يعني انا عدد الكشافه الي طرشتهم اكثر من الي عنده بس اهو ذبح 2 من عندي

بيدري اني تجسست عليه ؟

:eek5: :eek5:

واحد في حاله
21-05-2008, 07:55 PM
:eek5: :eek5:


اذا درى اني تجسست عليه بيعرف اني بديت اكشر عن انيابي :sneaky:

سداوي&مدريدي
21-05-2008, 07:57 PM
اذا درى اني تجسست عليه بيعرف اني بديت اكشر عن انيابي :sneaky:

ههههههههههههههههههههههههههههه

عندك اياه خذ كل موارده تستاهل


:nice:

limoOoOony
21-05-2008, 09:07 PM
مساء الخير

انا طلعت من تحالف المافيا بعد ماشفت ان التحالف الفرعي الاولي انضم لاحد التحالفات العدوه

خروج اكثر من 12 عضو من التحالف الرئيسي الى تحالفات اخرى

يعني الواحد حتى لو ماشي صح بتطيح معنوياته

لو الحرب كانت بين تحالفين بس كان راحوا فيها ون من اول يوم بس الكثره تغلب الشجاعه

والله انا مابي امدح نفسي واتكلم واقول سويت وسويت بس ترتيبي في الهجوم صرت في الصفحه الاولى على السيرفر كل هذا في 3 ايام ولا نقص من عندي ولا ساكن بس لما تشوف التحالف الرئيسي الاعضاء يتخلون عنه ايش بتقول

واللي شجع التحالفات الثانيه انها تهاجم المافيا لما تخلى عنه الحرس وكان كلام الحرس انه بيكون معاه في الحرب بس طلع الكلام كله فالصو ( انا كرهت الحرس اكثر من التحالفات اللي تحاربنا )

الله يعين بس

خلونا على الثالث ابرك لنا عن البزران وعوار الراس

بولينجر
21-05-2008, 10:25 PM
تتوقع قريته

:secret:
لا :secret:
ما شفت الرابط اللي حطه؟
http://www.divsveta.info/czx1/

بولينجر
21-05-2008, 10:26 PM
اخوي بولينجر

انا ارسلك 5 كشافه على واحد قريب مني

طلع عنده 3 كشافه وماتو من عندي 2

يعني انا عدد الكشافه الي طرشتهم اكثر من الي عنده بس اهو ذبح 2 من عندي

بيدري اني تجسست عليه ؟
اي بيدري :secret:
بس ما أدري شلون جواسيسك انصادوا وهم اكثر من اللي عنده...:eek5:
يمكن محسنهم في مستودع الأسلحة...الله أعلم
ما عندي تفسير حاليا ثاني

بولينجر
21-05-2008, 10:26 PM
اذا درى اني تجسست عليه بيعرف اني بديت اكشر عن انيابي :sneaky:
كشر وانا اخوك :nice:

بولينجر
21-05-2008, 10:29 PM
مساء الخير

انا طلعت من تحالف المافيا بعد ماشفت ان التحالف الفرعي الاولي انضم لاحد التحالفات العدوه

خروج اكثر من 12 عضو من التحالف الرئيسي الى تحالفات اخرى

يعني الواحد حتى لو ماشي صح بتطيح معنوياته

لو الحرب كانت بين تحالفين بس كان راحوا فيها ون من اول يوم بس الكثره تغلب الشجاعه

والله انا مابي امدح نفسي واتكلم واقول سويت وسويت بس ترتيبي في الهجوم صرت في الصفحه الاولى على السيرفر كل هذا في 3 ايام ولا نقص من عندي ولا ساكن بس لما تشوف التحالف الرئيسي الاعضاء يتخلون عنه ايش بتقول

واللي شجع التحالفات الثانيه انها تهاجم المافيا لما تخلى عنه الحرس وكان كلام الحرس انه بيكون معاه في الحرب بس طلع الكلام كله فالصو ( انا كرهت الحرس اكثر من التحالفات اللي تحاربنا )

الله يعين بس

خلونا على الثالث ابرك لنا عن البزران وعوار الراس
كلامك عدل :nice:
وبالنسبة للبزران اللي معاكم تقدر تفك منهم مثل ما قلت لك وتسوي لك تحالف ويا ناس عاقلين ومتفهمين حتى لو كانوا لك اعداء من قبل...المهم ابدأ بداية جديدة...السيرفر الأول جذي صاير فيه....الكبار ملوا من الحرب وسووا لهم تحالف بروحهم

الذيـــب
22-05-2008, 12:34 AM
هلا بك أخوي الذيب....
رأيي تحسن الدفاع في مستودع الأسلحة وترفعه قدر الاستطاعة بالنسبة للكتيبة...لأن عددهم ممتاز ويبيلك تقويهم أكثر....
ويبيلك تزيد المستكشفين...يعني 100 مثلا
السور مستواه ممتاز...اذا في خاطرك ترفعه تقدر تأجله شوي
ولو تزيد وحدات الفرسان (السلت للدفاع والهيدوانر بعد للدفاع - ولو انه قوي في الدفاع والهجوم)
وهذا اقتراح لو - لو تقدر - تخلي انتاج المقاليع والمحطمات من قرية ثانية مخصصة للنوعين + بحث وحدة مشاة (فرسان السيف) + بحث وحدة فرسان (رعد الجرمان) في هذه القرية لمرافقة المقاليع والمحطمات عند الهجوم....والسبب استهلاك القمح الكبير ما راح تقدر تتحمله في هذه القرية....
يعني استراتيجيا...أفضل انك تخلي قرية وحدة فقط لإنتاج وحدات الدفاع من فرسان ومشاة...وترسلهم على باقي قراك للحماية أو لتعزيز أي قرية من التحالف....وباقي القرى (يفضل القمحية) لإنتاج الوحدات الهجومية من فرسان ومشاة....

معلومة مهمة الحين تذكرتها وكنت قد توصلت لها من خلال قراءتي مؤخرا لدليل ترافيان...

وهي عند هجومك على واحة اهجم بوحدات المشاة مهما كانت بطيئة في نظرك....لأن الوحوش في الواحة عندها قوة دفاع ضد الفرسان هائلة بالمقارنة لدفاعها ضد المشاة....يعني مجرد إرسالك للمشاة للواحة تكسب فيها شيئين: سرعة قضائك على الوحوش + أقل خسارة ممكنة من الجنود...على العموم هالمعلومة فهمتها من قراءتي للجدول...لكني ما جربتها للحين على المحاكي...وقد يثبت العكس.....

