المساعد الشخصي الرقمي

مشاهدة النسخة كاملة : دعوة للرجال للمساعده في اعمال المنزل...


هتـان قطر
30-03-2008, 10:27 AM
تشكل مساهمة الرجال في اعمال المنزل عاملا مهما في تحسين جو الالفة مع زوجاتهم وفق دراسة اميركية نشرت حديثا.

وقال سكوت كولتران عالم الاجتماع في جامعة ريفرسايد في كاليفورنيا واحد معدي الدراسة لوكالة فرانس برس "بصورة عامة كلما شارك الرجال اكثر في الاعمال المنزلية كلما جعلوا نساءهم اكثر سعادة".

واكدت الدراسة التي نشر ملخص لها على موقع منظمة مجلس العائلات المعاصرة على الانترنت انه "عندما يشارك الرجال في اعمال المنزل يزداد شعور النساء بالعدل وبالرضا وتقل الخلافات العائلية".



وقال عالم النفس جوشوا كولمان في مقال نشر على موقع المجلس ان تقاسم الاعمال المنزلية "مرتبط بمستوى اعلى من الرضا عن الزواج"

وقال كولمان ان "النساء يقلن انهن يشعرن بعاطفة اكبر تجاه ازواجهن ان شاركوهن في اعمال المنزل".


هذه دعوة لكم ايها الازواج ان اردتوا ان تشعروا بالسعاده..

تبون سعادة اكثر اشتغلوا في البيت اكثر...:victory:
الخيميائي
30-03-2008, 10:42 AM
ههههههههههههه ومن من النساء في وقتنا الحالي تسوي اعمال المنزل :p
ضوى
30-03-2008, 10:45 AM
ههههههههههههه ومن من النساء في وقتنا الحالي تسوي اعمال المنزل :p

عشان جذي طلعت الدراسة :secret:
ابودجانه
30-03-2008, 10:46 AM
اول شيء خلينا اختي هتان قطر ندعو النساء للقيام بأعمال البيت وبعدين يسير خير...
هتـان قطر
30-03-2008, 10:52 AM
ههههههههههههه ومن من النساء في وقتنا الحالي تسوي اعمال المنزل :p


الخيميائي اعمال المنزل مب طبخ وكنس وغسيل مواعين..؟

فيه اشراف على نظافة البيت ونظافة الخدم ..وتربية العيال

وتدبير البيت بمهاره ..كل هذا اعمال منزل ..وغيرها كثير

فلو المره حست ان زوجها معها في كل صغيره وكبيره اكيد

راح يتعدل مزاجها وبتحسسه بالسعاده اللي هو ينشدها..:shy:
maryam5
30-03-2008, 10:53 AM
احلى شي الرجل يسوي اعمال البيت وانا اقعد رجل على رجل واتفرج :tease::tease:
ضوى
30-03-2008, 10:54 AM
احلى شي الرجل يسوي اعمال البيت وانا اقعد رجل على رجل واتفرج :tease::tease:

بعدي عليج :nice:
هتـان قطر
30-03-2008, 10:55 AM
عشان جذي طلعت الدراسة :secret:

:victory:


اول شيء خلينا اختي هتان قطر ندعو النساء للقيام بأعمال البيت وبعدين يسير خير...


الله يديم علينا الخير ..اما بنعمة ربك فحدث ..

وجود الخدم مايمنع المره اهتمامها وبيتها وعيالها

والاهم زوجها (( اللي المفروض يساعدها ))..:nice:
قطر501
30-03-2008, 10:58 AM
من واقع تجربة عمل المنزل يشعر الرجل بالسعادة الصراحة انا يوم سفرت الخدامة قمت اشتغال في البيت مع ام العيال بصراحة حسيت بتحسن حتى في علاقتنا الزوجيه وترى مب عيب الواحد يشتغل في بيته
هتـان قطر
30-03-2008, 10:59 AM
احلى شي الرجل يسوي اعمال البيت وانا اقعد رجل على رجل واتفرج :tease::tease:

ايوالله لين متى واحنا ننكرف..؟ الحين هذا زمن النساء ولازم نستغله

شفيها يعني لما يقوم من النوم يروح يرتب سريره ..؟


ولا شفيها لو سوى كوب شاي او كرك وقدمه لزوجته ام عياله..؟

:eek5:
هتـان قطر
30-03-2008, 11:02 AM
من واقع تجربة عمل المنزل يشعر الرجل بالسعادة الصراحة انا يوم سفرت الخدامة قمت اشتغال في البيت مع ام العيال بصراحة حسيت بتحسن حتى في علاقتنا الزوجيه وترى مب عيب الواحد يشتغل في بيته


وشهد شاهد من اهلها..

