استشارة بخصوص الرفرف

[راعي ال x5 الاسود]

السلام عليكم ورحمه الله وبركاته
انا عندي bmw x5 2008
ماصارلي 3 شهور من ماخذته والرفارف السود اللي حول الموتر لونهم طاير مادري من الغسيل او الشمس الله واعلم المهم رحت الشركه وعلى العلم السيارة على الضمان وقالولي مانغيره او اذا تبغي نصبغه بس المشكله لو صبغوه ملمس الرفرف مابيبين وبيطلع كانه مصبوغ لك فابغي مشورتكم ياجماعه الخير شالحل وياه ؟؟؟

[فلفل حار]

كان ودي اساعدك لكن ماعندي خلفيه بالالماني :)

موفق الشيخ

[الدوحي7]

انا بقول لك اسباب تغير اللون،،شفت الصابون هذا سبب تغير اللون لان ماينظفون السياره عن الصابون،،والشمس لها تاثير،،والحل غيرهم اوممكن في حلول ثانيه ممكن الشباب يفيدونك،،وممكن تجرب الجلاد الحراري تركبه عليهم ويكون نفس لونهم اذا حصلت وبتوفيق،،

[راعي ال x5 الاسود]

فلفل حار والدوحي 7 يعطيكم العافية على المرور وماقصرتوا

[الـخـور]

احتمال بعد يكون من الفيري اذا حطيت فيري وانت مسافر
هذا ياثر على صبغ الموتر

وحتى التغبير هذا هم ياثر

الموتر اذا كان لونه اسود بتحصله يتاثر بالغسيل وايد خصوصا ان بعض المغاسل
تستعمل رشاش ماي قوي جدا يخلي الصبغ يطير

في شي بعد لازم تعرفه .. اذا كان الرفارف بلاستيك فشي طبيعي ان الصبغ يطير لان البلاستيك مايمسك فيه الصبغ عدل ولازم تصبغه مرة ثانيه

[بـــاروود]

الله يعيينك

[Dubai]

ياخوي اضربه ببولش بودي على الرفرف و بيروح ..

جربناه و نفع ..

[راعي ال x5 الاسود]

الخور الضاهر كلامك صحيح وديته اكثر من مره المغسلة وبالفعل كان رشاشهم قوي
اخوي دبي المشكله اني ضربته بولش تم اسبوعين وجرع نفس الشي اللون املح وحزر شوي