أتمنى إن إجابتي مفيدة :nice:
وبالتوفيق :victory:



مشكور اخوي بولينجر على المعلومات القيمة وراح اطبق الي قلتلي عنه وشكلها الحرب قربت في السيرفر الاول لان صاير تجمع تحالفات وتغيير في التحالفات وراح تكون حرب طاحنة

بولينجر
22-05-2008, 01:12 AM
مشكور اخوي بولينجر على المعلومات القيمة وراح اطبق الي قلتلي عنه وشكلها الحرب قربت في السيرفر الاول لان صاير تجمع تحالفات وتغيير في التحالفات وراح تكون حرب طاحنة
العفو أخوي الذيب.... بالفعل كلامك صحيح قريت عن خروج الكبار من التحالفات وعملهم لتحالف جديد وانهم يبون يتفرغون لبناء معجزة العالم...عاد ما ندري بيقدرون يبننونها والا الناتارز بيقضون عليهم :secret:

الخيميائي
22-05-2008, 02:38 AM
سؤال بيزنطي يابولينجر

الردود في المنتدى هل كثرتها تعطي نقاط للتحالف :p

بولينجر
22-05-2008, 02:45 AM
سؤال بيزنطي يابولينجر

الردود في المنتدى هل كثرتها تعطي نقاط للتحالف :p
ورد غير بيزنطي.... لا :tease:
بس عدد السكان والنقاط الحضارية....إذا تعبت من الانتظار سو حفلة كل شوي في البلدية :nice:
Let's party :tease:

الخيميائي
22-05-2008, 05:28 AM
ورد غير بيزنطي.... لا :tease:
بس عدد السكان والنقاط الحضارية....إذا تعبت من الانتظار سو حفلة كل شوي في البلدية :nice:
Let's party :tease:

انزين اشلون نزيد النقاط الحضارية البلدية الاحتفال مكلف وفي الاخير كلها 500 نقطة يعني ماتاكل عيش مافي طرق ثانية :tease:

limoOoOony
22-05-2008, 12:16 PM
انزين اشلون نزيد النقاط الحضارية البلدية الاحتفال مكلف وفي الاخير كلها 500 نقطة يعني ماتاكل عيش مافي طرق ثانية :tease:

مرحبا اخوي اسمح لي ارد باللي اعرفه من خبرتي المتواضعه من بعد اذن اخونا بولينجر

زيادة الانتاج في الحقول ترفع النقاط الحضارية يعني لما ترفع اي حقل شوف النقاط الحضارية شلون تزيد

البلدية اشوف انها تكون في القرى الفرعية احسن لزيادة النقاط الحضارية وحمايتها من استعمار الزعيم اذا هجم عليها لان اقامة الحفلات فيها تزيد نسبة الولاء

واحد من الربع امس احتل قرية بالزعيم وعلى طول بنى بلدية وسوى احتفال عشان يزيد ولاء القرية الجديدة له بس حركته ذكيه ماغير الاسم عشان اعضاء التحالف الثاني مايهجمون عليه بالعكس اشوف 7 تعزيزات في الطريق له هههههههههههه :nice:

بولينجر
22-05-2008, 01:26 PM
انزين اشلون نزيد النقاط الحضارية البلدية الاحتفال مكلف وفي الاخير كلها 500 نقطة يعني ماتاكل عيش مافي طرق ثانية :tease:
شوف كم انتاج قريتك اليومي من النقاط وبعدين قول 500 شوية :eek5:
وتقدر ترفع البلدية للمستوى العاشر وتسوي احتفال كبير وتكسب 2000 نقطة
وشوف هاللنك فيه جدول بالمباني والنقاط الحضارية اللي ينتجها كل مبنى يوميا
http://help.travian.com/index.php?type=faq&mod=532

أما طريقة ثانية بصراحة ما في للأسف....تراني مثلك مغتث من هالموضوع وأبي أفتح قرية سادسة وشغال بارتيز :tease:

بولينجر
22-05-2008, 01:28 PM
مرحبا اخوي اسمح لي ارد باللي اعرفه من خبرتي المتواضعه من بعد اذن اخونا بولينجر

زيادة الانتاج في الحقول ترفع النقاط الحضارية يعني لما ترفع اي حقل شوف النقاط الحضارية شلون تزيد

البلدية اشوف انها تكون في القرى الفرعية احسن لزيادة النقاط الحضارية وحمايتها من استعمار الزعيم اذا هجم عليها لان اقامة الحفلات فيها تزيد نسبة الولاء

واحد من الربع امس احتل قرية بالزعيم وعلى طول بنى بلدية وسوى احتفال عشان يزيد ولاء القرية الجديدة له بس حركته ذكيه ماغير الاسم عشان اعضاء التحالف الثاني مايهجمون عليه بالعكس اشوف 7 تعزيزات في الطريق له هههههههههههه :nice:
كلامك صحيح بالنسبة لرفع المستويات يرفع النقاط الحضارية....:nice: وراجع الجدول بيفيدك أكثر http://help.travian.com/index.php?type=faq&mod=532

وحركة رفيجك اللي ما غير اسم القرية هذي خطيرة :app2: ومنكم نتعلم

hamoor4ever
22-05-2008, 03:23 PM
اخوي ، شنو الفرق بين السكن والقصر وايهم افضل اختار لان مكتوب لي اختار شي واحد بس ، ليش يعني ؟؟ ابي افهم شالسالفه

بولينجر
22-05-2008, 05:18 PM
اخوي ، شنو الفرق بين السكن والقصر وايهم افضل اختار لان مكتوب لي اختار شي واحد بس ، ليش يعني ؟؟ ابي افهم شالسالفه
هلا أخوي هامور شوف الاقتباسات هذي...وإذا كان عندك أي سؤال أنا حاضر إن شاء الله :nice:



أختي شوق...ما فهمت بالضبط معنى (لكن عندي قصر)...يعني عندج اختيار بناء قصر وإلا انتي بنيتي قصر خلاص؟
بأفترض إنج بنيتي القصر خلاص..اوكي؟
ما تقدرين تبنين الاثنين مع بعض في نفس القرية... لازم إما القصر أو السكن...
الحين إذا ماتبين القصر...توقفي عن تطويره... وطوري المبنى الرئيسي للمستوى العاشر...
لما يكون المبنى الرئيسي في المستوى العاشر تقدرين تأمرين مهندسين القرية اللي ساكنين فيه بأوامر الهدم لأي مبنى في القرية... طبعا لما تحطين أمر الهدم بينهدم لج مستوى واحد من المبنى المراد هدمه...وكل مستوى من المبنى تبين تهدمينه حطي أمر هدم...لحد ما ينهدم.... بعدها تقدرين تبنين السكن... والسكن وايد أرخص في التطوير...

بناء السكن أو القصر متوفر لجميع القبائل وليس له علاقة بنوع قبيلتج...






