المساعد الشخصي الرقمي

مشاهدة النسخة كاملة : فرع جديد للإسلامية للأورق المالية بشارع سلوى


قطري حتي النخاع
03-04-2008, 01:55 PM
الاسلامية للأوراق المالية تفتتح فرع جديد بشارع سلوى بمبنى البنك الدولي الإسلامي والصراحة خدماتهم في هذا الفرع وايد ممتازه والاهم يردون بسرعة على التلفون والسرعة في تنفيذ الاوامر وانا بتكلم عن تجربه شخصية وهذا تلفونهم 4498844
" النــــمـــــر"
03-04-2008, 05:02 PM
ألف مبروك للاسلامية وعملائها

أعتقد سرعة الرد على الهاتف لقلة عملائها وتداولاتها وراجع هذا الرابط للتأكد

http://www2.dsm.com.qa/pps/dsm/portal/Pages/DSM_AR_BrokersTrading

والله يوفق الجميع
موظف بالبورصه
03-04-2008, 06:03 PM
مجهود جيد من الأسلاميه ..

وعساهم في تطور اكثر واكثر ..
عضو المنتدى
03-04-2008, 06:42 PM
إلي الأمام الأسلامية

والتنافس راح يصير قوي بين الأسلامية والدلالة والمجموعه .
قطري حتي النخاع
05-04-2008, 01:01 PM
يعطيكم العافية شباب والحق يقال الاسلامية صارت من حسن الى أحسن وفي تطور مستمر ونتمنى لهم مذيد من التقدم
قطري حتي النخاع
05-04-2008, 01:06 PM
ألف مبروك للاسلامية وعملائها

أعتقد سرعة الرد على الهاتف لقلة عملائها وتداولاتها وراجع هذا الرابط للتأكد

http://www2.dsm.com.qa/pps/dsm/portal/Pages/DSM_AR_BrokersTrading

والله يوفق الجميع


مشكور اخي النمر على المشاركة
ما اعتقد ان هذا مقياس ونحن ما لينا خص في كثرة عملائهم طالما عندما نتصل يتم الرد علينا بسرعة وتتنفذ طلباتنا ايضا بسرعة هذا كل ما نريده منهم وبارك الله لي ولكم في الحلاااااااااال .
Affable Lady
17-04-2008, 11:08 AM
من اليوم عليها اكس من قلب :anger1::anger1:

يعني الواحد يخسر ولاهو قادر يسوي شي

تعبت وأنا اتصل فيهم على الفرعين ولا حد يرد علي ...

معقول فيه شركة تسوي سواتهم!!!!!!!!!!!!!
زولة
17-04-2008, 11:50 AM
وانا معاك ..... لان توا موقعهم تعدل ...
ضج يبطون الجبد... بس الله يعينا ان شاء الله
الحلال فقط
17-04-2008, 01:49 PM
متخلفين تسببوا بخسائر لي في هذا اليوم بسبب نظامهم البدائي
عميد السوق
17-04-2008, 02:19 PM
متخلفين تسببوا بخسائر لي في هذا اليوم بسبب نظامهم البدائي

نفس الشي صار معاي وأتوقع كل الخسرو اليوم هم عملاء الإسلامية :anger1:
نفس المشكلة تتصل على الكول سنتر يقولك كل الموظفين مشغولين
والموقع معلق
يعني كم تتوقعون خساير عملاء الإسلامية
كل السوق ما خسر إلا يتعامل مع الإسلامية
أنا صراحة من الحين إتصلت مع شركات ثانية وأخليهم يسحبوا أسهمي
شوفوا المحفظة من متى وهي ملخبطة :anger1:
:anger1::anger1::anger1::anger1::anger1::anger1::a nger1::ananger1::anger1::anger1::anger1::anger1::a nger1::anger1::anger1::anger1::anger1:anger1::ange r1::anger1::anger1::anger1::anger1::anger1::anger1 ::anger1::anger1:anger1::anger1::anger1::anger1::a nger1::anger1::anger1::anger1::anger1::anger1:ange r1::anger1::anger1::anger1::anger1::anger1::anger1 ::anger1::anger1::anger1:anger1::anger1::anger1::a nger1::anger1::anger1::anger1::anger1::anger1::ang er1:ger1::anger1::anger1:
عميد السوق
17-04-2008, 02:27 PM
الاسلامية للأوراق المالية تفتتح فرع جديد بشارع سلوى بمبنى البنك الدولي الإسلامي والصراحة خدماتهم في هذا الفرع وايد ممتازه والاهم يردون بسرعة على التلفون والسرعة في تنفيذ الاوامر وانا بتكلم عن تجربه شخصية وهذا تلفونهم 4498844

هذا الرقم بالذات كل ما أتصل عليه يسدون الخط :anger1:
Affable Lady
17-04-2008, 04:36 PM
خسرونا ولا تداولنا أي أسهم اليوم بسبتهم ...