والله اخوي العزيز ما فيها شي..اذا رسولنا وقدوتنا

محمد صلى الله عليه وسلم ..كان يقوم على خدمة اهله حتى

اذا سمع المؤذن توضأ وذهب للصلاه..

يعني انتوا على راسكم ريشه..ولا تظنون انكم احسن من النبي

صلى الله عليه وسلم..؟
coolqtri
30-03-2008, 11:02 AM
الحمدلله ...

الرجال مايقصرون .. في شغل البيت .. أكثرهم .. يودي العيال المدارس .. والمستشفيات .. وقضاء لوازمهم .. من غير التربية .. فهم مايقصرون .. وفية أشياء كثر .. ماذكرتها ..

اما بالنسبة لشغل البيت .. خاصة .. فية اّباء واجد صراحة .. انا شفت منهم .. اللي يطبخ بعض المرات .. وعادي .. كمشاركة .. وعلشان عيالة يستانسون .. طبعاّ اذا حصل فرصة .. وفية منهم يسقي الزرع .. وفية منهم يغسل سيارتة .. والله مايقصرون ..

بس المساكين .. مايحصلون فرصة .. طبعاً .. اذا كان هو الوحيد اللي يشتغل .. فمافية الا هو الكداد .. قاعد يكد ليل نهار علشان مايقصر على زوجتة وعيالة شي .. واذا حصل فرصة بسيطة .. شارك بشغل البيت .. يعوض .. فهالشيء مايجهل الاّباء ...

ودمتم ..

ملاحظة : أنا عن نفسي احب شي اسمة طبخ .. واتفنن فية .. غربي .. أسيوي .. عربي بكل انواعة .. وحلوياااااااااااااااات ..
بنت المنتدى
30-03-2008, 11:09 AM
والله مافيه احلى من البنت اللي تعرف السنع وتسوي كل شي لزوجها

تدرين وش المشكله ان البعض تفكيرهم انا عندي طباخ وخدامتين يعني مافوقها فوق لييييييش ترا مين فينا مايقدر على انه يجيب طباخين او خدم ؟؟؟؟


الف شكرلك ع الطرح
فارس الكلمة
30-03-2008, 11:10 AM
الرجال قوامون على النساء ..

بعض الحريم ما تحب زوجها يتدخل في شغل البيت .. و بعض الرجال يعتبر العمل المنزلي نقص في المروءة ..

و يمكن تهتز شخصيته أمام ابنائه..
هسلان
30-03-2008, 11:14 AM
ما صارة شغال سائق للمرة وعيالها وصراف ألي وخوف العيال عشان يدرسون وحكم بينها وبين الخادمة
وهم تبونا نساعد في اعمال المنزل
عيل المرة شتسوي بالله ليكون هذا اللي يسمونه عصر النساء
لازم الرجال يعتصمون أمام مقر الأمم المتحدة ويطالبون بحقوقهم
Qtri
30-03-2008, 11:21 AM
:eek2:ههههههههههههههه ماجربت لكن المشاركه مطلوبه يعني الرجال لازم يشارك باعمال المنزل اذا سارفت الخدامه لازم يكنس واذاراحت زوجته الشغل لازم يطبخ واذا صاح الياهل لازم يغير حفاظته:eek2::eek2::eek2::eek2::eek2::eek2::eek2::e ek2::eek2::eek2::eek2::eek2::eek2:
ضوى
30-03-2008, 11:28 AM
حلو الريال يساعد بمزاجه هو احد يطلب منه ، بس الاكيد ما توصل لدرجة الغسيل والكوي وتبديل حفاظات اليهال يعني هذي مو حلوة بحقه من وجهة نظري ، وهالاشياء ما يسويها الرجل الا في الشديد القوي جدا
وزوجي ما احب يسوي شئ في البيت احبه يكون ملك ببيته ، بس هذا ما يمنع بعض الاعمال الخفيفة متابعة اليهال ترتيب المكان اللي هم فيه خاصة لو كان هو سبب الفوضى يعني بس غير هذا لا ما ارضاها له
بوحارب
30-03-2008, 11:31 AM
تشكل مساهمة الرجال في اعمال المنزل عاملا مهما في تحسين جو الالفة مع زوجاتهم وفق دراسة اميركية نشرت حديثا.