معلومات مهمة عن السكن والقصر....

في حال تطوير السكن للمستوى العاشر وتدريب مستوطنين وفتح قرية جديدة يجب تطوير السكن للمستوى العشرين قبل فتح قرية جديدة أخرى عن طريق هذه القرية... سواء دربت مستوطنين أو دربت رئيس أو حكيم في المستوى العشرين.... وليس بالإمكان تدريب إلا نوع واحد فقط...إما مستوطنين أو رئيس (حكيم)

بالنسبة للقصر.... يجب تطوير القصر للمستوى العاشر لتدريب المستوطنين لفتح القرية الأولى... ولفتح القرية الثانية يجب تطوير القصر للمستوى 15 قبل فتح أي قرية (سواء عن طريق المستوطنين أو الرئيس).... وللقرية الثالثة يجب تطوير القصر للمستوى العشرين قبل فتح أي قرية عن طريقها....

باختصار:

للقصر: تقدر تفتح 3 قرى (إما بالمستوطنين أو الرئيس- بدون جمع النوعين في مرحلة واحدة)
للسكن: تقدر تفتح قريتين (إما بالمستوطنين أو الرئيس- بدون جمع النوعين في مرحلة واحدة)

وطبعا كله عن طريق القرية نفسها اللي فيها السكن أو القصر.... لو فتحت قرية جديدة تقدر عن طريقها تفتح قرية جديدة بالسكن المستوى العاشر بدون الانتظار لتطوير القصر أو السكن في القرية الأولى للمستوى (20 للسكن أو 15 للقصر)....

شرط أساسي ومهم لفتح القرى... يجب استيفاء النقاط الحضارية اللازمة لفتح قرية جديدة...
ويتم جمع النقاط الحضارية عن طريق البناء والتطوير للمباني والحقول واحتفالات البلدية....
في الرابط التالي تجد جدولين... الأول جدول المباني والحقول وعدد النقاط الحضارية التي ينتجها كل مبنى في كل مستوى. والجدول الثاني بالنقاط الحضارية المطلوبة لفتح كل قرية.
الرابط: http://help.travian.com/index.php?type=faq&mod=532







ما فهمت وين تبي تبني القصر أو السكن؟

المهم....

إذا بتبني القصر في أول قرية تبنيه فيها تكون قررت إن هالقرية هي العاصمة.....

السكن تقدر تبنيه في كل القرى...وهو مقر إقامة الملك لما يزور القرية....

القصر مكلف جدا تطويره للمستوى العاشر لتدريب مستوطنين لأول مرة...

أما السكن أرخص وتقدر تطلع مستوطنين بسهولة إن شاء الله...

في حال إنك قررت تخلي أي قرية عاصمة لك تقدر وقتها تبني القصر.... حتى لو كانت القرية الأولى اللي عندك....

وإذا كنت تبي القرية الأولى تكون العاصمة وفيها القصر (هي العاصمة بشكل افتراضي لأنها أول قرية)...بس اقصد تبي القصر فيها وانت من قبل بنيت السكن.... طور المبنى الرئيسي للمستوى العاشر لتوفير خيار الهدم...واهدم السكن وابني القصر.... بس كل هذا مكلف ويخسر.... طبعا لك حرية الاختيار بين التوفير من البداية وتثبيت العاصمة من البداية بالقصر أو بناء السكن حاليا واختيار قرية (قمحية مثلا) تكون عاصمة لك.... أو الاختيار الثالث والمكلف وهو بناء السكن حاليا وهدمه فيما بعد لبناء القصر....عن نفسي بنيت سكن وهدمته ورجعت بنيت قصر


إن شاء الله يكون كل شيء واضح أخوي هامور :nice:

بولينجر
22-05-2008, 06:05 PM
بعد تردد طويل - لعدم القانونية - قررت وضع إضافات ترافيان هنا في الموضوع، مع علمي باستخدام العديد لها، لكني أعلم أيضا عن طريق البحث في الإنترنت أنها ممنوعة في العديد من السيرفرات الأجنبية، ويبدو لي أنه قد تم تجاهلها من قبل المسؤولين عن السيرفرات العربية...وهذا هو الحال أيضا في السيرفرات الأجنبية الغير متحدثة بالإنجليزية.... وقد قرأت أنه قد قررت إدارات اللعبة في هذه السيرفرات التغاضي عن استخدام اللاعبين لهذه الإضافات لكثرة الغشاشين في اللعبة....وبالتالي أعتقد أن السيرفرات العربية لا تخلو من كثرة المستخدمين لهذه الإضافات...وقد أكون آخرهم :secret:

دعكم من هذه المقدمة الطويلة ولندخل في صلب الموضوع....
إضافات ترافيان - من تجربتي - تجعل اللعبة أسهل بكثير وممتعة....لاستخدام هذه الإضافات تحتاج:

أولا: متصفح الفايرفوكس الشهير إصدارة 2.0.0.14
لتحميل النسخة الإنجليزية اضغط هنا (http://releases.mozilla.org/pub/mozilla.org/firefox/releases/2.0.0.14/win32/en-US/Firefox%20Setup%202.0.0.14.exe)

لتحميل النسخة العربية اضغط هنا (http://releases.mozilla.org/pub/mozilla.org/firefox/releases/2.0.0.14/win32/ar/Firefox%20Setup%202.0.0.14.exe)

ثانيا: إضافة Greasemonkey
وهي إضافة للفايرفوكس تمكنك من تشغيل السكربتات (الإضافات) للعبة ترافيان
ولازم تثبتها من الفايرفوكس نفسه بعد تركيبه....مب من الانترنت اكسبلورر
للتحميل اضغط هنا (https://addons.mozilla.org/en-US/firefox/addon/748)

بعد الضغط عليها تظهر لك النافذة التالية

http://img33.picoodle.com/img/img33/4/5/21/f_installgream_5b12e91.png (http://www.picoodle.com/view.php?img=/4/5/21/f_installgream_5b12e91.png&srv=img33)

اضغط Install Now ثم أعد تشغيل المتصفح مرة ثانية

بتلاحظ وجه قرد صغير يظهر لك أسفل الشاشة على اليمين ويكون ملون.... معناها إن إضافة الـ Greasemonkey تشتغل...وإذا ما تشتغل اضغط عليها بالزر اليمين واضغط Enabled....