الناس تشتري وتبيع واحنا قاعديين نتفرج عليهم وماباليد حيلة

المجموعة من أول رنة اتصال يردون بكل ذوق واحنا محد معبرنا!!!!

مركز الاتصال مايردون ولي ردوا علقونا عالخط .. والفرع الجديد يسد الخط بوجيهنا!!!!

من يوم الأحد أنا ساحبة حلالي منهم لابركتن فيهم.
موظف بالبورصه
19-04-2008, 07:10 AM
وشالي حادكم تفتحون في الأسلاميه ؟؟؟

عندكم المجموعه واذا بغيتوا شركه اسلاميه عندكم دلاله الأسلاميه ..

وريحوا رووسكم من عوار الراس :)
زولة
20-04-2008, 12:16 PM
شنو نسوي مع هالشركة.... وشنو رأي عملائها الكرام...
يعني خسارة علي يومين ... شوف كم تكلف.... لا هذا مايصير ينسكت عليه....
بس مااقول الا حسبي الله ونعم الوكيل علي هالشركة.
زولة
20-04-2008, 12:22 PM
شنو نسوي مع هالشركة.... وشنو رأي عملائها الكرام...
يعني خسارة علي يومين ... شوف كم تكلف.... لا هذا مايصير ينسكت عليه....
بس مااقول الا حسبي الله ونعم الوكيل علي هالشركة.
أبي أربح
20-04-2008, 02:40 PM
الله يعينكم بس ..

روحوا دلالة الاسلامية ابرك لكم ..
قطري حتي النخاع
25-04-2008, 04:21 PM
هذا الرقم بالذات كل ما أتصل عليه يسدون الخط :anger1:


اخي هذا الرقم بالتحديد اكتر رقم يردون عليه وعندهم في فرع سلوى عدة ارقام هم

4498844
4498845
4498846
4498847

اللي يعجبك اتصل فيه واذا ما ردو عليك اتصل في غيره
قطري حتي النخاع
25-04-2008, 04:23 PM
خسرونا ولا تداولنا أي أسهم اليوم بسبتهم ...

الناس تشتري وتبيع واحنا قاعديين نتفرج عليهم وماباليد حيلة

المجموعة من أول رنة اتصال يردون بكل ذوق واحنا محد معبرنا!!!!

مركز الاتصال مايردون ولي ردوا علقونا عالخط .. والفرع الجديد يسد الخط بوجيهنا!!!!

من يوم الأحد أنا ساحبة حلالي منهم لابركتن فيهم.



اللي ما تحبونه تدورن عليه الغلط
قطري حتي النخاع
25-04-2008, 04:26 PM
شنو نسوي مع هالشركة.... وشنو رأي عملائها الكرام...
يعني خسارة علي يومين ... شوف كم تكلف.... لا هذا مايصير ينسكت عليه....
بس مااقول الا حسبي الله ونعم الوكيل علي هالشركة.


ليش ما تروحي عندهم وتشتكي بدل تسوين عليهم دعايه
بولينجر
25-04-2008, 04:32 PM
جزاك الله كل خير... بأجرب إن شاء الله
قطري حتي النخاع
25-04-2008, 04:35 PM
جزاك الله كل خير... بأجرب إن شاء الله


بارك الله فيك اخي وبالتوفيق ان شاءالله
زولة
27-04-2008, 11:59 AM
ليش ما تروحي عندهم وتشتكي بدل تسوين عليهم دعايه

ولا دعاية لهم ولا حق غيرهم ... أنا وضحت مشكلة واجهتني وبس :secret:. بس إنت ليش تدافع عنهم :rolleyes2:
؟؟
Affable Lady
27-04-2008, 05:32 PM
اللي ما تحبونه تدورن عليه الغلط


لا أخوي ...

من قالك إحنا مانحبهم؟

بالعكس .. أنا تعاملت مع المجموعة من زمان .. ويوم عرفت إن التداول عبرها حرام
غيرت للإسلامية وما في إذني ماي.