وقال سكوت كولتران عالم الاجتماع في جامعة ريفرسايد في كاليفورنيا واحد معدي الدراسة لوكالة فرانس برس "بصورة عامة كلما شارك الرجال اكثر في الاعمال المنزلية كلما جعلوا نساءهم اكثر سعادة".

واكدت الدراسة التي نشر ملخص لها على موقع منظمة مجلس العائلات المعاصرة على الانترنت انه "عندما يشارك الرجال في اعمال المنزل يزداد شعور النساء بالعدل وبالرضا وتقل الخلافات العائلية".



وقال عالم النفس جوشوا كولمان في مقال نشر على موقع المجلس ان تقاسم الاعمال المنزلية "مرتبط بمستوى اعلى من الرضا عن الزواج"

وقال كولمان ان "النساء يقلن انهن يشعرن بعاطفة اكبر تجاه ازواجهن ان شاركوهن في اعمال المنزل".


هذه دعوة لكم ايها الازواج ان اردتوا ان تشعروا بالسعاده..

تبون سعادة اكثر اشتغلوا في البيت اكثر...:victory:


كلام سليم 100%

يسلمووو هتان عـ الموضوع
هتـان قطر
30-03-2008, 11:34 AM
الحمدلله ...

الرجال مايقصرون .. في شغل البيت .. أكثرهم .. يودي العيال المدارس .. والمستشفيات .. وقضاء لوازمهم .. من غير التربية .. فهم مايقصرون .. وفية أشياء كثر .. ماذكرتها ..

اما بالنسبة لشغل البيت .. خاصة .. فية اّباء واجد صراحة .. انا شفت منهم .. اللي يطبخ بعض المرات .. وعادي .. كمشاركة .. وعلشان عيالة يستانسون .. طبعاّ اذا حصل فرصة .. وفية منهم يسقي الزرع .. وفية منهم يغسل سيارتة .. والله مايقصرون ..

بس المساكين .. مايحصلون فرصة .. طبعاً .. اذا كان هو الوحيد اللي يشتغل .. فمافية الا هو الكداد .. قاعد يكد ليل نهار علشان مايقصر على زوجتة وعيالة شي .. واذا حصل فرصة بسيطة .. شارك بشغل البيت .. يعوض .. فهالشيء مايجهل الاّباء ...

ودمتم ..

ملاحظة : أنا عن نفسي احب شي اسمة طبخ .. واتفنن فية .. غربي .. أسيوي .. عربي بكل انواعة .. وحلوياااااااااااااااات ..


ما دري ليش بعض الرجال يتحسسون من هالنقطه..:nice:




والله مافيه احلى من البنت اللي تعرف السنع وتسوي كل شي لزوجها

تدرين وش المشكله ان البعض تفكيرهم انا عندي طباخ وخدامتين يعني مافوقها فوق لييييييش ترا مين فينا مايقدر على انه يجيب طباخين او خدم ؟؟؟؟


الف شكرلك ع الطرح

اختي احلى ملاك مافيه شك ان المرأة اساس البيت وعموده ولكن

مايمنع ان تكون فيه مساعده بينها وبين زوجها..فيه بعض الرجال

نافخ نفسه حتى الكيس اللي بيد مرته ما يشيله حتى ما ينقص من

قدره..قال صلى الله عليه وسلم (( خيركم خيركم لاهله وانا خيركم لاهلي ))


الرجال قوامون على النساء ..