ثالثا: السكربتات

وهي الإضافات...ويوجد عدة إضافات يمكنك استخدام أي منها في اللعبة
ومن تجربتي...الإضافة الوحيدة والمفيدة بينهم هي إضافة ترافيان بيوند

ترافيان بيوند Travian Beyond

وفيها العديد من المميزات تستطيع اكتشافها بنفسك والاستمتاع ببعد جديد في اللعبة

للتحميل اضغط هنا (http://userscripts.org/scripts/source/15943.user.js)

باقي الإضافات في طور التجربة...وبصراحة أغلبها ليس ذو قيمة تذكر....
وإن شاء الله عند التأكد من فعاليتها وعدم تعارضها...سأضعها هنا بإذن الله....

بولينجر
22-05-2008, 06:32 PM
سكربت لتعديل خط اللعبة إلى خط Tahoma.... إن شاء الله مافيه أي تعارض

للتحميل من هنا (http://userscripts.org/scripts/source/26564.user.js)

بولينجر
22-05-2008, 06:39 PM
سكربت لتسهيل الوصول إلى القرى المستهدفة بالهجوم أو التموين أو التعزيز.... وهو سهل الاستخدام أيضا....
يضع لك رابط أسفل القرية عند فتحها مكتوب فيه "إضافة إلى القرى المستهدفة" وبالضغط عليه يضيف القرية إلى نافذة صغيرة أعلى الشاشة...ويمكن تحريك النافذة لأي مكان ترغب به

للتحميل من هنا (http://userscripts.org/scripts/source/25524.user.js)

واحد في حاله
22-05-2008, 09:38 PM
بولينجر شلون اقدر استفيد من القريه القمحيه

انا ارسل الجيش يروحون يرعون في القريه واذا بغيتهم في شي سحبتهم

لان تدري ماقدر ارسلهم من القريه الثانيه

بولينجر
22-05-2008, 10:28 PM
بولينجر شلون اقدر استفيد من القريه القمحيه

انا ارسل الجيش يروحون يرعون في القريه واذا بغيتهم في شي سحبتهم

لان تدري ماقدر ارسلهم من القريه الثانيه
طورها وخل القرية هي مقر جيشك....يعني انتج كل وحداتك منها وبالذات الهجومية....

سداوي&مدريدي
23-05-2008, 03:23 AM
باروكووووووووووووووووووولي

فتحت قريه يديده

وأرسلت تعزيزات للقريه

:victory:

واحد في حاله
23-05-2008, 03:49 AM
:nice:
باروكووووووووووووووووووولي

فتحت قريه يديده

وأرسلت تعزيزات للقريه

:victory:

:app::app::app:

الف مبرووووووووووووووووك على القريه الجديده

نصيحه حط لك جيش دفاعي فيها لان بيلعوزونك في الهجوم يفكرونك مبتدئ

وعقبال القريه الثالثه

سداوي&مدريدي
23-05-2008, 02:06 PM
:nice:

:app::app::app:

الف مبرووووووووووووووووك على القريه الجديده

نصيحه حط لك جيش دفاعي فيها لان بيلعوزونك في الهجوم يفكرونك مبتدئ

وعقبال القريه الثالثه

هلا والله أخــوي

الله يبارك فيــك

وان شـاء الله بخلي الجيش دفاعي

تسـلم على النصيحه

:victory:

بولينجر
23-05-2008, 04:35 PM
باروكووووووووووووووووووولي

فتحت قريه يديده

وأرسلت تعزيزات للقريه

:victory:
مبروووووووووك القرية الجديدة.... وعقبال الثالثة إن شاء الله عن قريب....:victory:

ومثل ما قالك أخوي واحد في حاله...أرسل لها جيش للدفاع...ونفس الشيء لأي واحة تملكها....

وبالتوفيق :nice:

بوحارب
23-05-2008, 04:36 PM
لا تنسوون سورة الكهف يالربع

ومسائكم زيفون:looking:

بولينجر
23-05-2008, 04:45 PM
محد قرى الرد 941؟ :secret:

بولينجر
23-05-2008, 04:46 PM
لا تنسوون سورة الكهف يالربع

ومسائكم زيفون:looking:
السنة قراءتها قبل صلاة الجمعة :secret:

مساؤك مسك وخزامى....

سداوي&مدريدي
24-05-2008, 02:15 PM
مبروووووووووك القرية الجديدة.... وعقبال الثالثة إن شاء الله عن قريب....:victory:

ومثل ما قالك أخوي واحد في حاله...أرسل لها جيش للدفاع...ونفس الشيء لأي واحة تملكها....

وبالتوفيق :nice:

الله يبارك فيك يالغالي

والتعزيزات على طووول موجوده

:victory:


لا تنسوون سورة الكهف يالربع

ومسائكم زيفون:looking:

مساء الورد

:shy:

بولينجر
24-05-2008, 02:43 PM
محد قرى الرد 941؟ :secret:
:secret:

سداوي&مدريدي
24-05-2008, 03:50 PM
محد قرى الرد 941؟ :secret:

أي رد؟؟

:rolleyes2:

بولينجر
24-05-2008, 05:06 PM
أي رد؟؟

:rolleyes2:
هذا :secret:
واللي وراه :secret:




بعد تردد طويل - لعدم القانونية - قررت وضع إضافات ترافيان هنا في الموضوع، مع علمي باستخدام العديد لها، لكني أعلم أيضا عن طريق البحث في الإنترنت أنها ممنوعة في العديد من السيرفرات الأجنبية، ويبدو لي أنه قد تم تجاهلها من قبل المسؤولين عن السيرفرات العربية...وهذا هو الحال أيضا في السيرفرات الأجنبية الغير متحدثة بالإنجليزية.... وقد قرأت أنه قد قررت إدارات اللعبة في هذه السيرفرات التغاضي عن استخدام اللاعبين لهذه الإضافات لكثرة الغشاشين في اللعبة....وبالتالي أعتقد أن السيرفرات العربية لا تخلو من كثرة المستخدمين لهذه الإضافات...وقد أكون آخرهم :secret:

دعكم من هذه المقدمة الطويلة ولندخل في صلب الموضوع....
إضافات ترافيان - من تجربتي - تجعل اللعبة أسهل بكثير وممتعة....لاستخدام هذه الإضافات تحتاج:

أولا: متصفح الفايرفوكس الشهير إصدارة 2.0.0.14
لتحميل النسخة الإنجليزية اضغط هنا (http://releases.mozilla.org/pub/mozilla.org/firefox/releases/2.0.0.14/win32/en-US/Firefox%20Setup%202.0.0.14.exe)

لتحميل النسخة العربية اضغط هنا (http://releases.mozilla.org/pub/mozilla.org/firefox/releases/2.0.0.14/win32/ar/Firefox%20Setup%202.0.0.14.exe)

ثانيا: إضافة Greasemonkey
وهي إضافة للفايرفوكس تمكنك من تشغيل السكربتات (الإضافات) للعبة ترافيان
ولازم تثبتها من الفايرفوكس نفسه بعد تركيبه....مب من الانترنت اكسبلورر
للتحميل اضغط هنا (https://addons.mozilla.org/en-US/firefox/addon/748)

بعد الضغط عليها تظهر لك النافذة التالية

http://img33.picoodle.com/img/img33/4/5/21/f_installgream_5b12e91.png (http://www.picoodle.com/view.php?img=/4/5/21/f_installgream_5b12e91.png&srv=img33)

اضغط Install Now ثم أعد تشغيل المتصفح مرة ثانية

بتلاحظ وجه قرد صغير يظهر لك أسفل الشاشة على اليمين ويكون ملون.... معناها إن إضافة الـ Greasemonkey تشتغل...وإذا ما تشتغل اضغط عليها بالزر اليمين واضغط Enabled....



