حد عنده تفسير حق قرار زيادة القروض ...اللي فاهم يفهمني

[الطواش]

قرار مجلس الوزراء .. يقول انه القرض حسب الضوابط .. وشهي الضوابط ..؟

في حد عنده تفاصيل رسميه ..

انا واحد مب فاهم شي ..

ما ادري هو قرض مساعدة والا متاجرة !!؟

حلال والا يجبرونا على الربا ؟

سنين ننطر ...وهذي اخرتها .

التصريحات كلها تمدح الاقتصاد والنمو التاريخي ..
( بسنا فلوس يا حسين .. خمسمةالف..عشرة الف.. !!)

والا.. لهم النمو ولنا التضخم .. والمنة علينا..

[حمود قطر]

اخووي انا نفسك ضايع في الطوشة .. مب فاهم شسالفتهم ..!!

زادو القرووض وقالوا ( قرض كبار الموظفين ) ..

انزين الحين شسالفة هلو هو قرض موحد للمواطنين ام انه لكبار الموظفين مثل ماكان في السابق ؟؟

نبي توضيح ..

[سعادة الوزير]

والا.. لهم النمو ولنا التضخم .. والمنة علينا..



[/size][/color]

كلمتك هاذي اعجبتني ، وبعد اذنك باخليها توقيع لي ! .. لانها بصراحة تعبر عن الحال الي احنا فيه بشكل مختصر ومفيد!

[BO KHLIFA]

والله يا أخوي اللي سمعته وفهمته أن لك 600000 ريال قرض بناء وفوقها عموله ادارية 1%
وما ادري العمولة على المبلغ والا سنوية
ولك 600000 ريال ثانية تقدر تطلبها من البنك وفوقها فوايد وطبعا الفوايد سنوية وما اعتقد راح اتقل عن 5% كل سنة .

بحسبه سريعه وحسب احصائية السيد حمزة الكواري أن أغلب القطريين المقبلين على البناء لن يسطيعوا الاستفادة من الـ600000 الاضافية لأن عليهم ديون بضمان الراتب تصل إلى 70 % من الراتب .
يعني فقط الاستفادة من الـ 600000 الأولى للغالبية العظمي ولو حسبناها ابسرعه نجدهم زادوا القرض عليك بدون ما تستفيد لأن في السابق يعطونك 600000 ويدفعونك 480000 فقط الآن تدفع 600000 وفوقها العموله .

في السابق الجنير لي صار سنير عطوه الفرقية الآن لا ..
مادري شيء غريب فعلا كيف يحسبونها الناس افرحت بقانون الاسكان الجديد جات اللجنة وغيرته 180 درجه
اسمحلي طلعت عن الموضوع لكن احسبها وشوف هل فيه وجه استفاده

[الطواش]

كلمتك هاذي اعجبتني ، وبعد اذنك باخليها توقيع لي ! .. لانها بصراحة تعبر عن الحال الي احنا فيه بشكل مختصر ومفيد!

مثل ما قلت يا سعادة الوزير .. هذا هو الحال .. :secret:

ومن دواعي سروري انك تحط كلامي توقيع .. :shy:

[الطواش]

والله يا أخوي اللي سمعته وفهمته أن لك 600000 ريال قرض بناء وفوقها عموله ادارية 1%
وما ادري العمولة على المبلغ والا سنوية
ولك 600000 ريال ثانية تقدر تطلبها من البنك وفوقها فوايد وطبعا الفوايد سنوية وما اعتقد راح اتقل عن 5% كل سنة .

بحسبه سريعه وحسب احصائية السيد حمزة الكواري أن أغلب القطريين المقبلين على البناء لن يسطيعوا الاستفادة من الـ600000 الاضافية لأن عليهم ديون بضمان الراتب تصل إلى 70 % من الراتب .
يعني فقط الاستفادة من الـ 600000 الأولى للغالبية العظمي ولو حسبناها ابسرعه نجدهم زادوا القرض عليك بدون ما تستفيد لأن في السابق يعطونك 600000 ويدفعونك 480000 فقط الآن تدفع 600000 وفوقها العموله .

في السابق الجنير لي صار سنير عطوه الفرقية الآن لا ..
مادري شيء غريب فعلا كيف يحسبونها الناس افرحت بقانون الاسكان الجديد جات اللجنة وغيرته 180 درجه
اسمحلي طلعت عن الموضوع لكن احسبها وشوف هل فيه وجه استفاده

والله يا بو فهد.. حسبنا وضربنا وقسمنا وشلخنا .. وطلعت السالفة لعبة .. عشان الجرايد تكتب
ان المواطن شبع من المكرمات .. ويمكن يطلعون ناس يقولون ليش هالتبذير من الحكومة على المواطن.. ونعيش ونشوف.

[مواش]

قانون الإسكان الجديد يمكن الرجوع إليه والملاحظات التي وردت عليه والتي كتبها حمزة الكواري قبل صدور

القانون وموجودة في المنتى العام ملاحظات -- مواطن .

بما أن قروض الاسكان ذهبت إلى بنك التنمية الذي هدفه الربح وليس بنك إسكان حكومي ، فالنتيجة حتى

ا لقرض الذي تدفعه الدولة للمواطنين ويتم تحصيله على 25 سنة وبدون فوائد ، وضع البنك أتعابه لتحصيلها

من المنتفع 1% أي 6000ريال عند الموافقه على القرض وسيظل البنك ياخذ منك 1% في السنة الثانية

بس بينقص من الحسبة الأقساط الي دفعتها أول سنة يعني سددت12 قسط كل قسط 2000ريال كم بيض الحمام؟

قول السنة الثانية باقي من القرض 576000عليها 1% يعني 5760 أتعاب في السنة الثانية وهكذا ، حسب

ماورد في القانون 1% وتتناقص بمقدار تسديد القرض .( سمها ماشئت أتعاب فوائد )

واقع 600ألف الثانية البنك طلب من مجلس الوزراء ، وليس مجلس الوزراء أمر أو وجهة بزيادة القرض

طلب البنك من عنده ومن أمواله أضافة 600ألف على القرض الأول ولمن يرغب ولمن يوافق عليه البنك

وطلب في القرار الذي سيصدر من المجلس الموافقه لوضع نسبة قليلة يحددها البنك فيما بعد . ويمكن تعديلها

بالزيادة من البنك ، حددها حاليا ب3% سنويا . يعني ذلك 18000ألف الفائدة وهكذا كما حسبت 1%

الباقي من القرض في السنة الثانية ، 576,000ضرب 3%= 17280ريال ولمدة 25سنة أحسب كم آخر

قسط في نهاية الشهر الي بعد 23سنة و11شهر 2000ومعاه 3% بيكون 60 ريال تدفعها قبل 2000

للتحصل على إخلاء طرف ورهن البنك . مع ملاحظة أن الأقساط للقرضين 30% من الراتب الأساسي لكل قرض

[الملاح]

اثير الموضوع اليوم في برنامج وطني الحبيب لكن للاسف ماتابعته , ياليت للاخوان الي تابعوا البرنامج يخبرونا هل اتضح اي شي بخصوص موضوع البنك.

[باحث علم]

القهر والله المساكين اللي تعبوا ودرسوا وخلصوا الجامعة واخرتها ماحصلوا فرقية القرض


ياطواش - انت رجل والرجال هذه الايام قليلة جدا

[الطواش]

اثير الموضوع اليوم في برنامج وطني الحبيب لكن للاسف ماتابعته , ياليت للاخوان الي تابعوا البرنامج يخبرونا هل اتضح اي شي بخصوص موضوع البنك.

حلقات البرنامج مسجلة ..على هذا الرابط
http://www.qatarradio.net/

[الطواش]

القهر والله المساكين اللي تعبوا ودرسوا وخلصوا الجامعة واخرتها ماحصلوا فرقية القرض


ياطواش - انت رجل والرجال هذه الايام قليلة جدا

:shy:

ما عليك زود ..

الرجل اللي ما تعميه مصلحته عن مصلحة جماعته وبلادة .

والحمدلله الله مكثرهم في هالمنتدى .

[MoHaMmEd114]

انا عن نفسي اعتبر 600 الف الولى قرض ربوي ومايمشي معاي رسوم اداريه

اهم شي احصل الارض وابتي ملحق عليه واجزر حالي لين الله يفرجها علي وعليكم ان شاء الله

[ريان]

والله اخوي مشكله لما يكون القرار من الحكومه

3% صار قيمه (الرسوم الاداريه ) على قولتهم - مقاربه من قيمهة القرض نفسه .

التجار قلنا نقدر نشتكي والحكومه ما راح اتقصر وبتضغط عليهم .

اما يكون القرار والموافقه من الحكومه - مالنا الا نقول - لاحول ولاقوة الا بالله العلي العظيم -

[ســـهم]

للتحصل على إخلاء طرف ورهن البنك . مع ملاحظة أن الأقساط للقرضين 30% من الراتب الأساسي لكل قرض


اذا كانت هذه الحسبه صحيحه فأغلب المواطنين لن يستفيد من القرض الملحق او الثاني

وخاصة بعد ان رهنت البنوك رواتبهم منذ فتحت نسبة الاقتراض

عموما أعتقد ان هذا القرار أعلامي اكثر منه مساعده للمواطنين

والله أعلم ..

[الطواش]

اذا كانت هذه الحسبه صحيحه فأغلب المواطنين لن يستفيد من القرض الملحق او الثاني

وخاصة بعد ان رهنت البنوك رواتبهم منذ فتحت نسبة الاقتراض

عموما أعتقد ان هذا القرار أعلامي اكثر منه مساعده للمواطنين

والله أعلم ..

يحطونك واجهة .. مثل الكورنيش وداخل الدوحة خرابه ..ولا حد يسأل عنك ..