تدري أنك تسوق 3 سيارات معاً @_@

[coolqtri]

السلام عليكم جميعاً ..

أخواني .. مرة سمعت كلمة من واحد .. أنك تسوق 3 سيارات مرة وحدة ..

أثاريه صادق .. جزاه الله خير ..

والشرح لهالمقولة .. انك اذا سقت في الشارع .. تراك تسوق 3 سيارات مع بعض ..

سيارتك .. والسيارة اللي قدامك .. والسيارة اللي وراك .. قولوا شلون ..

اها .. قلتوا شلون ..

سيارتك اللي تسوقها طبعاً .. التزم بالسواقة الصح .. والسيارة اللي قدامك .. انك ماتدعمها .. والسيارة اللي وراك .. انك ماتخليها تدعمك .. .. طبعاً كل شيء بأمرالله سبحانة وتعالى .. ولكن .. اعقل وتوكل .. وتوقع اخطاء الاخرين .. مثل التوقع..كان يقولها لي الوالد .. الله يخليه لنا .. ويخلي شيبانكم لكم .. كنت ازعل علية .. اقولة شلون يغلطون علي .. دامني اوكي في سواقتي .. اكيد محد راح يغلط عليك .. ويقوللي الله يهداك .. بتعرف بعدين .. وطلع كلامة صح .. فيه الغشم .. وفية المتمادي .. وفيه .. كروة(أخخ) .. وفية بعض الجنس الناعم:) .. (مع احترامي لهم) ..

المهم .. خذوا بعض النصايح .. وخلوها حلقة بودانكم .. ولا خلوها بمراية السيارة احسن .. حاول اذا أقبلت عالسيارة اللي قدامك .. لا تدح بريك مرة وحدة .. غلط .. امسك بريك شوي شوي .. واذا كنت عند دوار .. وتبي تحرك وتطلع منة .. اياني واياكم .. تحركون وانتوا تطالعون يسار . لاااا .. غلط .. طالع السيارة اللي قدامك .. لين مايروح بعيد.. ولا عليكم من اللي يسوون هرن وراكم .. هذولا مامنهم الا كل شر .. وعقب طالع يسار .. وحرك ..

وبس .. واهم شيء .. السرعة .. تكفون لا تسرعون .. كل المشاكل من السرعة ..

ودمتم .. للسواقة .. فنانين ..

[ســـهم]

السرعه هي التي تقف دائما خلف أغلب الحوادث

وعدم الأنتباه

شكرا لك اخوي ..

[حقيقه]

"]

شوي .. واذا كنت عند دوار .. وتبي تحرك وتطلع منة .. اياني واياكم .. تحركون وانتوا تطالعون يسار . لاااا .. غلط .. طالع السيارة اللي قدامك .. لين مايروح بعيد.. ولا عليكم من اللي يسوون هرن وراكم .. هذولا مامنهم الا كل شر .. وعقب طالع يسار .. وحرك ..
[/COLOR]


انا مايرفعون ضغطي الا اللي يضربون هرن وراي بالدوار عسا ماشر مايشوفون الزحمه يبوني اطلع وتصكني سياره جايه قسم بالله ودي انزل حق اللي يضرب هرن واعرف شغلي معاه:anger1:

[قطري هامور]

جزاك الله خير اخوي ع النصايح والله يكفيك شر الحوادث

[مزيون_قطر]

نصايح جميله والله والله يحفظ لك الوالد يارب ويخليه لك وان شاء الله الكل ياخذ بالنصايح

[ANONYMOUS]

انا عندي مثل امشي عليه

سق بحذر وتوقّع حماقة الآخرين


وشكرا ع الموضوع

[khaldoon]

بارك الله فيك اخوي العزيز على هذه النصائح الحلوه

حوادث كثيره عندنا بسبب السرعه و حوداث كثيره بسبب عدم ترك مسافه بينا وبين السياره اللي امامنا

[الخيميائي]

توخوا السلامة :)

وشكرا على النصايح

[الدوحي7]

تسلم على النصايح ،،قلت شدراه هذا يعرف اني اسوق ثلاث سيارات بس بعدين عرفت قلت في نفس الوقت قلت الظاهر الرجال شارب شي ههههههه،ترا اتغشمر لحد يزعل،،تدري ناس يبقيلها تدريب قاسي في لسواقه ،،بعض الناس يرقدون عندا الدواروبعض الناس غشيم وبعض الناس وبعض الناس واخرتها اشوف الناس في التحويلات مساكين،،

[بوخالد911]

بفريجنا اكثروا سيارات لتعليم القيادة

يبطووون الجبد لما يقربون من اللفة وانا وراهم
تقوول يمشون مشية السلحفاة !!

والأخطر الحيين سيارات اللي حجمهم كبير اقصد الشاحنات والتريلات بعد قاعدين يدربونهم بفريجنا !!@@!!

فتخيل شوارع الفرجان ضيقة وصغيرة ومو مهيئة للشاحنات أصلا

ولك ان تتصور لما تجي الشاحنة بتلف بداخل الفريج
!!@@!!

[معاند جروووحه]

الله يهدي الشباب عاد من يسمع النصايح


في وقتنا هذا كل واحد يسوي الي في رأسه

[coolqtri]

أشكر الجميع صراحة .. عالمرور والتعليق ..

معليش ماأقدر .. اكتب كل واحد باسمة .. فيني كسل غير شكل .. :nice:

وكل واحد له قدر غالي عندي ..

ودمتم .. للشوارع .. أصدقاءا ..

[فلفل حار]

شكرا اخوي

[بنت المنتدى]

والله بعض السواقه تقهر ترفع الضغط والمشكله كله يقولون الحريم مايعرفون يسووووقون !

مشكور وماقصرت

[ALRAYYAN]

والله مقولتك صحيحه اخوي ان الواحد فعلا يسوق 3 سيارات في نفس الوقت ويمكن اكثر

والله امس في الكورنيش ماشي بسرعه 60 لا لي ولا علي .. شوي ويصك واحد بريك في وجهي
والحقه ببريك قوي زين مادعمته وتدري لو دعمته .. المسكين ماله شغل اشوف قدامه الا واحد
ثالث قدام هو اللي لاف عليه .. يعني انا وياه بنتداعم وذاك مروح ماعنده مشكله

واخلي اللي صك بريك في ويهي واروح حق الثالث اللي قدام وازفه زف .. قهرني قسم بالله
بس ماشاء الله بريك الـ vxr 2008 ماله حل .. صكيت بريك قوي جان يقولي زيييييط ويوقف الموتر والله ستر محد وراي

هذه تجربه فرش امس صايره معاي
وفعلا الواحد المفروض يسوق عدل وينتبه للي حواليه
تسلم ع الموضوع وماقصرت والله يحمي الجميع يارب