ثالثا: السكربتات

وهي الإضافات...ويوجد عدة إضافات يمكنك استخدام أي منها في اللعبة
ومن تجربتي...الإضافة الوحيدة والمفيدة بينهم هي إضافة ترافيان بيوند

ترافيان بيوند Travian Beyond

وفيها العديد من المميزات تستطيع اكتشافها بنفسك والاستمتاع ببعد جديد في اللعبة

للتحميل اضغط هنا (http://userscripts.org/scripts/source/15943.user.js)

باقي الإضافات في طور التجربة...وبصراحة أغلبها ليس ذو قيمة تذكر....
وإن شاء الله عند التأكد من فعاليتها وعدم تعارضها...سأضعها هنا بإذن الله....

سداوي&مدريدي
24-05-2008, 05:14 PM
ياعيني عليك

انا قلت لك وحش بس ماصدقتني :nice:

مجهود تشكر عليه بولينجر

متصفح الفايرفوكس الشهير إصدارة 2.0.0.14 :eek5:

اخاف يعفس الجهاز؟

تنصحني فيه

:)

سداوي&مدريدي
24-05-2008, 05:17 PM
بولينجــر

عادي اطرش موارد لقريتي اليديده

بالكميه الي ابيها

ولا لازم انتاج ساعه ؟

بولينجر
24-05-2008, 05:28 PM
ياعيني عليك

انا قلت لك وحش بس ماصدقتني :nice:

مجهود تشكر عليه بولينجر

متصفح الفايرفوكس الشهير إصدارة 2.0.0.14 :eek5:

اخاف يعفس الجهاز؟

تنصحني فيه

:)
:victory:
نعم....هذا اللي أستخدمه حاليا....أهم شيء عطل تحديث المتصفح علشان يتم متوافق مع ترافيان بيوند....

روح Tools أو أدوات....ثم Options أو خيارات واتبع الصورة

http://img30.picoodle.com/img/img30/4/5/24/f_firefoxdisam_1f6ef9b.jpg (http://www.picoodle.com/view.php?img=/4/5/24/f_firefoxdisam_1f6ef9b.jpg&srv=img30)

بولينجر
24-05-2008, 05:33 PM
بولينجــر

عادي اطرش موارد لقريتي اليديده

بالكميه الي ابيها

ولا لازم انتاج ساعه ؟


خذ راحتك...أنا توني مطرش 20000 من كل مورد من قريتي الثانية للأولى...أبي أوصل القصر للمستوى 20:nice:

سداوي&مدريدي
25-05-2008, 03:20 PM
:thumbup::thumbup:

سداوي&مدريدي
25-05-2008, 03:51 PM
بــولينجر

اذا أبي افتح قريه ثالثه

لازم اسوي سكن في القريه الثانيه وارجع ارفع المستوى مره ثانيه؟؟

اوادش على السكن وأزيد عدد النقاط الحضاريه لين اوصل للمطلوب ومن هناك اقدر افتح القريه الثالثه؟؟

بولينجر
25-05-2008, 04:42 PM
:thumbup::thumbup:
:victory:

واحد في حاله
25-05-2008, 04:52 PM
بــولينجر

اذا أبي افتح قريه ثالثه

لازم اسوي سكن في القريه الثانيه وارجع ارفع المستوى مره ثانيه؟؟

اوادش على السكن وأزيد عدد النقاط الحضاريه لين اوصل للمطلوب ومن هناك اقدر افتح القريه الثالثه؟؟

مخطط على كبير :victory:

بالتوفيق :nice:


:victory:



اهلآ اهلآ :D

كثرت الاسئله وماعرف وين ابدأ :secret:

سداوي&مدريدي
25-05-2008, 04:58 PM
مخطط على كبير :victory:

بالتوفيق :nice:





اهلآ اهلآ :D

كثرت الاسئله وماعرف وين ابدأ :secret:


حاضرين لك طال عمرك

:victory:

بولينجر
25-05-2008, 05:00 PM
بــولينجر

اذا أبي افتح قريه ثالثه

لازم اسوي سكن في القريه الثانيه وارجع ارفع المستوى مره ثانيه؟؟

اوادش على السكن وأزيد عدد النقاط الحضاريه لين اوصل للمطلوب ومن هناك اقدر افتح القريه الثالثه؟؟
أول شيء للتوضيح...النقاط الحضارية تلزمك لفتح قرية جديدة...لكن مب بيدك ترفعها مباشرة...المباني والحقول عندك هي اللي تنتج نقاط حضارية يوميا وتقدر تشيك على عدد النقاط الحضارية من القصر أو السكن....

وعندك طريقتين حاليا....
الأولى: تبني سكن في القرية الثانية وترفعه للمستوى العاشر ومنه تطلع 3 مستوطنين وتقتح بهم قرية جديدة وهذه الطريقة الأسهل والأرخص في نظري واللي اتبعتها في قراي
الثانية: في القرية الأولى، ترفع السكن للمستوى 20 أو القصر للمستوى 15....وهي مكلفة شوي حاليا بالنسبة لك
وتكون نقاطك الحضارية في الحالتين مساوية أو أكثر لمتطلبات فتح القرية الثالثة... وهي 8000 نقطة

بولينجر
25-05-2008, 05:02 PM
مخطط على كبير :victory:

بالتوفيق :nice:





اهلآ اهلآ :D

كثرت الاسئله وماعرف وين ابدأ :secret:
هلا.....
اسأل اللي في خاطرك :nice:

سداوي&مدريدي
25-05-2008, 05:08 PM
أول شيء للتوضيح...النقاط الحضارية تلزمك لفتح قرية جديدة...لكن مب بيدك ترفعها مباشرة...المباني والحقول عندك هي اللي تنتج نقاط حضارية يوميا وتقدر تشيك على عدد النقاط الحضارية من القصر أو السكن....

