زوجتك تبي تسبح في البحر ؟ وين المناطق الصاده عن الناس ؟

[راعي القالات]

السلام عليكم ورحمة الله وبركاته


مثلكم عارفين ان دولتنا دولة تمتاز بالشواطىء الجميلة والرائعة

وتقدر يالواحد تروح وتسبح على كيفك

لكن من كثر الناس هالايام الواحد لما اهله يبون يروحون

البحر للسباحه والتمتع في هالنعمة اللي ربنا عطانا اياها

يحتار الرجال وين يروح وين يوديهم بحر زين وصاد عن عيون الناس

شنو نصيحتكم لمثل هالحالة ؟

وانتو لو اهلكم يبون البحر للسباحه وين تودونهم ؟

وشكرا

[حبر سري]

اخوي شوف
البحر مكان عام , فانسى اتلاقي لك مكان محد يشوفك فيه

لكن اعتقد في بعض المراكز اللي فيها خصوصية

مثل مركز في الخليج الغربي اسمه كلاود 9 , اللي سمعته ان فيه بركة سباحة

وتذكر (فمن اتقى الشبهات فقد استبرأ لدينه وعرضه) , يعني اخوي حتى هالمراكز هاذي الناس يشككون فيها , فما بالك بالبحر اللي متاح للكل؟؟؟ والله اعلم

[ابودجانه]

ياأخي الكريم المرأه تجلس وتستحم في بيتها أستر لها وأفضل .
وتقبل مروري

[بنت المنتدى]

ياأخي الكريم المرأه تجلس وتستحم في بيتها أستر لها وأفضل .
وتقبل مروري

:eek5:

والا انا احب طلعات البحر مع الاهل وبالعكس تغيير جو من ناحيه وتشوف جمال وروعه البحر من ناحيه ثانيه

انا انصحك تروح شاليهات احسن وتكون فيه خصوصيه اكثر او تروح اي مكان بس مب ايام الويكند

ويعطيك العافيه يارب

[بوبندر]

هلا اخوي ودها هذا المكان هذي تصوير اليوم الجمعه والايام العاديه ماتشوف احد
http://up.do7a.com/get-4-2008-do7a_com_0g9mcmp4.JPG (http://up.do7a.com)

[هداف]

واحد من الربع عنده شاليه راقي في الحويله للايجار وفيه سيف وخصوصيه اذا مهتم راسلني على الخاص وبعطيك رقمه

والاسياف الجنوبيه اكثرها فاضيه وتاخذ راحتك مثل ام باب والهمله وانا ارشح لك سيف ام باب امسكت ونظيف

[zeknon]

اخوي روح حق الحويلة فية اماكن كثيرة معزولة
بالتوفيق

[@@ديزل@@]

اخوي انصحك في الوكره بس غير الخميس والجمعه قريب ابوفنطاس قريب المنتزه الوكره

[المخفي]

انا مرة وديت المرة الفجر الغارية قبل كمن سنة وكانت تمشية حلوة بس هذا قبل ما يسونها كلا شاليهات

ومرة وديتها الزبارة بعيد و حلو بس الحين ما ادري كيف الوضع

ام باب بعيد بس الواحد يخاف على هله صراحة

[يونيك]

واحد من الربع عنده شاليه راقي في الحويله للايجار وفيه سيف وخصوصيه اذا مهتم راسلني على الخاص وبعطيك رقمه

والاسياف الجنوبيه اكثرها فاضيه وتاخذ راحتك مثل ام باب والهمله وانا ارشح لك سيف ام باب امسكت ونظيف



اذا راقي راقي ونظيف عطني رقمه على الخاص... :telephone:

[بوحارب]

اترس البانيو ماي

هذا احسن سيف للمرأة

[السامـي]

خابر(زكريت) عليه سيف جميل..بس مهو في أيام العطل.

[جود]

اما ضحكتوني والله وانتوا تعترضون على موضوع روحة النسوان البحر :tease:

يعني نسوان لأول مب كنهم منقعين في البحر 24 ساعة يا يغسلون ثياب يا يسبحون
لا ويطبون بدفافهم , كأنهم خثاثيق ما عندهم مشكلة :victory: ...

