المساعد الشخصي الرقمي

مشاهدة النسخة كاملة : اللي عنده خبرة بشركات الكهرباء يفيدني (ابي افتح شركة او محل )!


diamondman
22-10-2005, 06:20 PM
السلام عليكم ورحمة الله وبركاته ،،

الاخوة اعضاء المنتدى الكرام اللي عنده خبرة بسوالف شركات الكهرباء يفيدني اذا امكن !! :con2:

ودي افتح شركة صغيرة او مؤسسة للكهرباء (خلها محل بالبداية) تدرون يا جماعة الخير انه البلد فيها تطور عمراني :nice: ! في واحد من الربع عرض علي اني اشاركه بشركة مقاولات ، بس هذي الشغلة ما افهم فيها وبعد شغلها عوار راس :mad: هو اللي قال لي سالفة الكهرب وقال انه شغلها ماشي والرزق على الله سبحانه ،،،،،،،،،،، المهم يالربع اذا في حد عنده المعلومات عن شركة للكهرباء الرجاء الافادة ولكم كل الشكر !! :app:

المعلومات اللي ابغيها مثل التكلفة وعدد العمال وفنيين الكهرباء (احصلهم داخل البلاد ولا استقدمهم من الخارج !!) ، وخلاصة الموضوع كله هل المشروع مربح ومفيد وهل السوق يتحمل شركات جديدة (صغيرة على قد الـ :deal: ) ولا الدولة فيها شركات كثيرة وما ينفع افتح شركة جديدة او حتى محل واغض البصر عن المشروع ;) والارزاق بيد الله سبحانه

ارجوا الافادة يا اخوان وجزاكم الله سبحانه كل خير
بويوسف
22-10-2005, 09:03 PM
والله اخوي اذا تبي نصيحتي فانت تقدر تفتح مقاولات .. بس بيكون مقاولات كهرباء .. لانها جدا ماشية .. وبعدين اللي يبي يفتح مقاولات ممكن يبتدي بالتدريج يعني انت تفتح مقاولات كهرباء بالبداية وبعدين تتدرج اذا صار شغلك زين واسعارك جيدة بيكون الشغل ماشي باذن الله .. بس في اعتقادي لابد انك تلقى شخص ممكن يكون ايراني او هندي هذيلا احسن شي .. لان فلسطيني او مصري ماينفع .. وبالتوفيق
diamondman
23-10-2005, 06:11 PM
أسعدني مرورك الطيب اخوي بويوسف بارك الله فيك ، مشكور على النصيحة الطيبة .. طبعا اخوي كل شيء بالبداية بالتدرج !! بس اخوي الله لا يهينك ممكن اعرف اشلون احصل على العمال من ايران و الهند يعني قصدي اقدم على طلب استقدام كهربائيين وفنيين !!؟ ولا اقدر احصلهم في البلاد يعني اسوي اعلان وبعد ما احصل انقل الكفالات ؟! اسمحلي اخوي على الاسئلة الكثيرة بس تدري ما لي بالمقاولات توني (new) بالشغلة ، بحكم دراستي التجارية افهم بالحسابات والادارة بس تدري الواحد لازم يدرس اي مشروع بشكل جيد ولو كان صغير !!

مرة ثانية اخوي مشكور على مرورك الطيب وعسى الله سبحانه يوفقك دنيا والآخرة
لحظه وتمر
23-10-2005, 07:54 PM
:court: عفوآ ممكن سؤال بسيط؟؟؟

أيش تقصد بشركة بالمقاولات بالضبط؟؟؟؟ :shy:

ولكم جزيييييييييل الشكر :)

تحياتي

اليوم عليميه-------------> بكره عبقرينو :app:
بويوسف
23-10-2005, 11:19 PM
أسعدني مرورك الطيب اخوي بويوسف بارك الله فيك ، مشكور على النصيحة الطيبة .. طبعا اخوي كل شيء بالبداية بالتدرج !! بس اخوي الله لا يهينك ممكن اعرف اشلون احصل على العمال من ايران و الهند يعني قصدي اقدم على طلب استقدام كهربائيين وفنيين !!؟ ولا اقدر احصلهم في البلاد يعني اسوي اعلان وبعد ما احصل انقل الكفالات ؟! اسمحلي اخوي على الاسئلة الكثيرة بس تدري ما لي بالمقاولات توني (new) بالشغلة ، بحكم دراستي التجارية افهم بالحسابات والادارة بس تدري الواحد لازم يدرس اي مشروع بشكل جيد ولو كان صغير !!