وعندك طريقتين حاليا....
الأولى: تبني سكن في القرية الثانية وترفعه للمستوى العاشر ومنه تطلع 3 مستوطنين وتقتح بهم قرية جديدة وهذه الطريقة الأسهل والأرخص في نظري واللي اتبعتها في قراي
الثانية: في القرية الأولى، ترفع السكن للمستوى 20 أو القصر للمستوى 15....وهي مكلفة شوي حاليا بالنسبة لك
وتكون نقاطك الحضارية في الحالتين مساوية أو أكثر لمتطلبات فتح القرية الثالثة... وهي 8000 نقطة


أنـزين بولينجر واذا سويت البلديه

وسويت فيها أختفالات يوميا وقدرت آخذ أكثر من 8000 نقطه

في هذي الحاله أقدر اطلع القريه الثالثه مع العلم ابي اطلعها في القريه الأولى

وفي سؤال ثاني اذا تكرمت القريه الثانيه أخليها بس حق الأنتاج يعني مابني فيها

مباني للجيش وأكاديميه شرايك؟؟

يعني شلون ترتيبهم؟

واحد في حاله
25-05-2008, 05:16 PM
انا قعدت اطور الثكنه علشان ازيد سرعة تدريب الجنود

http://www.qatarshares.com/vb/attachment.php?attachmentid=28759&stc=1&d=1211724529

على حسب الصوره . هل المفروض فترة تدريب الجندي 7 دقايق ؟

لان شوف شنو يطلع لي
v
v

http://www.qatarshares.com/vb/attachment.php?attachmentid=28761&stc=1&d=1211724767

12 دقيقه ..... احس فيه شي مب فاهمه

واحد في حاله
25-05-2008, 05:30 PM
انا قعدت اطور الثكنه علشان ازيد سرعة تدريب الجنود

http://www.qatarshares.com/vb/attachment.php?attachmentid=28759&stc=1&d=1211724529

على حسب الصوره . هل المفروض فترة تدريب الجندي 7 دقايق ؟

لان شوف شنو يطلع لي
v
v

http://www.qatarshares.com/vb/attachment.php?attachmentid=28761&stc=1&d=1211724767

12 دقيقه ..... احس فيه شي مب فاهمه


crazy

العجله شينه

خلاص اخووي بولينجر صدت السالفه .. طلعت انا مدرب الجيش قبل لا ارفع مستوى الثكنه
ف الجنود الي ادربهم بعد مارفع المستوى اهم الي يخلصون بسرعه

بس الي كانو يتدربون قبل التطوير يتمون على وقتهم الاصلي 12 او 15

:rolleyes2:

سداوي&مدريدي
25-05-2008, 05:38 PM
crazy

العجله شينه

خلاص اخووي بولينجر صدت السالفه .. طلعت انا مدرب الجيش قبل لا ارفع مستوى الثكنه
ف الجنود الي ادربهم بعد مارفع المستوى اهم الي يخلصون بسرعه

بس الي كانو يتدربون قبل التطوير يتمون على وقتهم الاصلي 12 او 15

:rolleyes2:

:) :)

بولينجر
25-05-2008, 05:52 PM
أنـزين بولينجر واذا سويت البلديه

وسويت فيها أختفالات يوميا وقدرت آخذ أكثر من 8000 نقطه

في هذي الحاله أقدر اطلع القريه الثالثه مع العلم ابي اطلعها في القريه الأولى

وفي سؤال ثاني اذا تكرمت القريه الثانيه أخليها بس حق الأنتاج يعني مابني فيها

مباني للجيش وأكاديميه شرايك؟؟

يعني شلون ترتيبهم؟
تقدر تبني الأكاديمية وتسوي فيها احتفالات... بس صدقني الموضوع بيكون مكلف عليك...الحفلة تاخذ 24 ساعة في المستوى الأول للبلدية وتكلف...شوف الصورة لمعرفة التكاليف والمدة لبلدية في المستوى 7

http://img32.picoodle.com/img/img32/4/5/25/f_traviantownm_72bd1a1.jpg (http://www.picoodle.com/view.php?img=/4/5/25/f_traviantownm_72bd1a1.jpg&srv=img32)

وتقدر تخلي القرية الثانية موارد وبس وما تبني فيها ولا شيء.... وتقدر تخلي القرية كلها مخابئ... اللي تبيه تقدر تسويه...الموضوع يعود لتقديرك وحاجتك....

إذا تبي الرخص والسرعة ابني السكن (ومردك بتبنيه) في القرية الثانية ومنها طلع المستوطنين للقرية الثالثة
والنقاط الحضارية ترى تنجمع لكل القرى بغض النظر عن القرية اللي أسست غيرها...

بولينجر
25-05-2008, 05:54 PM
crazy

العجله شينه

خلاص اخووي بولينجر صدت السالفه .. طلعت انا مدرب الجيش قبل لا ارفع مستوى الثكنه
ف الجنود الي ادربهم بعد مارفع المستوى اهم الي يخلصون بسرعه

بس الي كانو يتدربون قبل التطوير يتمون على وقتهم الاصلي 12 او 15

:rolleyes2:
كلامك عدل... :app2:
كنت بأقول لك نفس الشيء

واحد في حاله
25-05-2008, 06:04 PM
كلامك عدل... :app2:
كنت بأقول لك نفس الشيء

:shy:

زين بولينجر في محاكي المعركه شسالفة السكان


يعني احط عدد السكان عندي وعنده

جربت وطلع اذا عدد سكاني اكثر بيذبح من جنودي اكثر

والعكس صحيح :rolleyes2:

بولينجر
25-05-2008, 06:19 PM
:shy:

زين بولينجر في محاكي المعركه شسالفة السكان


يعني احط عدد السكان عندي وعنده

جربت وطلع اذا عدد سكاني اكثر بيذبح من جنودي اكثر

والعكس صحيح :rolleyes2:
بالنسبة لعدد السكان أفضل إنك ماتكتبه...أحس إنه يعطي نتيجة غير دقيقة...

سداوي&مدريدي
25-05-2008, 08:09 PM
تقدر تبني الأكاديمية وتسوي فيها احتفالات... بس صدقني الموضوع بيكون مكلف عليك...الحفلة تاخذ 24 ساعة في المستوى الأول للبلدية وتكلف...شوف الصورة لمعرفة التكاليف والمدة لبلدية في المستوى 7

http://img32.picoodle.com/img/img32/4/5/25/f_traviantownm_72bd1a1.jpg (http://www.picoodle.com/view.php?img=/4/5/25/f_traviantownm_72bd1a1.jpg&srv=img32)

وتقدر تخلي القرية الثانية موارد وبس وما تبني فيها ولا شيء.... وتقدر تخلي القرية كلها مخابئ... اللي تبيه تقدر تسويه...الموضوع يعود لتقديرك وحاجتك....