بعض الحريم ما تحب زوجها يتدخل في شغل البيت .. و بعض الرجال يعتبر العمل المنزلي نقص في المروءة ..

و يمكن تهتز شخصيته أمام ابنائه..

بالعكس الا الاولاد لما يشوفون ابوهم يساعد امهم بيحسون بالرحمه وبالعطف

بدل القسوه والغلظه ..وحتى بيرحمون خواتهم وزوجاتهم..

دايما وانا انتظر بنتي عند باب المدرسه يعجبني شكل الاب وهو يستقبل بنته وبعدين

يشيل الشنطه منها علشان ما تتعبها..:)




ما صارة شغال سائق للمرة وعيالها وصراف ألي وخوف العيال عشان يدرسون وحكم بينها وبين الخادمة
وهم تبونا نساعد في اعمال المنزل
عيل المرة شتسوي بالله ليكون هذا اللي يسمونه عصر النساء
لازم الرجال يعتصمون أمام مقر الأمم المتحدة ويطالبون بحقوقهم

كلكم راع وكلكم مسؤول عن رعيته ...

الامم المتحده ما راح تسويلهم شي لان مافيه حقوق الرجال..

سمعنا حقوق المرأه وحقوق الانسان وحقوق الحيوان..

ارقى سنود يالضيغمي..
هتـان قطر
30-03-2008, 11:45 AM
:eek2:ههههههههههههههه ماجربت لكن المشاركه مطلوبه يعني الرجال لازم يشارك باعمال المنزل اذا سارفت الخدامه لازم يكنس واذاراحت زوجته الشغل لازم يطبخ واذا صاح الياهل لازم يغير حفاظته:eek2::eek2::eek2::eek2::eek2::eek2::eek2::e ek2::eek2::eek2::eek2::eek2::eek2:

لا لا لا ماوصلت لهالدرجه..يساعد في الامور المناسبه لشخصه ..

اما الاشياء الثانيه ما لها الا المرأة هي اعرف وابصر بها..:nice:


حلو الريال يساعد بمزاجه هو احد يطلب منه ، بس الاكيد ما توصل لدرجة الغسيل والكوي وتبديل حفاظات اليهال يعني هذي مو حلوة بحقه من وجهة نظري ، وهالاشياء ما يسويها الرجل الا في الشديد القوي جدا
وزوجي ما احب يسوي شئ في البيت احبه يكون ملك ببيته ، بس هذا ما يمنع بعض الاعمال الخفيفة متابعة اليهال ترتيب المكان اللي هم فيه خاصة لو كان هو سبب الفوضى يعني بس غير هذا لا ما ارضاها له

ضوى شخبارك..؟ اما الغسيل والكوي قويه..من ثاني يوم انا عند اهلي اذا

كوى الملابس..الاعمال اللي يقوم بها الرجل مثلا مشتريات البيت من تموين

وخلافه..الاشراف على نظافة البيت خصوصا من برا وخاصة النوافذ..

مساعدة الزوجه في طبخه يحبونها (( طبعا الخدامه هي اللي تقصص البصل ان وجد ))

مراقبة الاولاد دراسيا والاشراف على تربيتهم مب يلقي المسؤوليه على الزوجه

ويتفرغ هو للمجالس..:)


كلام سليم 100%

يسلمووو هتان عـ الموضوع

غريبه يابوحارب ..ظنيت كل الرجال او اغلبهم خل نقول بيكونون ضد هذي الدراسه:omg:

:nice:
بنت المنتدى
30-03-2008, 11:54 AM
اختي احلى ملاك مافيه شك ان المرأة اساس البيت وعموده ولكن

مايمنع ان تكون فيه مساعده بينها وبين زوجها..فيه بعض الرجال

نافخ نفسه حتى الكيس اللي بيد مرته ما يشيله حتى ما ينقص من

قدره..قال صلى الله عليه وسلم (( خيركم خيركم لاهله وانا خيركم لاهلي ))