مرة ثانية اخوي مشكور على مرورك الطيب وعسى الله سبحانه يوفقك دنيا والآخرة

جزاك الله خير على الدعوة يارب

وان شالله الله يوفقك في مشاريعك

بالنسبة للفيز فما عندي اي فكرة اذا في امكانية للحصول عليها من هذه الدول .. بس اعتقد انك لو تحصل حد بالدوحة يكون موجود بيكون احسن لانه بيكون عارف الدوحة اولا ويعرف يتكلم عربي ويعرف السوق يعني خبرة بسوقنا .. والافضل انك تدخل معاه بشراكة عشان يشتغل لك بضمير وبجد واجتهاد ..
انه ماعندي شركة ولكني اتعامل مع شركات مقاولات واذا تبي استفسر اكثر انه اعرف شركة كهرباء يشتغل في مقاولات الكهرباء وماشالله راعيها هندي وجدا ناجح لدرجة انه الحين قاعد ياخذ مقاولات حق كل شي .. لكن تخصصه كهرباء وهو هندي لكنه شخص امين وصادق في وعوده لان تعاملي معاه من سنوات..

اذا انت جاد انه بستسفر منه اكثر والله يوفقك ان شالله..
بويوسف
23-10-2005, 11:27 PM
:court: عفوآ ممكن سؤال بسيط؟؟؟

أيش تقصد بشركة بالمقاولات بالضبط؟؟؟؟ :shy:

ولكم جزيييييييييل الشكر :)

تحياتي

اليوم عليميه-------------> بكره عبقرينو :app:

اسمح لي اخوي diamondman اجيب الاخت عليمية على هالسؤال..

شركة المقاولات في مجال البناء هي شركة تتعهد ببناء المبني او السكن بدءا من الاساسات وحفر الارض الى تشطيبات المبنى.. يعني بمعنى اخر شركة فيها مدير تحته مسئول عمال foreman او مهندسين بالاضافة الى عمال وحرفيين يقومون بتنفيذ مايطلب منهم المهندس التنفيذي..

تحتوى شركة المقاولات على عمال بناء ونجاريين وعمال مواد صحية وتركيب وعمال بلاستر وعمال مهرة في قص ولحم الحديد masonry وعمال متخصصين في تركيب النوافذ والابواب طبعا كلهم يكونون تحت ادارة فورمان او يسمى رئيس العمال يكون غالبا شخص له خبرة كبيرة وذكي وذو شخصية قوية حتى يقود العمال .. ورئيس العمال ياخذ اوامره من المهندس ويسمى مهندس المشروع او مهندس الموقع..

تحياتي
diamondman
24-10-2005, 03:56 AM
مشكووووووووور اخوي بويوسف على النصائح الطيبة وجزاك الله كل خير ، عسى الله يوفقك ويبشرك بالجنة (آمين) يا رب العالمين ..

اخوي من طرفي الصراحة جاد ومتحمس للمشروع وعسى الله سبحانه يوفقنا ، واخوي اذا ما فيها كلافة ياريت تقدر تراسلني على الخاص وتعطيني ايميلك عشان ترسل لي المعلومات على الايميل .. الله لايهينك

ومشكور اخوي على ردك على سؤال الاخت عسى الله سبحانه يوفقكم
والحمدلله المنتدى فيه اخوان طيبين مثلك وشرواك ويقدمون النصائح الطيبة ..

الله إني أحب عبدك هذا فيك فأحببه واجمعنا تحت ظل عرشك يوم لا ظل إلا ظلك
لحظه وتمر
24-10-2005, 01:04 PM
بويوسف انت شئ شئ مو اي شئ :eek2:

مشكور اخوي على التوضيح :nice:

yours
3leemiah :shy:
العمهوجة
18-03-2007, 04:39 PM
:deal: أخ دايمند مان راجع مدير المنتدى الأخ انتعاش

وشاكرين لكم حسن تعاونكم
العمهوجة
19-03-2007, 08:38 PM
يـــــــــــــــــــــــــــــــــــــرفع