إذا تبي الرخص والسرعة ابني السكن (ومردك بتبنيه) في القرية الثانية ومنها طلع المستوطنين للقرية الثالثة
والنقاط الحضارية ترى تنجمع لكل القرى بغض النظر عن القرية اللي أسست غيرها...


معلومات خطييييره

مليووووووووون شكر

لاهنت يالغالي

:nice:

بولينجر
25-05-2008, 08:19 PM
معلومات خطييييره

مليووووووووون شكر

لاهنت يالغالي

:nice:
حاضرين :nice:

سداوي&مدريدي
25-05-2008, 09:34 PM
حاضرين :nice:

الحين بنزل صور لقريتي وقولي شرايك

:victory:

سداوي&مدريدي
25-05-2008, 09:48 PM
صوره القريتين في الخريطه

http://up4.m5zn.com/photos/00106/HW86XCA0XEU7.jpg


ترافيان بلاس :victory:

http://up4.m5zn.com/photos/00106/9LEH38O2QLK6.jpg

وهني الجنود الي عندي

ومستوى الحقول

http://up4.m5zn.com/photos/00106/WBTNEBYRI3YQ.jpg

القريه من الداخل

http://up4.m5zn.com/photos/00106/ELVLYGASGS57.jpg

limoOoOony
25-05-2008, 10:25 PM
ماشاء الله قريتك اوكي اخوي سداوي بس ليش ماتفعل حساب بلاس فيه مميزات حلوه

ولو مسحت احداثيات القرية احسن لك يمكن حد يدخل ويشوف القوات اللي عندك وينشرها عند تحالفه او يرتب للهجوم عليك :fight:

سداوي&مدريدي
25-05-2008, 10:30 PM
ماشاء الله قريتك اوكي اخوي سداوي بس ليش ماتفعل حساب بلاس فيه مميزات حلوه

ولو مسحت احداثيات القرية احسن لك يمكن حد يدخل ويشوف القوات اللي عندك وينشرها عند تحالفه او يرتب للهجوم عليك :fight:

هلا وغــلا أخــوي

صح كــلامك بس ماعتقد ان في المنتدى ناس قلوبهم سوده ههههههههههههههههه

صح ان الدنيا مافيها امان وانا مستعد للحرب في اي وقت والتحالف مب مقصر :victory:

عندهم مليوووون فرع :nice:

بولينجر
25-05-2008, 10:35 PM
صوره القريتين في الخريطه

http://up4.m5zn.com/photos/00106/HW86XCA0XEU7.jpg


ترافيان بلاس :victory:

http://up4.m5zn.com/photos/00106/9LEH38O2QLK6.jpg

وهني الجنود الي عندي

ومستوى الحقول

http://up4.m5zn.com/photos/00106/WBTNEBYRI3YQ.jpg

القريه من الداخل

http://up4.m5zn.com/photos/00106/ELVLYGASGS57.jpg
حلو والله شغل تماااااام....حاول ترفع حقل من كل نوع للمستوى العاشر علشان تقدر تبني معمل النشارة والطوب ومصنع الحديد لزيادة الانتاج... وطبعا بتضطر تهدم المخابئ... وعندك الجنود يبيلك تزيدهم شوي خصوصا حراس الامبراطور والجندي المهاجم...أما المحطمات تقدر تأجلهم شوي وتكتفي بالموجود حاليا...
وبالنسبة لموقع القرية الجديدة ممتاز لأنها جنبك تقدر تطرش لها موارد بسرعة....

سداوي&مدريدي
25-05-2008, 10:42 PM
حلو والله شغل تماااااام....حاول ترفع حقل من كل نوع للمستوى العاشر علشان تقدر تبني معمل النشارة والطوب ومصنع الحديد لزيادة الانتاج... وطبعا بتضطر تهدم المخابئ... وعندك الجنود يبيلك تزيدهم شوي خصوصا حراس الامبراطور والجندي المهاجم...أما المحطمات تقدر تأجلهم شوي وتكتفي بالموجود حاليا...
وبالنسبة لموقع القرية الجديدة ممتاز لأنها جنبك تقدر تطرش لها موارد بسرعة....

ان شاء الله كل الي قلته بطبقه بالحرف الواحد

تســلم بولينجر

:nice:

بولينجر
25-05-2008, 10:44 PM
ماشاء الله قريتك اوكي اخوي سداوي بس ليش ماتفعل حساب بلاس فيه مميزات حلوه

ولو مسحت احداثيات القرية احسن لك يمكن حد يدخل ويشوف القوات اللي عندك وينشرها عند تحالفه او يرتب للهجوم عليك :fight:
أخوي ليموني كلامك عدل...لو مسحت الاحداثيات يكون أفضل أخوي سداوي... لأن في ناس يجون المنتدى من بره المنتدى ومب ربعنا ولا بسائلين فينا...الله يعلم بالنيات

سداوي&مدريدي
25-05-2008, 10:56 PM
أخوي ليموني كلامك عدل...لو مسحت الاحداثيات يكون أفضل أخوي سداوي... لأن في ناس يجون المنتدى من بره المنتدى ومب ربعنا ولا بسائلين فينا...الله يعلم بالنيات

شلون مايات على بالي

:anger1: :anger1:

الزعفراني
25-05-2008, 10:56 PM
الله يسامحك اخوي بولينجر من حطيت هاللعبة وواحد من الربع 24 ساعه شغال عليها لدرجة انه مب معبرنا ع الماسنجر وحتى في قعداتنا ع النت كله شغال في القرية وقاعد يبني ويسولف لنا عن الموارد وحنا ضايعين في الطوشة حتى من كم يوم رايحين السينما والاخ من الملل يشبك النت ع الجوال ولا إراديا اطل في شاشة جواله الا هو فاتح موقع اللعبة وقاعد يبني .

الرجال صار مدمن على اللعبة ذي لدرجة انه مع الوقت اطلقنا عليه لقب " العمدة " نقصد عمدة القرية اللي قاعد يبنيها وشخصيا أتوقع نهاية الشهر يدخل علينا المجلس وهو لابس عمة العمدة وجار معاه اثنين من الغفير اللي عنده والحنطور صاف قدام باب المجلس :(

مايمدح السوق
25-05-2008, 11:01 PM
الله يسامحك اخوي بولينجر من حطيت هاللعبة وواحد من الربع 24 ساعه شغال عليها لدرجة انه مب معبرنا ع الماسنجر وحتى في قعداتنا ع النت كله شغال في القرية وقاعد يبني ويسولف لنا عن الموارد وحنا ضايعين في الطوشة حتى من كم يوم رايحين السينما والاخ من الملل يشبك النت ع الجوال ولا إراديا اطل في شاشة جواله الا هو فاتح موقع اللعبة وقاعد يبني .