عفواً يالغاليه انا ماوضحت كلامي .. كنت اقصد الزوجه اللي شاله ايدها من البيت وطبعاً مافيها شي دام الرجل يساعد زوجته والله اني اعرف ناااااس وماشاءالله عليهم واصلين والللللله لو تشوفين المعامله والتعاون وشلون بينهم ماتصدقين ربي لايغير عليهم ان شاءالله:nice:

وبالعكس يعني عادي الشباب يطبخون لبعض ف الرحلات خل يعتبر نفسه في رحله ويطبخ لزوجته:nice::nice::nice::nice:
هتـان قطر
30-03-2008, 12:04 PM
عفواً يالغاليه انا ماوضحت كلامي .. كنت اقصد الزوجه اللي شاله ايدها من البيت وطبعاً مافيها شي دام الرجل يساعد زوجته والله اني اعرف ناااااس وماشاءالله عليهم واصلين والللللله لو تشوفين المعامله والتعاون وشلون بينهم ماتصدقين ربي لايغير عليهم ان شاءالله:nice:

وبالعكس يعني عادي الشباب يطبخون لبعض ف الرحلات خل يعتبر نفسه في رحله ويطبخ لزوجته:nice::nice::nice::nice:

كلا الزوجين لا يخلون من السلبيات..ولكن لو كل واحد منهم بين للثاني شاللي ينقصه

او شاللي يتمنى يكون فيه ..لحلينا الكثير من المشاكل التي تنغص الحياه على الازواج

حياك الله اختي احلى ملاك وكلامك سليم :nice:
coolqtri
30-03-2008, 12:22 PM
ما دري ليش بعض الرجال يتحسسون من هالنقطه..:nice:..

بالعكس .. نو نو نو نو نو (نو=اداة نفي) :stop::stop:.. أبداً .. لانتحسس من هالنقطة ولا شيء ..وأرجو قراءة ردي بتمعن اختي ..
هتـان قطر
30-03-2008, 12:35 PM
بالعكس .. نو نو نو نو نو (نو=اداة نفي) :stop::stop:.. أبداً .. لانتحسس من هالنقطة ولا شيء ..وأرجو قراءة ردي بتمعن اختي ..


الكلام مب لك....:omg: الكلام للي يفتشلون انهم يساعدون حريمهم

انت عداك اللوم...:nice:
maryam5
30-03-2008, 12:37 PM
بعدي عليج :nice:


:tease::tease::tease::tease:
:tease::tease::tease:
:tease::tease:
:tease:

هههههههههههههههههه
coolqtri
30-03-2008, 01:52 PM
الكلام مب لك....:omg: الكلام للي يفتشلون انهم يساعدون حريمهم

انت عداك اللوم...:nice:


:oops::oops::oops::oops::oops:

معلية تصير في احسن العائلات:):):)
tomtom77
30-03-2008, 02:26 PM
ياجماعة الخير اشفيها لو الريال ساعد مرته وهي ما عندها خدامة ؟؟
والله بيحصل اجر من الله
طبعا توصيل الاولاد للمدارس وانه يشتري اغراض هذي اكيد من اعماله لانه لو ما يبي يسوي هالاشياء يعلم مرته السواقة ويخليها هي تقوم بهالاعمال والا دريول

انزين اذا الحرمة مرضت وصارت ميهودة وايد وما عندها حد يغير حفاظة البيبي خصوصا في حالة الاهل محد مب في نفس البلاد شو بيسوي حزتها الريال يخلي الياهل يخيس مكانه
لا اكيد بيضطر انه يغيرله ما فيها شي لو الرياييل يستلمون شغل الحريم لمدة ساعة والله بيهلكون وبيحسون كم الزوجة تتعب في تربية اليهال وانا اتكلم عن الي ما عندهم خدم ولا اهل الزوج
هتـان قطر
30-03-2008, 02:34 PM
ياجماعة الخير اشفيها لو الريال ساعد مرته وهي ما عندها خدامة ؟؟
والله بيحصل اجر من الله
طبعا توصيل الاولاد للمدارس وانه يشتري اغراض هذي اكيد من اعماله لانه لو ما يبي يسوي هالاشياء يعلم مرته السواقة ويخليها هي تقوم بهالاعمال والا دريول

انزين اذا الحرمة مرضت وصارت ميهودة وايد وما عندها حد يغير حفاظة البيبي خصوصا في حالة الاهل محد مب في نفس البلاد شو بيسوي حزتها الريال يخلي الياهل يخيس مكانه
لا اكيد بيضطر انه يغيرله ما فيها شي لو الرياييل يستلمون شغل الحريم لمدة ساعة والله بيهلكون وبيحسون كم الزوجة تتعب في تربية اليهال وانا اتكلم عن الي ما عندهم خدم ولا اهل الزوج


اخوي ما دري اختي العزيزه ..طبعا ما فيها شي لان المولود مشترك بينهم

مب للام من دون الاب ..

وترى شغل البيت بكل مافيه ما يساوي شي عند تربية طفل صغير محتاج سهر

وتغيير ورضاعه ..الام اذا ولدها صغير ما ترقد ساعه على بعضها ..ومع كل

هذا يكون عسل على قلبها..والاب كل ماحس بقربه من ولده راح يحبه اكثر واكثر..
السيف872
30-03-2008, 03:34 PM
ايوالله لين متى واحنا ننكرف..؟ الحين هذا زمن النساء ولازم نستغله

شفيها يعني لما يقوم من النوم يروح يرتب سريره ..؟

ولا شفيها لو سوى كوب شاي او كرك وقدمه لزوجته ام عياله..؟

مرة وحدة يسوي الغدا والعشا ويغسل الملابس
ان كيدهن عظيم (لازم تستغلين الزمن )
هتـان قطر
30-03-2008, 03:39 PM
ايوالله لين متى واحنا ننكرف..؟ الحين هذا زمن النساء ولازم نستغله

شفيها يعني لما يقوم من النوم يروح يرتب سريره ..؟

ولا شفيها لو سوى كوب شاي او كرك وقدمه لزوجته ام عياله..؟

مرة وحدة يسوي الغدا والعشا ويغسل الملابس
ان كيدهن عظيم (لازم تستغلين الزمن )

:)

اخوي كلها دردشه لا اكثر ولا اقل...يعني بذمتك يدخل المخ باقول لزوجي

روح سولي كوب شاي..؟:shy:

ان كيدهن عظيم صح ولكن بطريقه ايجابية ولمصلحة الاسره..:nice:
عنيــــد
30-03-2008, 07:01 PM
مو غلط يشارك في بعض الامور بمزاجه و في الوقت المناسب ،، يعني مب كل حزه داش المطبخ يقول يالله بسوي لكم اكل .. هههههه احس ما تركب ..

و بصراحه يمكن البيوت الجديده تكون اسهل حق هالسوالف لأنها اصغر و مرتبه و على قد البيت ،، يعني احس لو اجتهدت و رتبت شوي خلال ربع ساعه اكون سويت انجاز يعني دور كامل ،، لكن على بيوتنا الحين بكمل ساعه ما خلصت ..

اتوقع في السفر احلى و انا ضد سفر الخدامات مع الاهل ،، وقت السفر ياخذون الازواج راحتهم و هني ممكن يطبخ وياها و يساعدها في كل شي .. يعني شي حق كسر الروتين ..
هسلان
30-03-2008, 07:12 PM
هذا اللي تبونه من الرجال

http://www.s77.com/3DSmile/14/CrazeIcon-003.gif (http://www.s77.com/index.php?t=smiles)
ANONYMOUS
30-03-2008, 07:17 PM
ههههههههههههه ومن من النساء في وقتنا الحالي تسوي اعمال المنزل :p



هههههههههههههههههههههههههههههههه


صادز



اول شيء خلينا اختي هتان قطر ندعو النساء للقيام بأعمال البيت وبعدين يسير خير...



هم صادز


ايوالله لين متى واحنا ننكرف..؟ الحين هذا زمن النساء ولازم نستغله

شفيها يعني لما يقوم من النوم يروح يرتب سريره ..؟


ولا شفيها لو سوى كوب شاي او كرك وقدمه لزوجته ام عياله..؟

:eek5:



بتزعلين بوحارب علينا
:)
السامـي
30-03-2008, 07:31 PM
اسمعوا يا رجال:

لقالت المرأة تعال اشتغل معي في البيت..قولها(بروح للبيت الثاني).:swoon:

بس..أعتقد أكثريتكم ما عنده بيت ثاني.escape
الذيـــب
30-03-2008, 07:53 PM
توني والله قبل شوي خام المجلس بالمكنسة الكهربائية الخدامة جاية تبي تخمه خذت من عندها المكنسة وقلتلها خليه انا بكنسة وكنسته وانا رجال وعقب ما خلصت منه انا رجال ما نقصت من رجولتي شي .
هايمة قطرية
30-03-2008, 08:13 PM
الصراحة موضوع رائع وارجو ان الرجال يسمعون ويحسون شوي بالزوجة مسكينة تكسر الخاطر
ناصر العمادي
30-03-2008, 08:38 PM
أنا أمس غسلت الحوش وكنت مستانس لأن أذا أسوي الشي يكون بمزاجي ...

جبت بناتي وقلت لهم شرايكم نغسل الحوش ... طبعا لما أغسل الحوش أغسل كل اللي معاي بالماي ونعمل جو حلو والحمدلله .....:nice::nice::nice:

وكل يوم أعطي الزرع ماي ........ غرامي الزرع ....:tease::tease::tease:

وأنظف حوض السمك وعطيهم أكل كل يوم ...... :nice::nice:

هذا دوري واللي أقدر أسويه

والخدامه تنظف البيت وتغسل الملابس والصحون ....

وزوجتي تطبخ وتدرس البنات وتهتم بحبيب قلبي عبود

والحمدلله مستانسين ومرتاحين ......

وطبعا أذا أنكسر شي ولا أخترب في البيت أستانس لأني بحصل شي أسويه غير المنتدى ...

موضوع جميل وهادف ومفيد للي يبغون السعاده والراحه النفسيه .....

كل الشكر والتقدير لك

الله يوفقك ويسعدك مع زوجك وعيالك دنيا وأخره أن شاء الله

تقبلي تحياتي وأحترامي
هتـان قطر
30-03-2008, 08:57 PM
ما شالله عليكم طلعتوا كلكم خوش رجاجيل..هذا الرجال والا فلا..

:victory:

انا زوجي ما يقصر معتمده عليه في اشياء كثيره..الله لا يحرمني منه
المخفي
30-03-2008, 11:01 PM
توني والله قبل شوي خام المجلس بالمكنسة الكهربائية الخدامة جاية تبي تخمه خذت من عندها المكنسة وقلتلها خليه انا بكنسة وكنسته وانا رجال وعقب ما خلصت منه انا رجال ما نقصت من رجولتي شي .


أنا أمس غسلت الحوش وكنت مستانس لأن أذا أسوي الشي يكون بمزاجي ...

جبت بناتي وقلت لهم شرايكم نغسل الحوش ... طبعا لما أغسل الحوش أغسل كل اللي معاي بالماي ونعمل جو حلو والحمدلله .....:nice::nice::nice:

وكل يوم أعطي الزرع ماي ........ غرامي الزرع ....:tease::tease::tease:

وأنظف حوض السمك وعطيهم أكل كل يوم ...... :nice::nice:

هذا دوري واللي أقدر أسويه

والخدامه تنظف البيت وتغسل الملابس والصحون ....

وزوجتي تطبخ وتدرس البنات وتهتم بحبيب قلبي عبود

والحمدلله مستانسين ومرتاحين ......

وطبعا أذا أنكسر شي ولا أخترب في البيت أستانس لأني بحصل شي أسويه غير المنتدى ...

موضوع جميل وهادف ومفيد للي يبغون السعاده والراحه النفسيه .....

كل الشكر والتقدير لك

الله يوفقك ويسعدك مع زوجك وعيالك دنيا وأخره أن شاء الله

تقبلي تحياتي وأحترامي

عفيه عليكم واحنا شادين الظهر فيكم
هتـان قطر
30-03-2008, 11:10 PM
عفيه عليكم واحنا شادين الظهر فيكم


وشعاد...شد الظهر فيهم وانا اختك ..تراهم محزمك ليتحزمت..:)


وصدقني هذا ما ينقص من رجولتهم ...
ناصر العمادي
30-03-2008, 11:54 PM
عفيه عليكم واحنا شادين الظهر فيكم

أفا يالغالي ..... هل تعتقد لو أني غسلت الحوش وستانست مع بناتي وشجعتهم وعودتهم على الشغل ولا عطيت الزرع ماي أكون نقصت من رجولتي ..... أفا والله ماتوقعتها منك ...

ألحين في رايك اللي مثل وضعي لاشغل ولا دوام وطول اليوم جالس في البيت .....

أيش الأفضل له يتم جالس على طول ولا يتحرك يفيد نفسه بالحركه ويستفيد من حب أولاده لتقليده وتشجيعهم على العمل ......

علما بأن عندي خدامه وأقدر أجيب أكثر من خدامه والحمدلله ....

أتمنى أنك تجرب تسوي مثلي وتشوف فرحة أعيالك وأنت تشتغل وتمزح وتلعب معاهم

يكفي لما يحضنونك من فرحتهم ويبوسونك .... تسوى الدنيا ومافيها ....

تقبل تحياتي وتقديري
دلة الرسلان
30-03-2008, 11:57 PM
مرحبا هتان اتوقع صعبه يساعد الرجال في اعمال البيت الأ في الخارج لأنهم يتركون القيود

وراهم بس الحين البيت فيه خدامتين وثلاث حتى عيالنا ما يشلون وراهم اكلهم فما بالك بالزوج

بس لعائلة صغيره جديده فلا بأس بالتعاون .
دلة الرسلان
31-03-2008, 12:00 AM
أفا يالغالي ..... هل تعتقد لو أني غسلت الحوش وستانست مع بناتي وشجعتهم وعودتهم على الشغل ولا عطيت الزرع ماي أكون نقصت من رجولتي ..... أفا والله ماتوقعتها منك ...

ألحين في رايك اللي مثل وضعي لاشغل ولا دوام وطول اليوم جالس في البيت .....

أيش الأفضل له يتم جالس على طول ولا يتحرك يفيد نفسه بالحركه ويستفيد من حب أولاده لتقليده وتشجيعهم على العمل ......

علما بأن عندي خدامه وأقدر أجيب أكثر من خدامه والحمدلله ....

أتمنى أنك تجرب تسوي مثلي وتشوف فرحة أعيالك وأنت تشتغل وتمزح وتلعب معاهم

يكفي لما يحضنونك من فرحتهم ويبوسونك .... تسوى الدنيا ومافيها ....

تقبل تحياتي وتقديري

اخوي ناصر بالعكس اللي سويته صحيح ويكفينا الأقتداء بسنة الرسول الذي كان يقم داره

ويرقع حذاه ولا الأقتداء بالرسول بس في تعداد الزوجات !!!!!!!!!
هتـان قطر
31-03-2008, 11:55 AM
مرحبا هتان اتوقع صعبه يساعد الرجال في اعمال البيت الأ في الخارج لأنهم يتركون القيود

وراهم بس الحين البيت فيه خدامتين وثلاث حتى عيالنا ما يشلون وراهم اكلهم فما بالك بالزوج

بس لعائلة صغيره جديده فلا بأس بالتعاون .


دله...حتى المشاركه بالاحساس بالمسؤوليه مع الزوجه يحسسها بقرب

زوجها منها ..مثلا ترتيب البيت وابداء رأيه فيه وفي ديكوره لانه مشترك

بينهم..واعطاء الاطفال بعض الاهتمام والجلوس معهم حتى تنتهي الزوجه

ما تقوم به وعدم الاتكال الكلي على الخدم..مثلا عندما ترتب الزوجه غرفتها

ما المانع ان يساعدها زوجها..؟ وهناك الكثير مما يقوم به الرجل من دون

ان ينقص من قدره..:)

صدقوني جربوا تساعدون زوجاتكم وشوفوا ردة الفعل عندهم...

ولا تنسون تخبرونا...؟ :nice: