مدير هندي ويصرخ على قطريه بشكل محرج جدام العملاء

[ذوق]

السلام عليكم ورحمة الله وبركاته

سؤال ...

عندي وحده من الأهل..تشتغل موظفة Teller في بنك من البنوك المحليه وتها جديده على الشغل ماصارلها شهر...ومتأذيه من قلب من مديرها الي من الجنسية الهنديه...والي يستغلها بشكل واضح وكبير في تخليص اشغال اخرى ... مثل تصوير الأوراق وغيرها...مع العلم أن هناك من يشغل تصوير الأوراق..ولكن لتقريب الصوره..وفوق هذا يصرخ عليها بشكل محرج جدام العملاء....وهالشي مب عدل

المهم ان المدير اليوم قالها هي وباقي الموظفين في ال Teller يحظرون باجر الجمعه والي المفترض تكون اجازتهم الرسميه..وبالأخص انهم يشتغلون من الصبح لين حروة 4ونص العصر...حتى يصلحوا بعض الأخطاء الي حاصله في بعض المعاملات الي سوها ..المهم الكل احتج ولكن لا حياة لمن تنادي...ولكن الي تقربلي تقولي...ان احدى الموظفين قالها انتي توج جديده ومشتغله..ليش بتدوامين باجر وانتي اصلآ ماعندج user على الكمبيوتر..لأن شغلهم كله على الكمبيوتر..وشلون يقولج تعالي...؟؟!! وفوق هذا هي اشتغلت بعد ماصارت المشكله الي في المعاملات..يعني مالحقت على المشكله..يعني تقدرون تقولون انها مالها ذنب في المشكله الي حصلت في المعاملات
والمدير الا مصر انها تجي...كأنه يبي يستفزها...!!

سؤالي للموظفين بشكل عااااام؟

ما هي حقوقها...؟؟ كيف تتصرف مع هذا المدير الظالم...؟؟

ولمن تشتكي....؟؟

1- تشتغل شغل مب شغلها

2- يصرخ عليها بشكل محرج جدام العملاء

3- سالفه انه يجبرهم على الدوام يوم الجمعه باجر لتصحيح اخطاء وهم اصلآ ماعندهم اجازه الا يوم الجمعه.. حتى السبت عندهم دواام:( ..؟



وشكرآ جزيلآ

[khaldoon]

لا حول ولا قوة الا بالله

العتب مب عليه العتب على اللي حط هالاشكال مدير

هذا لو لاقي احد يصده ما سوى هالشكل

[لاداعي]

لا حول ولا قوة الا بالله

العتب مب عليه العتب على اللي حط هالاشكال مدير

هذا لو لاقي احد يصده ما سوى هالشكل

اي والله انك صادق ياخلدون

[nor85]

تسأل عن حقوقها في الوظيفه ايش اللي لها واللي عليها

[zeknon]

العتب مب علية العتب عليها لانها رخصت نفسها وشتغلت في بنك ربوي لا ومع ذكووور

[khaldoon]

اي والله انك صادق ياخلدون

عزيز وغالي اخوي لاداعي ....حياك الله

[ABO MUBARAK]

العتب مب علية العتب عليها لانها رخصت نفسها وشتغلت في بنك ربوي لا ومع ذكووور

الجزاء من جنس العمل...إنا لله وإنا إليه راجعون.

[عنيــــد]

ولا يهمك ،،

عطنا اسم الفرع و اسم الهندي و من بكره تلقى شبابنا اللي فيهم خير يجرونه من وسط مكتبه عشان يتربى

[بولينجر]

:court: :court: :court:

والله أختي ذوق ما أدري شأقولج... يمكن في قسم تظلم للموظفين... بصراحة ماعندي فكرة... بس والله المسكينة كسرت خاطري...كله إلا الظلم

أو إذا تقدر تطلب نقل لفرع ثاني أو إدارة ثانية.... وإذا تشتغل في الفرع اللإسلامي الله يبارك لها ويسهل عليها... وإذا لا انصحيها تدور وظيفة في بنك إسلامي علشان الله يبارك لها فيها

[Index Signal]

قوليلها تطلب الوصف الوظيفي مع عقد العمل من الموارد البشريه..

إذا ما كان مذكور فيهم الأعمال إللي يطلبها المدير منها خليها تكتب شكوى لوزارة العمل و تبين فيه تجاوزات مديرها و إن شاء الله بيشوف شغل الله..

هالنوعيه تخاف ما تختشيش.

[حبر سري]

ياجماعة كل ماواحد كتب له سالفة في النت لازم انصدقها؟؟

اختي والله انا اللي اشوفه ان القطريين في البنوك بالذات ولا حد قادر ايكلمهم , ولا ايسوي لهم شي اصلا , وبالذات في البنوك الاجنبية
القطري يتدلل ولا حد يقدر ايكلمه كلمة لانه عارف انهم محتاجين له وادارة العمل امسوية مشاكل حق بنك كبير في الدوحة بسبة انه مايوظف قطريين

الحين اللي انتي تبين تقولينه انه اجنبي والاجانب ماكلينا وظالمينا ومادري شنو
والله طحنا في الاجانب طيحة , وكنهم لو طلعوا احنا اللي بنمسك اشغالهم , في اجانب غير محترمين وفي محترمين
الموضوع كله علشان الكل يدخل ويعلق ويقول الاجانب سووا والاجانب سواا
اختي في مدراء قطريين اخس منه الف مرة (هذا على فرض صحة القصة)
لكن اختي شوفي , انا اشوف الغلط هنيه من صديقتج اللي تقول اعترضت
طيب اعترضت عند من؟؟؟

خليها اتروح حق مدير الفرع او مدير الفروع وصدقيني , وانا واثق من كلامي ان لو في خطأ مثل هذا راح يتصلح
لكن احنا ماعندنا الا الاجانب سواا واحنا مظلومين

[ذوق]

يعني مع احترامي لبعض الردود...بس ياليت الي مايقدر يفيدنـا بشي...يا يقول خير او ليصمـت :)

والوظيــفه المشكلـه مؤقته...لظروف جبريـه...


وشكرآ على الردود

[ذوق]

قوليلها تطلب الوصف الوظيفي مع عقد العمل من الموارد البشريه..

إذا ما كان مذكور فيهم الأعمال إللي يطلبها المدير منها خليها تكتب شكوى لوزارة العمل و تبين فيه تجاوزات مديرها و إن شاء الله بيشوف شغل الله..

هالنوعيه تخاف ما تختشيش.



مشكور جزيل الشكـر يالطيب على الرد المجزي...وإن شاءالله جاري التطبيق...وننتظر الردود الأخرى :)

[ذوق]

ياجماعة كل ماواحد كتب له سالفة في النت لازم انصدقها؟؟

اختي والله انا اللي اشوفه ان القطريين في البنوك بالذات ولا حد قادر ايكلمهم , ولا ايسوي لهم شي اصلا , وبالذات في البنوك الاجنبية
القطري يتدلل ولا حد يقدر ايكلمه كلمة لانه عارف انهم محتاجين له وادارة العمل امسوية مشاكل حق بنك كبير في الدوحة بسبة انه مايوظف قطريين

الحين اللي انتي تبين تقولينه انه اجنبي والاجانب ماكلينا وظالمينا ومادري شنو
والله طحنا في الاجانب طيحة , وكنهم لو طلعوا احنا اللي بنمسك اشغالهم , في اجانب غير محترمين وفي محترمين
الموضوع كله علشان الكل يدخل ويعلق ويقول الاجانب سووا والاجانب سواا
اختي في مدراء قطريين اخس منه الف مرة (هذا على فرض صحة القصة)
لكن اختي شوفي , انا اشوف الغلط هنيه من صديقتج اللي تقول اعترضت
طيب اعترضت عند من؟؟؟

خليها اتروح حق مدير الفرع او مدير الفروع وصدقيني , وانا واثق من كلامي ان لو في خطأ مثل هذا راح يتصلح
لكن احنا ماعندنا الا الاجانب سواا واحنا مظلومين


على فرض القصة المزعومة...مشكوور على الرد المتعوب عليه :nice:

منور كعادتك :)

[غزلان]

صعبه معاملته المفروض يكون عند المسؤولين الأعلى منه علم بوضع الموظفات

والله يساعدها

[maryam5]

شوفي ذوق هالاشكال تخاف ما تخشيش ولا تخلي نفسها خايفة قدامه تبين له قوتها وهو ما يقدر يسوي لها شي لنها قطرية.