[فلفل حار]

اما ضحكتوني والله وانتوا تعترضون على موضوع روحة النسوان البحر :tease:

يعني نسوان لأول مب كنهم منقعين في البحر 24 ساعة يا يغسلون ثياب يا يسبحون
لا ويطبون بدفافهم , كأنهم خثاثيق ما عندهم مشكلة :victory: ...

اي والله صدقت اخوي/اختي

والشاليهات مب امان واحسن شي الشاليهات الخاصه الي فيها برج او مطله علي البحر وبعيد عن عيون الناس :)

[انتظار مصير]

روح بحر بوسمره هادي وماتلاقي حد:nice:

[حقيقه]

مافيه مكان تستانس فيه المره عندنا للاسف
حلال على غيرنا وحرام علينا
:anger1:
روح بحر بوسمره او دخان احسن لك
:nice:

[ANONYMOUS]

طق من الويكندات


روح يوم عادي وباعد عن الدوحه


اهم شي يكون عن الحرمه سلندر اوكسجين وماسك

ليحد قرب.. تغط في الماي لين يروح

:)

[صندح]

اخوي ود هلك بالليل ويكون المكان مظلم او قمره على سيف شرط تكون تعرفه و تعرف مكانه وتعرف المخارج اللي تطلع منها0 أأمن المناطق المناطق الشماليه مثل الفرجيه اللي هي شرق الخور او عريده اللي بين الخور والذخيره ولا راس مطبخ ولا لفان سيف حلو ونظيف0

بالتوفيق اخوي

تحياتي


صندح

[Darco]

أهدأ و "أقفر" سيف في قطر هو السيف الغربي بشكل عام, وسيف الهملة وسلوى بشكل خاص , خاصة في أيام الأسبوع العاديّة.

ما أتوقع بيمر عليك موتر هناك غير مواتر الخفر أو بعض القنوص وأحسن وقت مثل ماقالوا الأخوان السبوح في الليل, لأنه أستر وله جو خاص مميز.

[بوخالد911]

بحر بو سمرة

والله يعينك ع الخط الطويل

!!@@!!

[Thamer_Qat]

راس ام حصاه

بين الغاريه والمفيير

بس ودك تروح والمايه ساقيه مب ثبر
قمه في الخصوصيه والمتعه

بس شوي موحش المكان

[المخباط]

طق من الويكندات


روح يوم عادي وباعد عن الدوحه


اهم شي يكون عن الحرمه سلندر اوكسجين وماسك

ليحد قرب.. تغط في الماي لين يروح

:)

مايسوى عليها ذا البحر :swoon:

[ANONYMOUS]

مايسوى عليها ذا البحر :swoon:


اللي نوى يرقى الصعب مايهابه

:)

[حقيقه]

حلاتها في الويك اند
اشدعوه لهالدرجه يعني انتو الحين تروحون في الايام العاديه ماعتقد
حلاته الواحد يروح البحر ومايكون وراه دوام عقبها
اقووول يابو الشباب
ماعليك من الناس روح وخذ راحتك واستانس

[ارستقراطي]

اخوي الغالي انا انصحك ببحر سلوى استر لك ولاهلك والله ماتشوف بشر اذا لقيت طريق عليه ممتاز

تحياتي لك

[MoHaMmEd114]

روح مكان مستور اذا حصلت



وماعتقد انك تحصل

بالتوفيق

[coolqtri]

اخوي راعي المزاج .. شوف ..

انا مرة .. طقت في راسي البحر .. الوالدة الله يطول بعمرها .. قالت .. يمة ودني للبحر .. والله يمك اني أحس بحكة .. ولا لها دوا الا البحر .. فانا قلت في خاطري .. بحر .. بس .. أبشري بالسعد .. انتي تامرين ..

وقعدت افكر ويين .. يابو فلان ويين .. اللي اخبرة ان قطر شبة جزيرة .. والبحر .. داير مادار ..

ورحت .. ذيك الليلة .. كانت الجمعة .. ودرت كل قطر .. من العديد .. الى الشمال .. الى راس عشيرج وعقب زكريت .. ودخان على أم باب .. ووصولا للهملة ..

وكل مكان جيتة .. مرة زحمة شباب ولا اجانب يصيدون سمك .. ولا مركز وسيكورتي حق شركة بترول ولا غاز .. ومرة بيئة رايحين رادين .. ولا بعض الأخوان الله يستر عليهم .. عندهم شغل هناك .. ولا قنيص .. وهه ..

وقعد .. افكر ..

ويوم السبت الظهر .. وديتهم .. جنوبي الهملة .. وهذا احسن مكان في قطر .. أو انك تلف عقب النخش .. وبتحصل بحر يجيب العافية .. ولا فية احد .. والسيف نازل شوي .. يعني اللي بيمر .. عليك .. ماراح يدري ان فيه احد يسبح ..

وبس ..

واقولكم خبر جديد .. انه فية مشروع الشاطيء الشمالي .. بيجيك نفس شاطيء الراحة بالإمارات .. 32 كيلو .. من الريتز كارلتون .. وحتى .. سميسمة ..

ودمتم ..

[abdulla999]

روح الغارية احسن بس مش في الاجازات
يعني انا رحت يوم الاحد ولاماكن فاضية لين المغرب ولاشفت اي سيارة

[ليث العرين]

عليك ابحر الشمال

[HAYA]

راس مطبخ . بحر نظيف ومنطقة جميلة .

[اروع سهم]

البحر في الدوحة مكشوف تقدر تروح راس مطبخ اعتقد انه هادي بس النصيحة انها تسبح في الليل لان استر

[مطيع الله]

لازم تروح البحر
جب البحر عندها في البيت استر

[بوبندر]

مسكينه الحرمه عندنا كلشي ممنوع عليها...

[ورقــة أمــل]

اخوي دش على قوقل ايرث وشوف لك مكان بعيد عن الشاررع يعني داااااااااخل البرر بتلقى مكان فاضي توديهم فيه

[بوحارب]

مسكينه الحرمه عندنا كلشي ممنوع عليها...

أمر الله يقول كذا:)

[قطر501]

تسبح في حمام البيت ابرك ليش لازم بحر والا اذا الفلوس وايد حط بركة سباحة في البيت وانتهى الموضوع

[ورقــة أمــل]

أمر الله يقول كذا:)

على كيفك انت :anger1:

جيب فتوة بعد ان المره حرام تتسبح في البحر

شفيكم معقدين الحمدلله والشكرر

الدين يسر مب عسرر

لا تعقدون كل شي لحد ما الواحد يكره نفسه

[فلفل حار]

صلو علي النبي :)

[بوحارب]

على كيفك انت :anger1:

جيب فتوة بعد ان المره حرام تتسبح في البحر

شفيكم معقدين الحمدلله والشكرر

الدين يسر مب عسرر

لا تعقدون كل شي لحد ما الواحد يكره نفسه

مساج الله بالخير يمهhttp://www.qatarshares.com.qa/data/208/211/storm_145564497_1117825537.gif

[ورقــة أمــل]

أمر الله يقول كذا:)


مساج الله بالخير يمهhttp://www.qatarshares.com.qa/data/208/211/storm_145564497_1117825537.gif

:anger1::anger1:

[رقم مميز]

اخوي

انصحك با السيف الجنوبي

في هذي الان اهل المقانيص اكثرهم وقفو يعني مافيه احد يجي هناك

ابعد من السيف الشمالي دايم عالم فيه

[Bond 007]

اللي عنده رقم شاليه اخاص لا يبخل علينا

[كبتشينوو]

انصحك اتروووح ابروووق
او زكـــــريـــــت

[اروع سهم]

تسبح في حمام البيت ابرك ليش لازم بحر والا اذا الفلوس وايد حط بركة سباحة في البيت وانتهى الموضوع

فكره حلوه يبيلها الرجاجيل يطبقونها ومايروح البحر الحين الصيف جاي وماله داعي ياخذون الاسكوترات ويروحون البحر يسبحون في البيت احسن حتى ماي البيت عذب مب مالح ليش الفلوس الزايده او يشترون بركه من تويز ار اص ويمارسون هواية السباحة

[porsche]

ياأخي الكريم المرأه تجلس وتستحم في بيتها أستر لها وأفضل .
وتقبل مروري

يقولك يبغي يوديها البحر!! تقوله تستحم في البيت؟؟
:tease::tease: