ممكن اسعار الجموس بالشركه ؟ ووين أرخص بالمناعي ولا السعوديه؟

[فلفل حار]

السلام عليكم ورحمه الله وبركاته

ممكن مواصفات واسعار الجموس البدي السييريا

غماره

غماره وربع

غمارتين

وشنو الاكشخ بينهم

ووين أرخص هنا ولا بالسعوديه لانه الضمان مثل مانتوعارفين دولي:rolleyes2:

والي بنفس الوقت يعرف سعر الكادليك اسكاليد يقولنا كم في قطر وفي السعوديه

وان شاء الله يستفيدون باقي الاعضاء ،/ ولكم الف شكر

[فلفل حار]

نسيت اقول انه بالامريكي اخوكم ميح :)

احنا مال ياباني بس ومن كثر مانقعونا التويوتا علي حجز الكروزر باكنسل وباخذ لي امريكي :)

[بو غنيم]

غمارتين اكشخ
وماااادري عن الاسعار
والسعودية ارخص عشان فرق العملة

[بومحمد978]

غمارة احلى بس فى السعوديه ارخص بشوي فرق العمله فى الدوحه (105.000) فى السعوديه (95.000)

[فلفل حار]

بوغنيم يعطيك العافيه الشيخ :)

بس ماتشوفه دفش شوي؟؟ ياخي اذا غماره واسود وعليه مخفي اسود وشبك دينالي وحشش ولا شرايك ؟ :)

[فلفل حار]

بومحمد يعطيك العافيه الشيخ

بالمناعي عندي واسطه بس ماعرف اسعارهم للحين كم بالضبط لاني ماسألت

واساسا انا متحير بين الجمس والجكسار اليديد لاني حاجز وناطره وللحين ماوصل عشان جذي صنفت علي الجمس

الله يكتب الي فيه الخير

تسلم الشيخ :)

[بوسعود180]

اخوي انا من السعوديه وساكن في الحسا

اذا حبيت اشوفلك الاسعار في الوكاله امرهم بكرا

[فلفل حار]

بوسعود تسلم والله يالشيخ

مابي اتعبك ، الاسبوع الياي بامر الاحساء

يسلمووو يالغالي :)

[srs]

اخوي بسعود اذا فيه مجال ابي اسعار الكزز الجديد واليوكن والتاهو

[فاكس727]

اخوي انا من السعوديه وساكن في الحسا

اذا حبيت اشوفلك الاسعار في الوكاله امرهم بكرا

مرحبا والله بوسعود

اي نعم طال عمرك انا بغيت اعرف سعر السييرا 1500 4باب بكم لا هنت

[سحاب]

السلام عليكم ...
السييرا 1500 - 4 ابواب كامل المواصفات سعره 129,000 بدون الخصم كراسي فصل
وشوف مع الخصم كم ..؟ حسب الواسطة ..
الكرسي المتصل ارخص ب4000آلاف . :nice:

[فلفل حار]

بوسعود ،، الشيخ معليك امر تقدر تشوف لي الجمس سييرا 1500 غماره لون سموك سلفر بس العادي مب الـz71

تقدر تشوف لي بكم عندكم نهائي ؟

معليك امر يالغالي :)

[سهم المستقبل]

في السعوديه ارخص
بالمواصفات تختلف من كل وكيلا
يعني كل واحد يطلب على كيف
وبالتوفيق...

[فلفل حار]

في السعوديه ارخص
بالمواصفات تختلف من كل وكيلا
يعني كل واحد يطلب على كيف
وبالتوفيق...

صح ارخص بس مب كل الجموس تاخذهم من السعوديه

لاني سمعت معلومه من الشباب خلتني اغض النظر عن السييرا وارد السعوديه

تسلم الشيخ :)

[الساهرة]

ليه محتكره على المناعي القطري والجميح السعودي عند البهبهاني الكويتي احس ماعليه اقبال هناك
بس طبعا رايح ايكون تصدير وهني مربط الفرس اتوقعه في الكويت ارخص واذا الفرق بسيط عليك بالمناعي
وجه تعرفه احسن من وجه ماتعرفه على اقلها قريب الوكاله .




الساهره

[فلفل حار]

ليه محتكره على المناعي القطري والجميح السعودي عند البهبهاني الكويتي احس ماعليه اقبال هناك
بس طبعا رايح ايكون تصدير وهني مربط الفرس اتوقعه في الكويت ارخص واذا الفرق بسيط عليك بالمناعي
وجه تعرفه احسن من وجه ماتعرفه على اقلها قريب الوكاله .




الساهره

مب سالفه احتكار ، لما نشتري من الجميح كلها حذفه حصاه خبرج مشوار الحسا صار عند اهل قطر مثل الي رايح سيلين يعني سهلات

والكويت مانعرف مواصفاتهم ولا اسعارهم وماتسوا علي اضرب خط 800 كيلو عشان اوفر لي كم ألف حتي لو 15 ألف :)

والضمان مايفرق لانه الضمان دولي لكن حزات تفرق مواصفات السياره نفسها من وكيل لوكيل وهالكلام قايلينه لي خبراء جموس "ماظن اخبر منج:secret:" وطلع الجمس بدي وارد الدوحه اريف بوايد من وارد السعوديه ، وانا رحت وكالة المناعي من كم يوم والمواصفات الي ابيها موجوده بس اللون الاسود مب موجود ، واذا ماجاك الجمس اسود ولا مايسوا

ولا شرايج ياخبيرة الجموس :shy:

[الساهرة]

صح كلامك الكويت احس مايعرفون كوعهم من بوعهم في الجموس والدليل ان العراوي يسمونها ونيت
يعني ماحشموا الجموس من العراوي تبي اتحصل عندهم المواصفات اللي ماترضي القطري في الجمس
وبالنسبه للون الاسود فعلا روعه بالنسبه للجموس خاصه النوع الصغير الرفرف وبعد الاحمر والسموك
الابيض يعني بالنسبه لي مرتبه ثالثه اذا على المواصفات اكيد قطر فديتها فارقه في هالشئ .





الساهره