إذا قالها شي مب شغلها تقول جب (ماعرف بالهندي شنو جب) وهذا مب شغلي وتلعن ابوخامسه ترى الطيب ياذوق هالايام يآكلونه وإذا احرجها قدام العملاء تحرجه ولا تسكت له شنو هي الدنيا سايبه

ولا ترضخ له ولا تروح بكرة الجمعة تقوله يوم اجازتي ومالك شغل فيه - تقوله خل المدير الي اعلى منه يطرش كتاب ان احنا نداوم يوم الجمعة وراح اداوم خوش والله حتى يوم اجازتي اداوم فيه.

وإذا مانفع وياه طراق قدام العملاء وهي طالعة

اختربت الديرة من حطوا اجانب مدراء

لو انا مكانها ما بسكت له هندي والا قطري يحترمني وشغلي بسويه اخطاءه يتحملها بنفسه إجازتي يآكل تبن ماداومت.

وبلغينا شنو يصير وياها وموفقة ان شاء الله

[بويوسف]

شوفي ذوق هالاشكال تخاف ما تخشيش ولا تخلي نفسها خايفة قدامه تبين له قوتها وهو ما يقدر يسوي لها شي لنها قطرية.

إذا قالها شي مب شغلها تقول جب (ماعرف بالهندي شنو جب) وهذا مب شغلي وتلعن ابوخامسه ترى الطيب ياذوق هالايام يآكلونه وإذا احرجها قدام العملاء تحرجه ولا تسكت له شنو هي الدنيا سايبه

ولا ترضخ له ولا تروح بكرة الجمعة تقوله يوم اجازتي ومالك شغل فيه - تقوله خل المدير الي اعلى منه يطرش كتاب ان احنا نداوم يوم الجمعة وراح اداوم خوش والله حتى يوم اجازتي اداوم فيه.

وإذا مانفع وياه طراق قدام العملاء وهي طالعة

اختربت الديرة من حطوا اجانب مدراء

لو انا مكانها ما بسكت له هندي والا قطري يحترمني وشغلي بسويه اخطاءه يتحملها بنفسه إجازتي يآكل تبن ماداومت.

وبلغينا شنو يصير وياها وموفقة ان شاء الله



عادي ماتروح .. مثل ماقالت الاخت مريم.. تشتغل شغلها صح ومحد بيقدر يكلمها .. وترى في الاخير الهندي خواف ويخاف يعمل مشاكل والعيون تنحط عليه ويتسفر بلاده.

[MoHaMmEd114]

تشتغل خلط محد قالها تعصي ربها تستحمل غلطتها ولاتشتكي للناس

استغفرالله العظيم

قال تعالى (وَمَا ظَلَمُونَا وَلَكِنْ كَانُوا أَنْفُسَهُمْ يَظْلِمُونَ )

[كيان]

والله حالة حتى الهنود طلع لهم راس ,,

[قطري كشخه]

اختي الله يعينج على الردود الى مالها خص

مثل ماذكر اخوي وقالج انها تطلب الجوب تسكربشن وتعرف شالى لها والى عليها والصراخ مهب حل مثل ماهو معروف انه البنت بطبعها حياويه وفي نفس الوقت تخاف بزود ..

والاكيد في واحد اكبر منه واعتقد انه اغلب المناصب الاداريه قطريين ويتفهمون الموقف ومب شرط يكون قطري الاهم يكون واحد قلبه طيب وعلى الشغل ومايحب الظلم راح يساعدها والله يكون في عونها ويصبرها

[سداوي&مدريدي]

آآخ يالقهــــر هنـــدي ويصــارخ

لا ويصارخ على من ؟ قــــطريه

والله لو اني عميل وشفته يصــارخ على القطريه

بخلي فضيحته بجلاجل في البنك

وبتسبب فتفنيشه

يعني هالهنــيدي مافي بــوس فوقه !!

نصيــحه خليها اتــروح للمدير الي فوقه

وتشتــكي لاتخلينها تسكت عن حقها :anger1:

لازم اتوقفه عند حـــده

[السهم الكلاسيكي]

تحط فلاش مومري وتسجل كل كلامة المدير
الي خارج ع نطاق العمل
وبعدها تطلب مقابلة المدير التنفيذى وتشرح لة الاسباب مع الدليل


واذا ساعدها المدير كان بها
واذا طتش ممكن يكون اهوا الى ماعطي الصراحية للهندي يطفشها


في هذة الحالة
تشوف لها عمل ثاني غير هذا البنك

[رآعي موآجيب]

والله حالة حتى الهنود طلع لهم راس ,,


والله مب نافعنا في هالديره الا الهنود الي مب عاجبينا :)

لكن فعلآ أنا ملاحظ الهندي اذا أستلم منصب يستوي فرعون زمانه

ٍٍٍٍ( قطر للبترول ) حدث ولا حرج :secret:

أختي ذوق اذا رفيجتج مب لاقيه شغله ثانيه بالساهل أنصحيها بكره اداوم وتمشي يومها وتحافظ على وظيفتها ومن يوم الاحد تقدم شكوى تفصيليه لجهه الاختصاص الي تتبع لها وتحاول ترفق أسامي الموظفين الي متظررين مثلها اذا أبدوا لها موافقتهم

وأنا متأكد انه بيتسائل عن الي حصل
واذا مافاد شكوى رسميه للمصرف المركزي بالتفصيل
وشوفي الي بيستوي :victory:

[معاند جروووحه]

لا حول ولا قوة الا بالله

العتب مب عليه العتب على اللي حط هالاشكال مدير

هذا لو لاقي احد يصده ما سوى هالشكل




العتب على من وضح أكثر يـ khaldoon اذا كانت بنوك أجنبيه يعني مثل البريطاني وغيره



تعيين الموظفين واذا كان مدير قسم الموافقه تجي من المركز الرئيسي ولا لها الدوله دخل بالبنك



هذا للتوضيح..

[الوهاااااج]

اكيد بنك الدوحه او بنك الاهلي هم اللي حاطين الهنود مدراء والله شي مؤسف لهذين البنكين بالله ارائكم في هذا الموضوع

[العقيد]

خليها تشتغل شغلها المطلوب منها 100% لاتزيد ولاتنقص واذا طلب منها شغل اضافي غير المطلوب منها لاتسويه وترفض وماراح يقدر يسويلها شي دامها في السليم .

بالنسبه للعمل الاضافي هالشي ماتقدر ترفضه اذا كانوا الموضفين الي معاها بيداومون وهالشي متعارف عليه حتى لو يوم اجازه وتاخذ عليه بدل يوم او نقدي.

[OTOsan]

ارى ان رايي مقارب لراي الاخ انديكس .. والعودة للوصف الوظيفي هي الحل .. وهي مفتاح الشكوى ..

اما اذا كان الاعتراض ان المدير هندي ( مب قطري) .. فهذي شغله ثانيه :)

ولو انني افترض في الموضوع ان الاعتراض هو على طريقة التعامل بغض النظر عن جنسية المدير ،،

[hamoor4ever]

اختي شوفي ،، بتستغربين من نصيحتي ، بس للعلم انا كنت اشتغل في البنوك وعندي خبره نصيحه مني ، انها تترك هالنوع من اشغال البنوك كلها وتشوف شغل ثاني ترى البنوك مافيها بركه ، اولا حرام ، ثانيا ترى النوعيه اللي تشتغل بالبنوك ناس الله لا يراويج سواء هندي ولا عربي ولا قطري بعد ،
تراهم كلهم مايخافون ربهم ، واللي يقول لج تشتكي ومادري ايش ،، انا اقول تفتك من هالشغل كله خاصه انها جديده قبل ماتتعلق ، وهاذه رايي

بس عموما هو مايقدر يضرها بشي وخل تعند وياه وتغيب واعلى مافي خيله يركبه ، كل السالفه انهم يأذونهم بالتقاييم اللي ماتودي ولا تجيب ويوهمونهم انهم لو بيتعبون بيوصلون بالبنك هالكلام كله خرط عندها واسطه بتوصل من غير شي ،

وماله حق يصرخ عليه تقدر تشتكي عليه بالعاصمه ، والله وبيتحول للتحقيق اهانه موظف اثناء اداء عمله ، وعلى فكره هاذي صارت عندنا في احد البنوك لايعتقد ان من حقه يصارخ عليها هاذي اذا حابه اتوديه في داهيه صدقيني بيصيح عقبها واسألي فيها محامي اذا حابه

بس نصيحتي تترك الشغل

[موظف بالبورصه]

مثل ماقالوا لج نص الي ردوا عليج وطبعا النص الثاني جنج ماتشوفينهم ولا تعورين راسج معاهم

والي قالوا لج تشتغل شغلها الي المفروض تسويه .. هي أخطأت في البدايه انه سمعت كلامه في كل شي

هي قطريه تعرفين وشو قطريه يعني تمشي قدامه وهي رافعه راسها ولابكفو يقدر يقولها شي ..

صدقيني ادارة العمل هالأيام مشددين على وظايف القطرين ويطلبون عليهم يوظفون قطريات

اذا هي خايفه انها تفنش مايقدرووون واذا فنشوها لاقدر الله عندها ادارة العمل تروح تشتكي

وبياخذون حقها وبيردونها شغلها وغصبا عليهم .. لاتخلينها تنصاع حق الهندي هذا

تسوي شغلها وبس شنو يعني تقوم وتصور له اوراق !!! ويصارخ عليها قدام العملاء

لو انا عميل صفت المعامله بوجهه ... هي ظهرها قوي ولاتخلينها تذل قدام الهندي ..

وهو مهما كان ورفع راسه ترا في داخله خايف وداري انه هو اجنبي وفي اي لحظه بيطير ..

والله يفك ضيقتها عليها يارب ...

[maryam5]

قاهرني والله هالهندي الي يصارخ على البنت شوفي في حلول وايد الله يسلمج لن الهنود خوافين موت حتى امس المدير بالشغل بمكتبه فوق اسمعه يهاوش الهندي ماسمعت إلا صوت الهندي يصيح لن المدير كان يقوله بوديك الشرطة

بعض المقترحات لإخراس المسئول:

1- تصارخ عليه مثل ما يصارخ عليها
2- تعطيه غرشة دهن تاتا وبيستانس وبيرضى عليها
3- تجيب له كيمة وشباتي الصبح ولا تنسى الفلفل
4- وهي تكلمه تهز راسها عشان المووووود يناسب مووووده

وإذا هذا كله مافاد وياه آخر حل

تعطيه كف تخليه يفتر مكانه ساعتها من قلب بيخاف

اشرايج بالأفكار...!!!!

[Qa6ar]

اتطنش له

والله بيوفقها بشغل غيره

[سداوي&مدريدي]

اتطنش له

والله بيوفقها بشغل غيره

انا أقــول العــكس

مبين من أسـلوبه

انه يبي يطفشها

لانه خايف تاخذ مكانه في المستقبل

في هذي الحــاله تعلن التحــدي

واذا صــارت مديره اتشوته

[mooona]

ارجو ان لايفهم ان عنصرية بس يعني شتوقعون من مدير هندي وانتوا تعرفون ان نحن نجلبهم عمال وخدم فشي طبيعي يستغل حقدة على الاخت عشان
يطفشها ويجيب وحدة من بني جنسه وهو متاكد ان لو اشتكت محد بياخذ لها حق فمستقوي
راي شوف شغل لها بمكان غير لانه بيستمر في التخسيس فيها عقدة الدونية ملازمته والله يعينها

[العـوا]

تقدر تتقدم بشكوى رسميه لادارة العمل

بيلتهونه

[مكافح]

ياجماعة كل ماواحد كتب له سالفة في النت لازم انصدقها؟؟

اختي والله انا اللي اشوفه ان القطريين في البنوك بالذات ولا حد قادر ايكلمهم , ولا ايسوي لهم شي اصلا , وبالذات في البنوك الاجنبية
القطري يتدلل ولا حد يقدر ايكلمه كلمة لانه عارف انهم محتاجين له وادارة العمل امسوية مشاكل حق بنك كبير في الدوحة بسبة انه مايوظف قطريين

الحين اللي انتي تبين تقولينه انه اجنبي والاجانب ماكلينا وظالمينا ومادري شنو
والله طحنا في الاجانب طيحة , وكنهم لو طلعوا احنا اللي بنمسك اشغالهم , في اجانب غير محترمين وفي محترمين
الموضوع كله علشان الكل يدخل ويعلق ويقول الاجانب سووا والاجانب سواا
اختي في مدراء قطريين اخس منه الف مرة (هذا على فرض صحة القصة)
لكن اختي شوفي , انا اشوف الغلط هنيه من صديقتج اللي تقول اعترضت
طيب اعترضت عند من؟؟؟

خليها اتروح حق مدير الفرع او مدير الفروع وصدقيني , وانا واثق من كلامي ان لو في خطأ مثل هذا راح يتصلح
لكن احنا ماعندنا الا الاجانب سواا واحنا مظلومين



:nice::nice::nice:

[Northman]

تشتكي عليه

بس بشكل رسمي

يعني ترفع فيه كتاب للاداره

و انا ماتحركو

ترفق الكتاب الموجه للاداره و تحط فوقه كتاب جديد و توجهه لاداره العمل

والل لاتقوم الدنيا و لاتقعد

مشكله هلبشر الي يستوردونهم عشان يصيرون مدار علينا ,, يظنون ان القطر مايفهم و غبي ولا يعرف ياخذ حقه

هذول ناس تخاف من القانون بس

ترتب الشطوي و تصيغها بشكل رسمي و بتنتهي السالفه

[@محمد@]

بشكل عام بعض الاجانب اذا اعطي مركز يتجاوز حدود العمل ويستغل مركزة ويظهر جبروتة على الموظفيين وتكون عداء وانتقام نفسي عن جنسيات يكون له العداء :anger1:

لازم يكون في شهود ومن بعدها يوجد مدير فرع واذا ما نفع المدير العام

بلادنا فيها خير مرة سارت معاي ولكن بطريقة ثانية مدير العملاء في البنك الرئيسي

حب يقنعني بشغلة تتجاوز حدود المنطق والعقل رحت عند المدير العام وفهمتة الموضوع

رفع سماعة التلفون وما قصر معاي كلم الى أكبر منه ومشى شغلي أحلى من العسل

اذا حاسه ومقتنعة بالتظلم تستخدم التسلسل الوظيفي بين المسئولين وبيعطونها حقها

خاصة في دولتنا الحبيبة مابيرضون عن موظفة تتهان وتستغل في العمل لكن محتاجة شوية

جراءة :shy: وشلون اتوصل المعلومه صح وتشوف الحق شلون بيوصلها أقل تقدير تنقل من الفرع.

[مشغولة البال]

اول شي الكــل معصب عشانه هندي وعصب على قطريه؟؟!!!
نزين يعني لو كان قطري وعصب على قطريه بيـكون الآمر عــادي؟؟ّ :)

هالهنود ماقووم البلد غيرهم منهم اللي يبنون ومنهم من يدير شركاات ضخمه فالبلد مايقدر اي قطري يتحمل اللي يتحملونه وغيرها
اللي احب اقووله هالهندي مب درس وتعب واجتهد عشان ياخذ هالمصب ؟؟ والا بالواسطـــه ؟؟؟
اول شي اسمح لي اخوي كاتب الموضوع لازم مانسمع الكلام من طرف واحد
ثاني شي انتوا ماتعرفون شغل البنك ولا شغل هالمسكين الهندي المسؤول اللي يقعد للساعه 7 و8 ومرات 10 ممكن يدخل السجن بسبب غلطه يعتبرها اي موظف فالبنك بسيطه
شغل التلر اهم شغله فالبنك لان الفلوس اللي نسلمها لكم ياعملاء مب من خدمة العملاء من وين ؟؟ اكيد من الصندوق اللي فيه الخزنه وهالخزنه اللي فيها الملالايين مسؤول عنها شخص واحد فقط وهو هذا اللي تقولون عنه هندي ويصارخ :)

تخيلوا الحوالات والايداع والسحب كلها وكل الشغلات المهمه من عند هالشخص المسؤول ماله حق يصارخ اذا خربوا له شغله وهو يدري وش العاقبه؟؟!!!

اللي احب اقوله لكم اي واحــد يغــلط لازم يتحمل نتيجة غلطــته هاي اللي تعلمته من شغلي فالبنك مب كل الامور نقدر نعدلها بعطيكم مثال وصار معاي مشابهه له بس الحمد لله الشخص طلع امين واتصل عالبنك ..
افرض موظف حول مبلغ وقدره مليون ريال من حساب شخص لحساب شخص بالغلط؟؟!!
وجا هالشخص اللي تحولت له الفلوس بالغلط طلع مب أميــن وسحب المبلغ :)
من بيتوهق؟؟؟ من بيدفع المبلغ حسبالكم البنك بيتحمل لاولله مايتحمل هالغلطه الا هالهندي اللي لو قعد يشتغل فالبنك مليون سنه ماطلع هالمليون هذا مثال بسيط :)

انا مادري شالموضوع بالظبط لاني سمعت من طرف واحد لكن شغل البنك دقيــــــــق مايبي له سوالف وضحك وسوالف فالتلفووون يبي له تــــركيزززز

انا اشوووف وااااااايد بناااااات فالبنك معاي ولله العظيم كله تلفون وووبس مع انهم تلر؟!!!

شلون تتكلم تلفون وتركز فالشغل؟ اكيد بتخربط وبتغلط

اخر شي احب اقووله الله يوفق الجميع بس انا ماحبيت جمله وحده واغلب اللي ردوا عالموضوع كانوا متفقين فيها وهي (هندي ويصارخ؟؟؟!!!!

ليش ليش هالكلمه؟؟ ترى هالهندي له رب وممكن يكون عليه ضغط فالشغل واللي حوله مايقدرون واللي له حق ان شااء الله ماراح يضيع واسفه عالاطــاله

[حبر سري]

اخر شي احب اقووله الله يوفق الجميع بس انا ماحبيت جمله وحده وكل اللي ردوا عالموضوع كانوا متفقين فيها وهي (هندي ويصارخ؟؟؟!!!!



انتي متاكدة ان الكل؟؟؟؟

[ANONYMOUS]

انا اقول


من حط نفسه سبوس .. العبت به الدياي

[مشغولة البال]

الآغلــــب :)

[فلفل حار]

الله يعينج علي بعض الردود الي مالها داعي

اختي اول شي تروح شؤون الموظفين تاخذ نسخه من جدولة مهامها والافضل لو تسالين الموظفين هناك بالي حاصل

وشوفي شبيقولون لج هم ادري فيكم

وانا في شغلي اسوي اشياء زياده علي عملي مالها داعي بوظيفتي بحكم انه مافي غيري يسوي هالاشياء لكن بمزاجي ، ولو بغيت ارفضه ارفضه بكل بروده ولا كفو حد يقول لا :)

[بنت المنتدى]

ولا يهمك ،،

عطنا اسم الفرع و اسم الهندي و من بكره تلقى شبابنا اللي فيهم خير يجرونه من وسط مكتبه عشان يتربى



كفووووووووو والله:nice::nice::nice:

[بنت المنتدى]

والله بصراحه لو أنا من بدالها لعنت شكل شكله مابقى اله الهنود يصارخون علي

[ذوق]

مشكوووووووورين اخواني على المرور....

والبنت بتدش عقب على الموضوع....وبتقرى الردود وبتشوف ان شاءالله الحل الانسب لها


وبالنسبة لبعض الردود الي مالها سنع...فاذا بتدل بتدل على التربيه :)

لكم ودي ِ

[السهم الذهبي 2007]

لا بد ان تتحمل العمل مع هذه البنوك الربوي الي ما فيه بركه
احسن شيء لها ان تستقيل وتشوف لها وظيفه في البنوك الاسلاميه

[hamoor4ever]

شغل البنوك بيجر عليها مشاكل ماتعلم فيها الحين ،، الافضل لك تطلع اليوم قبل باجر والارزاق بيد رب العالمين اكو مليون مكان افضل شركات البترول والهيئات افضل مليون مره من البنوك والله يعينها مب بس من الهندي من الاداره كلها

[ابوعلي]

اعتذر اختي لإغلاق الموضوع والاعضاء ما قصروا