وتعاملت معاهم خدمتهم كانت جيدة جداً إلا ذاك اليوم لما السوق كان مولع خضر .. والمؤشر تعدى 11 الف نقطة .. وصار وقت البيع وجني الأرباح .. نتصل عليهم محد يرد .. ينقعونا ..
اتصلت على الفرع الجديد اللي انت حاط تليفونه .. .. يرفعون السماعة وطراااخ بوجيهنا!!!!!!!!!!!! قوللي ..أنت لو مكانا اشبتسوي؟

بالله عليك هذا تعامل شركة وساطة ... (شركة مساهمة) مدرجة في سوق الأوراق المالية!!!!
هم اللي أساؤوا لأنفسهم مب احنا. ذاك اليوم كان شكلنا لانحسد عليه ..... لأن كلن يتداول ويبيع وهو يضحك ومستانس .. وإحنا .... مالنا إلا نتفرج عليهم ونتحسر على حالنا.


هذا واقع أخوي ...
وقبل أنا كنت من المؤيدين للإسلامية .. أما الحين لا ...
مع احترامي لهم ولنفسي .. ولك قبل كل شيء.
قطري حتي النخاع
29-04-2008, 11:35 AM
ولا دعاية لهم ولا حق غيرهم ... أنا وضحت مشكلة واجهتني وبس :secret:. بس إنت ليش تدافع عنهم :rolleyes2:
؟؟


اختي الفاضله انا بدافع عنهم لاني بتداول عندهم من افتتحوا الشركه والحق ينقال ما شفت منهم شي ولاني احب الحلااااااااااال.
قطري حتي النخاع
29-04-2008, 11:42 AM
لا أخوي ...

من قالك إحنا مانحبهم؟

بالعكس .. أنا تعاملت مع المجموعة من زمان .. ويوم عرفت إن التداول عبرها حرام
غيرت للإسلامية وما في إذني ماي.

وتعاملت معاهم خدمتهم كانت جيدة جداً إلا ذاك اليوم لما السوق كان مولع خضر .. والمؤشر تعدى 11 الف نقطة .. وصار وقت البيع وجني الأرباح .. نتصل عليهم محد يرد .. ينقعونا ..
اتصلت على الفرع الجديد اللي انت حاط تليفونه .. .. يرفعون السماعة وطراااخ بوجيهنا!!!!!!!!!!!! قوللي ..أنت لو مكانا اشبتسوي؟

بالله عليك هذا تعامل شركة وساطة ... (شركة مساهمة) مدرجة في سوق الأوراق المالية!!!!
هم اللي أساؤوا لأنفسهم مب احنا. ذاك اليوم كان شكلنا لانحسد عليه ..... لأن كلن يتداول ويبيع وهو يضحك ومستانس .. وإحنا .... مالنا إلا نتفرج عليهم ونتحسر على حالنا.


هذا واقع أخوي ...
وقبل أنا كنت من المؤيدين للإسلامية .. أما الحين لا ...
مع احترامي لهم ولنفسي .. ولك قبل كل شيء.




مشكوره اختي
انا اكثر شخص كنت متضرر في ذاك اليوم بسبب العطل الصار عندهم وفي الآخر رحت عندهم المكتب .والحق يقال العطل مالهم يد فيه .
وفي الآخر كل منا يدور على مصلحتوا وربنا يبارك لنا ولكم
Affable Lady
29-04-2008, 11:59 AM
مشكوره اختي
انا اكثر شخص كنت متضرر في ذاك اليوم بسبب العطل الصار عندهم وفي الآخر رحت عندهم المكتب .والحق يقال العطل مالهم يد فيه .
وفي الآخر كل منا يدور على مصلحتوا وربنا يبارك لنا ولكم

آمنا بالله أخوي .. العطل مالهم يد فيه ...

يعلقونا عالتلفون ويسدون الخط بوجيهنا مالهم يد فيه بعد؟!!!

عموماً .. إحنا مانتجنى عليهم ...

جنت على نفسها براقش :nice:
حالي الذوق
29-04-2008, 12:41 PM
شهادة حق تقال في الشركه

لم اواجه اي مشكله مع الاسلاميه للاوراق الماليه من اول ما ابتدت الشركه الى اليوم

معامله احسن من رائعه
سرعة الرد بالهاتف وسرعة انها المعامله بالنت

لهم كل الشكر والتقدير
أحلى وسيطه
06-05-2008, 12:27 PM
السلام عليكم ورحمه الله وبركاته

أخوي قطري كفيت ووفيت في ردودك وقلت كلمه حق

أما بخصوص أختي كريزي ليدي إذا لج خاطر ترجعين تتداولين عن طريق الإسلاميه

قولي لي ومايصير خاطرج إلا طيب الشيخة

والله يعوضج عن خسارتج ويوفقج انشالله
فلسطيني
07-05-2008, 08:48 AM
ألف مبروك يستاهلون إلى الامام دتئماً
قطري حتي النخاع
18-05-2008, 09:52 AM
شهادة حق تقال في الشركه

لم اواجه اي مشكله مع الاسلاميه للاوراق الماليه من اول ما ابتدت الشركه الى اليوم

معامله احسن من رائعه
سرعة الرد بالهاتف وسرعة انها المعامله بالنت

لهم كل الشكر والتقدير


لك الشكر حالي الذوق وتشرفنا بمرورك
قطري حتي النخاع
18-05-2008, 09:53 AM
السلام عليكم ورحمه الله وبركاته

أخوي قطري كفيت ووفيت في ردودك وقلت كلمه حق

أما بخصوص أختي كريزي ليدي إذا لج خاطر ترجعين تتداولين عن طريق الإسلاميه

قولي لي ومايصير خاطرج إلا طيب الشيخة

والله يعوضج عن خسارتج ويوفقج انشالله


تسلمين احلى وسيطه
قطري حتي النخاع
18-05-2008, 09:54 AM
ألف مبروك يستاهلون إلى الامام دتئماً



مشكور اخي على المرور
Affable Lady
20-05-2008, 02:24 AM
السلام عليكم ورحمه الله وبركاته

أخوي قطري كفيت ووفيت في ردودك وقلت كلمه حق

أما بخصوص أختي كريزي ليدي إذا لج خاطر ترجعين تتداولين عن طريق الإسلاميه

قولي لي ومايصير خاطرج إلا طيب الشيخة

والله يعوضج عن خسارتج ويوفقج انشالله


وعليكم السلام ورحمة الله وبركاته

أختى أحلى وسيطة ..

الله يجزاج خير على كلامج الطيب والله يجبر بخاطرج ..

أنا حولت من الشركة الإسلامية إلى شركة ثانية .. مابي اسوي لها دعاية

بس أحب من خلال هالموضوع أوجه تحية لواحد من موظفين الاسلامية الله يجزاه خير

لما جيت أبرفع اسهمي ... استفسر مني عن السبب .. واعتذر بالنيابة عن الشركة

وحاول يبقى علي عندهم بكل وسيلة ..

قلت له اللي فخاطري وطلبت منه يوصله لمسؤوله ..

وسأل .. وش اللي يطيب خاطرج؟

قلت له يطيب خاطري إن لو الشركة منزلة اعتذار وتبيان موقف في الجريدة لكل العملاء

هذا نعتبره رد اعتبار منكم ، لكن للأسف الإدارة تجاهلت الموقف تماماً.

وهو وافقني الراي وأيد كلامي.

وأنا من أهنيه أحب أشكره وأظن اسمه (أحمد اسماعيل) .. ماثبت عالاسم

وبقيت في الشركة باسهم قليلة -كخط رجعة- عشان خاطرة .. حاول فيني الرجال وماقصر.

....................

الأخ/ قطري حتى النخاع ..

السموحة منك أخوي .. يمكن أزعجتك بانتقادي للشركة

بس "ما يسبك إلا اللي يحبك"

الله يعلم إني كنت من أشد الحريصين التعامل معها،

وكنت في يوم مثلك ما أرضى عليها

لولا ذاك اليوم.
قطري حتي النخاع
14-09-2008, 09:38 AM
الأخ/ قطري حتى النخاع ..

السموحة منك أخوي .. يمكن أزعجتك بانتقادي للشركة

بس "ما يسبك إلا اللي يحبك"

الله يعلم إني كنت من أشد الحريصين التعامل معها،

وكنت في يوم مثلك ما أرضى عليها

لولا ذاك اليوم.

[/SIZE][/COLOR][/QUOTE]



تسلمين اختي
وربنا يوفقك ويوفقهم الى مافيه الخير للجميع

مع تقديري
غير عنهم
14-09-2008, 02:00 PM
عيب الاسلاميه للاورق الماليه مايخمدمونك صح الا بدهن سير صح
غير عنهم
14-09-2008, 02:08 PM
ويوم سالناهم ليش التعامل السيء قالو الشباب احن شغلنا اصلا لاصحاب المليارت يمكن يقصد راعي الحلال
واخرشيء قاله(انتظرالمجموعه راح تفتح فرع اسلامي احسن لك )
bo_s3ood
16-09-2008, 01:25 AM
الاسلاميه للاوراق الماليه

متى بتعدلون نظام الشيكات عندكم

اكثر من مره ابي استلم الشيك انقع

عندهم ساعه والا ساعتين وهم يقولون انه جاهز تعال استلمه
nasser003
22-09-2008, 01:39 PM
صراحة الشركة كلنا ودنا ننقل منها لعدة اسباب واللي يدافع عنها يجيب على اسئلتي التالية ....


اولا / الشركة خير شر يردون عليك جميع الموظفين مشغولون حاليا حتى في منتصف الليل طبعا هذا على شان يربحون من كيوتل من كثر ما تنطر على الخط واتحدى اي واحد يتصل منتصف الليل وش بيرد علية الجهاز ....
ثانيا / اذا تطلب شيك يقلك بعد 3 ايام من تاريخ البيع علما بأن اليوم اللي تبيع فية مش من ظمن الثلاثة ايام .. واالي يبي يتاكد يتصل .
ثالثا / الشيك لازم ينصرف في البنك الدولي طبعا الله يعينك اذا موظف لازم تستاذن وتنطر الشيك ساعتين واكثر ويوم يطلع تروح البنك تحصلة مسكر ورد اليوم الثاني الا اذا رحت من الفجر يمكن تصرف ( يمكن مب اكييييييييييييد ) .
رابعا / ولا موظف عندة لباقة في التعامل مع الاوادم تحس كأنك تشحت منهم ( وخاصة المساهمين الصغار ) .
احنا رحنا الاسلامية هربا من الحرام لكن هذا هو الحلال !!!!!
واخيرا واهم شي اذا فية ارتفاع قوي او هبوووووووط قوي انسى حد يرد عليك وهذا عن تجربة اكثر من مرة ... لأن النظام ببساطة من العصر البرونزي . ولا فية نظام اذا ما تعمل ريفرش للصفحة كل دقيقة تقفل عليك وترد تفتح الموقع من اول وجديد يا جماعة لا حد يضحك علينا والله فشيييييلة
الوعد2016
23-09-2008, 03:33 AM
وين موقعهم بالتحديد
قطري حتي النخاع
16-03-2009, 10:49 AM
ويوم سالناهم ليش التعامل السيء قالو الشباب احن شغلنا اصلا لاصحاب المليارت يمكن يقصد راعي الحلال
واخرشيء قاله(انتظرالمجموعه راح تفتح فرع اسلامي احسن لك )




اتــــق الله
قطري حتي النخاع
16-03-2009, 11:04 AM
صراحة الشركة كلنا ودنا ننقل منها لعدة اسباب واللي يدافع عنها يجيب على اسئلتي التالية ....


اولا / الشركة خير شر يردون عليك جميع الموظفين مشغولون حاليا حتى في منتصف الليل طبعا هذا على شان يربحون من كيوتل من كثر ما تنطر على الخط واتحدى اي واحد يتصل منتصف الليل وش بيرد علية الجهاز ....




جرب واتصل من جوالك مب من تلفون ثابت وراح يردون عليك في الحال وعلى فكره مب الاسلامية كل الشركات الكول سنتر ما يردون عليك الا من الجوال .



ثانيا / اذا تطلب شيك يقلك بعد 3 ايام من تاريخ البيع علما بأن اليوم اللي تبيع فية مش من ظمن الثلاثة ايام .. واالي يبي يتاكد يتصل .



اولا هذا قانون السوق ورغم ذلك هم بيتساهلوا مع العملاء وبيعطوا شيكات مستعجله وممكن تجرب .


ثالثا / الشيك لازم ينصرف في البنك الدولي طبعا الله يعينك اذا موظف لازم تستاذن وتنطر الشيك ساعتين واكثر ويوم يطلع تروح البنك تحصلة مسكر ورد اليوم الثاني الا اذا رحت من الفجر يمكن تصرف ( يمكن مب اكييييييييييييد ) .


عزيزي لازم ينصرف من حسابهم في البنك الدولي الاسلامي واذا انت مستعجل ليش ما تتصل قبل لا تروح وحتي اذا رحت بدون اتصال ما اعتقد راح تتأخر اكثر من خمس دقائق .

رابعا / ولا موظف عندة لباقة في التعامل مع الاوادم تحس كأنك تشحت منهم ( وخاصة المساهمين الصغار ) .
احنا رحنا الاسلامية هربا من الحرام لكن هذا هو الحلال !!!!!
واخيرا واهم شي اذا فية ارتفاع قوي او هبوووووووط قوي انسى حد يرد عليك وهذا عن تجربة اكثر من مرة ... لأن النظام ببساطة من العصر البرونزي . ولا فية نظام اذا ما تعمل ريفرش للصفحة كل دقيقة تقفل عليك وترد تفتح الموقع من اول وجديد يا جماعة لا حد يضحك علينا والله فشيييييلة




اخي الفاضل انت شكلك تبي تشوه سمعتهم فقط لا غير
قطري حتي النخاع
16-03-2009, 11:13 AM
وين موقعهم بالتحديد


الفرع الرئيسي : مبنى البنك الدولي الاسلامي
الطابق السادس تلفون / 44988888 فاكس 4498802

فرع سوق الدوحة للأوراق المالية
الطابق الأول

فرع السيدات
سوق الدوحة (الميزانين )

فرع طريق سلوى
مبنى البنك الدولي الأسلامي
تلفون 44998844/4498845
قطري حتي النخاع
16-03-2009, 11:21 AM
موقع الشركة على الانترنت



http://www.islamicbroker.biz
==©==
17-03-2009, 08:57 PM
موقع الشركة على الانترنت



http://www.islamicbroker.biz

شكرا ياخوي انا دخلت على الموقع الحين

نظام الشاشة المفتوح جيد بس اذا انت عندك رقم دخول الى التداول الحي ممكن تصور ..لي كيف شكله وكيف السرعة في التداول الحي هل ينفع للمضاربة ام فيه تهنيق مثل غيره،،،:anger1::anger1:

جزاك الله كل الخير اخوك الاثليم :)
bo_besht
22-03-2009, 02:30 PM
شي حلو
انا توني اعرف ان عندهم فرع جديد مشكور اخوي على المعلومه
قصة انسان
02-04-2009, 03:26 AM
ان شاء الله نحو الامام وان شاء الله خيرا
قطري حتي النخاع
21-04-2009, 09:08 AM
شكرا ياخوي انا دخلت على الموقع الحين

نظام الشاشة المفتوح جيد بس اذا انت عندك رقم دخول الى التداول الحي ممكن تصور ..لي كيف شكله وكيف السرعة في التداول الحي هل ينفع للمضاربة ام فيه تهنيق مثل غيره،،،:anger1::anger1:

جزاك الله كل الخير اخوك الاثليم :)


تشكر اخي على المرور
وحقيقة النظام سريع وانت ممكن تسجل عندهم وتاخد الرقم وتجرب بنفسك وما اعتقد انك راح تندم مع تمنياتي لك بالتوفيق .
قطري حتي النخاع
21-04-2009, 09:09 AM
شي حلو
انا توني اعرف ان عندهم فرع جديد مشكور اخوي على المعلومه


تسلم اخي
قطري حتي النخاع
21-04-2009, 09:10 AM
ان شاء الله نحو الامام وان شاء الله خيرا


مشكور قصة انسان على المرور وربنا ويوفقهم الى ما فيه الخير ان شاءالله
قطري حتي النخاع
21-04-2009, 09:48 AM
ولا أحلى ولا أروع ولا أجمل
شاشة الاسعار الجديدة للاسلامية للأوراق المالية سريعة وواضحة وسهلة وتبين الكسور العشرية للعرض والطلب وشكلها اسلامي اكتر يعنيييييي فلللللله

بالتوفيق للأسلامية مع تمنياتنا بمذيد من الخدمات


واليكم رابط الشاشة


اضـــغط هـــنـــا (http://192.168.100.14/Default.aspx?language=ar)
smsm
21-04-2009, 06:45 PM
بالمبارك
قطري حتي النخاع
23-04-2009, 01:08 AM
نأسف لعدم عمل الرابط اليكم الرابط الجديد



اضــــغــــــط هـــــنــــا (http://livequote.islamicbroker.biz/Default.aspx?language=ar)