الرجال صار مدمن على اللعبة ذي لدرجة انه مع الوقت اطلقنا عليه لقب " العمدة " نقصد عمدة القرية اللي قاعد يبنيها وشخصيا أتوقع نهاية الشهر يدخل علينا المجلس وهو لابس عمة العمدة وجار معاه اثنين من الغفير اللي عنده والحنطور صاف قدام باب المجلس :(

اقول وش رايكم تخلونه في حاله وتفكونه من شركم :) انت ورفيجك الثاني بو الاربعة ريال :)

PoBox
25-05-2008, 11:05 PM
مب لعبة صارت هذي
كل مااكلم واحد واقوله وينك ،،
يقولي مطرش جيشي يبوق طحين ولايهجم على عيال الجيران :anger1:

مب زين الادمان على هالالعاب
= >> لحد يجرب ويدمن خخخ

ROSE
25-05-2008, 11:06 PM
مب لعبة صارت هذي
كل مااكلم واحد واقوله وينك ،،
يقولي مطرش جيشي يبوق طحين ولايهجم على عيال الجيران :anger1:

مب زين الادمان على هالالعاب
= >> لحد يجرب ويدمن خخخ

مانصحك تدمن ترى مب زينه اللعبه

توني مطرشة الجيش يبوقون سكر من القرية الثانيه :tease:

PoBox
25-05-2008, 11:07 PM
مانصحك تدمن ترى مب زينه اللعبه

توني مطرشة الجيش يبوقون سكر من القرية الثانيه :tease:

انتي بعد معاهم ؟؟
وانا اقول وينج مختفية عن المنتدى :omen2::omen2:

الزعفراني
25-05-2008, 11:11 PM
مب لعبة صارت هذي
كل مااكلم واحد واقوله وينك ،،
يقولي مطرش جيشي يبوق طحين ولايهجم على عيال الجيران :anger1:

مب زين الادمان على هالالعاب
= >> لحد يجرب ويدمن خخخ


يارجال اهون اقولك اللي عندنا قام يسفه حق الدوام يصبح ع القرية ويمسي عليها مادري وش نهايتها :(

ROSE
25-05-2008, 11:15 PM
انتي بعد معاهم ؟؟
وانا اقول وينج مختفية عن المنتدى :omen2::omen2:

:shy::shy:

تدري هذي حلال لازم الواحد يداريه بعد

وناس في رقبتك لازم تغديهم وتعشيهم

وتدربهم :weeping::weeping:

PoBox
25-05-2008, 11:15 PM
يارجال اهون اقولك اللي عندنا قام يسفه حق الدوام يصبح ع القرية ويمسي عليها مادري وش نهايتها :(

مافائده الدنيا الواسعة اذا كان حذائك ضيقا
توقيعك عجيب
ههههههههههههههه

:nice:

PoBox
25-05-2008, 11:16 PM
:shy::shy:

تدري هذي حلال لازم الواحد يداريه بعد

وناس في رقبتك لازم تغديهم وتعشيهم

وتدربهم :weeping::weeping:

:rolleyes2::rolleyes2:
:rolleyes2:

ANONYMOUS
25-05-2008, 11:18 PM
لا الربع كلهم طلعوا يراجعون الدكتور

:p

بولينجر
25-05-2008, 11:19 PM
الله يسامحك اخوي بولينجر من حطيت هاللعبة وواحد من الربع 24 ساعه شغال عليها لدرجة انه مب معبرنا ع الماسنجر وحتى في قعداتنا ع النت كله شغال في القرية وقاعد يبني ويسولف لنا عن الموارد وحنا ضايعين في الطوشة حتى من كم يوم رايحين السينما والاخ من الملل يشبك النت ع الجوال ولا إراديا اطل في شاشة جواله الا هو فاتح موقع اللعبة وقاعد يبني .

الرجال صار مدمن على اللعبة ذي لدرجة انه مع الوقت اطلقنا عليه لقب " العمدة " نقصد عمدة القرية اللي قاعد يبنيها وشخصيا أتوقع نهاية الشهر يدخل علينا المجلس وهو لابس عمة العمدة وجار معاه اثنين من الغفير اللي عنده والحنطور صاف قدام باب المجلس :(
خخخخخخخ.... لا العمدة مدمن خلااااااص.... قوله اخوك بولينجر يقول لك اقعد ساعة بالكثير في اللعبة كل يوم تكفيك... وأنا دائما أقول حق الربع لا تخلون اللعبة تلهيكم عن الصلاة وعن أهلكم...

بولينجر
25-05-2008, 11:20 PM
اقول وش رايكم تخلونه في حاله وتفكونه من شركم :) انت ورفيجك الثاني بو الاربعة ريال :)
لا يقدر يقعد معاهم...بس مب معقولة يشبك من الجوال!!! ما صارت للدرجة هذي!!!

مايمدح السوق
25-05-2008, 11:23 PM
خخخخخخخ.... لا العمدة مدمن خلااااااص.... قوله اخوك بولينجر يقول لك اقعد ساعة بالكثير في اللعبة كل يوم تكفيك... وأنا دائما أقول حق الربع لا تخلون اللعبة تلهيكم عن الصلاة وعن أهلكم...

لا ماعليك بس خبرك مشترك في كل سيرفرات العالم :)


لا يقدر يقعد معاهم...بس مب معقولة يشبك من الجوال!!! ما صارت للدرجة هذي!!!

عادي في ناس وايد يشبكون من الجوال عيل تبي الجنود يموتون من يعوضني بعدين الاسلامية للتامين :)

بولينجر
25-05-2008, 11:23 PM
مب لعبة صارت هذي
كل مااكلم واحد واقوله وينك ،،
يقولي مطرش جيشي يبوق طحين ولايهجم على عيال الجيران :anger1:

مب زين الادمان على هالالعاب
= >> لحد يجرب ويدمن خخخ
هلا بوكسي.....منور....
خخخخخخ الظاهر أول مرة يلعبون لهم في لعبة!!! ترى اللعبة مب مسببة للإدمان لكن الله يهداهم...لازم الإسراف في كل شيء عندنا

بولينجر
25-05-2008, 11:26 PM
مانصحك تدمن ترى مب زينه اللعبه

توني مطرشة الجيش يبوقون سكر من القرية الثانيه :tease:
بس سكر يا روز!!! بقنا عيوش من زماااااان :tease:
حتى عازم القرية اللي جنبي يتعشون عندي من عيشهم اللي بقته :tease: