الطلب من موقع غوتشي..لوي فيتون....

[سكر_قطر]

السلام عليكم

شلونكم يا اعضاء المنتدى :shy:

حبيت اعرف اذا في احد طلب من موقع غوتشي او لوي فيتون

هل كانت البضاعه اصليه وسليمه ولا لا؟

وشلون كانت فتره التوصيل والاسعار مقارنة بالمحلات :shy:

تحياتي للكل

[A bin M]

وعليكم السلام والرحمه

ممكن اختي الرابط للموقع :)

[Mi$$ OriGinaL]

هلا اختي :)

انا طلبت لواحد من الاعضاء محفظه لويس فيتون من موقعهم في بريطانيا

الcustomer service في بريطانيا بس الاغراض تنشحن لج من فرنسا وهذا عرفته طبعا بعد ما طرشوا لي رقم الشحنه

لازم يكون عندج بطاقة ائتمانيه من بريطانيا وعنوان في بريطانيا

مواقع الماركات الاغلبيه منهم ماعندهم overseas billing ولا shipping

وأكيد بضاعتهم اصلية وبضمان هذا ماعليه خلاف

[سكر_قطر]

ابوعوف

اظن ممنوع وضع الروابط هنيه ... عالعموم اكتب فالقوقل gucci و LV وبيطلعون لك المواقع

مس شوز

تسلمين عالرد

يعني تقصدين اروح صوب الuk shopping?

شكلنا ردينا على مشكله الفيزا لان ماعندي بطاقه بريطانيه بس عندي بريد بريطاني

ممكن اعرف الفتره عشان توصل الاغراض؟

[غـيـد]

اختيــ الموضوعـ سهلـــ وما يحتاج فيزا

انا طلبت يوم الخميس من محل لو فيتون إللي فالرياض

وطلبت من محل بربري إللي فالامارات واليوم وصلت الطلبيه

المطلوب منجــ .. تكتبين اسمج ورقم تلفونج في ورقه

وبعدين الغرض (شنطه او بوك او ميداليه) وتكتبين رقم الغرض

فالموقع بتحصلين كل غرض معاه رقم ..

.. تكتبين اسم المحل ورقمه

.. تكتبين اسم الموظف او الموظفه إللي طلبتي منها تحجز لج الاغراض

.. تكتبين السعر

وبعدها تروحين ارامكســ وعطيهم الورقهــ وبتدفعين على كل غرض 250 رسوم الخدمه

وبعدين بيحسبون لج على كل نص كيلو خمسين ريالــ .. وان شا الله بعد يومين الطلبيه بتوصل

وبيطرشون لج مسج .. وكل غرض له رقم

واذا عندج اي سؤال انا حاضرهــ

[سكر_قطر]

غيد

تسلمين عالرد

صراحه الفكره كانت تايهه عن بالي

شكلي بسوي مثل ماقلتي

بس ماقلتي لي شلون طريقة الدفع للمحل؟

وبالنسبه للـ 250 تقصدين رسوم حق ارامكس ولا زياده من المحل؟

تحياتي لج

[غـيـد]

لما تعطين ارامكس الورقه عطيهم الفلوس (قيمة الغرض) وزيادهــ 250 رسوم الخدمه حق ارامكس

[الغزال العارضية]

اختي انتي قصدج ان نسجل معلومات البضاعه ونوديها عقب حق ارامكس وهم يطلبون ؟؟

[غـيـد]

ايــ اختيــ ^____^

[غـيـد]

اذا تبينــ تستفسرينــ اكثر اتصليــ لهمــ ..

[سكر_قطر]

تسلمين حبيبتي عالرد :)